Vishnu Purana — Amsha 6 — Chapter 8
ViP 6 8.1
इत्य् एष कथितः सम्यक् तृतीयः प्रतिसंचरः आत्यन्तिको विमुक्तिर् या लयो ब्रह्मणि शाश्वते ॥
ity eṣa kathitaḥ samyak tṛtīyaḥ pratisaṃcaraḥ ātyantiko vimuktir yā layo brahmaṇi śāśvate //
Thus this third dissolution has been rightly related — the absolute one, which is liberation, dissolution in the eternal Brahman.
AI translation rendered from the Sanskrit, not a published edition
ViP 6 8.2
सर्गश् च प्रतिसर्गश् च वंशो मन्वन्तराणि च वंशानुचरितं चैव भवतो गदितं मया ॥
sargaś ca pratisargaś ca vaṃśo manvantarāṇi ca vaṃśānucaritaṃ caiva bhavato gaditaṃ mayā //
Creation and re-creation, lineage, the Manu-periods, and the deeds of the lineages have been told by me to you.
AI translation rendered from the Sanskrit, not a published edition
ViP 6 8.3
पुराणं वैष्णवं त्व् एतत् सर्वकिल्बिषनाशनम् विशिष्टं सर्वशास्त्रेभ्यः पुरुषार्थोपपादकम् ॥
purāṇaṃ vaiṣṇavaṃ tv etat sarvakilbiṣanāśanam viśiṣṭaṃ sarvaśāstrebhyaḥ puruṣārthopapādakam //
But this Vaiṣṇava Purāṇa destroys all sin, is distinguished above all scriptures, and brings about the goals of man.
AI translation rendered from the Sanskrit, not a published edition
ViP 6 8.4
तुभ्यं यथावन् मैत्रेय प्रोक्तं शुश्रूषवे ऽव्ययम् यद् अन्यद् अपि वक्तव्यं तत् पृच्छाद्य वदामि ते ॥
tubhyaṃ yathāvan maitreya proktaṃ śuśrūṣave 'vyayam yad anyad api vaktavyaṃ tat pṛcchādya vadāmi te //
To you, Maitreya, desirous of hearing, the imperishable (Purāṇa) has been duly declared; if there is anything else to be spoken, ask it now and I will tell you.
AI translation rendered from the Sanskrit, not a published edition
ViP 6 8.5
भगवन् कथितं सर्वं यत् पृष्टो ऽसि मया मुने श्रुतं चैतन् मया भक्त्या नान्यत् प्रष्टव्यम् अस्ति मे ॥
bhagavan kathitaṃ sarvaṃ yat pṛṣṭo 'si mayā mune śrutaṃ caitan mayā bhaktyā nānyat praṣṭavyam asti me //
Holy one, all that I asked of you has been told, O sage, and this I have heard with devotion; I have nothing else to ask.
AI translation rendered from the Sanskrit, not a published edition
ViP 6 8.6
विच्छिन्नाः सर्वसंदेहा वैमल्यं मनसः कृतम् त्वत्प्रसादान् मया ज्ञाता उत्पत्तिस्थितिसंयमाः ॥
vicchinnāḥ sarvasaṃdehā vaimalyaṃ manasaḥ kṛtam tvatprasādān mayā jñātā utpattisthitisaṃyamāḥ //
All my doubts are cut away, my mind has been made clear; by your grace I have come to know origination, continuance, and dissolution.
AI translation rendered from the Sanskrit, not a published edition
ViP 6 8.7
ज्ञातश् चतुर्विधो राशिः शक्तिश् च त्रिविधा गुरो विज्ञाता चापि कार्त्स्न्येन त्रिविधा भावभावना ॥
jñātaś caturvidho rāśiḥ śaktiś ca trividhā guro vijñātā cāpi kārtsnyena trividhā bhāvabhāvanā //
The fourfold aggregate has been known, and the threefold power, O teacher, and the threefold conception of existence has also been fully understood.
AI translation rendered from the Sanskrit, not a published edition — the model flagged this verse as uncertain
ViP 6 8.8
त्वत्प्रसादान् मया ज्ञातं ज्ञेयैर् अन्यैर् अलं द्विज यथैतद् अखिलं विष्णोर् जगन् न व्यतिरिच्यते ॥
tvatprasādān mayā jñātaṃ jñeyair anyair alaṃ dvija yathaitad akhilaṃ viṣṇor jagan na vyatiricyate //
By your grace I have understood — enough of other things to be known, O twice-born — how this entire world is not separate from Viṣṇu.
AI translation rendered from the Sanskrit, not a published edition
ViP 6 8.9
कृतार्थो ऽस्म्य् अपसंदेहस् त्वत्प्रसादान् महामुने वर्णधर्मादयो धर्मा विदिता यद् अशेषतः ॥
kṛtārtho 'smy apasaṃdehas tvatprasādān mahāmune varṇadharmādayo dharmā viditā yad aśeṣataḥ //
I have attained my aim and am free of doubt by your grace, great sage, since the duties of the classes and the rest have been made known completely.
AI translation rendered from the Sanskrit, not a published edition
ViP 6 8.10
प्रवृत्तं च निवृत्तं च ज्ञातं कर्म मयाखिलम् प्रसीद विप्रप्रवर नान्यत् प्रष्टव्यम् अस्ति मे ॥
pravṛttaṃ ca nivṛttaṃ ca jñātaṃ karma mayākhilam prasīda viprapravara nānyat praṣṭavyam asti me //
Action both active and cessative has been wholly understood by me; be gracious, best of brahmans, I have nothing else to ask.
AI translation rendered from the Sanskrit, not a published edition
ViP 6 8.11
यद् अस्य कथनायासैर् योजितो ऽसि मया गुरो तत् क्षम्यतां विशेषो ऽस्ति न सतां पुत्रशिष्ययोः ॥
yad asya kathanāyāsair yojito 'si mayā guro tat kṣamyatāṃ viśeṣo 'sti na satāṃ putraśiṣyayoḥ //
That I have burdened you with the labor of relating this, O teacher — let that be forgiven; for the good make no distinction between a son and a pupil.
AI translation rendered from the Sanskrit, not a published edition
ViP 6 8.12
एतत् ते यन् मयाख्यातं पुराणं वेदसंमितम् श्रुते ऽस्मिन् सर्वदोषोत्थः पापराशिः प्रणश्यति ॥
etat te yan mayākhyātaṃ purāṇaṃ vedasaṃmitam śrute 'smin sarvadoṣotthaḥ pāparāśiḥ praṇaśyati //
This Purāṇa, equal to the Veda, which I have declared to you — when it is heard, the mass of sin arising from all faults perishes.
AI translation rendered from the Sanskrit, not a published edition
ViP 6 8.13
सर्गश् च प्रतिसर्गश् च वंशो मन्वन्तराणि च वंशानुचरितं कृत्स्नं मयात्र तव कीर्तितम् ॥
sargaś ca pratisargaś ca vaṃśo manvantarāṇi ca vaṃśānucaritaṃ kṛtsnaṃ mayātra tava kīrtitam //
Creation and re-creation, lineage, the Manu-periods, and the whole account of the lineages have here been recounted by me to you.
AI translation rendered from the Sanskrit, not a published edition
ViP 6 8.14
अत्र देवास् तथा दैत्या गन्धर्वोरगराक्षसाः यक्षा विद्याधराः सिद्धाः कथ्यन्ते ऽप्सरसस् तथा ॥
atra devās tathā daityā gandharvoragarākṣasāḥ yakṣā vidyādharāḥ siddhāḥ kathyante 'psarasas tathā //
Here the gods and the Daityas, the Gandharvas, serpents and Rākṣasas, the Yakṣas, Vidyādharas, Siddhas, and likewise the Apsarases are told of.
AI translation rendered from the Sanskrit, not a published edition
ViP 6 8.15
मुनयो भावितात्मानः कथ्यन्ते तपसान्विताः चातुर्वर्ण्यं तथा पुंसां विशिष्टचरिता नराः ॥
munayo bhāvitātmānaḥ kathyante tapasānvitāḥ cāturvarṇyaṃ tathā puṃsāṃ viśiṣṭacaritā narāḥ //
The sages of disciplined selves, endowed with austerity, are told of, and likewise the four classes of men, and men of distinguished conduct.
AI translation rendered from the Sanskrit, not a published edition
ViP 6 8.16
पुण्याः प्रदेशा मेदिन्याः पुण्या नद्यो ऽथ सागराः पर्वताश् च महापुण्याश् चरितानि च धीमताम् ॥
puṇyāḥ pradeśā medinyāḥ puṇyā nadyo 'tha sāgarāḥ parvatāś ca mahāpuṇyāś caritāni ca dhīmatām //
(There are described) the holy regions of the earth, the holy rivers and the oceans, and the greatly holy mountains, and the deeds of the wise.
AI translation rendered from the Sanskrit, not a published edition
ViP 6 8.17
वर्णधर्मादयो धर्मा वेदशाखाश् च कृत्स्नशः येषां संश्रवणात् सद्यः सर्वपापैः प्रमुच्यते ॥
varṇadharmādayo dharmā vedaśākhāś ca kṛtsnaśaḥ yeṣāṃ saṃśravaṇāt sadyaḥ sarvapāpaiḥ pramucyate //
(And there are described) the duties, beginning with the duties of the classes, and the branches of the Veda in their entirety — by hearing which one is at once released from all sins.
AI translation rendered from the Sanskrit, not a published edition
ViP 6 8.18
उत्पत्तिस्थितिनाशानां हेतुर् यो जगतो ऽव्ययः स सर्वभूतः सर्वात्मा कथ्यते भगवान् हरिः ॥
utpattisthitināśānāṃ hetur yo jagato 'vyayaḥ sa sarvabhūtaḥ sarvātmā kathyate bhagavān hariḥ //
He who is the imperishable cause of the origination, continuance and destruction of the world — he, the Lord Hari, who is all beings and the self of all, is spoken of (here).
AI translation rendered from the Sanskrit, not a published edition
ViP 6 8.20
यन् नामकीर्तनं भक्त्या विलायनम् अनुत्तमम् मैत्रेयाशेषपापानां धातूनाम् इव पावकः ॥
yan nāmakīrtanaṃ bhaktyā vilāyanam anuttamam maitreyāśeṣapāpānāṃ dhātūnām iva pāvakaḥ //
(He) the chanting of whose name with devotion is the unsurpassed dissolver of all sins without remainder, Maitreya, as fire is (the smelter) of metals.
AI translation rendered from the Sanskrit, not a published edition
ViP 6 8.22
हिरण्यगर्भदेवेन्द्ररुद्रादित्याश्विवायुभिः पावकैर् वसुभिः साध्यैर् विश्वेदेवादिभिः सुरैः ॥
hiraṇyagarbhadevendrarudrādityāśvivāyubhiḥ pāvakair vasubhiḥ sādhyair viśvedevādibhiḥ suraiḥ //
With Hiraṇyagarbha, the lord of the gods (Indra), Rudra, the Ādityas, the Aśvins and the Winds, with the Fires, the Vasus, the Sādhyas, and with the gods beginning with the Viśvedevas,
AI translation rendered from the Sanskrit, not a published edition
ViP 6 8.23
यक्षरक्षोरगैः सिद्धैर् दैत्यगन्धर्वदानवैः अप्सरोभिस् तथा तारानक्षत्रैः सकलैर् ग्रहैः ॥
yakṣarakṣoragaiḥ siddhair daityagandharvadānavaiḥ apsarobhis tathā tārānakṣatraiḥ sakalair grahaiḥ //
with Yakṣas, Rākṣasas and serpents, with Siddhas, Daityas, Gandharvas and Dānavas, with Apsarases, and with the stars, the lunar mansions and all the planets,
AI translation rendered from the Sanskrit, not a published edition
ViP 6 8.24
सप्तर्षिभिस् तथा धिष्ण्यैर् धिष्ण्याधिपतिभिस् तथा ब्राह्मणाद्यैर् मनुष्यैश् च तथैव पशुभिर् मृगैः ॥
saptarṣibhis tathā dhiṣṇyair dhiṣṇyādhipatibhis tathā brāhmaṇādyair manuṣyaiś ca tathaiva paśubhir mṛgaiḥ //
with the seven sages, and with the celestial stations and the lords of those stations, and with men beginning with the Brahmins, and likewise with cattle and wild animals,
AI translation rendered from the Sanskrit, not a published edition
ViP 6 8.25
सरीसृपैर् विहंगैश् च पलाशाद्यैर् महीरुहैः वनाद्रिसागरसरित्पातालैः सधरादिभिः ॥
sarīsṛpair vihaṃgaiś ca palāśādyair mahīruhaiḥ vanādrisāgarasaritpātālaiḥ sadharādibhiḥ //
with creeping things and birds, with trees such as the palāśa, with forests, mountains, oceans, rivers and the nether worlds, together with the earth and the rest,
AI translation rendered from the Sanskrit, not a published edition
ViP 6 8.26
शब्दादिभिश् च सहितं ब्रह्माण्डम् अखिलं द्विज मेरोर् इवाणुर् यस्यैतद् यन्मयं च द्विजोत्तम ॥
śabdādibhiś ca sahitaṃ brahmāṇḍam akhilaṃ dvija meror ivāṇur yasyaitad yanmayaṃ ca dvijottama //
and together with sound and the other (objects of sense) — this whole egg of Brahmā, O twice-born, of which (Brahmā's egg) is but an atom as compared with Meru, and which consists of him, O best of the twice-born —
AI translation rendered from the Sanskrit, not a published edition — the model flagged this verse as uncertain
ViP 6 8.27
स सर्वः सर्ववित् सर्वस्वरूपो रूपवर्जितः भगवान् कीर्तितो विष्णुर् अत्र पापप्रणाशनः ॥
sa sarvaḥ sarvavit sarvasvarūpo rūpavarjitaḥ bhagavān kīrtito viṣṇur atra pāpapraṇāśanaḥ //
he who is all, who knows all, whose form is all yet who is devoid of form — the Lord Viṣṇu, destroyer of sin, is celebrated here.
AI translation rendered from the Sanskrit, not a published edition
ViP 6 8.28
यद् अश्वमेधावभृथे स्नातः प्राप्नोति वै फलम् सकलं तद् अवाप्नोति श्रुत्वैतन् मुनिसत्तम ॥
yad aśvamedhāvabhṛthe snātaḥ prāpnoti vai phalam sakalaṃ tad avāpnoti śrutvaitan munisattama //
Whatever fruit one who has bathed at the concluding ablution of a horse sacrifice obtains, all that one obtains by hearing this, O best of sages.
AI translation rendered from the Sanskrit, not a published edition
ViP 6 8.29
प्रयागे पुष्करे चैव कुरुक्षेत्रे तथार्बुदे कृतोपवासः प्राप्नोति तद् अस्य श्रवणान् नरः ॥
prayāge puṣkare caiva kurukṣetre tathārbude kṛtopavāsaḥ prāpnoti tad asya śravaṇān naraḥ //
What one who has fasted at Prayāga, at Puṣkara, at Kurukṣetra and at Arbuda obtains, that a man obtains from hearing this.
AI translation rendered from the Sanskrit, not a published edition
ViP 6 8.30
यद् अग्निहोत्रे सुहुते वर्षेणाप्नोति वै फलम् महापुण्यमयं विप्र तद् अस्य श्रवणात् सकृत् ॥
yad agnihotre suhute varṣeṇāpnoti vai phalam mahāpuṇyamayaṃ vipra tad asya śravaṇāt sakṛt //
Whatever fruit, full of great merit, one obtains in a year by the well-offered Agnihotra, that, O Brahmin, (one obtains) from hearing this once.
AI translation rendered from the Sanskrit, not a published edition
ViP 6 8.31
यज् ज्येष्ठशुक्लद्वादश्यां स्नात्वा वै यमुनाजले मथुरायां हरिं दृष्ट्वा प्राप्नोति परमां गतिम् ॥
yaj jyeṣṭhaśukladvādaśyāṃ snātvā vai yamunājale mathurāyāṃ hariṃ dṛṣṭvā prāpnoti paramāṃ gatim //
The supreme goal that one attains by bathing in the water of the Yamunā on the twelfth of the bright half of Jyeṣṭha and beholding Hari at Mathurā —
AI translation rendered from the Sanskrit, not a published edition
ViP 6 8.33
यमुनासलिले स्नातः पुरुषो मुनिसत्तम ज्येष्ठामूले ऽमले पक्षे द्वादश्याम् उपवासकृत् ॥
yamunāsalile snātaḥ puruṣo munisattama jyeṣṭhāmūle 'male pakṣe dvādaśyām upavāsakṛt //
A man who has bathed in the water of the Yamunā, O best of sages, and who keeps the fast on the twelfth of the bright fortnight in Jyeṣṭha,
AI translation rendered from the Sanskrit, not a published edition
ViP 6 8.34
समभ्यर्च्याच्युतं सम्यङ् मथुरायां समाहितः अश्वमेधस्य यज्ञस्य प्राप्नोत्य् अविकलं फलम् ॥
samabhyarcyācyutaṃ samyaṅ mathurāyāṃ samāhitaḥ aśvamedhasya yajñasya prāpnoty avikalaṃ phalam //
and, concentrated, has duly worshipped Acyuta at Mathurā, obtains the undiminished fruit of the horse sacrifice.
AI translation rendered from the Sanskrit, not a published edition
ViP 6 8.35
आलोक्यर्द्धिम् अथान्येषाम् उन्नीतानां स्ववंशजैः एतत् किलोचुर् अन्येषाम् पितरः सपितामहाः ॥
ālokyarddhim athānyeṣām unnītānāṃ svavaṃśajaiḥ etat kilocur anyeṣām pitaraḥ sapitāmahāḥ //
Seeing the prosperity of others, who had been raised up by those born in their own lines, the fathers together with the grandfathers of other (men) said this, they say:
AI translation rendered from the Sanskrit, not a published edition
ViP 6 8.36
कच्चिद् अस्मत्कुले जातः कालिन्दीसलिलाप्लुतः अर्चयिष्यति गोविन्दं मथुरायाम् उपोषितः ॥
kaccid asmatkule jātaḥ kālindīsalilāplutaḥ arcayiṣyati govindaṃ mathurāyām upoṣitaḥ //
"Will someone born in our family, bathed in the water of the Kālindī, worship Govinda at Mathurā, keeping the fast,
AI translation rendered from the Sanskrit, not a published edition
ViP 6 8.37
ज्येष्ठामूले सिते पक्षे येनैवं वयम् अप्य् उत पराम् ऋद्धिम् अवाप्स्यामस् तारिताः स्वकुलोद्भवैः ॥
jyeṣṭhāmūle site pakṣe yenaivaṃ vayam apy uta parām ṛddhim avāpsyāmas tāritāḥ svakulodbhavaiḥ //
in the bright fortnight in Jyeṣṭha, by whom we too shall thus attain the highest prosperity, ferried across by those sprung from our own family?
AI translation rendered from the Sanskrit, not a published edition
ViP 6 8.38
ज्येष्ठामूले सिते पक्षे समभ्यर्च्य जनार्दनम् धन्यानां कुलजः पिण्डान् यमुनायां प्रदास्यति ॥
jyeṣṭhāmūle site pakṣe samabhyarcya janārdanam dhanyānāṃ kulajaḥ piṇḍān yamunāyāṃ pradāsyati //
One born in the family of the fortunate will, in the bright fortnight in Jyeṣṭha, worship Janārdana and offer the funeral cakes at the Yamunā.
AI translation rendered from the Sanskrit, not a published edition
ViP 6 8.39
तस्मिन् काले समभ्यर्च्य तत्र कृष्णं समाहितः दत्त्वा पिण्डं पितृभ्यश् च यमुनासलिलाप्लुतः ॥
tasmin kāle samabhyarcya tatra kṛṣṇaṃ samāhitaḥ dattvā piṇḍaṃ pitṛbhyaś ca yamunāsalilāplutaḥ //
Having worshipped Kṛṣṇa there at that time with concentrated mind, and having offered the rice-ball to the ancestors, bathed in the water of the Yamunā —
AI translation rendered from the Sanskrit, not a published edition
ViP 6 8.40
यद् आप्नोति नरः पुण्यं तारयन् स्वपितामहान् श्रुत्वाध्यायं तद् आप्नोति पुराणस्यास्य भक्तिमान् ॥
yad āpnoti naraḥ puṇyaṃ tārayan svapitāmahān śrutvādhyāyaṃ tad āpnoti purāṇasyāsya bhaktimān //
the merit a man obtains by delivering his forefathers, that a devoted man obtains by hearing a single chapter of this Purāṇa.
AI translation rendered from the Sanskrit, not a published edition
ViP 6 8.41
एतत् संसारभीरूणां परित्राणम् अनुत्तमम् दुःस्वप्ननाशनं नॄणां सर्वदुष्टनिबर्हणम् ॥
etat saṃsārabhīrūṇāṃ paritrāṇam anuttamam duḥsvapnanāśanaṃ nṝṇāṃ sarvaduṣṭanibarhaṇam //
This is the unsurpassed rescue for those who fear transmigration, the destroyer of bad dreams for men, the crusher of all evils.
AI translation rendered from the Sanskrit, not a published edition
ViP 6 8.42
इदम् आर्षं पुरा प्राह ऋभवे कमलोद्भवः ऋभुः प्रियव्रतायाह स च भागुरये ऽब्रवीत् ॥
idam ārṣaṃ purā prāha ṛbhave kamalodbhavaḥ ṛbhuḥ priyavratāyāha sa ca bhāguraye 'bravīt //
This work of the seers the lotus-born (Brahmā) formerly declared to Ṛbhu; Ṛbhu told it to Priyavrata, and he spoke it to Bhāguri.
AI translation rendered from the Sanskrit, not a published edition
ViP 6 8.43
भागुरिः स्तम्भमित्राय दधीचाय स चोक्तवान् सारस्वताय तेनोक्तं भृगुः सारस्वताद् अपि ॥
bhāguriḥ stambhamitrāya dadhīcāya sa coktavān sārasvatāya tenoktaṃ bhṛguḥ sārasvatād api //
Bhāguri told it to Stambhamitra, and he told it to Dadhīca; by him it was told to Sārasvata, and Bhṛgu (had it) from Sārasvata too.
AI translation rendered from the Sanskrit, not a published edition
ViP 6 8.44
भृगुणा पुरुकुत्साय नर्मदायै स चोक्तवान् नर्मदा धृतराष्ट्राय नागायापूरणाय च ॥
bhṛguṇā purukutsāya narmadāyai sa coktavān narmadā dhṛtarāṣṭrāya nāgāyāpūraṇāya ca //
By Bhṛgu it was told to Purukutsa, and he told it to Narmadā; Narmadā (told it) to the nāga Dhṛtarāṣṭra and to Apūraṇa.
AI translation rendered from the Sanskrit, not a published edition
ViP 6 8.45
ताभ्यां च नागराजाय प्रोक्तं वासुकये द्विज वासुकिः प्राह वत्साय वत्सश् चाश्वतराय वै ॥
tābhyāṃ ca nāgarājāya proktaṃ vāsukaye dvija vāsukiḥ prāha vatsāya vatsaś cāśvatarāya vai //
And by those two it was told to the king of nāgas, to Vāsuki, O twice-born; Vāsuki told it to Vatsa, and Vatsa indeed to Aśvatara.
AI translation rendered from the Sanskrit, not a published edition
ViP 6 8.46
कम्बलाय च तेनोक्तम् एलापत्राय तेन वै ॥
kambalāya ca tenoktam elāpatrāya tena vai //
And by him it was told to Kambala, and by him indeed to Elāpatra.
AI translation rendered from the Sanskrit, not a published edition
ViP 6 8.47
पातालं समनुप्राप्तस् ततो वेदशिरा मुनिः प्राप्तवान् एतद् अखिलं स वै प्रमतये ददौ ॥
pātālaṃ samanuprāptas tato vedaśirā muniḥ prāptavān etad akhilaṃ sa vai pramataye dadau //
Then the sage Vedaśiras, having come down to Pātāla, obtained all of this; and he gave it to Pramati.
AI translation rendered from the Sanskrit, not a published edition
ViP 6 8.48
दत्तं प्रमतिना चैव जातूकर्णाय धीमते जातूकर्णेन चैवोक्तम् अन्येषां पुण्यशालिनाम् ॥
dattaṃ pramatinā caiva jātūkarṇāya dhīmate jātūkarṇena caivoktam anyeṣāṃ puṇyaśālinām //
And it was given by Pramati to the wise Jātūkarṇa, and by Jātūkarṇa it was told to others possessed of merit.
AI translation rendered from the Sanskrit, not a published edition
ViP 6 8.49
पुलस्त्यवरदानेन ममाप्य् एतत् स्मृतिं गतम् मयापि तुभ्यं मैत्रेय यथावत् कथितं त्व् इदम् ॥
pulastyavaradānena mamāpy etat smṛtiṃ gatam mayāpi tubhyaṃ maitreya yathāvat kathitaṃ tv idam //
By the boon of Pulastya this too came into my memory; and by me it has been related to you, Maitreya, just as it is.
AI translation rendered from the Sanskrit, not a published edition
ViP 6 8.50
त्वम् अप्य् एतच् छिनीकाय कलेर् अन्ते वदिष्यसि ॥
tvam apy etac chinīkāya kaler ante vadiṣyasi //
You too will tell this to Śinīka at the end of the Kali age.
AI translation rendered from the Sanskrit, not a published edition
ViP 6 8.51
इत्य् एतत् परमं गुह्यं कलिकल्मषनाशनम् यः शृणोति नरः पापैः स सर्वैर् द्विज मुच्यते ॥
ity etat paramaṃ guhyaṃ kalikalmaṣanāśanam yaḥ śṛṇoti naraḥ pāpaiḥ sa sarvair dvija mucyate //
Thus this supreme secret destroys the taint of Kali; the man who hears it is freed from all sins, O twice-born.
AI translation rendered from the Sanskrit, not a published edition
ViP 6 8.52
पितृयक्षमनुष्येभ्यः समस्तामरसंस्तुतिः कृता तेन भवेद् एतद् यः शृणोति दिने दिने ॥
pitṛyakṣamanuṣyebhyaḥ samastāmarasaṃstutiḥ kṛtā tena bhaved etad yaḥ śṛṇoti dine dine //
He who hears it day after day — by him praise of all the immortals is made, (and offering) to the ancestors, yakṣas and men.
AI translation rendered from the Sanskrit, not a published edition — the model flagged this verse as uncertain
ViP 6 8.53
कपिलादानजनितं पुण्यम् अत्यन्तदुर्लभम् श्रुत्वा त्व् अस्य दशाध्यायान् अवाप्नोति न संशयः ॥
kapilādānajanitaṃ puṇyam atyantadurlabham śrutvā tv asya daśādhyāyān avāpnoti na saṃśayaḥ //
The extremely hard-to-obtain merit produced by the gift of a tawny cow one obtains by hearing ten chapters of this (work); there is no doubt.
AI translation rendered from the Sanskrit, not a published edition
ViP 6 8.54
यस् त्वैतत् सकलं शृणोति पुरुषः कृत्वा मनस्य् अच्युतं सर्वं सर्वमयं समस्तजगताम् आधारम् आत्माश्रयम् ज्ञानं ज्ञेयम् अनन्तम् आदिरहितं सर्वामराणां हितं स प्राप्नोति न संशयो ऽस्त्य् अविकलं यद् वाजिमेधे फलम् ॥
yas tvaitat sakalaṃ śṛṇoti puruṣaḥ kṛtvā manasy acyutaṃ sarvaṃ sarvamayaṃ samastajagatām ādhāram ātmāśrayam jñānaṃ jñeyam anantam ādirahitaṃ sarvāmarāṇāṃ hitaṃ sa prāpnoti na saṃśayo 'sty avikalaṃ yad vājimedhe phalam //
But the man who hears all of this, holding in his mind Acyuta — the all, made of all, the support of all the worlds, resting in himself, knowledge and the knowable, endless, without beginning, the good of all the immortals — he obtains, there is no doubt, undiminished the fruit that is (won) in a horse sacrifice.
AI translation rendered from the Sanskrit, not a published edition
ViP 6 8.55
यत्रादौ भगवांश् चराचरगुरुर् मध्ये तथान्ते च स ब्रह्मज्ञानमयो ऽच्युतो ऽखिलजगन्मध्यान्तसर्गप्रभुः तच् छृण्वन् पुरुषः पवित्रपरमं भक्त्या पठन् धारयन् प्राप्नोत्य् अस्ति न तत् समस्तभुवनेष्व् एकान्तसिद्धिर् हरिः ॥
yatrādau bhagavāṃś carācaragurur madhye tathānte ca sa brahmajñānamayo 'cyuto 'khilajaganmadhyāntasargaprabhuḥ tac chṛṇvan puruṣaḥ pavitraparamaṃ bhaktyā paṭhan dhārayan prāpnoty asti na tat samastabhuvaneṣv ekāntasiddhir hariḥ //
That in which at the beginning, in the middle and at the end (stands) the Lord, teacher of moving and unmoving beings, he who consists of the knowledge of brahman, Acyuta, master of the creation, middle and end of the whole world — the man hearing that most purifying (work), reciting and holding it with devotion, attains what is not (to be had) in all the worlds: Hari, the sole perfection.
AI translation rendered from the Sanskrit, not a published edition — the model flagged this verse as uncertain
ViP 6 8.56
यस्मिन् न्यस्तमतिर् न याति नरकं स्वर्गो ऽपि यच् चिन्तने विघ्नो यत्र निवेशितात्ममनसो ब्राह्मो ऽपि लोको ऽल्पकः मुक्तिं चेतसि यः स्थितो ऽमलधियां पुंसां ददात्य् अव्ययः किं चित्रं यद् अघं प्रयाति विलयं तत्राच्युते कीर्तिते ॥
yasmin nyastamatir na yāti narakaṃ svargo 'pi yac cintane vighno yatra niveśitātmamanaso brāhmo 'pi loko 'lpakaḥ muktiṃ cetasi yaḥ sthito 'maladhiyāṃ puṃsāṃ dadāty avyayaḥ kiṃ citraṃ yad aghaṃ prayāti vilayaṃ tatrācyute kīrtite //
He on whom the mind is fixed — (that man) does not go to hell, and even heaven is an obstacle in the contemplation of him; for one whose self and mind are settled on him even the world of Brahmā is a small thing; the imperishable one, standing in the heart of men of pure understanding, gives liberation — what wonder is it that, when Acyuta is celebrated there, sin goes to dissolution?
AI translation rendered from the Sanskrit, not a published edition
ViP 6 8.57
यज्ञैर् यज्ञविदो यजन्ति सततं यज्ञेश्वरं कर्मिणो यं यं ब्रह्ममयं परापरपरं ध्यायन्ति च ज्ञानिनः यं संप्राप्य न जायते न म्रियते नो वर्धते हीयते नैवासन् न च सद् भवत्य् अति ततः किं वा हरेः श्रूयताम् ॥
yajñair yajñavido yajanti satataṃ yajñeśvaraṃ karmiṇo yaṃ yaṃ brahmamayaṃ parāparaparaṃ dhyāyanti ca jñāninaḥ yaṃ saṃprāpya na jāyate na mriyate no vardhate hīyate naivāsan na ca sad bhavaty ati tataḥ kiṃ vā hareḥ śrūyatām //
Him, the lord of sacrifice, the knowers of sacrifice, the ritualists, constantly worship with sacrifices; him, made of brahman, higher than the high and the low, the knowers meditate on; having reached whom one is not born, does not die, does not grow or diminish, and becomes neither non-existent nor existent — beyond that, what more of Hari is to be heard?
AI translation rendered from the Sanskrit, not a published edition
ViP 6 8.58
कव्यं यः पितृरूपधृग् विधिहुतं हव्यं च भुङ्क्ते विभुर् देवत्वे भगवान् अनादिनिधनः स्वाहास्वधासंज्ञितः यस्मिन् ब्रह्मणि सर्वशक्तिनिलये मानानि नो मानिनां निष्ठायै प्रभवन्ति हन्ति कलुषं श्रोत्रं स यातो हरिः ॥
kavyaṃ yaḥ pitṛrūpadhṛg vidhihutaṃ havyaṃ ca bhuṅkte vibhur devatve bhagavān anādinidhanaḥ svāhāsvadhāsaṃjñitaḥ yasmin brahmaṇi sarvaśaktinilaye mānāni no mānināṃ niṣṭhāyai prabhavanti hanti kaluṣaṃ śrotraṃ sa yāto hariḥ //
He, the all-pervading Lord without beginning or end, who taking the form of the ancestors eats the offering to the dead and, in his divinity, the oblation offered according to rule, who is named Svāhā and Svadhā; in which brahman, the abode of all powers, the measures of proud (reasoners) do not avail for a conclusion — that Hari, gone into the ear, destroys impurity.
AI translation rendered from the Sanskrit, not a published edition — the model flagged this verse as uncertain
ViP 6 8.59
नान्तो ऽस्ति यस्य न च यस्य समुद्भवो ऽस्ति वृद्धिर् न यस्य परिणामविवर्जितस्य नापक्षयं च समुपैत्य् अविकल्पवस्तु यस् तं नतो ऽस्मि पुरुषोत्तमम् ईशम् ईड्यम् ॥
nānto 'sti yasya na ca yasya samudbhavo 'sti vṛddhir na yasya pariṇāmavivarjitasya nāpakṣayaṃ ca samupaity avikalpavastu yas taṃ nato 'smi puruṣottamam īśam īḍyam //
He of whom there is no end, and of whom there is no arising; he who, being free of change, has no growth, and who, being a reality without differentiation, undergoes no diminution — to him, the highest Person, the Lord worthy of praise, I bow.
AI translation rendered from the Sanskrit, not a published edition
ViP 6 8.60
तस्यैव यो ऽनुगुणभुग् बहुधैक एव शुद्धो ऽप्य् अशुद्ध इव मूर्तिविभागभेदैः ज्ञानान्वितः सकलतत्त्वविभूतिकर्ता तस्मै नतो ऽस्मि पुरुषाय सदाव्ययाय ॥
tasyaiva yo 'nuguṇabhug bahudhaika eva śuddho 'py aśuddha iva mūrtivibhāgabhedaiḥ jñānānvitaḥ sakalatattvavibhūtikartā tasmai nato 'smi puruṣāya sadāvyayāya //
He who, belonging to that very (Person), enjoys in accordance with the qualities, being one yet manifold, pure yet as though impure through the divisions and distinctions of forms; who is joined with knowledge, the maker of all the principles and powers — to that Person, ever unperishing, I bow.
AI translation rendered from the Sanskrit, not a published edition
ViP 6 8.61
ज्ञानप्रवृत्तिनियमैक्यमयाय पुंसो भोगप्रदानपटवे त्रिगुणात्मकाय अव्याकृताय भवभावनकारणाय वन्दे स्वरूपभवनाय सदाजराय ॥
jñānapravṛttiniyamaikyamayāya puṃso bhogapradānapaṭave triguṇātmakāya avyākṛtāya bhavabhāvanakāraṇāya vande svarūpabhavanāya sadājarāya //
To him who consists of the unity of knowledge, activity and restraint; who is skilled in bestowing enjoyment upon the Person; who is of the nature of the three qualities; who is undifferentiated; who is the cause of the producing of existence — I offer praise, to him who abides in his own nature, ever unaging.
AI translation rendered from the Sanskrit, not a published edition
ViP 6 8.62
व्योमानिलाग्निजलभूरचनामयाय शब्दादिभोग्यविषयोपनयक्षमाय पुंसः समस्तकरणैर् उपकारकाय व्यक्ताय सूक्ष्मविमलाय सदा नतो ऽस्मि ॥
vyomānilāgnijalabhūracanāmayāya śabdādibhogyaviṣayopanayakṣamāya puṃsaḥ samastakaraṇair upakārakāya vyaktāya sūkṣmavimalāya sadā nato 'smi //
To him who consists in the fashioning of ether, wind, fire, water and earth; who is able to bring near the objects of enjoyment, sound and the rest; who does service to the Person by means of all the instruments (of sense and action); who is manifest, subtle and stainless — I bow always.
AI translation rendered from the Sanskrit, not a published edition
ViP 6 8.63
इति विविधम् अजस्य यस्य रूपं प्रकृतिपरात्ममयं सनातनस्य प्रदिशतु भगवान् अशेषपुंसां हरिर् अपजन्मजरादिकां स सिद्धिम् ॥
iti vividham ajasya yasya rūpaṃ prakṛtiparātmamayaṃ sanātanasya pradiśatu bhagavān aśeṣapuṃsāṃ harir apajanmajarādikāṃ sa siddhim //
Such is the manifold form of him, the unborn, the eternal, consisting of Nature (prakṛti) and the supreme Self: may the Lord Hari grant to all persons that attainment which is free of birth, old age and the rest.
AI translation rendered from the Sanskrit, not a published edition