Vishnu Purana — Amsha 6 — Chapter 7
ViP 6 7.1
न प्रार्थितं त्वया कस्मान् मम राज्यम् अकण्टकम् राज्यलाभाद् विना नान्यत् क्षत्रियाणाम् अतिप्रियम् ॥
na prārthitaṃ tvayā kasmān mama rājyam akaṇṭakam rājyalābhād vinā nānyat kṣatriyāṇām atipriyam //
"Why did you not ask for my kingdom, free of thorns? For kṣatriyas there is nothing else dearer than the winning of a kingdom."
AI translation rendered from the Sanskrit, not a published edition
ViP 6 7.2
केशिध्वज निबोध त्वं मया न प्रार्थितं यतः राज्यम् एतद् अशेषं ते यत्र गृध्नन्त्य् अपण्डिताः ॥
keśidhvaja nibodha tvaṃ mayā na prārthitaṃ yataḥ rājyam etad aśeṣaṃ te yatra gṛdhnanty apaṇḍitāḥ //
"Keśidhvaja, learn why it was not asked for by me: this whole kingdom is yours—the thing for which the unwise are greedy.
AI translation rendered from the Sanskrit, not a published edition
ViP 6 7.3
क्षत्रियाणाम् अयं धर्मो यत् प्रजापरिपालनम् वधश् च धर्मयुद्धेन स्वराज्यपरिपन्थिनाम् ॥
kṣatriyāṇām ayaṃ dharmo yat prajāparipālanam vadhaś ca dharmayuddhena svarājyaparipanthinām //
This is the dharma of kṣatriyas: the protection of the subjects, and the slaying, by righteous war, of those who stand in the way of one's own kingdom.
AI translation rendered from the Sanskrit, not a published edition
ViP 6 7.4
यत्राशक्तस्य मे दोषो नैवास्त्य् अपहृते त्वया बन्धायैव भवत्य् एषा अविद्याप्य् अक्रमोज्झिता ॥
yatrāśaktasya me doṣo naivāsty apahṛte tvayā bandhāyaiva bhavaty eṣā avidyāpy akramojjhitā //
In that matter, since I was powerless, there is no fault in me when it was taken away by you; (but) this ignorance, even when cast off out of due order, becomes a bondage all the same.
AI translation rendered from the Sanskrit, not a published edition — the model flagged this verse as uncertain
ViP 6 7.5
जन्मोपभोगलिप्सार्थम् इयं राज्यस्पृहा मम अन्येषां दोषजा नैव धर्मम् एवानुरुध्यते ॥
janmopabhogalipsārtham iyaṃ rājyaspṛhā mama anyeṣāṃ doṣajā naiva dharmam evānurudhyate //
This craving of mine for a kingdom is not, like that of others, born of a fault, aimed at the desire to enjoy (the fruits of) birth; it conforms to dharma alone.
AI translation rendered from the Sanskrit, not a published edition — the model flagged this verse as uncertain
ViP 6 7.7
राज्ये गृध्नन्त्य् अविद्वांसो ममत्वाहृतचेतसः अहंमानमहापानमदमत्ता न मादृशाः ॥
rājye gṛdhnanty avidvāṃso mamatvāhṛtacetasaḥ ahaṃmānamahāpānamadamattā na mādṛśāḥ //
The unlearned are greedy for a kingdom, their minds carried off by the sense of 'mine,' drunk with the intoxication of the great liquor of egotism—not such as I."
AI translation rendered from the Sanskrit, not a published edition
ViP 6 7.8
ततः प्रहृष्टः साध्व् इति प्राह केशिध्वजो नृपः खाण्डिक्यजनकं प्रीत्या श्रूयतां वचनं मम ॥
tataḥ prahṛṣṭaḥ sādhv iti prāha keśidhvajo nṛpaḥ khāṇḍikyajanakaṃ prītyā śrūyatāṃ vacanaṃ mama //
Then king Keśidhvaja, delighted, said "Well spoken!" and affectionately (said) to Khāṇḍikya son of Janaka: "Let my words be heard.
AI translation rendered from the Sanskrit, not a published edition
ViP 6 7.9
अहम् अविद्यया मृत्युं तर्तुकामः करोमि वै राज्यं यागांश् च विविधान् भोगैः पुण्यक्षयं तथा ॥
aham avidyayā mṛtyuṃ tartukāmaḥ karomi vai rājyaṃ yāgāṃś ca vividhān bhogaiḥ puṇyakṣayaṃ tathā //
I, wishing to cross over death by means of ignorance, carry on kingship and various sacrifices, and likewise the wasting away of merit through enjoyments.
AI translation rendered from the Sanskrit, not a published edition
ViP 6 7.10
तद् इदं ते मनो दिष्ट्या विवेकैश्वर्यतां गतम् श्रूयतां चाप्य् अविद्यायाः स्वरूपं कुलनन्दन ॥
tad idaṃ te mano diṣṭyā vivekaiśvaryatāṃ gatam śrūyatāṃ cāpy avidyāyāḥ svarūpaṃ kulanandana //
But this mind of yours has, by good fortune, attained the mastery of discrimination. Hear then the nature of ignorance, O delight of your family.
AI translation rendered from the Sanskrit, not a published edition
ViP 6 7.11
अनात्मन्य् आत्मबुद्धिर् या अस्वे स्वम् इति या मतिः अविद्यातरुसंभूतिबीजम् एतद् द्विधा स्थितम् ॥
anātmany ātmabuddhir yā asve svam iti yā matiḥ avidyātarusaṃbhūtibījam etad dvidhā sthitam //
The notion of self in what is not the self, and the thought "mine" of what is not one's own—this, standing in two forms, is the seed from which the tree of ignorance springs up.
AI translation rendered from the Sanskrit, not a published edition
ViP 6 7.12
पञ्चभूतात्मके देहे देही मोहतमोवृतः अहम् एतद् इतीत्य् उच्चैः कुरुते कुमतिर् मतिम् ॥
pañcabhūtātmake dehe dehī mohatamovṛtaḥ aham etad itīty uccaiḥ kurute kumatir matim //
The embodied one, wrapped in the darkness of delusion, in a body made of the five elements, the fool loudly forms the thought "I am this, this (is mine)."
AI translation rendered from the Sanskrit, not a published edition
ViP 6 7.13
आकाशवाय्वग्निजलपृथिवीभ्यः पृथक् स्थिते आत्मन्य् आत्ममयं भावं कः करोति कलेवरे ॥
ākāśavāyvagnijalapṛthivībhyaḥ pṛthak sthite ātmany ātmamayaṃ bhāvaṃ kaḥ karoti kalevare //
When the self stands apart from ether, wind, fire, water and earth, who makes, in the body, the notion that it consists of the self?
AI translation rendered from the Sanskrit, not a published edition
ViP 6 7.14
कलेवरोपभोग्यं हि गृहक्षेत्रादिकं च कः अदेहे ह्य् आत्मनि प्राज्ञो ममेदम् इति मन्यते ॥
kalevaropabhogyaṃ hi gṛhakṣetrādikaṃ ca kaḥ adehe hy ātmani prājño mamedam iti manyate //
And what wise man, when the self is bodiless, thinks "this is mine" of house, field and the rest, which are objects of enjoyment for the body?
AI translation rendered from the Sanskrit, not a published edition
ViP 6 7.15
इत्थं च पुत्रपौत्रेषु तद्देहोत्पादितेषु कः करोति पण्डितः स्वाम्यम् अनात्मनि कलेवरे ॥
itthaṃ ca putrapautreṣu taddehotpāditeṣu kaḥ karoti paṇḍitaḥ svāmyam anātmani kalevare //
And thus, who that is learned claims ownership over sons and grandsons, begotten by that body, in the body which is not the self?
AI translation rendered from the Sanskrit, not a published edition
ViP 6 7.16
सर्वं देहोपभोगाय कुरुते कर्म मानवः देहश् चान्यो यदा पुंसस् तदा बन्धाय तत्परम् ॥
sarvaṃ dehopabhogāya kurute karma mānavaḥ dehaś cānyo yadā puṃsas tadā bandhāya tatparam //
A man performs every act for the enjoyment of the body; and since the body is other than the self, then that (act) leads chiefly to bondage.
AI translation rendered from the Sanskrit, not a published edition
ViP 6 7.17
मृण्मयं हि यथा गेहं लिप्यते वै मृदम्भसा पार्थिवो ऽयं तथा देहो मृदम्भोलेपनस्थितिः ॥
mṛṇmayaṃ hi yathā gehaṃ lipyate vai mṛdambhasā pārthivo 'yaṃ tathā deho mṛdambholepanasthitiḥ //
For just as a house made of clay is plastered with clay and water, so this body, made of earth, subsists by being plastered with clay and water.
AI translation rendered from the Sanskrit, not a published edition
ViP 6 7.18
पञ्चभूतात्मकैर् भोगैः पञ्चभूतात्मकं वपुः आप्यायते यदि ततः पुंसो गर्वो ऽत्र किं कृतः ॥
pañcabhūtātmakair bhogaiḥ pañcabhūtātmakaṃ vapuḥ āpyāyate yadi tataḥ puṃso garvo 'tra kiṃ kṛtaḥ //
If a frame composed of the five elements is nourished by enjoyments composed of the five elements, then what ground has a man for pride in this?
AI translation rendered from the Sanskrit, not a published edition
ViP 6 7.19
अनेकजन्मसाहस्रीं संसारपदवीं व्रजन् मोहश्रमं प्रयातो ऽसौ वासनारेणुगुण्ठितः ॥
anekajanmasāhasrīṃ saṃsārapadavīṃ vrajan mohaśramaṃ prayāto 'sau vāsanāreṇuguṇṭhitaḥ //
Travelling the road of saṃsāra through many thousands of births, he has come to the weariness of delusion, coated with the dust of latent impressions.
AI translation rendered from the Sanskrit, not a published edition
ViP 6 7.20
प्रक्षाल्यते यदा सो ऽस्य रेणुर् ज्ञानोष्णवारिणा तदा संसारपान्थस्य याति मोहश्रमः शमम् ॥
prakṣālyate yadā so 'sya reṇur jñānoṣṇavāriṇā tadā saṃsārapānthasya yāti mohaśramaḥ śamam //
When that dust of his is washed away by the warm water of knowledge, then the fatigue of delusion in this traveller through saṃsāra comes to rest.
AI translation rendered from the Sanskrit, not a published edition
ViP 6 7.21
मोहश्रमे शमं याते स्वस्थान्तःकरणः पुमान् अनन्यातिशयाबाधं परं निर्वाणम् ऋच्छति ॥
mohaśrame śamaṃ yāte svasthāntaḥkaraṇaḥ pumān ananyātiśayābādhaṃ paraṃ nirvāṇam ṛcchati //
When the fatigue of delusion has come to rest, a man whose inner faculty is at ease attains the supreme extinction (nirvāṇa), which is unsurpassed by any other and undisturbed.
AI translation rendered from the Sanskrit, not a published edition
ViP 6 7.22
निर्वाणमय एवायम् आत्मा ज्ञानमयो ऽमलः दुःखाज्ञानमला धर्माः प्रकृतेस् ते तु नात्मनः ॥
nirvāṇamaya evāyam ātmā jñānamayo 'malaḥ duḥkhājñānamalā dharmāḥ prakṛtes te tu nātmanaḥ //
This self is made wholly of nirvāṇa, made of knowledge, spotless; the properties stained with suffering and ignorance belong to primal nature, not to the self.
AI translation rendered from the Sanskrit, not a published edition
ViP 6 7.23
जलस्य नाग्निसंसर्गः स्थालीसङ्गात् तथापि हि शब्दोद्रेकादिकान् धर्मांस् तत् करोति यथा मुने ॥
jalasya nāgnisaṃsargaḥ sthālīsaṅgāt tathāpi hi śabdodrekādikān dharmāṃs tat karoti yathā mune //
Water has no contact with fire, yet by contact with the pot it takes on properties such as bubbling up in sound and the rest, O sage.
AI translation rendered from the Sanskrit, not a published edition
ViP 6 7.24
तथात्मा प्रकृतेः सङ्गाद् अहंमानादिदूषितः भजते प्राकृतान् धर्मान् अन्यस् तेभ्यो हि सो ऽव्ययः ॥
tathātmā prakṛteḥ saṅgād ahaṃmānādidūṣitaḥ bhajate prākṛtān dharmān anyas tebhyo hi so 'vyayaḥ //
So too the self, through contact with primal nature, is defiled by egotism and the rest and takes on the properties of nature, though it is other than these and imperishable.
AI translation rendered from the Sanskrit, not a published edition
ViP 6 7.25
तद् एतत् कथितं बीजम् अविद्याया मया तव क्लेशानां च क्षयकरं योगाद् अन्यन् न विद्यते ॥
tad etat kathitaṃ bījam avidyāyā mayā tava kleśānāṃ ca kṣayakaraṃ yogād anyan na vidyate //
Thus this seed of ignorance has been told to you by me; and other than yoga nothing is found that destroys the afflictions.
AI translation rendered from the Sanskrit, not a published edition
ViP 6 7.26
तं ब्रवीहि महाभाग योगं योगविदुत्तम विज्ञातयोगशास्त्रार्थस् त्वम् अस्यां निमिसंततौ ॥
taṃ bravīhi mahābhāga yogaṃ yogaviduttama vijñātayogaśāstrārthas tvam asyāṃ nimisaṃtatau //
Tell me that yoga, greatly fortunate one, best of the knowers of yoga; you have understood the meaning of the yoga scriptures in this succession of moments.
AI translation rendered from the Sanskrit, not a published edition — the model flagged this verse as uncertain
ViP 6 7.27
योगस्वरूपं खाण्डिक्य श्रूयतां गदतो मम यत्र स्थितो न च्यवते प्राप्य ब्रह्मलयं मुनिः ॥
yogasvarūpaṃ khāṇḍikya śrūyatāṃ gadato mama yatra sthito na cyavate prāpya brahmalayaṃ muniḥ //
Khāṇḍikya, let the nature of yoga be heard as I speak it — abiding in which the sage does not fall away, having attained dissolution in brahman.
AI translation rendered from the Sanskrit, not a published edition
ViP 6 7.28
मन एव मनुष्याणां कारणं बन्धमोक्षयोः बन्धस्य विषयासङ्गि मुक्तेर् निर्विषयं तथा ॥
mana eva manuṣyāṇāṃ kāraṇaṃ bandhamokṣayoḥ bandhasya viṣayāsaṅgi mukter nirviṣayaṃ tathā //
The mind alone is the cause of bondage and release for human beings: clinging to objects, it is the cause of bondage; free of objects, of release.
AI translation rendered from the Sanskrit, not a published edition
ViP 6 7.29
विषयेभ्यः समाहृत्य विज्ञानात्मा मनो मुनिः चिन्तयेन् मुक्तये तेन ब्रह्मभूतं परेश्वरम् ॥
viṣayebhyaḥ samāhṛtya vijñānātmā mano muniḥ cintayen muktaye tena brahmabhūtaṃ pareśvaram //
Withdrawing the mind from objects, the sage, whose self is knowledge, should by that (mind) contemplate the supreme Lord who is brahman, for the sake of release.
AI translation rendered from the Sanskrit, not a published edition
ViP 6 7.30
आत्मभावं नयत्य् एनं तद् ब्रह्मध्यायिनं मुने विकार्यम् आत्मनः शक्त्या लोहम् आकर्षको यथा ॥
ātmabhāvaṃ nayaty enaṃ tad brahmadhyāyinaṃ mune vikāryam ātmanaḥ śaktyā loham ākarṣako yathā //
That (brahman) leads him who meditates on brahman into its own being, O sage, as the magnet by its own power (leads) iron that is to be transformed.
AI translation rendered from the Sanskrit, not a published edition
ViP 6 7.31
आत्मप्रयत्नसापेक्षा विशिष्टा या मनोगतिः तस्या ब्रह्मणि संयोगो योग इत्य् अभिधीयते ॥
ātmaprayatnasāpekṣā viśiṣṭā yā manogatiḥ tasyā brahmaṇi saṃyogo yoga ity abhidhīyate //
That distinctive movement of mind which depends on one's own effort — its joining with brahman is called yoga.
AI translation rendered from the Sanskrit, not a published edition
ViP 6 7.32
एवम् अत्यन्तवैशिष्ट्ययुक्तधर्मोपलक्षणः यस्य योगः स वै योगी मुमुक्षुर् अभिधीयते ॥
evam atyantavaiśiṣṭyayuktadharmopalakṣaṇaḥ yasya yogaḥ sa vai yogī mumukṣur abhidhīyate //
He who thus has yoga, marked by qualities endowed with the utmost distinction, is indeed called a yogin, one seeking liberation.
AI translation rendered from the Sanskrit, not a published edition
ViP 6 7.33
योगयुक् प्रथमं योगी युञ्जमानो ऽभिधीयते विनिष्पन्नसमाधिस् तु परब्रह्मोपलब्धिमान् ॥
yogayuk prathamaṃ yogī yuñjamāno 'bhidhīyate viniṣpannasamādhis tu parabrahmopalabdhimān //
At first the yogin joined to yoga is called 'one practising'; but when his absorption is accomplished, he is one who has attained the supreme brahman.
AI translation rendered from the Sanskrit, not a published edition
ViP 6 7.34
यद्य् अन्तरायदोषेण दूष्यते चास्य मानसम् जन्मान्तरैर् अभ्यसतो मुक्तिः पूर्वस्य जायते ॥
yady antarāyadoṣeṇa dūṣyate cāsya mānasam janmāntarair abhyasato muktiḥ pūrvasya jāyate //
And if his mind is defiled by the fault of an obstacle, liberation comes to the former one, practising, through further births.
AI translation rendered from the Sanskrit, not a published edition
ViP 6 7.35
विनिष्पन्नसमाधिस् तु मुक्तिं तत्रैव जन्मनि प्राप्नोति योगी योगाग्निदग्धकर्मचयो ऽचिरात् ॥
viniṣpannasamādhis tu muktiṃ tatraiva janmani prāpnoti yogī yogāgnidagdhakarmacayo 'cirāt //
But the yogin whose absorption is accomplished attains liberation in that very birth, his heap of karma burnt by the fire of yoga, before long.
AI translation rendered from the Sanskrit, not a published edition
ViP 6 7.36
ब्रह्मचर्यम् अहिंसां च सत्यास्तेयापरिग्रहान् सेवेत योगी निष्कामो योग्यतां स्वमनो नयन् ॥
brahmacaryam ahiṃsāṃ ca satyāsteyāparigrahān seveta yogī niṣkāmo yogyatāṃ svamano nayan //
The yogin, free of desire, should practise chastity, non-injury, truth, non-stealing and non-acquisition, bringing his own mind to fitness.
AI translation rendered from the Sanskrit, not a published edition
ViP 6 7.37
स्वाध्यायशौचसंतोषतपांसि नियतात्मवान् कुर्वीत ब्रह्मणि तथा परस्मिन् प्रवणं मनः ॥
svādhyāyaśaucasaṃtoṣatapāṃsi niyatātmavān kurvīta brahmaṇi tathā parasmin pravaṇaṃ manaḥ //
Self-controlled, he should perform recitation of scripture, purity, contentment and austerity, and (make) his mind inclined toward the supreme brahman.
AI translation rendered from the Sanskrit, not a published edition
ViP 6 7.38
एते यमाः सनियमाः पञ्च पञ्च प्रकीर्तिताः विशिष्टफलदाः काम्या निष्कामानां विमुक्तिदाः ॥
ete yamāḥ saniyamāḥ pañca pañca prakīrtitāḥ viśiṣṭaphaladāḥ kāmyā niṣkāmānāṃ vimuktidāḥ //
These are declared to be the five restraints together with the five observances; for those with desires they give distinctive fruits, for those without desire they give liberation.
AI translation rendered from the Sanskrit, not a published edition
ViP 6 7.39
एकं भद्रासनादीनां समास्थाय गुणैर् युतः यमाख्यैर् नियमाख्यैश् च युञ्जीत नियतो यतिः ॥
ekaṃ bhadrāsanādīnāṃ samāsthāya guṇair yutaḥ yamākhyair niyamākhyaiś ca yuñjīta niyato yatiḥ //
Taking his seat in one of the postures beginning with bhadrāsana, endowed with the qualities called restraints and those called observances, the self-controlled ascetic should practise yoga.
AI translation rendered from the Sanskrit, not a published edition
ViP 6 7.40
प्राणाख्यम् अनिलं वश्यम् अभ्यासात् कुरुते तु यत् प्राणायामः स विज्ञेयः सबीजो ऽबीज एव च ॥
prāṇākhyam anilaṃ vaśyam abhyāsāt kurute tu yat prāṇāyāmaḥ sa vijñeyaḥ sabījo 'bīja eva ca //
But when, by practice, (a yogin) makes the wind called prāṇa subject (to himself), that is to be known as breath-restraint (prāṇāyāma), both with seed and without seed.
AI translation rendered from the Sanskrit, not a published edition
ViP 6 7.41
परस्परेणाभिभवं प्राणापानौ यदानिलौ कुरुतः स द्विधानेन तृतीयः संयमात् तयोः ॥
paraspareṇābhibhavaṃ prāṇāpānau yadānilau kurutaḥ sa dvidhānena tṛtīyaḥ saṃyamāt tayoḥ //
When the two winds, prāṇa and apāna, suppress each other, that is twofold; by this (comes) the third, from the restraint of those two.
AI translation rendered from the Sanskrit, not a published edition — the model flagged this verse as uncertain
ViP 6 7.42
तस्य चालम्बनवतः स्थूलरूपं द्विजोत्तम आलम्बनम् अनन्तस्य योगिनो ऽभ्यसतः स्मृतम् ॥
tasya cālambanavataḥ sthūlarūpaṃ dvijottama ālambanam anantasya yogino 'bhyasataḥ smṛtam //
And for that (breath-restraint) which has a support, O best of the twice-born, the gross form of the Infinite One is declared to be the support of the practising yogin.
AI translation rendered from the Sanskrit, not a published edition
ViP 6 7.43
शब्दादिष्व् अनुरक्तानि निगृह्याक्षाणि योगवित् कुर्याच् चित्तानुकारीणि प्रत्याहारपरायणः ॥
śabdādiṣv anuraktāni nigṛhyākṣāṇi yogavit kuryāc cittānukārīṇi pratyāhāraparāyaṇaḥ //
The knower of yoga, intent on withdrawal (pratyāhāra), having reined in the senses that cling to sound and the rest, should make them follow the mind.
AI translation rendered from the Sanskrit, not a published edition
ViP 6 7.44
वश्यता परमा तेन जायते ऽतिचलात्मनाम् इन्द्रियाणाम् अवश्यैस् तैर् न योगी योगसाधकः ॥
vaśyatā paramā tena jāyate 'ticalātmanām indriyāṇām avaśyais tair na yogī yogasādhakaḥ //
By that, supreme mastery over the exceedingly unsteady senses arises; for while they remain unsubdued, the yogin does not accomplish yoga.
AI translation rendered from the Sanskrit, not a published edition
ViP 6 7.45
प्राणायामेन पवनैः प्रत्याहारेण चेन्द्रियैः वशीकृतैस् ततः कुर्यात् स्थितं चेतः शुभाश्रये ॥
prāṇāyāmena pavanaiḥ pratyāhāreṇa cendriyaiḥ vaśīkṛtais tataḥ kuryāt sthitaṃ cetaḥ śubhāśraye //
Then, with the winds subdued by breath-restraint and the senses by withdrawal, he should make the mind stand firm upon an auspicious support.
AI translation rendered from the Sanskrit, not a published edition
ViP 6 7.46
कथ्यतां मे महाभाग चेतसो यः शुभाश्रयः यदाधारम् अशेषं तद् धन्ति दोषसमुद्भवम् ॥
kathyatāṃ me mahābhāga cetaso yaḥ śubhāśrayaḥ yadādhāram aśeṣaṃ tad dhanti doṣasamudbhavam //
Tell me, greatly fortunate one, what is that auspicious support of the mind, resting on which it destroys entirely the springing up of faults.
AI translation rendered from the Sanskrit, not a published edition
ViP 6 7.47
आश्रयश् चेतसो ब्रह्म द्विधा तच् च स्वरूपतः भूप मूर्तम् अमूर्तं च परं चापरम् एव च ॥
āśrayaś cetaso brahma dvidhā tac ca svarūpataḥ bhūpa mūrtam amūrtaṃ ca paraṃ cāparam eva ca //
The support of the mind is brahman; and that, by its own nature, is twofold, O king: embodied and unembodied, higher and lower.
AI translation rendered from the Sanskrit, not a published edition
ViP 6 7.48
त्रिविधा भावना भूप विश्वम् एतन् निबोधताम् ब्रह्माख्या कर्मसंज्ञा च तथा चैवोभयात्मिका ॥
trividhā bhāvanā bhūpa viśvam etan nibodhatām brahmākhyā karmasaṃjñā ca tathā caivobhayātmikā //
Contemplation is of three kinds, O king — know this universe (thus): that called brahman, that called action, and that which is of both natures.
AI translation rendered from the Sanskrit, not a published edition
ViP 6 7.49
कर्मभावात्मिका ह्य् एका ब्रह्मभावात्मिकापरा उभयात्मिका तथैवान्या त्रिविधा भावभावना ॥
karmabhāvātmikā hy ekā brahmabhāvātmikāparā ubhayātmikā tathaivānyā trividhā bhāvabhāvanā //
One is of the nature of the state of action, another of the nature of the state of brahman, and another likewise of both natures: threefold is the contemplation of states.
AI translation rendered from the Sanskrit, not a published edition — the model flagged this verse as uncertain
ViP 6 7.50
सनन्दनादयो ब्रह्मभावभावनया युताः कर्मभावनया चान्ये देवाद्याः स्थावराश् चराः ॥
sanandanādayo brahmabhāvabhāvanayā yutāḥ karmabhāvanayā cānye devādyāḥ sthāvarāś carāḥ //
Sanandana and the rest are endowed with the contemplation of the state of brahman; others — gods and so on, the unmoving and the moving — with the contemplation of action.
AI translation rendered from the Sanskrit, not a published edition
ViP 6 7.51
हिरण्यगर्भादिषु च ब्रह्मकर्मात्मिका द्विधा अधिकारबोधयुक्तेषु विद्यते भावभावना ॥
hiraṇyagarbhādiṣu ca brahmakarmātmikā dvidhā adhikārabodhayukteṣu vidyate bhāvabhāvanā //
And in Hiraṇyagarbha and the others, who are endowed with (cosmic) office and with knowledge, the twofold contemplation of states, consisting of brahman and of action, is found.
AI translation rendered from the Sanskrit, not a published edition
ViP 6 7.52
अक्षीणेषु समस्तेषु विशेषज्ञानकर्मसु विश्वम् एतत् परं चान्यद् भेदभिन्नदृशां नृप ॥
akṣīṇeṣu samasteṣu viśeṣajñānakarmasu viśvam etat paraṃ cānyad bhedabhinnadṛśāṃ nṛpa //
So long as particular knowledge and actions are not all worn away, this universe, and that other, the supreme, exist for those whose sight is split by difference, O king.
AI translation rendered from the Sanskrit, not a published edition
ViP 6 7.53
प्रत्यस्तमितभेदं यत् सत्तामात्रम् अगोचरम् वचसाम् आत्मसंवेद्यं तज् ज्ञानं ब्रह्मसंज्ञितम् ॥
pratyastamitabhedaṃ yat sattāmātram agocaram vacasām ātmasaṃvedyaṃ taj jñānaṃ brahmasaṃjñitam //
That in which difference has set, which is mere being, not within the range of words, to be known by oneself — that knowledge is designated brahman.
AI translation rendered from the Sanskrit, not a published edition
ViP 6 7.54
तच् च विष्णोः परं रूपम् अरूपस्याजम् अक्षरम् विश्वस्वरूपवैरूप्यलक्षणं परमात्मनः ॥
tac ca viṣṇoḥ paraṃ rūpam arūpasyājam akṣaram viśvasvarūpavairūpyalakṣaṇaṃ paramātmanaḥ //
And that is the supreme form of Viṣṇu, who is without form, unborn, imperishable — (the form) of the Supreme Self, marked by unlikeness to the forms of the universe.
AI translation rendered from the Sanskrit, not a published edition
ViP 6 7.55
न तद् योगयुजा शक्यं नृप चिन्तयितुं यतः ततः स्थूलं हरे रूपं चिन्तयेद् विश्वगोचरम् ॥
na tad yogayujā śakyaṃ nṛpa cintayituṃ yataḥ tataḥ sthūlaṃ hare rūpaṃ cintayed viśvagocaram //
Since that cannot be meditated upon by one engaged in yoga, O king, therefore he should meditate on the gross form of Hari, which falls within the range of the universe.
AI translation rendered from the Sanskrit, not a published edition
ViP 6 7.56
हिरण्यगर्भो भगवान् वासवो ऽथ प्रजापतिः मरुतो वसवो रुद्रा भास्करास् तारका ग्रहाः ॥
hiraṇyagarbho bhagavān vāsavo 'tha prajāpatiḥ maruto vasavo rudrā bhāskarās tārakā grahāḥ //
The lord Hiraṇyagarbha, then Vāsava, Prajāpati, the Maruts, the Vasus, the Rudras, the suns, the stars, the planets,
AI translation rendered from the Sanskrit, not a published edition
ViP 6 7.57
गन्धर्वयक्षदैत्याद्याः सकला देवयोनयः मनुष्याः पशवः शैलाः समुद्राः सरितो द्रुमाः ॥
gandharvayakṣadaityādyāḥ sakalā devayonayaḥ manuṣyāḥ paśavaḥ śailāḥ samudrāḥ sarito drumāḥ //
the Gandharvas, Yakṣas, Daityas and the rest, all the classes of divine beings, men, cattle, mountains, oceans, rivers, trees,
AI translation rendered from the Sanskrit, not a published edition
ViP 6 7.58
भूप भूतान्य् अशेषाणि भूतानां ये च हेतवः प्रधानादिविशेषान्तं चेतनाचेतनात्मकम् ॥
bhūpa bhūtāny aśeṣāṇi bhūtānāṃ ye ca hetavaḥ pradhānādiviśeṣāntaṃ cetanācetanātmakam //
O king, all beings without exception, and those which are the causes of beings, from primordial matter down to the particulars, consisting of the conscious and the unconscious,
AI translation rendered from the Sanskrit, not a published edition
ViP 6 7.59
एकपादं द्विपादं च बहुपादम् अपादकम् मूर्तम् एतद् धरे रूपं भावनात्रितयात्मकम् ॥
ekapādaṃ dvipādaṃ ca bahupādam apādakam mūrtam etad dhare rūpaṃ bhāvanātritayātmakam //
one-footed, two-footed, many-footed and footless — this is the embodied form of Hari, consisting of the triad of contemplations.
AI translation rendered from the Sanskrit, not a published edition
ViP 6 7.60
एतत् सर्वम् इदं विश्वं जगद् एतच् चराचरम् परब्रह्मस्वरूपस्य विष्णोः शक्तिसमन्वितम् ॥
etat sarvam idaṃ viśvaṃ jagad etac carācaram parabrahmasvarūpasya viṣṇoḥ śaktisamanvitam //
All this — this universe, this world with its moving and unmoving beings — is pervaded by the power of Viṣṇu, whose own nature is the supreme Brahman.
AI translation rendered from the Sanskrit, not a published edition
ViP 6 7.61
विष्णुशक्तिः परा प्रोक्ता क्षेत्रज्ञाख्या तथापरा अविद्या कर्मसंज्ञान्या तृतीया शक्तिर् इष्यते ॥
viṣṇuśaktiḥ parā proktā kṣetrajñākhyā tathāparā avidyā karmasaṃjñānyā tṛtīyā śaktir iṣyate //
The power of Viṣṇu is declared to be supreme; another is that called the knower-of-the-field; and a third power is held to be ignorance, otherwise named action.
AI translation rendered from the Sanskrit, not a published edition
ViP 6 7.62
यया क्षेत्रज्ञशक्तिः सा वेष्टिता नृप सर्वगा संसारतापान् अखिलान् अवाप्नोत्य् अतिसंततान् ॥
yayā kṣetrajñaśaktiḥ sā veṣṭitā nṛpa sarvagā saṃsāratāpān akhilān avāpnoty atisaṃtatān //
Enveloped by that (third power), O king, the all-pervading power called the knower-of-the-field undergoes all the torments of transmigration, endlessly prolonged.
AI translation rendered from the Sanskrit, not a published edition
ViP 6 7.63
तया तिरोहितत्वाच् च शक्तिः क्षेत्रज्ञसंज्ञिता सर्वभूतेषु भूपाल तारतम्येन लक्ष्यते ॥
tayā tirohitatvāc ca śaktiḥ kṣetrajñasaṃjñitā sarvabhūteṣu bhūpāla tāratamyena lakṣyate //
And because it is veiled by that (ignorance), the power called the knower-of-the-field is observed in all beings, O protector of the earth, in varying degrees.
AI translation rendered from the Sanskrit, not a published edition
ViP 6 7.64
अप्राणवत्सु स्वल्पाल्पा स्थावरेषु ततो ऽधिका सरीसृपेषु तेभ्यो ऽन्याप्य् अतिशक्त्या पतत्त्रिषु ॥
aprāṇavatsu svalpālpā sthāvareṣu tato 'dhikā sarīsṛpeṣu tebhyo 'nyāpy atiśaktyā patattriṣu //
In things without breath it is very slight; in immobile (plants) greater than that; in creeping things greater than those; and in birds it is again other (i.e. greater) through surpassing power.
AI translation rendered from the Sanskrit, not a published edition
ViP 6 7.65
पतत्त्रिभ्यो मृगास् तेभ्यस् तच्छक्त्या पशवो ऽधिकाः पशुभ्यो मनुजाश् चापि शक्त्या पुंसः प्रभाविताः ॥
patattribhyo mṛgās tebhyas tacchaktyā paśavo 'dhikāḥ paśubhyo manujāś cāpi śaktyā puṃsaḥ prabhāvitāḥ //
Beyond birds are wild animals; beyond them, by that power, domestic animals are higher; higher than beasts are men; and (beyond them) are (those) endowed with the power of the Puruṣa.
AI translation rendered from the Sanskrit, not a published edition — the model flagged this verse as uncertain
ViP 6 7.66
तेभ्यो ऽपि नागगन्धर्वयक्षाद्या देवता नृप ॥
tebhyo 'pi nāgagandharvayakṣādyā devatā nṛpa //
Beyond them, O king, are the serpents, gandharvas, yakṣas and the rest, and the gods.
AI translation rendered from the Sanskrit, not a published edition
ViP 6 7.67
शक्रः समस्तदेवेभ्यस् ततश् चापि प्रजापतिः हिरण्यगर्भो ऽपि ततः पुंसः शक्त्युपलक्षितः ॥
śakraḥ samastadevebhyas tataś cāpi prajāpatiḥ hiraṇyagarbho 'pi tataḥ puṃsaḥ śaktyupalakṣitaḥ //
Above all the gods is Śakra; above him Prajāpati; and above him Hiraṇyagarbha, marked by the power of the Puruṣa.
AI translation rendered from the Sanskrit, not a published edition
ViP 6 7.68
एतान्य् अशेषरूपाणि तस्य रूपाणि पार्थिव यतस् तच्छक्तियोगेन युक्तानि नभसा यथा ॥
etāny aśeṣarūpāṇi tasya rūpāṇi pārthiva yatas tacchaktiyogena yuktāni nabhasā yathā //
All these forms without exception are his forms, O king, since they are joined to him by the connection with that power, as (all things are joined) with space.
AI translation rendered from the Sanskrit, not a published edition
ViP 6 7.69
द्वितीयं विष्णुसंज्ञस्य योगिध्येयं महामते अमूर्तं ब्रह्मणो रूपं यत् सद् इत्य् उच्यते बुधैः ॥
dvitīyaṃ viṣṇusaṃjñasya yogidhyeyaṃ mahāmate amūrtaṃ brahmaṇo rūpaṃ yat sad ity ucyate budhaiḥ //
The second form of Brahman, who bears the name Viṣṇu, is the formless one to be meditated on by yogins, O you of great mind, which the wise call 'the existent' (sat).
AI translation rendered from the Sanskrit, not a published edition
ViP 6 7.70
समस्ताः शक्तयश् चैता नृप यत्र प्रतिष्ठिताः तद् विश्वरूपरूपं वै रूपम् अन्यद् धरेर् महत् ॥
samastāḥ śaktayaś caitā nṛpa yatra pratiṣṭhitāḥ tad viśvarūparūpaṃ vai rūpam anyad dharer mahat //
That in which all these powers are established, O king, is that other great form of Hari, the form which is the universal form.
AI translation rendered from the Sanskrit, not a published edition
ViP 6 7.71
समस्तशक्तिरूपाणि तत् करोति जनेश्वर देवतिर्यङ्मनुष्यादिचेष्टावन्ति स्वलीलया ॥
samastaśaktirūpāṇi tat karoti janeśvara devatiryaṅmanuṣyādiceṣṭāvanti svalīlayā //
That (form) makes, by its own play, all the forms of its powers, O lord of men, endowed with the activities of gods, animals, men and the rest.
AI translation rendered from the Sanskrit, not a published edition
ViP 6 7.72
जगताम् उपकाराय न सा कर्मनिमित्तजा चेष्टा तस्याप्रमेयस्य व्यापिन्य् अव्याहतात्मिका ॥
jagatām upakārāya na sā karmanimittajā ceṣṭā tasyāprameyasya vyāpiny avyāhatātmikā //
(It does so) for the benefit of the worlds; that activity is not produced by the causation of karma. The activity of that immeasurable one is all-pervading and unobstructed in nature.
AI translation rendered from the Sanskrit, not a published edition
ViP 6 7.73
तद् रूपं विश्वरूपस्य तस्य योगयुजा नृप चिन्त्यम् आत्मविशुद्ध्यर्थं सर्वकिल्बिषनाशनम् ॥
tad rūpaṃ viśvarūpasya tasya yogayujā nṛpa cintyam ātmaviśuddhyarthaṃ sarvakilbiṣanāśanam //
That form of him who has the universal form, O king, is to be contemplated by one engaged in yoga, for the purification of the self; it destroys all defilement.
AI translation rendered from the Sanskrit, not a published edition
ViP 6 7.74
यथाग्निर् उद्धतशिखः कक्षं दहति सानिलः तथा चित्तस्थितो विष्णुर् योगिनां सर्वकिल्बिषम् ॥
yathāgnir uddhataśikhaḥ kakṣaṃ dahati sānilaḥ tathā cittasthito viṣṇur yogināṃ sarvakilbiṣam //
As fire with upraised flame, aided by the wind, burns up dry brushwood, so Viṣṇu, seated in the mind, (burns up) all the defilement of yogins.
AI translation rendered from the Sanskrit, not a published edition
ViP 6 7.75
तस्मात् समस्तशक्तीनाम् आधारे तत्र चेतसः कुर्वीत संस्थितिं सा तु विज्ञेया शुद्धधारणा ॥
tasmāt samastaśaktīnām ādhāre tatra cetasaḥ kurvīta saṃsthitiṃ sā tu vijñeyā śuddhadhāraṇā //
Therefore one should establish the fixing of the mind there, in that support of all the powers; that is to be known as the pure concentration.
AI translation rendered from the Sanskrit, not a published edition
ViP 6 7.76
शुभाश्रयः स चित्तस्य सर्वगस्य तथात्मनः त्रिभावभावनातीतो मुक्तये योगिनां नृप ॥
śubhāśrayaḥ sa cittasya sarvagasya tathātmanaḥ tribhāvabhāvanātīto muktaye yogināṃ nṛpa //
That is the auspicious resting-place of the mind and likewise of the all-pervading self; it is beyond the contemplation of the three states, and (leads) to the liberation of yogins, O king.
AI translation rendered from the Sanskrit, not a published edition
ViP 6 7.77
अन्ये तु पुरुषव्याघ्र चेतसो ये व्यपाश्रयाः अशुद्धास् ते समस्तास् तु देवाद्याः कर्मयोनयः ॥
anye tu puruṣavyāghra cetaso ye vyapāśrayāḥ aśuddhās te samastās tu devādyāḥ karmayonayaḥ //
But the other resting-places of the mind, O tiger among men, are all impure — the gods and the rest, which are the wombs of karma.
AI translation rendered from the Sanskrit, not a published edition
ViP 6 7.78
मूर्तं भगवतो रूपं सर्वापाश्रयनिःस्पृहम् एषा वै धारणा प्रोक्ता यच् चित्तं तत्र धार्यते ॥
mūrtaṃ bhagavato rūpaṃ sarvāpāśrayaniḥspṛham eṣā vai dhāraṇā proktā yac cittaṃ tatra dhāryate //
The embodied form of the Blessed One is free from craving for any other support; this indeed is called concentration, when the mind is held upon that.
AI translation rendered from the Sanskrit, not a published edition
ViP 6 7.79
तच् च मूर्तं हरे रूपं यादृक् चिन्त्यं नराधिप तच् छ्रूयताम् अनाधारे धारणा नोपपद्यते ॥
tac ca mūrtaṃ hare rūpaṃ yādṛk cintyaṃ narādhipa tac chrūyatām anādhāre dhāraṇā nopapadyate //
And of what sort that embodied form of Hari is, which is to be contemplated, O lord of men — let that be heard; for concentration is not possible without a support.
AI translation rendered from the Sanskrit, not a published edition
ViP 6 7.80
प्रसन्नचारुवदनं पद्मपत्त्रोपमेक्षणम् सुकपोलं सुविस्तीर्णललाटफलकोज्ज्वलम् ॥
prasannacāruvadanaṃ padmapattropamekṣaṇam sukapolaṃ suvistīrṇalalāṭaphalakojjvalam //
(Its) face serene and lovely, (its) eyes like lotus petals, (its) cheeks fair, radiant with a very broad tablet of a forehead;
AI translation rendered from the Sanskrit, not a published edition
ViP 6 7.81
समकर्णान्तविन्यस्तचारुकर्णविभूषणम् कम्बुग्रीवं सुविस्तीर्णश्रीवत्साङ्कितवक्षसम् ॥
samakarṇāntavinyastacārukarṇavibhūṣaṇam kambugrīvaṃ suvistīrṇaśrīvatsāṅkitavakṣasam //
with beautiful ear-ornaments set level at the ends of the ears, with a conch-like neck, with a broad chest marked with the śrīvatsa;
AI translation rendered from the Sanskrit, not a published edition
ViP 6 7.82
वलीत्रिभङ्गिना मग्ननाभिना चोदरेण वै प्रलम्बाष्टभुजं विष्णुम् अथवापि चतुर्भुजम् ॥
valītribhaṅginā magnanābhinā codareṇa vai pralambāṣṭabhujaṃ viṣṇum athavāpi caturbhujam //
with a belly bent into three folds and with a deep navel—(let one meditate on) Viṣṇu with eight long arms, or else with four arms;
AI translation rendered from the Sanskrit, not a published edition
ViP 6 7.83
समस्थितोरुजङ्घं च सुस्थिताङ्घ्रिकराम्बुजम् चिन्तयेद् ब्रह्मभूतं तं पीतनिर्मलवाससम् ॥
samasthitorujaṅghaṃ ca susthitāṅghrikarāmbujam cintayed brahmabhūtaṃ taṃ pītanirmalavāsasam //
with thighs and shanks evenly set, with lotus feet and hands well placed—let one contemplate him who has become Brahman, wearing spotless yellow garments,
AI translation rendered from the Sanskrit, not a published edition
ViP 6 7.84
किरीटचारुकेयूरकटकादिविभूषितम् ॥
kirīṭacārukeyūrakaṭakādivibhūṣitam //
adorned with a diadem, lovely armlets, bracelets and the rest.
AI translation rendered from the Sanskrit, not a published edition
ViP 6 7.86
तावद् यावद् दृढीभूता तत्रैव नृप धारणा व्रजतस् तिष्ठतो ऽन्यद् वा स्वेच्छया कर्म कुर्वतः नापयाति यदा चित्तात् सिद्धां मन्येत तां तदा ॥
tāvad yāvad dṛḍhībhūtā tatraiva nṛpa dhāraṇā vrajatas tiṣṭhato 'nyad vā svecchayā karma kurvataḥ nāpayāti yadā cittāt siddhāṃ manyeta tāṃ tadā //
(He should so meditate) just so long until the concentration becomes firm right there, O king; when, for one walking, standing, or doing some other action at will, it does not depart from the mind, then he should consider it accomplished.
AI translation rendered from the Sanskrit, not a published edition
ViP 6 7.87
ततः शङ्खगदाचक्रशार्ङ्गादिरहितं बुधः चिन्तयेद् भगवद्रूपं प्रशान्तं साक्षसूत्रकम् ॥
tataḥ śaṅkhagadācakraśārṅgādirahitaṃ budhaḥ cintayed bhagavadrūpaṃ praśāntaṃ sākṣasūtrakam //
Then the wise man should contemplate the form of the Lord free of conch, mace, discus, the Śārṅga bow and the rest—tranquil, holding a rosary.
AI translation rendered from the Sanskrit, not a published edition
ViP 6 7.88
सा यदा धारणा तद्वद् अवस्थानवती ततः किरीटकेयूरमुखैर् भूषणै रहितं स्मरेत् ॥
sā yadā dhāraṇā tadvad avasthānavatī tataḥ kirīṭakeyūramukhair bhūṣaṇai rahitaṃ smaret //
When that concentration likewise attains steadiness, then he should recall (the form) free of the ornaments beginning with diadem and armlets.
AI translation rendered from the Sanskrit, not a published edition
ViP 6 7.89
तद् एकावयवं देवं चेतसा हि पुनर् बुधः कुर्यात् ततो ऽवयविनि प्रणिधानपरो भवेत् ॥
tad ekāvayavaṃ devaṃ cetasā hi punar budhaḥ kuryāt tato 'vayavini praṇidhānaparo bhavet //
Then again the wise man should make that god (present) to the mind as a single limb; thereafter he should be intent on fixing (the mind) on the possessor of the limbs.
AI translation rendered from the Sanskrit, not a published edition
ViP 6 7.90
तद्रूपप्रत्यया चैका संततिश् चान्यनिःस्पृहा तद्ध्यानं प्रथमैर् अङ्गैः षड्भिर् निष्पाद्यते नृप ॥
tadrūpapratyayā caikā saṃtatiś cānyaniḥspṛhā taddhyānaṃ prathamair aṅgaiḥ ṣaḍbhir niṣpādyate nṛpa //
And a single unbroken continuity of cognition of that form, free of longing for anything else—that is meditation on him, O king, brought about by the first six limbs (of yoga).
AI translation rendered from the Sanskrit, not a published edition
ViP 6 7.91
तस्यैव कल्पनाहीनं स्वरूपग्रहणं हि यत् मनसा ध्याननिष्पाद्यं समाधिः सो ऽभिधीयते ॥
tasyaiva kalpanāhīnaṃ svarūpagrahaṇaṃ hi yat manasā dhyānaniṣpādyaṃ samādhiḥ so 'bhidhīyate //
That apprehension of his very own nature, devoid of construction, which is to be brought about by the mind through meditation—that is called samādhi.
AI translation rendered from the Sanskrit, not a published edition
ViP 6 7.92
विज्ञानं प्रापकं प्राप्ये परे ब्रह्मणि पार्थिव प्रापणीयस् तथैवात्मा प्रक्षीणाशेषभावनः ॥
vijñānaṃ prāpakaṃ prāpye pare brahmaṇi pārthiva prāpaṇīyas tathaivātmā prakṣīṇāśeṣabhāvanaḥ //
Knowledge is the means of attaining, O king, when the supreme Brahman is to be attained; and likewise the self, whose every (worldly) conception has been destroyed, is what is to be brought to attainment.
AI translation rendered from the Sanskrit, not a published edition
ViP 6 7.93
क्षेत्रज्ञः करणी ज्ञानं करणं तेन तस्य तत् निष्पाद्य मुक्तिकार्यं वै कृतकृत्यं निवर्तते ॥
kṣetrajñaḥ karaṇī jñānaṃ karaṇaṃ tena tasya tat niṣpādya muktikāryaṃ vai kṛtakṛtyaṃ nivartate //
The knower of the field is the agent, knowledge is the instrument; by that (instrument) that (attainment) is his; having accomplished the task of liberation, it ceases, its work done.
AI translation rendered from the Sanskrit, not a published edition — the model flagged this verse as uncertain
ViP 6 7.94
तद्भावभावम् आपन्नस् ततो ऽसौ परमात्मना भवत्य् अभेदी भेदश् च तस्याज्ञानकृतो भवेत् ॥
tadbhāvabhāvam āpannas tato 'sau paramātmanā bhavaty abhedī bhedaś ca tasyājñānakṛto bhavet //
Having come to have the being of that, he then becomes undivided from the supreme Self; and any division of his would be produced by ignorance.
AI translation rendered from the Sanskrit, not a published edition
ViP 6 7.95
विभेदजनके ऽज्ञाने नाशम् आत्यन्तिकं गते आत्मनो ब्रह्मणो भेदम् असन्तं कः करिष्यति ॥
vibhedajanake 'jñāne nāśam ātyantikaṃ gate ātmano brahmaṇo bhedam asantaṃ kaḥ kariṣyati //
When the ignorance that generates division has gone to utter destruction, who will make an unreal division between the self and Brahman?
AI translation rendered from the Sanskrit, not a published edition
ViP 6 7.96
इत्य् उक्तस् ते मया योगः खाण्डिक्य परिपृच्छतः संक्षेपविस्तराभ्यां तु किम् अन्यत् क्रियतां तव ॥
ity uktas te mayā yogaḥ khāṇḍikya paripṛcchataḥ saṃkṣepavistarābhyāṃ tu kim anyat kriyatāṃ tava //
Thus yoga has been declared to you by me, Khāṇḍikya, as you asked, both in brief and at length; what else may be done for you?
AI translation rendered from the Sanskrit, not a published edition
ViP 6 7.97
कथिते योगसद्भावे सर्वम् एव कृतं मम तवोपदेशेनाशेषो नष्टश् चित्तमलो यतः ॥
kathite yogasadbhāve sarvam eva kṛtaṃ mama tavopadeśenāśeṣo naṣṭaś cittamalo yataḥ //
With the true nature of yoga told, everything indeed has been done for me, since by your instruction the whole stain of my mind has been destroyed.
AI translation rendered from the Sanskrit, not a published edition
ViP 6 7.98
ममेति यन् मया चोक्तम् असद् एतन् न चान्यथा नरेन्द्र गदितुं शक्यम् अपि विज्ञेयवेदिभिः ॥
mameti yan mayā coktam asad etan na cānyathā narendra gadituṃ śakyam api vijñeyavedibhiḥ //
And what was said by me as "mine"—that is unreal; yet it cannot be spoken otherwise, O king, even by those who know what is to be known.
AI translation rendered from the Sanskrit, not a published edition
ViP 6 7.99
अहं ममेत्य् अविद्येयं व्यवहारस् तथानया परमार्थस् त्व् असंलाप्यो गोचरे वचसां न सः ॥
ahaṃ mamety avidyeyaṃ vyavahāras tathānayā paramārthas tv asaṃlāpyo gocare vacasāṃ na saḥ //
"I" and "mine"—this is ignorance; and by it, ordinary usage (goes on); but the highest reality is not to be talked of: it is not within the range of words.
AI translation rendered from the Sanskrit, not a published edition
ViP 6 7.100
तद् गच्छ श्रेयसे सर्वं ममैतद् भवता कृतम् यद् विमुक्तिप्रदो योगः प्रोक्तः केशिध्वजाव्ययः ॥
tad gaccha śreyase sarvaṃ mamaitad bhavatā kṛtam yad vimuktiprado yogaḥ proktaḥ keśidhvajāvyayaḥ //
So go, for your welfare; all this has been done for me by you, in that the imperishable yoga that bestows liberation has been declared, O Keśidhvaja.
AI translation rendered from the Sanskrit, not a published edition
ViP 6 7.101
यथार्हं पूजया तेन खाण्डिक्येन स पूजितः आजगाम पुरं ब्रह्मंस् ततः केशिध्वजो नृपः ॥
yathārhaṃ pūjayā tena khāṇḍikyena sa pūjitaḥ ājagāma puraṃ brahmaṃs tataḥ keśidhvajo nṛpaḥ //
Honored with due worship by that Khāṇḍikya, King Keśidhvaja then, O brahman, returned to his city.
AI translation rendered from the Sanskrit, not a published edition
ViP 6 7.102
खाण्डिक्यो ऽपि सुतं कृत्वा राजानं योगसिद्धये वनं जगाम गोविन्दे विनिवेशितमानसः ॥
khāṇḍikyo 'pi sutaṃ kṛtvā rājānaṃ yogasiddhaye vanaṃ jagāma govinde viniveśitamānasaḥ //
Khāṇḍikya too, having made his son king, went to the forest for the accomplishment of yoga, his mind fixed on Govinda.
AI translation rendered from the Sanskrit, not a published edition
ViP 6 7.103
तत्रैकान्तरतिर् भूत्वा यमादिगुणशोधितः विष्ण्वाख्ये निर्मले ब्रह्मण्य् अवाप नृपतिर् लयम् ॥
tatraikāntaratir bhūtvā yamādiguṇaśodhitaḥ viṣṇvākhye nirmale brahmaṇy avāpa nṛpatir layam //
There, becoming devoted to solitude and purified by the qualities beginning with restraint (yama), the king attained dissolution in the stainless Brahman known as Viṣṇu.
AI translation rendered from the Sanskrit, not a published edition
ViP 6 7.104
केशिध्वजो ऽपि मुक्त्यर्थं स्वकर्मक्षपणोन्मुखः बुभुजे विषयान् कर्म चक्रे चानभिसंधितम् ॥
keśidhvajo 'pi muktyarthaṃ svakarmakṣapaṇonmukhaḥ bubhuje viṣayān karma cakre cānabhisaṃdhitam //
Keśidhvaja too, intent on exhausting his own karma for the sake of liberation, enjoyed the objects of sense and performed action without attachment to results.
AI translation rendered from the Sanskrit, not a published edition
ViP 6 7.105
अकल्याणोपभोगैश् च क्षीणपापो ऽमलस् ततः अवाप सिद्धिम् अत्यन्ततापक्षयफलां द्विज ॥
akalyāṇopabhogaiś ca kṣīṇapāpo 'malas tataḥ avāpa siddhim atyantatāpakṣayaphalāṃ dvija //
And with his sin worn away by the enjoyment of unpleasant things, then, being stainless, he attained the perfection whose fruit is the utter cessation of suffering, O twice-born.
AI translation rendered from the Sanskrit, not a published edition