Vishnu Purana — Amsha 6 — Chapter 5
ViP 6 5.1
आध्यात्मिकादि मैत्रेय ज्ञात्वा तापत्रयं बुधः उत्पन्नज्ञानवैराग्यः प्राप्नोत्य् आत्यन्तिकं लयम् ॥
ādhyātmikādi maitreya jñātvā tāpatrayaṃ budhaḥ utpannajñānavairāgyaḥ prāpnoty ātyantikaṃ layam //
Having understood the threefold affliction, the personal and the rest, Maitreya, the wise man, in whom knowledge and detachment have arisen, attains the final dissolution.
AI translation rendered from the Sanskrit, not a published edition
ViP 6 5.2
आध्यात्मिको वै द्विविधः शारीरो मानसस् तथा शारीरो बहुभिर् भेदैर् भिद्यते श्रूयतां च सः ॥
ādhyātmiko vai dvividhaḥ śārīro mānasas tathā śārīro bahubhir bhedair bhidyate śrūyatāṃ ca saḥ //
The personal (affliction) is indeed of two kinds, bodily and mental; the bodily is divided into many varieties—let that be heard.
AI translation rendered from the Sanskrit, not a published edition
ViP 6 5.3
शिरोरोगप्रतिश्यायज्वरशूलभगंदरैः गुल्मार्शःश्वासश्वयथुच्छर्द्यादिभिर् अनेकधा ॥
śirorogapratiśyāyajvaraśūlabhagaṃdaraiḥ gulmārśaḥśvāsaśvayathucchardyādibhir anekadhā //
(It is divided) in many ways by headache, catarrh, fever, colic, fistula, abdominal tumour, piles, asthma, swelling, vomiting and the rest,
AI translation rendered from the Sanskrit, not a published edition
ViP 6 5.4
तथाक्षिरोगातीसारकुष्ठाङ्गामयसंज्ञकैः भिद्यते देहजस् तापो मानसं श्रोतुम् अर्हसि ॥
tathākṣirogātīsārakuṣṭhāṅgāmayasaṃjñakaiḥ bhidyate dehajas tāpo mānasaṃ śrotum arhasi //
and likewise by those called eye-disease, dysentery, leprosy, and diseases of the limbs—so the affliction arising from the body is divided; now you should hear about the mental (one).
AI translation rendered from the Sanskrit, not a published edition
ViP 6 5.5
कामक्रोधभयद्वेषलोभमोहविषादजः शोकासूयावमानेर्ष्यामात्सर्यादिभवस् तथा ॥
kāmakrodhabhayadveṣalobhamohaviṣādajaḥ śokāsūyāvamānerṣyāmātsaryādibhavas tathā //
Arising from desire, anger, fear, hatred, greed, delusion and dejection, and likewise coming from grief, spite, humiliation, envy, jealousy and the rest,
AI translation rendered from the Sanskrit, not a published edition
ViP 6 5.6
मानसो ऽपि द्विजश्रेष्ठ तापो भवति नैकधा इत्य् एवमादिभिर् भेदैस् तापो ह्य् आध्यात्मिकः स्मृतः ॥
mānaso 'pi dvijaśreṣṭha tāpo bhavati naikadhā ity evamādibhir bhedais tāpo hy ādhyātmikaḥ smṛtaḥ //
the mental affliction too, best of the twice-born, comes about in more than one way; by such divisions as these the affliction called "personal" is taught.
AI translation rendered from the Sanskrit, not a published edition
ViP 6 5.7
मृगपक्षिमनुष्याद्यैः पिशाचोरगराक्षसैः सरीसृपाद्यैश् च नृणां जन्यन्ते चाधिभौतिकः ॥
mṛgapakṣimanuṣyādyaiḥ piśācoragarākṣasaiḥ sarīsṛpādyaiś ca nṛṇāṃ janyante cādhibhautikaḥ //
By beasts, birds, men and the rest, by piśācas, snakes and rākṣasas, and by creeping things and the rest, the elemental (afflictions) are produced for men.
AI translation rendered from the Sanskrit, not a published edition
ViP 6 5.8
शीतोष्णवातवर्षाम्बुवैद्युतादिसमुद्भवः तापो द्विजवरश्रेष्ठ कथ्यते चाधिदैविकः ॥
śītoṣṇavātavarṣāmbuvaidyutādisamudbhavaḥ tāpo dvijavaraśreṣṭha kathyate cādhidaivikaḥ //
The affliction arising from cold, heat, wind, rain, water, lightning and the like is called the divine (affliction), O best of the excellent twice-born.
AI translation rendered from the Sanskrit, not a published edition
ViP 6 5.9
गर्भजन्मजराज्ञानमृत्युनारकजं तथा दुःखं सहस्रशो भेदैर् भिद्यते मुनिसत्तम ॥
garbhajanmajarājñānamṛtyunārakajaṃ tathā duḥkhaṃ sahasraśo bhedair bhidyate munisattama //
And the suffering born of the womb, birth, old age, ignorance, death and hell is divided into thousands of kinds, O best of sages.
AI translation rendered from the Sanskrit, not a published edition
ViP 6 5.10
सुकुमारतनुर् गर्भे जन्तुर् बहुमलावृते उल्बसंवेष्टितो भुग्नपृष्ठग्रीवास्थिसंहतिः ॥
sukumāratanur garbhe jantur bahumalāvṛte ulbasaṃveṣṭito bhugnapṛṣṭhagrīvāsthisaṃhatiḥ //
In the womb, which is covered with much filth, the creature with its very tender body, wrapped in the membrane, its backbone and neck-bones bent into a heap,
AI translation rendered from the Sanskrit, not a published edition
ViP 6 5.11
अत्यम्लकटुतीक्ष्णोष्णलवणैर् मातृभोजनैः अतितापिभिर् अत्यर्थं वर्धमानातिवेदनः ॥
atyamlakaṭutīkṣṇoṣṇalavaṇair mātṛbhojanaiḥ atitāpibhir atyarthaṃ vardhamānātivedanaḥ //
has its extreme pain increased exceedingly by the mother's foods—too sour, pungent, sharp, hot, salty—which burn it greatly.
AI translation rendered from the Sanskrit, not a published edition
ViP 6 5.12
प्रसारणाकुञ्चनादौ नाङ्गानां प्रभुर् आत्मनः शकृन्मूत्रमहापङ्कशायी सर्वत्रपीडितः ॥
prasāraṇākuñcanādau nāṅgānāṃ prabhur ātmanaḥ śakṛnmūtramahāpaṅkaśāyī sarvatrapīḍitaḥ //
It is not master of its own limbs for stretching, bending and the like; lying in the great mire of excrement and urine, it is pressed on every side.
AI translation rendered from the Sanskrit, not a published edition
ViP 6 5.13
निरुच्छ्वासः सचैतन्यः स्मरञ् जन्मशतान्य् अथ आस्ते गर्भे ऽतिदुःखेन निजकर्मनिबन्धनः ॥
nirucchvāsaḥ sacaitanyaḥ smarañ janmaśatāny atha āste garbhe 'tiduḥkhena nijakarmanibandhanaḥ //
Without breath, yet conscious, remembering hundreds of births, it stays in the womb in great pain, bound by its own deeds.
AI translation rendered from the Sanskrit, not a published edition
ViP 6 5.14
जायमानः पुरीषासृङ्मूत्रशुक्राविलाननः प्राजापत्येन वातेन पीड्यमानास्थिबन्धनः ॥
jāyamānaḥ purīṣāsṛṅmūtraśukrāvilānanaḥ prājāpatyena vātena pīḍyamānāsthibandhanaḥ //
Being born, its face smeared with faeces, blood, urine and semen, its bone-joints crushed by the wind of Prajāpati,
AI translation rendered from the Sanskrit, not a published edition
ViP 6 5.15
अधोमुखो वै क्रियते प्रबलैः सूतिमारुतैः क्लेशैर् निष्क्रान्तिम् आप्नोति जठरान् मातुर् आतुरः ॥
adhomukho vai kriyate prabalaiḥ sūtimārutaiḥ kleśair niṣkrāntim āpnoti jaṭharān mātur āturaḥ //
He is turned head-downward by the powerful birth-winds; with pain, in distress, he gets his exit from the mother's belly.
AI translation rendered from the Sanskrit, not a published edition
ViP 6 5.16
मूर्च्छाम् अवाप्य महतीं संस्पृष्टो बाह्यवायुना विज्ञानभ्रंशम् आप्नोति जातश् च मुनिसत्तम ॥
mūrcchām avāpya mahatīṃ saṃspṛṣṭo bāhyavāyunā vijñānabhraṃśam āpnoti jātaś ca munisattama //
Falling into a great swoon, touched by the outer air, he suffers a loss of consciousness once born, O best of sages.
AI translation rendered from the Sanskrit, not a published edition
ViP 6 5.17
कण्टकैर् इव तुन्नाङ्गः क्रकचैर् इव दारितः पूतिव्रणान् निपतितो धरण्यां कृमिको यथा ॥
kaṇṭakair iva tunnāṅgaḥ krakacair iva dāritaḥ pūtivraṇān nipatito dharaṇyāṃ kṛmiko yathā //
His body pricked as if by thorns, torn as if by saws, he has fallen from a festering sore onto the ground like a worm.
AI translation rendered from the Sanskrit, not a published edition
ViP 6 5.18
कण्डूयने ऽपि चाशक्तः परिवर्ते ऽप्य् अनीश्वरः स्नानपानादिकाहारम् अवाप्नोति परेच्छया ॥
kaṇḍūyane 'pi cāśaktaḥ parivarte 'py anīśvaraḥ snānapānādikāhāram avāpnoti parecchayā //
Unable even to scratch himself, powerless even to turn over, he obtains bathing, drink, food and the rest only by another's will.
AI translation rendered from the Sanskrit, not a published edition
ViP 6 5.19
अशुचिप्रस्तरे सुप्तः कीटदंशादिभिस् तथा भक्ष्यमाणो ऽपि नैवैषां समर्थो विनिवारणे ॥
aśuciprastare suptaḥ kīṭadaṃśādibhis tathā bhakṣyamāṇo 'pi naivaiṣāṃ samartho vinivāraṇe //
Laid on an unclean bed, and though being eaten by insects, gnats and the like, he is not able to ward them off.
AI translation rendered from the Sanskrit, not a published edition
ViP 6 5.20
जन्मदुःखान्य् अनेकानि जन्मनो ऽनन्तराणि च बालभावे यदाप्नोति आधिभौतादिकानि च ॥
janmaduḥkhāny anekāni janmano 'nantarāṇi ca bālabhāve yadāpnoti ādhibhautādikāni ca //
Many are the sufferings of birth and those that follow immediately upon birth, and those which one undergoes in childhood, arising from the elements and so on.
AI translation rendered from the Sanskrit, not a published edition
ViP 6 5.21
अज्ञानतमसाच्छन्नो मूढान्तःकरणो नरः न जानाति कुतः को ऽहं क्वाहं गन्ता किमात्मकः ॥
ajñānatamasācchanno mūḍhāntaḥkaraṇo naraḥ na jānāti kutaḥ ko 'haṃ kvāhaṃ gantā kimātmakaḥ //
Covered over by the darkness of ignorance, his inner faculty deluded, a man does not know: whence and who am I, where shall I go, of what nature am I?
AI translation rendered from the Sanskrit, not a published edition
ViP 6 5.22
केन बन्धेन बद्धो ऽहं कारणं किम् अकारणम् किं कार्यं किम् अकार्यं वा किं वाच्यं किं च नोच्यते ॥
kena bandhena baddho 'haṃ kāraṇaṃ kim akāraṇam kiṃ kāryaṃ kim akāryaṃ vā kiṃ vācyaṃ kiṃ ca nocyate //
By what bond am I bound, what is a cause and what not a cause, what is to be done or not to be done, what is to be said and what is not said?
AI translation rendered from the Sanskrit, not a published edition
ViP 6 5.23
को ऽधर्मः कश् च वै धर्मः कस्मिन् वर्ते ऽथवा कथम् किं कर्तव्यम् अकर्तव्यं किं वा किं गुणदोषवत् ॥
ko 'dharmaḥ kaś ca vai dharmaḥ kasmin varte 'thavā katham kiṃ kartavyam akartavyaṃ kiṃ vā kiṃ guṇadoṣavat //
What is unrighteousness and what is righteousness, in what or how should I conduct myself, what is to be done or not done, what has merit and what fault?
AI translation rendered from the Sanskrit, not a published edition
ViP 6 5.24
एवं पशुसमैर् मूढैर् अज्ञानप्रभवं महत् अवाप्यते नरैर् दुःखं शिश्नोदरपरायणैः ॥
evaṃ paśusamair mūḍhair ajñānaprabhavaṃ mahat avāpyate narair duḥkhaṃ śiśnodaraparāyaṇaiḥ //
Thus by deluded men, like beasts, devoted to their genitals and bellies, great suffering born of ignorance is incurred.
AI translation rendered from the Sanskrit, not a published edition
ViP 6 5.25
अज्ञानं तामसो भावः कार्यारम्भाप्रवृत्तयः अज्ञानिनां प्रवर्तन्ते कर्मलोपास् ततो द्विज ॥
ajñānaṃ tāmaso bhāvaḥ kāryārambhāpravṛttayaḥ ajñānināṃ pravartante karmalopās tato dvija //
Ignorance is a tamasic state; (from it come) failures to undertake what should be done; for the ignorant, lapses of (prescribed) rites arise from that, O twice-born.
AI translation rendered from the Sanskrit, not a published edition
ViP 6 5.26
नरकं कर्मणां लोपात् फलम् आहुर् महर्षयः तस्माद् अज्ञानिनां दुःखम् इह चामुत्र चोत्तमम् ॥
narakaṃ karmaṇāṃ lopāt phalam āhur maharṣayaḥ tasmād ajñānināṃ duḥkham iha cāmutra cottamam //
The great seers say that hell is the fruit of the omission of rites; therefore the suffering of the ignorant is extreme both here and hereafter.
AI translation rendered from the Sanskrit, not a published edition
ViP 6 5.27
जराजर्जरदेहश् च शिथिलावयवः पुमान् विचलच्छीर्णदशनो वलिस्नायुशिरावृतः ॥
jarājarjaradehaś ca śithilāvayavaḥ pumān vicalacchīrṇadaśano valisnāyuśirāvṛtaḥ //
And a man whose body is decrepit with old age, his limbs slack, his teeth loose or broken, covered over with wrinkles, sinews and veins;
AI translation rendered from the Sanskrit, not a published edition
ViP 6 5.28
दूरप्रणष्टनयनो व्योमान्तर्गततारकः नासाविवरनिर्यातलोमपुञ्जश् चलद्वपुः ॥
dūrapraṇaṣṭanayano vyomāntargatatārakaḥ nāsāvivaraniryātalomapuñjaś caladvapuḥ //
his eyes long since gone, their pupils turned up into the sky, tufts of hair sticking out of his nostrils, his body trembling;
AI translation rendered from the Sanskrit, not a published edition
ViP 6 5.29
प्रकटीभूतसर्वास्थिर् नतपृष्ठास्थिसंहतिः उत्सन्नजठराग्नित्वाद् अल्पाहारो ऽल्पचेष्टितः ॥
prakaṭībhūtasarvāsthir natapṛṣṭhāsthisaṃhatiḥ utsannajaṭharāgnitvād alpāhāro 'lpaceṣṭitaḥ //
all his bones showing, the frame of his backbone bent, eating little and moving little because his digestive fire is extinguished;
AI translation rendered from the Sanskrit, not a published edition
ViP 6 5.30
कृच्छ्राच् चङ्क्रमणोत्थानशयनासनचेष्टितः मन्दीभवच्छ्रोत्रनेत्रः स्रवल्लालाविलाननः ॥
kṛcchrāc caṅkramaṇotthānaśayanāsanaceṣṭitaḥ mandībhavacchrotranetraḥ sravallālāvilānanaḥ //
walking, rising, lying down, sitting and moving only with difficulty, his hearing and sight grown dim, his face soiled with dribbling spittle;
AI translation rendered from the Sanskrit, not a published edition
ViP 6 5.31
अनायत्तैः समस्तैश् च करणैर् मरणोन्मुखः तत्क्षणे ऽप्य् अनुभूतानाम् अस्मर्ताखिलवस्तूनाम् ॥
anāyattaiḥ samastaiś ca karaṇair maraṇonmukhaḥ tatkṣaṇe 'py anubhūtānām asmartākhilavastūnām //
with all his organs beyond control, facing death, not remembering all the things experienced even that very moment;
AI translation rendered from the Sanskrit, not a published edition
ViP 6 5.32
सकृद् उच्चारिते वाक्ये समुद्भूतमहाश्रमः श्वासकासमहायाससमुद्भूतप्रजागरः ॥
sakṛd uccārite vākye samudbhūtamahāśramaḥ śvāsakāsamahāyāsasamudbhūtaprajāgaraḥ //
greatly fatigued by uttering a single sentence, kept awake by the great labour of panting and coughing;
AI translation rendered from the Sanskrit, not a published edition
ViP 6 5.33
अन्येनोत्थाप्यते ऽन्येन तथा संवेश्यते जरी भृत्यात्मपुत्रदाराणाम् अवमानास्पदीकृतः ॥
anyenotthāpyate 'nyena tathā saṃveśyate jarī bhṛtyātmaputradārāṇām avamānāspadīkṛtaḥ //
the old man is raised up by one and laid down by another, made an object of contempt by servants, sons and wives;
AI translation rendered from the Sanskrit, not a published edition
ViP 6 5.34
प्रक्षीणाखिलशौचश् च विहाराहारसस्पृहः हास्यः परिजनस्यापि निर्विण्णाशेषबान्धवः ॥
prakṣīṇākhilaśaucaś ca vihārāhārasaspṛhaḥ hāsyaḥ parijanasyāpi nirviṇṇāśeṣabāndhavaḥ //
with all cleanliness gone from him, yet still craving amusement and food, a laughing-stock even to his attendants, with all his kinsmen wearied of him;
AI translation rendered from the Sanskrit, not a published edition
ViP 6 5.35
अनुभूतम् इवान्यस्मिञ् जन्मन्य् आत्मविचेष्टितम् संस्मरन् यौवने दीर्घं निःश्वसित्य् अतितापितः ॥
anubhūtam ivānyasmiñ janmany ātmaviceṣṭitam saṃsmaran yauvane dīrghaṃ niḥśvasity atitāpitaḥ //
Recalling his own doings in youth as though they had been experienced in another birth, he sighs long, sorely tormented.
AI translation rendered from the Sanskrit, not a published edition
ViP 6 5.36
एवमादीनि दुःखानि जरायाम् अनुभूय वै मरणे यानि दुःखानि प्राप्नोति शृणु तान्य् अपि ॥
evamādīni duḥkhāni jarāyām anubhūya vai maraṇe yāni duḥkhāni prāpnoti śṛṇu tāny api //
Having thus experienced these and like sufferings in old age, hear now also those sufferings that (a man) undergoes at death.
AI translation rendered from the Sanskrit, not a published edition
ViP 6 5.37
श्लथद्ग्रीवाङ्घ्रिहस्तो ऽथ व्याप्तो वेपथुना नरः मुहुर् ग्लानिः परवशो मुहुर् ज्ञानलवान्वितः ॥
ślathadgrīvāṅghrihasto 'tha vyāpto vepathunā naraḥ muhur glāniḥ paravaśo muhur jñānalavānvitaḥ //
Then, with neck, feet and hands going slack, seized by trembling, the man is again and again faint, in the power of others, and again and again possessed of but a shred of awareness.
AI translation rendered from the Sanskrit, not a published edition
ViP 6 5.38
हिरण्यधान्यतनयभार्याभृत्यगृहादिषु एते कथं भविष्यन्तीत्य् अतीवममताकुलः ॥
hiraṇyadhānyatanayabhāryābhṛtyagṛhādiṣu ete kathaṃ bhaviṣyantīty atīvamamatākulaḥ //
Extremely distressed by the sense of "mine" regarding gold, grain, sons, wife, servants, house and the rest, (he thinks:) "What will become of these?"
AI translation rendered from the Sanskrit, not a published edition
ViP 6 5.39
मर्मभिद्भिर् महारोगैः क्रकचैर् इव दारुणैः शरैर् इवान्तकस्योग्रैश् छिद्यमानास्थिबन्धनः ॥
marmabhidbhir mahārogaiḥ krakacair iva dāruṇaiḥ śarair ivāntakasyograiś chidyamānāsthibandhanaḥ //
His bonds of bone are being cut apart by great diseases that pierce the vital points, cruel as saws, as though by the fierce arrows of Death.
AI translation rendered from the Sanskrit, not a published edition
ViP 6 5.40
विवर्तमानताराक्षिर् हस्तपादं मुहुः क्षिपन् संशुष्यमाणताल्वोष्ठपुटो घुरघुरायते ॥
vivartamānatārākṣir hastapādaṃ muhuḥ kṣipan saṃśuṣyamāṇatālvoṣṭhapuṭo ghuraghurāyate //
With the pupils of his eyes rolling, flinging his hands and feet about again and again, his palate and lips drying up, he makes a rattling sound.
AI translation rendered from the Sanskrit, not a published edition
ViP 6 5.41
निरुद्धकण्ठो दोषौघैर् उदानश्वासपीडितः तापेन महता व्याप्तस् तृषा चार्तस् तथा क्षुधा ॥
niruddhakaṇṭho doṣaughair udānaśvāsapīḍitaḥ tāpena mahatā vyāptas tṛṣā cārtas tathā kṣudhā //
His throat blocked by the flood of humours, oppressed by the upward breath, pervaded by great burning, and afflicted by thirst and likewise by hunger,
AI translation rendered from the Sanskrit, not a published edition
ViP 6 5.42
क्लेशाद् उत्क्रान्तिम् आप्नोति याम्यकिंकरपीडितः ततश् च यातनादेहं क्लेशेन प्रतिपद्यते ॥
kleśād utkrāntim āpnoti yāmyakiṃkarapīḍitaḥ tataś ca yātanādehaṃ kleśena pratipadyate //
with pain he attains departure (from the body), tormented by Yama's servants; and then with pain he takes on the body of torment.
AI translation rendered from the Sanskrit, not a published edition
ViP 6 5.43
एतान्य् अन्यानि चोग्राणि दुःखानि मरणे नृणाम् शृणुष्व नरके यानि प्राप्यन्ते पुरुषैर् मृतैः ॥
etāny anyāni cogrāṇi duḥkhāni maraṇe nṛṇām śṛṇuṣva narake yāni prāpyante puruṣair mṛtaiḥ //
These and other terrible sufferings of men (occur) at death; hear now those that are met with in hell by men who have died.
AI translation rendered from the Sanskrit, not a published edition
ViP 6 5.44
याम्यकिंकरपाशादिग्रहणं दण्डताडनम् यमस्य दर्शनं चोग्रम् उग्रमार्गविलोकनम् ॥
yāmyakiṃkarapāśādigrahaṇaṃ daṇḍatāḍanam yamasya darśanaṃ cogram ugramārgavilokanam //
The seizing with nooses and the like by Yama's servants, the beating with rods, the terrible sight of Yama, and the beholding of the terrible road;
AI translation rendered from the Sanskrit, not a published edition
ViP 6 5.45
करम्भवालुकावह्नियन्त्रशस्त्रादिभीषणे प्रत्येकं नरके याश् च यातना द्विज दुःसहाः ॥
karambhavālukāvahniyantraśastrādibhīṣaṇe pratyekaṃ narake yāś ca yātanā dvija duḥsahāḥ //
and the torments, hard to bear, O twice-born, that (are undergone) in each several hell, dreadful with hot grit, sand, fire, machines, weapons and the rest;
AI translation rendered from the Sanskrit, not a published edition
ViP 6 5.46
क्रकचैः पाट्यमानानां मूषायां चापि धम्यताम् कुठारैः कृत्यमानानां भूमौ चापि निखन्यताम् ॥
krakacaiḥ pāṭyamānānāṃ mūṣāyāṃ cāpi dhamyatām kuṭhāraiḥ kṛtyamānānāṃ bhūmau cāpi nikhanyatām //
of those split apart with saws, and of those blown (melted) in a crucible, of those hacked with axes, and of those buried in the ground;
AI translation rendered from the Sanskrit, not a published edition
ViP 6 5.47
शूलेष्व् आरोप्यमाणानां व्याघ्रवक्त्रे प्रवेश्यताम् गृध्रैः संभक्ष्यमाणानां द्वीपिभिश् चोपभुज्यताम् ॥
śūleṣv āropyamāṇānāṃ vyāghravaktre praveśyatām gṛdhraiḥ saṃbhakṣyamāṇānāṃ dvīpibhiś copabhujyatām //
of those impaled on stakes, of those thrust into a tiger's mouth, of those devoured by vultures and of those fed upon by panthers;
AI translation rendered from the Sanskrit, not a published edition
ViP 6 5.48
क्वाथ्यतां तैलमध्ये च क्लिद्यतां क्षारकर्दमे उच्चान् निपात्यमानानां क्षिप्यतां क्षेपयन्त्रकैः ॥
kvāthyatāṃ tailamadhye ca klidyatāṃ kṣārakardame uccān nipātyamānānāṃ kṣipyatāṃ kṣepayantrakaiḥ //
of those boiled in oil, of those made to rot in caustic mud, of those hurled down from a height, of those flung by catapult-engines —
AI translation rendered from the Sanskrit, not a published edition
ViP 6 5.49
नरके यानि दुःखानि पापहेतूद्भवानि वै प्राप्यन्ते नारकैर् विप्र तेषां संख्या न विद्यते ॥
narake yāni duḥkhāni pāpahetūdbhavāni vai prāpyante nārakair vipra teṣāṃ saṃkhyā na vidyate //
the sufferings in hell that arise from the cause of sin, which are undergone by the denizens of hell, O brahmin — of these there is no counting.
AI translation rendered from the Sanskrit, not a published edition
ViP 6 5.50
न केवलं द्विजश्रेष्ठ नरके दुःखपद्धतिः स्वर्गे ऽपि पातभीतस्य क्षयिष्णोर् नास्ति निर्वृतिः ॥
na kevalaṃ dvijaśreṣṭha narake duḥkhapaddhatiḥ svarge 'pi pātabhītasya kṣayiṣṇor nāsti nirvṛtiḥ //
Not only in hell, O best of the twice-born, is there a track of suffering: even in heaven, for one who fears falling and is subject to decay, there is no peace.
AI translation rendered from the Sanskrit, not a published edition
ViP 6 5.51
पुनश् च गर्भे भवति जायते च पुनर् नरः गर्भे विलीयते भूयो जायमानो ऽस्तम् एति च ॥
punaś ca garbhe bhavati jāyate ca punar naraḥ garbhe vilīyate bhūyo jāyamāno 'stam eti ca //
And again a man comes to be in the womb and again is born; again he dissolves in the womb, and even while being born he goes to his end.
AI translation rendered from the Sanskrit, not a published edition
ViP 6 5.52
जातमात्रश् च म्रियते बालभावे ऽथ यौवने मध्यमं वा वयः प्राप्य वार्द्धके वा ध्रुवा मृतिः ॥
jātamātraś ca mriyate bālabhāve 'tha yauvane madhyamaṃ vā vayaḥ prāpya vārddhake vā dhruvā mṛtiḥ //
He dies just when born, or in childhood, or in youth; or having reached middle age, or in old age — death is certain.
AI translation rendered from the Sanskrit, not a published edition
ViP 6 5.53
यावज् जीवति तावच् च दुःखैर् नानाविधैः प्लुतः तन्तुकारणपक्ष्मौघैर् आस्ते कार्पासबीजवत् ॥
yāvaj jīvati tāvac ca duḥkhair nānāvidhaiḥ plutaḥ tantukāraṇapakṣmaughair āste kārpāsabījavat //
As long as he lives, so long is he flooded with sufferings of many kinds; he stays like a cotton seed amid the mass of fibres that are the cause of thread.
AI translation rendered from the Sanskrit, not a published edition
ViP 6 5.54
द्रव्यनाशे तथोत्पत्तौ पालने च तथा नृणाम् भवन्त्य् अनेकदुःखानि तथैवेष्टविपत्तिषु ॥
dravyanāśe tathotpattau pālane ca tathā nṛṇām bhavanty anekaduḥkhāni tathaiveṣṭavipattiṣu //
In the loss of property, likewise in its acquisition, and in its guarding, men have many sufferings, and just so in the destruction of what is dear.
AI translation rendered from the Sanskrit, not a published edition
ViP 6 5.55
यद् यत् प्रीतिकरं पुंसां वस्तु मैत्रेय जायते तद् एव दुःखवृक्षस्य बीजत्वम् उपगच्छति ॥
yad yat prītikaraṃ puṃsāṃ vastu maitreya jāyate tad eva duḥkhavṛkṣasya bījatvam upagacchati //
Whatever object arises that gives pleasure to men, Maitreya, that very thing comes to be the seed of the tree of sorrow.
AI translation rendered from the Sanskrit, not a published edition
ViP 6 5.56
कलत्रपुत्रमित्रार्थगृहक्षेत्रधनादिकैः क्रियते न तथा भूरि सुखं पुंसां यथासुखम् ॥
kalatraputramitrārthagṛhakṣetradhanādikaiḥ kriyate na tathā bhūri sukhaṃ puṃsāṃ yathāsukham //
By wife, sons, friends, wealth, house, fields, riches and the rest, men are not made so much happiness as (they are made) unhappiness.
AI translation rendered from the Sanskrit, not a published edition — the model flagged this verse as uncertain
ViP 6 5.57
इति संसारदुःखार्कतापतापितचेतसाम् विमुक्तिपादपच्छायाम् ऋते कुत्र सुखं नृणाम् ॥
iti saṃsāraduḥkhārkatāpatāpitacetasām vimuktipādapacchāyām ṛte kutra sukhaṃ nṛṇām //
Thus, for those whose minds are scorched by the heat of the sun that is the suffering of transmigration, where is there happiness for men apart from the shade of the tree of liberation?
AI translation rendered from the Sanskrit, not a published edition
ViP 6 5.58
तद् अस्य त्रिविधस्यापि दुःखजातस्य पण्डितैः गर्भजन्मजराद्येषु स्थानेषु प्रभविष्यतः ॥
tad asya trividhasyāpi duḥkhajātasya paṇḍitaiḥ garbhajanmajarādyeṣu sthāneṣu prabhaviṣyataḥ //
Therefore, for this threefold mass of suffering, which will arise in the conditions of the womb, birth, old age and the rest, (it is held) by the learned—
AI translation rendered from the Sanskrit, not a published edition
ViP 6 5.59
निरस्तातिशयाह्लादसुखभावैकलक्षणा भेषजं भगवत्प्राप्तिर् एकान्तात्यन्तिकी मता ॥
nirastātiśayāhlādasukhabhāvaikalakṣaṇā bheṣajaṃ bhagavatprāptir ekāntātyantikī matā //
—that the medicine is the attainment of the Lord, whose sole characteristic is the being of a happiness of unsurpassed delight in which (all else) is cast out, and which is held to be single-natured and final.
AI translation rendered from the Sanskrit, not a published edition — the model flagged this verse as uncertain
ViP 6 5.60
तस्मात् तत्प्राप्तये यत्नः कर्तव्यः पण्डितैर् नरैः तत्प्राप्तिहेतुर् ज्ञानं च कर्म चोक्तं महामुने ॥
tasmāt tatprāptaye yatnaḥ kartavyaḥ paṇḍitair naraiḥ tatprāptihetur jñānaṃ ca karma coktaṃ mahāmune //
Therefore effort should be made by learned men for the attainment of that; and the cause of attaining it is said to be knowledge and action, great sage.
AI translation rendered from the Sanskrit, not a published edition
ViP 6 5.61
आगमोत्थं विवेकाच् च द्विधा ज्ञानं तथोच्यते शब्दब्रह्मागममयं परं ब्रह्म विवेकजम् ॥
āgamotthaṃ vivekāc ca dvidhā jñānaṃ tathocyate śabdabrahmāgamamayaṃ paraṃ brahma vivekajam //
And knowledge is likewise said to be twofold: that arising from scripture and that from discrimination. The word-brahman consists of scripture; the supreme brahman is born of discrimination.
AI translation rendered from the Sanskrit, not a published edition
ViP 6 5.62
अन्धं तम इवाज्ञानं दीपवच् चेन्द्रियोद्भवम् यथा सूर्यस् तथा ज्ञानं यद् विप्रर्षे विवेकजम् ॥
andhaṃ tama ivājñānaṃ dīpavac cendriyodbhavam yathā sūryas tathā jñānaṃ yad viprarṣe vivekajam //
Ignorance is like blind darkness; that which arises from the senses is like a lamp; but that knowledge which is born of discrimination, O brahmin sage, is like the sun.
AI translation rendered from the Sanskrit, not a published edition
ViP 6 5.63
मनुर् अप्य् आह वेदार्थं स्मृत्वा यन् मुनिसत्तम तद् एतच् छ्रूयताम् अत्र संबन्धे गदतो मम ॥
manur apy āha vedārthaṃ smṛtvā yan munisattama tad etac chrūyatām atra saṃbandhe gadato mama //
What Manu too said, recalling the meaning of the Veda, O best of sages—let that be heard here, as I speak it in this connection.
AI translation rendered from the Sanskrit, not a published edition
ViP 6 5.64
द्वे ब्रह्मणी वेदितव्ये शब्दब्रह्म परं च यत् शब्दब्रह्मणि निष्णातः परं ब्रह्माधिगच्छति ॥
dve brahmaṇī veditavye śabdabrahma paraṃ ca yat śabdabrahmaṇi niṣṇātaḥ paraṃ brahmādhigacchati //
"Two brahmans are to be known: the word-brahman and that which is supreme. One who is versed in the word-brahman attains the supreme brahman."
AI translation rendered from the Sanskrit, not a published edition
ViP 6 5.65
द्वे विद्ये वेदितव्ये वै इति चाथर्वणी श्रुतिः परया त्व् अक्षरप्राप्तिर् ऋग्वेदादिमयापरा ॥
dve vidye veditavye vai iti cātharvaṇī śrutiḥ parayā tv akṣaraprāptir ṛgvedādimayāparā //
And the Atharvan scripture (says), "Two knowledges indeed are to be known": by the higher there is attainment of the imperishable, while the lower consists of the Ṛgveda and the rest.
AI translation rendered from the Sanskrit, not a published edition
ViP 6 5.66
यत् तद् अव्यक्तम् अजरम् अचिन्त्यम् अजम् अव्ययम् अनिर्देश्यम् अरूपं च पाणिपादाद्यसंयुतम् ॥
yat tad avyaktam ajaram acintyam ajam avyayam anirdeśyam arūpaṃ ca pāṇipādādyasaṃyutam //
That which is unmanifest, undecaying, unthinkable, unborn, imperishable, indefinable, and formless, not furnished with hands, feet and the rest,
AI translation rendered from the Sanskrit, not a published edition
ViP 6 5.67
विभुं सर्वगतं नित्यं भूतयोनिम् अकारणम् व्याप्य् अव्याप्तं यतः सर्वं तं वै पश्यन्ति सूरयः ॥
vibhuṃ sarvagataṃ nityaṃ bhūtayonim akāraṇam vyāpy avyāptaṃ yataḥ sarvaṃ taṃ vai paśyanti sūrayaḥ //
pervasive, all-going, eternal, the womb of beings, without cause, pervading and unpervaded, from which all things (arise)—him indeed the wise behold.
AI translation rendered from the Sanskrit, not a published edition
ViP 6 5.68
तद् ब्रह्म तत् परं धाम तद् ध्येयं मोक्षकाङ्क्स्।इणाम् श्रुतिवाक्योदितं सूक्ष्मं तद् विष्णोः परमं पदम् ॥
tad brahma tat paraṃ dhāma tad dhyeyaṃ mokṣakāṅks.iṇām śrutivākyoditaṃ sūkṣmaṃ tad viṣṇoḥ paramaṃ padam //
That is brahman, that is the supreme abode, that is to be meditated on by those who long for release; that subtle thing declared by the words of scripture is the highest station of Viṣṇu.
AI translation rendered from the Sanskrit, not a published edition
ViP 6 5.69
तद् एव भगवद्वाच्यं स्वरूपं परमात्मनः वाचको भगवच्छब्दस् तस्याद्यस्याक्षयात्मनः ॥
tad eva bhagavadvācyaṃ svarūpaṃ paramātmanaḥ vācako bhagavacchabdas tasyādyasyākṣayātmanaḥ //
That very own-form of the supreme Self is what is denoted by (the word) "bhagavat"; the word "bhagavat" is the denoter of him, the primal one, whose self is imperishable.
AI translation rendered from the Sanskrit, not a published edition
ViP 6 5.70
एवं निगदितार्थस्य स तत्त्वं तस्य तत्त्वतः ज्ञायते येन तज् ज्ञानं परम् अन्यत् त्रयीमयम् ॥
evaṃ nigaditārthasya sa tattvaṃ tasya tattvataḥ jñāyate yena taj jñānaṃ param anyat trayīmayam //
Of him whose meaning has thus been declared, that by which his reality is known as it truly is—that is the supreme knowledge; the other consists of the triple Veda.
AI translation rendered from the Sanskrit, not a published edition
ViP 6 5.71
अशब्दगोचरस्यापि तस्य वै ब्रह्मणो द्विज पूजायां भगवच्छब्दः क्रियते ह्य् औपचारिकः ॥
aśabdagocarasyāpi tasya vai brahmaṇo dvija pūjāyāṃ bhagavacchabdaḥ kriyate hy aupacārikaḥ //
Although that brahman is not the range of words, O twice-born, the word "bhagavat" is applied to it in worship, by way of figurative usage.
AI translation rendered from the Sanskrit, not a published edition
ViP 6 5.72
शुद्धे महाविभूत्याख्ये परे ब्रह्मणि वर्तते मैत्रेय भगवच्छब्दः सर्वकारणकारणे ॥
śuddhe mahāvibhūtyākhye pare brahmaṇi vartate maitreya bhagavacchabdaḥ sarvakāraṇakāraṇe //
The word "bhagavat" applies, Maitreya, to the pure supreme brahman called the great power, the cause of all causes.
AI translation rendered from the Sanskrit, not a published edition
ViP 6 5.73
संभर्तेति तथा भर्ता भकारो ऽर्थद्वयान्वितः नेता गमयिता स्रष्टा गकारार्थस् तथा मुने ॥
saṃbharteti tathā bhartā bhakāro 'rthadvayānvitaḥ netā gamayitā sraṣṭā gakārārthas tathā mune //
The syllable "bha" is joined with two meanings: "nourisher" and likewise "supporter"; and the meaning of the syllable "ga" is "leader," "one who causes to go," "creator," O sage.
AI translation rendered from the Sanskrit, not a published edition
ViP 6 5.74
ऐश्वर्यस्य समग्रस्य वीर्यस्य यशसः श्रियः ज्ञानवैराग्ययोश् चैव षण्णां भग इतीरणा ॥
aiśvaryasya samagrasya vīryasya yaśasaḥ śriyaḥ jñānavairāgyayoś caiva ṣaṇṇāṃ bhaga itīraṇā //
"Bhaga" is the designation of the six: entire lordship, might, fame, beauty, and knowledge and dispassion as well.
AI translation rendered from the Sanskrit, not a published edition
ViP 6 5.75
वसन्ति तत्र भूतानि भूतात्मन्य् अखिलात्मनि स च भूतेष्व् अशेषेषु वकारार्थस् ततो ऽव्ययः ॥
vasanti tatra bhūtāni bhūtātmany akhilātmani sa ca bhūteṣv aśeṣeṣu vakārārthas tato 'vyayaḥ //
Beings dwell in him, the self of beings, the self of all, and he too (dwells) in all beings without exception; hence he is the meaning of the syllable "va," the imperishable one.
AI translation rendered from the Sanskrit, not a published edition
ViP 6 5.76
एवम् एष महाशब्दो भगवान् इति सत्तम परमब्रह्मभूतस्य वासुदेवस्य नान्यगः ॥
evam eṣa mahāśabdo bhagavān iti sattama paramabrahmabhūtasya vāsudevasya nānyagaḥ //
Thus, O best of the good, this great word "bhagavān" belongs to Vāsudeva, who is the supreme Brahman, and goes to no other.
AI translation rendered from the Sanskrit, not a published edition
ViP 6 5.77
तत्र पूज्यपदार्थोक्तिपरिभाषासमन्वितः शब्दो ऽयं नोपचारेण अन्यत्र ह्य् उपचारतः ॥
tatra pūjyapadārthoktiparibhāṣāsamanvitaḥ śabdo 'yaṃ nopacāreṇa anyatra hy upacārataḥ //
There (in his case) this word, being furnished with the technical sense of designating a venerable object, is used not figuratively; for elsewhere it is used figuratively.
AI translation rendered from the Sanskrit, not a published edition
ViP 6 5.78
उत्पत्तिं प्रलयं चैव भूतानाम् आगतिं गतिम् वेत्ति विद्याम् अविद्यां च स वाच्यो भगवान् इति ॥
utpattiṃ pralayaṃ caiva bhūtānām āgatiṃ gatim vetti vidyām avidyāṃ ca sa vācyo bhagavān iti //
He knows the arising and the dissolution of beings, their coming and going, and (he knows) knowledge and ignorance: he is to be called "bhagavān."
AI translation rendered from the Sanskrit, not a published edition
ViP 6 5.79
ज्ञानशक्तिबलैश्वर्यवीर्यतेजांस्य् अशेषतः भगवच्छब्दवाच्यानि विना हेयैर् गुणादिभिः ॥
jñānaśaktibalaiśvaryavīryatejāṃsy aśeṣataḥ bhagavacchabdavācyāni vinā heyair guṇādibhiḥ //
Knowledge, power, strength, sovereignty, valour and splendour, wholly, without the objectionable qualities (of matter) and the rest, are what the word "bhagavat" denotes.
AI translation rendered from the Sanskrit, not a published edition
ViP 6 5.80
सर्वाणि तत्र भूतानि वसन्ति परमात्मनि भूतेषु च स सर्वात्मा वासुदेवस् ततः स्मृतः ॥
sarvāṇi tatra bhūtāni vasanti paramātmani bhūteṣu ca sa sarvātmā vāsudevas tataḥ smṛtaḥ //
All beings dwell there, in the supreme Self, and he, the Self of all, (dwells) in beings; therefore he is called Vāsudeva.
AI translation rendered from the Sanskrit, not a published edition
ViP 6 5.81
खाण्डिक्यजनकायाह पृष्टः केशिध्वजः पुरा नामव्याख्याम् अनन्तस्य वासुदेवस्य तत्त्वतः ॥
khāṇḍikyajanakāyāha pṛṣṭaḥ keśidhvajaḥ purā nāmavyākhyām anantasya vāsudevasya tattvataḥ //
Long ago Keśidhvaja, when asked, told Khāṇḍikya Janaka the explanation, according to truth, of the name of the endless Vāsudeva:
AI translation rendered from the Sanskrit, not a published edition
ViP 6 5.82
भूतेषु वसते सो ऽन्तर् वसन्त्य् अत्र च तानि यत् धाता विधाता जगतां वासुदेवस् ततः प्रभुः ॥
bhūteṣu vasate so 'ntar vasanty atra ca tāni yat dhātā vidhātā jagatāṃ vāsudevas tataḥ prabhuḥ //
"Because he dwells within beings, and they dwell in him, and (because) he is the establisher and ordainer of the worlds, therefore Vāsudeva is the Lord."
AI translation rendered from the Sanskrit, not a published edition
ViP 6 5.83
स सर्वभूतप्रकृतिं विकारं गुणादिदोषांश् च मुने व्यतीतः अतीतसर्वावरणो ऽखिलात्मा तेनास्तृतं यद् भुवनान्तराले ॥
sa sarvabhūtaprakṛtiṃ vikāraṃ guṇādidoṣāṃś ca mune vyatītaḥ atītasarvāvaraṇo 'khilātmā tenāstṛtaṃ yad bhuvanāntarāle //
He, O sage, has transcended the material nature of all beings, its modification, and the faults beginning with the guṇas; all coverings are past for him; he is the Self of all — by him is spread out whatever (exists) within the worlds.
AI translation rendered from the Sanskrit, not a published edition
ViP 6 5.84
समस्तकल्याणगुणात्मको हि स्वशक्तिलेशावृतभूतसर्गः इच्छागृहीताभिमतोरुदेहः संसाधिताशेषजगद्धितो ऽसौ ॥
samastakalyāṇaguṇātmako hi svaśaktileśāvṛtabhūtasargaḥ icchāgṛhītābhimatorudehaḥ saṃsādhitāśeṣajagaddhito 'sau //
For he consists of all auspicious qualities; the creation of beings is enveloped by a fragment of his own power; he assumes at will vast bodies as he desires; he has fully accomplished the welfare of the whole world.
AI translation rendered from the Sanskrit, not a published edition
ViP 6 5.85
तेजोबलैश्वर्यमहावबोध स्ववीर्यशक्त्यादिगुणैकराशिः परः पराणां सकला न यत्र क्लेशादयः सन्ति परावरेशे ॥
tejobalaiśvaryamahāvabodha svavīryaśaktyādiguṇaikarāśiḥ paraḥ parāṇāṃ sakalā na yatra kleśādayaḥ santi parāvareśe //
He is the single mass of qualities — splendour, strength, sovereignty, great understanding, his own valour, power and the rest; supreme over the supreme, in whom, the lord of the higher and the lower, no afflictions or the like at all exist.
AI translation rendered from the Sanskrit, not a published edition
ViP 6 5.86
स ईश्वरो व्यष्टिसमष्टिरूपो ऽव्यक्तस्वरूपः प्रकटस्वरूपः सर्वेश्वरः सर्वदृक् सर्ववेत्ता समस्तशक्तिः परमेश्वराख्यः ॥
sa īśvaro vyaṣṭisamaṣṭirūpo 'vyaktasvarūpaḥ prakaṭasvarūpaḥ sarveśvaraḥ sarvadṛk sarvavettā samastaśaktiḥ parameśvarākhyaḥ //
That Lord has the form of the individual and of the aggregate; his nature is unmanifest and his nature is manifest; he is the lord of all, the seer of all, the knower of all, possessed of every power, and named the supreme Lord.
AI translation rendered from the Sanskrit, not a published edition
ViP 6 5.87
संज्ञायते येन तद् अस्तदोषं शुद्धं परं निर्मलम् एकरूपम् संदृश्यते वाप्य् अवगम्यते वा तज् ज्ञानम् अज्ञानम् अतो ऽन्यद् उक्तम् ॥
saṃjñāyate yena tad astadoṣaṃ śuddhaṃ paraṃ nirmalam ekarūpam saṃdṛśyate vāpy avagamyate vā taj jñānam ajñānam ato 'nyad uktam //
That by which that faultless, pure, supreme, stainless, single-formed (reality) is known, or seen, or understood — that is knowledge; what is other than this is called ignorance.
AI translation rendered from the Sanskrit, not a published edition