Vishnu Purana — Amsha 6 — Chapter 4
ViP 6 4.1
सप्तर्षिस्थानम् आक्रम्य स्थिते ऽम्भसि महामुने एकार्णवं भवत्य् एतत् त्रैलोक्यम् अखिलं ततः ॥
saptarṣisthānam ākramya sthite 'mbhasi mahāmune ekārṇavaṃ bhavaty etat trailokyam akhilaṃ tataḥ //
When the water has risen and covered the station of the seven sages, O great sage, this whole triple world then becomes a single ocean.
AI translation rendered from the Sanskrit, not a published edition
ViP 6 4.2
मुखनिश्वासजो विष्णोर् वायुस् ताञ् जलदांस् ततः नाशयन् वाति मैत्रेय वर्षाणाम् अपरं शतम् ॥
mukhaniśvāsajo viṣṇor vāyus tāñ jaladāṃs tataḥ nāśayan vāti maitreya varṣāṇām aparaṃ śatam //
Then a wind born of the exhalation of Viṣṇu's mouth blows, destroying those clouds, for another hundred years, Maitreya.
AI translation rendered from the Sanskrit, not a published edition
ViP 6 4.3
सर्वभूतमयो ऽचिन्त्यो भगवान् भूतभावनः अनादिर् आदिर् विश्वस्य पीत्वा वायुम् अशेषतः ॥
sarvabhūtamayo 'cintyo bhagavān bhūtabhāvanaḥ anādir ādir viśvasya pītvā vāyum aśeṣataḥ //
The Lord, made of all beings, unthinkable, the producer of beings, beginningless, the beginning of the universe, having drunk up the wind entirely—
AI translation rendered from the Sanskrit, not a published edition
ViP 6 4.4
एकार्णवे ततस् तस्मिञ् शेषशय्यास्थितः प्रभुः ब्रह्मरूपधरः शेते भगवान् आदिकृद् धरिः ॥
ekārṇave tatas tasmiñ śeṣaśayyāsthitaḥ prabhuḥ brahmarūpadharaḥ śete bhagavān ādikṛd dhariḥ //
—then in that single ocean the Lord Hari, the primal maker, resting on the couch of Śeṣa, bearing the form of Brahmā, sleeps.
AI translation rendered from the Sanskrit, not a published edition
ViP 6 4.5
जनलोकगतैः सिद्धैः सनकाद्यैर् अभिष्टुतः ब्रह्मलोकगतैश् चैव चिन्त्यमानो मुमुक्षुभिः ॥
janalokagataiḥ siddhaiḥ sanakādyair abhiṣṭutaḥ brahmalokagataiś caiva cintyamāno mumukṣubhiḥ //
(He is) praised by the Siddhas dwelling in the Janaloka, by Sanaka and the rest, and meditated upon by those seeking release who dwell in Brahmaloka.
AI translation rendered from the Sanskrit, not a published edition
ViP 6 4.6
आत्ममायामयीं दिव्यां योगनिद्रां समास्थितः आत्मानं वासुदेवाख्यं चिन्तयन् परमेश्वरः ॥
ātmamāyāmayīṃ divyāṃ yoganidrāṃ samāsthitaḥ ātmānaṃ vāsudevākhyaṃ cintayan parameśvaraḥ //
The Supreme Lord, having entered the divine yoga-sleep that is made of his own māyā, meditating on himself under the name Vāsudeva.
AI translation rendered from the Sanskrit, not a published edition
ViP 6 4.7
एष नैमित्तिको नाम मैत्रेय प्रतिसंचरः निमित्तं तत्र यच् छेते ब्रह्मरूपधरो हरिः ॥
eṣa naimittiko nāma maitreya pratisaṃcaraḥ nimittaṃ tatra yac chete brahmarūpadharo hariḥ //
This, Maitreya, is the dissolution called "occasional" (naimittika); the occasion (nimitta) therein is that Hari, bearing the form of Brahmā, lies asleep.
AI translation rendered from the Sanskrit, not a published edition
ViP 6 4.8
यदा जागर्ति सर्वात्मा स तदा चेष्टते जगत् निमीलत्य् एतद् अखिलं मायाशय्याशये ऽच्युते ॥
yadā jāgarti sarvātmā sa tadā ceṣṭate jagat nimīlaty etad akhilaṃ māyāśayyāśaye 'cyute //
When the Self of all awakes, then the world stirs; when the imperishable one rests on the couch of māyā, all this closes its eyes.
AI translation rendered from the Sanskrit, not a published edition
ViP 6 4.9
पद्मयोनेर् दिनं यत् तु चतुर्युगसहस्रवत् एकार्णवे कृते लोके तावती रात्रिर् इष्यते ॥
padmayoner dinaṃ yat tu caturyugasahasravat ekārṇave kṛte loke tāvatī rātrir iṣyate //
That day of the lotus-born which is as long as a thousand fourfold ages — when the world has been made a single ocean, a night of just that length is reckoned.
AI translation rendered from the Sanskrit, not a published edition
ViP 6 4.10
ततः प्रबुद्धो रात्र्यन्ते पुनः सृष्टिं करोत्य् अजः ब्रह्मस्वरूपधृग् विष्णुर् यथा ते कथितं पुरा ॥
tataḥ prabuddho rātryante punaḥ sṛṣṭiṃ karoty ajaḥ brahmasvarūpadhṛg viṣṇur yathā te kathitaṃ purā //
Then, awakened at the night's end, the unborn one, Viṣṇu bearing the form of Brahmā, again performs creation, as was told to you before.
AI translation rendered from the Sanskrit, not a published edition
ViP 6 4.11
इत्य् एष कल्पसंहाराद् अन्तरप्रलयो द्विज नैमित्तिकस् ते कथितः प्राकृतं शृण्वतः परम् ॥
ity eṣa kalpasaṃhārād antarapralayo dvija naimittikas te kathitaḥ prākṛtaṃ śṛṇvataḥ param //
Thus, O twice-born, this intermediate dissolution, the occasional one, arising from the destruction of a kalpa, has been told to you; the elemental (prākṛta) one is next, as you listen.
AI translation rendered from the Sanskrit, not a published edition — the model flagged this verse as uncertain
ViP 6 4.12
अनावृष्ट्यग्निसंपर्कात् कृते संक्षालने मुने समस्तेष्व् एव लोकेषु पातालेष्व् अखिलेषु च ॥
anāvṛṣṭyagnisaṃparkāt kṛte saṃkṣālane mune samasteṣv eva lokeṣu pātāleṣv akhileṣu ca //
When, O sage, the washing away has been accomplished by drought and by contact with fire, in absolutely all the worlds and in all the nether regions —
AI translation rendered from the Sanskrit, not a published edition
ViP 6 4.13
महदादेर् विकारस्य विशेषान्तस्य संक्षये कृष्णेच्छाकारिते तस्मिन् प्रवृत्ते प्रतिसंचरे ॥
mahadāder vikārasya viśeṣāntasya saṃkṣaye kṛṣṇecchākārite tasmin pravṛtte pratisaṃcare //
When there is complete destruction of the evolved product beginning with mahat and ending with the particulars, when that dissolution, brought about by Kṛṣṇa's will, has set in —
AI translation rendered from the Sanskrit, not a published edition
ViP 6 4.14
आपो ग्रसन्ति वै पूर्वं भूमेर् गन्धात्मकं गुणम् आत्तगन्धा ततो भूमिः प्रलयत्वाय कल्पते ॥
āpo grasanti vai pūrvaṃ bhūmer gandhātmakaṃ guṇam āttagandhā tato bhūmiḥ pralayatvāya kalpate //
The waters first swallow up the quality of earth, which consists of smell; then the earth, its smell taken away, is fit for dissolution.
AI translation rendered from the Sanskrit, not a published edition
ViP 6 4.15
प्रणष्टे गन्धतन्मात्रे भवत्य् उर्वी जलात्मिका आपस् तदा प्रवृद्धास् तु वेगवत्यो महास्वनाः ॥
praṇaṣṭe gandhatanmātre bhavaty urvī jalātmikā āpas tadā pravṛddhās tu vegavatyo mahāsvanāḥ //
When the subtle element of smell has perished, the earth becomes of the nature of water; then the waters, swollen, swift and greatly roaring,
AI translation rendered from the Sanskrit, not a published edition
ViP 6 4.16
सर्वम् आपूरयन्तीदं तिष्ठन्ति विचरन्ति च सलिलेनैवोर्मिमता लोकांस् तांस् तान् समन्ततः ॥
sarvam āpūrayantīdaṃ tiṣṭhanti vicaranti ca salilenaivormimatā lokāṃs tāṃs tān samantataḥ //
filling all this, stand and move about, covering those various worlds on every side with wave-bearing water.
AI translation rendered from the Sanskrit, not a published edition
ViP 6 4.17
अपाम् अपि गुणो यस् तु ज्योतिषा पीयते तु सः नश्यन्त्य् आपस् ततस् ताश् च रसतन्मात्रसंक्षयात् ॥
apām api guṇo yas tu jyotiṣā pīyate tu saḥ naśyanty āpas tatas tāś ca rasatanmātrasaṃkṣayāt //
And that quality which belongs to the waters is drunk up by fire; then those waters perish through the destruction of the subtle element of taste.
AI translation rendered from the Sanskrit, not a published edition
ViP 6 4.18
ततश् चापो हृतरसा ज्योतिषं प्राप्नुवन्ति वै अग्न्यवस्थे तु सलिले तेजसा सर्वतो वृते ॥
tataś cāpo hṛtarasā jyotiṣaṃ prāpnuvanti vai agnyavasthe tu salile tejasā sarvato vṛte //
Then the waters, their taste taken away, pass into fire; and when the water has become fire, everything being enveloped by heat,
AI translation rendered from the Sanskrit, not a published edition
ViP 6 4.19
स चाग्निः सर्वतो व्याप्य आदत्ते तज् जलं तथा सर्वम् आपूर्यते ऽर्चिभिस् तदा जगद् इदं शनैः ॥
sa cāgniḥ sarvato vyāpya ādatte taj jalaṃ tathā sarvam āpūryate 'rcibhis tadā jagad idaṃ śanaiḥ //
that fire, spreading everywhere, likewise takes up that water; and then this whole world is gradually filled with flames.
AI translation rendered from the Sanskrit, not a published edition
ViP 6 4.20
अर्चिर्भिः संवृते तस्मिंस् तिर्यग् ऊर्ध्वम् अधस् तथा ज्योतिषो ऽपि परं रूपं वायुर् अत्ति प्रभाकरम् ॥
arcirbhiḥ saṃvṛte tasmiṃs tiryag ūrdhvam adhas tathā jyotiṣo 'pi paraṃ rūpaṃ vāyur atti prabhākaram //
When it has been enveloped by flames sideways, above and below, the wind devours the higher form of fire, the light-maker.
AI translation rendered from the Sanskrit, not a published edition
ViP 6 4.21
प्रलीने च ततस् तस्मिन् वायुभूते ऽखिलात्मनि प्रणष्टे रूपतन्मात्रे हृतरूपो विभावसुः ॥
pralīne ca tatas tasmin vāyubhūte 'khilātmani praṇaṣṭe rūpatanmātre hṛtarūpo vibhāvasuḥ //
And then, when that has dissolved into the wind that is the self of all, the subtle element of form having perished, fire has its form taken away;
AI translation rendered from the Sanskrit, not a published edition
ViP 6 4.22
प्रशाम्यति तदा ज्योतिर् वायुर् दोधूयते महान् निरालोके तदा लोके वाय्ववस्थे च तेजसि ॥
praśāmyati tadā jyotir vāyur dodhūyate mahān nirāloke tadā loke vāyvavasthe ca tejasi //
then the light is extinguished and the great wind blows violently; then, the world being without light and the fire having become wind,
AI translation rendered from the Sanskrit, not a published edition
ViP 6 4.23
ततस् तु मूलम् आसाद्य वायुः संभवम् आत्मनः ऊर्ध्वं चाधश् च तिर्यक् च दोधवीति दिशो दश ॥
tatas tu mūlam āsādya vāyuḥ saṃbhavam ātmanaḥ ūrdhvaṃ cādhaś ca tiryak ca dodhavīti diśo daśa //
then the wind, having reached its own root, its source, blows fiercely upward and downward and sideways, in the ten directions.
AI translation rendered from the Sanskrit, not a published edition
ViP 6 4.24
वायोर् अपि गुणं स्पर्शम् आकाशं ग्रसते ततः प्रशाम्यति ततो वायुः खं तु तिष्ठत्य् अनावृतम् ॥
vāyor api guṇaṃ sparśam ākāśaṃ grasate tataḥ praśāmyati tato vāyuḥ khaṃ tu tiṣṭhaty anāvṛtam //
Then space swallows touch, which is the quality of wind; thereupon the wind is stilled, and space alone remains, unenveloped.
AI translation rendered from the Sanskrit, not a published edition
ViP 6 4.25
अरूपम् अरसस्पर्शम् अगन्धं न च मूर्तिमत् सर्वम् आपूरयच् चैव सुमहत् तत् प्रकाशते ॥
arūpam arasasparśam agandhaṃ na ca mūrtimat sarvam āpūrayac caiva sumahat tat prakāśate //
Without form, without taste or touch, without smell, and not having a body, filling all, that vast (space) shines forth.
AI translation rendered from the Sanskrit, not a published edition
ViP 6 4.26
परिमण्डलं तत् सुषिरम् आकाशं शब्दलक्षणम् शब्दमात्रं तदाकाशं सर्वम् आवृत्य तिष्ठति ॥
parimaṇḍalaṃ tat suṣiram ākāśaṃ śabdalakṣaṇam śabdamātraṃ tadākāśaṃ sarvam āvṛtya tiṣṭhati //
That space is round, hollow, marked by sound; that space, being sound alone, remains covering everything.
AI translation rendered from the Sanskrit, not a published edition
ViP 6 4.27
ततः शब्दगुणं तस्य भूतादिर् ग्रसते पुनः भूतेन्द्रियेषु युगपद् भूतादौ संस्थितेषु वै अभिमानात्मको ह्य् एष भूतादिस् तामसः स्मृतः ॥
tataḥ śabdaguṇaṃ tasya bhūtādir grasate punaḥ bhūtendriyeṣu yugapad bhūtādau saṃsthiteṣu vai abhimānātmako hy eṣa bhūtādis tāmasaḥ smṛtaḥ //
Then the origin of the elements (ego) in turn swallows its quality, sound; and when the elements and the senses have all at once come to rest in the origin of the elements — this origin of the elements, whose nature is self-assertion, is declared to be of the quality of darkness.
AI translation rendered from the Sanskrit, not a published edition
ViP 6 4.28
भूतादिं ग्रसते चापि महान् वै बुद्धिलक्षणः ॥
bhūtādiṃ grasate cāpi mahān vai buddhilakṣaṇaḥ //
And the great one, characterized as intellect, swallows the origin of the elements.
AI translation rendered from the Sanskrit, not a published edition
ViP 6 4.29
उर्वी महांश् च जगतः प्रान्ते ऽन्तर् बाह्यतस् तथा ॥
urvī mahāṃś ca jagataḥ prānte 'ntar bāhyatas tathā //
The earth and the great one (are) at the limit of the world, within and without as well.
AI translation rendered from the Sanskrit, not a published edition — the model flagged this verse as uncertain
ViP 6 4.30
एवं सप्त महाबुद्धेः क्रमात् प्रकृतयस् तु वै प्रत्याहारे तु ताः सर्वाः प्रविशन्ति परस्परम् ॥
evaṃ sapta mahābuddheḥ kramāt prakṛtayas tu vai pratyāhāre tu tāḥ sarvāḥ praviśanti parasparam //
Thus the seven evolvents proceed in order from the great intellect; and at the (cosmic) reabsorption they all enter into one another.
AI translation rendered from the Sanskrit, not a published edition
ViP 6 4.31
येनेदम् आवृतं सर्वम् अण्डम् अप्सु प्रलीयते सप्तद्वीपसमुद्रान्तं सप्तलोकं सपर्वतम् ॥
yenedam āvṛtaṃ sarvam aṇḍam apsu pralīyate saptadvīpasamudrāntaṃ saptalokaṃ saparvatam //
That egg by which all this is enveloped dissolves in the waters, together with its seven continents and oceans, its seven worlds and its mountains.
AI translation rendered from the Sanskrit, not a published edition
ViP 6 4.32
उदकावरणं यत् तु ज्योतिषा पीयते तु तत् ज्योतिर् वायौ लयं याति यात्य् आकाशे समीरणः ॥
udakāvaraṇaṃ yat tu jyotiṣā pīyate tu tat jyotir vāyau layaṃ yāti yāty ākāśe samīraṇaḥ //
And that watery envelope is drunk up by fire; fire goes to dissolution in wind, and wind goes into space.
AI translation rendered from the Sanskrit, not a published edition
ViP 6 4.33
आकाशं चैव भूतादिर् ग्रसते तं तथा महान् महान्तम् एभिः सहितं प्रकृतिर् ग्रसते द्विज ॥
ākāśaṃ caiva bhūtādir grasate taṃ tathā mahān mahāntam ebhiḥ sahitaṃ prakṛtir grasate dvija //
And the origin of the elements swallows space, and the great one likewise swallows it; and Nature swallows the great one together with these, O twice-born.
AI translation rendered from the Sanskrit, not a published edition
ViP 6 4.34
गुणसाम्यम् अनुद्रिक्तम् अन्यूनं च महामुने प्रोच्यते प्रकृतिर् हेतुः प्रधानं कारणं परम् ॥
guṇasāmyam anudriktam anyūnaṃ ca mahāmune procyate prakṛtir hetuḥ pradhānaṃ kāraṇaṃ param //
An equilibrium of the qualities, with none in excess and none deficient, O great sage — that is called Nature, the source, the primary matter, the supreme cause.
AI translation rendered from the Sanskrit, not a published edition
ViP 6 4.35
इत्य् एषा प्रकृतिः सर्वा व्यक्ताव्यक्तस्वरूपिणी व्यक्तस्वरूपम् अव्यक्ते तस्मिन् मैत्रेय लीयते ॥
ity eṣā prakṛtiḥ sarvā vyaktāvyaktasvarūpiṇī vyaktasvarūpam avyakte tasmin maitreya līyate //
Such is this whole Nature, whose form is both manifest and unmanifest; the manifest form dissolves in that unmanifest, Maitreya.
AI translation rendered from the Sanskrit, not a published edition
ViP 6 4.36
एकः शुद्धो ऽक्षरो नित्यः सर्वव्यापी तथा पुमान् सो ऽप्य् अंशः सर्वभूतस्य मैत्रेय परमात्मनः ॥
ekaḥ śuddho 'kṣaro nityaḥ sarvavyāpī tathā pumān so 'py aṃśaḥ sarvabhūtasya maitreya paramātmanaḥ //
The Person too is one, pure, imperishable, eternal, all-pervading; and he also is a portion of the Supreme Self, who is (the self) of all beings, Maitreya.
AI translation rendered from the Sanskrit, not a published edition
ViP 6 4.37
न सन्ति यत्र सर्वेशे नामजात्यादिकल्पनाः सत्तामात्रात्मके ज्ञेये ज्ञानात्मन्य् आत्मनः परे ॥
na santi yatra sarveśe nāmajātyādikalpanāḥ sattāmātrātmake jñeye jñānātmany ātmanaḥ pare //
In whom, the Lord of all, there are no constructions of name, class and the rest — in the object of knowledge whose nature is pure being, whose nature is knowledge, higher than the self.
AI translation rendered from the Sanskrit, not a published edition
ViP 6 4.38
तद् ब्रह्म तत् परं धाम परमात्मा स चेश्वरः स विष्णुः सर्वम् एवेदं यतो नावर्तते यतिः ॥
tad brahma tat paraṃ dhāma paramātmā sa ceśvaraḥ sa viṣṇuḥ sarvam evedaṃ yato nāvartate yatiḥ //
That is Brahman, that the supreme abode, that the Supreme Self, and he is the Lord; he is Viṣṇu, he is all this, from whom the ascetic does not return.
AI translation rendered from the Sanskrit, not a published edition
ViP 6 4.39
प्रकृतिर् या मया ख्याता व्यक्ताव्यक्तस्वरूपिणी पुरुषश् चाप्य् उभाव् एतौ लीयेते परमात्मनि ॥
prakṛtir yā mayā khyātā vyaktāvyaktasvarūpiṇī puruṣaś cāpy ubhāv etau līyete paramātmani //
The Nature which has been declared by me, whose form is manifest and unmanifest, and the Person too — both of these dissolve in the Supreme Self.
AI translation rendered from the Sanskrit, not a published edition
ViP 6 4.40
परमात्मा च सर्वेषाम् आधारः परमेश्वरः विष्णुर् नाम्ना स वेदेषु वेदान्तेषु च गीयते ॥
paramātmā ca sarveṣām ādhāraḥ parameśvaraḥ viṣṇur nāmnā sa vedeṣu vedānteṣu ca gīyate //
And the Supreme Self is the support of all, the highest Lord; he is sung of in the Vedas and in the Vedāntas by the name of Viṣṇu.
AI translation rendered from the Sanskrit, not a published edition
ViP 6 4.41
प्रवृत्तं च निवृत्तं च द्विविधं कर्म वैदिकम् ताभ्याम् उभाभ्यां पुरुषैः सर्वमूर्तिः स इज्यते ॥
pravṛttaṃ ca nivṛttaṃ ca dvividhaṃ karma vaidikam tābhyām ubhābhyāṃ puruṣaiḥ sarvamūrtiḥ sa ijyate //
Vedic action is of two kinds, active and cessative; by both of these he, whose form is all, is worshipped by men.
AI translation rendered from the Sanskrit, not a published edition
ViP 6 4.42
ऋग्यजुःसामभिर् मार्गैः प्रवृत्तैर् इज्यते ह्य् असौ यज्ञेश्वरो यज्ञपुमान् पुरुषैः पुरुषोत्तमः ॥
ṛgyajuḥsāmabhir mārgaiḥ pravṛttair ijyate hy asau yajñeśvaro yajñapumān puruṣaiḥ puruṣottamaḥ //
For by the paths of the Ṛg-, Yajur- and Sāma-(vedas), the paths of engagement, he is worshipped — the Lord of sacrifice, the Person of sacrifice, the highest Person, (worshipped) by men.
AI translation rendered from the Sanskrit, not a published edition
ViP 6 4.43
ज्ञानात्मा ज्ञानयोगेन ज्ञानमूर्तिः स चेज्यते निवृत्ते योगिभिर् मार्गे विष्णुर् मुक्तिफलप्रदः ॥
jñānātmā jñānayogena jñānamūrtiḥ sa cejyate nivṛtte yogibhir mārge viṣṇur muktiphalapradaḥ //
And as the Self of knowledge, whose form is knowledge, he is worshipped by yogins through the discipline of knowledge on the path of withdrawal — Viṣṇu, who grants liberation as its fruit.
AI translation rendered from the Sanskrit, not a published edition
ViP 6 4.44
ह्रस्वदीर्घप्लुतैर् यत् तु किंचिद् वस्त्व् अभिधीयते यच् च वाचाम् अविषये तत् सर्वं विष्णुर् अव्ययः ॥
hrasvadīrghaplutair yat tu kiṃcid vastv abhidhīyate yac ca vācām aviṣaye tat sarvaṃ viṣṇur avyayaḥ //
Whatever thing is named by short, long or protracted (sounds), and whatever lies beyond the range of speech — all that is the imperishable Viṣṇu.
AI translation rendered from the Sanskrit, not a published edition
ViP 6 4.45
व्यक्तं स एव चाव्यक्तं स एव पुरुषो ऽव्ययः परमात्मा च विश्वात्मा विश्वरूपधरो हरिः ॥
vyaktaṃ sa eva cāvyaktaṃ sa eva puruṣo 'vyayaḥ paramātmā ca viśvātmā viśvarūpadharo hariḥ //
He alone is the manifest and he alone the unmanifest; he is the imperishable Person, and the supreme Self, the Self of all, Hari, who bears the form of the universe.
AI translation rendered from the Sanskrit, not a published edition
ViP 6 4.46
व्यक्ताव्यक्तात्मिका तस्मिन् प्रकृतिः संप्रलीयते पुरुषश् चापि मैत्रेय व्यापिन्य् अव्याहतात्मनि ॥
vyaktāvyaktātmikā tasmin prakṛtiḥ saṃpralīyate puruṣaś cāpi maitreya vyāpiny avyāhatātmani //
In him, Maitreya—the pervading one, whose nature is unobstructed—Nature, which consists of the manifest and the unmanifest, is dissolved, and the Person too.
AI translation rendered from the Sanskrit, not a published edition
ViP 6 4.47
द्विपरार्धात्मकः कालः कथितो यो मया तव तद् अहस् तस्य मैत्रेय विष्णोर् ईशस्य कथ्यते ॥
dviparārdhātmakaḥ kālaḥ kathito yo mayā tava tad ahas tasya maitreya viṣṇor īśasya kathyate //
The time consisting of two halves of Brahmā's lifespan that I have described to you—that, Maitreya, is called the day of that Viṣṇu, the Lord.
AI translation rendered from the Sanskrit, not a published edition
ViP 6 4.48
व्यक्ते च प्रकृतौ लीने प्रकृत्यां पुरुषे तथा तत्र स्थिते निशा चान्या तत्प्रमाणा महामुने ॥
vyakte ca prakṛtau līne prakṛtyāṃ puruṣe tathā tatra sthite niśā cānyā tatpramāṇā mahāmune //
And when the manifest is dissolved in Nature, and Nature likewise in the Person, and when he abides there, there is another night of the same measure, O great sage.
AI translation rendered from the Sanskrit, not a published edition
ViP 6 4.49
नैवाहस् तस्य न निशा नित्यस्य परमात्मनः उपचारस् तथाप्य् एष तस्येशस्य द्विजोच्यते ॥
naivāhas tasya na niśā nityasya paramātmanaḥ upacāras tathāpy eṣa tasyeśasya dvijocyate //
He, the eternal supreme Self, has neither day nor night; yet, O twice-born, this is said of that Lord as a figure of speech.
AI translation rendered from the Sanskrit, not a published edition
ViP 6 4.50
इत्य् एष तव मैत्रेय कथितः प्राकृतो लयः आत्यन्तिकम् अथो ब्रह्मन् निबोध प्रतिसंचरम् ॥
ity eṣa tava maitreya kathitaḥ prākṛto layaḥ ātyantikam atho brahman nibodha pratisaṃcaram //
Thus, Maitreya, this dissolution belonging to Nature has been told to you; now, brahman, learn of the final dissolution.
AI translation rendered from the Sanskrit, not a published edition