Vishnu Purana — Amsha 6 — Chapter 1
ViP 6 1.1
व्याख्याता भवता सर्गवंशमन्वन्तरस्थितिः वंशानुचरितं चैव विस्तरेण महामुने ॥
vyākhyātā bhavatā sargavaṃśamanvantarasthitiḥ vaṃśānucaritaṃ caiva vistareṇa mahāmune //
"The creation, the lineages, the manvantaras, the (world's) continuance, and the histories of the lineages have been expounded by you at length, great sage."
AI translation rendered from the Sanskrit, not a published edition
ViP 6 1.2
श्रोतुम् इच्छाम्य् अहं त्वत्तो यथावद् उपसंहृतिम् महाप्रलयसंज्ञां च कल्पान्ते च महामुने ॥
śrotum icchāmy ahaṃ tvatto yathāvad upasaṃhṛtim mahāpralayasaṃjñāṃ ca kalpānte ca mahāmune //
I wish to hear from you, great sage, the dissolution as it truly is, and that which is called the great dissolution, and (what happens) at the end of a kalpa.
AI translation rendered from the Sanskrit, not a published edition
ViP 6 1.3
मैत्रेय श्रूयतां मत्तो यथावद् उपसंहृतिः कल्पान्ते प्राकृते चैव प्रलये जायते यथा ॥
maitreya śrūyatāṃ matto yathāvad upasaṃhṛtiḥ kalpānte prākṛte caiva pralaye jāyate yathā //
Maitreya, hear from me, as it truly is, the dissolution—how it comes about at the end of a kalpa and in the elemental (prākṛta) dissolution.
AI translation rendered from the Sanskrit, not a published edition
ViP 6 1.4
अहोरात्रं पितॄणां तु मासो ऽब्दस् त्रिदिवौकसाम् चतुर्युगसहस्रे तु ब्रह्मणो द्वे द्विजोत्तम ॥
ahorātraṃ pitṝṇāṃ tu māso 'bdas tridivaukasām caturyugasahasre tu brahmaṇo dve dvijottama //
A day and night (of men) is a month for the ancestors, and a year for the dwellers in heaven; but two thousand four-age cycles are (a day and night) of Brahmā, O best of the twice-born.
AI translation rendered from the Sanskrit, not a published edition
ViP 6 1.5
कृतं त्रेता द्वापरं च कलिश् चैव चतुर्युगम् दिव्यैर् वर्षसहस्रैस् तु तद् द्वादशभिर् उच्यते ॥
kṛtaṃ tretā dvāparaṃ ca kaliś caiva caturyugam divyair varṣasahasrais tu tad dvādaśabhir ucyate //
Kṛta, Tretā, Dvāpara, and Kali—this is the four-age cycle; it is said to consist of twelve thousand divine years.
AI translation rendered from the Sanskrit, not a published edition
ViP 6 1.6
चतुर्युगाण्य् अशेषाणि सदृशानि स्वरूपतः आद्यं कृतयुगं मुक्त्वा मैत्रेयान्त्यं तथा कलिम् ॥
caturyugāṇy aśeṣāṇi sadṛśāni svarūpataḥ ādyaṃ kṛtayugaṃ muktvā maitreyāntyaṃ tathā kalim //
All the four-age cycles are alike in their nature, except for the first Kṛta age and likewise the last Kali, Maitreya.
AI translation rendered from the Sanskrit, not a published edition
ViP 6 1.7
आद्ये कृतयुगे सर्गो ब्रह्मणा क्रियते यतः क्रियते चोपसंहारस् तथान्ते च कलौ युगे ॥
ādye kṛtayuge sargo brahmaṇā kriyate yataḥ kriyate copasaṃhāras tathānte ca kalau yuge //
Because in the first Kṛta age creation is performed by Brahmā, and at the end, in the Kali age, the dissolution is performed.
AI translation rendered from the Sanskrit, not a published edition
ViP 6 1.8
कलेः स्वरूपं भगवन् विस्तराद् वक्तुम् अर्हसि धर्मश् चतुष्पाद् भगवन् यस्मिन् विप्लवम् ऋच्छति ॥
kaleḥ svarūpaṃ bhagavan vistarād vaktum arhasi dharmaś catuṣpād bhagavan yasmin viplavam ṛcchati //
Lord, you should describe at length the nature of the Kali (age), in which, lord, the four-footed dharma comes to ruin.
AI translation rendered from the Sanskrit, not a published edition
ViP 6 1.9
कलेः स्वरूपं मैत्रेय यद् भवान् प्रष्टुम् इच्छति तन् निबोध समासेन वर्तते यन् महामुने ॥
kaleḥ svarūpaṃ maitreya yad bhavān praṣṭum icchati tan nibodha samāsena vartate yan mahāmune //
Maitreya, the nature of the Kali age that you wish to ask about—learn it in brief, how it goes on, great sage.
AI translation rendered from the Sanskrit, not a published edition
ViP 6 1.10
वर्णाश्रमाचारवती प्रवृत्तिर् न कलौ नृणाम् न साम-ऋग्यजुर्वेदविनिष्पादनहैतुकी ॥
varṇāśramācāravatī pravṛttir na kalau nṛṇām na sāma-ṛgyajurvedaviniṣpādanahaitukī //
In the Kali age the activity of men is not in accord with the observances of class and life-stage, nor is it motivated by the carrying out of the Sāma, Ṛg and Yajur Vedas.
AI translation rendered from the Sanskrit, not a published edition
ViP 6 1.11
विवाहा न कलौ धर्म्या न शिष्यगुरुसंस्थितिः न दाम्पत्यक्रमो नैव वह्निदेवात्मकः क्रमः ॥
vivāhā na kalau dharmyā na śiṣyagurusaṃsthitiḥ na dāmpatyakramo naiva vahnidevātmakaḥ kramaḥ //
In the Kali age marriages are not lawful, nor is the (proper) relation of pupil and teacher, nor the order of husband and wife, nor the procedure centred on the fire and the gods.
AI translation rendered from the Sanskrit, not a published edition
ViP 6 1.12
यत्र तत्र कुले जातो बली सर्वेश्वरः कलौ सर्वेभ्य एव वर्णेभ्यो योग्यः कन्यावरोधने ॥
yatra tatra kule jāto balī sarveśvaraḥ kalau sarvebhya eva varṇebhyo yogyaḥ kanyāvarodhane //
In the Kali age a strong man, born in whatever family, is lord of all, and is fit to take brides from all the classes alike.
AI translation rendered from the Sanskrit, not a published edition
ViP 6 1.13
येन तेनैव योगेन द्विजातिर् दीक्षितः कलौ यैव सैव च मैत्रेय प्रायश्चित्तक्रिया कलौ ॥
yena tenaiva yogena dvijātir dīkṣitaḥ kalau yaiva saiva ca maitreya prāyaścittakriyā kalau //
In the Kali age a twice-born is initiated by whatever procedure at all, and whatever it may be, that, Maitreya, serves as the rite of expiation in the Kali age.
AI translation rendered from the Sanskrit, not a published edition
ViP 6 1.14
सर्वम् एव कलौ शास्त्रं यस्य यद् वचनं द्विज देवताश् च कलौ सर्वाः सर्वः सर्वस्य चाश्रमः ॥
sarvam eva kalau śāstraṃ yasya yad vacanaṃ dvija devatāś ca kalau sarvāḥ sarvaḥ sarvasya cāśramaḥ //
In the Kali age whatever anyone says is entirely scripture, O twice-born; in the Kali age all (beings) are deities, and any life-stage belongs to anyone.
AI translation rendered from the Sanskrit, not a published edition
ViP 6 1.15
उपवासस् तथायासो वित्तोत्सर्गस् तथा कलौ धर्मो यथाभिरुचितैर् अनुष्ठानैर् अनुष्ठितः ॥
upavāsas tathāyāso vittotsargas tathā kalau dharmo yathābhirucitair anuṣṭhānair anuṣṭhitaḥ //
In the Kali age fasting, likewise bodily exertion, and likewise the giving away of wealth (are held to be) dharma, performed by whatever observances one pleases.
AI translation rendered from the Sanskrit, not a published edition
ViP 6 1.16
वित्तेन भविता पुंसां स्वल्पेनाढ्यमदः कलौ स्त्रीणां रूपमदश् चैव केशैर् एव भविष्यति ॥
vittena bhavitā puṃsāṃ svalpenāḍhyamadaḥ kalau strīṇāṃ rūpamadaś caiva keśair eva bhaviṣyati //
In the Kali age men will have the pride of wealth from a very small fortune, and women's pride in beauty will come from their hair alone.
AI translation rendered from the Sanskrit, not a published edition
ViP 6 1.17
सुवर्णमणिरत्नादौ वस्त्रे चोपक्षयं गते कलौ स्त्रियो भविष्यन्ति तदा केशैर् अलंकृताः ॥
suvarṇamaṇiratnādau vastre copakṣayaṃ gate kalau striyo bhaviṣyanti tadā keśair alaṃkṛtāḥ //
When gold, gems, jewels and the like, and clothing have run out, then in the Kali age women will be adorned with their hair (alone).
AI translation rendered from the Sanskrit, not a published edition
ViP 6 1.18
परित्यक्ष्यन्ति भर्तारं वित्तहीनं तथा स्त्रियः भर्ता भविष्यति कलौ वित्तवान् एव योषिताम् ॥
parityakṣyanti bhartāraṃ vittahīnaṃ tathā striyaḥ bhartā bhaviṣyati kalau vittavān eva yoṣitām //
Likewise women will abandon a husband who has no wealth; in the Kali age it is the man with wealth who will be the husband of women.
AI translation rendered from the Sanskrit, not a published edition
ViP 6 1.19
यो यो ददाति बहुलं स स स्वामी तदा नृणाम् स्वामित्वहेतुः संबन्धो भावी नाभिजनस् तदा ॥
yo yo dadāti bahulaṃ sa sa svāmī tadā nṛṇām svāmitvahetuḥ saṃbandho bhāvī nābhijanas tadā //
Whoever gives much, he alone will then be the master of men; the cause of lordship will then be connection (with wealth), not birth.
AI translation rendered from the Sanskrit, not a published edition
ViP 6 1.20
गृहान्ता द्रव्यसंघाता द्रव्यान्ता च तथा मतिः अर्थाश् चात्मोपभोगान्ता भविष्यन्ति कलौ युगे ॥
gṛhāntā dravyasaṃghātā dravyāntā ca tathā matiḥ arthāś cātmopabhogāntā bhaviṣyanti kalau yuge //
Accumulations of wealth will end in the house, and thought too will end in wealth; and riches will end in one's own enjoyment, in the Kali age.
AI translation rendered from the Sanskrit, not a published edition
ViP 6 1.21
स्त्रियः कलौ भविष्यन्ति स्वैरिण्यो ललितस्पृहाः अन्यायावाप्तवित्तेषु पुरुषाश् च स्पृहालवः ॥
striyaḥ kalau bhaviṣyanti svairiṇyo lalitaspṛhāḥ anyāyāvāptavitteṣu puruṣāś ca spṛhālavaḥ //
In the Kali (age) women will be wanton, longing for pleasures, and men will be covetous of wealth acquired unjustly.
AI translation rendered from the Sanskrit, not a published edition
ViP 6 1.22
अभ्यर्थितो ऽपि सुहृदा स्वार्थहानिं न मानवः पणार्धार्धार्धमात्रे ऽपि करिष्यति तदा द्विज ॥
abhyarthito 'pi suhṛdā svārthahāniṃ na mānavaḥ paṇārdhārdhārdhamātre 'pi kariṣyati tadā dvija //
Even when begged by a friend, a man will not then incur a loss to his own interest, not even to the extent of half of half of half of a paṇa, O brahmin.
AI translation rendered from the Sanskrit, not a published edition
ViP 6 1.23
समानपौरुषं चेतो भावि विप्रेषु वै कलौ क्षीरप्रदानसंबन्धि भावि गोषु च गौरवम् ॥
samānapauruṣaṃ ceto bhāvi vipreṣu vai kalau kṣīrapradānasaṃbandhi bhāvi goṣu ca gauravam //
In the Kali age the mind of brahmins will be (such as belongs to) men of ordinary sort; and reverence toward cows will be connected with (their) giving of milk.
AI translation rendered from the Sanskrit, not a published edition
ViP 6 1.24
अनावृष्टिभयप्रायाः प्रजाः क्षुद्भयकातराः भविष्यन्ति तदा सर्वा गगनासक्तदृष्टयः ॥
anāvṛṣṭibhayaprāyāḥ prajāḥ kṣudbhayakātarāḥ bhaviṣyanti tadā sarvā gaganāsaktadṛṣṭayaḥ //
Then all the people, mostly (living) in fear of drought, distressed by the fear of hunger, will be with their eyes fixed on the sky.
AI translation rendered from the Sanskrit, not a published edition
ViP 6 1.25
कन्दपर्णफलाहारास् तापसा इव मानवाः आत्मानं घातयिष्यन्ति तदावृष्ट्यादिदुःखिताः ॥
kandaparṇaphalāhārās tāpasā iva mānavāḥ ātmānaṃ ghātayiṣyanti tadāvṛṣṭyādiduḥkhitāḥ //
Men, eating roots, leaves and fruits like ascetics, will destroy themselves, being afflicted by drought and the rest.
AI translation rendered from the Sanskrit, not a published edition
ViP 6 1.26
दुर्भिक्षम् एव सततं तदा क्लेशम् अनीश्वराः प्राप्स्यन्ति व्याहतसुखप्रमोदा मानवाः कलौ ॥
durbhikṣam eva satataṃ tadā kleśam anīśvarāḥ prāpsyanti vyāhatasukhapramodā mānavāḥ kalau //
Then there will be famine constantly; helpless, men in the Kali age will meet with distress, their happiness and joy broken.
AI translation rendered from the Sanskrit, not a published edition
ViP 6 1.27
अस्नानभोजिनो नाग्निदेवतातिथिपूजनम् करिष्यन्ति कलौ प्राप्ते न च पित्र्योदकक्रियाम् ॥
asnānabhojino nāgnidevatātithipūjanam kariṣyanti kalau prāpte na ca pitryodakakriyām //
When the Kali age has come, they will eat without bathing, and will not perform the worship of the fire, the gods and guests, nor the water-rite for the ancestors.
AI translation rendered from the Sanskrit, not a published edition
ViP 6 1.28
लोलुपा ह्रस्वदेहाश् च बह्वन्नादनतत्पराः बहुप्रजाल्पभाग्याश् च भविष्यन्ति कलौ स्त्रियः ॥
lolupā hrasvadehāś ca bahvannādanatatparāḥ bahuprajālpabhāgyāś ca bhaviṣyanti kalau striyaḥ //
In the Kali age women will be greedy, short of body, intent on eating much food, having many children and little good fortune.
AI translation rendered from the Sanskrit, not a published edition
ViP 6 1.29
उभाभ्याम् अथ पाणिभ्यां शिरःकण्डूयनं स्त्रियः कुर्वन्त्यो गुरुभर्तॄणाम् आज्ञां भेत्स्यन्त्य् अनादृताः ॥
ubhābhyām atha pāṇibhyāṃ śiraḥkaṇḍūyanaṃ striyaḥ kurvantyo gurubhartṝṇām ājñāṃ bhetsyanty anādṛtāḥ //
And then women, scratching their heads with both hands, will disregard and break the command of their elders and husbands.
AI translation rendered from the Sanskrit, not a published edition
ViP 6 1.30
स्वपोषणपराः क्षुद्रा देहसंस्कारवर्जिताः परुषानृतभाषिण्यो भविष्यन्ति कलौ स्त्रियः ॥
svapoṣaṇaparāḥ kṣudrā dehasaṃskāravarjitāḥ paruṣānṛtabhāṣiṇyo bhaviṣyanti kalau striyaḥ //
In the Kali age women will be intent on feeding themselves, petty, devoid of care for the body, speakers of harsh and false words.
AI translation rendered from the Sanskrit, not a published edition
ViP 6 1.31
दुःशीला दुष्टशीलेषु कुर्वन्त्यः सततं स्पृहाम् असद्वृत्ता भविष्यन्ति पुरुषेषु कुलाङ्गनाः ॥
duḥśīlā duṣṭaśīleṣu kurvantyaḥ satataṃ spṛhām asadvṛttā bhaviṣyanti puruṣeṣu kulāṅganāḥ //
Women of good family will be ill-behaved, constantly setting their desire on men of evil character, and of improper conduct.
AI translation rendered from the Sanskrit, not a published edition
ViP 6 1.32
वेदादानं करिष्यन्ति बटवश् च तथाव्रताः गृहस्थाश् च न होष्यन्ति न दास्यन्त्य् उचितान्य् अपि ॥
vedādānaṃ kariṣyanti baṭavaś ca tathāvratāḥ gṛhasthāś ca na hoṣyanti na dāsyanty ucitāny api //
Students (under vows) will thus practise the taking of (payment for) the Veda; and householders will neither offer oblations nor give even what is proper.
AI translation rendered from the Sanskrit, not a published edition — the model flagged this verse as uncertain
ViP 6 1.33
वनवासिनो भविष्यन्ति ग्राम्याहारपरिग्रहाः भिक्षवश् चापि मित्रादिस्नेहसंबन्धयन्त्रणाः ॥
vanavāsino bhaviṣyanti grāmyāhāraparigrahāḥ bhikṣavaś cāpi mitrādisnehasaṃbandhayantraṇāḥ //
Forest-dwellers will be ones who accept village food, and mendicants too will be constrained by ties of affection to friends and the like.
AI translation rendered from the Sanskrit, not a published edition
ViP 6 1.34
अरक्षितारो हर्तारः शुल्कव्याजेन पार्थिवाः हारिणो जनवित्तानां संप्राप्ते तु कलौ युगे ॥
arakṣitāro hartāraḥ śulkavyājena pārthivāḥ hāriṇo janavittānāṃ saṃprāpte tu kalau yuge //
When the Kali age has arrived, kings will not be protectors but plunderers, seizing the wealth of the people on the pretext of taxes.
AI translation rendered from the Sanskrit, not a published edition
ViP 6 1.35
यो यो ऽश्वरथनागाढ्यः स स राजा भविष्यति यश् च यश् चाबलः सर्वः स स भृत्यः कलौ युगे ॥
yo yo 'śvarathanāgāḍhyaḥ sa sa rājā bhaviṣyati yaś ca yaś cābalaḥ sarvaḥ sa sa bhṛtyaḥ kalau yuge //
In the Kali age, whoever is rich in horses, chariots and elephants, he will be king; and whoever is without power, every such one will be a servant.
AI translation rendered from the Sanskrit, not a published edition
ViP 6 1.36
वैश्याः कृषिवणिज्यादि संत्यज्य निजकर्म यत् शूद्रवृत्त्या प्रवर्त्स्यन्ति कारुकर्मोपजीविनः ॥
vaiśyāḥ kṛṣivaṇijyādi saṃtyajya nijakarma yat śūdravṛttyā pravartsyanti kārukarmopajīvinaḥ //
Vaiśyas, abandoning their own work, which is agriculture, trade and the rest, will proceed with the livelihood of śūdras, living by the work of artisans.
AI translation rendered from the Sanskrit, not a published edition
ViP 6 1.37
भैक्ष्यव्रतास् तथा शूद्राः प्रव्रज्यालिङ्गिनो ऽधमाः पाषण्डसंश्रयां वृत्तिम् आश्रयिष्यन्त्य् असंस्कृताः ॥
bhaikṣyavratās tathā śūdrāḥ pravrajyāliṅgino 'dhamāḥ pāṣaṇḍasaṃśrayāṃ vṛttim āśrayiṣyanty asaṃskṛtāḥ //
And śūdras, low men, will take up the vow of begging and wear the marks of the renunciant; uninitiated, they will resort to a livelihood dependent on heretical sects.
AI translation rendered from the Sanskrit, not a published edition
ViP 6 1.38
दुर्भिक्षकरपीडाभिर् अतीवोपद्रुता जनाः गोधूमान्नयवान्नाढ्यान् देशान् यास्यन्ति दुःखिताः ॥
durbhikṣakarapīḍābhir atīvopadrutā janāḥ godhūmānnayavānnāḍhyān deśān yāsyanti duḥkhitāḥ //
People, greatly harassed by famine and the oppression of taxes, will go in their misery to lands rich in wheat-food and barley-food.
AI translation rendered from the Sanskrit, not a published edition
ViP 6 1.39
वेदमार्गे प्रलीने च पाषण्डाढ्ये ततो जने अधर्मवृद्ध्या लोकानाम् अल्पम् आयुर् भविष्यति ॥
vedamārge pralīne ca pāṣaṇḍāḍhye tato jane adharmavṛddhyā lokānām alpam āyur bhaviṣyati //
And when the path of the Veda has vanished and people are then full of heresy, through the increase of unrighteousness the lifespan of men will be short.
AI translation rendered from the Sanskrit, not a published edition
ViP 6 1.40
अशास्त्रविहितं घोरं तप्यमानेषु वै तपः नरेषु नृपदोषेण बालमृत्युर् भविष्यति ॥
aśāstravihitaṃ ghoraṃ tapyamāneṣu vai tapaḥ nareṣu nṛpadoṣeṇa bālamṛtyur bhaviṣyati //
When men practise terrible austerity not prescribed by the scriptures, through the king's fault there will be death of children.
AI translation rendered from the Sanskrit, not a published edition
ViP 6 1.41
भवित्री योषितां सूतिः पञ्चषट्सप्तवार्षिकी नवाष्टदशवर्षाणां मनुष्याणां तथा कलौ ॥
bhavitrī yoṣitāṃ sūtiḥ pañcaṣaṭsaptavārṣikī navāṣṭadaśavarṣāṇāṃ manuṣyāṇāṃ tathā kalau //
In the Kali age, childbirth of women will occur at five, six or seven years, and of men (fathering) at nine, eight or ten years.
AI translation rendered from the Sanskrit, not a published edition
ViP 6 1.42
पलितोद्भवश् च भविता तदा द्वादशवार्षिकः नातिजीवति वै कश्चित् कलौ वर्षाणि विंशतिः ॥
palitodbhavaś ca bhavitā tadā dvādaśavārṣikaḥ nātijīvati vai kaścit kalau varṣāṇi viṃśatiḥ //
Then the appearance of grey hair will come at twelve years of age, and in the Kali (age) no one lives much beyond twenty years.
AI translation rendered from the Sanskrit, not a published edition
ViP 6 1.43
अल्पप्रज्ञा वृथालिङ्गा दुष्टान्तःकरणाः कलौ यतस् ततो विनङ्क्ष्यन्ति कालेनाल्पेन मानवाः ॥
alpaprajñā vṛthāliṅgā duṣṭāntaḥkaraṇāḥ kalau yatas tato vinaṅkṣyanti kālenālpena mānavāḥ //
Since in the Kali (age) men are of little wisdom, wear (religious) marks to no purpose, and are evil in their inner faculties, therefore they will perish in a short time.
AI translation rendered from the Sanskrit, not a published edition
ViP 6 1.44
यदा यदा हि पाषण्डवृद्धिर् मैत्रेय लक्ष्यते तदा तदा कलेर् वृद्धिर् अनुमेया विचक्षणैः ॥
yadā yadā hi pāṣaṇḍavṛddhir maitreya lakṣyate tadā tadā kaler vṛddhir anumeyā vicakṣaṇaiḥ //
For whenever an increase of heretics is observed, Maitreya, then the discerning should infer an increase of the Kali (age).
AI translation rendered from the Sanskrit, not a published edition
ViP 6 1.45
यदा यदा सतां हानिर् वेदमार्गानुसारिणाम् तदा तदा कलेर् वृद्धिर् अनुमेया विचक्षणैः ॥
yadā yadā satāṃ hānir vedamārgānusāriṇām tadā tadā kaler vṛddhir anumeyā vicakṣaṇaiḥ //
Whenever there is a decline of the good who follow the path of the Veda, then the discerning should infer an increase of the Kali (age).
AI translation rendered from the Sanskrit, not a published edition
ViP 6 1.46
प्रारम्भाश् चावसीदन्ति यदा धर्मकृतां नृणाम् तदानुमेयं प्राधान्यं कलेर् मैत्रेय पण्डितैः ॥
prārambhāś cāvasīdanti yadā dharmakṛtāṃ nṛṇām tadānumeyaṃ prādhānyaṃ kaler maitreya paṇḍitaiḥ //
When the undertakings of men who perform dharma come to nothing, then, Maitreya, the learned should infer the dominance of the Kali (age).
AI translation rendered from the Sanskrit, not a published edition
ViP 6 1.47
यदा यदा न यज्ञानाम् ईश्वरः पुरुषोत्तमः इज्यते पुरुषैर् यज्ञैस् तदा ज्ञेयं कलेर् बलम् ॥
yadā yadā na yajñānām īśvaraḥ puruṣottamaḥ ijyate puruṣair yajñais tadā jñeyaṃ kaler balam //
Whenever the Supreme Person, the lord of sacrifices, is not worshipped by men with sacrifices, then the strength of the Kali (age) is to be recognised.
AI translation rendered from the Sanskrit, not a published edition
ViP 6 1.48
न प्रीतिर् वेदवादेषु पाषण्डेषु यदा रतिः कलेर् वृद्धिस् तदा प्राज्ञैर् अनुमेया द्विजोत्तम ॥
na prītir vedavādeṣu pāṣaṇḍeṣu yadā ratiḥ kaler vṛddhis tadā prājñair anumeyā dvijottama //
When there is no delight in the utterances of the Veda but pleasure in heretical (doctrines), then, best of twice-born, the wise should infer the increase of the Kali (age).
AI translation rendered from the Sanskrit, not a published edition
ViP 6 1.49
कलौ जगत्पतिं विष्णुं सर्वस्रष्टारम् ईश्वरम् नार्चयिष्यन्ति मैत्रेय पाषण्डोपहता नराः ॥
kalau jagatpatiṃ viṣṇuṃ sarvasraṣṭāram īśvaram nārcayiṣyanti maitreya pāṣaṇḍopahatā narāḥ //
In the Kali (age), Maitreya, men ruined by heresy will not worship Viṣṇu, the lord of the world, the creator of all, the sovereign.
AI translation rendered from the Sanskrit, not a published edition
ViP 6 1.50
किं देवैः किं द्विजैर् वेदैः किं शौचेनाम्बुजन्मना इत्य् एवं विप्र वक्ष्यन्ति पाषण्डोपहता नराः ॥
kiṃ devaiḥ kiṃ dvijair vedaiḥ kiṃ śaucenāmbujanmanā ity evaṃ vipra vakṣyanti pāṣaṇḍopahatā narāḥ //
"What good are gods? What good are the twice-born and the Vedas? What good is purification by water?" — thus, brahmin, will men ruined by heresy speak.
AI translation rendered from the Sanskrit, not a published edition
ViP 6 1.51
स्वल्पाम्बुवृष्टिः पर्जन्यः सस्यं स्वल्पफलं तथा फलं तथाल्पसारं च विप्र प्राप्ते कलौ युगे ॥
svalpāmbuvṛṣṭiḥ parjanyaḥ sasyaṃ svalpaphalaṃ tathā phalaṃ tathālpasāraṃ ca vipra prāpte kalau yuge //
When the Kali age has arrived, brahmin, the rain-cloud (gives) very little water, the crop bears little fruit, and the fruit likewise has little substance.
AI translation rendered from the Sanskrit, not a published edition
ViP 6 1.52
शाणीप्रायाणि वस्त्राणि शमीप्राया महीरुहाः शूद्रप्रायास् तथा वर्णा भविष्यन्ति कलौ युगे ॥
śāṇīprāyāṇi vastrāṇi śamīprāyā mahīruhāḥ śūdraprāyās tathā varṇā bhaviṣyanti kalau yuge //
In the Kali age garments will be mostly of hemp, trees mostly śamī, and the classes likewise mostly śūdra.
AI translation rendered from the Sanskrit, not a published edition
ViP 6 1.53
अणुप्रायाणि धान्यानि आजप्रायं तथा पयः भविष्यति कलौ प्राप्ते उशीरं चानुलेपनम् ॥
aṇuprāyāṇi dhānyāni ājaprāyaṃ tathā payaḥ bhaviṣyati kalau prāpte uśīraṃ cānulepanam //
When the Kali (age) has arrived, grains will be mostly tiny ones, milk mostly goat's, and uśīra the (only) unguent.
AI translation rendered from the Sanskrit, not a published edition
ViP 6 1.54
श्वश्रूश्वशुरभूयिष्ठा गुरवश् च नृणां कलौ श्यालाद्या हारिभार्याश् च सुहृदो मुनिसत्तम ॥
śvaśrūśvaśurabhūyiṣṭhā guravaś ca nṛṇāṃ kalau śyālādyā hāribhāryāś ca suhṛdo munisattama //
In the Kali (age), best of sages, men's elders will consist mostly of mothers-in-law and fathers-in-law, and their friends will be brothers-in-law and the like, and those who attract (their) wives.
AI translation rendered from the Sanskrit, not a published edition — the model flagged this verse as uncertain
ViP 6 1.55
कस्य माता पिता कस्य यदा कर्मात्मकः पुमान् इति चोदाहरिष्यन्ति श्वशुरानुगता नराः ॥
kasya mātā pitā kasya yadā karmātmakaḥ pumān iti codāhariṣyanti śvaśurānugatā narāḥ //
"Whose mother, whose father, when a man is (only) the product of his own acts?" — thus will men speak, following after their fathers-in-law.
AI translation rendered from the Sanskrit, not a published edition
ViP 6 1.56
वाङ्मनःकायिकैर् दोषैर् अभिभूताः पुनः पुनः नराः पापान्य् अनुदिनं करिष्यन्त्य् अल्पमेधसः ॥
vāṅmanaḥkāyikair doṣair abhibhūtāḥ punaḥ punaḥ narāḥ pāpāny anudinaṃ kariṣyanty alpamedhasaḥ //
Overcome again and again by faults of speech, mind and body, men of little intelligence will commit sins day after day.
AI translation rendered from the Sanskrit, not a published edition
ViP 6 1.57
निःसत्त्वानाम् अशौचानां निर्ह्रीकाणां तथा नृणाम् यद् यद् दुःखाय तत् सर्वं कलिकाले भविष्यति ॥
niḥsattvānām aśaucānāṃ nirhrīkāṇāṃ tathā nṛṇām yad yad duḥkhāya tat sarvaṃ kalikāle bhaviṣyati //
For men who are without goodness, without purity, and without shame, whatever leads to suffering — all that will come about in the Kali time.
AI translation rendered from the Sanskrit, not a published edition
ViP 6 1.58
निःस्वाध्यायवषट्कारे स्वधास्वाहाविवर्जिते तदा प्रविरलो विप्र क्वचिल् लोको भविष्यति ॥
niḥsvādhyāyavaṣaṭkāre svadhāsvāhāvivarjite tadā praviralo vipra kvacil loko bhaviṣyati //
Then, brahmin, in a (world) without Vedic recitation and the vaṣaṭ-call, devoid of svadhā and svāhā, the population will become sparse here and there.
AI translation rendered from the Sanskrit, not a published edition
ViP 6 1.59
तत्राल्पेनैव यत्नेन पुण्यस्कन्धम् अनुत्तमम् करोति यं कृतयुगे क्रियते तपसा हि सः ॥
tatrālpenaiva yatnena puṇyaskandham anuttamam karoti yaṃ kṛtayuge kriyate tapasā hi saḥ //
There, with only a little effort, one produces that unsurpassed mass of merit which in the Kṛta age is produced by austerity.
AI translation rendered from the Sanskrit, not a published edition