Vishnu Purana — Amsha 5 — Chapter 4
ViP 5 4.1
कंसस् ततौद्विग्नमनाः प्राह सर्वान् महासुरान् प्रलम्बकेशिप्रमुखान् आहूयासुरपुंगवान् ॥
kaṃsas tataudvignamanāḥ prāha sarvān mahāsurān pralambakeśipramukhān āhūyāsurapuṃgavān //
Then Kaṃsa, with troubled mind, summoned all the great demons, the bulls among Asuras, headed by Pralamba and Keśin, and spoke (to them).
AI translation rendered from the Sanskrit, not a published edition
ViP 5 4.2
हे प्रलम्ब महाबाहो केशिन् धेनुक पूतने अरिष्टाद्यैस् तथा चान्यैः श्रूयतां वचनं मम ॥
he pralamba mahābāho keśin dhenuka pūtane ariṣṭādyais tathā cānyaiḥ śrūyatāṃ vacanaṃ mama //
"Ho, long-armed Pralamba, Keśin, Dhenuka, Pūtanā, and Ariṣṭa and the rest, and the others too—let my words be heard.
AI translation rendered from the Sanskrit, not a published edition
ViP 5 4.3
मां हन्तुम् अमरैर् यत्नः कृतः किल दुरात्मभिः मद्वीर्यतापितैर् वीरा न त्व् एतान् गणयाम्य् अहम् ॥
māṃ hantum amarair yatnaḥ kṛtaḥ kila durātmabhiḥ madvīryatāpitair vīrā na tv etān gaṇayāmy aham //
An attempt has been made, it seems, by the evil-souled immortals to kill me—by those scorched by my valour; but I, heroes, do not count them for anything.
AI translation rendered from the Sanskrit, not a published edition
ViP 5 4.4
किम् इन्द्रेणाल्पवीर्येण किं हरेणैकचारिणा हरिणा वापि किं साध्यं छिद्रेष्व् असुरघातिना ॥
kim indreṇālpavīryeṇa kiṃ hareṇaikacāriṇā hariṇā vāpi kiṃ sādhyaṃ chidreṣv asuraghātinā //
What is Indra, of little valour? What is Hara, who goes about alone? Or what can be accomplished by Hari, who slays Asuras (only) at their weak points?
AI translation rendered from the Sanskrit, not a published edition
ViP 5 4.5
किम् आदित्यैः सवसुभिर् अल्पवीर्यैः किम् अग्निभिः किं वान्यैर् अमरैः सर्वैर् मद्बाहुबलनिर्जितैः ॥
kim ādityaiḥ savasubhir alpavīryaiḥ kim agnibhiḥ kiṃ vānyair amaraiḥ sarvair madbāhubalanirjitaiḥ //
What are the Ādityas to me, along with the Vasus, weak in strength? What the Agnis? Or what all the other immortals, conquered by the might of my arms?
AI translation rendered from the Sanskrit, not a published edition
ViP 5 4.6
किं न दृष्टो ऽमरपतिर् मया संयुगम् एत्य सः पृष्ठेनैव वहन् बाणान् अपागच्छन् न वक्षसा ॥
kiṃ na dṛṣṭo 'marapatir mayā saṃyugam etya saḥ pṛṣṭhenaiva vahan bāṇān apāgacchan na vakṣasā //
Have I not seen the lord of the immortals — how, having come to battle with me, he went off bearing arrows on his back only, not on his chest?
AI translation rendered from the Sanskrit, not a published edition
ViP 5 4.7
मद्राष्ट्रे वारिता वृष्टिर् यदा शक्रेण किं तदा मद्बाणभिन्नैर् जलदैर् आपो मुक्ता यथेप्सिताः ॥
madrāṣṭre vāritā vṛṣṭir yadā śakreṇa kiṃ tadā madbāṇabhinnair jaladair āpo muktā yathepsitāḥ //
When rain was withheld from my kingdom by Śakra, what came of it? Waters were released as desired from the clouds split open by my arrows.
AI translation rendered from the Sanskrit, not a published edition
ViP 5 4.8
किम् उर्व्याम् अवनीपाला मद्बाहुबलभीरवः न सर्वे सन्नतिं याता जरासंधम् ऋते गुरुम् ॥
kim urvyām avanīpālā madbāhubalabhīravaḥ na sarve sannatiṃ yātā jarāsaṃdham ṛte gurum //
Have not all the kings on earth, afraid of the strength of my arms, come to submission — except Jarāsaṃdha, my elder?
AI translation rendered from the Sanskrit, not a published edition
ViP 5 4.9
अमरेषु ममावज्ञा जायते दैत्यपुंगवाः हास्यं मे जायते वीरास् तेषु यत्नपरेष्व् अपि ॥
amareṣu mamāvajñā jāyate daityapuṃgavāḥ hāsyaṃ me jāyate vīrās teṣu yatnapareṣv api //
Contempt for the immortals arises in me, O bulls among the Daityas; laughter arises in me, O heroes, at them, even when they are intent on effort.
AI translation rendered from the Sanskrit, not a published edition
ViP 5 4.10
तथापि खलु दुष्टानां तेषाम् अभ्यधिकं मया अपकाराय दैत्येन्द्रा यतनीयं दुरात्मनाम् ॥
tathāpi khalu duṣṭānāṃ teṣām abhyadhikaṃ mayā apakārāya daityendrā yatanīyaṃ durātmanām //
Even so, indeed, O lords of the Daityas, I must strive all the more to do harm to those wicked, evil-souled ones.
AI translation rendered from the Sanskrit, not a published edition
ViP 5 4.11
तद् ये तपस्विनः केचित् पृथिव्यां ये च यज्विनः कार्यो देवापकाराय तेषां सर्वात्मना वधः ॥
tad ye tapasvinaḥ kecit pṛthivyāṃ ye ca yajvinaḥ kāryo devāpakārāya teṣāṃ sarvātmanā vadhaḥ //
Therefore, to injure the gods, whatever ascetics there are on earth and whatever sacrificers, their killing must be carried out with all one's being.
AI translation rendered from the Sanskrit, not a published edition
ViP 5 4.12
उत्पन्नश् चापि मृत्युर् मे भूतपूर्वश् च मे किल इत्य् एतद् बालिका प्राह देवकीगर्भसंभवा ॥
utpannaś cāpi mṛtyur me bhūtapūrvaś ca me kila ity etad bālikā prāha devakīgarbhasaṃbhavā //
"And your death has been born, and indeed it has already come to be" — thus said the little girl born from Devakī's womb.
AI translation rendered from the Sanskrit, not a published edition
ViP 5 4.13
तस्माद् बालेषु परमो यत्नः कार्यो महीतले यत्रोद्रिक्तं बलं बाले स हन्तव्यः प्रयत्नतः ॥
tasmād bāleṣu paramo yatnaḥ kāryo mahītale yatrodriktaṃ balaṃ bāle sa hantavyaḥ prayatnataḥ //
Therefore the utmost effort must be made regarding children on the face of the earth: in whatever child strength is excessive, he is to be killed with effort.
AI translation rendered from the Sanskrit, not a published edition
ViP 5 4.14
इत्य् आज्ञाप्यासुरान् कंसः प्रविश्यात्मगृहं ततः मुमोच वसुदेवं च देवकीं च निरोधतः ॥
ity ājñāpyāsurān kaṃsaḥ praviśyātmagṛhaṃ tataḥ mumoca vasudevaṃ ca devakīṃ ca nirodhataḥ //
Having thus commanded the Asuras, Kaṃsa then entered his own house and released Vasudeva and Devakī from confinement.
AI translation rendered from the Sanskrit, not a published edition
ViP 5 4.15
युवयोर् घातिता गर्भा वृथैवैते मयाधुना को ऽप्य् अन्य एव नाशाय बालो मम समुद्गतः ॥
yuvayor ghātitā garbhā vṛthaivaite mayādhunā ko 'py anya eva nāśāya bālo mama samudgataḥ //
"Your offspring have been killed by me now quite in vain; some other child altogether has arisen for my destruction.
AI translation rendered from the Sanskrit, not a published edition
ViP 5 4.16
तद् अलं परितापेन नूनं तद् भाविनो हि ते अर्भका युवयोः को वा नायुषो ऽन्ते विहन्यते ॥
tad alaṃ paritāpena nūnaṃ tad bhāvino hi te arbhakā yuvayoḥ ko vā nāyuṣo 'nte vihanyate //
So enough of grieving; surely those infants of yours were fated to that. And who is not slain at the end of his lifespan?"
AI translation rendered from the Sanskrit, not a published edition
ViP 5 4.17
इत्य् आश्वास्य विमुक्त्वा च कंसस् तौ परिशङ्कितः अन्तर्गृहं द्विजश्रेष्ठ प्रविवेश पुनः स्वकम् ॥
ity āśvāsya vimuktvā ca kaṃsas tau pariśaṅkitaḥ antargṛhaṃ dvijaśreṣṭha praviveśa punaḥ svakam //
Having thus consoled and released those two, Kaṃsa, full of misgiving, entered again his own inner apartments, O best of brahmins.
AI translation rendered from the Sanskrit, not a published edition