Vishnu Purana — Amsha 5 — Chapter 38
ViP 5 38.1
अर्जुनो ऽपि तदान्विष्य कृष्णरामकलेवरे संस्कारं लम्भयाम् आस तथान्येषाम् अनुक्रमात् ॥
arjuno 'pi tadānviṣya kṛṣṇarāmakalevare saṃskāraṃ lambhayām āsa tathānyeṣām anukramāt //
Arjuna too, having then sought out the bodies of Kṛṣṇa and Rāma, had the funeral rites performed for them, and likewise for the others in order.
AI translation rendered from the Sanskrit, not a published edition
ViP 5 38.2
अष्टौ महिष्यः कथिता रुक्मिणीप्रमुखास् तु याः उपगुह्य हरेर् देहं विविशुस् ता हुताशनम् ॥
aṣṭau mahiṣyaḥ kathitā rukmiṇīpramukhās tu yāḥ upaguhya harer dehaṃ viviśus tā hutāśanam //
The eight chief queens who are named, headed by Rukmiṇī, embraced the body of Hari and entered the fire.
AI translation rendered from the Sanskrit, not a published edition
ViP 5 38.3
रेवती चैव रामस्य देहम् आश्लिष्य सत्तम विवेश ज्वलितं वह्निं तत्सङ्गाह्लादशीतलम् ॥
revatī caiva rāmasya deham āśliṣya sattama viveśa jvalitaṃ vahniṃ tatsaṅgāhlādaśītalam //
And Revatī too, O best of the good, embracing the body of Rāma, entered the blazing fire, which was cool with the joy of union with him.
AI translation rendered from the Sanskrit, not a published edition
ViP 5 38.4
उग्रसेनस् तु तच् छ्रुत्वा तथैवानकदुन्दुभिः देवकी रोहिणी चैव विविशुर् जातवेदसम् ॥
ugrasenas tu tac chrutvā tathaivānakadundubhiḥ devakī rohiṇī caiva viviśur jātavedasam //
But Ugrasena, hearing that, and likewise Ānakadundubhi (Vasudeva), and Devakī and Rohiṇī, entered the fire.
AI translation rendered from the Sanskrit, not a published edition
ViP 5 38.5
ततो ऽर्जुनः प्रेतकार्यं कृत्वा तेषां यथाविधि निश्चक्राम जनं सर्वं गृहीत्वा वज्रम् एव च ॥
tato 'rjunaḥ pretakāryaṃ kṛtvā teṣāṃ yathāvidhi niścakrāma janaṃ sarvaṃ gṛhītvā vajram eva ca //
Then Arjuna, having performed the funeral rites for them according to rule, set out, taking all the people and Vajra as well.
AI translation rendered from the Sanskrit, not a published edition
ViP 5 38.6
द्वारवत्या विनिष्क्रान्ताः कृष्णपत्न्यः सहस्रशः वज्रं जनं च कौन्तेयः पालयञ् छनकैर् ययौ ॥
dvāravatyā viniṣkrāntāḥ kṛṣṇapatnyaḥ sahasraśaḥ vajraṃ janaṃ ca kaunteyaḥ pālayañ chanakair yayau //
The wives of Kṛṣṇa, by the thousands, went out from Dvāravatī; and the son of Kuntī went slowly, guarding Vajra and the people.
AI translation rendered from the Sanskrit, not a published edition
ViP 5 38.7
सभा सुधर्मा कृष्णेन मर्त्यलोके समुज्झिते स्वर्गं जगाम मैत्रेय पारिजातश् च पादपः ॥
sabhā sudharmā kṛṣṇena martyaloke samujjhite svargaṃ jagāma maitreya pārijātaś ca pādapaḥ //
When the mortal world had been abandoned by Kṛṣṇa, the hall Sudharmā went to heaven, O Maitreya, and the pārijāta tree as well.
AI translation rendered from the Sanskrit, not a published edition
ViP 5 38.8
यस्मिन् दिने हरिर् यातो दिवं संत्यज्य मेदिनीम् तस्मिन्न् एवावतीर्णो ऽयं कालकायो बली कलिः ॥
yasmin dine harir yāto divaṃ saṃtyajya medinīm tasminn evāvatīrṇo 'yaṃ kālakāyo balī kaliḥ //
On the very day when Hari, leaving the earth, went to heaven, on that day this powerful Kali, whose body is Time, descended.
AI translation rendered from the Sanskrit, not a published edition
ViP 5 38.9
प्लावयाम् आस तां शून्यां द्वारकां च महोदधिः यदुदेवगृहं त्व् एकं नाप्लावयत सागरः ॥
plāvayām āsa tāṃ śūnyāṃ dvārakāṃ ca mahodadhiḥ yadudevagṛhaṃ tv ekaṃ nāplāvayata sāgaraḥ //
And the great ocean flooded that empty Dvārakā; but the one house of the god of the Yadus the sea did not flood.
AI translation rendered from the Sanskrit, not a published edition
ViP 5 38.10
नातिक्रान्तुम् अलं ब्रह्मंस् तद् अद्यापि महोदधिः नित्यं संनिहितस् तत्र भगवान् केशवो यतः ॥
nātikrāntum alaṃ brahmaṃs tad adyāpi mahodadhiḥ nityaṃ saṃnihitas tatra bhagavān keśavo yataḥ //
Even today, O brahman, the great ocean is not able to pass beyond it, since the Lord Keśava is always present there.
AI translation rendered from the Sanskrit, not a published edition
ViP 5 38.11
तद् अतीव महापुण्यं सर्वपातकनाशनम् विष्णुक्रीडान्वितं स्थानं दृष्ट्वा पापात् प्रमुच्यते ॥
tad atīva mahāpuṇyaṃ sarvapātakanāśanam viṣṇukrīḍānvitaṃ sthānaṃ dṛṣṭvā pāpāt pramucyate //
That place, exceedingly holy, destroying all sins, filled with Viṣṇu's play—seeing (it) one is released from sin.
AI translation rendered from the Sanskrit, not a published edition
ViP 5 38.12
पार्थः पञ्चनदे देशे बहुधान्यसमन्विते चकार वासं सर्वस्य जनस्य मुनिसत्तम ॥
pārthaḥ pañcanade deśe bahudhānyasamanvite cakāra vāsaṃ sarvasya janasya munisattama //
Pārtha made a dwelling for all the people in the land of the Five Rivers, which was rich in much grain, O best of sages.
AI translation rendered from the Sanskrit, not a published edition
ViP 5 38.13
ततो लोभः समभवत् पार्थेनैकेन धन्विना दृष्ट्वा स्त्रियो नीयमाना दस्यूनां निहतेश्वराः ॥
tato lobhaḥ samabhavat pārthenaikena dhanvinā dṛṣṭvā striyo nīyamānā dasyūnāṃ nihateśvarāḥ //
Then greed arose (in the robbers), seeing that the women, whose lords had been slain, were being led (guarded) by Pārtha, a single bowman.
AI translation rendered from the Sanskrit, not a published edition
ViP 5 38.14
ततस् ते पापकर्माणो लोभोपहतचेतसः आभीरा मन्त्रयाम् आसुः समेत्यात्यन्तदुर्मदाः ॥
tatas te pāpakarmāṇo lobhopahatacetasaḥ ābhīrā mantrayām āsuḥ sametyātyantadurmadāḥ //
Then those evil-doers, the Ābhīras, their minds ruined by greed, exceedingly reckless, came together and took counsel.
AI translation rendered from the Sanskrit, not a published edition
ViP 5 38.15
अयम् एको ऽर्जुनो धन्वी स्त्रीजनं निहतेश्वरम् नयत्य् अस्मान् अतिक्रम्य धिग् एतद् भवतां बलम् ॥
ayam eko 'rjuno dhanvī strījanaṃ nihateśvaram nayaty asmān atikramya dhig etad bhavatāṃ balam //
"This Arjuna, a single bowman, is leading away the women whose lords have been slain, passing us by. Shame on that strength of yours!"
AI translation rendered from the Sanskrit, not a published edition
ViP 5 38.16
हत्वा गर्वं समारूढो भीष्मद्रोणजयद्रथान् कर्णादींश् च न जानाति बलं ग्रामनिवासिनाम् ॥
hatvā garvaṃ samārūḍho bhīṣmadroṇajayadrathān karṇādīṃś ca na jānāti balaṃ grāmanivāsinām //
"Having slain Bhīṣma, Droṇa, Jayadratha and Karṇa and the rest, he is mounted upon pride, and does not know the strength of village-dwellers."
AI translation rendered from the Sanskrit, not a published edition
ViP 5 38.17
हे हे यष्टीर् महायामा गृह्णीतायं सुदुर्मतिः सर्वान् एवावजानाति किं वो बाहुभिर् उन्नतैः ॥
he he yaṣṭīr mahāyāmā gṛhṇītāyaṃ sudurmatiḥ sarvān evāvajānāti kiṃ vo bāhubhir unnataiḥ //
"Ho! Ho! Take up your long staves! This most evil-minded one despises us all — of what use are those upraised arms of yours?"
AI translation rendered from the Sanskrit, not a published edition
ViP 5 38.18
ततो यष्टिप्रहरणा दस्यवो लोप्त्रहारिणः सहस्रशो ऽभ्यधावन्त तं जनं निहतेश्वरम् ॥
tato yaṣṭipraharaṇā dasyavo loptrahāriṇaḥ sahasraśo 'bhyadhāvanta taṃ janaṃ nihateśvaram //
Then the robbers, armed with staves, seizers of plunder, ran by the thousands upon that company whose lords had been slain.
AI translation rendered from the Sanskrit, not a published edition
ViP 5 38.19
ततो निवृत्य कौन्तेयः प्राहाभीरान् हसन्न् इव निवर्तध्वम् अधर्मज्ञा यदि न स्थ मुमूर्षवः ॥
tato nivṛtya kaunteyaḥ prāhābhīrān hasann iva nivartadhvam adharmajñā yadi na stha mumūrṣavaḥ //
Then the son of Kuntī turned back and said to the Ābhīras, as if laughing: "Turn back, you who know no right, if you do not wish to die."
AI translation rendered from the Sanskrit, not a published edition
ViP 5 38.20
अवज्ञाय वचस् तस्य जगृहुस् ते तदा धनम् स्त्रीजनं चैव मैत्रेय विष्वक्सेनपरिग्रहम् ॥
avajñāya vacas tasya jagṛhus te tadā dhanam strījanaṃ caiva maitreya viṣvaksenaparigraham //
Disregarding his word, they then seized the wealth and also the women, Maitreya, who were the possession of Viṣvaksena.
AI translation rendered from the Sanskrit, not a published edition
ViP 5 38.21
ततो ऽर्जुनो धनुर् दिव्यं गाण्डीवम् अजरं युधि आरोपयितुम् आरेभे न शशाक च वीर्यवान् ॥
tato 'rjuno dhanur divyaṃ gāṇḍīvam ajaraṃ yudhi āropayitum ārebhe na śaśāka ca vīryavān //
Then Arjuna began to string in battle the divine bow Gāṇḍīva, which does not age; and though full of valour, he could not.
AI translation rendered from the Sanskrit, not a published edition
ViP 5 38.22
चकार सज्जं कृच्छ्राच् च तच् चाभूच् छिथिलं पुनः न सस्मार तथास्त्राणि चिन्तयन्न् अपि पाण्डवः ॥
cakāra sajjaṃ kṛcchrāc ca tac cābhūc chithilaṃ punaḥ na sasmāra tathāstrāṇi cintayann api pāṇḍavaḥ //
With difficulty he made it ready, and it became slack again; nor did the Pāṇḍava recall his (missile-) spells, though he tried to think of them.
AI translation rendered from the Sanskrit, not a published edition
ViP 5 38.23
शरान् मुमोच चैतेषु पार्थो वैरिष्व् अमर्षितः त्वग्भेदं ते परं चक्रुर् अस्ता गाण्डीवधन्वना ॥
śarān mumoca caiteṣu pārtho vairiṣv amarṣitaḥ tvagbhedaṃ te paraṃ cakrur astā gāṇḍīvadhanvanā //
And Pārtha, unable to bear it, released arrows at those foes; but those shot by the wielder of Gāṇḍīva did no more than pierce the skin.
AI translation rendered from the Sanskrit, not a published edition
ViP 5 38.24
वह्निना ये ऽक्षया दत्ताः शरास् ते ऽपि क्षयं ययुः युध्यतः सह गोपालैर् अर्जुनस्य भवक्षये ॥
vahninā ye 'kṣayā dattāḥ śarās te 'pi kṣayaṃ yayuḥ yudhyataḥ saha gopālair arjunasya bhavakṣaye //
Even those arrows that had been given by Fire as inexhaustible came to an end while Arjuna fought with the cowherds, at the destruction of (that) existence.
AI translation rendered from the Sanskrit, not a published edition
ViP 5 38.25
अचिन्तयच् च कौन्तेयः कृष्णस्यैव हि तद् बलम् यन् मया शरसंघातैः सकला भूभृतो जिताः ॥
acintayac ca kaunteyaḥ kṛṣṇasyaiva hi tad balam yan mayā śarasaṃghātaiḥ sakalā bhūbhṛto jitāḥ //
And the son of Kuntī reflected: "That power was indeed Kṛṣṇa's, by which all the kings were conquered by me with masses of arrows."
AI translation rendered from the Sanskrit, not a published edition
ViP 5 38.26
मिषतः पाण्डुपुत्रस्य ततस् ताः प्रमदोत्तमाः आभीरैर् अपकृष्यन्त कामाच् चान्याः प्रवव्रजुः ॥
miṣataḥ pāṇḍuputrasya tatas tāḥ pramadottamāḥ ābhīrair apakṛṣyanta kāmāc cānyāḥ pravavrajuḥ //
Then, while the son of Pāṇḍu looked on, those excellent women were dragged off by the Ābhīras, and others went away willingly.
AI translation rendered from the Sanskrit, not a published edition
ViP 5 38.27
ततः शरेषु क्षीणेषु धनुष्कोट्या धनंजयः जघान दस्यूंस् ते चास्य प्रहाराञ् जहसुर् मुने ॥
tataḥ śareṣu kṣīṇeṣu dhanuṣkoṭyā dhanaṃjayaḥ jaghāna dasyūṃs te cāsya prahārāñ jahasur mune //
Then, his arrows spent, Dhanaṃjaya struck the robbers with the tip of his bow; but they laughed at his blows, O sage.
AI translation rendered from the Sanskrit, not a published edition
ViP 5 38.28
प्रेक्षतश् चैव पार्थस्य वृष्ण्यन्धकवरस्त्रियः जग्मुर् आदाय ते म्लेच्छाः समस्ता मुनिसत्तम ॥
prekṣataś caiva pārthasya vṛṣṇyandhakavarastriyaḥ jagmur ādāya te mlecchāḥ samastā munisattama //
And before the very eyes of Pārtha those barbarians went off, taking away all the foremost women of the Vṛṣṇis and Andhakas, O best of sages.
AI translation rendered from the Sanskrit, not a published edition
ViP 5 38.29
ततः सुदुःखितो जिष्णुः कष्टं कष्टम् इति ब्रुवन् अहो भगवता तेन मुक्तो ऽस्मीति रुरोद वै ॥
tataḥ suduḥkhito jiṣṇuḥ kaṣṭaṃ kaṣṭam iti bruvan aho bhagavatā tena mukto 'smīti ruroda vai //
Then Jiṣṇu, deeply grieved, saying "Alas! Alas!", wept indeed, (thinking) "Ah, I have been abandoned by that Lord."
AI translation rendered from the Sanskrit, not a published edition
ViP 5 38.30
तद् धनुस् तानि शस्त्राणि स रथस् ते च वाजिनः सर्वम् एकपदे नष्टं दानम् अश्रोत्रिये यथा ॥
tad dhanus tāni śastrāṇi sa rathas te ca vājinaḥ sarvam ekapade naṣṭaṃ dānam aśrotriye yathā //
"That bow, those weapons, that chariot and those horses — all has perished in a single step, like a gift (given) to one who is no Vedic scholar."
AI translation rendered from the Sanskrit, not a published edition
ViP 5 38.31
अहो ऽतिबलवद् दैवं विना तेन महात्मना यद् असामर्थ्ययुक्ते ऽपि नीचवर्गे जयप्रदम् ॥
aho 'tibalavad daivaṃ vinā tena mahātmanā yad asāmarthyayukte 'pi nīcavarge jayapradam //
"Ah, exceedingly strong is fate, apart from that great-souled one, since it gives victory even to a low class of men devoid of capacity."
AI translation rendered from the Sanskrit, not a published edition
ViP 5 38.32
तौ बाहू स च मे मुष्टिः स्थानं तत् सो ऽस्मि चार्जुनः पुण्येनैव विना तेन गतं सर्वम् असारताम् ॥
tau bāhū sa ca me muṣṭiḥ sthānaṃ tat so 'smi cārjunaḥ puṇyenaiva vinā tena gataṃ sarvam asāratām //
"Those are the (same) arms, that is my grip, that the (same) stance, and I am that (same) Arjuna; yet apart from that merit, all has gone to worthlessness."
AI translation rendered from the Sanskrit, not a published edition
ViP 5 38.33
ममार्जुनत्वं भीमस्य भीमत्वं तत् कृतं ध्रुवम् विना तेन यद् आभीरैर् जितो ऽहं कथम् अन्यथा ॥
mamārjunatvaṃ bhīmasya bhīmatvaṃ tat kṛtaṃ dhruvam vinā tena yad ābhīrair jito 'haṃ katham anyathā //
"My being Arjuna and Bhīma's being Bhīma — that was surely made by him; for apart from him I have been beaten by Ābhīras — how else?"
AI translation rendered from the Sanskrit, not a published edition
ViP 5 38.34
इत्थं वदन् ययौ जिष्णुर् मथुराख्यं पुरोत्तमम् चकार तत्र राजानं वज्रं यादवनन्दनम् ॥
itthaṃ vadan yayau jiṣṇur mathurākhyaṃ purottamam cakāra tatra rājānaṃ vajraṃ yādavanandanam //
Speaking thus, the victorious one (Arjuna) went to that best of cities named Mathurā, and there he made Vajra, the delight of the Yādavas, king.
AI translation rendered from the Sanskrit, not a published edition
ViP 5 38.35
स ददर्श ततो व्यासं फाल्गुनः काननाश्रयम् तम् उपेत्य महाभागं विनयेनाभ्यवादयत् ॥
sa dadarśa tato vyāsaṃ phālgunaḥ kānanāśrayam tam upetya mahābhāgaṃ vinayenābhyavādayat //
Then Phālguna saw Vyāsa dwelling in the forest; approaching that greatly blessed one, he greeted him with humility.
AI translation rendered from the Sanskrit, not a published edition
ViP 5 38.36
तं वन्दमानं चरणाव् अवलोक्य मुनिश् चिरम् उवाच पार्थं विच्छायः कथम् अत्यन्तम् ईदृशः ॥
taṃ vandamānaṃ caraṇāv avalokya muniś ciram uvāca pārthaṃ vicchāyaḥ katham atyantam īdṛśaḥ //
Seeing him bowing at his feet for a long while, the sage said to Pārtha: "How is it that you are so utterly pale (lit. lacking lustre)?"
AI translation rendered from the Sanskrit, not a published edition
ViP 5 38.37
अवीरजोऽनुगमनं ब्रह्महत्याथवा कृता दृढाशाभङ्गदुःखीव भ्रष्टच्छायो ऽसि साम्प्रतम् ॥
avīrajo'nugamanaṃ brahmahatyāthavā kṛtā dṛḍhāśābhaṅgaduḥkhīva bhraṣṭacchāyo 'si sāmpratam //
"Have you failed to father a hero (?), or has the killing of a brahmin been done (by you)? Like one grieving at the breaking of a firm hope, you are now bereft of lustre.
AI translation rendered from the Sanskrit, not a published edition — the model flagged this verse as uncertain
ViP 5 38.38
सान्तानिकादयो वा ते याचमाना निराकृताः अगम्यस्त्रीरतिर् वा त्वं तेनासि विगतप्रभः ॥
sāntānikādayo vā te yācamānā nirākṛtāḥ agamyastrīratir vā tvaṃ tenāsi vigataprabhaḥ //
Or have those who begged of you for the continuance of their line and the like been refused (by you)? Or (have you had) pleasure with a woman who may not be approached — is it by that that your splendour is gone?
AI translation rendered from the Sanskrit, not a published edition — the model flagged this verse as uncertain
ViP 5 38.39
भुङ्क्ते ऽप्रदाय विप्रेभ्यो एको मिष्टम् अथो भवान् किं वा कृपणवित्तानि हृतानि भवतार्जुन ॥
bhuṅkte 'pradāya viprebhyo eko miṣṭam atho bhavān kiṃ vā kṛpaṇavittāni hṛtāni bhavatārjuna //
Or do you alone eat sweet food without first giving to brahmins? Or have the possessions of the poor been seized by you, Arjuna?
AI translation rendered from the Sanskrit, not a published edition
ViP 5 38.40
कच्चित् त्वं शूर्पवातस्य गोचरत्वं गतो ऽर्जुन दुष्टचक्षुर्हतो वापि निःश्रीकः कथम् अन्यथा ॥
kaccit tvaṃ śūrpavātasya gocaratvaṃ gato 'rjuna duṣṭacakṣurhato vāpi niḥśrīkaḥ katham anyathā //
Surely, Arjuna, you have not come within range of the wind of a winnowing-fan, or been struck by an evil eye? How else are you devoid of splendour?
AI translation rendered from the Sanskrit, not a published edition
ViP 5 38.41
स्पृष्टो नखाम्भसा वाथ घटवार्युक्षितो ऽपि वा तेनातीवासि विच्छायो न्यूनैर् वा युधि निर्जितः ॥
spṛṣṭo nakhāmbhasā vātha ghaṭavāryukṣito 'pi vā tenātīvāsi vicchāyo nyūnair vā yudhi nirjitaḥ //
Or have you been touched by water from (paring) the nails, or sprinkled with water from a pot? Is it by that that you are so utterly pale — or were you defeated in battle by inferiors?
AI translation rendered from the Sanskrit, not a published edition
ViP 5 38.42
ततः पार्थो विनिश्वस्य श्रूयतां भगवन्न् इति प्रोक्तो यथावद् आचष्टे व्यासायात्मपराभवम् ॥
tataḥ pārtho viniśvasya śrūyatāṃ bhagavann iti prokto yathāvad ācaṣṭe vyāsāyātmaparābhavam //
Then Pārtha, sighing, said "Let it be heard, lord," and thus addressed, he recounted to Vyāsa his own defeat just as it was.
AI translation rendered from the Sanskrit, not a published edition
ViP 5 38.43
यद् बलं यच् च नस् तेजो यद् वीर्यं यः पराक्रमः या श्रीश् छाया च नः सो ऽस्मान् परित्यज्य हरिर् गतः ॥
yad balaṃ yac ca nas tejo yad vīryaṃ yaḥ parākramaḥ yā śrīś chāyā ca naḥ so 'smān parityajya harir gataḥ //
"That which was our strength, our fiery energy, our valour, our prowess, our splendour and our lustre — he, Hari, has abandoned us and gone.
AI translation rendered from the Sanskrit, not a published edition
ViP 5 38.44
इतरेणेव महता स्मितपूर्वाभिभाषिणा हीना वयं मुने तेन जातास् तृणमया इव ॥
itareṇeva mahatā smitapūrvābhibhāṣiṇā hīnā vayaṃ mune tena jātās tṛṇamayā iva //
Deprived of him, the great one who spoke with a smile as though he were an ordinary man, we have become, O sage, as if made of straw.
AI translation rendered from the Sanskrit, not a published edition
ViP 5 38.45
अस्त्राणां सायकानां च गाण्डीवस्य तथा मम सारता याभवन् मूर्ता स गतः पुरुषोत्तमः ॥
astrāṇāṃ sāyakānāṃ ca gāṇḍīvasya tathā mama sāratā yābhavan mūrtā sa gataḥ puruṣottamaḥ //
He who was the embodied essence of my weapons, of my arrows, and of the Gāṇḍīva — that best of men has gone.
AI translation rendered from the Sanskrit, not a published edition
ViP 5 38.46
यस्यावलोकनाद् अस्माञ् श्रीर् जयः संपद् उन्नतिः न तत्याज स गोविन्दस् त्यक्त्वास्मान् भगवान् गतः ॥
yasyāvalokanād asmāñ śrīr jayaḥ saṃpad unnatiḥ na tatyāja sa govindas tyaktvāsmān bhagavān gataḥ //
He at whose mere glance splendour, victory, prosperity and eminence never left us — that Govinda, the Lord, has abandoned us and gone.
AI translation rendered from the Sanskrit, not a published edition
ViP 5 38.47
भीष्मद्रोणाङ्गराजाद्यास् तथा दुर्योधनादयः यत्प्रभावेन निर्दग्धाः स कृष्णस् त्यक्तवान् भुवम् ॥
bhīṣmadroṇāṅgarājādyās tathā duryodhanādayaḥ yatprabhāvena nirdagdhāḥ sa kṛṣṇas tyaktavān bhuvam //
Bhīṣma, Droṇa, the king of Aṅga and the rest, and Duryodhana and the others, were burnt up by whose power — that Kṛṣṇa has left the earth.
AI translation rendered from the Sanskrit, not a published edition
ViP 5 38.48
निर्यौवना हतश्रीका भ्रष्टच्छायेव मे मही विभाति तात नैको ऽहं विरहे तस्य चक्रिणः ॥
niryauvanā hataśrīkā bhraṣṭacchāyeva me mahī vibhāti tāta naiko 'haṃ virahe tasya cakriṇaḥ //
The earth appears to me as though robbed of its youth, its splendour destroyed, its lustre fallen away; father, I am not the only one (so afflicted) in the absence of that wielder of the discus.
AI translation rendered from the Sanskrit, not a published edition
ViP 5 38.49
यस्यानुभावाद् भीष्माद्यैर् मय्य् अग्नौ शलभायितम् विना तेनाद्य कृष्णेन गोपालैर् अस्मि निर्जितः ॥
yasyānubhāvād bhīṣmādyair mayy agnau śalabhāyitam vinā tenādya kṛṣṇena gopālair asmi nirjitaḥ //
He through whose might Bhīṣma and the others behaved like moths in me as a fire — without that Kṛṣṇa I have today been defeated by cowherds.
AI translation rendered from the Sanskrit, not a published edition
ViP 5 38.50
गाण्डीवं त्रिषु लोकेषु ख्यातिं यदनुभावतः गतं तेन विनाभीरैर् लगुडैस् तन्निराकृतम् ॥
gāṇḍīvaṃ triṣu lokeṣu khyātiṃ yadanubhāvataḥ gataṃ tena vinābhīrair laguḍais tannirākṛtam //
The Gāṇḍīva which through his might attained fame in the three worlds — without him it has been repelled by cowherds with cudgels.
AI translation rendered from the Sanskrit, not a published edition
ViP 5 38.51
स्त्रीसहस्राण्य् अनेकानि मन्नाथानि महामुने यततो मम नीतानि दस्युभिर् लगुडायुधैः ॥
strīsahasrāṇy anekāni mannāthāni mahāmune yatato mama nītāni dasyubhir laguḍāyudhaiḥ //
Many thousands of women who had me for their protector, great sage, were carried off — while I was striving — by robbers armed with cudgels.
AI translation rendered from the Sanskrit, not a published edition
ViP 5 38.52
आनीयमानम् आभीरैः कृष्ण कृष्णावरोधनम् हृतं यष्टिप्रहरणैः परिभूय बलं मम ॥
ānīyamānam ābhīraiḥ kṛṣṇa kṛṣṇāvarodhanam hṛtaṃ yaṣṭipraharaṇaiḥ paribhūya balaṃ mama //
Kṛṣṇa's harem, while being escorted (by me), was carried off by the Ābhīras, who fight with staves, overpowering my strength, O Kṛṣṇa.
AI translation rendered from the Sanskrit, not a published edition
ViP 5 38.53
निःश्रीकता न मे चित्रं यज् जीवामि तद् अद्भुतम् नीचावमानपङ्काङ्की निर्लज्जो ऽस्मि पितामह ॥
niḥśrīkatā na me citraṃ yaj jīvāmi tad adbhutam nīcāvamānapaṅkāṅkī nirlajjo 'smi pitāmaha //
My loss of splendour is no wonder; that I go on living is the marvel. Marked with the mire of humiliation by base men, I am shameless, grandfather.
AI translation rendered from the Sanskrit, not a published edition
ViP 5 38.54
अलं ते व्रीडया पार्थ न त्वं शोचितुम् अर्हसि अवेहि सर्वभूतेषु कालस्य गतिर् ईदृशी ॥
alaṃ te vrīḍayā pārtha na tvaṃ śocitum arhasi avehi sarvabhūteṣu kālasya gatir īdṛśī //
Enough of your shame, son of Pṛthā; you ought not to grieve. Understand that among all beings the course of Time is of just this kind.
AI translation rendered from the Sanskrit, not a published edition
ViP 5 38.55
कालो भवाय भूतानाम् अभावाय च पाण्डव कालमूलम् इदं ज्ञात्वा भव स्थैर्यधनो ऽर्जुन ॥
kālo bhavāya bhūtānām abhāvāya ca pāṇḍava kālamūlam idaṃ jñātvā bhava sthairyadhano 'rjuna //
Time (works) for the coming-to-be of beings and for their ceasing-to-be, Pāṇḍava. Knowing that this (world) has Time for its root, become one whose wealth is steadiness, Arjuna.
AI translation rendered from the Sanskrit, not a published edition
ViP 5 38.56
नद्यः समुद्रा गिरयः सकला च वसुंधरा देवा मनुष्याः पशवस् तरवः ससरीसृपाः ॥
nadyaḥ samudrā girayaḥ sakalā ca vasuṃdharā devā manuṣyāḥ paśavas taravaḥ sasarīsṛpāḥ //
Rivers, oceans, mountains and the whole earth, gods, men, beasts, trees together with creeping things —
AI translation rendered from the Sanskrit, not a published edition
ViP 5 38.57
सृष्टाः कालेन कालेन पुनर् यास्यन्ति संक्षयम् कालात्मकम् इदं सर्वं ज्ञात्वा शमम् अवाप्नुहि ॥
sṛṣṭāḥ kālena kālena punar yāsyanti saṃkṣayam kālātmakam idaṃ sarvaṃ jñātvā śamam avāpnuhi //
— are created by Time, and by Time they will again go to destruction. Knowing that all this has Time for its self, attain calm.
AI translation rendered from the Sanskrit, not a published edition
ViP 5 38.58
यच् चात्थ कृष्णमाहात्म्यं तत् तथैव धनंजय भारावतारकार्यार्थम् अवतीर्णः स मेदिनीम् ॥
yac cāttha kṛṣṇamāhātmyaṃ tat tathaiva dhanaṃjaya bhārāvatārakāryārtham avatīrṇaḥ sa medinīm //
And as for the greatness of Kṛṣṇa which you have spoken of, that is indeed just so, Dhanaṃjaya: he descended to the earth for the task of removing its burden.
AI translation rendered from the Sanskrit, not a published edition
ViP 5 38.59
भाराक्रान्ता धरा याता देवानां समितिं पुरा तदर्थम् अवतीर्णो ऽसौ कालरूपी जनार्दनः ॥
bhārākrāntā dharā yātā devānāṃ samitiṃ purā tadartham avatīrṇo 'sau kālarūpī janārdanaḥ //
Formerly the earth, oppressed by (its) burden, went to the assembly of the gods; for that purpose Janārdana, who has Time as his form, descended.
AI translation rendered from the Sanskrit, not a published edition
ViP 5 38.60
तच् च निष्पादितं कार्यम् अशेषा भूभृतो हताः वृष्ण्यन्धककुलं सर्वं तथा पार्थोपसंहृतम् ॥
tac ca niṣpāditaṃ kāryam aśeṣā bhūbhṛto hatāḥ vṛṣṇyandhakakulaṃ sarvaṃ tathā pārthopasaṃhṛtam //
And that task has been accomplished: the kings who bore up the earth have been slain without remainder, and so too, son of Pṛthā, the whole family of the Vṛṣṇis and Andhakas has been gathered in.
AI translation rendered from the Sanskrit, not a published edition
ViP 5 38.61
न किंचिद् अन्यत् कर्तव्यम् अस्य भूमितले प्रभोः अतो गतः स भगवान् कृतकृत्यो यथेच्छया ॥
na kiṃcid anyat kartavyam asya bhūmitale prabhoḥ ato gataḥ sa bhagavān kṛtakṛtyo yathecchayā //
There is nothing else for this Lord to do on the surface of the earth; therefore that Blessed One, his work done, has gone as he willed.
AI translation rendered from the Sanskrit, not a published edition
ViP 5 38.62
सृष्टिं सर्गे करोत्य् एष देवदेवः स्थितौ स्थितिम् अन्ते ऽन्ताय समर्थो ऽयं साम्प्रतं वै यथा कृतम् ॥
sṛṣṭiṃ sarge karoty eṣa devadevaḥ sthitau sthitim ante 'ntāya samartho 'yaṃ sāmprataṃ vai yathā kṛtam //
This god of gods makes creation at (the time of) creation, and maintenance at (the time of) maintenance; at the end he is capable of the ending — as indeed has now been done.
AI translation rendered from the Sanskrit, not a published edition
ViP 5 38.63
तस्मात् पार्थ न संतापस् त्वया कार्यः पराभवात् भवन्ति भवकालेषु पुरुषाणां पराक्रमाः ॥
tasmāt pārtha na saṃtāpas tvayā kāryaḥ parābhavāt bhavanti bhavakāleṣu puruṣāṇāṃ parākramāḥ //
Therefore, son of Pṛthā, you should not grieve over defeat. The prowess of men comes about (only) in the times of their arising.
AI translation rendered from the Sanskrit, not a published edition
ViP 5 38.64
त्वयैकेन हता भीष्मद्रोणकर्णादयो नृपाः तेषाम् अर्जुन कालोत्थः किं न्यूनाभिभवो न सः ॥
tvayaikena hatā bhīṣmadroṇakarṇādayo nṛpāḥ teṣām arjuna kālotthaḥ kiṃ nyūnābhibhavo na saḥ //
By you alone were the kings Bhīṣma, Droṇa, Karṇa and the rest slain; their overthrow, Arjuna, arose from Time — was that (overthrow) any less (than this one)?
AI translation rendered from the Sanskrit, not a published edition — the model flagged this verse as uncertain
ViP 5 38.65
विष्णोस् तस्यानुभावेन यथा तेषां पराभवः त्वत्तस् तथैव भवतो दस्युभ्यो ऽन्ते तदुद्भवः ॥
viṣṇos tasyānubhāvena yathā teṣāṃ parābhavaḥ tvattas tathaiva bhavato dasyubhyo 'nte tadudbhavaḥ //
As, by the power of that Viṣṇu, the defeat of those (kings) came about from you, so at the end your own (defeat) arises from him at the hands of robbers.
AI translation rendered from the Sanskrit, not a published edition
ViP 5 38.66
स देवो ऽन्यशरीराणि समाविश्य जगत्स्थितिम् करोति सर्वभूतानां नाशं चान्ते जगत्पतिः ॥
sa devo 'nyaśarīrāṇi samāviśya jagatsthitim karoti sarvabhūtānāṃ nāśaṃ cānte jagatpatiḥ //
That god, entering into other bodies, brings about the maintenance of the world, and at the end the Lord of the world (brings about) the destruction of all beings.
AI translation rendered from the Sanskrit, not a published edition
ViP 5 38.68
कः श्रद्दध्यात् सगाङ्गेयान् हन्यास् त्वं सर्वकौरवान् आभीरेभ्यश् च भवतः कः श्रद्दध्यात् पराभवम् ॥
kaḥ śraddadhyāt sagāṅgeyān hanyās tvaṃ sarvakauravān ābhīrebhyaś ca bhavataḥ kaḥ śraddadhyāt parābhavam //
Who would have believed that you would slay all the Kauravas together with the son of Gaṅgā? And who would believe your defeat at the hands of the Ābhīras?
AI translation rendered from the Sanskrit, not a published edition
ViP 5 38.69
पार्थैतत् सर्वभूतस्य हरेर् लीलाविचेष्टितम् त्वया यत् कौरवा ध्वस्ता यद् आभीरैर् भवाञ् जितः ॥
pārthaitat sarvabhūtasya harer līlāviceṣṭitam tvayā yat kauravā dhvastā yad ābhīrair bhavāñ jitaḥ //
Son of Pṛthā, this is the sportive play of Hari, who is all beings — that the Kauravas were destroyed by you, and that you have been vanquished by Ābhīras.
AI translation rendered from the Sanskrit, not a published edition
ViP 5 38.70
गृहीता दस्युभिर् यच् च भवता शोचिताः स्त्रियः तद् अप्य् अहं यथावृत्तं कथयामि तवार्जुन ॥
gṛhītā dasyubhir yac ca bhavatā śocitāḥ striyaḥ tad apy ahaṃ yathāvṛttaṃ kathayāmi tavārjuna //
And as for the women taken by the robbers, whom you have mourned — that too I will tell you as it happened, Arjuna.
AI translation rendered from the Sanskrit, not a published edition
ViP 5 38.71
अष्टावक्रः पुरा विप्रो जलवासरतो ऽभवत् बहून् वर्षगणान् पार्थ गृणन् ब्रह्म सनातनम् ॥
aṣṭāvakraḥ purā vipro jalavāsarato 'bhavat bahūn varṣagaṇān pārtha gṛṇan brahma sanātanam //
Long ago the brahmin Aṣṭāvakra took to dwelling in water for many groups of years, son of Pṛthā, reciting the eternal Brahman.
AI translation rendered from the Sanskrit, not a published edition
ViP 5 38.72
जितेष्व् असुरसंघेषु मेरुपृष्ठे महोत्सवः बभूव तत्र गच्छन्त्यो ददृशुस् तं सुरस्त्रियः ॥
jiteṣv asurasaṃgheṣu merupṛṣṭhe mahotsavaḥ babhūva tatra gacchantyo dadṛśus taṃ surastriyaḥ //
When the hosts of Asuras had been conquered, there was a great festival on the summit of Meru; the women of the gods, going there, saw him.
AI translation rendered from the Sanskrit, not a published edition
ViP 5 38.73
रम्भातिलोत्तमाद्याश् च शतशो ऽथ सहस्रशः तुष्टुवुस् तं महात्मानं प्रशशंसुश् च पाण्डव ॥
rambhātilottamādyāś ca śataśo 'tha sahasraśaḥ tuṣṭuvus taṃ mahātmānaṃ praśaśaṃsuś ca pāṇḍava //
And Rambhā, Tilottamā and the others, by hundreds and by thousands, praised that great-souled one and extolled him, Pāṇḍava.
AI translation rendered from the Sanskrit, not a published edition
ViP 5 38.74
आकण्ठमग्नं सलिले जटाभारधरं मुनिम् विनयावनताश् चैनं प्रणेमुः स्तोत्रतत्पराः ॥
ākaṇṭhamagnaṃ salile jaṭābhāradharaṃ munim vinayāvanatāś cainaṃ praṇemuḥ stotratatparāḥ //
Bowed down in humility and intent on praise, they made obeisance to the sage, sunk in the water up to his neck and wearing a mass of matted hair.
AI translation rendered from the Sanskrit, not a published edition
ViP 5 38.75
यथा यथा प्रसन्नो ऽसौ तुष्टुवुस् तं तथा तथा सर्वास् ताः कौरवश्रेष्ठ वरिष्ठं तं द्विजन्मनाम् ॥
yathā yathā prasanno 'sau tuṣṭuvus taṃ tathā tathā sarvās tāḥ kauravaśreṣṭha variṣṭhaṃ taṃ dvijanmanām //
And in proportion as he grew gracious, in that same measure did they all praise him, best of Kurus — him, the most excellent of the twice-born.
AI translation rendered from the Sanskrit, not a published edition
ViP 5 38.76
प्रसन्नो ऽहं महाभागा भवतीनां यद् इष्यते मत्तस् तद् व्रियतां सर्वं प्रदास्याम्य् अतिदुर्लभम् ॥
prasanno 'haṃ mahābhāgā bhavatīnāṃ yad iṣyate mattas tad vriyatāṃ sarvaṃ pradāsyāmy atidurlabham //
"I am pleased, O greatly fortunate ones. Whatever is desired by you, let that be chosen from me; I shall grant it all, even what is most hard to obtain."
AI translation rendered from the Sanskrit, not a published edition
ViP 5 38.77
रम्भातिलोत्तमाद्यास् तं वैदिक्यो ऽप्सरसो ऽब्रुवन् प्रसन्ने त्वय्य् अपर्याप्तं किम् अस्माकम् इति द्विज ॥
rambhātilottamādyās taṃ vaidikyo 'psaraso 'bruvan prasanne tvayy aparyāptaṃ kim asmākam iti dvija //
Rambhā, Tilottamā and the others, the apsarases versed in the Veda, said to him: "When you are pleased with us, what is left unaccomplished for us, O brahmin?"
AI translation rendered from the Sanskrit, not a published edition
ViP 5 38.78
इतरास् त्व् अब्रुवन् विप्र प्रसन्नो भगवान् यदि तद् इच्छामः पतिं प्राप्तुं विप्रेन्द्र पुरुषोत्तमम् ॥
itarās tv abruvan vipra prasanno bhagavān yadi tad icchāmaḥ patiṃ prāptuṃ viprendra puruṣottamam //
But the others said: "O brahmin, if the venerable one is pleased, then we wish, O chief of brahmins, to obtain as husband the Best of Men (Puruṣottama)."
AI translation rendered from the Sanskrit, not a published edition
ViP 5 38.79
एवं भविष्यतीत्य् उक्त्वा उत्ततार जलान् मुनिः तम् उत्तीर्णं च ददृशुर् विरूपं वक्रम् अष्टधा ॥
evaṃ bhaviṣyatīty uktvā uttatāra jalān muniḥ tam uttīrṇaṃ ca dadṛśur virūpaṃ vakram aṣṭadhā //
Saying "So it shall be," the sage came up out of the water; and when he had come out they saw him misshapen, crooked in eight places.
AI translation rendered from the Sanskrit, not a published edition
ViP 5 38.80
तं दृष्ट्वा गूहमानानां यासां हासः स्फुटो ऽभवत् ताः शशाप मुनिः कोपम् अवाप्य कुरुनन्दन ॥
taṃ dṛṣṭvā gūhamānānāṃ yāsāṃ hāsaḥ sphuṭo 'bhavat tāḥ śaśāpa muniḥ kopam avāpya kurunandana //
Seeing him, some of them tried to hide it, but their laughter broke out; those the sage cursed, having fallen into anger, O delight of the Kurus.
AI translation rendered from the Sanskrit, not a published edition
ViP 5 38.81
यस्माद् विरूपरूपं मां मत्वा हासावमानना भवतीभिः कृता तस्माद् एषं शापं ददामि वः ॥
yasmād virūparūpaṃ māṃ matvā hāsāvamānanā bhavatībhiḥ kṛtā tasmād eṣaṃ śāpaṃ dadāmi vaḥ //
"Since, thinking me deformed of form, mockery by laughter was made by you, therefore I give you this curse:
AI translation rendered from the Sanskrit, not a published edition
ViP 5 38.82
मत्प्रसादेन भर्तारं लब्ध्वा तु पुरुषोत्तमम् मच्छापोपहताः सर्वा दस्युहस्तं गमिष्यथ ॥
matprasādena bhartāraṃ labdhvā tu puruṣottamam macchāpopahatāḥ sarvā dasyuhastaṃ gamiṣyatha //
having obtained by my grace the Best of Men as husband, you shall all, stricken by my curse, fall into the hands of robbers."
AI translation rendered from the Sanskrit, not a published edition
ViP 5 38.83
इत्य् उदीरितम् आकर्ण्य मुनिस् ताभिः प्रसादितः पुनः सुरेन्द्रलोकं वै प्राह भूयो गमिष्यथ ॥
ity udīritam ākarṇya munis tābhiḥ prasāditaḥ punaḥ surendralokaṃ vai prāha bhūyo gamiṣyatha //
Hearing this said, the sage, propitiated by them, spoke again: "You shall go once more to the world of the lord of the gods."
AI translation rendered from the Sanskrit, not a published edition
ViP 5 38.84
एवं तस्य मुनेः शापाद् अष्टावक्रस्य केशवम् भर्तारं प्राप्य ता याता दस्युहस्तं वराङ्गनाः ॥
evaṃ tasya muneḥ śāpād aṣṭāvakrasya keśavam bhartāraṃ prāpya tā yātā dasyuhastaṃ varāṅganāḥ //
Thus, by the curse of that sage Aṣṭāvakra, those lovely women, having obtained Keśava as husband, passed into the hands of robbers.
AI translation rendered from the Sanskrit, not a published edition
ViP 5 38.85
तत् त्वया नात्र कर्तव्यः शोको ऽल्पो ऽपि हि पाण्डव तेनैवाखिलनाथेन सर्वं तद् उपसंहृतम् ॥
tat tvayā nātra kartavyaḥ śoko 'lpo 'pi hi pāṇḍava tenaivākhilanāthena sarvaṃ tad upasaṃhṛtam //
Therefore you should feel no grief in this, not even a little, O Pāṇḍava; by that very Lord of all, all that was withdrawn.
AI translation rendered from the Sanskrit, not a published edition
ViP 5 38.86
भवतां चोपसंहारम् आसन्नं तेन कुर्वता बलं तेजस् तथा वीर्यं माहात्म्यं चोपसंहृतम् ॥
bhavatāṃ copasaṃhāram āsannaṃ tena kurvatā balaṃ tejas tathā vīryaṃ māhātmyaṃ copasaṃhṛtam //
And your own withdrawal being near, by him who was bringing it about, strength, splendour, and likewise valour and greatness of soul have been withdrawn.
AI translation rendered from the Sanskrit, not a published edition
ViP 5 38.87
जातस्य नियतो मृत्युः पतनं च तथोन्नतेः विप्रयोगावसानश् च संयोगः संचयात् क्षयः ॥
jātasya niyato mṛtyuḥ patanaṃ ca tathonnateḥ viprayogāvasānaś ca saṃyogaḥ saṃcayāt kṣayaḥ //
For one born, death is fixed, and likewise the fall of what has risen; union has separation for its end, and loss (comes) from accumulation.
AI translation rendered from the Sanskrit, not a published edition
ViP 5 38.88
विज्ञाय न बुधाः शोकं न हर्षम् उपयान्ति ये तेषाम् एवेतरे चेष्टां शिक्षन्तः सन्ति तादृशाः ॥
vijñāya na budhāḥ śokaṃ na harṣam upayānti ye teṣām evetare ceṣṭāṃ śikṣantaḥ santi tādṛśāḥ //
Knowing this, the wise do not come to grief nor to elation; and others such as they are, learning their conduct, exist (likewise).
AI translation rendered from the Sanskrit, not a published edition — the model flagged this verse as uncertain
ViP 5 38.89
तस्मात् त्वया नरश्रेष्ठ ज्ञात्वैतद् भ्रातृभिः सह परित्यज्याखिलं तन्त्रं गन्तव्यं तपसे वनम् ॥
tasmāt tvayā naraśreṣṭha jñātvaitad bhrātṛbhiḥ saha parityajyākhilaṃ tantraṃ gantavyaṃ tapase vanam //
Therefore, best of men, having understood this, you together with your brothers should abandon the whole apparatus (of rule) and go to the forest for austerity.
AI translation rendered from the Sanskrit, not a published edition
ViP 5 38.90
तद् गच्छ धर्मराजाय निवेद्यैतद् वचो मम परश्वो भ्रातृभिः सार्धं यथा यासि तथा कुरु ॥
tad gaccha dharmarājāya nivedyaitad vaco mama paraśvo bhrātṛbhiḥ sārdhaṃ yathā yāsi tathā kuru //
So go, and report this word of mine to the King of Dharma; act so that on the day after tomorrow you set out together with your brothers.
AI translation rendered from the Sanskrit, not a published edition
ViP 5 38.91
इत्य् उक्तो ऽभ्येत्य पार्थाभ्यां यमाभ्यां च सहार्जुनः दृष्टं चैवानुभूतं च कथितं तद् विशेषतः ॥
ity ukto 'bhyetya pārthābhyāṃ yamābhyāṃ ca sahārjunaḥ dṛṣṭaṃ caivānubhūtaṃ ca kathitaṃ tad viśeṣataḥ //
Being thus addressed, Arjuna went and, together with the (other) son of Pṛthā and the twins, related in detail what had been seen and experienced and said.
AI translation rendered from the Sanskrit, not a published edition
ViP 5 38.92
व्यासवाक्यं च ते सर्वे श्रुत्वार्जुनसमीरितम् राज्ये परीक्षितं कृत्वा ययुः पाण्डुसुता वनम् ॥
vyāsavākyaṃ ca te sarve śrutvārjunasamīritam rājye parīkṣitaṃ kṛtvā yayuḥ pāṇḍusutā vanam //
And all of them, having heard Vyāsa's words as reported by Arjuna, established Parīkṣit in the kingdom, and the sons of Pāṇḍu went to the forest.
AI translation rendered from the Sanskrit, not a published edition
ViP 5 38.93
इत्य् एतत् तव मैत्रेय विस्तरेण मयोदितम् जातस्य यद् यदोर् वंशे वासुदेवस्य चेष्टितम् ॥
ity etat tava maitreya vistareṇa mayoditam jātasya yad yador vaṃśe vāsudevasya ceṣṭitam //
Thus this has been told by me to you at length, Maitreya — the doings of Vāsudeva, who was born in the line of Yadu.
AI translation rendered from the Sanskrit, not a published edition