Vishnu Purana — Amsha 5 — Chapter 36
ViP 5 36.1
मैत्रेय श्रूयतां तस्य बलस्य बलशालिनः कृतं यद् अन्यत् तेनाभूत् तद् अपि श्रूयतां त्वया ॥
maitreya śrūyatāṃ tasya balasya balaśālinaḥ kṛtaṃ yad anyat tenābhūt tad api śrūyatāṃ tvayā //
Maitreya, let it be heard — what other deed was done by that mighty Bala; let that too be heard by you.
AI translation rendered from the Sanskrit, not a published edition
ViP 5 36.2
नरकस्यासुरेन्द्रस्य देवपक्षविरोधिनः सखाभवन् महावीर्यो द्विविदो नाम वानरः ॥
narakasyāsurendrasya devapakṣavirodhinaḥ sakhābhavan mahāvīryo dvivido nāma vānaraḥ //
Naraka, the lord of the asuras, the opponent of the gods' party, had a friend, a monkey of great valour named Dvivida.
AI translation rendered from the Sanskrit, not a published edition
ViP 5 36.3
वैरानुबन्धं बलवान् स चकार सुरान् प्रति नरकं हतवान् कृष्णो देवराजेन चोदितः ॥
vairānubandhaṃ balavān sa cakāra surān prati narakaṃ hatavān kṛṣṇo devarājena coditaḥ //
That mighty one kept up a standing enmity against the gods, (since) Krishna, urged on by the king of the gods, had slain Naraka.
AI translation rendered from the Sanskrit, not a published edition
ViP 5 36.4
करिष्ये सर्वदेवानां तस्माद् एष प्रतिक्रियाम् यज्ञविध्वंसनं कुर्वन् मर्त्यलोकक्षयं तथा ॥
kariṣye sarvadevānāṃ tasmād eṣa pratikriyām yajñavidhvaṃsanaṃ kurvan martyalokakṣayaṃ tathā //
"Therefore I will make requital upon all the gods, destroying sacrifices and likewise bringing ruin upon the world of mortals."
AI translation rendered from the Sanskrit, not a published edition
ViP 5 36.5
ततो विध्वंसयाम् आस यज्ञान् अज्ञानमोहितः बिभेद साधुमर्यादां क्षयं चक्रे च देहिनाम् ॥
tato vidhvaṃsayām āsa yajñān ajñānamohitaḥ bibheda sādhumaryādāṃ kṣayaṃ cakre ca dehinām //
Then, deluded by ignorance, he destroyed sacrifices, broke through the bounds of good conduct, and wrought destruction of embodied beings.
AI translation rendered from the Sanskrit, not a published edition
ViP 5 36.6
ददाह चपलो देशान् पुरग्रामान्तराणि च क्वचिच् च पर्वताक्षेपैर् ग्रामादीन् समचूर्णयत् ॥
dadāha capalo deśān puragrāmāntarāṇi ca kvacic ca parvatākṣepair grāmādīn samacūrṇayat //
Restless, he burned regions and the interiors of towns and villages, and in places he pulverized villages and the rest by hurling mountains.
AI translation rendered from the Sanskrit, not a published edition
ViP 5 36.7
शैलान् उत्पाट्य तोयेषु मुमोचाम्बुनिधौ तथा पुनश् चार्णवमध्यस्थः क्षोभयाम् आस सागरम् ॥
śailān utpāṭya toyeṣu mumocāmbunidhau tathā punaś cārṇavamadhyasthaḥ kṣobhayām āsa sāgaram //
Tearing up mountains he flung them into the waters and into the ocean, and again, standing in the midst of the sea, he churned it up.
AI translation rendered from the Sanskrit, not a published edition
ViP 5 36.8
तेन विक्षोभितश् चाब्धिर् उद्वेलो द्विज जायते प्लावयंस् तीरजान् ग्रामान् पुरादीन् अतिवेगवान् ॥
tena vikṣobhitaś cābdhir udvelo dvija jāyate plāvayaṃs tīrajān grāmān purādīn ativegavān //
Agitated by him, O brahmin, the ocean overflows its shore, and with great violence floods the villages, towns and the rest that lie on its bank.
AI translation rendered from the Sanskrit, not a published edition
ViP 5 36.9
कामरूपी महारूपं कृत्वा सस्यान्य् अशेषतः लुठन् भ्रमणसंमर्दैः संचूर्णयति वानरः ॥
kāmarūpī mahārūpaṃ kṛtvā sasyāny aśeṣataḥ luṭhan bhramaṇasaṃmardaiḥ saṃcūrṇayati vānaraḥ //
Able to take any form at will, the monkey assumed a huge form and, rolling about, crushed the crops entirely by his trampling and whirling.
AI translation rendered from the Sanskrit, not a published edition
ViP 5 36.10
तेन विप्रकृतं सर्वं जगद् एतद् दुरात्मना निःस्वाध्यायवषट्कारं मैत्रेयासीत् सुदुःखितम् ॥
tena viprakṛtaṃ sarvaṃ jagad etad durātmanā niḥsvādhyāyavaṣaṭkāraṃ maitreyāsīt suduḥkhitam //
By that evil-souled one this whole world was harassed, O Maitreya, and became sorely afflicted, bereft of Vedic recitation and the vaṣaṭ-call.
AI translation rendered from the Sanskrit, not a published edition
ViP 5 36.11
एकदा रैवतोद्याने पपौ पानं हलायुधः रेवती च महाभागा तथैवान्या वरस्त्रियः ॥
ekadā raivatodyāne papau pānaṃ halāyudhaḥ revatī ca mahābhāgā tathaivānyā varastriyaḥ //
Once, in Raivata's garden, the plough-bearer drank liquor, and so did the greatly blessed Revatī and other excellent women.
AI translation rendered from the Sanskrit, not a published edition
ViP 5 36.12
उपगीयमानो विलसल्ललनामौलिमध्यगः रेमे यदुवरश्रेष्ठः कुबेर इव मन्दरे ॥
upagīyamāno vilasallalanāmaulimadhyagaḥ reme yaduvaraśreṣṭhaḥ kubera iva mandare //
Sung to in praise, seated in the midst of a garland of sporting women, the foremost of the best of the Yadus took his pleasure, like Kubera on Mandara.
AI translation rendered from the Sanskrit, not a published edition
ViP 5 36.13
ततः स वानरो ऽभ्येत्य गृहीत्वा सीरिणो हलम् मुसलं च चकारास्य संमुखं सविडम्बनम् ॥
tataḥ sa vānaro 'bhyetya gṛhītvā sīriṇo halam musalaṃ ca cakārāsya saṃmukhaṃ saviḍambanam //
Then that monkey came up, seized the plough-bearer's plough and his pestle, and made mocking gestures right in front of him.
AI translation rendered from the Sanskrit, not a published edition
ViP 5 36.14
तथैव योषितां तासां जहासाभिमुखं कपिः पानपूर्णांश् च करकाञ् चिक्षेपाहत्य वै पदा ॥
tathaiva yoṣitāṃ tāsāṃ jahāsābhimukhaṃ kapiḥ pānapūrṇāṃś ca karakāñ cikṣepāhatya vai padā //
Likewise the monkey laughed in the faces of those women, and struck with his foot and flung away the water-jars full of liquor.
AI translation rendered from the Sanskrit, not a published edition
ViP 5 36.15
ततः कोपपरीतात्मा भर्त्सयाम् आस तं बलः तथापि तम् अवज्ञाय चक्रे किलकिलाध्वनिम् ॥
tataḥ kopaparītātmā bhartsayām āsa taṃ balaḥ tathāpi tam avajñāya cakre kilakilādhvanim //
Then Bala, his soul filled with anger, threatened him; even so, disregarding him, (the monkey) made a chattering din.
AI translation rendered from the Sanskrit, not a published edition
ViP 5 36.16
ततः समुत्थाय बलो जगृहे मुसलं रुषा सो ऽपि शैलशिलां भीमां जग्राह प्लवगोत्तमः ॥
tataḥ samutthāya balo jagṛhe musalaṃ ruṣā so 'pi śailaśilāṃ bhīmāṃ jagrāha plavagottamaḥ //
Then Bala rose up and in fury took hold of his pestle; and that best of leapers too seized a fearsome slab of rock.
AI translation rendered from the Sanskrit, not a published edition
ViP 5 36.17
चिक्षेप च स तां क्षिप्तां मुसलेन सहस्रधा बिभेद यादवश्रेष्ठः सा पपात महीतले ॥
cikṣepa ca sa tāṃ kṣiptāṃ musalena sahasradhā bibheda yādavaśreṣṭhaḥ sā papāta mahītale //
And he hurled it; but the best of the Yādavas split the hurled (rock) into a thousand pieces with his pestle, and it fell to the ground.
AI translation rendered from the Sanskrit, not a published edition
ViP 5 36.18
आपतन् मुसलं चासौ समुल्लङ्घ्य प्लवंगमः वेगेनागम्य रोषेण तलेनोरस्य् अताडयत् ॥
āpatan musalaṃ cāsau samullaṅghya plavaṃgamaḥ vegenāgamya roṣeṇa talenorasy atāḍayat //
And that leaper, leaping over the descending pestle, came on with speed and in rage struck him on the chest with his palm.
AI translation rendered from the Sanskrit, not a published edition
ViP 5 36.19
ततो बलेन कोपेन मुष्टिना मूर्ध्नि ताडितः पपात रुधिरोद्गारी द्विविदः क्षीणजीवितः ॥
tato balena kopena muṣṭinā mūrdhni tāḍitaḥ papāta rudhirodgārī dvividaḥ kṣīṇajīvitaḥ //
Then, struck on the head by Bala's fist in anger, Dvivida fell, vomiting blood, his life ebbing away.
AI translation rendered from the Sanskrit, not a published edition
ViP 5 36.20
पतता तच्छरीरेण गिरेः शृङ्गम् अशीर्यत मैत्रेय शतधा वज्रिवज्रेणेव हि ताडितम् ॥
patatā taccharīreṇa gireḥ śṛṅgam aśīryata maitreya śatadhā vajrivajreṇeva hi tāḍitam //
By his falling body the mountain's peak was shattered into a hundred pieces, O Maitreya, as if struck by the thunderbolt of the thunderbolt-bearer.
AI translation rendered from the Sanskrit, not a published edition
ViP 5 36.21
पुष्पवृष्टिं ततो देवा रामस्योपरि चिक्षिपुः प्रशशंसुस् तथाभ्येत्य साध्व् एतत् ते महत् कृतम् ॥
puṣpavṛṣṭiṃ tato devā rāmasyopari cikṣipuḥ praśaśaṃsus tathābhyetya sādhv etat te mahat kṛtam //
Then the gods showered a rain of flowers over Rāma, and approaching, they praised him: "Well done, this great deed of yours!"
AI translation rendered from the Sanskrit, not a published edition
ViP 5 36.22
अनेन दुष्टकपिना दैत्यपक्षोपकारिणा जगन् निराकृतं वीर दिष्ट्या स क्षयम् आगतः ॥
anena duṣṭakapinā daityapakṣopakāriṇā jagan nirākṛtaṃ vīra diṣṭyā sa kṣayam āgataḥ //
"By this wicked monkey, who served the party of the Daityas, the world was thwarted, O hero; happily he has met his destruction."
AI translation rendered from the Sanskrit, not a published edition
ViP 5 36.23
एवंविधान्य् अनेकानि बलदेवस्य धीमतः कर्माण्य् अपरिमेयानि शेषस्य धरणीभृतः ॥
evaṃvidhāny anekāni baladevasya dhīmataḥ karmāṇy aparimeyāni śeṣasya dharaṇībhṛtaḥ //
Of this kind are the many immeasurable deeds of the wise Baladeva, who is Śeṣa, the bearer of the earth.
AI translation rendered from the Sanskrit, not a published edition