Vishnu Purana — Amsha 5 — Chapter 31

ViP 5 31.1

संस्तुतो भगवान् इत्थं देवराजेन केशवः प्रहस्य भावगम्भीरम् उवाचेन्द्रं द्विजोत्तम ॥

saṃstuto bhagavān itthaṃ devarājena keśavaḥ prahasya bhāvagambhīram uvācendraṃ dvijottama //

Thus praised by the king of the gods, the Lord Keśava, smiling, spoke to Indra with deep feeling, O best of the twice-born.

AI translation rendered from the Sanskrit, not a published edition

ViP 5 31.2

देवराजो भवान् इन्द्रो वयं मर्त्या जगत्पते क्षन्तव्यं भवतैवैतद् अपराधकृतं मम ॥

devarājo bhavān indro vayaṃ martyā jagatpate kṣantavyaṃ bhavataivaitad aparādhakṛtaṃ mama //

"You are Indra, the king of the gods; we are mortals, O lord of the world. This offence of mine must be forgiven by you.

AI translation rendered from the Sanskrit, not a published edition

ViP 5 31.3

पारिजाततरुश् चायं नीयताम् उचितास्पदम् गृहीतो ऽयं मया शक्र सत्यावचनकारणात् ॥

pārijātataruś cāyaṃ nīyatām ucitāspadam gṛhīto 'yaṃ mayā śakra satyāvacanakāraṇāt //

And let this pārijāta tree be taken to its proper place; it was taken by me, Śakra, for the sake of (keeping) a truthful word.

AI translation rendered from the Sanskrit, not a published edition

ViP 5 31.4

वज्रं चेदं गृहाण त्वं यद् ग्रस्तं प्रहितं त्वया तवैवैतत् प्रहरणं शक्र वैरिविदारणम् ॥

vajraṃ cedaṃ gṛhāṇa tvaṃ yad grastaṃ prahitaṃ tvayā tavaivaitat praharaṇaṃ śakra vairividāraṇam //

And take this thunderbolt, which was swallowed when hurled by you; this weapon, Śakra, which cleaves enemies, is yours alone."

AI translation rendered from the Sanskrit, not a published edition

ViP 5 31.5

विमोहयसि माम् ईश मर्त्यो ऽहम् इति किं वदन् जानीमस् त्वां भगवतो न तु सूक्ष्मविदो वयम् ॥

vimohayasi mām īśa martyo 'ham iti kiṃ vadan jānīmas tvāṃ bhagavato na tu sūkṣmavido vayam //

(Indra said:) "You bewilder me, O lord, saying, 'I am a mortal'—what is this? We know you to be the Lord, though we are not knowers of the subtle.

AI translation rendered from the Sanskrit, not a published edition

ViP 5 31.6

यो ऽसि सो ऽसि जगत्त्राणप्रवृत्तौ नाथ संस्थितः जगतः शल्यनिष्कर्षं करोष्य् असुरसूदन ॥

yo 'si so 'si jagattrāṇapravṛttau nātha saṃsthitaḥ jagataḥ śalyaniṣkarṣaṃ karoṣy asurasūdana //

Whoever you are, you are that; O lord, you are established in the work of protecting the world; you draw out the thorn of the world, O slayer of demons.

AI translation rendered from the Sanskrit, not a published edition

ViP 5 31.7

नीयतां पारिजातो ऽयं कृष्ण द्वारवतीं पुरीम् मर्त्यलोके त्वया मुक्ते नायं संस्थास्यते भुवि ॥

nīyatāṃ pārijāto 'yaṃ kṛṣṇa dvāravatīṃ purīm martyaloke tvayā mukte nāyaṃ saṃsthāsyate bhuvi //

Let this pārijāta be taken to the city of Dvāravatī, Kṛṣṇa; when you leave the world of mortals, it will not remain on earth."

AI translation rendered from the Sanskrit, not a published edition

ViP 5 31.8

तथेत्य् उक्त्वा च देवेन्द्रम् आजगाम भुवं हरिः प्रसक्तैः सिद्धगन्धर्वैः स्तूयमानः सुरर्षिभिः ॥

tathety uktvā ca devendram ājagāma bhuvaṃ hariḥ prasaktaiḥ siddhagandharvaiḥ stūyamānaḥ surarṣibhiḥ //

And saying "So be it" to the lord of the gods, Hari came to the earth, praised by devoted siddhas, gandharvas, and divine sages.

AI translation rendered from the Sanskrit, not a published edition

ViP 5 31.9

ततः शङ्खम् उपाध्माय द्वारकोपरि संस्थितः हर्षम् उत्पादयाम् आस द्वारकावासिनां द्विज ॥

tataḥ śaṅkham upādhmāya dvārakopari saṃsthitaḥ harṣam utpādayām āsa dvārakāvāsināṃ dvija //

Then, poised above Dvārakā, he blew his conch and produced joy in the inhabitants of Dvārakā, O twice-born.

AI translation rendered from the Sanskrit, not a published edition

ViP 5 31.10

अवतीर्याथ गरुडात् सत्यभामासहायवान् निष्कुटे स्थापयाम् आस पारिजातं महातरुम् ॥

avatīryātha garuḍāt satyabhāmāsahāyavān niṣkuṭe sthāpayām āsa pārijātaṃ mahātarum //

Then, descending from Garuḍa together with Satyabhāmā, he planted the great pārijāta tree in the pleasure-garden,

AI translation rendered from the Sanskrit, not a published edition

ViP 5 31.11

यम् अभ्येत्य जनः सर्वो जातिं स्मरति पौर्विकीम् वास्यते यस्य पुष्पोत्थगन्धेनोर्वी त्रियोजनम् ॥

yam abhyetya janaḥ sarvo jātiṃ smarati paurvikīm vāsyate yasya puṣpotthagandhenorvī triyojanam //

which, when any person approaches it, he remembers his former birth; by the fragrance rising from its flowers the earth is perfumed for three yojanas.

AI translation rendered from the Sanskrit, not a published edition

ViP 5 31.12

ततस् ते यादवाः सर्वे देहबन्धान् अमानुषान् ददृशुः पादपे तस्मिन् कुर्वतो मुखदर्शनम् ॥

tatas te yādavāḥ sarve dehabandhān amānuṣān dadṛśuḥ pādape tasmin kurvato mukhadarśanam //

Then all those Yādavas, gazing at their faces in that tree, saw their non-human bodily forms.

AI translation rendered from the Sanskrit, not a published edition — the model flagged this verse as uncertain

ViP 5 31.13

किंकरैः समुपानीतं हस्त्यश्वादि ततो धनम् स्त्रियश् च कृष्णो जग्राह नरकस्य परिग्रहान् ॥

kiṃkaraiḥ samupānītaṃ hastyaśvādi tato dhanam striyaś ca kṛṣṇo jagrāha narakasya parigrahān //

Then Kṛṣṇa took the wealth—elephants, horses, and the rest—brought by the servants, and the women too, which were Naraka's possessions.

AI translation rendered from the Sanskrit, not a published edition

ViP 5 31.14

ततः काले शुभे प्राप्ते उपयेमे जनार्दनः ताः कन्या नरकेणासन् सर्वतो याः समाहृताः ॥

tataḥ kāle śubhe prāpte upayeme janārdanaḥ tāḥ kanyā narakeṇāsan sarvato yāḥ samāhṛtāḥ //

Then, when the auspicious time had come, Janārdana married those maidens who had been gathered by Naraka from every quarter.

AI translation rendered from the Sanskrit, not a published edition

ViP 5 31.15

एकस्मिन्न् एव गोविन्दः काले तासां महामुने जग्राह विधिवत् पाणीन् पृथग्गेहेषु धर्मतः ॥

ekasminn eva govindaḥ kāle tāsāṃ mahāmune jagrāha vidhivat pāṇīn pṛthaggeheṣu dharmataḥ //

At one and the same time, great sage, Govinda took their hands according to rule, in separate houses, as the law prescribes.

AI translation rendered from the Sanskrit, not a published edition

ViP 5 31.16

षोडशस्त्रीसहस्राणि शतम् एकं तथाधिकम् तावन्ति चक्रे रूपाणि भगवान् मधुसूदनः ॥

ṣoḍaśastrīsahasrāṇi śatam ekaṃ tathādhikam tāvanti cakre rūpāṇi bhagavān madhusūdanaḥ //

Sixteen thousand women, and one hundred more besides — the Lord, the slayer of Madhu, made just as many forms of himself.

AI translation rendered from the Sanskrit, not a published edition

ViP 5 31.17

एकैकश्येन ताः कन्या मेनिरे मधुसूदनः ममैव पाणिग्रहणं भगवान् कृतवान् इति ॥

ekaikaśyena tāḥ kanyā menire madhusūdanaḥ mamaiva pāṇigrahaṇaṃ bhagavān kṛtavān iti //

Each one of those maidens thought, individually, "The Lord, the slayer of Madhu, has taken my hand and mine alone."

AI translation rendered from the Sanskrit, not a published edition

ViP 5 31.18

निशासु च जगत्स्रष्टा तासां गेहेषु केशवः उवास विप्र सर्वासां विश्वरूपधरो हरिः ॥

niśāsu ca jagatsraṣṭā tāsāṃ geheṣu keśavaḥ uvāsa vipra sarvāsāṃ viśvarūpadharo hariḥ //

And by night, brahmin, Keśava, the maker of the world, Hari, bearing all those forms, dwelt in the houses of all of them.

AI translation rendered from the Sanskrit, not a published edition