Vishnu Purana — Amsha 5 — Chapter 30

ViP 5 30.1

गरुडो वारुणं छत्रं तथैव मणिपर्वतम् सभार्यं च हृषीकेशं लीलयैव वहन् ययौ ॥

garuḍo vāruṇaṃ chatraṃ tathaiva maṇiparvatam sabhāryaṃ ca hṛṣīkeśaṃ līlayaiva vahan yayau //

Garuḍa went along, carrying as if in play Varuṇa's parasol, the jewel-mountain, and Hṛṣīkeśa together with his wife.

AI translation rendered from the Sanskrit, not a published edition

ViP 5 30.2

ततः शङ्खम् उपाध्मासीत् स्वर्गद्वारगतो हरिः उपतस्थुस् ततो देवाः सार्घ्यपात्रा जनार्दनम् ॥

tataḥ śaṅkham upādhmāsīt svargadvāragato hariḥ upatasthus tato devāḥ sārghyapātrā janārdanam //

Then Hari, having reached heaven's gate, blew his conch; and the gods came before Janārdana with vessels of welcome-water.

AI translation rendered from the Sanskrit, not a published edition

ViP 5 30.3

स देवैर् अर्चितः कृष्णो देवमातुर् निवेशनम् सिताभ्रशिखराकारं प्रविश्य ददृशे ऽदितिम् ॥

sa devair arcitaḥ kṛṣṇo devamātur niveśanam sitābhraśikharākāraṃ praviśya dadṛśe 'ditim //

Honoured by the gods, Kṛṣṇa entered the dwelling of the mother of the gods, shaped like a peak of white cloud, and saw Aditi.

AI translation rendered from the Sanskrit, not a published edition

ViP 5 30.4

स तां प्रणम्य शक्रेण सह ते कुण्डलोत्तमे ददौ नरकनाशं च शशंसास्यै जनार्दनः ॥

sa tāṃ praṇamya śakreṇa saha te kuṇḍalottame dadau narakanāśaṃ ca śaśaṃsāsyai janārdanaḥ //

Bowing to her together with Śakra, Janārdana gave her those two excellent earrings, and announced to her the destruction of Naraka.

AI translation rendered from the Sanskrit, not a published edition

ViP 5 30.5

ततः प्रीता जगन्माता धातारं जगतां हरिम् तुष्टावादितिर् अव्यग्रा कृत्वा तत्प्रवणं मनः ॥

tataḥ prītā jaganmātā dhātāraṃ jagatāṃ harim tuṣṭāvāditir avyagrā kṛtvā tatpravaṇaṃ manaḥ //

Then Aditi, the mother of the world, pleased, calmly praised Hari, the ordainer of the worlds, having turned her mind toward him.

AI translation rendered from the Sanskrit, not a published edition

ViP 5 30.6

नमस् ते पुण्डरीकाक्ष भक्तानाम् अभयंकर सनातनात्मन् सर्वात्मन् भूतात्मन् भूतभावन ॥

namas te puṇḍarīkākṣa bhaktānām abhayaṃkara sanātanātman sarvātman bhūtātman bhūtabhāvana //

"Homage to you, lotus-eyed one, giver of fearlessness to the devoted, eternal Self, Self of all, Self of the elements, bringer-forth of beings;

AI translation rendered from the Sanskrit, not a published edition

ViP 5 30.7

प्रणेता मनसो बुद्धेर् इन्द्रियाणां गुणात्मक त्रिगुणातीत निर्द्वन्द्व शुद्ध सर्वहृदिस्थित ॥

praṇetā manaso buddher indriyāṇāṃ guṇātmaka triguṇātīta nirdvandva śuddha sarvahṛdisthita //

guide of mind, of intellect, of the senses; you whose nature is the guṇas, yet beyond the three guṇas, free of opposites, pure, dwelling in every heart;

AI translation rendered from the Sanskrit, not a published edition

ViP 5 30.8

सितदीर्घादिनिःशेषकल्पनापरिवर्जित जन्मादिभिर् असंस्पृष्ट स्वप्नादिपरिवर्जित ॥

sitadīrghādiniḥśeṣakalpanāparivarjita janmādibhir asaṃspṛṣṭa svapnādiparivarjita //

free of every conception such as white or long, untouched by birth and the rest, free of sleep and the other (states);

AI translation rendered from the Sanskrit, not a published edition

ViP 5 30.9

संध्या रात्रिर् अहो भूमिर् गगनं वायुर् अम्बु च हुताशनो मनो बुद्धिर् भूतादिस् त्वं तथाच्युत ॥

saṃdhyā rātrir aho bhūmir gaganaṃ vāyur ambu ca hutāśano mano buddhir bhūtādis tvaṃ tathācyuta //

twilight, night, day, earth, sky, wind and water, fire, mind, intellect, and the origin of the elements—all that you are, O Acyuta;

AI translation rendered from the Sanskrit, not a published edition

ViP 5 30.10

सृष्टिस्थितिविनाशानां कर्ता कर्तृपतिर् भवान् ब्रह्मविष्णुशिवाख्याभिर् आत्ममूर्तिभिर् ईश्वर ॥

sṛṣṭisthitivināśānāṃ kartā kartṛpatir bhavān brahmaviṣṇuśivākhyābhir ātmamūrtibhir īśvara //

you, Lord, are the doer of creation, preservation and destruction, and the master of doers, through your own forms named Brahmā, Viṣṇu and Śiva;

AI translation rendered from the Sanskrit, not a published edition

ViP 5 30.11

देवा यक्षास् तथा दैत्या राक्षसाः सिद्धपन्नगाः कूष्माण्डाश् च पिशाचाश् च गन्धर्वा मनुजास् तथा ॥

devā yakṣās tathā daityā rākṣasāḥ siddhapannagāḥ kūṣmāṇḍāś ca piśācāś ca gandharvā manujās tathā //

The gods, the yakṣas, and likewise the daityas, the rākṣasas, the siddhas and serpents, the kūṣmāṇḍas and the piśācas, the gandharvas and likewise men—

AI translation rendered from the Sanskrit, not a published edition

ViP 5 30.13

स्थूला मध्यास् तथा सूक्ष्माः सूक्ष्मात् सूक्ष्मतराश् च ये देहभेदा भवान् सर्वे ये केचित् पुद्गलाश्रयाः ॥

sthūlā madhyās tathā sūkṣmāḥ sūkṣmāt sūkṣmatarāś ca ye dehabhedā bhavān sarve ye kecit pudgalāśrayāḥ //

—the gross, the middling, and the subtle, and those subtler than the subtle: all the varieties of embodiment are you, whatever ones rest upon individual beings.

AI translation rendered from the Sanskrit, not a published edition

ViP 5 30.14

माया तवेयम् अज्ञातपरमार्थातिमोहिनी अनात्मन्य् आत्मविज्ञानं यया मूढो निरुध्यते ॥

māyā taveyam ajñātaparamārthātimohinī anātmany ātmavijñānaṃ yayā mūḍho nirudhyate //

This is your māyā, which utterly deludes those who do not know the highest truth, by which the deluded man is confined to the notion of a self in what is not the self.

AI translation rendered from the Sanskrit, not a published edition

ViP 5 30.15

अहं ममेति भावो ऽत्र यत् पुंसाम् अभिजायते संसारमातुर् मायायास् तवैतन् नाथ चेष्टितम् ॥

ahaṃ mameti bhāvo 'tra yat puṃsām abhijāyate saṃsāramātur māyāyās tavaitan nātha ceṣṭitam //

That the sense of 'I' and 'mine' arises here in men—this, Lord, is the working of your māyā, the mother of transmigration.

AI translation rendered from the Sanskrit, not a published edition

ViP 5 30.16

यैः स्वधर्मपरैर् नाथ नरैर् आराधितो भवान् ते तरन्त्य् अखिलाम् एतां मायाम् आत्मविमुक्तये ॥

yaiḥ svadharmaparair nātha narair ārādhito bhavān te taranty akhilām etāṃ māyām ātmavimuktaye //

Those men, Lord, who are devoted to their own duty and who worship you, they cross over this whole māyā for the liberation of the self.

AI translation rendered from the Sanskrit, not a published edition

ViP 5 30.17

ब्रह्माद्याः सकला देवा मनुष्याः पशवस् तथा विष्णुमायामहावर्तमोहान्धतमसा वृताः ॥

brahmādyāḥ sakalā devā manuṣyāḥ paśavas tathā viṣṇumāyāmahāvartamohāndhatamasā vṛtāḥ //

Brahmā and all the other gods, and men, and beasts as well, are enveloped by the blinding darkness of delusion that is the great whirlpool of Viṣṇu's māyā.

AI translation rendered from the Sanskrit, not a published edition

ViP 5 30.18

आराध्य त्वाम् अभीप्सन्ते कामान् आत्मभवक्षयम् यद् एते पुरुषा माया सैवेयं भगवंस् तव ॥

ārādhya tvām abhīpsante kāmān ātmabhavakṣayam yad ete puruṣā māyā saiveyaṃ bhagavaṃs tava //

That these men, having worshipped you, desire objects of desire and not the ending of their own becoming—that very thing, Lord, is your māyā.

AI translation rendered from the Sanskrit, not a published edition

ViP 5 30.19

मया त्वं पुत्रकामिन्या वैरिपक्षक्षयाय च आराधितो न मोक्षाय मायाविलसितं हि तत् ॥

mayā tvaṃ putrakāminyā vairipakṣakṣayāya ca ārādhito na mokṣāya māyāvilasitaṃ hi tat //

By me too, desiring a son and desiring the destruction of the enemy's party, you were worshipped—not for liberation; and that indeed is the play of māyā.

AI translation rendered from the Sanskrit, not a published edition

ViP 5 30.20

कौपीनाच्छादनप्राया वाञ्छा कल्पद्रुमाद् अपि जायते यद् अपुण्यानां सो ऽपराधः स्वदोषजः ॥

kaupīnācchādanaprāyā vāñchā kalpadrumād api jāyate yad apuṇyānāṃ so 'parādhaḥ svadoṣajaḥ //

That a wish amounting to no more than a loincloth to cover oneself arises even from the wishing-tree in those without merit—that fault is born of their own defect.

AI translation rendered from the Sanskrit, not a published edition

ViP 5 30.21

तत् प्रसीदाखिलजगन्मायामोहकराव्यय अज्ञानं ज्ञानसद्भावभूतं भूतेश नाशय ॥

tat prasīdākhilajaganmāyāmohakarāvyaya ajñānaṃ jñānasadbhāvabhūtaṃ bhūteśa nāśaya //

Therefore be gracious, O imperishable one, who work the delusion of māyā for the whole world; destroy ignorance, O lord of beings, (you) who are the true being of knowledge.

AI translation rendered from the Sanskrit, not a published edition — the model flagged this verse as uncertain

ViP 5 30.22

नमस् ते चक्रहस्ताय शार्ङ्गहस्ताय ते नमः गदाहस्ताय ते विष्णो शङ्खहस्ताय ते नमः ॥

namas te cakrahastāya śārṅgahastāya te namaḥ gadāhastāya te viṣṇo śaṅkhahastāya te namaḥ //

Homage to you, holder of the discus; homage to you, holder of the Śārṅga bow; homage to you, Viṣṇu, holder of the mace, homage to you, holder of the conch.

AI translation rendered from the Sanskrit, not a published edition

ViP 5 30.23

एतत् पश्यामि ते रूपं स्थूलचिह्नोपलक्षितम् न जानामि परं यत् ते प्रसीद परमेश्वर ॥

etat paśyāmi te rūpaṃ sthūlacihnopalakṣitam na jānāmi paraṃ yat te prasīda parameśvara //

I see this form of yours, marked by gross tokens; what is higher than this in you I do not know. Be gracious, supreme Lord.

AI translation rendered from the Sanskrit, not a published edition

ViP 5 30.24

अदित्यैवं स्तुतो विष्णुः प्रहस्याह सुरारणिम् माता देवि त्वम् अस्माकं प्रसीद वरदा भव ॥

adityaivaṃ stuto viṣṇuḥ prahasyāha surāraṇim mātā devi tvam asmākaṃ prasīda varadā bhava //

Thus praised by Aditi, Viṣṇu laughed and said to her, the kindling-wood of the gods: "Goddess, you are our mother; be gracious, be a giver of boons."

AI translation rendered from the Sanskrit, not a published edition

ViP 5 30.25

एवम् अस्तु यथेच्छा ते त्वम् अशेषैः सुरासुरैः अजेयः पुरुषव्याघ्र मर्त्यलोके भविष्यसि ॥

evam astu yathecchā te tvam aśeṣaiḥ surāsuraiḥ ajeyaḥ puruṣavyāghra martyaloke bhaviṣyasi //

"So be it, as you wish: you, tiger among men, shall be unconquerable by all the gods and asuras in the world of mortals."

AI translation rendered from the Sanskrit, not a published edition

ViP 5 30.26

ततो ऽनन्तरम् एवास्य शक्राणीसहितादितिम् सत्यभामा प्रणम्याह प्रसीदेति पुनः पुनः ॥

tato 'nantaram evāsya śakrāṇīsahitāditim satyabhāmā praṇamyāha prasīdeti punaḥ punaḥ //

Then immediately after this, Satyabhāmā bowed to his Aditi, together with Śakra's wife, and said, "Be gracious," again and again.

AI translation rendered from the Sanskrit, not a published edition — the model flagged this verse as uncertain

ViP 5 30.27

मत्प्रसादान् न ते सुभ्रु जरा वैरूप्यम् एव च भविष्यत्य् अनवद्याङ्गी सर्वकालं भविष्यसि ॥

matprasādān na te subhru jarā vairūpyam eva ca bhaviṣyaty anavadyāṅgī sarvakālaṃ bhaviṣyasi //

"By my favour, fair-browed one, neither old age nor ugliness shall come upon you; you will be flawless of limb for all time."

AI translation rendered from the Sanskrit, not a published edition

ViP 5 30.28

अदित्या तु कृतानुज्ञो देवराजो जनार्दनम् यथावत् पूजयाम् आस बहुमानपुरःसरम् ॥

adityā tu kṛtānujño devarājo janārdanam yathāvat pūjayām āsa bahumānapuraḥsaram //

And the king of the gods, given leave by Aditi, worshipped Janārdana as was fitting, with great honour foremost.

AI translation rendered from the Sanskrit, not a published edition

ViP 5 30.29

ततो ददर्श कृष्णो ऽपि सत्यभामासहायवान् देवोद्यानानि हृद्यानि नन्दनादीनि सत्तम ॥

tato dadarśa kṛṣṇo 'pi satyabhāmāsahāyavān devodyānāni hṛdyāni nandanādīni sattama //

Then Kṛṣṇa too, with Satyabhāmā as his companion, saw the delightful gardens of the gods, Nandana and the rest, O best of the good.

AI translation rendered from the Sanskrit, not a published edition

ViP 5 30.30

ददर्श च सुगन्धाढ्यं मञ्जरीपुष्पधारिणम् शैत्याह्लादकरं ताम्रबालपल्लवशोभितम् ॥

dadarśa ca sugandhāḍhyaṃ mañjarīpuṣpadhāriṇam śaityāhlādakaraṃ tāmrabālapallavaśobhitam //

And the lord of the world, Keśava, slayer of Keśin, saw the Pārijāta—rich in fragrance, bearing clustered blossoms, cooling and gladdening, adorned with coppery young shoots,

AI translation rendered from the Sanskrit, not a published edition

ViP 5 30.31

मथ्यमाने ऽमृते जातं जातरूपोपमत्वचम् पारिजातं जगन्नाथः केशवः केशिसूदनः ॥

mathyamāne 'mṛte jātaṃ jātarūpopamatvacam pārijātaṃ jagannāthaḥ keśavaḥ keśisūdanaḥ //

—born when the nectar was churned, its bark like burnished gold.

AI translation rendered from the Sanskrit, not a published edition

ViP 5 30.32

तं दृष्ट्वा प्राह गोविन्दं सत्यभामा द्विजोत्तम कस्मान् न द्वारकाम् एष नीयते कृष्ण पादपः ॥

taṃ dṛṣṭvā prāha govindaṃ satyabhāmā dvijottama kasmān na dvārakām eṣa nīyate kṛṣṇa pādapaḥ //

Seeing it, Satyabhāmā said to Govinda, O best of brahmins: "Why, Kṛṣṇa, is this tree not taken to Dvārakā?"

AI translation rendered from the Sanskrit, not a published edition

ViP 5 30.33

यदि ते तद् वचः सत्यं सत्यात्यर्थं प्रियेति मे मद्गेहनिष्कुटार्थाय तद् अयं नीयतां तरुः ॥

yadi te tad vacaḥ satyaṃ satyātyarthaṃ priyeti me madgehaniṣkuṭārthāya tad ayaṃ nīyatāṃ taruḥ //

"If that word of yours is true, that Satyā is exceedingly dear to me, then let this tree be taken for (planting in) the pleasure-grove of my house."

AI translation rendered from the Sanskrit, not a published edition

ViP 5 30.34

न मे जाम्बवती तादृग् अभीष्टा न च रुक्मिणी सत्ये यथा त्वम् इत्य् उक्तं त्वया कृष्णासकृत् प्रियम् ॥

na me jāmbavatī tādṛg abhīṣṭā na ca rukmiṇī satye yathā tvam ity uktaṃ tvayā kṛṣṇāsakṛt priyam //

"'Neither is Jāmbavatī so desired by me, nor Rukmiṇī, as you are, Satyā'—thus was the fond word spoken by you, Kṛṣṇa, more than once."

AI translation rendered from the Sanskrit, not a published edition

ViP 5 30.35

सत्यं तद् यदि गोविन्द नोपचारकृतं तव तद् अस्तु पारिजातो ऽयं मम गेहविभूषणम् ॥

satyaṃ tad yadi govinda nopacārakṛtaṃ tava tad astu pārijāto 'yaṃ mama gehavibhūṣaṇam //

"If that (word) of yours is true, Govinda, and not made out of mere politeness, then let this pārijāta be the ornament of my house."

AI translation rendered from the Sanskrit, not a published edition

ViP 5 30.36

बिभ्रती पारिजातस्य केशपक्षेण मञ्जरीम् सपत्नीनाम् अहं मध्ये शोभेयम् इति कामये ॥

bibhratī pārijātasya keśapakṣeṇa mañjarīm sapatnīnām ahaṃ madhye śobheyam iti kāmaye //

"Wearing a cluster of pārijāta blossoms in my braid of hair, may I shine among my co-wives—that is what I desire."

AI translation rendered from the Sanskrit, not a published edition

ViP 5 30.37

इत्य् उक्तः स प्रहस्यैनां पारिजातं गरुत्मति आरोपयाम् आस हरिस् तम् ऊचुर् वनरक्षिणः ॥

ity uktaḥ sa prahasyaināṃ pārijātaṃ garutmati āropayām āsa haris tam ūcur vanarakṣiṇaḥ //

Addressed thus, Hari laughed and set her (and) the pārijāta upon Garuḍa; (then) the keepers of the grove said to him:

AI translation rendered from the Sanskrit, not a published edition

ViP 5 30.38

भो शची देवराजस्य महिषी तत्परिग्रहम् पारिजातं न गोविन्द हर्तुम् अर्हसि पादपम् ॥

bho śacī devarājasya mahiṣī tatparigraham pārijātaṃ na govinda hartum arhasi pādapam //

"Ho! Śacī is the queen of the king of the gods; the pārijāta is her possession—Govinda, you ought not to carry off the tree."

AI translation rendered from the Sanskrit, not a published edition

ViP 5 30.39

शचीविभूषणार्थाय देवैर् अमृतमन्थने उत्पादितो ऽयं न क्षेमी गृहीत्वैनं गमिष्यसि ॥

śacīvibhūṣaṇārthāya devair amṛtamanthane utpādito 'yaṃ na kṣemī gṛhītvainaṃ gamiṣyasi //

"This (tree) was produced by the gods at the churning of the nectar for the adornment of Śacī; you will not go safely if you take it."

AI translation rendered from the Sanskrit, not a published edition

ViP 5 30.40

देवराजो मुखप्रेक्षो यस्यास् तस्याः परिग्रहम् मौढ्यात् प्रार्थयसे क्षेमी गृहीत्वैनं हि को व्रजेत् ॥

devarājo mukhaprekṣo yasyās tasyāḥ parigraham mauḍhyāt prārthayase kṣemī gṛhītvainaṃ hi ko vrajet //

"Out of folly you demand the possession of her upon whose face the king of the gods gazes (attentively); for who could go safely, having taken it?"

AI translation rendered from the Sanskrit, not a published edition

ViP 5 30.41

अवश्यम् अस्य देवेन्द्रो निष्कृतिं कृष्ण यास्यति वज्रोद्यतकरं शक्रम् अनुयास्यन्ति चामराः ॥

avaśyam asya devendro niṣkṛtiṃ kṛṣṇa yāsyati vajrodyatakaraṃ śakram anuyāsyanti cāmarāḥ //

"Certainly the lord of the gods will exact requital for this, Kṛṣṇa, and the immortals will follow Śakra, his hand raised with the thunderbolt."

AI translation rendered from the Sanskrit, not a published edition

ViP 5 30.42

तद् अलं सकलैर् देवैर् विग्रहेण तवाच्युत विपाककटु यत् कर्म तन् न शंसन्ति पण्डिताः ॥

tad alaṃ sakalair devair vigraheṇa tavācyuta vipākakaṭu yat karma tan na śaṃsanti paṇḍitāḥ //

"So enough of your quarrel with all the gods, Acyuta; an act whose ripening is bitter—that the wise do not commend."

AI translation rendered from the Sanskrit, not a published edition

ViP 5 30.43

इत्य् उक्ते तैर् उवाचैतान् सत्यभामातिकोपिनी का शची पारिजातस्य को वा शक्रः सुराधिपः ॥

ity ukte tair uvācaitān satyabhāmātikopinī kā śacī pārijātasya ko vā śakraḥ surādhipaḥ //

When this had been said by them, Satyabhāmā, exceedingly angry, said to them: "Who is Śacī to the pārijāta, and who is Śakra, the lord of the gods?"

AI translation rendered from the Sanskrit, not a published edition

ViP 5 30.44

सामान्यः सर्वलोकानां यद्य् एषो ऽमृतमन्थने समुत्पन्नः सुराः कस्माद् एको गृह्णाति वासवः ॥

sāmānyaḥ sarvalokānāṃ yady eṣo 'mṛtamanthane samutpannaḥ surāḥ kasmād eko gṛhṇāti vāsavaḥ //

"If this (tree) arose at the churning of the nectar as common to all the worlds, gods, why does Vāsava alone take possession of it?"

AI translation rendered from the Sanskrit, not a published edition

ViP 5 30.45

यथा सुधा यथैवेन्दुर् यथा श्रीर् वनरक्षिणः सामान्यः सर्वलोकस्य पारिजातस् तथा द्रुमः ॥

yathā sudhā yathaivendur yathā śrīr vanarakṣiṇaḥ sāmānyaḥ sarvalokasya pārijātas tathā drumaḥ //

"As the nectar is, as the moon is, as Śrī is, O keepers of the grove, so is the pārijāta tree common to all the world."

AI translation rendered from the Sanskrit, not a published edition

ViP 5 30.46

भर्तृबाहुमहागर्वाद् रुणद्ध्य् एनम् अथो शची तत् कथ्यताम् अलं क्षान्त्या सत्या हारयति द्रुमम् ॥

bhartṛbāhumahāgarvād ruṇaddhy enam atho śacī tat kathyatām alaṃ kṣāntyā satyā hārayati drumam //

"If out of great pride in her husband's arm Śacī would withhold it, then let this be told (her): enough of forbearance—Satyā is carrying off the tree."

AI translation rendered from the Sanskrit, not a published edition

ViP 5 30.47

कथ्यतां च द्रुतं गत्वा पौलोम्या वचनं मम सत्यभामा वदत्य् एतद् इति गर्वोद्धताक्षरम् ॥

kathyatāṃ ca drutaṃ gatvā paulomyā vacanaṃ mama satyabhāmā vadaty etad iti garvoddhatākṣaram //

"And go quickly and report my words to Paulomī (Śacī): 'Satyabhāmā says this'—in syllables swollen with pride."

AI translation rendered from the Sanskrit, not a published edition

ViP 5 30.48

यदि त्वं दयिता भर्तुर् यदि वश्यः पतिस् तव मद्भर्तुर् हरतो वृक्षं तत् कारय निवारणम् ॥

yadi tvaṃ dayitā bhartur yadi vaśyaḥ patis tava madbhartur harato vṛkṣaṃ tat kāraya nivāraṇam //

"If you are your husband's beloved, if your husband is under your control, then have him prevent my husband, who is carrying off the tree."

AI translation rendered from the Sanskrit, not a published edition

ViP 5 30.49

जानामि ते पतिं शक्रं जानामि त्रिदशेश्वरम् पारिजातं तथाप्य् एनं मानुषी हारयामि ते ॥

jānāmi te patiṃ śakraṃ jānāmi tridaśeśvaram pārijātaṃ tathāpy enaṃ mānuṣī hārayāmi te //

"I know your husband is Śakra, I know he is lord of the thirty (gods); yet I, a mortal woman, am carrying off this pārijāta from you."

AI translation rendered from the Sanskrit, not a published edition

ViP 5 30.50

इत्य् उक्ता रक्षिणो गत्वा शच्या ऊचुर् यथोदितम् शची चोत्साहयाम् आस त्रिदशाधिपतिं पतिम् ॥

ity uktā rakṣiṇo gatvā śacyā ūcur yathoditam śacī cotsāhayām āsa tridaśādhipatiṃ patim //

Addressed thus, the keepers went and told Śacī as it had been said; and Śacī roused her husband, the lord of the thirty gods.

AI translation rendered from the Sanskrit, not a published edition

ViP 5 30.51

ततः समस्तदेवानां सैन्यैः परिवृतो हरिम् प्रययौ पारिजातार्थम् इन्द्रो योधयितुं द्विज ॥

tataḥ samastadevānāṃ sainyaiḥ parivṛto harim prayayau pārijātārtham indro yodhayituṃ dvija //

Then, surrounded by the armies of all the gods, Indra set out to fight Hari for the sake of the pārijāta, O brahmin.

AI translation rendered from the Sanskrit, not a published edition

ViP 5 30.52

ततः परिघनिस्त्रिंशगदाशूलवरायुधाः बभूवुस् त्रिदशाः सज्जाः शक्रे वज्रकरे स्थिते ॥

tataḥ parighanistriṃśagadāśūlavarāyudhāḥ babhūvus tridaśāḥ sajjāḥ śakre vajrakare sthite //

Then the thirty (gods), armed with iron clubs, swords, maces, spears and choice weapons, stood ready, when Śakra took his place with the thunderbolt in his hand.

AI translation rendered from the Sanskrit, not a published edition

ViP 5 30.53

ततो निरीक्ष्य गोविन्दो नागराजोपरि स्थितम् शक्रं देवपरीवारं युद्धाय समुपस्थितम् ॥

tato nirīkṣya govindo nāgarājopari sthitam śakraṃ devaparīvāraṃ yuddhāya samupasthitam //

Then Govinda, seeing Śakra seated upon the king of elephants, surrounded by the gods, standing ready for battle,

AI translation rendered from the Sanskrit, not a published edition

ViP 5 30.54

चकार शङ्खनिर्घोषं दिशः शब्देन पूरयन् मुमोच च शरव्रातं सहस्रायुतसंमितम् ॥

cakāra śaṅkhanirghoṣaṃ diśaḥ śabdena pūrayan mumoca ca śaravrātaṃ sahasrāyutasaṃmitam //

made a blast of his conch, filling the quarters with the sound, and released a mass of arrows numbering ten million.

AI translation rendered from the Sanskrit, not a published edition

ViP 5 30.55

ततो दिशो नभश् चैव दृष्ट्वा शरशताचितम् मुमुचुस् त्रिदशाः सर्वे अस्त्रशस्त्राण्य् अनेकशः ॥

tato diśo nabhaś caiva dṛṣṭvā śaraśatācitam mumucus tridaśāḥ sarve astraśastrāṇy anekaśaḥ //

Then, seeing the quarters and the sky too thick-set with hundreds of arrows, all the thirty (gods) released their missiles and weapons many times over.

AI translation rendered from the Sanskrit, not a published edition

ViP 5 30.56

एकैकं शस्त्रम् अस्त्रं च देवैर् मुक्तं सहस्रधा चिच्छेद लीलयैवेशो जगतां मधुसूदनः ॥

ekaikaṃ śastram astraṃ ca devair muktaṃ sahasradhā ciccheda līlayaiveśo jagatāṃ madhusūdanaḥ //

Each single weapon and missile loosed by the gods, the Lord of the worlds, the slayer of Madhu, cut into a thousand pieces, and that as mere play.

AI translation rendered from the Sanskrit, not a published edition

ViP 5 30.57

पाशं सलिलराजस्य समाकृष्योरगाशनः चकार खण्डशश् चञ्च्वा बालपन्नगदेहवत् ॥

pāśaṃ salilarājasya samākṛṣyoragāśanaḥ cakāra khaṇḍaśaś cañcvā bālapannagadehavat //

The noose of the king of the waters (Varuṇa) the eater of serpents (Garuḍa) drew to himself and cut to pieces with his beak, as though it were the body of a young snake.

AI translation rendered from the Sanskrit, not a published edition

ViP 5 30.58

यमेन प्रहितं दण्डं गदाविक्षेपखण्डितम् पृथिव्यां पातयाम् आस भगवान् देवकीसुतः ॥

yamena prahitaṃ daṇḍaṃ gadāvikṣepakhaṇḍitam pṛthivyāṃ pātayām āsa bhagavān devakīsutaḥ //

The rod hurled by Yama, shattered by a swing of his mace, the Lord, the son of Devakī, made fall to the earth.

AI translation rendered from the Sanskrit, not a published edition

ViP 5 30.59

शिबिकां च धनेशस्य चक्रेण तिलशो विभुः चकार शौरिर् अर्कं च दृष्टिदृष्टं हतौजसम् ॥

śibikāṃ ca dhaneśasya cakreṇa tilaśo vibhuḥ cakāra śaurir arkaṃ ca dṛṣṭidṛṣṭaṃ hataujasam //

And the palanquin of the lord of wealth (Kubera) the mighty Śauri ground to sesame-fine bits with his discus, and the sun, merely looked upon by his gaze, was stripped of its energy.

AI translation rendered from the Sanskrit, not a published edition

ViP 5 30.60

नीतो ऽग्निः शतशो बाणैर् द्राविता वसवो दिशः चक्रविच्छिन्नशूलाग्रा रुद्रा भुवि निपातिताः ॥

nīto 'gniḥ śataśo bāṇair drāvitā vasavo diśaḥ cakravicchinnaśūlāgrā rudrā bhuvi nipātitāḥ //

Agni was brought (down) by arrows by the hundred, the Vasus were driven off to the quarters, the Rudras, the tips of their spears cut away by the discus, were felled to the ground.

AI translation rendered from the Sanskrit, not a published edition

ViP 5 30.61

साध्या विश्वे च मरुतो गन्धर्वाश् चैव सायकैः शार्ङ्गेण प्रेरितैर् अस्ता व्योम्नि शाल्मलितूलवत् ॥

sādhyā viśve ca maruto gandharvāś caiva sāyakaiḥ śārṅgeṇa preritair astā vyomni śālmalitūlavat //

The Sādhyas, the Viśve (gods), the Maruts and the Gandharvas too were flung about in the sky like silk-cotton fluff by the arrows shot from the Śārṅga bow.

AI translation rendered from the Sanskrit, not a published edition

ViP 5 30.62

गरुत्मान् अपि वक्त्रेण पक्षाभ्यां नखराङ्कुरैः भक्षयंस् ताडयन् देवान् दारयंश् च चचार वै ॥

garutmān api vaktreṇa pakṣābhyāṃ nakharāṅkuraiḥ bhakṣayaṃs tāḍayan devān dārayaṃś ca cacāra vai //

Garutmān too ranged about, devouring, striking and tearing the gods with his beak, with his two wings, and with the points of his claws.

AI translation rendered from the Sanskrit, not a published edition

ViP 5 30.63

ततः शरसहस्रेण देवेन्द्रमधुसूदनौ परस्परं ववर्षाते धाराभिर् इव तोयदौ ॥

tataḥ śarasahasreṇa devendramadhusūdanau parasparaṃ vavarṣāte dhārābhir iva toyadau //

Then the king of the gods and the slayer of Madhu rained upon each other with a thousand arrows, like two clouds with their torrents.

AI translation rendered from the Sanskrit, not a published edition

ViP 5 30.64

ऐरावतेन गरुडो युयुधे तत्र संकुले देवैः समस्तैर् युयुधे शक्रेण च जनार्दनः ॥

airāvatena garuḍo yuyudhe tatra saṃkule devaiḥ samastair yuyudhe śakreṇa ca janārdanaḥ //

In that melee Garuḍa fought with Airāvata, and Janārdana fought with all the gods and with Śakra.

AI translation rendered from the Sanskrit, not a published edition

ViP 5 30.65

छिन्नेष्व् अशेषबाणेषु शस्त्रेष्व् अस्त्रेषु च त्वरन् जग्राह वासवो वज्रं कृष्णश् चक्रं सुदर्शनम् ॥

chinneṣv aśeṣabāṇeṣu śastreṣv astreṣu ca tvaran jagrāha vāsavo vajraṃ kṛṣṇaś cakraṃ sudarśanam //

When all their arrows, weapons and missiles had been cut away, Vāsava in haste seized the thunderbolt, and Kṛṣṇa the discus Sudarśana.

AI translation rendered from the Sanskrit, not a published edition

ViP 5 30.66

ततो हाहाकृतं सर्वं त्रैलोक्यं द्विजसत्तम वज्रचक्रधरौ दृष्ट्वा देवराजजनार्दनौ ॥

tato hāhākṛtaṃ sarvaṃ trailokyaṃ dvijasattama vajracakradharau dṛṣṭvā devarājajanārdanau //

Then, best of brāhmaṇas, the whole triple world cried out 'Alas! Alas!', seeing the king of the gods and Janārdana bearing thunderbolt and discus.

AI translation rendered from the Sanskrit, not a published edition

ViP 5 30.67

क्षिप्तं वज्रम् अथेन्द्रेण जग्राह भगवान् हरिः न मुमोच तथा चक्रं शक्रं तिष्ठेति चाब्रवीत् ॥

kṣiptaṃ vajram athendreṇa jagrāha bhagavān hariḥ na mumoca tathā cakraṃ śakraṃ tiṣṭheti cābravīt //

Then the thunderbolt hurled by Indra the Lord Hari caught, and yet did not release the discus, and said to Śakra, 'Stop!'

AI translation rendered from the Sanskrit, not a published edition

ViP 5 30.68

प्रणष्टवज्रं देवेन्द्रं गरुडक्षतवाहनम् सत्यभामाब्रवीद् वीरं पलायनपरायणम् ॥

praṇaṣṭavajraṃ devendraṃ garuḍakṣatavāhanam satyabhāmābravīd vīraṃ palāyanaparāyaṇam //

To the king of the gods, his thunderbolt lost, his mount wounded by Garuḍa, that hero bent upon flight, Satyabhāmā said:

AI translation rendered from the Sanskrit, not a published edition

ViP 5 30.69

त्रैलोक्येश्वर नो युक्तं शचीभर्तुः पलायनम् पारिजातस्रगाभोगा त्वाम् उपस्थास्यते शची ॥

trailokyeśvara no yuktaṃ śacībhartuḥ palāyanam pārijātasragābhogā tvām upasthāsyate śacī //

"Lord of the triple world, flight is not fitting for the husband of Śacī; Śacī, enjoying a garland of pārijāta (flowers), will wait upon you.

AI translation rendered from the Sanskrit, not a published edition

ViP 5 30.70

कीदृशं देवराज्यं ते पारिजातस्रगुज्ज्वलाम् अपश्यतो यथा पूर्वं प्रणयाभ्यागतां शचीम् ॥

kīdṛśaṃ devarājyaṃ te pārijātasragujjvalām apaśyato yathā pūrvaṃ praṇayābhyāgatāṃ śacīm //

What sort of kingship over the gods is yours, if you never see Śacī, radiant with a pārijāta garland, coming to you in love as before?

AI translation rendered from the Sanskrit, not a published edition

ViP 5 30.71

अलं शक्र प्रयातेन न व्रीडां गन्तुम् अर्हसि नीयतां पारिजातो ऽयं देवाः सन्तु गतव्यथाः ॥

alaṃ śakra prayātena na vrīḍāṃ gantum arhasi nīyatāṃ pārijāto 'yaṃ devāḥ santu gatavyathāḥ //

Enough of going, Śakra; you ought not to feel shame. Let this pārijāta be taken away; let the gods be free of distress.

AI translation rendered from the Sanskrit, not a published edition

ViP 5 30.72

पतिगर्वावलेपेन बहुमानपुरःसरम् न ददर्श गृहायाताम् उपचारेण मां शची ॥

patigarvāvalepena bahumānapuraḥsaram na dadarśa gṛhāyātām upacāreṇa māṃ śacī //

Out of the arrogance of pride in her husband, Śacī did not receive me with honour and attentive courtesy when I came to her house.

AI translation rendered from the Sanskrit, not a published edition

ViP 5 30.73

स्त्रीत्वाद् अगुरुचित्ताहं स्वभर्तृश्लाघनापरा ततः कृतवती शक्र भवता सह विग्रहम् ॥

strītvād agurucittāhaṃ svabhartṛślāghanāparā tataḥ kṛtavatī śakra bhavatā saha vigraham //

Being a woman, my mind is not steady, and I was intent on praising my own husband; therefore, Śakra, I made a quarrel with you.

AI translation rendered from the Sanskrit, not a published edition

ViP 5 30.74

तद् अलं पारिजातेन परस्वेन हृतेन नः रूपेण गर्विता सा तु भर्त्रा स्त्री का न गर्विता ॥

tad alaṃ pārijātena parasvena hṛtena naḥ rūpeṇa garvitā sā tu bhartrā strī kā na garvitā //

So enough of the pārijāta, taken by us though it is another's property. She was proud of her beauty—but what woman is not proud because of her husband?

AI translation rendered from the Sanskrit, not a published edition

ViP 5 30.75

इत्य् उक्तो वै निववृते देवराजस् तया द्विज प्राह चैनाम् अलं चण्डि सखि खेदातिविस्तरैः ॥

ity ukto vai nivavṛte devarājas tayā dvija prāha cainām alaṃ caṇḍi sakhi khedātivistaraiḥ //

Addressed thus by her, O twice-born, the king of the gods turned back, and he said to her: "Enough, fierce one, my friend, of these long-drawn-out laments.

AI translation rendered from the Sanskrit, not a published edition

ViP 5 30.76

न चापि सर्गसंहारस्थितिकर्ताखिलस्य यः जितस्य तेन मे व्रीडा जायते विश्वरूपिणा ॥

na cāpi sargasaṃhārasthitikartākhilasya yaḥ jitasya tena me vrīḍā jāyate viśvarūpiṇā //

Nor does any shame arise in me at being defeated by him who is the maker of the creation, dissolution, and maintenance of everything, whose form is the universe.

AI translation rendered from the Sanskrit, not a published edition

ViP 5 30.77

यस्मिञ् जगत् सकलम् एतद् अनादिमध्ये यस्माद् यतश् च न भविष्यति सर्वभूतात् तेनोद्भवप्रलयपालनकारणेन व्रीडा कथं भवति देवि निराकृतस्य ॥

yasmiñ jagat sakalam etad anādimadhye yasmād yataś ca na bhaviṣyati sarvabhūtāt tenodbhavapralayapālanakāraṇena vrīḍā kathaṃ bhavati devi nirākṛtasya //

He in whom this whole world (rests), who is without beginning or middle, from whom (it comes), and apart from whom—him who is all beings—it will not be; how, O goddess, can there be shame for one repulsed by him, who is the cause of arising, dissolution, and preservation?

AI translation rendered from the Sanskrit, not a published edition — the model flagged this verse as uncertain

ViP 5 30.78

सकलभुवनसूतिर् मूर्तिर् अस्याणुसूक्ष्मा विदितसकलवेद्यैर् ज्ञायते यस्य नान्यैः तम् अजम् अकृतम् ईशं शाश्वतं स्वेच्छयैनं जगदुपकृतिमर्त्यं को विजेतुं समर्थः ॥

sakalabhuvanasūtir mūrtir asyāṇusūkṣmā viditasakalavedyair jñāyate yasya nānyaiḥ tam ajam akṛtam īśaṃ śāśvataṃ svecchayainaṃ jagadupakṛtimartyaṃ ko vijetuṃ samarthaḥ //

His form, the origin of all the worlds, is subtler than an atom; he is known by those who know all that is to be known, and not by others. Who is able to conquer him—the unborn, the uncreated, the lord, the everlasting, who by his own will (becomes) mortal for the benefit of the world?

AI translation rendered from the Sanskrit, not a published edition