Vishnu Purana — Amsha 5 — Chapter 3
ViP 5 3.1
एवं संस्तूयमाना सा देवैर् देवम् अधारयत् गर्भेण पुण्डरीकाक्षं जगतां त्राणकारणम् ॥
evaṃ saṃstūyamānā sā devair devam adhārayat garbheṇa puṇḍarīkākṣaṃ jagatāṃ trāṇakāraṇam //
Thus praised by the gods, she bore the god in her womb, the lotus-eyed one, the cause of the world's deliverance.
AI translation rendered from the Sanskrit, not a published edition
ViP 5 3.2
ततो ऽखिलजगत्पद्मबोधायाच्युतभानुना देवकीपूर्वसंध्यायाम् आविर्भूतं महात्मना ॥
tato 'khilajagatpadmabodhāyācyutabhānunā devakīpūrvasaṃdhyāyām āvirbhūtaṃ mahātmanā //
Then, for the awakening of the lotus that is the whole world, by the great-souled sun that is Acyuta, (he) became manifest in Devakī at the first watch of night.
AI translation rendered from the Sanskrit, not a published edition
ViP 5 3.3
तज्जन्मदिनम् अत्यर्थम् आह्लाद्य् अमलदिङ्मुखम् बभूव सर्वलोकस्य कौमुदी शशिनो यथा ॥
tajjanmadinam atyartham āhlādy amaladiṅmukham babhūva sarvalokasya kaumudī śaśino yathā //
That day of his birth was exceedingly delightful, with the quarters of the sky unstained — it became for all the world as moonlight is (from) the moon.
AI translation rendered from the Sanskrit, not a published edition
ViP 5 3.4
सन्तः संतोषम् अधिकं प्रशमं चण्डमारुताः प्रसादं निम्नगा याता जायमाने जनार्दने ॥
santaḥ saṃtoṣam adhikaṃ praśamaṃ caṇḍamārutāḥ prasādaṃ nimnagā yātā jāyamāne janārdane //
The good attained abundant contentment, the fierce winds calm, the rivers clarity, when Janārdana was being born.
AI translation rendered from the Sanskrit, not a published edition
ViP 5 3.5
सिन्धवो निजशब्देन वाद्यं चक्रुर् मनोहरम् जगुर् गन्धर्वपतयो ननृतुश् चाप्सरोगणाः ॥
sindhavo nijaśabdena vādyaṃ cakrur manoharam jagur gandharvapatayo nanṛtuś cāpsarogaṇāḥ //
The seas made pleasing music with their own sound; the lords of the Gandharvas sang, and the hosts of Apsarases danced.
AI translation rendered from the Sanskrit, not a published edition
ViP 5 3.6
ससृजुः पुष्पवर्षाणि देवा भुव्य् अन्तरिक्षगाः जज्वलुश् चाग्नयः शान्ता जायमाने जनार्दने ॥
sasṛjuḥ puṣpavarṣāṇi devā bhuvy antarikṣagāḥ jajvaluś cāgnayaḥ śāntā jāyamāne janārdane //
The gods on earth and those moving in mid-air let fall showers of flowers, and the fires blazed up quietly, when Janārdana was being born.
AI translation rendered from the Sanskrit, not a published edition
ViP 5 3.7
मध्यरात्रे ऽखिलाधारे जायमाने जनार्दने मन्दं जगर्जुर् जलदाः पुष्पवृष्टिमुचो द्विज ॥
madhyarātre 'khilādhāre jāyamāne janārdane mandaṃ jagarjur jaladāḥ puṣpavṛṣṭimuco dvija //
At midnight, when Janārdana, the support of all, was being born, the clouds thundered softly, releasing rains of flowers, O twice-born one.
AI translation rendered from the Sanskrit, not a published edition
ViP 5 3.8
फुल्लेन्दीवरपत्राभं चतुर्बाहुम् उदीक्ष्य तम् श्रीवत्सवक्षसं जातं तुष्टावानकदुन्दुभिः ॥
phullendīvarapatrābhaṃ caturbāhum udīkṣya tam śrīvatsavakṣasaṃ jātaṃ tuṣṭāvānakadundubhiḥ //
Seeing him born, with the sheen of the petal of a full-blown blue lotus, four-armed, bearing the Śrīvatsa on his breast, Ānakadundubhi (Vasudeva) praised (him).
AI translation rendered from the Sanskrit, not a published edition
ViP 5 3.9
अभिष्टूय च तं वाग्भिः प्रसन्नाभिर् महामतिः विज्ञापयाम् आस तदा कंसाद् भीतो द्विजोत्तम ॥
abhiṣṭūya ca taṃ vāgbhiḥ prasannābhir mahāmatiḥ vijñāpayām āsa tadā kaṃsād bhīto dvijottama //
And having extolled him with gracious words, the greatly wise one, then afraid of Kaṃsa, made a request (of him), O best of the twice-born.
AI translation rendered from the Sanskrit, not a published edition
ViP 5 3.10
ज्ञातो ऽसि देवदेवेश शङ्खचक्रगदाधरम् दिव्यं रूपम् इदं देव प्रसादेनोपसंहर ॥
jñāto 'si devadeveśa śaṅkhacakragadādharam divyaṃ rūpam idaṃ deva prasādenopasaṃhara //
"You are recognised, O lord of the gods of gods; graciously withdraw this divine form, O god, bearing conch, discus and mace.
AI translation rendered from the Sanskrit, not a published edition
ViP 5 3.11
अद्यैव देव कंसो ऽयं कुरुते मम यातनाम् अवतीर्णम् इति ज्ञात्वा त्वम् अस्मिन् मम मन्दिरे ॥
adyaiva deva kaṃso 'yaṃ kurute mama yātanām avatīrṇam iti jñātvā tvam asmin mama mandire //
This very day, O god, this Kaṃsa will inflict torment on me, once he knows that you have descended here in my house."
AI translation rendered from the Sanskrit, not a published edition
ViP 5 3.12
यो ऽनन्तरूपो ऽखिलविश्वरूपो गर्भे ऽपि लोकान् वपुषा बिभर्ति प्रसीदताम् एष स देवदेवः स्वमाययाविष्कृतबालरूपः ॥
yo 'nantarūpo 'khilaviśvarūpo garbhe 'pi lokān vapuṣā bibharti prasīdatām eṣa sa devadevaḥ svamāyayāviṣkṛtabālarūpaḥ //
"He who, of endless forms, whose form is the entire universe, even (while) in the womb supports the worlds with his body — may he, this god of gods, who by his own magic power has made a child's form appear, be gracious.
AI translation rendered from the Sanskrit, not a published edition
ViP 5 3.13
उपसंहर सर्वात्मन् रूपम् एतच् चतुर्भुजम् जानातु मावतारं ते कंसो ऽयं दितिजात्मजः ॥
upasaṃhara sarvātman rūpam etac caturbhujam jānātu māvatāraṃ te kaṃso 'yaṃ ditijātmajaḥ //
Withdraw, O Self of all, this four-armed form; let this Kaṃsa, the son of Diti's offspring, not know of your descent."
AI translation rendered from the Sanskrit, not a published edition
ViP 5 3.14
स्तुतो ऽहं यत् त्वया पूर्वं पुत्रार्थिन्या तद् अद्य ते सफलं देवि संजातं जातो ऽहं यत् तवोदरात् ॥
stuto 'haṃ yat tvayā pūrvaṃ putrārthinyā tad adya te saphalaṃ devi saṃjātaṃ jāto 'haṃ yat tavodarāt //
Since you praised me formerly, when you were longing for a son, that (praise) has today borne fruit for you, goddess, in that I have been born from your womb.
AI translation rendered from the Sanskrit, not a published edition
ViP 5 3.15
इत्य् उक्त्वा भगवांस् तूष्णीं बभूव मुनिसत्तम वसुदेवो ऽपि तं रात्राव् आदाय प्रययौ बहिः ॥
ity uktvā bhagavāṃs tūṣṇīṃ babhūva munisattama vasudevo 'pi taṃ rātrāv ādāya prayayau bahiḥ //
Having said this, the Lord fell silent, O best of sages; and Vasudeva too, taking him up in the night, went outside.
AI translation rendered from the Sanskrit, not a published edition
ViP 5 3.16
मोहिताश् चाभवंस् तत्र रक्षिणो योगनिद्रया मथुराद्वारपालाश् च व्रजत्य् आनकदुन्दुभौ ॥
mohitāś cābhavaṃs tatra rakṣiṇo yoganidrayā mathurādvārapālāś ca vrajaty ānakadundubhau //
And there the guards were bewildered by Yoganidrā, and so too the gatekeepers of Mathurā, as Ānakadundubhi (Vasudeva) went on his way.
AI translation rendered from the Sanskrit, not a published edition
ViP 5 3.17
वर्षतां जलदानां च तोयम् अत्युल्बणं निशि संच्छाद्यानुययौ शेषः फणैर् आनकदुन्दुभिम् ॥
varṣatāṃ jaladānāṃ ca toyam atyulbaṇaṃ niśi saṃcchādyānuyayau śeṣaḥ phaṇair ānakadundubhim //
And as the rain-clouds poured down water most violently in the night, Śeṣa followed behind Ānakadundubhi, covering him over with his hoods.
AI translation rendered from the Sanskrit, not a published edition
ViP 5 3.18
यमुनां चातिगम्भीरां नानावर्तशताकुलाम् वसुदेवो वहन् विष्णुं जानुमात्रवहां ययौ ॥
yamunāṃ cātigambhīrāṃ nānāvartaśatākulām vasudevo vahan viṣṇuṃ jānumātravahāṃ yayau //
And Vasudeva, carrying Viṣṇu, crossed the Yamunā—very deep and churning with hundreds of various whirlpools—which (then) flowed only knee-high.
AI translation rendered from the Sanskrit, not a published edition
ViP 5 3.19
कंसस्य करम् आदाय तत्रैवाभ्यागतांस् तटे नन्दादीन् गोपवृद्धांश् च यमुनायां ददर्श सः ॥
kaṃsasya karam ādāya tatraivābhyāgatāṃs taṭe nandādīn gopavṛddhāṃś ca yamunāyāṃ dadarśa saḥ //
There on the bank of the Yamunā he saw Nanda and the other elder cowherds, who had come there having brought Kaṃsa's tribute.
AI translation rendered from the Sanskrit, not a published edition
ViP 5 3.20
तस्मिन् काले यशोदापि मोहिता योगनिद्रया ताम् एव कन्यां मैत्रेय प्रसूता मोहिते जने ॥
tasmin kāle yaśodāpi mohitā yoganidrayā tām eva kanyāṃ maitreya prasūtā mohite jane //
At that time Yaśodā too, bewildered by Yoganidrā, gave birth to that very girl, O Maitreya, while the people were in a stupor.
AI translation rendered from the Sanskrit, not a published edition
ViP 5 3.21
वसुदेवो ऽपि विन्यस्य बालम् आदाय दारिकाम् यशोदाशयने तूर्णम् आजगामामितद्युतिः ॥
vasudevo 'pi vinyasya bālam ādāya dārikām yaśodāśayane tūrṇam ājagāmāmitadyutiḥ //
And Vasudeva, of measureless splendour, laying down the boy and taking the little girl from Yaśodā's bed, quickly returned.
AI translation rendered from the Sanskrit, not a published edition
ViP 5 3.22
ददृशे च प्रबुद्धा सा यशोदा जातम् आत्मजम् नीलोत्पलदलश्यामं ततो ऽत्यर्थं मुदं ययौ ॥
dadṛśe ca prabuddhā sā yaśodā jātam ātmajam nīlotpaladalaśyāmaṃ tato 'tyarthaṃ mudaṃ yayau //
And when Yaśodā awoke, she saw the son born to her, dark as the petal of a blue lotus, and thereupon became exceedingly joyful.
AI translation rendered from the Sanskrit, not a published edition
ViP 5 3.23
आदाय वसुदेवो ऽपि दारिकां निजमन्दिरे देवकीशयने न्यस्य यथापूर्वम् अतिष्ठत ॥
ādāya vasudevo 'pi dārikāṃ nijamandire devakīśayane nyasya yathāpūrvam atiṣṭhata //
And Vasudeva, taking the girl to his own house and laying her on Devakī's bed, stayed as before.
AI translation rendered from the Sanskrit, not a published edition
ViP 5 3.24
ततो बालध्वनिं श्रुत्वा रक्षिणः सहसोत्थिताः कंसायावेदयाम् आसुर् देवकीप्रसवं द्विज ॥
tato bāladhvaniṃ śrutvā rakṣiṇaḥ sahasotthitāḥ kaṃsāyāvedayām āsur devakīprasavaṃ dvija //
Then, hearing the sound of an infant, the guards rose up at once and reported Devakī's delivery to Kaṃsa, O brahmin.
AI translation rendered from the Sanskrit, not a published edition
ViP 5 3.25
कंसस् तूर्णम् उपेत्यैनां ततो जग्राह बालिकाम् मुञ्च मुञ्चेति देवक्या सन्नकण्ठ्या निवारितः ॥
kaṃsas tūrṇam upetyaināṃ tato jagrāha bālikām muñca muñceti devakyā sannakaṇṭhyā nivāritaḥ //
Kaṃsa quickly came up and thereupon seized the little girl; he was hindered by Devakī, her throat choked, (crying) "Let her go, let her go!"
AI translation rendered from the Sanskrit, not a published edition
ViP 5 3.26
चिक्षेप च शिलापृष्ठे सा क्षिप्ता वियति स्थितिम् अवाप रूपं च महत् सायुधाष्टमहाभुजम् ॥
cikṣepa ca śilāpṛṣṭhe sā kṣiptā viyati sthitim avāpa rūpaṃ ca mahat sāyudhāṣṭamahābhujam //
And he flung her against the surface of a rock; but, flung (thus), she took her stand in the sky and assumed a vast form with eight great arms bearing weapons.
AI translation rendered from the Sanskrit, not a published edition
ViP 5 3.27
प्रजहास तथैवोच्चैः कंसं च रुषिताब्रवीत् किं मया क्षिप्तया कंस जातो यस् त्वां वधिष्यति ॥
prajahāsa tathaivoccaiḥ kaṃsaṃ ca ruṣitābravīt kiṃ mayā kṣiptayā kaṃsa jāto yas tvāṃ vadhiṣyati //
Just so she laughed aloud, and in anger said to Kaṃsa: "What (use) is it, Kaṃsa, that you have flung me? He who will kill you is born.
AI translation rendered from the Sanskrit, not a published edition
ViP 5 3.28
सर्वस्वभूतो देवानाम् आसीन् मृत्युः पुरा स ते तद् एतत् संप्रधार्याशु क्रियतां हितम् आत्मनः ॥
sarvasvabhūto devānām āsīn mṛtyuḥ purā sa te tad etat saṃpradhāryāśu kriyatāṃ hitam ātmanaḥ //
He who was formerly the all-in-all of the gods has become your death. So, having considered this, quickly do what is good for yourself."
AI translation rendered from the Sanskrit, not a published edition
ViP 5 3.29
इत्य् उक्त्वा प्रययौ देवी दिव्यस्रग्गन्धभूषणा पश्यतो भोजराजस्य स्तुता सिद्धैर् विहायसा ॥
ity uktvā prayayau devī divyasraggandhabhūṣaṇā paśyato bhojarājasya stutā siddhair vihāyasā //
Having said this, the goddess, adorned with divine garlands, perfumes and ornaments, went away through the sky, praised by the Siddhas, while the Bhoja king looked on.
AI translation rendered from the Sanskrit, not a published edition