Vishnu Purana — Amsha 5 — Chapter 29
ViP 5 29.1
द्वारवत्यां ततः शौरिं शक्रस् त्रिभुवनेश्वरः आजगामाथ मैत्रेय मत्तैरावतपृष्ठगः ॥
dvāravatyāṃ tataḥ śauriṃ śakras tribhuvaneśvaraḥ ājagāmātha maitreya mattairāvatapṛṣṭhagaḥ //
Then, O Maitreya, Śakra, lord of the three worlds, came to Śauri in Dvāravatī, riding on the back of the rutting Airāvata.
AI translation rendered from the Sanskrit, not a published edition
ViP 5 29.2
प्रविश्य द्वारकां सो ऽथ समेत्य हरिणा ततः कथयाम् आस दैत्यस्य नरकस्य विचेष्टितम् ॥
praviśya dvārakāṃ so 'tha sametya hariṇā tataḥ kathayām āsa daityasya narakasya viceṣṭitam //
Then, having entered Dvārakā and met with Hari, he related the doings of the demon Naraka.
AI translation rendered from the Sanskrit, not a published edition
ViP 5 29.3
त्वया नाथेन देवानां मनुष्यत्वे ऽपि तिष्ठता प्रशमं सर्वदुःखानि नीतानि मधुसूदन ॥
tvayā nāthena devānāṃ manuṣyatve 'pi tiṣṭhatā praśamaṃ sarvaduḥkhāni nītāni madhusūdana //
"By you, the protector of the gods, even while remaining in human form, all sorrows have been brought to an end, O slayer of Madhu.
AI translation rendered from the Sanskrit, not a published edition
ViP 5 29.4
तपस्विजननाशाय सो ऽरिष्टो धेनुकस् तथा प्रवृत्तो यस् तथा केशी ते सर्वे निहतास् त्वया ॥
tapasvijananāśāya so 'riṣṭo dhenukas tathā pravṛtto yas tathā keśī te sarve nihatās tvayā //
That Ariṣṭa, and Dhenuka likewise, and Keśī, who set out to destroy the ascetic folk — all these were slain by you.
AI translation rendered from the Sanskrit, not a published edition
ViP 5 29.5
कंसः कुवलयापीडः पूतना बालघातिनी नाशं नीतास् त्वया सर्वे ये ऽन्ये जगदुपद्रवाः ॥
kaṃsaḥ kuvalayāpīḍaḥ pūtanā bālaghātinī nāśaṃ nītās tvayā sarve ye 'nye jagadupadravāḥ //
Kaṃsa, Kuvalayāpīḍa, Pūtanā the child-killer, and all the other afflictions of the world — you have brought them to destruction.
AI translation rendered from the Sanskrit, not a published edition
ViP 5 29.6
युष्मद्दोर्दण्डसद्बुद्धिपरित्राते जगत्त्रये यज्वियज्ञांशसंप्राप्त्या तृप्तिं यान्ति दिवौकसः ॥
yuṣmaddordaṇḍasadbuddhiparitrāte jagattraye yajviyajñāṃśasaṃprāptyā tṛptiṃ yānti divaukasaḥ //
When the three worlds are protected by the staff of your arm and by your true wisdom, the dwellers in heaven attain satisfaction by receiving their portions of the sacrificers' sacrifices.
AI translation rendered from the Sanskrit, not a published edition
ViP 5 29.7
सो ऽहं साम्प्रतम् आयातो यन्निमित्तं जनार्दन तच् छ्रुत्वा तत्प्रतीकारप्रयत्नं कर्तुम् अर्हसि ॥
so 'haṃ sāmpratam āyāto yannimittaṃ janārdana tac chrutvā tatpratīkāraprayatnaṃ kartum arhasi //
So I have now come, Janārdana, for a certain reason; having heard it, you ought to make an effort to counter it.
AI translation rendered from the Sanskrit, not a published edition
ViP 5 29.8
भौमो ऽयं नरको नाम प्राग्ज्योतिषपुरेश्वरः करोति सर्वभूतानाम् उपघातम् अरिंदम ॥
bhaumo 'yaṃ narako nāma prāgjyotiṣapureśvaraḥ karoti sarvabhūtānām upaghātam ariṃdama //
This son of the Earth named Naraka, lord of the city of Prāgjyotiṣa, does injury to all beings, O subduer of foes.
AI translation rendered from the Sanskrit, not a published edition
ViP 5 29.9
देवसिद्धासुरादीनां नृपाणां च जनार्दन हृत्वा हि सो ऽसुरः कन्या रुरोध निजमन्दिरे ॥
devasiddhāsurādīnāṃ nṛpāṇāṃ ca janārdana hṛtvā hi so 'suraḥ kanyā rurodha nijamandire //
For that Asura, Janārdana, has carried off the maidens of the gods, Siddhas, Asuras and others, and of kings, and shut them up in his own palace.
AI translation rendered from the Sanskrit, not a published edition
ViP 5 29.10
छत्रं यत् सलिलस्रावि तज् जहार प्रचेतसः मन्दरस्य तथा शृङ्गं हृतवान् मणिपर्वतम् ॥
chatraṃ yat salilasrāvi taj jahāra pracetasaḥ mandarasya tathā śṛṅgaṃ hṛtavān maṇiparvatam //
He carried off the water-shedding umbrella of Pracetas (Varuṇa), and likewise the peak of Mandara, the jewel-mountain.
AI translation rendered from the Sanskrit, not a published edition
ViP 5 29.11
अमृतस्राविणी दिव्ये मन्मातुः कृष्ण कुण्डले जहार सो ऽसुरो ऽदित्या वाञ्छत्य् ऐरावतं गजम् ॥
amṛtasrāviṇī divye manmātuḥ kṛṣṇa kuṇḍale jahāra so 'suro 'dityā vāñchaty airāvataṃ gajam //
That Asura carried off from Aditi, Kṛṣṇa, my mother's two divine earrings that ooze nectar, and he covets the elephant Airāvata.
AI translation rendered from the Sanskrit, not a published edition
ViP 5 29.12
दुर्नीतम् एतद् गोविन्द मया तस्य तवोदितम् यद् अत्र प्रतिकर्तव्यं तत् स्वयं परिमृश्यताम् ॥
durnītam etad govinda mayā tasya tavoditam yad atra pratikartavyaṃ tat svayaṃ parimṛśyatām //
This misconduct of his, Govinda, has been declared by me to you; whatever is to be done against it here, let that be considered by you yourself.
AI translation rendered from the Sanskrit, not a published edition
ViP 5 29.13
इति श्रुत्वा स्मितं कृत्वा भगवान् देवकीसुतः गृहीत्वा वासवं हस्ते समुत्तस्थौ वरासनात् ॥
iti śrutvā smitaṃ kṛtvā bhagavān devakīsutaḥ gṛhītvā vāsavaṃ haste samuttasthau varāsanāt //
Having heard this, the Lord, the son of Devakī, smiled, took Vāsava by the hand, and rose up from his excellent seat.
AI translation rendered from the Sanskrit, not a published edition
ViP 5 29.14
संचिन्तितम् उपारुह्य गरुडं गगनेचरम् सत्यभामां समारोप्य ययौ प्राग्ज्योतिषं पुरम् ॥
saṃcintitam upāruhya garuḍaṃ gaganecaram satyabhāmāṃ samāropya yayau prāgjyotiṣaṃ puram //
Mounting Garuḍa, the sky-goer, who came at his mere thought, and setting Satyabhāmā (upon him), he went to the city of Prāgjyotiṣa.
AI translation rendered from the Sanskrit, not a published edition
ViP 5 29.15
आरुह्यैरावतं नागं शक्रो ऽपि त्रिदिशालयम् ततो जगाम मैत्रेय पश्यतां द्वारकौकसाम् ॥
āruhyairāvataṃ nāgaṃ śakro 'pi tridiśālayam tato jagāma maitreya paśyatāṃ dvārakaukasām //
Śakra too, mounting the elephant Airāvata, went from there to the abode of the thirty (gods), Maitreya, while the inhabitants of Dvārakā looked on.
AI translation rendered from the Sanskrit, not a published edition
ViP 5 29.16
प्राग्ज्योतिषपुरस्यासीत् समन्ताच् छतयोजनम् आचिता मौरवैः पाशैः क्षुरान्तैर् भूर् द्विजोत्तम ॥
prāgjyotiṣapurasyāsīt samantāc chatayojanam ācitā mauravaiḥ pāśaiḥ kṣurāntair bhūr dvijottama //
For a hundred yojanas all around the city of Prāgjyotiṣa, O best of brahmins, the ground was thickly set with Muru's nooses, razor-edged.
AI translation rendered from the Sanskrit, not a published edition
ViP 5 29.17
तांश् चिच्छेद हरिः पाशान् क्षिप्त्वा चक्रं सुदर्शनम् ततो मुरुः समुत्तस्थौ तं जघान च केशवः ॥
tāṃś ciccheda hariḥ pāśān kṣiptvā cakraṃ sudarśanam tato muruḥ samuttasthau taṃ jaghāna ca keśavaḥ //
Hari cut those nooses, hurling his discus Sudarśana; then Muru rose up, and Keśava slew him.
AI translation rendered from the Sanskrit, not a published edition
ViP 5 29.18
मुरोस् तु तनयान् सप्त सहस्रांस् तांस् ततो हरिः चक्रधाराग्निनिर्दग्धांश् चकार शलभान् इव ॥
muros tu tanayān sapta sahasrāṃs tāṃs tato hariḥ cakradhārāgninirdagdhāṃś cakāra śalabhān iva //
Then Hari made Muru's seven thousand sons, burnt up by the fire of the discus's edge, like moths.
AI translation rendered from the Sanskrit, not a published edition
ViP 5 29.19
हत्वा मुरुं हयग्रीवं तथा पञ्चजनं द्विज प्राग्ज्योतिषपुरं धीमांस् त्वरावान् समुपाद्रवत् ॥
hatvā muruṃ hayagrīvaṃ tathā pañcajanaṃ dvija prāgjyotiṣapuraṃ dhīmāṃs tvarāvān samupādravat //
Having slain Muru, Hayagrīva and Pañcajana, O brahmin, the wise one swiftly rushed upon the city of Prāgjyotiṣa.
AI translation rendered from the Sanskrit, not a published edition
ViP 5 29.20
नरकेणास्य तत्राभून् महासैन्येन संयुगः कृष्णस्य यत्र गोविन्दो जघ्ने दैत्यान् सहस्रशः ॥
narakeṇāsya tatrābhūn mahāsainyena saṃyugaḥ kṛṣṇasya yatra govindo jaghne daityān sahasraśaḥ //
There he had a battle with Naraka together with his great army — Kṛṣṇa's battle, in which Govinda slew the Daityas by the thousand.
AI translation rendered from the Sanskrit, not a published edition
ViP 5 29.21
शस्त्रास्त्रवर्षं मुञ्चन्तं तं भौमं नरकं बली क्षिप्त्वा चक्रं द्विधा चक्रे चक्री दैतेयचक्रहा ॥
śastrāstravarṣaṃ muñcantaṃ taṃ bhaumaṃ narakaṃ balī kṣiptvā cakraṃ dvidhā cakre cakrī daiteyacakrahā //
As that Naraka, son of the Earth, was loosing a rain of weapons and missiles, the mighty bearer of the discus, destroyer of the host of Daityas, hurled his discus and made him two.
AI translation rendered from the Sanskrit, not a published edition
ViP 5 29.22
हते तु नरके भूमिर् गृहीत्वादितिकुण्डले उपतस्थे जगन्नाथं वाक्यं चेदम् अथाब्रवीत् ॥
hate tu narake bhūmir gṛhītvāditikuṇḍale upatasthe jagannāthaṃ vākyaṃ cedam athābravīt //
When Naraka was slain, the Earth, taking Aditi's earrings, presented herself before the Lord of the world and then spoke these words:
AI translation rendered from the Sanskrit, not a published edition
ViP 5 29.23
यदाहम् उद्धृता नाथ त्वया सूकरमूर्तिना त्वत्स्पर्शसंभवः पुत्रस् तदायं मय्य् अजायत ॥
yadāham uddhṛtā nātha tvayā sūkaramūrtinā tvatsparśasaṃbhavaḥ putras tadāyaṃ mayy ajāyata //
"When I was lifted up, Lord, by you in the form of a boar, then this son, arisen from your touch, was born in me.
AI translation rendered from the Sanskrit, not a published edition
ViP 5 29.24
सो ऽयं त्वयैव दत्तो मे त्वयैव विनिपातितः गृहाण कुण्डले चेमे पालयास्य च संततिम् ॥
so 'yaṃ tvayaiva datto me tvayaiva vinipātitaḥ gṛhāṇa kuṇḍale ceme pālayāsya ca saṃtatim //
This very one was given to me by you, and by you he has been struck down. Take these earrings, and protect his offspring.
AI translation rendered from the Sanskrit, not a published edition
ViP 5 29.25
भारावतरणार्थाय ममैव भगवान् इमम् अंशेन लोकम् आयातः प्रसादसुमुखः प्रभो ॥
bhārāvataraṇārthāya mamaiva bhagavān imam aṃśena lokam āyātaḥ prasādasumukhaḥ prabho //
For the sake of relieving my very own burden the Lord has come to this world with a portion (of himself), his face gracious with favour, O master.
AI translation rendered from the Sanskrit, not a published edition
ViP 5 29.26
त्वं कर्ता च विकर्ता च संहर्ता प्रभवो ऽप्ययः जगतां त्वं जगद्रूपः स्तूयते ऽच्युत किं तव ॥
tvaṃ kartā ca vikartā ca saṃhartā prabhavo 'pyayaḥ jagatāṃ tvaṃ jagadrūpaḥ stūyate 'cyuta kiṃ tava //
You are the maker and the transformer, the destroyer, the origin and the dissolution of the worlds; you yourself have the form of the world—what, O Acyuta, can be praised in you?
AI translation rendered from the Sanskrit, not a published edition
ViP 5 29.27
व्यापी व्याप्यः क्रिया कर्ता कार्यं च भगवान् यदा सर्वभूतात्मभूतस्य स्तूयते तव किं तदा ॥
vyāpī vyāpyaḥ kriyā kartā kāryaṃ ca bhagavān yadā sarvabhūtātmabhūtasya stūyate tava kiṃ tadā //
When you, Lord, are the pervader and the pervaded, the action, the agent and the deed, then what can be praised in you, who are the self of all beings?
AI translation rendered from the Sanskrit, not a published edition
ViP 5 29.28
परमात्मा त्वम् आत्मा च भूतात्मा चाव्ययो भवान् यदा तदा स्तुतिर् नास्ति किमर्था ते प्रवर्तते ॥
paramātmā tvam ātmā ca bhūtātmā cāvyayo bhavān yadā tadā stutir nāsti kimarthā te pravartate //
When you are the supreme Self, and the (individual) self, and the self of the elements, and you are imperishable—then there is no praise (possible); for what purpose does it proceed toward you?
AI translation rendered from the Sanskrit, not a published edition
ViP 5 29.29
प्रसीद सर्वभूतात्मन् नरकेण कृतं हि यत् तत् क्षम्यताम् अदोषाय त्वत्सुतः स निपातितः ॥
prasīda sarvabhūtātman narakeṇa kṛtaṃ hi yat tat kṣamyatām adoṣāya tvatsutaḥ sa nipātitaḥ //
Be gracious, O Self of all beings: whatever was done by Naraka, let that be forgiven; it was without fault that this son of yours was struck down.
AI translation rendered from the Sanskrit, not a published edition
ViP 5 29.30
तथेति चोक्त्वा धरणीं भगवान् भूतभावनः रत्नानि नरकावासाज् जग्राह मुनिसत्तम ॥
tatheti coktvā dharaṇīṃ bhagavān bhūtabhāvanaḥ ratnāni narakāvāsāj jagrāha munisattama //
And having said "So be it" to the Earth, the Lord, the creator of beings, took the jewels from Naraka's dwelling, O best of sages.
AI translation rendered from the Sanskrit, not a published edition
ViP 5 29.31
कन्यापुरे स कन्यानां षोडशातुलविक्रमः शताधिकानि ददृशे सहस्राणि महामुने ॥
kanyāpure sa kanyānāṃ ṣoḍaśātulavikramaḥ śatādhikāni dadṛśe sahasrāṇi mahāmune //
In the maidens' quarters he of unequalled valour saw sixteen thousand and a hundred maidens, O great sage.
AI translation rendered from the Sanskrit, not a published edition
ViP 5 29.32
चतुर्दंष्ट्रान् गजांश् चोग्रान् षट्सहस्रान् स दृष्टवान् काम्बोजानां तथाश्वानां नियुतान्य् एकविंशतिम् ॥
caturdaṃṣṭrān gajāṃś cogrān ṣaṭsahasrān sa dṛṣṭavān kāmbojānāṃ tathāśvānāṃ niyutāny ekaviṃśatim //
He saw six thousand fierce elephants with four tusks, and twenty-one lakhs of Kamboja horses.
AI translation rendered from the Sanskrit, not a published edition
ViP 5 29.33
कन्यास् ताश् च तथा नागांस् तांश् चाश्वान् द्वारकां पुरीम् प्रेषयाम् आस गोविन्दः सद्यो नरककिंकरैः ॥
kanyās tāś ca tathā nāgāṃs tāṃś cāśvān dvārakāṃ purīm preṣayām āsa govindaḥ sadyo narakakiṃkaraiḥ //
And those maidens, and those elephants, and those horses, Govinda at once sent off to the city of Dvārakā with Naraka's servants.
AI translation rendered from the Sanskrit, not a published edition
ViP 5 29.34
ददृशे वारुणं छत्रं तथैव मणिपर्वतम् आरोपयाम् आस हरिर् गरुडे पतगेश्वरे ॥
dadṛśe vāruṇaṃ chatraṃ tathaiva maṇiparvatam āropayām āsa harir garuḍe patageśvare //
He saw Varuṇa's parasol and likewise the jewel-mountain; Hari had (them) loaded onto Garuḍa, the lord of birds.
AI translation rendered from the Sanskrit, not a published edition
ViP 5 29.35
आरुह्य च स्वयं कृष्णः सत्यभामासहायवान् अदित्याः कुण्डले दातुं जगाम त्रिदिवालयम् ॥
āruhya ca svayaṃ kṛṣṇaḥ satyabhāmāsahāyavān adityāḥ kuṇḍale dātuṃ jagāma tridivālayam //
And mounting (Garuḍa) himself, Kṛṣṇa, accompanied by Satyabhāmā, went to the dwelling in the third heaven to give Aditi her earrings.
AI translation rendered from the Sanskrit, not a published edition