Vishnu Purana — Amsha 5 — Chapter 27
ViP 5 27.1
शम्बरेण हृतो वीरः प्रद्युम्नः स कथं मुने शम्बरश् च महावीर्यः प्रद्युम्नेन कथं हतः ॥
śambareṇa hṛto vīraḥ pradyumnaḥ sa kathaṃ mune śambaraś ca mahāvīryaḥ pradyumnena kathaṃ hataḥ //
How, O sage, was the hero Pradyumna carried off by Śambara, and how was the mighty Śambara slain by Pradyumna?
AI translation rendered from the Sanskrit, not a published edition
ViP 5 27.2
षष्ठे ऽह्नि जातमात्रं तु प्रद्युम्नं सूतिकागृहात् ममैष हन्तेति मुने हृतवान् कालशम्बरः ॥
ṣaṣṭhe 'hni jātamātraṃ tu pradyumnaṃ sūtikāgṛhāt mamaiṣa hanteti mune hṛtavān kālaśambaraḥ //
On the sixth day, O sage, Kālaśambara carried off Pradyumna, just born, from the lying-in chamber, thinking "this one is my slayer."
AI translation rendered from the Sanskrit, not a published edition
ViP 5 27.3
हृत्वा चिक्षेप चैवैनं ग्राहोग्रे लवणार्णवे कल्लोलजनितावर्ते सुघोरे मकरालये ॥
hṛtvā cikṣepa caivainaṃ grāhogre lavaṇārṇave kallolajanitāvarte sughore makarālaye //
Having carried him off, he threw him into the salt ocean, fierce with sea-monsters, its whirlpools raised by the waves, most terrible, the abode of makaras.
AI translation rendered from the Sanskrit, not a published edition
ViP 5 27.4
पतितं तत्र चैवैको मत्स्यो जग्राह बालकम् न ममार च तस्यापि जठरानलदीपितः ॥
patitaṃ tatra caivaiko matsyo jagrāha bālakam na mamāra ca tasyāpi jaṭharānaladīpitaḥ //
And as he fell there, a certain fish swallowed the boy; yet he did not die, though scorched by the digestive fire of that (fish's) belly.
AI translation rendered from the Sanskrit, not a published edition
ViP 5 27.5
मत्स्यबन्धैश् च मत्स्यो ऽसौ मत्स्यैर् अन्यैः सह द्विज घातितो ऽसुरवर्याय शम्बराय निवेदितः ॥
matsyabandhaiś ca matsyo 'sau matsyair anyaiḥ saha dvija ghātito 'suravaryāya śambarāya niveditaḥ //
And that fish, O twice-born, was caught by fishermen along with other fish and was killed and presented to Śambara, the foremost of the Asuras.
AI translation rendered from the Sanskrit, not a published edition
ViP 5 27.6
तस्य मायावती नाम पत्नी सर्वगृहेश्वरी कारयाम् आस सूदानाम् आधिपत्यम् अनिन्दिता ॥
tasya māyāvatī nāma patnī sarvagṛheśvarī kārayām āsa sūdānām ādhipatyam aninditā //
His wife named Māyāvatī, the mistress of the whole household, blameless, held authority over the cooks (and had them prepare it).
AI translation rendered from the Sanskrit, not a published edition
ViP 5 27.7
दारिते मत्स्यजठरे ददृशे सातिशोभनम् कुमारं मन्मथतरोर् दग्धस्य प्रथमाङ्कुरम् ॥
dārite matsyajaṭhare dadṛśe sātiśobhanam kumāraṃ manmathataror dagdhasya prathamāṅkuram //
When the fish's belly was cut open, she saw a most beautiful boy, the first sprout of the burnt tree of Love.
AI translation rendered from the Sanskrit, not a published edition
ViP 5 27.8
को ऽयं कथम् अयं मत्स्यजठरं समुपागतः इत्य् एवं कौतुकाविष्टां तां तन्वीं प्राह नारदः ॥
ko 'yaṃ katham ayaṃ matsyajaṭharaṃ samupāgataḥ ity evaṃ kautukāviṣṭāṃ tāṃ tanvīṃ prāha nāradaḥ //
"Who is this, and how has he come into the belly of a fish?" — to that slender woman thus filled with curiosity Nārada spoke.
AI translation rendered from the Sanskrit, not a published edition
ViP 5 27.9
अयं समस्तजगतः सूतिसंहारकर्मणः शम्बरेण हृतो विष्णोस् तनयः सूतिकागृहात् ॥
ayaṃ samastajagataḥ sūtisaṃhārakarmaṇaḥ śambareṇa hṛto viṣṇos tanayaḥ sūtikāgṛhāt //
"This is the son of Viṣṇu, whose work is the bringing forth and destruction of the entire world; he was carried off by Śambara from the birth-chamber,
AI translation rendered from the Sanskrit, not a published edition
ViP 5 27.10
क्षिप्तः समुद्रे मत्स्येन निगीर्णस् ते वशं गतः नररत्नम् इदं सुभ्रु विस्रब्धा परिपालय ॥
kṣiptaḥ samudre matsyena nigīrṇas te vaśaṃ gataḥ nararatnam idaṃ subhru visrabdhā paripālaya //
"and thrown into the sea, and swallowed by a fish he has come into your power. O fair-browed one, guard this jewel among men with confidence."
AI translation rendered from the Sanskrit, not a published edition
ViP 5 27.11
नारदेनैवम् उक्ता सा पालयाम् आस तं शिशुम् बाल्याद् एवातिरागेण रूपातिशयमोहिता ॥
nāradenaivam uktā sā pālayām āsa taṃ śiśum bālyād evātirāgeṇa rūpātiśayamohitā //
Thus addressed by Nārada, she reared that child, infatuated by his surpassing beauty, with excessive love even from his childhood.
AI translation rendered from the Sanskrit, not a published edition
ViP 5 27.12
स यदा यौवनाभोगभूषितो ऽभून् महामुने साभिलाषा तदा सा तु बभूव गजगामिनी ॥
sa yadā yauvanābhogabhūṣito 'bhūn mahāmune sābhilāṣā tadā sā tu babhūva gajagāminī //
When, O great sage, he became adorned with the full bloom of youth, then she of the elephant's gait grew desirous (of him).
AI translation rendered from the Sanskrit, not a published edition
ViP 5 27.13
मायावती ददौ चास्मै मायाः सर्वा महात्मने प्रद्युम्नायानुरागान्धा तन्न्यस्तहृदयेक्षणा ॥
māyāvatī dadau cāsmai māyāḥ sarvā mahātmane pradyumnāyānurāgāndhā tannyastahṛdayekṣaṇā //
And Māyāvatī, blind with love, her heart and eyes fixed on him, gave all her magic arts to that great-souled Pradyumna.
AI translation rendered from the Sanskrit, not a published edition
ViP 5 27.14
प्रसज्जन्तीं तु ताम् आह स कार्ष्णिः कमलेक्षणाम् मातृभावाम् अपाहाय किम् एवं वर्तसे ऽन्यथा ॥
prasajjantīṃ tu tām āha sa kārṣṇiḥ kamalekṣaṇām mātṛbhāvām apāhāya kim evaṃ vartase 'nyathā //
But as she clung to him, that son of Kṛṣṇa said to the lotus-eyed woman: "Why, casting off the attitude of a mother, do you behave in this other way?"
AI translation rendered from the Sanskrit, not a published edition
ViP 5 27.15
सा चास्मै कथयाम् आस न पुत्रस् त्वं ममेति वै तनयं त्वाम् अयं विष्णोर् हृतवान् कालशम्बरः ॥
sā cāsmai kathayām āsa na putras tvaṃ mameti vai tanayaṃ tvām ayaṃ viṣṇor hṛtavān kālaśambaraḥ //
And she told him: "You are indeed not my son; Kālaśambara here carried you off, the son of Viṣṇu,
AI translation rendered from the Sanskrit, not a published edition
ViP 5 27.16
क्षिप्तः समुद्रे मत्स्यस्य संप्राप्तो जठरान् मया सा तु रोदिति ते माता कान्ताद्याप्य् अतिवत्सला ॥
kṣiptaḥ samudre matsyasya saṃprāpto jaṭharān mayā sā tu roditi te mātā kāntādyāpy ativatsalā //
"and threw you into the sea; I got you out of a fish's belly. But that mother of yours still weeps, your beloved (mother), most affectionate even now."
AI translation rendered from the Sanskrit, not a published edition — the model flagged this verse as uncertain
ViP 5 27.17
इत्य् उक्तः शम्बरं युद्धे प्रद्युम्नः स समाह्वयत् क्रोधाकुलीकृतमना युयुधे च महाबलः ॥
ity uktaḥ śambaraṃ yuddhe pradyumnaḥ sa samāhvayat krodhākulīkṛtamanā yuyudhe ca mahābalaḥ //
Thus addressed, Pradyumna challenged Śambara to battle, and, his mind agitated with anger, the mighty one fought.
AI translation rendered from the Sanskrit, not a published edition
ViP 5 27.18
हत्वा सैन्यम् अशेषं तु तस्य दैत्यस्य माधविः सप्तमाया व्यतिक्रम्य मायां संयुयुजे ऽष्टमीम् ॥
hatvā sainyam aśeṣaṃ tu tasya daityasya mādhaviḥ saptamāyā vyatikramya māyāṃ saṃyuyuje 'ṣṭamīm //
Having slain the entire army of that Daitya, the descendant of Madhu, passing beyond the seven magic arts, applied the eighth illusion.
AI translation rendered from the Sanskrit, not a published edition
ViP 5 27.19
तया जघान तं दैत्यं मायया कालशम्बरम् उत्पत्य च तया सार्धम् आजगाम पितुर् गृहम् ॥
tayā jaghāna taṃ daityaṃ māyayā kālaśambaram utpatya ca tayā sārdham ājagāma pitur gṛham //
With that magic art he slew that Daitya Kālaśambara, and flying up together with her he came to his father's house.
AI translation rendered from the Sanskrit, not a published edition
ViP 5 27.20
अन्तःपुरे निपतितं मायावत्या समन्वितम् तं दृष्ट्वा कृष्णसंकल्पा बभूवुः कृष्णयोषितः ॥
antaḥpure nipatitaṃ māyāvatyā samanvitam taṃ dṛṣṭvā kṛṣṇasaṃkalpā babhūvuḥ kṛṣṇayoṣitaḥ //
When they saw him descended into the inner apartments accompanied by Māyāvatī, the women of Kṛṣṇa took him for Kṛṣṇa.
AI translation rendered from the Sanskrit, not a published edition
ViP 5 27.21
रुक्मिणी चावदत् प्रेम्णा सास्रदृष्टिर् अनिन्दिता धन्याया खल्व् अयं पुत्रो वर्तते नवयौवने ॥
rukmiṇī cāvadat premṇā sāsradṛṣṭir aninditā dhanyāyā khalv ayaṃ putro vartate navayauvane //
And Rukmiṇī, blameless, her eyes filled with tears, said with affection: "Surely this son of some fortunate woman stands in fresh youth.
AI translation rendered from the Sanskrit, not a published edition
ViP 5 27.22
अस्मिन् वयसि पुत्रो मे प्रद्युम्नो यदि जीवति सभाग्या जननी वत्स त्वया कापि विभूषिता ॥
asmin vayasi putro me pradyumno yadi jīvati sabhāgyā jananī vatsa tvayā kāpi vibhūṣitā //
"If my son Pradyumna were alive, he would be of this age. Blessed, dear child, is some mother, adorned by you.
AI translation rendered from the Sanskrit, not a published edition
ViP 5 27.23
अथवा यादृशः स्नेहो मम यादृग् वपुस् तव हरेर् अपत्यं सुव्यक्तं भवान् वत्स भविष्यति ॥
athavā yādṛśaḥ sneho mama yādṛg vapus tava harer apatyaṃ suvyaktaṃ bhavān vatsa bhaviṣyati //
"Or rather, such is my affection, and such is your body, that it is quite clear, dear child, that you must be the offspring of Hari."
AI translation rendered from the Sanskrit, not a published edition
ViP 5 27.24
एतस्मिन्न् अन्तरे प्राप्तः सह कृष्णेन नारदः अन्तःपुरचरां देवीं रुक्मिणीं प्राह हर्षयन् ॥
etasminn antare prāptaḥ saha kṛṣṇena nāradaḥ antaḥpuracarāṃ devīṃ rukmiṇīṃ prāha harṣayan //
At that moment Nārada arrived together with Kṛṣṇa, and, gladdening her, spoke to queen Rukmiṇī who dwelt in the inner apartments:
AI translation rendered from the Sanskrit, not a published edition
ViP 5 27.25
एष ते तनयः सुभ्रु हत्वा शम्बरम् आगतः हृतो येनाभवद् बालो भवत्याः सूतिकागृहात् ॥
eṣa te tanayaḥ subhru hatvā śambaram āgataḥ hṛto yenābhavad bālo bhavatyāḥ sūtikāgṛhāt //
"This, fair-browed lady, is your son, come back after killing Śambara, by whom, when he was an infant, he was carried off from your lying-in chamber.
AI translation rendered from the Sanskrit, not a published edition
ViP 5 27.26
इयं मायावती भार्या तनयस्यास्य ते सती शम्बरस्य न भार्येयं श्रूयताम् अत्र कारणम् ॥
iyaṃ māyāvatī bhāryā tanayasyāsya te satī śambarasya na bhāryeyaṃ śrūyatām atra kāraṇam //
This good woman, Māyāvatī, is the wife of this son of yours; she is not Śambara's wife. Hear the reason for this.
AI translation rendered from the Sanskrit, not a published edition
ViP 5 27.27
मन्मथे तु गते नाशं तदुद्भवपरायणा शम्बरं मोहयाम् आस मायारूपेण रूपिणी ॥
manmathe tu gate nāśaṃ tadudbhavaparāyaṇā śambaraṃ mohayām āsa māyārūpeṇa rūpiṇī //
When Manmatha (Love) had gone to destruction, she, intent upon his being born again, beguiled Śambara, taking shape by a form of illusion.
AI translation rendered from the Sanskrit, not a published edition
ViP 5 27.28
विहाराद्युपभोगेषु रूपं मायामयं शुभम् दर्शयाम् आस दैत्यस्य तस्येयं मदिरेक्षणा ॥
vihārādyupabhogeṣu rūpaṃ māyāmayaṃ śubham darśayām āsa daityasya tasyeyaṃ madirekṣaṇā //
In dalliance and the other enjoyments, this wine-eyed woman displayed to that Daitya a lovely form made of illusion.
AI translation rendered from the Sanskrit, not a published edition
ViP 5 27.29
कामो ऽवतीर्णः पुत्रस् ते तस्येयं दयिता रतिः विशङ्का नात्र कर्तव्या स्नुषेयं तव शोभना ॥
kāmo 'vatīrṇaḥ putras te tasyeyaṃ dayitā ratiḥ viśaṅkā nātra kartavyā snuṣeyaṃ tava śobhanā //
Kāma has descended (as) your son, and this is his beloved Rati. No doubt is to be entertained here: this beautiful woman is your daughter-in-law."
AI translation rendered from the Sanskrit, not a published edition
ViP 5 27.30
ततो हर्षसमाविष्टा रुक्मिणी केशवस् तथा नगरी च समस्ता सा साधु साध्व् इत्य् अभाषत ॥
tato harṣasamāviṣṭā rukmiṇī keśavas tathā nagarī ca samastā sā sādhu sādhv ity abhāṣata //
Then Rukmiṇī, filled with joy, and likewise Keśava, and that whole city said, "Excellent! Excellent!"
AI translation rendered from the Sanskrit, not a published edition
ViP 5 27.31
चिरनष्टेन पुत्रेण संगतां प्रेक्ष्य रुक्मिणीम् अवाप विस्मयं सर्वो द्वारवत्यां जनस् तदा ॥
ciranaṣṭena putreṇa saṃgatāṃ prekṣya rukmiṇīm avāpa vismayaṃ sarvo dvāravatyāṃ janas tadā //
Seeing Rukmiṇī united with the son long lost, all the people in Dvāravatī were then filled with amazement.
AI translation rendered from the Sanskrit, not a published edition