Vishnu Purana — Amsha 5 — Chapter 26
ViP 5 26.1
भीष्मकः कुण्डिने राजा विदर्भविषये ऽभवत् रुक्मी तस्याभवत् पुत्रो रुक्मिणी च वराङ्गना ॥
bhīṣmakaḥ kuṇḍine rājā vidarbhaviṣaye 'bhavat rukmī tasyābhavat putro rukmiṇī ca varāṅganā //
In Kuṇḍina, in the Vidarbha country, there was a king named Bhīṣmaka; he had a son Rukmī and a beautiful daughter Rukmiṇī.
AI translation rendered from the Sanskrit, not a published edition
ViP 5 26.2
रुक्मिणीं चकमे कृष्णः सा च तं चारुहासिनी न ददौ याचते चैनां रुक्मी द्वेषेण चक्रिणे ॥
rukmiṇīṃ cakame kṛṣṇaḥ sā ca taṃ cāruhāsinī na dadau yācate caināṃ rukmī dveṣeṇa cakriṇe //
Kṛṣṇa desired Rukmiṇī, and she, of lovely smile, desired him; but Rukmī, out of hatred, would not give her to the wielder of the discus, though he asked for her.
AI translation rendered from the Sanskrit, not a published edition
ViP 5 26.3
ददौ च शिशुपालाय जरासंधप्रचोदितः भीष्मको रुक्मिणा सार्धं रुक्मिणीम् उरुविक्रमः ॥
dadau ca śiśupālāya jarāsaṃdhapracoditaḥ bhīṣmako rukmiṇā sārdhaṃ rukmiṇīm uruvikramaḥ //
And Bhīṣmaka of great valour, urged on by Jarāsandha, gave Rukmiṇī to Śiśupāla, together with Rukmī('s consent).
AI translation rendered from the Sanskrit, not a published edition
ViP 5 26.4
विवाहार्थं ततः सर्वे जरासंधमुखा नृपाः भीष्मकस्य पुरीं जग्मुः शिशुपालप्रियैषिणः ॥
vivāhārthaṃ tataḥ sarve jarāsaṃdhamukhā nṛpāḥ bhīṣmakasya purīṃ jagmuḥ śiśupālapriyaiṣiṇaḥ //
Then all the kings, headed by Jarāsandha, seeking Śiśupāla's favour, went to Bhīṣmaka's city for the wedding.
AI translation rendered from the Sanskrit, not a published edition
ViP 5 26.5
कृष्णो ऽपि बलभद्राद्यैर् यादवैर् बहुभिर् वृतः प्रययौ कुण्डिनं द्रष्टुं विवाहं चेदिभूभृतः ॥
kṛṣṇo 'pi balabhadrādyair yādavair bahubhir vṛtaḥ prayayau kuṇḍinaṃ draṣṭuṃ vivāhaṃ cedibhūbhṛtaḥ //
Kṛṣṇa too, surrounded by many Yādavas with Balabhadra at their head, went to Kuṇḍina to see the wedding of the king of Cedi.
AI translation rendered from the Sanskrit, not a published edition
ViP 5 26.6
श्वोभाविनि विवाहे तु तां कन्यां हृतवान् हरिः विपक्षभारम् आसज्य रामाद्येष्व् अथ बन्धुषु ॥
śvobhāvini vivāhe tu tāṃ kanyāṃ hṛtavān hariḥ vipakṣabhāram āsajya rāmādyeṣv atha bandhuṣu //
But when the wedding was to take place the next day, Hari carried off that maiden, having laid the burden of (fighting) the opposing side upon Rāma and the other kinsmen.
AI translation rendered from the Sanskrit, not a published edition
ViP 5 26.7
ततश् च पौण्ड्रकः श्रीमान् दन्तवक्रो विदूरथः शिशुपालजरासंधशाल्वाद्याश् च महीभृतः ॥
tataś ca pauṇḍrakaḥ śrīmān dantavakro vidūrathaḥ śiśupālajarāsaṃdhaśālvādyāś ca mahībhṛtaḥ //
Then the illustrious Pauṇḍraka, Dantavakra, Vidūratha, and the kings led by Śiśupāla, Jarāsandha and Śālva—
AI translation rendered from the Sanskrit, not a published edition
ViP 5 26.8
कुपितास् ते हरिं हन्तुं चक्रुर् उद्योगम् उत्तमम् निर्जिताश् च समागम्य रामाद्यैर् यदुपुंगवैः ॥
kupitās te hariṃ hantuṃ cakrur udyogam uttamam nirjitāś ca samāgamya rāmādyair yadupuṃgavaiḥ //
—these, enraged, made a supreme effort to kill Hari; but when they came together they were defeated by Rāma and the other bulls of the Yadus.
AI translation rendered from the Sanskrit, not a published edition
ViP 5 26.9
कुण्डिनं न प्रवेक्ष्यामि अहत्वा युधि केशवम् कृत्वा प्रतिज्ञां रुक्मी च हन्तुं कृष्णम् अभिद्रुतः ॥
kuṇḍinaṃ na pravekṣyāmi ahatvā yudhi keśavam kṛtvā pratijñāṃ rukmī ca hantuṃ kṛṣṇam abhidrutaḥ //
And Rukmī, having made the vow, "I will not enter Kuṇḍina without having slain Keśava in battle," rushed on to kill Kṛṣṇa.
AI translation rendered from the Sanskrit, not a published edition
ViP 5 26.10
हत्वा बलं सनागाश्वं पत्तिस्यन्दनसंकुलम् निर्जितः पातितश् चोर्व्यां लीलयैव स चक्रिणा ॥
hatvā balaṃ sanāgāśvaṃ pattisyandanasaṃkulam nirjitaḥ pātitaś corvyāṃ līlayaiva sa cakriṇā //
Having destroyed his force, with its elephants and horses and thronged with foot-soldiers and chariots, the wielder of the discus defeated him and threw him to the ground, as if in mere play.
AI translation rendered from the Sanskrit, not a published edition
ViP 5 26.11
निर्जित्य रुक्मिणं सम्यग् उपयेमे स रुक्मिणीम् राक्षसेन विवाहेन संप्राप्तां मधुसूदनः ॥
nirjitya rukmiṇaṃ samyag upayeme sa rukmiṇīm rākṣasena vivāhena saṃprāptāṃ madhusūdanaḥ //
Having thoroughly defeated Rukmī, Madhusūdana married Rukmiṇī, who had been obtained by the demonic (rākṣasa) form of marriage.
AI translation rendered from the Sanskrit, not a published edition
ViP 5 26.12
तस्यां जज्ञे ऽथ प्रद्युम्नो मदनांशः स वीर्यवान् जहार शम्बरो यं वै यो जघान च शम्बरम् ॥
tasyāṃ jajñe 'tha pradyumno madanāṃśaḥ sa vīryavān jahāra śambaro yaṃ vai yo jaghāna ca śambaram //
Then of her was born the valorous Pradyumna, a portion of Madana, whom Śambara carried off, and who slew Śambara.
AI translation rendered from the Sanskrit, not a published edition