Vishnu Purana — Amsha 5 — Chapter 25

ViP 5 25.1

वने विचरतस् तस्य सह गोपैर् महात्मनः मानुषछद्मरूपस्य शेषस्य धरणीभृतः ॥

vane vicaratas tasya saha gopair mahātmanaḥ mānuṣachadmarūpasya śeṣasya dharaṇībhṛtaḥ //

While he was roaming in the forest with the cowherds — the great one, in the disguised form of a man, Śeṣa the bearer of the earth,

AI translation rendered from the Sanskrit, not a published edition

ViP 5 25.2

निष्पादितोरुकार्यस्य कार्येणोर्वीविचारिणः उपभोगार्थम् अत्यर्थं वरुणः प्राह वारुणीम् ॥

niṣpāditorukāryasya kāryeṇorvīvicāriṇaḥ upabhogārtham atyarthaṃ varuṇaḥ prāha vāruṇīm //

who had accomplished a mighty task and wandered the earth for (that) task's sake — Varuṇa, for the sake of (his) enjoyment, spoke most earnestly to Vāruṇī (the goddess of wine):

AI translation rendered from the Sanskrit, not a published edition

ViP 5 25.3

अभीष्टा सर्वदा यस्य मदिरे त्वं महौजसः अनन्तस्योपभोगाय तस्य गच्छ मुदे शुभे ॥

abhīṣṭā sarvadā yasya madire tvaṃ mahaujasaḥ anantasyopabhogāya tasya gaccha mude śubhe //

"O wine, you who are always desired by that mighty one, Ananta — go, auspicious one, for his enjoyment and delight."

AI translation rendered from the Sanskrit, not a published edition

ViP 5 25.4

इत्य् उक्ता वारुणी तेन संनिधानम् अथाकरोत् वृन्दावनवनोत्पन्नकदम्बतरुकोटरे ॥

ity uktā vāruṇī tena saṃnidhānam athākarot vṛndāvanavanotpannakadambatarukoṭare //

Thus addressed by him, Vāruṇī then made her presence in the hollow of a kadamba tree grown in the Vṛndāvana wood.

AI translation rendered from the Sanskrit, not a published edition

ViP 5 25.5

विचरन् बलदेवो ऽपि मदिरागन्धम् उत्तमम् आघ्राय मदिरातर्षम् अवापाथ पुरातनम् ॥

vicaran baladevo 'pi madirāgandham uttamam āghrāya madirātarṣam avāpātha purātanam //

And Baladeva too, as he roamed, smelling that excellent scent of wine, then felt his old craving for wine.

AI translation rendered from the Sanskrit, not a published edition

ViP 5 25.6

ततः कदम्बात् सहसा मद्यधारां स लाङ्गली पतन्तीं वीक्ष्य मैत्रेय प्रययौ परमां मुदम् ॥

tataḥ kadambāt sahasā madyadhārāṃ sa lāṅgalī patantīṃ vīkṣya maitreya prayayau paramāṃ mudam //

Then, Maitreya, the plough-bearer, seeing a stream of liquor suddenly falling from that kadamba, came to the utmost delight.

AI translation rendered from the Sanskrit, not a published edition

ViP 5 25.7

पपौ च गोपगोपीभिः समवेतो मुदान्वितः प्रगीयमानो ललितं गीतवाद्यविशारदैः ॥

papau ca gopagopībhiḥ samaveto mudānvitaḥ pragīyamāno lalitaṃ gītavādyaviśāradaiḥ //

And joined by the cowherds and cowherd women, filled with joy, he drank, while those skilled in song and instrumental music sang sweetly (to him).

AI translation rendered from the Sanskrit, not a published edition

ViP 5 25.8

स मत्तो ऽत्यन्तघर्माम्भःकणिकामौक्तिकोज्ज्वलः आगच्छ यमुने स्नातुम् इच्छामीत्य् आह विह्वलः ॥

sa matto 'tyantagharmāmbhaḥkaṇikāmauktikojjvalaḥ āgaccha yamune snātum icchāmīty āha vihvalaḥ //

Drunk, gleaming with pearl-like droplets of profuse sweat, he said in his agitation: "Come, Yamunā! I wish to bathe."

AI translation rendered from the Sanskrit, not a published edition

ViP 5 25.9

तस्य वाचं नदी सा तु मत्तोक्ताम् अवमन्य वै नाजगाम ततः क्रुद्धो हलं जग्राह लाङ्गली ॥

tasya vācaṃ nadī sā tu mattoktām avamanya vai nājagāma tataḥ kruddho halaṃ jagrāha lāṅgalī //

But that river, disregarding his words as spoken in drunkenness, did not come; then the plough-bearer, enraged, took up his plough.

AI translation rendered from the Sanskrit, not a published edition

ViP 5 25.10

गृहीत्वा तां तटे तेन चकर्ष मदविह्वलः पापे नायासि नायासि गम्यताम् इच्छयान्यतः ॥

gṛhītvā tāṃ taṭe tena cakarṣa madavihvalaḥ pāpe nāyāsi nāyāsi gamyatām icchayānyataḥ //

Seizing her with it, overcome by intoxication, he dragged (her) onto the bank: "Wicked one, you do not come, you do not come! Let (you) go elsewhere at (your) pleasure!"

AI translation rendered from the Sanskrit, not a published edition

ViP 5 25.11

साकृष्टा सहसा तेन मार्गं संत्यज्य निम्नगा यत्रास्ते बलभद्रो ऽसौ प्लावयाम् आस तद् वनम् ॥

sākṛṣṭā sahasā tena mārgaṃ saṃtyajya nimnagā yatrāste balabhadro 'sau plāvayām āsa tad vanam //

Dragged suddenly by him, that river abandoned her course and flooded that forest where Balabhadra was.

AI translation rendered from the Sanskrit, not a published edition

ViP 5 25.12

शरीरिणी तथोपेत्य त्रासविह्वललोचना प्रसीदेत्य् अब्रवीद् रामं मुञ्च मां मुसलायुध ॥

śarīriṇī tathopetya trāsavihvalalocanā prasīdety abravīd rāmaṃ muñca māṃ musalāyudha //

So, taking bodily form, her eyes agitated with terror, she came and said to Rāma: "Be gracious! Release me, wielder of the pestle!"

AI translation rendered from the Sanskrit, not a published edition

ViP 5 25.13

सो ऽब्रवीद् अवजानासि मम शौर्यबले नदि सो ऽहं त्वां हलपातेन विनेष्यामि सहस्रधा ॥

so 'bravīd avajānāsi mama śauryabale nadi so 'haṃ tvāṃ halapātena vineṣyāmi sahasradhā //

He said: "You slight my valour and strength, river! I am he who will lead you in a thousand directions with the stroke of my plough."

AI translation rendered from the Sanskrit, not a published edition

ViP 5 25.14

इत्य् उक्तयातिसंत्रासात् तया नद्या प्रसादितः भूभागे प्लाविते तस्मिन् मुमोच यमुनां बलः ॥

ity uktayātisaṃtrāsāt tayā nadyā prasāditaḥ bhūbhāge plāvite tasmin mumoca yamunāṃ balaḥ //

Propitiated by the river who spoke thus out of great terror, when that portion of the land had been flooded, Bala released the Yamunā.

AI translation rendered from the Sanskrit, not a published edition

ViP 5 25.15

ततः स्नातस्य वै कान्तिर् आजगाम महात्मनः अवतंसोत्पलं चारु गृहीत्वैकं च कुण्डलम् ॥

tataḥ snātasya vai kāntir ājagāma mahātmanaḥ avataṃsotpalaṃ cāru gṛhītvaikaṃ ca kuṇḍalam //

Then, when the great one had bathed, Beauty (Kānti) came to him, bringing a lovely lotus-earring and a single ear-ornament.

AI translation rendered from the Sanskrit, not a published edition — the model flagged this verse as uncertain

ViP 5 25.16

वरुणप्रहितां चास्मै मालाम् अम्लानपङ्कजाम् समुद्राभे तथा वस्त्रे नीले लक्ष्मीर् अयच्छत ॥

varuṇaprahitāṃ cāsmai mālām amlānapaṅkajām samudrābhe tathā vastre nīle lakṣmīr ayacchata //

And Lakṣmī gave him a garland sent by Varuṇa, with unfading lotuses, and also two blue garments the colour of the sea.

AI translation rendered from the Sanskrit, not a published edition

ViP 5 25.17

कृतावतंसः स तदा चारुकुण्डलभूषितः नीलाम्बरधरः स्रग्वी शुशुभे कान्तिसंयुतः ॥

kṛtāvataṃsaḥ sa tadā cārukuṇḍalabhūṣitaḥ nīlāmbaradharaḥ sragvī śuśubhe kāntisaṃyutaḥ //

Then, wearing that ear-ornament, adorned with the lovely earring, clothed in blue, garlanded, he shone, endowed with beauty.

AI translation rendered from the Sanskrit, not a published edition

ViP 5 25.18

इत्थं विभूषितो रेमे तत्र रामस् तदा व्रजे मासद्वयेन यातश् च पुनः स द्वारकां पुरीम् ॥

itthaṃ vibhūṣito reme tatra rāmas tadā vraje māsadvayena yātaś ca punaḥ sa dvārakāṃ purīm //

Adorned in this way, Rāma then took his pleasure there in Vraja, and after two months he went again to the city of Dvārakā.

AI translation rendered from the Sanskrit, not a published edition

ViP 5 25.19

रेवतीं नाम तनयां रैवतस्य महीपतेः उपयेमे बलस् तस्यां जज्ञाते निशठोल्मुकौ ॥

revatīṃ nāma tanayāṃ raivatasya mahīpateḥ upayeme balas tasyāṃ jajñāte niśaṭholmukau //

Bala married the daughter of King Raivata, Revatī by name; by her were born Niśaṭha and Ulmuka.

AI translation rendered from the Sanskrit, not a published edition