Vishnu Purana — Amsha 5 — Chapter 24
ViP 5 24.1
इत्थं स्तुतस् तदा तेन मुचुकुन्देन धीमता प्राहेशः सर्वभूतानाम् अनादिर् भगवान् हरिः ॥
itthaṃ stutas tadā tena mucukundena dhīmatā prāheśaḥ sarvabhūtānām anādir bhagavān hariḥ //
Thus praised then by the wise Mucukunda, the lord of all beings, the beginningless Bhagavān Hari, spoke.
AI translation rendered from the Sanskrit, not a published edition
ViP 5 24.2
यथाभिवाञ्छितान् दिव्यान् लोकान् गच्छ नरेश्वर अव्याहतपरैश्वर्यो मत्प्रसादोपबृंहितः ॥
yathābhivāñchitān divyān lokān gaccha nareśvara avyāhataparaiśvaryo matprasādopabṛṃhitaḥ //
"Go to the divine worlds just as you desire, O lord of men, with supreme sovereignty unobstructed, enlarged by my favour.
AI translation rendered from the Sanskrit, not a published edition
ViP 5 24.3
भुक्त्वा दिव्यान् महाभोगान् भविष्यसि महाकुले जातिस्मरो मत्प्रसादात् ततो मोक्षम् अवाप्स्यसि ॥
bhuktvā divyān mahābhogān bhaviṣyasi mahākule jātismaro matprasādāt tato mokṣam avāpsyasi //
Having enjoyed divine great pleasures, you will be (born) in a great family, remembering your (former) births by my favour; thereafter you will attain release."
AI translation rendered from the Sanskrit, not a published edition
ViP 5 24.4
इत्य् उक्तः प्रणिपत्येशं जगताम् अच्युतं नृपः गुहामुखाद् विनिष्क्रान्तः ददृशे सो ऽल्पकान् नरान् ॥
ity uktaḥ praṇipatyeśaṃ jagatām acyutaṃ nṛpaḥ guhāmukhād viniṣkrāntaḥ dadṛśe so 'lpakān narān //
Addressed thus, the king bowed down to Acyuta, the lord of the worlds, and going out from the mouth of the cave, he saw that men (had become) small.
AI translation rendered from the Sanskrit, not a published edition
ViP 5 24.5
ततः कलियुगं ज्ञात्वा प्राप्तं तप्तुं नृपस् तपः नरनारायणस्थानं प्रययौ गन्धमादनम् ॥
tataḥ kaliyugaṃ jñātvā prāptaṃ taptuṃ nṛpas tapaḥ naranārāyaṇasthānaṃ prayayau gandhamādanam //
Then, knowing that the Kali age had arrived, the king went to Gandhamādana, the abode of Nara and Nārāyaṇa, in order to practise austerity.
AI translation rendered from the Sanskrit, not a published edition
ViP 5 24.6
कृष्णो ऽपि घातयित्वारिम् उपायेन हि तद्बलम् जग्राह मथुराम् एत्य हस्त्यश्वस्यन्दनोज्ज्वलम् ॥
kṛṣṇo 'pi ghātayitvārim upāyena hi tadbalam jagrāha mathurām etya hastyaśvasyandanojjvalam //
Kṛṣṇa too, having had the enemy killed by a stratagem, came to Mathurā and seized his army, brilliant with elephants, horses and chariots.
AI translation rendered from the Sanskrit, not a published edition
ViP 5 24.7
आनीय चोग्रसेनाय द्वारवत्यां न्यवेदयत् पराभिभवनिःशङ्कं बभूव च यदोः कुलम् ॥
ānīya cograsenāya dvāravatyāṃ nyavedayat parābhibhavaniḥśaṅkaṃ babhūva ca yadoḥ kulam //
And bringing (it), he presented it to Ugrasena in Dvāravatī; and the family of Yadu became free of any fear of being overcome by foes.
AI translation rendered from the Sanskrit, not a published edition
ViP 5 24.8
बलदेवो ऽपि मैत्रेय प्रशान्ताखिलविग्रहः ज्ञातिदर्शनसोत्कण्ठः प्रययौ नन्दगोकुलम् ॥
baladevo 'pi maitreya praśāntākhilavigrahaḥ jñātidarśanasotkaṇṭhaḥ prayayau nandagokulam //
Baladeva too, O Maitreya, with all strife stilled, eager to see his kinsmen, went to Nanda's cow-settlement.
AI translation rendered from the Sanskrit, not a published edition
ViP 5 24.9
ततो गोपांश् च गोपीश् च यथापूर्वम् अमित्रजित् तथैवाभ्यवदत् प्रेम्णा बहुमानपुरःसरम् ॥
tato gopāṃś ca gopīś ca yathāpūrvam amitrajit tathaivābhyavadat premṇā bahumānapuraḥsaram //
Then the conqueror of foes greeted the cowherds and the cowherd women just as before, with affection, showing them much honour.
AI translation rendered from the Sanskrit, not a published edition
ViP 5 24.10
कैश् चापि संपरिष्वक्तः कांश्चिच् च परिषस्वजे हास्यं चक्रे समं कैश्चिद् गोपैर् गोपीजनैस् तथा ॥
kaiś cāpi saṃpariṣvaktaḥ kāṃścic ca pariṣasvaje hāsyaṃ cakre samaṃ kaiścid gopair gopījanais tathā //
And by some he was embraced, and some he embraced; he shared laughter with some of the cowherds and likewise with the cowherd women.
AI translation rendered from the Sanskrit, not a published edition
ViP 5 24.11
प्रियाण्य् अनेकान्य् अवदन् गोपास् तत्र हलायुधम् गोप्यश् च प्रेमकुपिताः प्रोचुः सेर्ष्यम् अथापराः ॥
priyāṇy anekāny avadan gopās tatra halāyudham gopyaś ca premakupitāḥ procuḥ serṣyam athāparāḥ //
There the cowherds spoke many pleasing things to the plough-armed one; and the cowherd women, angry out of love, spoke, and others jealously.
AI translation rendered from the Sanskrit, not a published edition
ViP 5 24.12
गोप्यः पप्रच्छुर् अपरा नागरीजनवल्लभः कच्चिद् आस्ते सुखं कृष्णश् चलत्प्रेमलवात्मकः ॥
gopyaḥ papracchur aparā nāgarījanavallabhaḥ kaccid āste sukhaṃ kṛṣṇaś calatpremalavātmakaḥ //
Other cowherd women asked: "Is Kṛṣṇa, the darling of the town women, whose nature holds but a passing drop of love, living happily?
AI translation rendered from the Sanskrit, not a published edition
ViP 5 24.13
अस्मच्चेष्टाम् अपहसन् न कच्चित् पुरयोषिताम् सौभाग्यमानम् अधिकं करोति क्षणसौहृदः ॥
asmacceṣṭām apahasan na kaccit purayoṣitām saubhāgyamānam adhikaṃ karoti kṣaṇasauhṛdaḥ //
"Does he not, mocking our ways, hold the good fortune of the city women in still higher esteem—he whose affection lasts a moment?"
AI translation rendered from the Sanskrit, not a published edition — the model flagged this verse as uncertain
ViP 5 24.14
कच्चित् स्मरति नः कृष्णो गीतानुगमनं कलम् अप्य् असौ मातरं द्रष्टुं सकृद् अप्य् आगमिष्यति ॥
kaccit smarati naḥ kṛṣṇo gītānugamanaṃ kalam apy asau mātaraṃ draṣṭuṃ sakṛd apy āgamiṣyati //
"Does Kṛṣṇa remember us, and our sweet following of his song? Will he come even once to see his mother?"
AI translation rendered from the Sanskrit, not a published edition
ViP 5 24.15
अथ वा किं तदालापैर् अपरा क्रियतां कथा यस्यास्माभिर् विना तेन विनास्माकं भविष्यति ॥
atha vā kiṃ tadālāpair aparā kriyatāṃ kathā yasyāsmābhir vinā tena vināsmākaṃ bhaviṣyati //
"Or rather, what use is talk of him? Let some other topic be made. If he can exist without us, then we too shall exist without him."
AI translation rendered from the Sanskrit, not a published edition
ViP 5 24.16
पिता माता तथा भ्राता भर्ता बन्धुजनश् च किम् न त्यक्तस् तत्कृते ऽस्माभिर् अकृतज्ञध्वजो हि सः ॥
pitā mātā tathā bhrātā bhartā bandhujanaś ca kim na tyaktas tatkṛte 'smābhir akṛtajñadhvajo hi saḥ //
Father, mother, and brother, husband and kinsfolk too — what have we not abandoned for his sake? And he is the very banner of ingratitude.
AI translation rendered from the Sanskrit, not a published edition
ViP 5 24.17
तथापि कच्चिद् आलापम् इहागमनसंश्रयम् करोति कृष्णो वक्तव्यं भवता राम नानृतम् ॥
tathāpi kaccid ālāpam ihāgamanasaṃśrayam karoti kṛṣṇo vaktavyaṃ bhavatā rāma nānṛtam //
Yet does Kṛṣṇa say anything about coming here? Rāma, you should not speak an untruth.
AI translation rendered from the Sanskrit, not a published edition
ViP 5 24.18
दामोदरः स गोविन्दः पुरस्त्रीसक्तमानसः अपेतप्रीतिर् अस्मासु दुर्दर्शः प्रतिभाति नः ॥
dāmodaraḥ sa govindaḥ purastrīsaktamānasaḥ apetaprītir asmāsu durdarśaḥ pratibhāti naḥ //
That Dāmodara, that Govinda, his mind attached to the women of the city, his affection for us gone — he appears to us hard to see (again).
AI translation rendered from the Sanskrit, not a published edition
ViP 5 24.19
आमन्त्रितः स कृष्णेति पुनर् दामोदरेति च रुरुदुः सस्वरं गोप्यो हरिणा हृतचेतसः ॥
āmantritaḥ sa kṛṣṇeti punar dāmodareti ca ruruduḥ sasvaraṃ gopyo hariṇā hṛtacetasaḥ //
Addressing him as "Kṛṣṇa!" and again as "Dāmodara!", the cowherd women, their hearts stolen by Hari, wept aloud.
AI translation rendered from the Sanskrit, not a published edition
ViP 5 24.20
संदेशैः साममधुरैः प्रेमगर्भैर् अगर्वितैः रामेणाश्वासिता गोप्यः कृष्णस्यातिमनोहरैः ॥
saṃdeśaiḥ sāmamadhuraiḥ premagarbhair agarvitaiḥ rāmeṇāśvāsitā gopyaḥ kṛṣṇasyātimanoharaiḥ //
The cowherd women were consoled by Rāma with Kṛṣṇa's messages, gentle and sweet, filled with love, free of pride, exceedingly charming.
AI translation rendered from the Sanskrit, not a published edition
ViP 5 24.21
गोपैश् च पूर्ववद् रामः परिहासमनोरमाः कथाश् चकार रेमे च सह तैर् व्रजभूमिषु ॥
gopaiś ca pūrvavad rāmaḥ parihāsamanoramāḥ kathāś cakāra reme ca saha tair vrajabhūmiṣu //
And with the cowherds Rāma, as before, held conversations delightful with jesting, and he took his pleasure with them in the lands of Vraja.
AI translation rendered from the Sanskrit, not a published edition