Vishnu Purana — Amsha 5 — Chapter 21
ViP 5 21.1
तौ समुत्पन्नविज्ञानौ भगवत्कर्मदर्शनात् देवकीवसुदेवौ तु दृष्ट्वा मायां पुनर् हरिः मोहाय यदुचक्रस्य विततान स वैष्णवीम् ॥
tau samutpannavijñānau bhagavatkarmadarśanāt devakīvasudevau tu dṛṣṭvā māyāṃ punar hariḥ mohāya yaducakrasya vitatāna sa vaiṣṇavīm //
Then, seeing that those two, Devakī and Vasudeva, had gained (true) knowledge from beholding the Blessed One's deeds, Hari again spread out his Vaiṣṇava māyā, to bewilder the circle of the Yadus.
AI translation rendered from the Sanskrit, not a published edition
ViP 5 21.2
उवाच चाम्ब भोस् तात चिराद् उत्कण्ठितेन मे भवन्तौ कंसभीतेन दृष्टौ संकर्षणेन च ॥
uvāca cāmba bhos tāta cirād utkaṇṭhitena me bhavantau kaṃsabhītena dṛṣṭau saṃkarṣaṇena ca //
And he said: "Mother! Ah, father! After long, the two of you have been seen by me, longing and afraid of Kaṃsa, and by Saṃkarṣaṇa (too)."
AI translation rendered from the Sanskrit, not a published edition
ViP 5 21.3
कुर्वतां याति यः कालो मातापित्रोर् अपूजनम् तत् खण्डम् आयुषो व्यर्थं साधूनाम् उपजायते ॥
kurvatāṃ yāti yaḥ kālo mātāpitror apūjanam tat khaṇḍam āyuṣo vyarthaṃ sādhūnām upajāyate //
Whatever time passes for those who fail to honour mother and father — that portion of the lifespan of good people becomes fruitless.
AI translation rendered from the Sanskrit, not a published edition
ViP 5 21.4
गुरुदेवद्विजातीनां मातापित्रोश् च पूजनम् कुर्वतां सफलं जन्म देहिनां तात जायते ॥
gurudevadvijātīnāṃ mātāpitroś ca pūjanam kurvatāṃ saphalaṃ janma dehināṃ tāta jāyate //
For embodied beings who perform honour to teachers, gods, and the twice-born, and to mother and father, birth becomes fruitful, father.
AI translation rendered from the Sanskrit, not a published edition
ViP 5 21.5
तत् क्षन्तव्यम् इदं सर्वम् अतिक्रमकृतं पितः कंसप्रतापवीर्याभ्याम् आवयोः परवश्ययोः ॥
tat kṣantavyam idaṃ sarvam atikramakṛtaṃ pitaḥ kaṃsapratāpavīryābhyām āvayoḥ paravaśyayoḥ //
So all this transgression that has been committed must be forgiven, father, (committed) by the two of us who were in another's power through Kaṃsa's might and valour.
AI translation rendered from the Sanskrit, not a published edition
ViP 5 21.6
इत्य् उक्त्वाथ प्रणम्योभौ यदुवृद्धान् अनुक्रमात् यथावद् अभिपूज्याथ चक्रतुः पौरमाननम् ॥
ity uktvātha praṇamyobhau yaduvṛddhān anukramāt yathāvad abhipūjyātha cakratuḥ pauramānanam //
Having spoken thus and bowed, the two of them then duly honoured the elders of the Yadus in order, and then paid respect to the townspeople.
AI translation rendered from the Sanskrit, not a published edition
ViP 5 21.7
कंसपत्न्यस् ततः कंसं परिवार्य हतं भुवि विलेपुर् मातरश् चास्य दुःखशोकपरिप्लुताः ॥
kaṃsapatnyas tataḥ kaṃsaṃ parivārya hataṃ bhuvi vilepur mātaraś cāsya duḥkhaśokapariplutāḥ //
Then Kaṃsa's wives, surrounding Kaṃsa slain upon the ground, lamented, and his mothers too, flooded with grief and sorrow.
AI translation rendered from the Sanskrit, not a published edition
ViP 5 21.8
बहुप्रकारम् अत्यर्थं पश्चात्तापातुरो हरिः ताः समाश्वासयाम् आस स्वयम् अस्राविलेक्षणः ॥
bahuprakāram atyarthaṃ paścāttāpāturo hariḥ tāḥ samāśvāsayām āsa svayam asrāvilekṣaṇaḥ //
In many ways and most earnestly Hari, distressed with remorse, himself consoled them, his eyes clouded with tears.
AI translation rendered from the Sanskrit, not a published edition
ViP 5 21.9
उग्रसेनं ततो बन्धान् मुमोच मधुसूदनः अभ्यषिञ्चत् तथैवैनं निजराज्ये हतात्मजम् ॥
ugrasenaṃ tato bandhān mumoca madhusūdanaḥ abhyaṣiñcat tathaivainaṃ nijarājye hatātmajam //
Then Madhusūdana released Ugrasena from his bonds, and likewise consecrated him, whose son had been slain, in his own kingdom.
AI translation rendered from the Sanskrit, not a published edition
ViP 5 21.10
राज्ये ऽभिषिक्तः कृष्णेन यदुसिंहः सुतस्य सः चकार प्रेतकार्याणि ये चान्ये तत्र घातिताः ॥
rājye 'bhiṣiktaḥ kṛṣṇena yadusiṃhaḥ sutasya saḥ cakāra pretakāryāṇi ye cānye tatra ghātitāḥ //
Consecrated in the kingdom by Kṛṣṇa, that lion of the Yadus performed the funeral rites for his son and for the others who had been slain there.
AI translation rendered from the Sanskrit, not a published edition
ViP 5 21.11
कृतौर्ध्वदैहिकं चैनं सिंहासनगतं हरिः उवाचाज्ञापय विभो यत् कार्यम् अविशङ्कितः ॥
kṛtaurdhvadaihikaṃ cainaṃ siṃhāsanagataṃ hariḥ uvācājñāpaya vibho yat kāryam aviśaṅkitaḥ //
When he had performed the after-death rites and was seated on the lion-throne, Hari said to him: "Command, O lord, whatever is to be done, without hesitation."
AI translation rendered from the Sanskrit, not a published edition
ViP 5 21.12
ययातिशापाद् वंशो ऽयम् अराज्यार्हो ऽपि साम्प्रतम् मयि भृत्ये स्थिते देवान् आज्ञापयतु किं नृपैः ॥
yayātiśāpād vaṃśo 'yam arājyārho 'pi sāmpratam mayi bhṛtye sthite devān ājñāpayatu kiṃ nṛpaiḥ //
"Though by Yayāti's curse this lineage is now unworthy of kingship, with me standing as (your) servant let (you) command the gods — what of kings?"
AI translation rendered from the Sanskrit, not a published edition
ViP 5 21.13
इत्य् उक्त्वा सो ऽस्मरद् वायुम् आजगाम च तत्क्षणात् उवाच चैनं भगवान् केशवः कार्यमानुषः ॥
ity uktvā so 'smarad vāyum ājagāma ca tatkṣaṇāt uvāca cainaṃ bhagavān keśavaḥ kāryamānuṣaḥ //
Having said this, he called Vāyu to mind, and he came that very instant; and the Lord Keśava, who played the part of a man, said to him:
AI translation rendered from the Sanskrit, not a published edition
ViP 5 21.14
गच्छेन्द्रं ब्रूहि वायो त्वम् अलं गर्वेण वासव दीयताम् उग्रसेनाय सुधर्मा भवता सभा ॥
gacchendraṃ brūhi vāyo tvam alaṃ garveṇa vāsava dīyatām ugrasenāya sudharmā bhavatā sabhā //
"Go, Vāyu, tell Indra: 'Enough of your pride, Vāsava; let the Sudharmā hall be given by you to Ugrasena.
AI translation rendered from the Sanskrit, not a published edition
ViP 5 21.15
कृष्णो ब्रवीति राजार्हम् एतद् रत्नम् अनुत्तमम् सुधर्माख्या सभा युक्तम् अस्यां यदुभिर् आसितुम् ॥
kṛṣṇo bravīti rājārham etad ratnam anuttamam sudharmākhyā sabhā yuktam asyāṃ yadubhir āsitum //
Kṛṣṇa says: this unsurpassed jewel, the hall named Sudharmā, is fit for a king; it is proper that the Yadus should sit in it.'"
AI translation rendered from the Sanskrit, not a published edition
ViP 5 21.16
इत्य् उक्तः पवनो गत्वा सर्वम् आह शचीपतिम् ददौ सो ऽपि सुधर्माख्यां सभां वायोः पुरंदरः ॥
ity uktaḥ pavano gatvā sarvam āha śacīpatim dadau so 'pi sudharmākhyāṃ sabhāṃ vāyoḥ puraṃdaraḥ //
Thus addressed, the Wind went and told everything to Śacī's husband; and he too, Purandara, gave the hall named Sudharmā to Vāyu.
AI translation rendered from the Sanskrit, not a published edition
ViP 5 21.17
वायुना चाहृतां दिव्यां सभां ते यदुपुंगवाः बुभुजुः सर्वरत्नाढ्यां गोविन्दभुजसंश्रयात् ॥
vāyunā cāhṛtāṃ divyāṃ sabhāṃ te yadupuṃgavāḥ bubhujuḥ sarvaratnāḍhyāṃ govindabhujasaṃśrayāt //
And those bulls of the Yadus enjoyed the divine hall, rich with every jewel, brought by the Wind, through the protection of Govinda's arm.
AI translation rendered from the Sanskrit, not a published edition
ViP 5 21.18
विदिताखिलविज्ञानौ सर्वज्ञानमयाव् अपि शिष्याचार्यक्रमं वीरौ ख्यापयन्तौ यदूत्तमौ ॥
viditākhilavijñānau sarvajñānamayāv api śiṣyācāryakramaṃ vīrau khyāpayantau yadūttamau //
Though the two knew every branch of knowledge and were made of all knowledge, those two heroes, best of the Yadus, made known the sequence of pupil and teacher.
AI translation rendered from the Sanskrit, not a published edition
ViP 5 21.19
ततः सान्दीपनिं काश्यम् अवन्तीपुरवासिनम् अस्त्रार्थं जग्मतुर् वीरौ बलदेवजनार्दनौ ॥
tataḥ sāndīpaniṃ kāśyam avantīpuravāsinam astrārthaṃ jagmatur vīrau baladevajanārdanau //
Then the two heroes, Baladeva and Janārdana, went to Sāndīpani of Kāśī, who dwelt in the city of Avantī, for the sake of (learning) weapons.
AI translation rendered from the Sanskrit, not a published edition
ViP 5 21.20
तस्य शिष्यत्वम् अभ्येत्य गुरुवृत्तिपरौ हि तौ दर्शयां चक्रतुर् वीराव् आचारम् अखिले जने ॥
tasya śiṣyatvam abhyetya guruvṛttiparau hi tau darśayāṃ cakratur vīrāv ācāram akhile jane //
Becoming his pupils and devoted to the service of the teacher, those two heroes displayed proper conduct to all people.
AI translation rendered from the Sanskrit, not a published edition
ViP 5 21.21
सरहस्यं धनुर्वेदं ससंग्रहम् अधीयताम् अहोरात्रैश् चतुःषष्ट्या तद् अद्भुतम् अभूद् द्विज ॥
sarahasyaṃ dhanurvedaṃ sasaṃgraham adhīyatām ahorātraiś catuḥṣaṣṭyā tad adbhutam abhūd dvija //
In sixty-four days and nights the two studied the science of archery together with its secrets and its compendium; that was marvellous, O brahmin.
AI translation rendered from the Sanskrit, not a published edition
ViP 5 21.22
सांदीपनिर् असंभाव्यं तयोः कर्मातिमानुषम् विचिन्त्य तौ तदा मेने प्राप्तौ चन्द्रदिवाकरौ ॥
sāṃdīpanir asaṃbhāvyaṃ tayoḥ karmātimānuṣam vicintya tau tadā mene prāptau candradivākarau //
Sāndīpani, reflecting on their incredible, superhuman feat, then thought the two of them to be the moon and the sun come (to him).
AI translation rendered from the Sanskrit, not a published edition
ViP 5 21.23
अस्त्रग्रामम् अशेषं च प्रोक्तमात्रम् अवाप्य तौ ऊचतुर् व्रियतां या ते दातव्या गुरुदक्षिणा ॥
astragrāmam aśeṣaṃ ca proktamātram avāpya tau ūcatur vriyatāṃ yā te dātavyā gurudakṣiṇā //
And having mastered the whole body of weapons merely by its being spoken, the two said: "Let the teacher's fee that is to be given to you be chosen."
AI translation rendered from the Sanskrit, not a published edition
ViP 5 21.24
सो ऽप्य् अतीन्द्रियम् आलोक्य तयोः कर्म महामतिः अयाचत मृतं पुत्रं प्रभासे लवणार्णवे ॥
so 'py atīndriyam ālokya tayoḥ karma mahāmatiḥ ayācata mṛtaṃ putraṃ prabhāse lavaṇārṇave //
And he, the great-minded one, seeing their superhuman feat, asked for his son who had died at Prabhāsa in the salt ocean.
AI translation rendered from the Sanskrit, not a published edition
ViP 5 21.25
गृहीतास्त्रौ ततस् तौ तु सार्घपात्रो महोदधिः उवाच न मया पुत्रो हृतः सांदीपनेर् इति ॥
gṛhītāstrau tatas tau tu sārghapātro mahodadhiḥ uvāca na mayā putro hṛtaḥ sāṃdīpaner iti //
Then, as those two took up their weapons, the great ocean, with an offering-vessel of arghya (in hand), said: "Sāndīpani's son was not carried off by me.
AI translation rendered from the Sanskrit, not a published edition
ViP 5 21.26
दैत्यः पञ्चजनो नाम शङ्खरूपः स बालकम् जग्राह सो ऽस्ति सलिले ममैवासुरसूदन ॥
daityaḥ pañcajano nāma śaṅkharūpaḥ sa bālakam jagrāha so 'sti salile mamaivāsurasūdana //
A demon named Pañcajana, in the form of a conch, seized the boy; he is in my very waters, O slayer of the asuras."
AI translation rendered from the Sanskrit, not a published edition
ViP 5 21.27
इत्य् उक्तो ऽन्तर् जलं गत्वा हत्वा पञ्चजनं च तम् कृष्णो जग्राह तस्यास्थिप्रभवं शङ्खम् उत्तमम् ॥
ity ukto 'ntar jalaṃ gatvā hatvā pañcajanaṃ ca tam kṛṣṇo jagrāha tasyāsthiprabhavaṃ śaṅkham uttamam //
Thus told, Kṛṣṇa went within the water and, having killed that Pañcajana, took the excellent conch that arose from his bone.
AI translation rendered from the Sanskrit, not a published edition
ViP 5 21.28
यस्य नादेन दैत्यानां बलहानिर् अजायत देवानां ववृधे तेजो यात्य् अधर्मश् च संक्षयम् ॥
yasya nādena daityānāṃ balahānir ajāyata devānāṃ vavṛdhe tejo yāty adharmaś ca saṃkṣayam //
By whose sound loss of strength came upon the daityas, the vigour of the gods increased, and unrighteousness went to destruction.
AI translation rendered from the Sanskrit, not a published edition
ViP 5 21.29
तं पाञ्चजन्यम् आपूर्य गत्वा यमपुरीं हरिः बलदेवश् च बलवाञ् जित्वा वैवस्वतं यमम् ॥
taṃ pāñcajanyam āpūrya gatvā yamapurīṃ hariḥ baladevaś ca balavāñ jitvā vaivasvataṃ yamam //
Blowing that Pāñcajanya, Hari and the mighty Baladeva went to the city of Yama and conquered Yama, the son of Vivasvat;
AI translation rendered from the Sanskrit, not a published edition
ViP 5 21.30
तं बालं यातनासंस्थं यथापूर्वशरीरिणम् पित्रे प्रदत्तवान् कृष्णो बलश् च बलिनां वरः ॥
taṃ bālaṃ yātanāsaṃsthaṃ yathāpūrvaśarīriṇam pitre pradattavān kṛṣṇo balaś ca balināṃ varaḥ //
That boy, who had been held in the place of torment, (restored) with his body just as before — Kṛṣṇa and Bala, best of the strong, gave him back to his father.
AI translation rendered from the Sanskrit, not a published edition
ViP 5 21.31
मथुरां च पुनः प्राप्ताव् उग्रसेनेन पालिताम् प्रहृष्टपुरुषस्त्रीकाव् उभौ रामजनार्दनौ ॥
mathurāṃ ca punaḥ prāptāv ugrasenena pālitām prahṛṣṭapuruṣastrīkāv ubhau rāmajanārdanau //
And the two, Rāma and Janārdana, again reached Mathurā, which was being guarded by Ugrasena; and both of them (found) the men and women (there) delighted.
AI translation rendered from the Sanskrit, not a published edition