Vishnu Purana — Amsha 5 — Chapter 19
ViP 5 19.1
एवम् अन्तर् जले विष्णुम् अभिष्टूय स यादवः अर्चयाम् आस सर्वेशं पुष्पधूपैर् मनोमयैः ॥
evam antar jale viṣṇum abhiṣṭūya sa yādavaḥ arcayām āsa sarveśaṃ puṣpadhūpair manomayaiḥ //
Having thus praised Viṣṇu within the water, that Yādava worshipped the Lord of all with flowers and incense made of mind.
AI translation rendered from the Sanskrit, not a published edition
ViP 5 19.2
परित्यक्तान्यविषयं मनस् तत्र निवेश्य सः ब्रह्मभूते चिरं स्थित्वा विरराम समाधितः ॥
parityaktānyaviṣayaṃ manas tatra niveśya saḥ brahmabhūte ciraṃ sthitvā virarāma samādhitaḥ //
Fixing there his mind, from which all other objects had been given up, and remaining long in the state of Brahman, he came to rest, absorbed in concentration.
AI translation rendered from the Sanskrit, not a published edition
ViP 5 19.3
कृतकृत्यम् इवात्मानं मन्यमानो महामतिः आजगाम रथं भूयो निर्गम्य यमुनाम्भसः ॥
kṛtakṛtyam ivātmānaṃ manyamāno mahāmatiḥ ājagāma rathaṃ bhūyo nirgamya yamunāmbhasaḥ //
Considering himself as one whose task was as good as done, the greatly wise one came out of the Yamunā's water and returned again to the chariot.
AI translation rendered from the Sanskrit, not a published edition
ViP 5 19.4
रामकृष्णौ च ददृशे यथापूर्वं रथे स्थितौ विस्मिताक्षस् तदाक्रूरस् तं च कृष्णो ऽभ्यभाषत ॥
rāmakṛṣṇau ca dadṛśe yathāpūrvaṃ rathe sthitau vismitākṣas tadākrūras taṃ ca kṛṣṇo 'bhyabhāṣata //
And he saw Rāma and Kṛṣṇa seated in the chariot as before; then, as Akrūra's eyes were full of astonishment, Kṛṣṇa said to him:
AI translation rendered from the Sanskrit, not a published edition
ViP 5 19.5
नूनं ते दृष्टम् आश्चर्यम् अक्रूर यमुनाजले विस्मयोत्फुल्लनयनो भवान् संलक्ष्यते यतः ॥
nūnaṃ te dṛṣṭam āścaryam akrūra yamunājale vismayotphullanayano bhavān saṃlakṣyate yataḥ //
"Surely you have seen some marvel, Akrūra, in the water of the Yamunā, since you are observed to have eyes wide open with amazement."
AI translation rendered from the Sanskrit, not a published edition
ViP 5 19.6
अन्तर् जले यद् आश्चर्यं दृष्टं तत्र मयाच्युत तद् अत्रापि हि पश्यामि मूर्तिमत् पुरतः स्थितम् ॥
antar jale yad āścaryaṃ dṛṣṭaṃ tatra mayācyuta tad atrāpi hi paśyāmi mūrtimat purataḥ sthitam //
"The marvel that was seen by me there within the water, O Acyuta — that very thing I see here too, embodied, standing before me.
AI translation rendered from the Sanskrit, not a published edition
ViP 5 19.7
जगद् एतन् महाश्चर्यं रूपं यस्य महात्मनः तेनाश्चर्यपरेणाहं भवता कृष्ण संगतः ॥
jagad etan mahāścaryaṃ rūpaṃ yasya mahātmanaḥ tenāścaryapareṇāhaṃ bhavatā kṛṣṇa saṃgataḥ //
This world is the great marvel that is the form of that great Self; with you, who are the highest marvel, O Kṛṣṇa, I have come together.
AI translation rendered from the Sanskrit, not a published edition
ViP 5 19.8
तत् किम् एतेन मथुरां प्रयामो मधुसूदन बिभेमि कंसाद् धिग् जन्म परपिण्डोपजीविनाम् ॥
tat kim etena mathurāṃ prayāmo madhusūdana bibhemi kaṃsād dhig janma parapiṇḍopajīvinām //
So what of this? Let us go on to Mathurā, O slayer of Madhu. I am afraid of Kaṃsa — a curse on the birth of those who live off another's food!"
AI translation rendered from the Sanskrit, not a published edition
ViP 5 19.9
इत्य् उक्त्वा चोदयाम् आस तान् हयान् वातरंहसः संप्राप्तश् चातिसायाह्ने सो ऽक्रूरो मथुरां पुरीम् ॥
ity uktvā codayām āsa tān hayān vātaraṃhasaḥ saṃprāptaś cātisāyāhne so 'krūro mathurāṃ purīm //
Having said this, he urged on those horses swift as the wind; and that Akrūra reached the city of Mathurā very late in the day.
AI translation rendered from the Sanskrit, not a published edition
ViP 5 19.10
विलोक्य मथुरां रामं कृष्णं चाह स यादवः पद्भ्यां यातं महावीर्यौ रथेनैको विशाम्य् अहम् ॥
vilokya mathurāṃ rāmaṃ kṛṣṇaṃ cāha sa yādavaḥ padbhyāṃ yātaṃ mahāvīryau rathenaiko viśāmy aham //
Looking at Mathurā, that Yādava said to Rāma and Kṛṣṇa: "Go on foot, you two of great might; I shall enter alone with the chariot."
AI translation rendered from the Sanskrit, not a published edition
ViP 5 19.11
गन्तव्यं वसुदेवस्य न भवद्भ्यां तथा गृहम् युवयोर् हि कृते वृद्धः स कंसेन निरस्यते ॥
gantavyaṃ vasudevasya na bhavadbhyāṃ tathā gṛham yuvayor hi kṛte vṛddhaḥ sa kaṃsena nirasyate //
"And you two should not go to Vasudeva's house, for it is on your account that the old man is being cast out by Kaṃsa."
AI translation rendered from the Sanskrit, not a published edition
ViP 5 19.12
इत्य् उक्त्वा प्रविवेशाथ सो ऽक्रूरो मथुरां पुरीम् प्रविष्टौ रामकृष्णौ च राजमार्गम् उपागतौ ॥
ity uktvā praviveśātha so 'krūro mathurāṃ purīm praviṣṭau rāmakṛṣṇau ca rājamārgam upāgatau //
Having said this, that Akrūra then entered the city of Mathurā; and Rāma and Kṛṣṇa, having entered, came upon the royal highway.
AI translation rendered from the Sanskrit, not a published edition
ViP 5 19.13
स्त्रीभिर् नरैश् च सानन्दं लोचनैर् अभिवीक्षितौ जग्मतुर् लीलया वीरौ मत्तौ बालगजाव् इव ॥
strībhir naraiś ca sānandaṃ locanair abhivīkṣitau jagmatur līlayā vīrau mattau bālagajāv iva //
Gazed upon with joy by the eyes of women and men, the two heroes went along at ease, like two young elephants in rut.
AI translation rendered from the Sanskrit, not a published edition
ViP 5 19.14
भ्रममाणौ तु तौ दृष्ट्वा रजकं रङ्गकारकम् अयाचेतां सुरूपाणि वासांसि रुचिराननौ ॥
bhramamāṇau tu tau dṛṣṭvā rajakaṃ raṅgakārakam ayācetāṃ surūpāṇi vāsāṃsi rucirānanau //
But as the two were roaming about, they saw a washerman, a dyer of cloth, and the two of lovely countenance asked (him) for handsome garments.
AI translation rendered from the Sanskrit, not a published edition
ViP 5 19.15
कंसस्य रजकः सो ऽथ प्रसादारूढविस्मयः बहून्य् आक्षेपवाक्यानि प्राहोच्चै रामकेशवौ ॥
kaṃsasya rajakaḥ so 'tha prasādārūḍhavismayaḥ bahūny ākṣepavākyāni prāhoccai rāmakeśavau //
Then that washerman of Kaṃsa, his astonishment mounted upon (the king's) favour, loudly spoke many abusive words to Rāma and Keśava.
AI translation rendered from the Sanskrit, not a published edition
ViP 5 19.16
ततस् तलप्रहारेण कृष्णस् तस्य दुरात्मनः पातयाम् आस कोपेन रजकस्य शिरो भुवि ॥
tatas talaprahāreṇa kṛṣṇas tasya durātmanaḥ pātayām āsa kopena rajakasya śiro bhuvi //
Then, in anger, with a blow of his palm Kṛṣṇa made the head of that evil-souled washerman fall to the ground.
AI translation rendered from the Sanskrit, not a published edition
ViP 5 19.17
हत्वादाय च वस्त्राणि पीतनीलाम्बरौ ततः कृष्णरामौ मुदा युक्तौ मालाकारगृहं गतौ ॥
hatvādāya ca vastrāṇi pītanīlāmbarau tataḥ kṛṣṇarāmau mudā yuktau mālākāragṛhaṃ gatau //
And having killed (him) and taken the garments, Kṛṣṇa and Rāma, wearing yellow and blue robes, then, filled with delight, went to the house of a garland-maker.
AI translation rendered from the Sanskrit, not a published edition
ViP 5 19.18
विकासिनेत्रयुगलो मालाकारो ऽपि विस्मितः एतौ कस्य कुतो वैतौ मैत्रेयाचिन्तयत् ततः ॥
vikāsinetrayugalo mālākāro 'pi vismitaḥ etau kasya kuto vaitau maitreyācintayat tataḥ //
The garland-maker too, his pair of eyes wide open, was amazed: "Whose are these two, and whence are they?" — so, Maitreya, he then thought.
AI translation rendered from the Sanskrit, not a published edition
ViP 5 19.19
पीतनीलाम्बरधरौ तौ दृष्ट्वातिमनोहरौ स तर्कयाम् आस तदा भुवं देवाव् उपागतौ ॥
pītanīlāmbaradharau tau dṛṣṭvātimanoharau sa tarkayām āsa tadā bhuvaṃ devāv upāgatau //
Seeing those two, wearing yellow and blue robes and exceedingly charming, he then supposed that two gods had come down to the earth.
AI translation rendered from the Sanskrit, not a published edition
ViP 5 19.20
विकासिमुखपद्माभ्यां ताभ्यां पुष्पाणि याचितः भुवं विष्टभ्य हस्ताभ्यां पस्पर्श शिरसा महीम् ॥
vikāsimukhapadmābhyāṃ tābhyāṃ puṣpāṇi yācitaḥ bhuvaṃ viṣṭabhya hastābhyāṃ pasparśa śirasā mahīm //
Asked for flowers by those two whose lotus-faces were beaming, he propped himself on the ground with his hands and touched the earth with his head.
AI translation rendered from the Sanskrit, not a published edition
ViP 5 19.21
प्रसादपरमौ नाथौ मम गेहम् उपागतौ धन्यो ऽहम् अर्चयिष्यामीत्य् आह तौ माल्यजीवकः ॥
prasādaparamau nāthau mama geham upāgatau dhanyo 'ham arcayiṣyāmīty āha tau mālyajīvakaḥ //
"The lords, supremely gracious, have come to my house; I am fortunate — I shall worship (them)," said the man who lived by garlands to those two.
AI translation rendered from the Sanskrit, not a published edition
ViP 5 19.22
ततः प्रहृष्टवदनस् तयोः पुष्पाणि कामतः चारूण्य् एतान्य् अथैतानि प्रददौ स विलोभयन् ॥
tataḥ prahṛṣṭavadanas tayoḥ puṣpāṇi kāmataḥ cārūṇy etāny athaitāni pradadau sa vilobhayan //
Then with delighted face he gave them flowers at their pleasure, "these lovely ones, and then these" — tempting (them).
AI translation rendered from the Sanskrit, not a published edition
ViP 5 19.23
पुनः पुनः प्रणम्यासौ मालाकारो नरोत्तमौ ददौ पुष्पाणि चारूणि गन्धवन्त्य् अमलानि च ॥
punaḥ punaḥ praṇamyāsau mālākāro narottamau dadau puṣpāṇi cārūṇi gandhavanty amalāni ca //
Bowing again and again to those two best of men, the garland-maker gave lovely flowers, fragrant and spotless.
AI translation rendered from the Sanskrit, not a published edition
ViP 5 19.24
मालाकाराय कृष्णो ऽपि प्रसन्नः प्रददौ वरम् श्रीस् त्वां मत्संश्रया भद्र न कदाचित् त्यजिष्यति ॥
mālākārāya kṛṣṇo 'pi prasannaḥ pradadau varam śrīs tvāṃ matsaṃśrayā bhadra na kadācit tyajiṣyati //
And Kṛṣṇa, pleased, granted a boon to the garland-maker: "Good man, Śrī, who rests in me, will never abandon you."
AI translation rendered from the Sanskrit, not a published edition
ViP 5 19.25
बलहानिर् न ते सौम्य धनहानिस् तथैव च यावद् दिनानि तावच् च न नशिष्यति संततिः ॥
balahānir na te saumya dhanahānis tathaiva ca yāvad dināni tāvac ca na naśiṣyati saṃtatiḥ //
"There will be no loss of strength for you, gentle one, and likewise no loss of wealth; and as long as the days last, your line will not perish."
AI translation rendered from the Sanskrit, not a published edition
ViP 5 19.26
भुक्त्वा च भोगान् विपुलांस् त्वम् अन्ते मत्प्रसादजम् ममानुस्मरणं प्राप्य दिव्यं लोकम् अवाप्स्यसि ॥
bhuktvā ca bhogān vipulāṃs tvam ante matprasādajam mamānusmaraṇaṃ prāpya divyaṃ lokam avāpsyasi //
"And having enjoyed abundant pleasures, at the end you will attain remembrance of me, born of my grace, and reach the divine world."
AI translation rendered from the Sanskrit, not a published edition
ViP 5 19.27
धर्मे मनश् च ते भद्र सर्वकालं भविष्यति युष्मत्संततिजातानां दीर्घम् आयुर् भविष्यति ॥
dharme manaś ca te bhadra sarvakālaṃ bhaviṣyati yuṣmatsaṃtatijātānāṃ dīrgham āyur bhaviṣyati //
"And your mind, good man, will be set on dharma at all times; those born in your line will have long life."
AI translation rendered from the Sanskrit, not a published edition
ViP 5 19.28
नोपसर्गादिकं दोषं युष्मत्संततिसंभवः संप्राप्स्यति महाभाग यावत् सूर्यो भविष्यति ॥
nopasargādikaṃ doṣaṃ yuṣmatsaṃtatisaṃbhavaḥ saṃprāpsyati mahābhāga yāvat sūryo bhaviṣyati //
"No affliction such as plague or the like will befall those born in your line, greatly fortunate one, as long as the sun shall exist."
AI translation rendered from the Sanskrit, not a published edition
ViP 5 19.29
इत्य् उक्त्वा तद्गृहात् कृष्णो बलदेवसहायवान् निर्जगाम मुनिश्रेष्ठ मालाकारेण पूजितः ॥
ity uktvā tadgṛhāt kṛṣṇo baladevasahāyavān nirjagāma muniśreṣṭha mālākāreṇa pūjitaḥ //
Having said this, Kṛṣṇa, with Baladeva as his companion, went out from that man's house, O best of sages, honoured by the garland-maker.
AI translation rendered from the Sanskrit, not a published edition