Vishnu Purana — Amsha 5 — Chapter 18
ViP 5 18.1
चिन्तयन्न् इति गोविन्दम् उपगम्य स यादवः अक्रूरो ऽस्मीति चरणौ ननाम शिरसा हरेः ॥
cintayann iti govindam upagamya sa yādavaḥ akrūro 'smīti caraṇau nanāma śirasā hareḥ //
Thinking thus, that Yādava approached Govinda and, saying "I am Akrūra," bowed with his head to Hari's feet.
AI translation rendered from the Sanskrit, not a published edition
ViP 5 18.2
सो ऽप्य् एनं ध्वजवज्राब्जकृतचिह्नेन पाणिना संस्पृश्याकृष्य च प्रीत्या सुगाढं परिषस्वजे ॥
so 'py enaṃ dhvajavajrābjakṛtacihnena pāṇinā saṃspṛśyākṛṣya ca prītyā sugāḍhaṃ pariṣasvaje //
And he too, touching him with his hand marked with the signs of banner, thunderbolt and lotus, and drawing him near, embraced him very closely with affection.
AI translation rendered from the Sanskrit, not a published edition
ViP 5 18.3
कृतसंवन्दनौ तेन यथावद् बलकेशवौ ततः प्रविष्टौ संहृष्टौ तम् आदायात्ममन्दिरम् ॥
kṛtasaṃvandanau tena yathāvad balakeśavau tataḥ praviṣṭau saṃhṛṣṭau tam ādāyātmamandiram //
Duly greeted in return by him, Bala and Keśava, delighted, then took him and entered their own dwelling.
AI translation rendered from the Sanskrit, not a published edition
ViP 5 18.4
सह ताभ्यां तदाक्रूरः कृतसंवन्दनादिकः भुक्तभोज्यो यथान्यायम् आचचक्षे ततस् तयोः ॥
saha tābhyāṃ tadākrūraḥ kṛtasaṃvandanādikaḥ bhuktabhojyo yathānyāyam ācacakṣe tatas tayoḥ //
Then Akrūra, together with those two, having performed the mutual greetings and the rest, and having eaten food as was proper, told them:
AI translation rendered from the Sanskrit, not a published edition
ViP 5 18.5
यथा निर्भर्त्स्यते तेन कंसेनानकदुन्दुभिः यथा च देवकी देवी दानवेन दुरात्मना ॥
yathā nirbhartsyate tena kaṃsenānakadundubhiḥ yathā ca devakī devī dānavena durātmanā //
How Ānakadundubhi was reviled by that Kaṃsa, and how the lady Devakī (was treated) by the evil-souled Dānava,
AI translation rendered from the Sanskrit, not a published edition
ViP 5 18.6
उग्रसेने यथा कंसः सुदुरात्मा च वर्तते यं चैवार्थं समुद्दिश्य स कंसेन विसर्जितः ॥
ugrasene yathā kaṃsaḥ sudurātmā ca vartate yaṃ caivārthaṃ samuddiśya sa kaṃsena visarjitaḥ //
how the exceedingly evil-souled Kaṃsa behaved toward Ugrasena, and for what purpose he had been sent by Kaṃsa.
AI translation rendered from the Sanskrit, not a published edition
ViP 5 18.7
तत् सर्वं विस्तराच् छ्रुत्वा भगवान् केशिसूदनः उवाचाखिलम् अप्य् एतज् ज्ञातं दानपते मया ॥
tat sarvaṃ vistarāc chrutvā bhagavān keśisūdanaḥ uvācākhilam apy etaj jñātaṃ dānapate mayā //
Having heard all that in detail, the Lord, the slayer of Keśin, said: "All this is known to me, O lord of giving."
AI translation rendered from the Sanskrit, not a published edition
ViP 5 18.8
करिष्ये च महाभाग यद् अत्रौपयिकं मतम् विचिन्त्यं नान्यथैतत् ते विद्धि कंसं हतं मया ॥
kariṣye ca mahābhāga yad atraupayikaṃ matam vicintyaṃ nānyathaitat te viddhi kaṃsaṃ hataṃ mayā //
"And I shall do, O greatly fortunate one, whatever is thought fitting here; do not think otherwise about this—know Kaṃsa to be slain by me."
AI translation rendered from the Sanskrit, not a published edition
ViP 5 18.9
अहं रामश् च मथुरां श्वो यास्यावः समं त्वया गोपवृद्धाश् च यास्यन्ति ह्य् आदायोपायनं बहु ॥
ahaṃ rāmaś ca mathurāṃ śvo yāsyāvaḥ samaṃ tvayā gopavṛddhāś ca yāsyanti hy ādāyopāyanaṃ bahu //
"I and Rāma will go tomorrow to Mathurā together with you, and the elder cowherds will go too, taking much tribute."
AI translation rendered from the Sanskrit, not a published edition
ViP 5 18.10
निशेयं नीयतां वीर न चिन्तां कर्तुम् अर्हसि त्रिरात्राभ्यन्तरे कंसं हनिष्यामि सहानुगम् ॥
niśeyaṃ nīyatāṃ vīra na cintāṃ kartum arhasi trirātrābhyantare kaṃsaṃ haniṣyāmi sahānugam //
"Let this night be passed, O hero; you should not worry. Within three nights I will kill Kaṃsa together with his followers."
AI translation rendered from the Sanskrit, not a published edition
ViP 5 18.11
समादिश्य ततो गोपान् अक्रूरो ऽपि सकेशवः सुष्वाप बलभद्रश् च नन्दगोपगृहे ततः ॥
samādiśya tato gopān akrūro 'pi sakeśavaḥ suṣvāpa balabhadraś ca nandagopagṛhe tataḥ //
Then, having given instructions to the cowherds, Akrūra together with Keśava and Balabhadra slept there in the house of Nanda the cowherd.
AI translation rendered from the Sanskrit, not a published edition
ViP 5 18.12
ततः प्रभाते विमले कृष्णरामौ महामती अक्रूरेण समं गन्तुम् उद्यतौ मथुरां प्रति ॥
tataḥ prabhāte vimale kṛṣṇarāmau mahāmatī akrūreṇa samaṃ gantum udyatau mathurāṃ prati //
Then at clear dawn Kṛṣṇa and Rāma, the two of great mind, made ready to go with Akrūra toward Mathurā.
AI translation rendered from the Sanskrit, not a published edition
ViP 5 18.13
दृष्ट्वा गोपीजनः सास्रः श्लथद्वलयबाहुकः निशश्वासातिदुःखार्तः प्राह चेदं परस्परम् ॥
dṛṣṭvā gopījanaḥ sāsraḥ ślathadvalayabāhukaḥ niśaśvāsātiduḥkhārtaḥ prāha cedaṃ parasparam //
Seeing (this), the women of the cowherds, in tears, their arms with bangles slipping loose, sighed, stricken with extreme grief, and said this to one another:
AI translation rendered from the Sanskrit, not a published edition
ViP 5 18.14
मथुरां प्राप्य गोविन्दः कथं गोकुलम् एष्यति नागरस्त्रीकलालापमधु श्रोत्रेण पास्यति ॥
mathurāṃ prāpya govindaḥ kathaṃ gokulam eṣyati nāgarastrīkalālāpamadhu śrotreṇa pāsyati //
"When he has reached Mathurā, how will Govinda come back to Gokula? He will drink with his ear the honey of the sweet talk of the city women.
AI translation rendered from the Sanskrit, not a published edition
ViP 5 18.15
विलासिवाक्यपानेषु नागरीणां कृतास्पदम् चित्तम् अस्य कथं भूयो ग्राम्यगोपीषु यास्यति ॥
vilāsivākyapāneṣu nāgarīṇāṃ kṛtāspadam cittam asya kathaṃ bhūyo grāmyagopīṣu yāsyati //
"His mind, having taken its place in the draughts of the flirtatious words of the city women, how will it go again to village cowherd girls?
AI translation rendered from the Sanskrit, not a published edition
ViP 5 18.16
सारं समस्तगोष्ठस्य विधिना हरता हरिम् प्रहृतं गोपयोषित्सु निर्घृणेन दुरात्मना ॥
sāraṃ samastagoṣṭhasya vidhinā haratā harim prahṛtaṃ gopayoṣitsu nirghṛṇena durātmanā //
"By fate, carrying off Hari, the essence of the whole cow-settlement, a blow has been struck at the cowherd women by that pitiless, evil-souled one.
AI translation rendered from the Sanskrit, not a published edition
ViP 5 18.17
भावगर्भस्मितं वाक्यं विलासललिता गतिः नागरीणाम् अतीवैतत् कटाक्षेक्षितम् एव च ॥
bhāvagarbhasmitaṃ vākyaṃ vilāsalalitā gatiḥ nāgarīṇām atīvaitat kaṭākṣekṣitam eva ca //
"Speech with a smile pregnant with feeling, a gait charming with coquetry, and above all this sidelong glancing—these belong to the city women.
AI translation rendered from the Sanskrit, not a published edition
ViP 5 18.18
ग्राम्यो हरिर् अयं तासां विलासनिगडैर् युतः भवतीनां पुनः पार्श्वं कया युक्त्या समेष्यति ॥
grāmyo harir ayaṃ tāsāṃ vilāsanigaḍair yutaḥ bhavatīnāṃ punaḥ pārśvaṃ kayā yuktyā sameṣyati //
"This Hari is a rustic; bound with the fetters of their flirtations, by what device will he come again to your side?
AI translation rendered from the Sanskrit, not a published edition
ViP 5 18.19
एषएष रथम् आरुह्य मथुरां याति केशवः क्रूरेणाक्रूरकेणात्र निराशेन प्रतारितः ॥
eṣaeṣa ratham āruhya mathurāṃ yāti keśavaḥ krūreṇākrūrakeṇātra nirāśena pratāritaḥ //
"There, there he goes—Keśava, having mounted the chariot, goes to Mathurā, deceived here by the cruel Akrūra, (leaving us) without hope.
AI translation rendered from the Sanskrit, not a published edition
ViP 5 18.20
किं न वेत्ति नृशंसो ऽयम् अनुरागपरं जनम् येनेमम् अक्ष्णोर् आह्लादं नयत्य् अन्यत्र नो हरिम् ॥
kiṃ na vetti nṛśaṃso 'yam anurāgaparaṃ janam yenemam akṣṇor āhlādaṃ nayaty anyatra no harim //
"Does this cruel man not know a people devoted in love, in that he takes away Hari, this delight of our eyes, elsewhere?
AI translation rendered from the Sanskrit, not a published edition
ViP 5 18.21
एष रामेण सहितः प्रयात्य् अत्यन्तनिर्घृणः रथम् आरुह्य गोविन्दस् त्वर्यताम् अस्य वारणे ॥
eṣa rāmeṇa sahitaḥ prayāty atyantanirghṛṇaḥ ratham āruhya govindas tvaryatām asya vāraṇe //
"There he goes, this utterly pitiless Govinda, together with Rāma, having mounted the chariot—let haste be made to stop him!"
AI translation rendered from the Sanskrit, not a published edition
ViP 5 18.22
गुरूणाम् अग्रतो वक्तुं किं ब्रवीषि न नः क्षमम् गुरवः किं करिष्यन्ति दग्धानां विरहाग्निना ॥
gurūṇām agrato vaktuṃ kiṃ bravīṣi na naḥ kṣamam guravaḥ kiṃ kariṣyanti dagdhānāṃ virahāgninā //
"To speak in front of our elders—what are you saying? It is not proper for us." "What will elders do for those burnt by the fire of separation?"
AI translation rendered from the Sanskrit, not a published edition
ViP 5 18.23
नन्दगोपमुखा गोपा गन्तुम् एते समुद्यताः नोद्यमं कुरुते कश्चिद् गोविन्दविनिवर्तने ॥
nandagopamukhā gopā gantum ete samudyatāḥ nodyamaṃ kurute kaścid govindavinivartane //
"These cowherds, headed by Nanda the cowherd, are ready to go; no one makes any effort to turn Govinda back.
AI translation rendered from the Sanskrit, not a published edition
ViP 5 18.24
सुप्रभाताद्य रजनी मथुरावासियोषिताम् पास्यन्त्य् अच्युतवक्त्राब्जं यासां नेत्रालिपङ्क्तयः ॥
suprabhātādya rajanī mathurāvāsiyoṣitām pāsyanty acyutavaktrābjaṃ yāsāṃ netrālipaṅktayaḥ //
"Today the night has dawned well for the women dwelling in Mathurā, whose rows of bee-like eyes will drink the lotus-face of Acyuta.
AI translation rendered from the Sanskrit, not a published edition
ViP 5 18.25
धन्यास् ते पथि ये कृष्णम् इतो यान्त्य् अनिवारिताः उद्वहिष्यन्ति पश्यन्तः स्वदेहं पुलकाञ्चितम् ॥
dhanyās te pathi ye kṛṣṇam ito yānty anivāritāḥ udvahiṣyanti paśyantaḥ svadehaṃ pulakāñcitam //
"Fortunate are those who, unhindered, go on the road by which Kṛṣṇa goes from here; gazing, they will bear their own bodies bristling with thrilled hair.
AI translation rendered from the Sanskrit, not a published edition
ViP 5 18.26
मथुरानगरीपौरनयनानां महोत्सवः गोविन्दावयवैर् दृष्टैर् अतीवाद्य भविष्यति ॥
mathurānagarīpauranayanānāṃ mahotsavaḥ govindāvayavair dṛṣṭair atīvādya bhaviṣyati //
"Today there will be an exceedingly great festival for the eyes of the townspeople of the city of Mathurā, at the sight of Govinda's limbs.
AI translation rendered from the Sanskrit, not a published edition
ViP 5 18.27
को नु स्वप्नः सभाग्याभिर् दृष्टस् ताभिर् अधोक्षजम् विस्तारिकान्तिनयना या द्रक्ष्यन्त्य् अनिवारितम् ॥
ko nu svapnaḥ sabhāgyābhir dṛṣṭas tābhir adhokṣajam vistārikāntinayanā yā drakṣyanty anivāritam //
What a dream those fortunate women must have seen, that they will look upon Adhokṣaja unhindered, with eyes wide and radiant!
AI translation rendered from the Sanskrit, not a published edition
ViP 5 18.28
अहो गोपीजनस्यास्य दर्शयित्वा महानिधिम् उद्धृतान्य् अत्र नेत्राणि विधात्राकरुणात्मना ॥
aho gopījanasyāsya darśayitvā mahānidhim uddhṛtāny atra netrāṇi vidhātrākaruṇātmanā //
Alas, having shown this company of cowherd women a great treasure, the Creator, whose nature is pitiless, has here plucked out (their) eyes.
AI translation rendered from the Sanskrit, not a published edition
ViP 5 18.29
अनुरागेण शैथिल्यम् अस्मासु व्रजतो हरेः शैथिल्यम् उपयान्त्य् आशु करेषु वलयान्य् अपि ॥
anurāgeṇa śaithilyam asmāsu vrajato hareḥ śaithilyam upayānty āśu kareṣu valayāny api //
As Hari departs, out of love a slackening comes upon us; and swiftly the bangles too grow loose on (our) arms.
AI translation rendered from the Sanskrit, not a published edition
ViP 5 18.30
अक्रूरः क्रूरहृदयः शीघ्रं प्रेरयते हयान् एवम् आर्तासु योषित्सु घृणा कस्य न जायते ॥
akrūraḥ krūrahṛdayaḥ śīghraṃ prerayate hayān evam ārtāsu yoṣitsu ghṛṇā kasya na jāyate //
Akrūra, cruel of heart, drives the horses on quickly. When women are thus stricken, in whom does compassion not arise?
AI translation rendered from the Sanskrit, not a published edition
ViP 5 18.31
एष कृष्णरथस्योच्चैश् चक्ररेणुर् निरीक्ष्यताम् दूरीभूतो हरिर् येन सो ऽपि रेणुर् न लक्ष्यते ॥
eṣa kṛṣṇarathasyoccaiś cakrareṇur nirīkṣyatām dūrībhūto harir yena so 'pi reṇur na lakṣyate //
Look—here is the dust from the wheel of Kṛṣṇa's chariot, high up! Hari has gone so far off that even that dust is no longer to be seen.
AI translation rendered from the Sanskrit, not a published edition
ViP 5 18.32
इत्य् एवम् अतिहार्देन गोपीजननिरीक्षितः तत्याज व्रजभूभागं सह रामेण केशवः ॥
ity evam atihārdena gopījananirīkṣitaḥ tatyāja vrajabhūbhāgaṃ saha rāmeṇa keśavaḥ //
Thus gazed upon by the cowherd women with the deepest affection, Keśava, together with Rāma, left the region of Vraja.
AI translation rendered from the Sanskrit, not a published edition
ViP 5 18.33
गच्छन्तो जवनाश्वेन रथेन यमुनातटम् प्राप्ता मध्याह्नसमये रामाक्रूरजनार्दनाः ॥
gacchanto javanāśvena rathena yamunātaṭam prāptā madhyāhnasamaye rāmākrūrajanārdanāḥ //
Travelling with swift horses by chariot, Rāma, Akrūra and Janārdana reached the bank of the Yamunā at midday.
AI translation rendered from the Sanskrit, not a published edition
ViP 5 18.34
अथाह कृष्णम् अक्रूरो भवद्भ्यां तावद् आस्यताम् यावत् करोमि कालिन्द्याम् आह्निकार्हणम् अम्भसि ॥
athāha kṛṣṇam akrūro bhavadbhyāṃ tāvad āsyatām yāvat karomi kālindyām āhnikārhaṇam ambhasi //
Then Akrūra said to Kṛṣṇa: "Let the two of you sit here awhile, until I perform my daily worship in the water of the Kālindī."
AI translation rendered from the Sanskrit, not a published edition
ViP 5 18.35
तथेत्य् उक्तस् ततः स्नातः स्वाचान्तः स महामतिः दध्यौ ब्रह्म परं विप्र प्रविश्य यमुनाजले ॥
tathety uktas tataḥ snātaḥ svācāntaḥ sa mahāmatiḥ dadhyau brahma paraṃ vipra praviśya yamunājale //
Being answered "So be it," that man of great wisdom then bathed, rinsed his mouth, and entering the water of the Yamunā, meditated, O brahman, on the supreme Brahman.
AI translation rendered from the Sanskrit, not a published edition
ViP 5 18.36
फणासहस्रमालाढ्यं बलभद्रं ददर्श सः कुन्दामलाङ्गम् उन्निद्रपद्मपत्रारुणेक्षणम् ॥
phaṇāsahasramālāḍhyaṃ balabhadraṃ dadarśa saḥ kundāmalāṅgam unnidrapadmapatrāruṇekṣaṇam //
He saw Balabhadra, adorned with a garland of a thousand hoods, his body spotless as jasmine, his eyes ruddy as the petals of an open lotus,
AI translation rendered from the Sanskrit, not a published edition
ViP 5 18.37
वृतं वासुकिरम्भाद्यैर् महद्भिः पवनाशिभिः संस्तूयमानं गन्धर्वैर् वनमालाविभूषितम् ॥
vṛtaṃ vāsukirambhādyair mahadbhiḥ pavanāśibhiḥ saṃstūyamānaṃ gandharvair vanamālāvibhūṣitam //
surrounded by Vāsuki, Rambha and other great serpents that feed on air, being hymned by the Gandharvas, decorated with a garland of wild flowers,
AI translation rendered from the Sanskrit, not a published edition
ViP 5 18.38
दधानम् असिते वस्त्रे चारुपद्मावतंसकम् चारुकुण्डलिनं मत्तम् अन्तर् जलतले स्थितम् ॥
dadhānam asite vastre cārupadmāvataṃsakam cārukuṇḍalinaṃ mattam antar jalatale sthitam //
clad in dark garments, wearing a lovely lotus as ear-ornament, with beautiful earrings, flushed (with drink), standing there beneath the water's surface;
AI translation rendered from the Sanskrit, not a published edition
ViP 5 18.39
तस्योत्सङ्गे घनश्यामम् आताम्रायतलोचनम् चतुर्बाहुम् उदाराङ्गं चक्राद्यायुधभूषणम् ॥
tasyotsaṅge ghanaśyāmam ātāmrāyatalocanam caturbāhum udārāṅgaṃ cakrādyāyudhabhūṣaṇam //
and on his lap (he saw) one dark as a raincloud, with long, reddish eyes, four-armed, with a noble frame, ornamented with the discus and his other weapons,
AI translation rendered from the Sanskrit, not a published edition
ViP 5 18.40
पीते वसानं वसने चित्रमाल्यविभूषणम् शक्रचापतडिन्मालाविचित्रम् इव तोयदम् ॥
pīte vasānaṃ vasane citramālyavibhūṣaṇam śakracāpataḍinmālāvicitram iva toyadam //
dressed in yellow raiment, adorned with bright garlands and ornaments, like a rain-cloud made variegated by Indra's bow and a train of lightning—
AI translation rendered from the Sanskrit, not a published edition
ViP 5 18.41
श्रीवत्सवक्षसं चारुकेयूरमुकुटोज्ज्वलम् ददर्श कृष्णम् अक्लिष्टं पुण्डरीकावतंसकम् ॥
śrīvatsavakṣasaṃ cārukeyūramukuṭojjvalam dadarśa kṛṣṇam akliṣṭaṃ puṇḍarīkāvataṃsakam //
with the śrīvatsa on his breast, resplendent with lovely armlets and a crown, wearing a white lotus as ear-ornament: he saw Kṛṣṇa, the untroubled one,
AI translation rendered from the Sanskrit, not a published edition
ViP 5 18.42
सनन्दनाद्यैर् मुनिभिः सिद्धयोगैर् अकल्मषैः विचिन्त्यमानं तत्रस्थैर् नासाग्रन्यस्तलोचनैः ॥
sanandanādyair munibhiḥ siddhayogair akalmaṣaiḥ vicintyamānaṃ tatrasthair nāsāgranyastalocanaiḥ //
being contemplated by Sanandana and the other sages, sinless and perfected in yoga, who stood there with their eyes fixed on the tips of their noses.
AI translation rendered from the Sanskrit, not a published edition
ViP 5 18.43
बलकृष्णौ तथाक्रूरः प्रत्यभिज्ञाय विस्मितः सो ऽचिन्तयद् रथाच् छीघ्रं कथम् अत्रागताव् इति ॥
balakṛṣṇau tathākrūraḥ pratyabhijñāya vismitaḥ so 'cintayad rathāc chīghraṃ katham atrāgatāv iti //
And Akrūra, recognising Bala and Kṛṣṇa, was astonished, and thought: "How have the two of them come here so quickly from the chariot?"
AI translation rendered from the Sanskrit, not a published edition
ViP 5 18.44
विवक्षोः स्तम्भयाम् आस वाचं तस्य जनार्दनः ततो निष्क्रम्य सलिलाद् रथम् अभ्यागतः पुनः ॥
vivakṣoḥ stambhayām āsa vācaṃ tasya janārdanaḥ tato niṣkramya salilād ratham abhyāgataḥ punaḥ //
As he wished to speak, Janārdana paralysed his speech. Then, coming out of the water, he returned again to the chariot,
AI translation rendered from the Sanskrit, not a published edition
ViP 5 18.45
ददर्श तत्र चैवोभौ रथस्योपर्य् अधिष्ठितौ रामकृष्णौ यथापूर्वं मनुष्यवपुषान्वितौ ॥
dadarśa tatra caivobhau rathasyopary adhiṣṭhitau rāmakṛṣṇau yathāpūrvaṃ manuṣyavapuṣānvitau //
and there he saw both of them seated upon the chariot, Rāma and Kṛṣṇa, just as before, endowed with human form.
AI translation rendered from the Sanskrit, not a published edition
ViP 5 18.46
निमग्नश् च पुनस् तोये स ददर्श तथैव तौ संस्तूयमानौ गन्धर्वमुनिसिद्धमहोरगैः ॥
nimagnaś ca punas toye sa dadarśa tathaiva tau saṃstūyamānau gandharvamunisiddhamahoragaiḥ //
And plunging into the water again, he saw the two of them just as (he had before), being hymned by Gandharvas, sages, Siddhas and great serpents.
AI translation rendered from the Sanskrit, not a published edition
ViP 5 18.47
ततो विज्ञातसद्भावः स तु दानपतिस् तदा तुष्टाव सर्वविज्ञान, ,मयम् अच्युतम् ईश्वरम् ॥
tato vijñātasadbhāvaḥ sa tu dānapatis tadā tuṣṭāva sarvavijñāna, ,mayam acyutam īśvaram //
Then that lord of gifts, having recognized (his) true nature, praised the imperishable Lord who consists of all knowledge.
AI translation rendered from the Sanskrit, not a published edition
ViP 5 18.48
सन्मात्ररूपिणे ऽचिन्त्यमहिम्ने परमात्मने व्यापिने नैकरूपैकस्वरूपाय नमो नमः ॥
sanmātrarūpiṇe 'cintyamahimne paramātmane vyāpine naikarūpaikasvarūpāya namo namaḥ //
Homage, homage to him who has the form of pure being, whose greatness is unthinkable, to the supreme Self, the all-pervading, who is not of one form and yet is of a single essential form.
AI translation rendered from the Sanskrit, not a published edition
ViP 5 18.49
सत्यरूपाय ते ऽचिन्त्य हविर्भूताय ते नमः नमो ऽविज्ञेयरूपाय पराय प्रकृतेः प्रभो ॥
satyarūpāya te 'cintya havirbhūtāya te namaḥ namo 'vijñeyarūpāya parāya prakṛteḥ prabho //
Homage to you who are of the form of truth, O unthinkable one; homage to you who have become the oblation; homage to you whose form cannot be known, who are beyond primal matter, O Lord.
AI translation rendered from the Sanskrit, not a published edition
ViP 5 18.50
भूतात्मा चेन्द्रियात्मा च प्रधानात्मा तथा भवान् आत्मा च परमात्मा च त्वम् एकः पञ्चधा स्थितः ॥
bhūtātmā cendriyātmā ca pradhānātmā tathā bhavān ātmā ca paramātmā ca tvam ekaḥ pañcadhā sthitaḥ //
You are the self of the elements and the self of the senses, and likewise the self of pradhāna; you are the self and the supreme Self; being one, you abide in five ways.
AI translation rendered from the Sanskrit, not a published edition
ViP 5 18.51
प्रसीद सर्वसर्वात्मन् क्षराक्षरमयेश्वर ब्रह्मविष्णुशिवाख्याभिः कल्पनाभिर् उदीरितः ॥
prasīda sarvasarvātman kṣarākṣaramayeśvara brahmaviṣṇuśivākhyābhiḥ kalpanābhir udīritaḥ //
Be gracious, O Self of all that is all, O Lord composed of the perishable and the imperishable, who are proclaimed by the constructs named Brahmā, Viṣṇu and Śiva.
AI translation rendered from the Sanskrit, not a published edition
ViP 5 18.52
अनाख्येयस्वरूपात्मन्न् अनाख्येयप्रयोजन अनाख्येयाभिधानं त्वां नतो ऽस्मि परमेश्वर ॥
anākhyeyasvarūpātmann anākhyeyaprayojana anākhyeyābhidhānaṃ tvāṃ nato 'smi parameśvara //
O you whose own essential form cannot be named, whose purpose cannot be named, whose designation cannot be named — to you I bow, O supreme Lord.
AI translation rendered from the Sanskrit, not a published edition
ViP 5 18.53
न यत्र नाथ विद्यन्ते नामजात्यादिकल्पनाः तद् ब्रह्म परमं नित्यम् अविकारि भवान् अज ॥
na yatra nātha vidyante nāmajātyādikalpanāḥ tad brahma paramaṃ nityam avikāri bhavān aja //
That in which, O Lord, no constructs of name and class and the rest exist — that supreme, eternal, changeless Brahman is you, O unborn one.
AI translation rendered from the Sanskrit, not a published edition
ViP 5 18.54
न कल्पनाम् ऋते ऽर्थस्य सर्वस्याधिगमो यतः ततः कृष्णाच्युतानन्तविष्णुसंज्ञाभिर् ईड्यसे ॥
na kalpanām ṛte 'rthasya sarvasyādhigamo yataḥ tataḥ kṛṣṇācyutānantaviṣṇusaṃjñābhir īḍyase //
Since the apprehension of any object at all does not occur without a construct, therefore you are extolled by the names Kṛṣṇa, Acyuta, Ananta, Viṣṇu.
AI translation rendered from the Sanskrit, not a published edition
ViP 5 18.55
सर्वार्थास् त्वम् अज विकल्पनाभिर् एतद् देवाद्यं जगद् अखिलं त्वम् एव विश्वम् विश्वात्मंस् त्वम् इति विकारभावहीनः सर्वस्मिन् न हि भवतो ऽस्ति किंचिद् अन्यत् ॥
sarvārthās tvam aja vikalpanābhir etad devādyaṃ jagad akhilaṃ tvam eva viśvam viśvātmaṃs tvam iti vikārabhāvahīnaḥ sarvasmin na hi bhavato 'sti kiṃcid anyat //
You, O unborn one, are all objects by way of constructions; this whole world beginning with the gods, this universe, is you alone; O Self of the universe, you are (all this), yet you are without any state of change; for in all this there is nothing other than you.
AI translation rendered from the Sanskrit, not a published edition
ViP 5 18.56
त्वं ब्रह्मा पशुपतिर् अर्यमा विधाता धाता त्वं त्रिदशपतिः समीरणो ऽग्निः तोयेशो धनपतिर् अन्तकस् त्वम् एको भिन्नार्थैर् जगद् अभिपासि शक्तिभेदैः ॥
tvaṃ brahmā paśupatir aryamā vidhātā dhātā tvaṃ tridaśapatiḥ samīraṇo 'gniḥ toyeśo dhanapatir antakas tvam eko bhinnārthair jagad abhipāsi śaktibhedaiḥ //
You are Brahmā, Paśupati, Aryaman, Vidhātā, Dhātā; you are the lord of the thirty (gods), the wind, fire, the lord of the waters, the lord of wealth, the ender; you, being one, protect the world by distinct powers with distinct functions.
AI translation rendered from the Sanskrit, not a published edition
ViP 5 18.57
विश्वं भवान् सृजति सूर्यगभस्तिरूपो विश्वं च ते गुणमयो ऽयम् अज प्रपञ्चः रूपं परं सद् इति वाचकम् अक्षरं यज् ज्ञानात्मने सदसते प्रणतो ऽस्मि तस्मै ॥
viśvaṃ bhavān sṛjati sūryagabhastirūpo viśvaṃ ca te guṇamayo 'yam aja prapañcaḥ rūpaṃ paraṃ sad iti vācakam akṣaraṃ yaj jñānātmane sadasate praṇato 'smi tasmai //
You create the universe, having the form of the sun's rays, and this universe made of the guṇas is your expansion, O unborn one; the supreme form is that imperishable syllable which expresses 'sat' — to that (Lord), whose self is knowledge, who is being and non-being, I bow.
AI translation rendered from the Sanskrit, not a published edition — the model flagged this verse as uncertain
ViP 5 18.58
ॐ नमो वासुदेवाय नमः संकर्षणाय ते प्रद्युम्नाय नमस् तुभ्यम् अनिरुद्धाय ते नमः ॥
oṃ namo vāsudevāya namaḥ saṃkarṣaṇāya te pradyumnāya namas tubhyam aniruddhāya te namaḥ //
Oṃ, homage to Vāsudeva; homage to you, Saṃkarṣaṇa; homage to you, Pradyumna; homage to you, Aniruddha.
AI translation rendered from the Sanskrit, not a published edition