Vishnu Purana — Amsha 5 — Chapter 17
ViP 5 17.1
अक्रूरो ऽपि विनिष्क्रम्य स्यन्दनेनाशुगामिना कृष्णसंदर्शनाकाङ्क्षी प्रययौ नन्दगोकुलम् ॥
akrūro 'pi viniṣkramya syandanenāśugāminā kṛṣṇasaṃdarśanākāṅkṣī prayayau nandagokulam //
And Akrūra, having set out with a swift-going chariot, longing to see Kṛṣṇa, went to Nanda's Gokula.
AI translation rendered from the Sanskrit, not a published edition
ViP 5 17.2
चिन्तयाम् आस चाक्रूरो नास्ति धन्यतरो मया यो ऽहम् अंशावतीर्णस्य मुखं द्रक्ष्यामि चक्रिणः ॥
cintayām āsa cākrūro nāsti dhanyataro mayā yo 'ham aṃśāvatīrṇasya mukhaṃ drakṣyāmi cakriṇaḥ //
And Akrūra thought: "There is none more fortunate than I, since I shall see the face of the discus-bearer who has descended with a portion (of himself)."
AI translation rendered from the Sanskrit, not a published edition
ViP 5 17.3
अद्य मे सफलं जन्म सुप्रभाता च मे निशा यद् उन्निद्राब्जपत्राक्षं विष्णोर् द्रक्ष्याम्य् अहं मुखम् ॥
adya me saphalaṃ janma suprabhātā ca me niśā yad unnidrābjapatrākṣaṃ viṣṇor drakṣyāmy ahaṃ mukham //
"Today my birth is fruitful, and my night has had a good dawn, since I shall see Viṣṇu's face, with eyes like the petals of an opened lotus."
AI translation rendered from the Sanskrit, not a published edition
ViP 5 17.4
पापं हरति यत् पुंसां स्मृतं संकल्पनामयम् तत् पुण्डरीकनयनं विष्णोर् द्रक्ष्याम्य् अहं मुखम् ॥
pāpaṃ harati yat puṃsāṃ smṛtaṃ saṃkalpanāmayam tat puṇḍarīkanayanaṃ viṣṇor drakṣyāmy ahaṃ mukham //
"That lotus-eyed face of Viṣṇu, which, when remembered, takes away men's sin arising from (evil) intention — that I shall see."
AI translation rendered from the Sanskrit, not a published edition
ViP 5 17.5
निर्जग्मुश् च यतो वेदा वेदाङ्गान्य् अखिलानि च द्रक्ष्यामि तत् परं धाम देवानां भगवन्मुखम् ॥
nirjagmuś ca yato vedā vedāṅgāny akhilāni ca drakṣyāmi tat paraṃ dhāma devānāṃ bhagavanmukham //
"That supreme abode from which the Vedas and all the ancillary sciences of the Veda issued forth, the face of the Lord of the gods — that I shall see."
AI translation rendered from the Sanskrit, not a published edition
ViP 5 17.6
यज्ञेषु यज्ञपुरुषः पुरुषैः पुरुषोत्तमः इज्यते यो ऽखिलाधारस् तं द्रक्ष्यामि जगत्पतिम् ॥
yajñeṣu yajñapuruṣaḥ puruṣaiḥ puruṣottamaḥ ijyate yo 'khilādhāras taṃ drakṣyāmi jagatpatim //
"Him who, as the Person of sacrifice, the supreme Person, is worshipped by men in sacrifices, the support of all — that Lord of the world I shall see."
AI translation rendered from the Sanskrit, not a published edition
ViP 5 17.7
इष्ट्वा यम् इन्द्रो यज्ञानां शतेनामरराजताम् अवाप तम् अनन्तादिम् अहं द्रक्ष्यामि केशवम् ॥
iṣṭvā yam indro yajñānāṃ śatenāmararājatām avāpa tam anantādim ahaṃ drakṣyāmi keśavam //
"Him whom Indra, having sacrificed with a hundred sacrifices, obtained the kingship of the immortals — that Keśava, whose beginning is endless, I shall see."
AI translation rendered from the Sanskrit, not a published edition
ViP 5 17.8
न ब्रह्मा नेन्द्ररुद्राश्विवस्वादित्यमरुद्गणाः यस्य स्वरूपं जानन्ति स्प्रक्ष्यत्य् अङ्गं स मे हरिः ॥
na brahmā nendrarudrāśvivasvādityamarudgaṇāḥ yasya svarūpaṃ jānanti sprakṣyaty aṅgaṃ sa me hariḥ //
"Neither Brahmā, nor Indra, Rudra, the Aśvins, the Vasus, the Ādityas, or the hosts of Maruts know his true form — that Hari will touch my body."
AI translation rendered from the Sanskrit, not a published edition
ViP 5 17.9
सर्वात्मा सर्ववित् सर्वः सर्वभूतेष्व् अवस्थितः यो वितत्याव्ययो व्यापी स वक्ष्यति मया सह ॥
sarvātmā sarvavit sarvaḥ sarvabhūteṣv avasthitaḥ yo vitatyāvyayo vyāpī sa vakṣyati mayā saha //
"He who, the self of all, all-knowing, all, abiding in all beings, imperishable and pervading, having extended (himself) — he will speak with me."
AI translation rendered from the Sanskrit, not a published edition
ViP 5 17.10
मत्स्यकूर्मवराहाश्वसिंहरूपादिभिः स्थितिम् चकार जगतो यो ऽजः सो ऽद्य माम् आलपिष्यति ॥
matsyakūrmavarāhāśvasiṃharūpādibhiḥ sthitim cakāra jagato yo 'jaḥ so 'dya mām ālapiṣyati //
"He, the unborn, who maintained the world by his forms as fish, tortoise, boar, horse, lion, and the rest — he will today speak to me."
AI translation rendered from the Sanskrit, not a published edition
ViP 5 17.11
साम्प्रतं च जगत्स्वामी कार्यम् आत्महृदि स्थितम् कर्तुं मनुष्यतां प्राप्तः स्वेच्छादेहधृग् अव्ययः ॥
sāmprataṃ ca jagatsvāmī kāryam ātmahṛdi sthitam kartuṃ manuṣyatāṃ prāptaḥ svecchādehadhṛg avyayaḥ //
"And now the Lord of the world, the imperishable, bearing a body at his own will, has come to human state in order to do the work that stands in his own heart."
AI translation rendered from the Sanskrit, not a published edition
ViP 5 17.12
यो ऽनन्तः पृथिवीं धत्ते शेखरस्थितिसंस्थिताम् सो ऽवतीर्णो जगत्यर्थे माम् अक्रूरेति वक्ष्यति ॥
yo 'nantaḥ pṛthivīṃ dhatte śekharasthitisaṃsthitām so 'vatīrṇo jagatyarthe mām akrūreti vakṣyati //
"He who as Ananta bears the earth, set as if fixed upon his crest — he, descended for the world's sake, will say to me, 'Akrūra!'"
AI translation rendered from the Sanskrit, not a published edition
ViP 5 17.13
पितृपुत्रसुहृद्भ्रातृमातृबन्धुमयीम् इमाम् यन्मायां नालम् उत्तर्तुं जगत् तस्मै नमो नमः ॥
pitṛputrasuhṛdbhrātṛmātṛbandhumayīm imām yanmāyāṃ nālam uttartuṃ jagat tasmai namo namaḥ //
To him whose māyā, consisting of fathers, sons, friends, brothers, mothers and kinsmen, the world is unable to cross over — homage, homage.
AI translation rendered from the Sanskrit, not a published edition
ViP 5 17.14
तरत्य् अविद्यां विततां हृदि यस्मिन् निवेशिते योगी मायाम् अमेयाय तस्मै विद्यात्मने नमः ॥
taraty avidyāṃ vitatāṃ hṛdi yasmin niveśite yogī māyām ameyāya tasmai vidyātmane namaḥ //
When he is placed in the heart, the yogin crosses over the outspread ignorance, the māyā — to him, the immeasurable, whose nature is knowledge, homage.
AI translation rendered from the Sanskrit, not a published edition
ViP 5 17.15
यज्विभिर् यज्ञपुरुषो वासुदेवश् च सात्वतैः वेदान्तवेदिभिर् विष्णुः प्रोच्यते यो नतो ऽस्मि तम् ॥
yajvibhir yajñapuruṣo vāsudevaś ca sātvataiḥ vedāntavedibhir viṣṇuḥ procyate yo nato 'smi tam //
He who is called the Person of sacrifice by the sacrificers, and Vāsudeva by the Sātvatas, and Viṣṇu by the knowers of the Vedānta — to him I bow.
AI translation rendered from the Sanskrit, not a published edition
ViP 5 17.16
यथा तत्र जगद् धाम्नि धातर्य् एतत् प्रतिष्ठितम् सदसत् तेन सत्येन मय्य् असौ यातु सौम्यताम् ॥
yathā tatra jagad dhāmni dhātary etat pratiṣṭhitam sadasat tena satyena mayy asau yātu saumyatām //
As surely as in that abode, the supporter, this world, existent and non-existent, is established — by that truth let him become gracious toward me.
AI translation rendered from the Sanskrit, not a published edition
ViP 5 17.17
स्मृते सकलकल्याणभाजनं यत्र जायते पुरुषस् तम् अजं नित्यं व्रजामि शरणं हरिम् ॥
smṛte sakalakalyāṇabhājanaṃ yatra jāyate puruṣas tam ajaṃ nityaṃ vrajāmi śaraṇaṃ harim //
To him, the unborn, the eternal Hari, in whom, when remembered, a man becomes a vessel of every good — I go for refuge.
AI translation rendered from the Sanskrit, not a published edition
ViP 5 17.18
इत्थं संचिन्तयन् विष्णुं भक्तिनम्रात्ममानसः अक्रूरो गोकुलं प्राप्तः किंचित् सूर्ये विराजति ॥
itthaṃ saṃcintayan viṣṇuṃ bhaktinamrātmamānasaḥ akrūro gokulaṃ prāptaḥ kiṃcit sūrye virājati //
Thus meditating on Viṣṇu, his mind and self bowed down in devotion, Akrūra reached Gokula when the sun was shining somewhat.
AI translation rendered from the Sanskrit, not a published edition
ViP 5 17.19
स ददर्श तदा तत्र कृष्णम् आदोहने गवाम् वत्समध्यगतं फुल्लनीलोत्पलदलच्छविम् ॥
sa dadarśa tadā tatra kṛṣṇam ādohane gavām vatsamadhyagataṃ phullanīlotpaladalacchavim //
Then he saw Kṛṣṇa there at the milking of the cows, standing among the calves, with the lustre of the petals of an opened blue lotus,
AI translation rendered from the Sanskrit, not a published edition
ViP 5 17.20
प्रस्पष्टपद्मपत्राक्षं श्रीवत्साङ्कितवक्षसम् प्रलम्बबाहुम् आयामितुङ्गोरःस्थलम् उन्नसम् ॥
praspaṣṭapadmapatrākṣaṃ śrīvatsāṅkitavakṣasam pralambabāhum āyāmituṅgoraḥsthalam unnasam //
(He saw him) with eyes like fully-opened lotus petals, his chest marked with the śrīvatsa, with long arms, a broad high chest, and a prominent nose.
AI translation rendered from the Sanskrit, not a published edition
ViP 5 17.21
सविलासस्मिताधारं बिभ्राणं मुखपङ्कजम् तुङ्गरक्तनखं पद्भ्यां धरण्यां सुप्रतिष्ठितम् ॥
savilāsasmitādhāraṃ bibhrāṇaṃ mukhapaṅkajam tuṅgaraktanakhaṃ padbhyāṃ dharaṇyāṃ supratiṣṭhitam //
Bearing a lotus-face that was the seat of a playful smile, with high red nails, standing firmly on the earth with both feet.
AI translation rendered from the Sanskrit, not a published edition
ViP 5 17.22
बिभ्राणं वाससी पीते वन्यपुष्पविभूषितम् सान्द्रनीललताहस्तम् सिताम्भोजावतंसकम् ॥
bibhrāṇaṃ vāsasī pīte vanyapuṣpavibhūṣitam sāndranīlalatāhastam sitāmbhojāvataṃsakam //
Wearing yellow garments, adorned with forest flowers, with a deep-blue creeper in his hand, wearing white lotuses as ear-ornaments.
AI translation rendered from the Sanskrit, not a published edition
ViP 5 17.23
हंसकुन्देन्दुधवलं नीलाम्बरधरं द्विज तस्यानु बलभद्रं च ददर्श यदुनन्दनः ॥
haṃsakundendudhavalaṃ nīlāmbaradharaṃ dvija tasyānu balabhadraṃ ca dadarśa yadunandanaḥ //
And after him, O twice-born, the delight of the Yadus saw Balabhadra, white as a swan, jasmine, or the moon, wearing a dark-blue garment.
AI translation rendered from the Sanskrit, not a published edition
ViP 5 17.24
प्रांशुम् उत्तुङ्गबाह्वंसं विकासिमुखपङ्कजम् मेघमालापरिवृतं कैलासाद्रिम् इवापरम् ॥
prāṃśum uttuṅgabāhvaṃsaṃ vikāsimukhapaṅkajam meghamālāparivṛtaṃ kailāsādrim ivāparam //
Tall, with lofty arms and shoulders, his lotus-face blooming, encircled by a line of clouds, like a second Mount Kailāsa.
AI translation rendered from the Sanskrit, not a published edition
ViP 5 17.25
तौ दृष्ट्वा विकसद्वक्त्रसरोजः स महामतिः पुलकाञ्चितसर्वाङ्गस् तदाक्रूरो ऽभवन् मुने ॥
tau dṛṣṭvā vikasadvaktrasarojaḥ sa mahāmatiḥ pulakāñcitasarvāṅgas tadākrūro 'bhavan mune //
On seeing those two, the lotus of his face opened, and that greatly wise Akrūra then had all his limbs bristling with thrill, O sage.
AI translation rendered from the Sanskrit, not a published edition
ViP 5 17.26
एतत् तत् परमं धाम तद् एतत् परमं पदम् भगवद्वासुदेवांशो द्विधा यो ऽयम् अवस्थितः ॥
etat tat paramaṃ dhāma tad etat paramaṃ padam bhagavadvāsudevāṃśo dvidhā yo 'yam avasthitaḥ //
"This is that supreme abode, this indeed is the supreme station — the portion of the Lord Vāsudeva that stands here in two forms.
AI translation rendered from the Sanskrit, not a published edition
ViP 5 17.27
साफल्यम् अक्ष्णोर् युगम् एतद् अत्र दृष्टे जगद्धातरि यातम् उच्चैः अप्य् अङ्गम् एतद् भगवत्प्रसादाद् दत्ते ऽङ्गसङ्गे फलवन् मम स्यात् ॥
sāphalyam akṣṇor yugam etad atra dṛṣṭe jagaddhātari yātam uccaiḥ apy aṅgam etad bhagavatprasādād datte 'ṅgasaṅge phalavan mama syāt //
"This pair of eyes has attained its fruit in the highest degree, since here the sustainer of the world has been seen; and this body of mine too would become fruitful by the Lord's grace, if bodily contact were granted.
AI translation rendered from the Sanskrit, not a published edition
ViP 5 17.28
अप्य् एष पृष्ठे मम हस्तपद्मं करिष्यति श्रीमदनन्तमूर्तिः यस्याङ्गुलिस्पर्शहताखिलाघैर् अवाप्यते सिद्धिर् अनाशदोषा ॥
apy eṣa pṛṣṭhe mama hastapadmaṃ kariṣyati śrīmadanantamūrtiḥ yasyāṅgulisparśahatākhilāghair avāpyate siddhir anāśadoṣā //
"Will he, the glorious one of infinite form, place his lotus-hand upon my back — he by the touch of whose finger all sins are destroyed and a perfection free from the flaw of decay is obtained?
AI translation rendered from the Sanskrit, not a published edition
ViP 5 17.29
येनाग्निविद्युद्रविरश्मिमाला करालम् अत्युग्रम् अपास्य चक्रम् चक्रं घ्नता दैत्यपतेर् हृतानि दैत्याङ्गनानां नयनाञ्जनानि ॥
yenāgnividyudraviraśmimālā karālam atyugram apāsya cakram cakraṃ ghnatā daityapater hṛtāni daityāṅganānāṃ nayanāñjanāni //
"By whom, warding off the discus dreadful and most fierce with its garland of fire, lightning, and sun-rays, and slaying with the discus the lord of the Daityas, the eye-collyrium of the Daitya women was taken away.
AI translation rendered from the Sanskrit, not a published edition — the model flagged this verse as uncertain
ViP 5 17.30
यत्राम्बु विन्यस्य बलिर् मनोज्ञान् अवाप भोगान् वसुधातलस्थः तथामरत्वं त्रिदशाधिपत्यं मन्वन्तरं पूर्णम् अपेतशत्रुः ॥
yatrāmbu vinyasya balir manojñān avāpa bhogān vasudhātalasthaḥ tathāmaratvaṃ tridaśādhipatyaṃ manvantaraṃ pūrṇam apetaśatruḥ //
"Where, having offered water, Bali, dwelling on the surface of the earth, obtained delightful enjoyments, and likewise immortality, lordship over the thirty gods for a full manvantara, free of enemies.
AI translation rendered from the Sanskrit, not a published edition — the model flagged this verse as uncertain
ViP 5 17.31
अप्य् एष मां कंसपरिग्रहेण दोषास्पदीभूतम् अदोषदुष्टम् कर्तावमानोपहतं धिग् अस्तु तज् जन्मनः साधु बहिष्कृतो यः ॥
apy eṣa māṃ kaṃsaparigraheṇa doṣāspadībhūtam adoṣaduṣṭam kartāvamānopahataṃ dhig astu taj janmanaḥ sādhu bahiṣkṛto yaḥ //
"Will he make me — who have become a receptacle of fault through being taken into Kaṃsa's service, though not tainted by fault, struck by dishonour...? Cursed be that birth from which the good are excluded.
AI translation rendered from the Sanskrit, not a published edition — the model flagged this verse as uncertain
ViP 5 17.32
ज्ञानात्मकस्यामलसत्त्वराशेर् अपेतदोषस्य सदा स्फुटस्य किं वा जगत्य् अत्र समस्तपुंसाम् अज्ञातम् अस्यास्ति हृदि स्थितस्य ॥
jñānātmakasyāmalasattvarāśer apetadoṣasya sadā sphuṭasya kiṃ vā jagaty atra samastapuṃsām ajñātam asyāsti hṛdi sthitasya //
"Or what in this world is unknown to him, who is of the nature of knowledge, a mass of pure sattva, free of fault, ever manifest, and who dwells in the hearts of all men?
AI translation rendered from the Sanskrit, not a published edition
ViP 5 17.33
तस्माद् अहं भक्तिविनम्रचेता व्रजामि सर्वेश्वरम् ईश्वराणाम् अंशावतारं पुरुषोत्तमस्य अनादिमध्यान्तमयस्य विष्णोः ॥
tasmād ahaṃ bhaktivinamracetā vrajāmi sarveśvaram īśvarāṇām aṃśāvatāraṃ puruṣottamasya anādimadhyāntamayasya viṣṇoḥ //
"Therefore, with my mind bowed down in devotion, I go to the lord of all, the lord of lords, the descent as a portion of the Supreme Person, of Viṣṇu who consists of beginninglessness, middle, and end."
AI translation rendered from the Sanskrit, not a published edition