Vishnu Purana — Amsha 5 — Chapter 16
ViP 5 16.1
केशी चापि बलोदग्रः कंसदूतप्रचोदितः कृष्णस्य निधनाकाङ्क्षी वृन्दावनम् उपागमत् ॥
keśī cāpi balodagraḥ kaṃsadūtapracoditaḥ kṛṣṇasya nidhanākāṅkṣī vṛndāvanam upāgamat //
And Keśin too, swollen with strength, urged on by Kaṃsa's messenger, desiring Kṛṣṇa's death, came to Vṛndāvana.
AI translation rendered from the Sanskrit, not a published edition
ViP 5 16.2
स खुरक्षतभूपृष्ठः सटाक्षेपधुताम्बुदः प्लुतविक्रान्तचन्द्रार्कमार्गो गोपान् उपाद्रवत् ॥
sa khurakṣatabhūpṛṣṭhaḥ saṭākṣepadhutāmbudaḥ plutavikrāntacandrārkamārgo gopān upādravat //
With the surface of the earth torn by his hooves, the clouds shaken by the tossing of his mane, the paths of moon and sun overleapt by his bounding, he rushed upon the cowherds.
AI translation rendered from the Sanskrit, not a published edition
ViP 5 16.3
तस्य हेषितशब्देन गोपाला दैत्यवाजिनः गोप्यश् च भयसंविग्ना गोविन्दं शरणं ययुः ॥
tasya heṣitaśabdena gopālā daityavājinaḥ gopyaś ca bhayasaṃvignā govindaṃ śaraṇaṃ yayuḥ //
At the sound of that demon-horse's neighing, the cowherds and cowherdesses, agitated with fear, went to Govinda for refuge.
AI translation rendered from the Sanskrit, not a published edition
ViP 5 16.4
त्राहि त्राहीति गोविन्दः श्रुत्वा तेषां तदा वचः सतोयजलदध्वानगम्भीरम् इदम् उक्तवान् ॥
trāhi trāhīti govindaḥ śrutvā teṣāṃ tadā vacaḥ satoyajaladadhvānagambhīram idam uktavān //
Hearing their words then, "Save us, save us!", Govinda spoke this, deep as the rumble of a water-laden cloud:
AI translation rendered from the Sanskrit, not a published edition
ViP 5 16.5
अलं त्रासेन गोपालाः केशिनः किं भयातुरैः भवद्भिर् गोपजातीयैर् वीरवीर्यं विलोप्यते ॥
alaṃ trāsena gopālāḥ keśinaḥ kiṃ bhayāturaiḥ bhavadbhir gopajātīyair vīravīryaṃ vilopyate //
"Enough of terror, cowherds! Why (be) afraid of Keśin? By you, of the cowherd caste, the valour of heroes is being ruined.
AI translation rendered from the Sanskrit, not a published edition
ViP 5 16.6
किम् अनेनाल्पसारेण हेषिताटोपकारिणा दैतेयबलवाह्येन वल्गता दुष्टवाजिना ॥
kim anenālpasāreṇa heṣitāṭopakāriṇā daiteyabalavāhyena valgatā duṣṭavājinā //
What is (to be feared) from this thing of little substance, doing nothing but making a bluster of neighing, this wicked horse that prances, a mount for the power of a demon?
AI translation rendered from the Sanskrit, not a published edition
ViP 5 16.7
एह्य् एहि दुष्ट कृष्णो ऽहं पूष्णोर् इव पिनाकधृत् पातयिष्यामि दशनान् वदनाद् अखिलांस् तव ॥
ehy ehi duṣṭa kṛṣṇo 'haṃ pūṣṇor iva pinākadhṛt pātayiṣyāmi daśanān vadanād akhilāṃs tava //
"Come, come, wicked one! I am Kṛṣṇa, (to you) as the bearer of the Pināka (was) to Pūṣan; I shall knock all your teeth out of your mouth."
AI translation rendered from the Sanskrit, not a published edition — the model flagged this verse as uncertain
ViP 5 16.8
इत्य् उक्त्वास्फोट्य गोविन्दः केशिनः संमुखं ययौ विवृतास्यस् तु सो ऽप्य् एनं दैतेयाश्व उपाद्रवत् ॥
ity uktvāsphoṭya govindaḥ keśinaḥ saṃmukhaṃ yayau vivṛtāsyas tu so 'py enaṃ daiteyāśva upādravat //
Having said this, Govinda slapped his arms and went straight up to Keśin; and he, the demon-horse, mouth agape, rushed at him.
AI translation rendered from the Sanskrit, not a published edition
ViP 5 16.9
बाहुम् आभोगिनं कृत्वा मुखे तस्य जनार्दनः प्रवेशयाम् आस तदा केशिनो दुष्टवाजिनः ॥
bāhum ābhoginaṃ kṛtvā mukhe tasya janārdanaḥ praveśayām āsa tadā keśino duṣṭavājinaḥ //
Making his arm extended, Janārdana then thrust it into the mouth of Keśin, the wicked horse.
AI translation rendered from the Sanskrit, not a published edition
ViP 5 16.10
केशिनो वदनं तेन विशता कृष्णबाहुना शातिता दशनाः पेतुः सिताभ्रावयवा इव ॥
keśino vadanaṃ tena viśatā kṛṣṇabāhunā śātitā daśanāḥ petuḥ sitābhrāvayavā iva //
By that arm of Kṛṣṇa as it entered Keśin's mouth the teeth were shattered and fell, like fragments of a white cloud.
AI translation rendered from the Sanskrit, not a published edition
ViP 5 16.11
कृष्णस्य ववृधे बाहुः केशिदेहगतो द्विज विनाशाय यथा व्याधिर् आसंभूतेर् उपेक्षितः ॥
kṛṣṇasya vavṛdhe bāhuḥ keśidehagato dvija vināśāya yathā vyādhir āsaṃbhūter upekṣitaḥ //
Kṛṣṇa's arm, gone inside Keśin's body, grew, O twice-born, as a disease neglected from its inception (grows) to (one's) destruction.
AI translation rendered from the Sanskrit, not a published edition
ViP 5 16.13
जघान धरणीं पादैः शकृन्मूत्रं समुत्सृजन् स्वेदार्द्रगात्रः श्रान्तश् च निर्यत्नः सो ऽभवत् ततः ॥
jaghāna dharaṇīṃ pādaiḥ śakṛnmūtraṃ samutsṛjan svedārdragātraḥ śrāntaś ca niryatnaḥ so 'bhavat tataḥ //
He struck the earth with his hooves, letting go dung and urine, his body wet with sweat; and worn out, he then became incapable of struggling.
AI translation rendered from the Sanskrit, not a published edition
ViP 5 16.14
व्यादितास्यो महारौद्रः सो ऽसुरः कृष्णबाहुना निपपात द्विधाभूतो वैद्युतेन यथा द्रुमः ॥
vyāditāsyo mahāraudraḥ so 'suraḥ kṛṣṇabāhunā nipapāta dvidhābhūto vaidyutena yathā drumaḥ //
That asura, his mouth gaping, most terrible, split in two by Kṛṣṇa's arm, fell like a tree struck by lightning.
AI translation rendered from the Sanskrit, not a published edition
ViP 5 16.15
द्विपादपृष्ठपुच्छार्धश्रवणैकाक्षिनासिके केशिनस् ते द्विधाभूते शकले द्वे विरेजतुः ॥
dvipādapṛṣṭhapucchārdhaśravaṇaikākṣināsike keśinas te dvidhābhūte śakale dve virejatuḥ //
The two halves of Keśin, split in two, each with two legs, half the back and half the tail, one ear, one eye and one nostril, lay conspicuous.
AI translation rendered from the Sanskrit, not a published edition
ViP 5 16.16
हत्वा तु केशिनं कृष्णो गोपालैर् मुदितैर् वृतः अनायस्ततनुः स्वस्थो हसंस् तत्रैव तस्थिवान् ॥
hatvā tu keśinaṃ kṛṣṇo gopālair muditair vṛtaḥ anāyastatanuḥ svastho hasaṃs tatraiva tasthivān //
Having slain Keśin, Kṛṣṇa, surrounded by the delighted cowherds, his body untroubled and himself at ease, stood there laughing.
AI translation rendered from the Sanskrit, not a published edition
ViP 5 16.17
ततो गोप्यश् च गोपाश् च हते केशिनि विस्मिताः तुष्टुवुः पुण्डरीकाक्षम् अनुरागमनोरमम् ॥
tato gopyaś ca gopāś ca hate keśini vismitāḥ tuṣṭuvuḥ puṇḍarīkākṣam anurāgamanoramam //
Then, when Keśin had been slain, the cowherd women and the cowherds, amazed, praised the lotus-eyed one, who was delightful with (their) love.
AI translation rendered from the Sanskrit, not a published edition
ViP 5 16.18
अथाहान्तरितो विप्रो नारदो जलदे स्थितः केशिनं निहतं दृष्ट्वा हर्षनिर्भरमानसः ॥
athāhāntarito vipro nārado jalade sthitaḥ keśinaṃ nihataṃ dṛṣṭvā harṣanirbharamānasaḥ //
Then the brahmin Nārada, hidden (from view), standing on a cloud, seeing Keśin slain, his mind full of joy, said:
AI translation rendered from the Sanskrit, not a published edition
ViP 5 16.19
साधु साधु जगन्नाथ लीलयैव यद् अच्युत निहतो ऽयं त्वया केशी क्लेशदस् त्रिदिवौकसाम् ॥
sādhu sādhu jagannātha līlayaiva yad acyuta nihato 'yaṃ tvayā keśī kleśadas tridivaukasām //
"Well done, well done, Lord of the world! For in mere play, O Acyuta, this Keśin, who gave affliction to the dwellers of the third heaven, has been slain by you.
AI translation rendered from the Sanskrit, not a published edition
ViP 5 16.20
युद्धोत्सुको ऽहम् अत्यर्थं नरवाजिमहाहवम् अवृत्तपूर्वम् अन्यत्र द्रष्टुं स्वर्गाद् उपागतः ॥
yuddhotsuko 'ham atyarthaṃ naravājimahāhavam avṛttapūrvam anyatra draṣṭuṃ svargād upāgataḥ //
Extremely eager (to see) the fight, I came here from heaven to watch this great combat of a man and a horse, such as has never occurred elsewhere before.
AI translation rendered from the Sanskrit, not a published edition
ViP 5 16.21
स्वकर्माण्य् अवतारे ते कृतानि मधुसूदन यानि तैर् विस्मितं चेतस् तोषम् एतेन मे गतम् ॥
svakarmāṇy avatāre te kṛtāni madhusūdana yāni tair vismitaṃ cetas toṣam etena me gatam //
The deeds you have done in your descent (as an avatāra), Madhusūdana — my mind is amazed at them, and by this it has reached satisfaction.
AI translation rendered from the Sanskrit, not a published edition
ViP 5 16.22
तुरगस्यास्य शक्रो ऽपि कृष्ण देवाश् च बिभ्यति धूतकेसरजालस्य ह्रेषतो ऽभ्रावलोकिनः ॥
turagasyāsya śakro 'pi kṛṣṇa devāś ca bibhyati dhūtakesarajālasya hreṣato 'bhrāvalokinaḥ //
Even Śakra, Kṛṣṇa, and the gods (too) were afraid of this horse, as he shook the mass of his mane, neighed, and looked toward the clouds.
AI translation rendered from the Sanskrit, not a published edition
ViP 5 16.23
यस्मात् त्वयैष दुष्टात्मा हतः केशी जनार्दन तस्मात् केशवनाम्ना त्वं लोके ख्यातो भविष्यसि ॥
yasmāt tvayaiṣa duṣṭātmā hataḥ keśī janārdana tasmāt keśavanāmnā tvaṃ loke khyāto bhaviṣyasi //
Since this evil-souled Keśin has been slain by you, Janārdana, therefore you will be renowned in the world by the name Keśava.
AI translation rendered from the Sanskrit, not a published edition
ViP 5 16.24
स्वस्त्य् अस्तु ते गमिष्यामि कंसयुद्धे ऽधुना पुनः परश्वो ऽहं समेष्यामि त्वया केशिनिषूदन ॥
svasty astu te gamiṣyāmi kaṃsayuddhe 'dhunā punaḥ paraśvo 'haṃ sameṣyāmi tvayā keśiniṣūdana //
May it be well with you; I shall go now. Again, the day after tomorrow, I shall meet with you at the battle with Kaṃsa, O slayer of Keśin.
AI translation rendered from the Sanskrit, not a published edition
ViP 5 16.25
उग्रसेनसुते कंसे सानुगे विनिपातिते भारावतारकर्ता त्वं पृथिव्याः पृथिवीधर ॥
ugrasenasute kaṃse sānuge vinipātite bhārāvatārakartā tvaṃ pṛthivyāḥ pṛthivīdhara //
When Kaṃsa, son of Ugrasena, has been struck down together with his followers, you will be the one who removes the burden of the earth, O upholder of the earth.
AI translation rendered from the Sanskrit, not a published edition
ViP 5 16.26
तत्रानेकप्रकाराणि युद्धानि पृथिवीक्षिताम् द्रष्टव्यानि मया युष्मत्प्रणीतानि जनार्दन ॥
tatrānekaprakārāṇi yuddhāni pṛthivīkṣitām draṣṭavyāni mayā yuṣmatpraṇītāni janārdana //
There I shall have to witness battles of many kinds among the kings of the earth, brought about by you, O Janārdana.
AI translation rendered from the Sanskrit, not a published edition
ViP 5 16.27
सो ऽहं यास्यामि गोविन्द देवकार्यं महत् कृतम् त्वया सभाजितश् चाहं स्वस्ति ते ऽस्तु व्रजाम्य् अहम् ॥
so 'haṃ yāsyāmi govinda devakāryaṃ mahat kṛtam tvayā sabhājitaś cāhaṃ svasti te 'stu vrajāmy aham //
So I shall go, Govinda; a great task for the gods has been accomplished, and I have been honoured by you. May it be well with you; I depart."
AI translation rendered from the Sanskrit, not a published edition
ViP 5 16.28
नारदे तु गते कृष्णः सह गोपैर् अविस्मितः विवेश गोकुलं गोपीनेत्रपानैकभाजनम् ॥
nārade tu gate kṛṣṇaḥ saha gopair avismitaḥ viveśa gokulaṃ gopīnetrapānaikabhājanam //
When Nārada had gone, Kṛṣṇa, together with the cowherds, unastonished, entered Gokula, the sole vessel drunk in by the eyes of the cowherd women.
AI translation rendered from the Sanskrit, not a published edition