Vishnu Purana — Amsha 5 — Chapter 15
ViP 5 15.1
ककुद्मिनि हते ऽरिष्टे धेनुके विनिपातिते प्रलम्बे निधनं नीते धृते गोवर्धनाचले ॥
kakudmini hate 'riṣṭe dhenuke vinipātite pralambe nidhanaṃ nīte dhṛte govardhanācale //
When the humped one, Ariṣṭa, was slain, when Dhenuka was struck down, when Pralamba was brought to his end, when the Govardhana mountain was held up,
AI translation rendered from the Sanskrit, not a published edition
ViP 5 15.2
दमिते कालिये नागे भग्ने तुङ्गद्रुमद्वये हतायां पूतनायां च शकटे परिवर्तिते ॥
damite kāliye nāge bhagne tuṅgadrumadvaye hatāyāṃ pūtanāyāṃ ca śakaṭe parivartite //
when the serpent Kāliya was subdued, when the pair of tall trees was broken, and when Pūtanā was killed and the cart overturned,
AI translation rendered from the Sanskrit, not a published edition
ViP 5 15.3
कंसाय नारदः प्राह यथावृत्तम् अनुक्रमात् यशोदादेवकीगर्भपरिवर्ताद्य् अशेषतः ॥
kaṃsāya nāradaḥ prāha yathāvṛttam anukramāt yaśodādevakīgarbhaparivartādy aśeṣataḥ //
Nārada told Kaṃsa all that had happened, in order, completely — beginning with the exchange of the wombs of Yaśodā and Devakī.
AI translation rendered from the Sanskrit, not a published edition
ViP 5 15.4
श्रुत्वा तत् सकलं कंसो नारदाद् देवदर्शनात् वसुदेवं प्रति तदा कोपं चक्रे सुदुर्मतिः ॥
śrutvā tat sakalaṃ kaṃso nāradād devadarśanāt vasudevaṃ prati tadā kopaṃ cakre sudurmatiḥ //
Having heard all that from Nārada, who sees the gods, Kaṃsa, the very evil-minded, then grew angry with Vasudeva.
AI translation rendered from the Sanskrit, not a published edition
ViP 5 15.5
सो ऽतिकोपाद् उपालभ्य सर्वयादवसंसदि जगर्ह यादवांश् चैव कार्यं चैतद् अचिन्तयत् ॥
so 'tikopād upālabhya sarvayādavasaṃsadi jagarha yādavāṃś caiva kāryaṃ caitad acintayat //
In his great rage he reproached (Vasudeva) in the assembly of all the Yādavas, and he reviled the Yādavas too, and thought over this course of action:
AI translation rendered from the Sanskrit, not a published edition
ViP 5 15.6
यावन् न बलम् आरूढौ रामकृष्णौ सुबालकौ तावद् एव मया वध्याव् असाध्यौ रूढयौवनौ ॥
yāvan na balam ārūḍhau rāmakṛṣṇau subālakau tāvad eva mayā vadhyāv asādhyau rūḍhayauvanau //
"So long as Rāma and Kṛṣṇa, those fine boys, have not come into their strength, just so long are they to be killed by me; once their youth has come they will be unconquerable.
AI translation rendered from the Sanskrit, not a published edition
ViP 5 15.7
चाणूरो ऽत्र महावीर्यो मुष्टिकश् च महाबलः एताभ्यां मल्लयुद्धेन घातयिष्यामि दुर्मदौ ॥
cāṇūro 'tra mahāvīryo muṣṭikaś ca mahābalaḥ etābhyāṃ mallayuddhena ghātayiṣyāmi durmadau //
Here is Cāṇūra of great valour, and Muṣṭika of great strength; by these two, in a wrestling match, I shall have the two arrogant ones killed.
AI translation rendered from the Sanskrit, not a published edition
ViP 5 15.8
धनुर्महमहायागव्याजेनानीय तौ व्रजात् तथा तथा यतिष्यामि यास्येते संक्षयं यथा ॥
dhanurmahamahāyāgavyājenānīya tau vrajāt tathā tathā yatiṣyāmi yāsyete saṃkṣayaṃ yathā //
Bringing the two here from the cow-station on the pretext of a great sacrifice, the bow-festival, I shall so contrive it that they will go to destruction.
AI translation rendered from the Sanskrit, not a published edition
ViP 5 15.9
श्वफल्कतनयं सो ऽहम् अक्रूरं यदुपुंगवम् तयोर् आनयनार्थाय प्रेषयिष्यामि गोकुलम् ॥
śvaphalkatanayaṃ so 'ham akrūraṃ yadupuṃgavam tayor ānayanārthāya preṣayiṣyāmi gokulam //
I shall send Akrūra, the son of Śvaphalka, that bull among the Yadus, to Gokula to bring the two of them.
AI translation rendered from the Sanskrit, not a published edition
ViP 5 15.10
वृन्दावनचरं घोरम् आदेक्ष्यामि च केशिनम् तत्रैवासाव् अतिबलस् ताव् उभौ घातयिष्यति ॥
vṛndāvanacaraṃ ghoram ādekṣyāmi ca keśinam tatraivāsāv atibalas tāv ubhau ghātayiṣyati //
And I shall instruct the dreadful Keśin, who ranges in Vṛndāvana: there itself that one of surpassing strength will kill them both.
AI translation rendered from the Sanskrit, not a published edition
ViP 5 15.11
गजः कुवलायापीडो मत्समीपम् उपागतौ घातयिष्यति वा गोपौ वसुदेवसुताव् उभौ ॥
gajaḥ kuvalāyāpīḍo matsamīpam upāgatau ghātayiṣyati vā gopau vasudevasutāv ubhau //
"Or the elephant Kuvalayāpīḍa will kill the two cowherds, both sons of Vasudeva, when they come near me."
AI translation rendered from the Sanskrit, not a published edition
ViP 5 15.12
इत्य् आलोच्य स दुष्टात्मा कंसो रामजनार्दनौ हन्तुं कृतमतिर् वीरम् अक्रूरं वाक्यम् अब्रवीत् ॥
ity ālocya sa duṣṭātmā kaṃso rāmajanārdanau hantuṃ kṛtamatir vīram akrūraṃ vākyam abravīt //
Having thought thus, that evil-souled Kaṃsa, his mind made up to kill Rāma and Janārdana, spoke these words to the hero Akrūra:
AI translation rendered from the Sanskrit, not a published edition
ViP 5 15.13
भो भो दानपते वाक्यं क्रियतां प्रीतये मम इतः स्यन्दनम् आरुह्य गम्यतां नन्दगोकुलम् ॥
bho bho dānapate vākyaṃ kriyatāṃ prītaye mama itaḥ syandanam āruhya gamyatāṃ nandagokulam //
"Ho, ho, lord of gifts! Let (my) word be carried out for my satisfaction: mounting a chariot, go from here to Nanda's cow-settlement.
AI translation rendered from the Sanskrit, not a published edition
ViP 5 15.14
वसुदेवसुतौ तत्र विष्णोर् अंशसमुद्भवौ नाशाय किल संभूतौ मम दुष्टौ प्रवर्धतः ॥
vasudevasutau tatra viṣṇor aṃśasamudbhavau nāśāya kila saṃbhūtau mama duṣṭau pravardhataḥ //
There the two sons of Vasudeva, arisen from a portion of Viṣṇu, born indeed for my destruction, are growing up, the two wicked ones.
AI translation rendered from the Sanskrit, not a published edition
ViP 5 15.15
धनुर्महो ममाप्य् अत्र चतुर्दश्यां भविष्यति आनेयौ भवता गत्वा मल्लयुद्धाय ताव् उभौ ॥
dhanurmaho mamāpy atra caturdaśyāṃ bhaviṣyati āneyau bhavatā gatvā mallayuddhāya tāv ubhau //
A bow-festival of mine will also take place here on the fourteenth day; you must go and bring both of them for a wrestling match.
AI translation rendered from the Sanskrit, not a published edition
ViP 5 15.16
चाणूरमुष्टिकौ मल्लौ नियुद्धकुशलौ मम ताभ्यां सहानयोर् युद्धं सर्वलोको ऽत्र पश्यतु ॥
cāṇūramuṣṭikau mallau niyuddhakuśalau mama tābhyāṃ sahānayor yuddhaṃ sarvaloko 'tra paśyatu //
I have the wrestlers Cāṇūra and Muṣṭika, skilled in close combat; let all the world here watch the fight of these two with those two.
AI translation rendered from the Sanskrit, not a published edition
ViP 5 15.17
नागः कुवलयापीडो महामात्रप्रचोदितः स वा हनिष्यते पापौ वसुदेवात्मजौ शिशू ॥
nāgaḥ kuvalayāpīḍo mahāmātrapracoditaḥ sa vā haniṣyate pāpau vasudevātmajau śiśū //
Or the elephant Kuvalayāpīḍa, urged on by its driver, will kill the two wicked boys, the sons of Vasudeva.
AI translation rendered from the Sanskrit, not a published edition
ViP 5 15.18
तौ हत्वा वसुदेवं च नन्दगोपं च दुर्मतिम् हनिष्ये पितरं चेमम् उग्रसेनं च दुर्मतिम् ॥
tau hatvā vasudevaṃ ca nandagopaṃ ca durmatim haniṣye pitaraṃ cemam ugrasenaṃ ca durmatim //
Having killed those two, I shall kill Vasudeva and the evil-minded cowherd Nanda, and this father of mine, the evil-minded Ugrasena.
AI translation rendered from the Sanskrit, not a published edition
ViP 5 15.19
ततः समस्तगोपानां गोधनान्य् अखिलान्य् अहम् वित्तं चापहरिष्यामि दुष्टानां मद्वधैषिणाम् ॥
tataḥ samastagopānāṃ godhanāny akhilāny aham vittaṃ cāpahariṣyāmi duṣṭānāṃ madvadhaiṣiṇām //
Then I shall carry off all the cattle-wealth and the property of all the cowherds, those wicked ones who desire my death.
AI translation rendered from the Sanskrit, not a published edition
ViP 5 15.20
त्वाम् ऋते यादवाश् चैते दुष्टा दानपते मयि एतेषां च वधायाहं यतिष्ये ऽनुक्रमात् ततः ॥
tvām ṛte yādavāś caite duṣṭā dānapate mayi eteṣāṃ ca vadhāyāhaṃ yatiṣye 'nukramāt tataḥ //
Except for you, lord of gifts, these Yādavas are wicked towards me; and I shall then strive for their killing, one after another.
AI translation rendered from the Sanskrit, not a published edition
ViP 5 15.21
ततो निष्कण्टकं सर्वं राज्यम् एतद् अयादवम् प्रशासिष्ये त्वया तस्मान् मत्प्रीत्या वीर गम्यताम् ॥
tato niṣkaṇṭakaṃ sarvaṃ rājyam etad ayādavam praśāsiṣye tvayā tasmān matprītyā vīra gamyatām //
Then I shall rule this whole kingdom, thornless and free of Yādavas. Therefore, hero, let it be gone by you, for my pleasure.
AI translation rendered from the Sanskrit, not a published edition
ViP 5 15.22
यथा च माहिषं सर्पिर् दधि चाप्य् उपहार्य वै गोपाः समानयन्त्य् आशु त्वया वाच्यास् तथा तथा ॥
yathā ca māhiṣaṃ sarpir dadhi cāpy upahārya vai gopāḥ samānayanty āśu tvayā vācyās tathā tathā //
And you are to speak in such a way that the cowherds quickly bring buffalo ghee and curds too as tribute.
AI translation rendered from the Sanskrit, not a published edition
ViP 5 15.23
इत्य् आज्ञप्तस् तदाक्रूरो महाभागवतो द्विज प्रीतिमान् अभवत् कृष्णं श्वो द्रक्ष्यामीति सत्वरः ॥
ity ājñaptas tadākrūro mahābhāgavato dvija prītimān abhavat kṛṣṇaṃ śvo drakṣyāmīti satvaraḥ //
Thus commanded, O brahmin, Akrūra, the great devotee, became glad and eager, (thinking) "Tomorrow I shall see Kṛṣṇa."
AI translation rendered from the Sanskrit, not a published edition
ViP 5 15.24
तथेत्य् उक्त्वा च राजानं रथम् आरुह्य शोभनम् निश्चक्राम तदा पुर्या मथुराया मधुप्रियः ॥
tathety uktvā ca rājānaṃ ratham āruhya śobhanam niścakrāma tadā puryā mathurāyā madhupriyaḥ //
And saying "So be it" to the king, mounting a fine chariot, he who loved Madhu(-slayer) then went out from the city of Mathurā.
AI translation rendered from the Sanskrit, not a published edition