Vishnu Purana — Amsha 5 — Chapter 14
ViP 5 14.1
प्रदोषार्धे कदाचित् तु रासासक्ते जनार्दने त्रासयन् समदो गोष्ठम् अरिष्टः समुपागतः ॥
pradoṣārdhe kadācit tu rāsāsakte janārdane trāsayan samado goṣṭham ariṣṭaḥ samupāgataḥ //
But once, at the middle of the evening twilight, while Janārdana was engaged in the rāsa, Ariṣṭa in his rut came up, terrifying the cowherd settlement.
AI translation rendered from the Sanskrit, not a published edition
ViP 5 14.2
सतोयतोयदच्छायस् तीक्ष्णशृङ्गो ऽर्कलोचनः खुराग्रपातैर् अत्यर्थं दारयन् वसुधातलम् ॥
satoyatoyadacchāyas tīkṣṇaśṛṅgo 'rkalocanaḥ khurāgrapātair atyarthaṃ dārayan vasudhātalam //
Dark as a water-laden rain-cloud, with sharp horns and eyes like the sun, tearing up the surface of the earth violently with the blows of his hoof-tips,
AI translation rendered from the Sanskrit, not a published edition
ViP 5 14.3
लेलिहानः सनिष्पेषं जिह्वयौष्ठौ पुनः पुनः संरम्भाविद्धलाङ्गूलः कठिनस्कन्धबन्धनः ॥
lelihānaḥ saniṣpeṣaṃ jihvayauṣṭhau punaḥ punaḥ saṃrambhāviddhalāṅgūlaḥ kaṭhinaskandhabandhanaḥ //
licking his lips again and again with his tongue with a grinding sound, his tail lashing in fury, with a hard-knit shoulder,
AI translation rendered from the Sanskrit, not a published edition
ViP 5 14.4
उदग्रककुदाभोगः प्रमाणाद् दुरतिक्रमः विण्मूत्रलिप्तपृष्ठाङ्गो गवाम् उद्वेगकारकः ॥
udagrakakudābhogaḥ pramāṇād duratikramaḥ viṇmūtraliptapṛṣṭhāṅgo gavām udvegakārakaḥ //
with the expanse of his hump held high, hard to withstand for his size, his back and limbs smeared with dung and urine, a cause of terror to the cows,
AI translation rendered from the Sanskrit, not a published edition
ViP 5 14.5
प्रलम्बकण्ठो ऽतिमुखस् तरुघाताङ्किताननः पातयन् स गवां गर्भान् दैत्यो वृषभरूपधृक् ॥
pralambakaṇṭho 'timukhas tarughātāṅkitānanaḥ pātayan sa gavāṃ garbhān daityo vṛṣabharūpadhṛk //
With hanging dewlap, huge mouth, his face marked from smashing trees, that demon in the form of a bull, causing cows to miscarry their calves,
AI translation rendered from the Sanskrit, not a published edition
ViP 5 14.6
सूदयंस् तापसान् उग्रो वनान्य् अटति यः सदा ॥
sūdayaṃs tāpasān ugro vanāny aṭati yaḥ sadā //
fierce, killing ascetics, he roams the forests always.
AI translation rendered from the Sanskrit, not a published edition
ViP 5 14.7
ततस् तम् अतिघोराक्षम् अवेक्ष्यातिभयातुराः गोपा गोपस्त्रियश् चैव कृष्ण कृष्णेति चुक्रुशुः ॥
tatas tam atighorākṣam avekṣyātibhayāturāḥ gopā gopastriyaś caiva kṛṣṇa kṛṣṇeti cukruśuḥ //
Then, seeing him with those most dreadful eyes, the cowherds and the cowherd women, stricken with great fear, cried out "Kṛṣṇa! Kṛṣṇa!"
AI translation rendered from the Sanskrit, not a published edition
ViP 5 14.8
सिंहनादं ततश् चक्रे तलशब्दं च केशवः तच्छब्दश्रवणाच् चासौ दामोदरमुखं ययौ ॥
siṃhanādaṃ tataś cakre talaśabdaṃ ca keśavaḥ tacchabdaśravaṇāc cāsau dāmodaramukhaṃ yayau //
Then Keśava made a lion's roar and a slapping sound with his palm, and on hearing that sound the (bull) came to face Dāmodara.
AI translation rendered from the Sanskrit, not a published edition
ViP 5 14.9
अग्रन्यस्तविषाणाग्रः कृष्णकुक्षिकृतेक्षणः अभ्यधावत दुष्टात्मा कृष्णं वृषभदानवः ॥
agranyastaviṣāṇāgraḥ kṛṣṇakukṣikṛtekṣaṇaḥ abhyadhāvata duṣṭātmā kṛṣṇaṃ vṛṣabhadānavaḥ //
With the tips of his horns lowered in front and his gaze fixed on Kṛṣṇa's belly, the evil-souled bull-demon charged at Kṛṣṇa.
AI translation rendered from the Sanskrit, not a published edition
ViP 5 14.10
आयान्तं दैत्यवृषभं दृष्ट्वा कृष्णो महाबलः न चचाल ततः स्थानाद् अवज्ञास्मितलीलया ॥
āyāntaṃ daityavṛṣabhaṃ dṛṣṭvā kṛṣṇo mahābalaḥ na cacāla tataḥ sthānād avajñāsmitalīlayā //
Seeing the demon bull coming on, Kṛṣṇa of great strength did not budge from that spot, but sported with a contemptuous smile.
AI translation rendered from the Sanskrit, not a published edition
ViP 5 14.11
आसन्नं चैव जग्राह ग्राहवन् मधुसूदनः जघान जानुना कुक्षौ विषाणग्रहणाचलम् ॥
āsannaṃ caiva jagrāha grāhavan madhusūdanaḥ jaghāna jānunā kukṣau viṣāṇagrahaṇācalam //
And when he came near, the slayer of Madhu seized him as a crocodile seizes, and struck him in the belly with his knee, holding him immobile by the grip on his horns.
AI translation rendered from the Sanskrit, not a published edition
ViP 5 14.12
तस्य दर्पबलं भङ्क्त्वा गृहीतस्य विषाणयोः अपीडयद् अरिष्टस्य कण्ठं क्लिन्नम् इवाम्बरम् ॥
tasya darpabalaṃ bhaṅktvā gṛhītasya viṣāṇayoḥ apīḍayad ariṣṭasya kaṇṭhaṃ klinnam ivāmbaram //
Having broken the force of the pride of Ariṣṭa, whom he held by the two horns, he wrung his neck as one wrings a wet garment.
AI translation rendered from the Sanskrit, not a published edition
ViP 5 14.13
उत्पाट्य शृङ्गम् एकं तु तेनैवाताडयत् ततः ममार सहसा दैत्यो मुखाच् छोणितम् उद्वमन् ॥
utpāṭya śṛṅgam ekaṃ tu tenaivātāḍayat tataḥ mamāra sahasā daityo mukhāc choṇitam udvaman //
Then, having torn out one horn, he beat him with that very horn; the demon died at once, vomiting blood from his mouth.
AI translation rendered from the Sanskrit, not a published edition
ViP 5 14.14
तुष्टुवुर् निहते तस्मिन् दैत्ये गोपा जनार्दनम् जम्भे हते सहस्राक्षं पुरा देवगणा यथा ॥
tuṣṭuvur nihate tasmin daitye gopā janārdanam jambhe hate sahasrākṣaṃ purā devagaṇā yathā //
When that demon was slain, the cowherds praised Janārdana, as formerly the hosts of gods praised the Thousand-eyed when Jambha was killed.
AI translation rendered from the Sanskrit, not a published edition