Vishnu Purana — Amsha 5 — Chapter 13
ViP 5 13.1
गते शक्रे तु गोपालाः कृष्णम् अक्लिष्टकारिणम् ऊचुः प्रीत्या धृतं दृष्ट्वा तेन गोवर्धनाचलम् ॥
gate śakre tu gopālāḥ kṛṣṇam akliṣṭakāriṇam ūcuḥ prītyā dhṛtaṃ dṛṣṭvā tena govardhanācalam //
But when Śakra had gone, the cowherds, having seen Mount Govardhana held up by him, said affectionately to Kṛṣṇa, whose deeds cost him no effort:
AI translation rendered from the Sanskrit, not a published edition
ViP 5 13.2
वयम् अस्मान् महाभाग भवता महतो भयात् गावश् च भवता त्राता गिरिधारणकर्मणा ॥
vayam asmān mahābhāga bhavatā mahato bhayāt gāvaś ca bhavatā trātā giridhāraṇakarmaṇā //
"We, O greatly fortunate one, have been saved by you from a great danger, and the cows too by you, through the act of holding up the mountain.
AI translation rendered from the Sanskrit, not a published edition
ViP 5 13.3
बालक्रीडेयम् अतुला गोपालत्वं जुगुप्सितम् दिव्यं च कर्म भवतः किम् एतत् तात कथ्यताम् ॥
bālakrīḍeyam atulā gopālatvaṃ jugupsitam divyaṃ ca karma bhavataḥ kim etat tāta kathyatām //
"This child's play (of yours) is unequalled; being a cowherd is contemptible, yet your deed is divine—what is this, dear one? Let it be told.
AI translation rendered from the Sanskrit, not a published edition
ViP 5 13.4
कालियो दमितस् तोये प्रलम्बो विनिपातितः धृतो गोवर्धनश् चायं शङ्कितानि मनांसि नः ॥
kāliyo damitas toye pralambo vinipātitaḥ dhṛto govardhanaś cāyaṃ śaṅkitāni manāṃsi naḥ //
"Kāliya was subdued in the water, Pralamba was struck down, and this Govardhana was held up—our minds are full of doubt.
AI translation rendered from the Sanskrit, not a published edition
ViP 5 13.5
सत्यं सत्यं हरेः पादौ शपामो ऽमितविक्रम यथा त्वद्वीर्यम् आलोक्य न त्वां मन्यामहे नरम् ॥
satyaṃ satyaṃ hareḥ pādau śapāmo 'mitavikrama yathā tvadvīryam ālokya na tvāṃ manyāmahe naram //
"Truly, truly we swear by Hari's feet, O you of measureless valour: seeing your heroism as it is, we do not think you a man.
AI translation rendered from the Sanskrit, not a published edition
ViP 5 13.6
प्रीतिः सस्त्रीकुमारस्य व्रजस्य तव केशव कर्म चेदम् अशक्यं यत् समस्तैस् त्रिदशैर् अपि ॥
prītiḥ sastrīkumārasya vrajasya tava keśava karma cedam aśakyaṃ yat samastais tridaśair api //
The love of all Vraja, with its women and children, is for you, Keśava; and this deed of yours is one impossible even for all the thirty (gods) together.
AI translation rendered from the Sanskrit, not a published edition
ViP 5 13.7
बालत्वं चातिवीर्यं च जन्म चास्मासु शोभनम् चिन्त्यमानम् अमेयात्मञ् शङ्कां कृष्ण प्रयच्छति ॥
bālatvaṃ cātivīryaṃ ca janma cāsmāsu śobhanam cintyamānam ameyātmañ śaṅkāṃ kṛṣṇa prayacchati //
Your childhood, your surpassing might, and your birth among us for our good — when we ponder them, Kṛṣṇa, they give rise to doubt, O you of immeasurable self.
AI translation rendered from the Sanskrit, not a published edition
ViP 5 13.8
देवो वा दानवो वा त्वं यक्षो गन्धर्व एव वा किं वास्माकं विचारेण बान्धवो ऽसि नमो ऽस्तु ते ॥
devo vā dānavo vā tvaṃ yakṣo gandharva eva vā kiṃ vāsmākaṃ vicāreṇa bāndhavo 'si namo 'stu te //
Whether you are a god, or a demon, or a yakṣa, or a gandharva — what use is inquiry to us? You are our kinsman; homage be to you.
AI translation rendered from the Sanskrit, not a published edition
ViP 5 13.9
क्षणं भूत्वा त्व् असौ तूष्णीं किंचित् प्रणयकोपवान् इत्य् एवम् उक्तस् तैर् गोपैः कृष्णो ऽप्य् आह महामुने ॥
kṣaṇaṃ bhūtvā tv asau tūṣṇīṃ kiṃcit praṇayakopavān ity evam uktas tair gopaiḥ kṛṣṇo 'py āha mahāmune //
Being addressed thus by those cowherds, Kṛṣṇa too, after staying silent for a moment, somewhat angered out of affection, spoke, O great sage.
AI translation rendered from the Sanskrit, not a published edition
ViP 5 13.10
मत्संबन्धेन वो गोपा यदि लज्जा न जायते श्लाघ्यो वाहं ततः किं वो विचारेण प्रयोजनम् ॥
matsaṃbandhena vo gopā yadi lajjā na jāyate ślāghyo vāhaṃ tataḥ kiṃ vo vicāreṇa prayojanam //
"If, cowherds, no shame arises in you at your connection with me, and if I am praiseworthy to you, then what purpose have you with inquiry?
AI translation rendered from the Sanskrit, not a published edition
ViP 5 13.11
यदि वो ऽस्ति मयि प्रीतिः श्लाघ्यो ऽहं भवतां यदि तदात्मबन्धुसदृशी बुद्धिर् वः क्रियतां मयि ॥
yadi vo 'sti mayi prītiḥ ślāghyo 'haṃ bhavatāṃ yadi tadātmabandhusadṛśī buddhir vaḥ kriyatāṃ mayi //
If you have love for me, if I am praiseworthy to you, then let your mind toward me be like that toward your own kinsman.
AI translation rendered from the Sanskrit, not a published edition
ViP 5 13.12
नाहं देवो न गन्धर्वो न यक्षो न च दानवः अहं वो बान्धवो जातो नैतच् चिन्त्यम् अतो ऽन्यथा ॥
nāhaṃ devo na gandharvo na yakṣo na ca dānavaḥ ahaṃ vo bāndhavo jāto naitac cintyam ato 'nyathā //
I am no god, no gandharva, no yakṣa, and no demon; I have been born as your kinsman — this is not to be thought otherwise than so."
AI translation rendered from the Sanskrit, not a published edition
ViP 5 13.13
इति श्रुत्वा हरेर् वाक्यं बद्धमौनास् ततो वनम् ययुर् गोपा महाभाग तस्मिन् प्रणयकोपिनि ॥
iti śrutvā harer vākyaṃ baddhamaunās tato vanam yayur gopā mahābhāga tasmin praṇayakopini //
Having heard Hari's speech, the cowherds then went to the forest keeping silent, O greatly fortunate one, since he was angered out of affection.
AI translation rendered from the Sanskrit, not a published edition
ViP 5 13.14
कृष्णस् तु विमलं व्योम शरच्चन्द्रस्य चन्द्रिकाम् तथा कुमुदिनीं फुल्लाम् आमोदितदिगन्तराम् ॥
kṛṣṇas tu vimalaṃ vyoma śaraccandrasya candrikām tathā kumudinīṃ phullām āmoditadigantarām //
But Kṛṣṇa, (seeing) the cloudless sky, the moonlight of the autumn moon, and likewise the water-lily bed in bloom, making fragrant the far quarters —
AI translation rendered from the Sanskrit, not a published edition
ViP 5 13.15
वनराजीं तथा कूजद्भृङ्गमालामनोरमाम् विलोक्य सह गोपीभिर् मनश् चक्रे रतिं प्रति ॥
vanarājīṃ tathā kūjadbhṛṅgamālāmanoramām vilokya saha gopībhir manaś cakre ratiṃ prati //
— and seeing the rows of forest trees, delightful with their garlands of humming bees, he set his mind on love-play together with the cowherd women.
AI translation rendered from the Sanskrit, not a published edition
ViP 5 13.16
विना रामेण मधुरम् अतीव वनिताप्रियम् जगौ कलपदं शौरिर् नानातन्त्रीकृतव्रतम् ॥
vinā rāmeṇa madhuram atīva vanitāpriyam jagau kalapadaṃ śaurir nānātantrīkṛtavratam //
Without Rāma, Śauri (Kṛṣṇa) sang very sweetly, in a manner dear to women, in soft measured notes, following the practice of the various modes.
AI translation rendered from the Sanskrit, not a published edition — the model flagged this verse as uncertain
ViP 5 13.17
रम्यं गीतध्वनिं श्रुत्वा संत्यज्यावसथांस् तदा आजग्मुस् त्वरिता गोप्यो यत्रास्ते मधुसूदनः ॥
ramyaṃ gītadhvaniṃ śrutvā saṃtyajyāvasathāṃs tadā ājagmus tvaritā gopyo yatrāste madhusūdanaḥ //
Then, hearing the lovely sound of the song, the cowherd women left their dwellings and came in haste to where Madhusūdana was.
AI translation rendered from the Sanskrit, not a published edition
ViP 5 13.18
शनैः शनैर् जगौ गोपी काचित् तस्य लयानुगम् दत्तावधाना काचिच् च तम् एव मनसास्मरत् ॥
śanaiḥ śanair jagau gopī kācit tasya layānugam dattāvadhānā kācic ca tam eva manasāsmarat //
One cowherd woman sang along softly, softly, following his time-measure; another, giving her whole attention, remembered him alone in her mind.
AI translation rendered from the Sanskrit, not a published edition
ViP 5 13.19
काचित् कृष्णेति कृष्णेति प्रोक्त्वा लज्जाम् उपाययौ ययौ च काचित् प्रेमान्धा तत्पार्श्वम् अविलज्जिता ॥
kācit kṛṣṇeti kṛṣṇeti proktvā lajjām upāyayau yayau ca kācit premāndhā tatpārśvam avilajjitā //
One, saying "Kṛṣṇa! Kṛṣṇa!", was overcome with shame; and one, blind with love, went to his side without shame.
AI translation rendered from the Sanskrit, not a published edition
ViP 5 13.20
काचिद् आवसथस्यान्तः स्थित्वा दृष्ट्वा बहिर् गुरुम् तन्मयत्वेन गोविन्दं दध्यौ मीलितलोचना ॥
kācid āvasathasyāntaḥ sthitvā dṛṣṭvā bahir gurum tanmayatvena govindaṃ dadhyau mīlitalocanā //
One, standing within her dwelling because she saw an elder outside, meditated on Govinda with eyes closed, becoming wholly absorbed in him.
AI translation rendered from the Sanskrit, not a published edition
ViP 5 13.21
तच्चिन्ताविपुलाह्लादक्षीणपुण्यचया तथा तदप्राप्तिमहादुःखविलीनाशेषपातका ॥
taccintāvipulāhlādakṣīṇapuṇyacayā tathā tadaprāptimahāduḥkhavilīnāśeṣapātakā //
And so another, her heap of merit worn away by the abundant delight of thinking of him, and all her sins dissolved by the great pain of not attaining him —
AI translation rendered from the Sanskrit, not a published edition
ViP 5 13.22
चिन्तयन्ती जगत्सूतिं परब्रह्मस्वरूपिणम् निरुच्छ्वासतया मुक्तिं गतान्या गोपकन्यका ॥
cintayantī jagatsūtiṃ parabrahmasvarūpiṇam nirucchvāsatayā muktiṃ gatānyā gopakanyakā //
— another cowherd girl, meditating on the begetter of the world, whose form is the supreme brahman, attained liberation through the ceasing of her breath.
AI translation rendered from the Sanskrit, not a published edition
ViP 5 13.23
गोपीपरिवृतो रात्रिं शरच्चन्द्रमनोरमाम् मानयाम् आस गोविन्दो रासारम्भरसोत्सुकः ॥
gopīparivṛto rātriṃ śaraccandramanoramām mānayām āsa govindo rāsārambharasotsukaḥ //
Surrounded by the cowherd women, Govinda honored that night, lovely with the autumn moon, eager for the delight of beginning the rāsa dance.
AI translation rendered from the Sanskrit, not a published edition
ViP 5 13.24
गोप्यश् च वृन्दशः कृष्णचेष्टास्व् आयत्तमूर्तयः अन्यदेशं गते कृष्णे चेरुर् वृन्दावनान्तरम् ॥
gopyaś ca vṛndaśaḥ kṛṣṇaceṣṭāsv āyattamūrtayaḥ anyadeśaṃ gate kṛṣṇe cerur vṛndāvanāntaram //
And the cowherd women in troops, their bodies given over to imitating Kṛṣṇa's gestures, roamed within Vṛndāvana when Kṛṣṇa had gone elsewhere.
AI translation rendered from the Sanskrit, not a published edition
ViP 5 13.25
कृष्णो ऽहम् एतत् ललितं व्रजाम्य् आलोक्यतां गतिः अन्या ब्रवीति कृष्णस्य मम गीतिर् निशम्यताम् ॥
kṛṣṇo 'ham etat lalitaṃ vrajāmy ālokyatāṃ gatiḥ anyā bravīti kṛṣṇasya mama gītir niśamyatām //
"I am Kṛṣṇa! See this graceful gait with which I walk!" And another says, "Listen to my song, the song of Kṛṣṇa!"
AI translation rendered from the Sanskrit, not a published edition
ViP 5 13.26
दुष्ट कालिय तिष्ठात्र कृष्णो ऽहम् इति चापरा बाहुम् आस्फोट्य कृष्णस्य लीलासर्वस्वम् आददे ॥
duṣṭa kāliya tiṣṭhātra kṛṣṇo 'ham iti cāparā bāhum āsphoṭya kṛṣṇasya līlāsarvasvam ādade //
And another, slapping her arm, said, "Wicked Kāliya, stand here! I am Kṛṣṇa!"—and took on the whole essence of Kṛṣṇa's play.
AI translation rendered from the Sanskrit, not a published edition
ViP 5 13.27
अन्या ब्रवीति भो गोपा निःशङ्कैः स्थीयताम् इह अलं वृष्टिभयेनात्र धृतो गोवर्धनो मया ॥
anyā bravīti bho gopā niḥśaṅkaiḥ sthīyatām iha alaṃ vṛṣṭibhayenātra dhṛto govardhano mayā //
Another says: "Ho, cowherds! Stay here without fear. Enough of the dread of rain here—Govardhana has been held up by me!"
AI translation rendered from the Sanskrit, not a published edition
ViP 5 13.28
धेनुको ऽयं मया क्षिप्तो विचरन्तु यथेच्छया गोपी ब्रवीति चैवान्या कृष्णलीलानुकारिणी ॥
dhenuko 'yaṃ mayā kṣipto vicarantu yathecchayā gopī bravīti caivānyā kṛṣṇalīlānukāriṇī //
"This Dhenuka has been flung down by me; let (the cows) roam as they please"—so says yet another cowherd woman, imitating Kṛṣṇa's play.
AI translation rendered from the Sanskrit, not a published edition
ViP 5 13.29
एवं नानाप्रकारासु कृष्णचेष्टासु तास् तदा गोप्यो व्यग्राः समं चेरू रम्यं वृन्दावनं वनम् ॥
evaṃ nānāprakārāsu kṛṣṇaceṣṭāsu tās tadā gopyo vyagrāḥ samaṃ cerū ramyaṃ vṛndāvanaṃ vanam //
Thus, absorbed in Kṛṣṇa's deeds of many kinds, those cowherd women then wandered together through the lovely forest of Vṛndāvana.
AI translation rendered from the Sanskrit, not a published edition
ViP 5 13.30
विलोक्यैका भुवं प्राह गोपी गोपवराङ्गना पुलकाञ्चितसर्वाङ्गी विकासिनयनोत्पला ॥
vilokyaikā bhuvaṃ prāha gopī gopavarāṅganā pulakāñcitasarvāṅgī vikāsinayanotpalā //
One cowherd woman, the finest of the cowherds' wives, looking at the ground, spoke, all her limbs bristling with thrills, the lotuses of her eyes wide open:
AI translation rendered from the Sanskrit, not a published edition
ViP 5 13.31
ध्वजवज्राङ्कुशाब्जाङ्करेखावन्त्य् आलि पश्यत पदान्य् एतानि कृष्णस्य लीलालंकृतगामिनः ॥
dhvajavajrāṅkuśābjāṅkarekhāvanty āli paśyata padāny etāni kṛṣṇasya līlālaṃkṛtagāminaḥ //
"Friend, look at these footprints, marked with the lines of a banner, a thunderbolt, a goad and a lotus—they are Kṛṣṇa's, whose gait is adorned with playfulness.
AI translation rendered from the Sanskrit, not a published edition
ViP 5 13.32
कापि तेन समं याता कृतपुण्या मदालसा पदानि तस्याश् चैतानि घनान्य् अल्पतनूनि च ॥
kāpi tena samaṃ yātā kṛtapuṇyā madālasā padāni tasyāś caitāni ghanāny alpatanūni ca //
"Some woman who has earned merit, languid with intoxication, has gone along with him; and these are her footprints, deep (in places) and slight (in others).
AI translation rendered from the Sanskrit, not a published edition
ViP 5 13.33
पुष्पावचयम् अत्रोच्चैश् चक्रे दामोदरो ध्रुवम् येनाग्राक्रान्तिमात्राणि पदान्य् अत्र महात्मनः ॥
puṣpāvacayam atroccaiś cakre dāmodaro dhruvam yenāgrākrāntimātrāṇi padāny atra mahātmanaḥ //
"Surely Dāmodara gathered flowers here, reaching up high—that is why the great one's footprints here show only the pressure of the toes.
AI translation rendered from the Sanskrit, not a published edition
ViP 5 13.34
अत्रोपविश्य सा तेन कापि पुष्पैर् अलंकृता अन्यजन्मनि सर्वात्मा विष्णुर् अभ्यर्चितो यया ॥
atropaviśya sā tena kāpi puṣpair alaṃkṛtā anyajanmani sarvātmā viṣṇur abhyarcito yayā //
"Here some woman sat down with him and was adorned by him with flowers—she by whom, in another birth, Viṣṇu, the Self of all, was worshipped.
AI translation rendered from the Sanskrit, not a published edition
ViP 5 13.35
पुष्पबन्धनसंमानकृतमानाम् अपास्य ताम् नन्दगोपसुतो यातो मार्गेणानेन पश्यत ॥
puṣpabandhanasaṃmānakṛtamānām apāsya tām nandagopasuto yāto mārgeṇānena paśyata //
"Look—Nanda the cowherd's son, casting her aside, whose pride had been made by the honour of being bound with flowers, went off by this path.
AI translation rendered from the Sanskrit, not a published edition
ViP 5 13.36
अनुयाने ऽसमर्थान्या नितम्बभरमन्थरा या गन्तव्ये द्रुतं याति निम्नपादाग्रसंस्थितिः ॥
anuyāne 'samarthānyā nitambabharamantharā yā gantavye drutaṃ yāti nimnapādāgrasaṃsthitiḥ //
"Another, unable to follow, slowed by the weight of her hips, goes quickly on the path to be traversed, resting on the tips of her feet pressed deep.
AI translation rendered from the Sanskrit, not a published edition
ViP 5 13.37
हस्तन्यस्ताग्रहस्तेयं तेन याति तथा सखी अनायत्तपदन्यासा लक्ष्यते पदपद्धतिः ॥
hastanyastāgrahasteyaṃ tena yāti tathā sakhī anāyattapadanyāsā lakṣyate padapaddhatiḥ //
"This friend goes with him with the tips of her hands laid in his hand; her trail of footprints is seen to be set down unsteadily.
AI translation rendered from the Sanskrit, not a published edition
ViP 5 13.38
हस्तसंस्पर्शमात्रेण धूर्तेनैषा विमानिता नैराश्यान् मन्दगामिन्या निवृत्तं लक्ष्यते पदम् ॥
hastasaṃsparśamātreṇa dhūrtenaiṣā vimānitā nairāśyān mandagāminyā nivṛttaṃ lakṣyate padam //
"This one was slighted by the rogue with a mere touch of the hand: out of hopelessness she walked slowly, and her footstep is seen turned back.
AI translation rendered from the Sanskrit, not a published edition
ViP 5 13.39
नूनम् उक्ता त्वरामीति पुनर् एष्यामि ते ऽन्तिकम् तेन कृष्णेन येनैषा त्वरिता पदपद्धतिः ॥
nūnam uktā tvarāmīti punar eṣyāmi te 'ntikam tena kṛṣṇena yenaiṣā tvaritā padapaddhatiḥ //
"Surely she was told by that Kṛṣṇa, 'I am in haste; I shall come to you again'—which is why this trail of footprints is hurried.
AI translation rendered from the Sanskrit, not a published edition
ViP 5 13.40
प्रविष्टो गहनं कृष्णः पदम् अत्र न लक्ष्यते निवर्तध्वं शशाङ्कस्य नैतद् दीधितिगोचरे ॥
praviṣṭo gahanaṃ kṛṣṇaḥ padam atra na lakṣyate nivartadhvaṃ śaśāṅkasya naitad dīdhitigocare //
"Kṛṣṇa has entered the thicket; no footprint is to be seen here. Turn back—this place is not within the range of the moon's beams."
AI translation rendered from the Sanskrit, not a published edition
ViP 5 13.41
निवृत्तास् तास् ततो गोप्यो निराशाः कृष्णदर्शने यमुनातीरम् आगम्य जगुस् तच्चरितं तदा ॥
nivṛttās tās tato gopyo nirāśāḥ kṛṣṇadarśane yamunātīram āgamya jagus taccaritaṃ tadā //
Then those cowherd women turned back, despairing of seeing Kṛṣṇa, and coming to the bank of the Yamunā they sang of his doings.
AI translation rendered from the Sanskrit, not a published edition
ViP 5 13.42
ततो ददृशुर् आयान्तं विकासिमुखपङ्कजम् गोप्यस् त्रैलोक्यगोप्तारं कृष्णम् अक्लिष्टचेष्टितम् ॥
tato dadṛśur āyāntaṃ vikāsimukhapaṅkajam gopyas trailokyagoptāraṃ kṛṣṇam akliṣṭaceṣṭitam //
Then the cowherd women saw Kṛṣṇa coming, the lotus of his face in full bloom—the guardian of the three worlds, whose actions are effortless.
AI translation rendered from the Sanskrit, not a published edition
ViP 5 13.43
काचिद् आलोक्य गोविन्दम् आयान्तम् अतिहर्षिता कृष्ण कृष्णेति कृष्णेति प्राह नान्यद् उदीरयत् ॥
kācid ālokya govindam āyāntam atiharṣitā kṛṣṇa kṛṣṇeti kṛṣṇeti prāha nānyad udīrayat //
One of them, seeing Govinda coming, was overjoyed and said, "Kṛṣṇa! Kṛṣṇa! Kṛṣṇa!"—she uttered nothing else.
AI translation rendered from the Sanskrit, not a published edition
ViP 5 13.44
काचिद् भ्रूभङ्गुरं कृत्वा ललाटफलकं हरिम् विलोक्य नेत्रभृङ्गाभ्यां पपौ तन्मुखपङ्कजम् ॥
kācid bhrūbhaṅguraṃ kṛtvā lalāṭaphalakaṃ harim vilokya netrabhṛṅgābhyāṃ papau tanmukhapaṅkajam //
One, drawing the tablet of her forehead into a frown of the brows, gazed at Hari and drank the lotus of his face with the two bees of her eyes.
AI translation rendered from the Sanskrit, not a published edition
ViP 5 13.45
काचिद् आलोक्य गोविन्दं निमीलितविलोचना तस्यैव रूपं ध्यायन्ती योगारूढेव चाबभौ ॥
kācid ālokya govindaṃ nimīlitavilocanā tasyaiva rūpaṃ dhyāyantī yogārūḍheva cābabhau //
One, on seeing Govinda, closed her eyes and, meditating on his very form, appeared as if risen into yoga.
AI translation rendered from the Sanskrit, not a published edition
ViP 5 13.46
ततः काश्चित्प्रियालापैः काश्चिद् भ्रूभङ्गवीक्षितैः निन्ये ऽनुनयम् अन्याश् च करस्पर्शेन माधवः ॥
tataḥ kāścitpriyālāpaiḥ kāścid bhrūbhaṅgavīkṣitaiḥ ninye 'nunayam anyāś ca karasparśena mādhavaḥ //
Then Mādhava brought (them) to reconciliation—some with affectionate words, some with glances accompanied by a knitting of the brows, and others by the touch of his hand.
AI translation rendered from the Sanskrit, not a published edition
ViP 5 13.47
ताभिः प्रसन्नचित्ताभिर् गोपीभिः सह सादरम् रराम रासगोष्ठीभिर् उदारचरितो हरिः ॥
tābhiḥ prasannacittābhir gopībhiḥ saha sādaram rarāma rāsagoṣṭhībhir udāracarito hariḥ //
With those cowherd women, their minds now serene, Hari of noble conduct sported respectfully in the assemblies of the rāsa dance.
AI translation rendered from the Sanskrit, not a published edition
ViP 5 13.48
रासमण्डलबन्धो ऽपि कृष्णपार्श्वम् अनुज्झता गोपीजनेन नैवाभूद् एकस्थानस्थिरात्मना ॥
rāsamaṇḍalabandho 'pi kṛṣṇapārśvam anujjhatā gopījanena naivābhūd ekasthānasthirātmanā //
Even though the circle of the rāsa was formed, it did not come about (properly), since the cowherd folk would not leave Kṛṣṇa's side, their minds fixed steady on that one place.
AI translation rendered from the Sanskrit, not a published edition — the model flagged this verse as uncertain
ViP 5 13.49
हस्ते प्रगृह्य चैकैकां गोपिकां रासमण्डले चकार तत्करस्पर्शनिमीलितदृशं हरिः ॥
haste pragṛhya caikaikāṃ gopikāṃ rāsamaṇḍale cakāra tatkarasparśanimīlitadṛśaṃ hariḥ //
And taking each cowherd girl by the hand, Hari set her in the rāsa circle, her eyes closing at the touch of his hand.
AI translation rendered from the Sanskrit, not a published edition
ViP 5 13.50
ततः प्रववृते रासश् चलद्वलयनिस्वनैः अनुयातशरत्काव्यगेयगीतिर् अनुक्रमात् ॥
tataḥ pravavṛte rāsaś caladvalayanisvanaiḥ anuyātaśaratkāvyageyagītir anukramāt //
Then the rāsa began, with the sounds of moving bangles, its songs to be sung being autumn poems followed in due order.
AI translation rendered from the Sanskrit, not a published edition
ViP 5 13.51
कृष्णः शरच्चन्द्रमसं कौमुदीं कुमुदाकरम् जगौ गोपीजनस् त्व् एकं कृष्णनाम पुनः पुनः ॥
kṛṣṇaḥ śaraccandramasaṃ kaumudīṃ kumudākaram jagau gopījanas tv ekaṃ kṛṣṇanāma punaḥ punaḥ //
Kṛṣṇa sang of the autumn moon, of the moonlight, of the lotus pond; but the cowherd women sang one thing only—Kṛṣṇa's name, over and over.
AI translation rendered from the Sanskrit, not a published edition
ViP 5 13.52
परिवर्तश्रमेणैका चलद्वलयलापिनी ददौ बाहुलतां स्कन्धे गोपी मधुनिघातिनः ॥
parivartaśrameṇaikā caladvalayalāpinī dadau bāhulatāṃ skandhe gopī madhunighātinaḥ //
One cowherd girl, wearied by the turning, chattering with her moving bangles, laid her creeper-like arm on the shoulder of the slayer of Madhu.
AI translation rendered from the Sanskrit, not a published edition
ViP 5 13.53
काचित् प्रविलसद्बाहुं परिरभ्य चुचुम्ब तम् गोपी गीतस्तुतिव्याजनिपुणा मधुसूदनम् ॥
kācit pravilasadbāhuṃ parirabhya cucumba tam gopī gītastutivyājanipuṇā madhusūdanam //
One cowherd girl, skilled in the pretext of songs of praise, embraced his gleaming arm and kissed Madhusūdana.
AI translation rendered from the Sanskrit, not a published edition
ViP 5 13.54
गोपीकपोलसंश्लेषम् अभिपद्य हरेर् भुजौ पुलकोद्गमसस्याय स्वेदाम्बुघनतां गतौ ॥
gopīkapolasaṃśleṣam abhipadya harer bhujau pulakodgamasasyāya svedāmbughanatāṃ gatau //
Reaching the embrace of the cowherd girls' cheeks, Hari's two arms became like rain-clouds of sweat-water for the crop of rising gooseflesh.
AI translation rendered from the Sanskrit, not a published edition
ViP 5 13.55
रासगेयं जगौ कृष्णो यावत्तारतरध्वनिः साधु कृष्णेति कृष्णेति तावत् ता द्विगुणं जगुः ॥
rāsageyaṃ jagau kṛṣṇo yāvattārataradhvaniḥ sādhu kṛṣṇeti kṛṣṇeti tāvat tā dviguṇaṃ jaguḥ //
As Kṛṣṇa sang the rāsa song with an ever higher-pitched voice, so did they sing twice as loud, "Bravo, Kṛṣṇa! Kṛṣṇa!"
AI translation rendered from the Sanskrit, not a published edition
ViP 5 13.56
गते ऽनुगमनं चक्रुर् वलने संमुखं ययुः प्रतिलोमानुलोमेन भेजुर् गोपाङ्गना हरिम् ॥
gate 'nugamanaṃ cakrur valane saṃmukhaṃ yayuḥ pratilomānulomena bhejur gopāṅganā harim //
When he moved away they followed after; when he turned they came face to face with him; against the grain and with the grain the cowherd women attended upon Hari.
AI translation rendered from the Sanskrit, not a published edition
ViP 5 13.57
स तथा सह गोपीभी रराम मधुसूदनः यथाब्दकोटिप्रतिमः क्षणस् तेन विनाभवत् ॥
sa tathā saha gopībhī rarāma madhusūdanaḥ yathābdakoṭipratimaḥ kṣaṇas tena vinābhavat //
So did Madhusūdana sport with the cowherd women, that a moment without him became as if equal to ten million years.
AI translation rendered from the Sanskrit, not a published edition
ViP 5 13.58
ता वार्यमाणाः पतिभिः पितृभिर् भ्रातृभिस् तथा कृष्णं गोपाङ्गना रात्रौ रमयन्ति रतिप्रियाः ॥
tā vāryamāṇāḥ patibhiḥ pitṛbhir bhrātṛbhis tathā kṛṣṇaṃ gopāṅganā rātrau ramayanti ratipriyāḥ //
Though restrained by their husbands, their fathers and their brothers, those cowherd women, fond of love-play, gave pleasure to Kṛṣṇa in the night.
AI translation rendered from the Sanskrit, not a published edition
ViP 5 13.59
सो ऽपि कैशोरकवयो मानयन् मधुसूदनः रेमे ताभिर् अमेयात्मा क्षपासु क्षपिताहितः ॥
so 'pi kaiśorakavayo mānayan madhusūdanaḥ reme tābhir ameyātmā kṣapāsu kṣapitāhitaḥ //
And he too, Madhusūdana of immeasurable self, honouring the season of youth, took his delight with them in the nights, he who destroys the hostile.
AI translation rendered from the Sanskrit, not a published edition
ViP 5 13.60
तद्भर्तृषु तथा तासु सर्वभूतेषु चेश्वरः आत्मस्वरूपरूपो ऽसौ व्याप्य वायुर् इव स्थितः ॥
tadbhartṛṣu tathā tāsu sarvabhūteṣu ceśvaraḥ ātmasvarūparūpo 'sau vyāpya vāyur iva sthitaḥ //
And in their husbands, in them, and in all beings, that Lord, whose form is the form of the Self, stood pervading (them) like the wind.
AI translation rendered from the Sanskrit, not a published edition
ViP 5 13.61
यथा समस्तभूतेषु नभो ऽग्निः पृथिवी जलम् वायुश् चात्मा तथैवासौ व्याप्य सर्वम् अवस्थितः ॥
yathā samastabhūteṣu nabho 'gniḥ pṛthivī jalam vāyuś cātmā tathaivāsau vyāpya sarvam avasthitaḥ //
As sky, fire, earth, water, wind and the Self (are) in all beings, just so does he stand pervading everything.
AI translation rendered from the Sanskrit, not a published edition