Vishnu Purana — Amsha 5 — Chapter 12
ViP 5 12.1
धृते गोवर्धने शैले परित्राते च गोकुले रोचयाम् आस कृष्णस्य दर्शनं पाकशासनः ॥
dhṛte govardhane śaile paritrāte ca gokule rocayām āsa kṛṣṇasya darśanaṃ pākaśāsanaḥ //
The mountain Govardhana having been held up and the cow-station rescued, the chastiser of Pāka (Indra) desired the sight of Kṛṣṇa.
AI translation rendered from the Sanskrit, not a published edition
ViP 5 12.2
सो ऽधिरुह्य महानागम् ऐरावतम् अमित्रजित् गोवर्धनगिरौ कृष्णं ददर्श त्रिदशेश्वरः ॥
so 'dhiruhya mahānāgam airāvatam amitrajit govardhanagirau kṛṣṇaṃ dadarśa tridaśeśvaraḥ //
Mounting the great elephant Airāvata, that conqueror of foes, the lord of the thirty (gods), saw Kṛṣṇa on Mount Govardhana,
AI translation rendered from the Sanskrit, not a published edition
ViP 5 12.3
चारयन्तं महावीर्यं गाश् च गोपवपुर्धरम् कृत्स्नस्य जगतो गोपं वृतं गोपकुमारकैः ॥
cārayantaṃ mahāvīryaṃ gāś ca gopavapurdharam kṛtsnasya jagato gopaṃ vṛtaṃ gopakumārakaiḥ //
— (Kṛṣṇa) of great might, pasturing the cows, bearing the form of a cowherd, the herdsman of the entire world, surrounded by the cowherd boys;
AI translation rendered from the Sanskrit, not a published edition
ViP 5 12.4
गरुडं च ददर्शोच्चैर् अन्तर्धानगतं द्विज कृतच्छायं हरेर् मूर्ध्नि पक्षाभ्यां पक्षिपुंगवम् ॥
garuḍaṃ ca dadarśoccair antardhānagataṃ dvija kṛtacchāyaṃ harer mūrdhni pakṣābhyāṃ pakṣipuṃgavam //
and he saw, high above, invisible, O twice-born one, Garuḍa, that bull among birds, casting shade with his two wings over Hari's head.
AI translation rendered from the Sanskrit, not a published edition
ViP 5 12.5
अवरुह्य स नागेन्द्राद् एकान्ते मधुसूदनम् शक्रः सस्मितम् आहेदं प्रीतिविस्तारितेक्षणः ॥
avaruhya sa nāgendrād ekānte madhusūdanam śakraḥ sasmitam āhedaṃ prītivistāritekṣaṇaḥ //
Descending from the lord of elephants, Śakra, his eyes widened with affection, said this smilingly to the slayer of Madhu in a private place:
AI translation rendered from the Sanskrit, not a published edition
ViP 5 12.6
कृष्ण कृष्ण शृणुष्वेदं यदर्थम् अहम् आगतः त्वत्समीपं महाभाग नैतच् चिन्त्यं त्वयान्यथा ॥
kṛṣṇa kṛṣṇa śṛṇuṣvedaṃ yadartham aham āgataḥ tvatsamīpaṃ mahābhāga naitac cintyaṃ tvayānyathā //
"Kṛṣṇa, Kṛṣṇa, hear this — the purpose for which I have come into your presence, O greatly fortunate one; this is not to be thought of by you otherwise."
AI translation rendered from the Sanskrit, not a published edition
ViP 5 12.7
भारावतारणार्थाय पृथिव्याः पृथिवीतलम् अवतीर्णो ऽखिलाधार त्वम् एव परमेश्वरः ॥
bhārāvatāraṇārthāya pṛthivyāḥ pṛthivītalam avatīrṇo 'khilādhāra tvam eva parameśvaraḥ //
"For the sake of removing the burden of the earth you have descended to the earth's surface, O support of all; you alone are the supreme Lord."
AI translation rendered from the Sanskrit, not a published edition
ViP 5 12.8
महभङ्गविरुद्धेन मया गोकुलनाशकाः समादिष्टा महामेघास् तैश् चैतत् कदनं कृतम् ॥
mahabhaṅgaviruddhena mayā gokulanāśakāḥ samādiṣṭā mahāmeghās taiś caitat kadanaṃ kṛtam //
"By me, hostile because of the breaking off of the sacrifice, the great clouds were commanded as destroyers of the cow-station, and by them this havoc was wrought."
AI translation rendered from the Sanskrit, not a published edition — the model flagged this verse as uncertain
ViP 5 12.9
त्रातास् ताश् च त्वया गावः समुत्पाट्य महागिरिम् तेनाहं तोषितो वीर कर्मणात्यद्भुतेन ते ॥
trātās tāś ca tvayā gāvaḥ samutpāṭya mahāgirim tenāhaṃ toṣito vīra karmaṇātyadbhutena te //
"And those cows were saved by you, by tearing up the great mountain; by that exceedingly wonderful deed of yours I have been gratified, O hero."
AI translation rendered from the Sanskrit, not a published edition
ViP 5 12.10
साधितं कृष्ण देवानाम् अहं मन्ये प्रयोजनम् त्वयायम् अद्रिप्रवरः करेणैकेन यद् धृतः ॥
sādhitaṃ kṛṣṇa devānām ahaṃ manye prayojanam tvayāyam adripravaraḥ kareṇaikena yad dhṛtaḥ //
"I consider, Kṛṣṇa, that the purpose of the gods has been accomplished, since this best of mountains was held up by you with a single hand."
AI translation rendered from the Sanskrit, not a published edition
ViP 5 12.11
गोभिश् च चोदितः कृष्ण त्वत्सकाशम् इहागतः त्वया त्राताभिर् अत्यर्थं युष्मत्सत्कारकारणात् ॥
gobhiś ca coditaḥ kṛṣṇa tvatsakāśam ihāgataḥ tvayā trātābhir atyarthaṃ yuṣmatsatkārakāraṇāt //
"And urged by the cows, Kṛṣṇa, I have come here into your presence — by those saved by you, most earnestly, for the sake of doing you honour."
AI translation rendered from the Sanskrit, not a published edition
ViP 5 12.12
स त्वां कृष्णाभिषेक्ष्यामि गवां वाक्यप्रचोदितः उपेन्द्रत्वे गवाम् इन्द्रो गोविन्दस् त्वं भविष्यसि ॥
sa tvāṃ kṛṣṇābhiṣekṣyāmi gavāṃ vākyapracoditaḥ upendratve gavām indro govindas tvaṃ bhaviṣyasi //
"So I, urged by the cows' words, shall consecrate you, Kṛṣṇa: in the rank of Upendra, as Indra of the cows, you will be Govinda."
AI translation rendered from the Sanskrit, not a published edition
ViP 5 12.13
अथोपवाह्याद् आदाय घण्टाम् ऐरावताद् गजात् अभिषेकं तया चक्रे पवित्रजलपूर्णया ॥
athopavāhyād ādāya ghaṇṭām airāvatād gajāt abhiṣekaṃ tayā cakre pavitrajalapūrṇayā //
Then, taking the bell from his mount, the elephant Airāvata, he performed the consecration with it, filled with pure water.
AI translation rendered from the Sanskrit, not a published edition
ViP 5 12.14
क्रियमाणे ऽभिषेके तु गावः कृष्णस्य तत्क्षणात् प्रस्नवोद्भूतदुग्धार्द्रां सद्यश् चक्रुर् वसुंधराम् ॥
kriyamāṇe 'bhiṣeke tu gāvaḥ kṛṣṇasya tatkṣaṇāt prasnavodbhūtadugdhārdrāṃ sadyaś cakrur vasuṃdharām //
But while the consecration of Kṛṣṇa was being performed, the cows at that very moment straightway made the earth wet with milk that flowed forth from their udders.
AI translation rendered from the Sanskrit, not a published edition
ViP 5 12.15
अभिषिच्य गवां वाक्याद् देवेन्द्रो वै जनार्दनम् प्रीत्या सप्रश्रयं कृष्णं पुनर् आह शचीपतिः ॥
abhiṣicya gavāṃ vākyād devendro vai janārdanam prītyā sapraśrayaṃ kṛṣṇaṃ punar āha śacīpatiḥ //
Having consecrated Janārdana at the word of the cows, the lord of the gods, Śacī's husband, spoke again to Kṛṣṇa affectionately and respectfully:
AI translation rendered from the Sanskrit, not a published edition
ViP 5 12.16
गवाम् एतत् कृतं वाक्यं तथान्यद् अपि मे शृणु यद् ब्रवीमि महाभाग भारावतरणेच्छया ॥
gavām etat kṛtaṃ vākyaṃ tathānyad api me śṛṇu yad bravīmi mahābhāga bhārāvataraṇecchayā //
"This word of the cows has been carried out; now hear from me something else as well, which I say, O greatly fortunate one, out of the wish that the (earth's) burden be removed.
AI translation rendered from the Sanskrit, not a published edition
ViP 5 12.17
ममांशः पुरुषव्याघ्र पृथायां पृथिवीतले अवतीर्णो ऽर्जुनो नाम स रक्ष्यो भवता सदा ॥
mamāṃśaḥ puruṣavyāghra pṛthāyāṃ pṛthivītale avatīrṇo 'rjuno nāma sa rakṣyo bhavatā sadā //
"A portion of me, O tiger among men, has descended on the surface of the earth from Pṛthā, named Arjuna; he is always to be protected by you.
AI translation rendered from the Sanskrit, not a published edition
ViP 5 12.18
भारावतरणे साह्यं स ते वीरः करिष्यति स रक्षणीयो भवता यथात्मा मधुसूदन ॥
bhārāvataraṇe sāhyaṃ sa te vīraḥ kariṣyati sa rakṣaṇīyo bhavatā yathātmā madhusūdana //
"That hero will give you help in removing the burden; he is to be guarded by you as (you would guard) yourself, O slayer of Madhu."
AI translation rendered from the Sanskrit, not a published edition
ViP 5 12.19
जानामि भारते वंशे जातं पार्थं तवांशकम् तम् अहं पालयिष्यामि यावत् स्थास्यामि भूतले ॥
jānāmi bhārate vaṃśe jātaṃ pārthaṃ tavāṃśakam tam ahaṃ pālayiṣyāmi yāvat sthāsyāmi bhūtale //
"I know that Pārtha, a portion of you, has been born in the Bhārata lineage; I shall protect him as long as I remain on the earth.
AI translation rendered from the Sanskrit, not a published edition
ViP 5 12.20
यावन् महीतले शक्र स्थास्याम्य् अहम् अरिंदम न तावद् अर्जुनं कश्चिद् देवेन्द्र युधि जेष्यति ॥
yāvan mahītale śakra sthāsyāmy aham ariṃdama na tāvad arjunaṃ kaścid devendra yudhi jeṣyati //
"As long as I remain on the surface of the earth, Śakra, O subduer of foes, so long will no one conquer Arjuna in battle, O lord of the gods.
AI translation rendered from the Sanskrit, not a published edition
ViP 5 12.21
कंसो नाम महाबाहुर् दैत्यो ऽरिष्टस् तथापरः केशी कुवलयापीडो नरकाद्यास् तथापरे ॥
kaṃso nāma mahābāhur daityo 'riṣṭas tathāparaḥ keśī kuvalayāpīḍo narakādyās tathāpare //
"There is a mighty-armed one named Kaṃsa, and the demon Ariṣṭa, another; Keśī, Kuvalayāpīḍa, and others too, Naraka and the rest.
AI translation rendered from the Sanskrit, not a published edition
ViP 5 12.22
हतेष्व् एतेषु देवेन्द्र भविष्यति महाहवः तत्र विद्धि सहस्राक्ष भारावतरणं कृतम् ॥
hateṣv eteṣu devendra bhaviṣyati mahāhavaḥ tatra viddhi sahasrākṣa bhārāvataraṇaṃ kṛtam //
"When these have been slain, O lord of the gods, there will be a great battle; know, thousand-eyed one, that therein the removal of the burden is accomplished.
AI translation rendered from the Sanskrit, not a published edition
ViP 5 12.23
स त्वं गच्छ न संतापं पुत्रार्थे कर्तुम् अर्हसि नार्जुनस्य रिपुः कश्चिन् ममाग्रे प्रभविष्यति ॥
sa tvaṃ gaccha na saṃtāpaṃ putrārthe kartum arhasi nārjunasya ripuḥ kaścin mamāgre prabhaviṣyati //
"So go; you ought not to grieve on your son's account—no enemy of Arjuna's will prevail in my presence.
AI translation rendered from the Sanskrit, not a published edition
ViP 5 12.24
अर्जुनार्थे त्व् अहं सर्वान् युधिष्ठिरपुरोगमान् निवृत्ते भारते युद्धे कुन्त्यै दास्याम्य् अविक्षतान् ॥
arjunārthe tv ahaṃ sarvān yudhiṣṭhirapurogamān nivṛtte bhārate yuddhe kuntyai dāsyāmy avikṣatān //
"For Arjuna's sake I shall give back to Kuntī all of them, headed by Yudhiṣṭhira, unwounded, when the Bhārata war has ended."
AI translation rendered from the Sanskrit, not a published edition
ViP 5 12.25
इत्य् उक्तः संपरिष्वज्य देवराजो जनार्दनम् आरुह्यैरावतं नागं पुनर् एव दिवं ययौ ॥
ity uktaḥ saṃpariṣvajya devarājo janārdanam āruhyairāvataṃ nāgaṃ punar eva divaṃ yayau //
Addressed thus, the king of the gods embraced Janārdana, and mounting the elephant Airāvata went back again to heaven.
AI translation rendered from the Sanskrit, not a published edition
ViP 5 12.26
कृष्णो ऽपि सहितो गोभिर् गोपालैश् च पुनर् व्रजम् आजगामाथ गोपीनां दृष्टिपूतेन वर्त्मना ॥
kṛṣṇo 'pi sahito gobhir gopālaiś ca punar vrajam ājagāmātha gopīnāṃ dṛṣṭipūtena vartmanā //
And Kṛṣṇa too, together with the cows and the cowherds, came back again to the cow-station, by a path made pure by the gazes of the cowherd women.
AI translation rendered from the Sanskrit, not a published edition