Vishnu Purana — Amsha 5 — Chapter 11
ViP 5 11.1
महे प्रतिहते शक्रो मैत्रेयातिरुषान्वितः संवर्तकं नाम गणं तोयदानाम् अथाब्रवीत् ॥
mahe pratihate śakro maitreyātiruṣānvitaḥ saṃvartakaṃ nāma gaṇaṃ toyadānām athābravīt //
When the festival had been thwarted, Śakra, O Maitreya, filled with extreme fury, then spoke to the class of rain-clouds called Saṃvartaka:
AI translation rendered from the Sanskrit, not a published edition
ViP 5 11.2
भो भो मेघा निशम्यैतद् वचनं वदतो मम आज्ञानन्तरम् एवाशु क्रियताम् अविचारितम् ॥
bho bho meghā niśamyaitad vacanaṃ vadato mama ājñānantaram evāśu kriyatām avicāritam //
"Ho, clouds! Having heard this speech of mine as I speak, let (my) command be carried out at once, immediately, without deliberation.
AI translation rendered from the Sanskrit, not a published edition
ViP 5 11.3
नन्दगोपः सुदुर्बुद्धिर् गोपैर् अन्यैः सहायवान् कृष्णाश्रयबलाध्मातो महभङ्गम् अचीकरत् ॥
nandagopaḥ sudurbuddhir gopair anyaiḥ sahāyavān kṛṣṇāśrayabalādhmāto mahabhaṅgam acīkarat //
Nanda the cowherd, of very evil mind, aided by the other cowherds, puffed up with the strength of his reliance on Kṛṣṇa, has caused the breaking of the festival.
AI translation rendered from the Sanskrit, not a published edition
ViP 5 11.4
आजीवो यः परस् तेषां गोपत्वस्य च कारणम् ता गावो वृष्टिपातेन पीड्यन्तां वचनान् मम ॥
ājīvo yaḥ paras teṣāṃ gopatvasya ca kāraṇam tā gāvo vṛṣṭipātena pīḍyantāṃ vacanān mama //
Those cows, which are their chief livelihood and the cause of their being cowherds — let them be afflicted by a downpour of rain, at my word.
AI translation rendered from the Sanskrit, not a published edition
ViP 5 11.5
अहम् अप्य् अद्रिशृङ्गाभं तुङ्गम् आरुह्य वारणम् साहाय्यं वः करिष्यामि वाय्वम्बूत्सर्गयोजितम् ॥
aham apy adriśṛṅgābhaṃ tuṅgam āruhya vāraṇam sāhāyyaṃ vaḥ kariṣyāmi vāyvambūtsargayojitam //
I too, mounting my lofty elephant that resembles a mountain peak, will give you assistance, joined with the release of wind and water."
AI translation rendered from the Sanskrit, not a published edition
ViP 5 11.6
इत्य् आज्ञप्ताः सुरेन्द्रेण मुमुचुस् ते बलाहकाः वातवर्षं महाभीमम् अभावाय गवां द्विज ॥
ity ājñaptāḥ surendreṇa mumucus te balāhakāḥ vātavarṣaṃ mahābhīmam abhāvāya gavāṃ dvija //
Thus commanded by the lord of the gods, those clouds let loose a most terrible wind and rain for the destruction of the cows, O brahmin.
AI translation rendered from the Sanskrit, not a published edition
ViP 5 11.7
ततः क्षणेन धरणी ककुभो ऽम्बरम् एव च एकं धारामहासारपूरणेनाभवन् मुने ॥
tataḥ kṣaṇena dharaṇī kakubho 'mbaram eva ca ekaṃ dhārāmahāsārapūraṇenābhavan mune //
Then in an instant the earth, the quarters, and the sky itself became one, O sage, through their being filled by the great torrent of streams.
AI translation rendered from the Sanskrit, not a published edition
ViP 5 11.8
विद्युल्लताकषाघातत्रस्तैर् इव घनैर् घनम् नादापूरितदिक्चक्रैर् धारासारम् अपात्यत ॥
vidyullatākaṣāghātatrastair iva ghanair ghanam nādāpūritadikcakrair dhārāsāram apātyata //
By the clouds, as if terrified by the lash-blows of the lightning-creepers, filling the circle of the directions with their roar, a dense torrent of streams was made to fall.
AI translation rendered from the Sanskrit, not a published edition
ViP 5 11.9
अन्धकारीकृते लोके वर्षद्भिर् अनिशं घनैः अधश् चोर्ध्वं च तिर्यक् च जगद् आप्यम् इवाभवत् ॥
andhakārīkṛte loke varṣadbhir aniśaṃ ghanaiḥ adhaś cordhvaṃ ca tiryak ca jagad āpyam ivābhavat //
With the world made dark by the clouds raining ceaselessly, below and above and across, the world became as if made of water.
AI translation rendered from the Sanskrit, not a published edition
ViP 5 11.10
गावस् तु तेन पतता वर्षवातेन वेगिना धूताः प्राणाञ् जहुः सन्नत्रिकसक्थिशिरोधराः ॥
gāvas tu tena patatā varṣavātena veginā dhūtāḥ prāṇāñ jahuḥ sannatrikasakthiśirodharāḥ //
And the cows, buffeted by that swift rain-wind as it fell, gave up their lives, their shoulders, thighs, and necks sunken.
AI translation rendered from the Sanskrit, not a published edition
ViP 5 11.11
क्रोडेन वत्सान् आक्रम्य तस्थुर् अन्या महामुने गावो विवत्साश् च कृता वारिपूरेण चापराः ॥
kroḍena vatsān ākramya tasthur anyā mahāmune gāvo vivatsāś ca kṛtā vāripūreṇa cāparāḥ //
Other cows stood covering their calves with their breasts, O great sage, and still others were deprived of their calves by the flood of water.
AI translation rendered from the Sanskrit, not a published edition
ViP 5 11.12
वत्साश् च दीनवदना पवनाकम्पिकन्धराः त्राहि त्राहीत्य् अल्पशब्दाः कृष्णम् ऊचुर् इवार्तकाः ॥
vatsāś ca dīnavadanā pavanākampikandharāḥ trāhi trāhīty alpaśabdāḥ kṛṣṇam ūcur ivārtakāḥ //
And the calves, with piteous faces and necks shaken by the wind, faintly bleating, seemed in their distress to say to Kṛṣṇa, "Save us, save us!"
AI translation rendered from the Sanskrit, not a published edition
ViP 5 11.13
ततस् तद् गोकुलं सर्वं गोगोपीगोपसंकुलम् अतीवार्तं हरिर् दृष्ट्वा मैत्रेयाचिन्तयत् तदा ॥
tatas tad gokulaṃ sarvaṃ gogopīgopasaṃkulam atīvārtaṃ harir dṛṣṭvā maitreyācintayat tadā //
Then, O Maitreya, Hari, seeing that whole cow-settlement, crowded with cows, cowherd-women and cowherds, exceedingly distressed, reflected:
AI translation rendered from the Sanskrit, not a published edition
ViP 5 11.14
एतत् कृतं महेन्द्रेण महभङ्गविरोधिना तद् एतद् अखिलं गोष्ठं त्रातव्यम् अधुना मया ॥
etat kṛtaṃ mahendreṇa mahabhaṅgavirodhinā tad etad akhilaṃ goṣṭhaṃ trātavyam adhunā mayā //
"This has been done by great Indra, who is hostile because of the breaking of his festival; therefore this whole cow-station must now be protected by me.
AI translation rendered from the Sanskrit, not a published edition
ViP 5 11.15
इमम् अद्रिम् अहं धैर्याद् उत्पाट्योरुशिलाघनम् धारयिष्यामि गोष्ठस्य पृथुच्छत्रम् इवोपरि ॥
imam adrim ahaṃ dhairyād utpāṭyoruśilāghanam dhārayiṣyāmi goṣṭhasya pṛthucchatram ivopari //
With resolve I will tear up this mountain, dense with huge rocks, and hold it above the cow-station like a broad umbrella."
AI translation rendered from the Sanskrit, not a published edition
ViP 5 11.16
इति कृत्वा मतिं कृष्णो गोवर्धनमहीधरम् उत्पाट्यैककरेणैव धारयाम् आस लीलया ॥
iti kṛtvā matiṃ kṛṣṇo govardhanamahīdharam utpāṭyaikakareṇaiva dhārayām āsa līlayā //
Having made up his mind thus, Kṛṣṇa tore up the mountain Govardhana and held it in play with a single hand.
AI translation rendered from the Sanskrit, not a published edition
ViP 5 11.17
गोपांश् चाह जगन्नाथः समुत्पाटितभूधरः विशध्वम् अत्र सहिताः कृतं वर्षनिवारणम् ॥
gopāṃś cāha jagannāthaḥ samutpāṭitabhūdharaḥ viśadhvam atra sahitāḥ kṛtaṃ varṣanivāraṇam //
And the Lord of the world, having torn up the mountain, said to the cowherds: "Enter here together; the warding off of the rain has been made."
AI translation rendered from the Sanskrit, not a published edition
ViP 5 11.18
सुनिवातेषु देशेषु यथाजोषम् इहास्यताम् प्रविश्यतां न भेतव्यं गिरिपातस्य निर्भयैः ॥
sunivāteṣu deśeṣu yathājoṣam ihāsyatām praviśyatāṃ na bhetavyaṃ giripātasya nirbhayaiḥ //
"Let (you) stay here at ease in these places well sheltered from the wind; let (you) enter, and there is no need to fear the mountain's falling — (be) free of fear."
AI translation rendered from the Sanskrit, not a published edition
ViP 5 11.19
इत्य् उक्तास् तेन ते गोपा विविशुर् गोधनैः सह शकटारोपितैर् भाण्डैर् गोप्यश् चासारपीडिताः ॥
ity uktās tena te gopā viviśur godhanaiḥ saha śakaṭāropitair bhāṇḍair gopyaś cāsārapīḍitāḥ //
Thus addressed by him, those cowherds entered along with their herds of cattle and their vessels loaded on carts, and the cowherd women too, tormented by the downpour.
AI translation rendered from the Sanskrit, not a published edition
ViP 5 11.20
कृष्णो ऽपि तं दधारैव शैलम् अत्यन्तनिश्चलम् व्रजौकोवासिभिर् हर्षविस्मिताक्षैर् निरीक्षितः ॥
kṛṣṇo 'pi taṃ dadhāraiva śailam atyantaniścalam vrajaukovāsibhir harṣavismitākṣair nirīkṣitaḥ //
And Kṛṣṇa held up that mountain, utterly unmoving, gazed upon by the dwellers of the cow-station with eyes (wide) in joy and astonishment.
AI translation rendered from the Sanskrit, not a published edition
ViP 5 11.21
गोपगोपीजनैर् हृष्टैः प्रीतिविस्तारितेक्षणैः संस्तूयमानचरितः कृष्णः शैलम् अधारयत् ॥
gopagopījanair hṛṣṭaiḥ prītivistāritekṣaṇaiḥ saṃstūyamānacaritaḥ kṛṣṇaḥ śailam adhārayat //
His deeds being praised by the cowherd men and women, delighted, their eyes widened with affection, Kṛṣṇa held up the mountain.
AI translation rendered from the Sanskrit, not a published edition
ViP 5 11.22
सप्तरात्रं महामेघा ववर्षुर् नन्दगोकुले इन्द्रेण चोदिता विप्र गोपानां नाशकारिणः ॥
saptarātraṃ mahāmeghā vavarṣur nandagokule indreṇa coditā vipra gopānāṃ nāśakāriṇaḥ //
For seven nights the great clouds rained upon Nanda's cow-station, urged on by Indra, O brahmin, working the destruction of the cowherds.
AI translation rendered from the Sanskrit, not a published edition
ViP 5 11.23
ततो धृते महाशैले परित्राते च गोकुले मिथ्याप्रतिज्ञो बलभिद् वारयाम् आस तान् घनान् ॥
tato dhṛte mahāśaile paritrāte ca gokule mithyāpratijño balabhid vārayām āsa tān ghanān //
Then, the great mountain being held up and the cow-station being rescued, the splitter of the strong (Indra), his resolve made false, restrained those clouds.
AI translation rendered from the Sanskrit, not a published edition
ViP 5 11.24
व्यभ्रे नभसि देवेन्द्रे वितथात्मवचस्य् अथ निष्क्रम्य गोकुलं हृष्टं स्वस्थानं पुनर् आगमत् ॥
vyabhre nabhasi devendre vitathātmavacasy atha niṣkramya gokulaṃ hṛṣṭaṃ svasthānaṃ punar āgamat //
Then, when the sky was cloudless and the lord of the gods' own word had come to nothing, the delighted cow-station came out and returned again to its own place.
AI translation rendered from the Sanskrit, not a published edition
ViP 5 11.25
मुमोच कृष्णो ऽपि तदा गोवर्धनमहाचलम् स्वस्थाने विस्मितमुखैर् दृष्टस् तैस् तु व्रजौकसैः ॥
mumoca kṛṣṇo 'pi tadā govardhanamahācalam svasthāne vismitamukhair dṛṣṭas tais tu vrajaukasaiḥ //
And then Kṛṣṇa released the great mountain Govardhana into its own place, watched by those dwellers of the cow-station with astonished faces.
AI translation rendered from the Sanskrit, not a published edition