Vishnu Purana — Amsha 5 — Chapter 1
ViP 5 1.1
नृपाणां कथितः सर्वो भवता वंशविस्तरः वंशानुचरितं चैव यथावद् अनुवर्णितम् ॥
nṛpāṇāṃ kathitaḥ sarvo bhavatā vaṃśavistaraḥ vaṃśānucaritaṃ caiva yathāvad anuvarṇitam //
You have recounted the whole extent of the lineages of kings, and the deeds within the lineages have been duly described.
AI translation rendered from the Sanskrit, not a published edition
ViP 5 1.2
अंशावतारो ब्रह्मर्षे यो ऽयं यदुकुलोद्भवः विष्णोस् तं विस्तरेणाहं श्रोतुम् इच्छाम्य् अशेषतः ॥
aṃśāvatāro brahmarṣe yo 'yaṃ yadukulodbhavaḥ viṣṇos taṃ vistareṇāhaṃ śrotum icchāmy aśeṣataḥ //
O brahman-sage, this descent by a portion of Viṣṇu, which arose in the family of Yadu — that I wish to hear in full detail, without omission.
AI translation rendered from the Sanskrit, not a published edition
ViP 5 1.3
चकार यानि कर्माणि भगवान् पुरुषोत्तमः अंशांशेनावतीर्योर्व्यां तत्र तानि मुने वद ॥
cakāra yāni karmāṇi bhagavān puruṣottamaḥ aṃśāṃśenāvatīryorvyāṃ tatra tāni mune vada //
Tell me there, O sage, the deeds which the Lord, the Supreme Person, performed after descending to the earth by a portion of a portion (of himself).
AI translation rendered from the Sanskrit, not a published edition
ViP 5 1.4
मैत्रेय श्रूयताम् एतद् यत् पृष्टो ऽहम् इह त्वया विष्णोर् अंशांशसंभूतिचरितं जगतो हितम् ॥
maitreya śrūyatām etad yat pṛṣṭo 'ham iha tvayā viṣṇor aṃśāṃśasaṃbhūticaritaṃ jagato hitam //
Maitreya, hear this, which you have asked me here: the account of the birth of a portion of a portion of Viṣṇu, which is for the good of the world.
AI translation rendered from the Sanskrit, not a published edition
ViP 5 1.5
देवकस्य सुतां पूर्वं वसुदेवो महामुने उपयेमे महाभागां देवकीं देवतोपमाम् ॥
devakasya sutāṃ pūrvaṃ vasudevo mahāmune upayeme mahābhāgāṃ devakīṃ devatopamām //
Formerly, O great sage, Vasudeva married the daughter of Devaka, the greatly fortunate Devakī, who was like a goddess.
AI translation rendered from the Sanskrit, not a published edition
ViP 5 1.6
कंसस् तयोर् वररथं चोदयाम् आस सारथिः वसुदेवस्य देवक्याः संयोगे भोजवर्धनः ॥
kaṃsas tayor vararathaṃ codayām āsa sārathiḥ vasudevasya devakyāḥ saṃyoge bhojavardhanaḥ //
Kaṃsa, the increaser of the Bhojas, acting as charioteer, drove their fine chariot at the union of Vasudeva and Devakī.
AI translation rendered from the Sanskrit, not a published edition
ViP 5 1.7
अथान्तरिक्षे वाग् उच्चैः कंसम् आभाष्य सादरम् मेघगम्भीरनिर्घोषं समाभाष्येदम् अब्रवीत् ॥
athāntarikṣe vāg uccaiḥ kaṃsam ābhāṣya sādaram meghagambhīranirghoṣaṃ samābhāṣyedam abravīt //
Then a voice in the sky, addressing Kaṃsa loudly and respectfully, with a sound deep as a cloud's, spoke thus to him.
AI translation rendered from the Sanskrit, not a published edition
ViP 5 1.8
याम् एनां वहसे मूढ सह भर्त्रा रथे स्थिताम् अस्यास् तवाष्टमो गर्भः प्राणान् अपहरिष्यति ॥
yām enāṃ vahase mūḍha saha bhartrā rathe sthitām asyās tavāṣṭamo garbhaḥ prāṇān apahariṣyati //
"This woman whom you carry, fool, seated in the chariot with her husband — her eighth conception will take away your life."
AI translation rendered from the Sanskrit, not a published edition
ViP 5 1.9
इत्य् आकर्ण्य समादाय खड्गं कंसो महाबलः देवकीं हन्तुम् आरब्धो वसुदेवो ऽब्रवीद् इदम् ॥
ity ākarṇya samādāya khaḍgaṃ kaṃso mahābalaḥ devakīṃ hantum ārabdho vasudevo 'bravīd idam //
Hearing this, the mighty Kaṃsa took up his sword and set about killing Devakī, (but) Vasudeva said this:
AI translation rendered from the Sanskrit, not a published edition
ViP 5 1.10
न हन्तव्या महाभाग देवकी भवता तव समर्पयिष्ये सकलान् गर्भान् अस्याउदरोद्भवान् ॥
na hantavyā mahābhāga devakī bhavatā tava samarpayiṣye sakalān garbhān asyāudarodbhavān //
"Devakī must not be killed by you, greatly fortunate one; I shall hand over to you all the offspring born of her womb."
AI translation rendered from the Sanskrit, not a published edition
ViP 5 1.11
तथेत्य् आह च तं कंसो वसुदेवं द्विजोत्तम न घातयाम् आस च तां देवकीं तस्य गौरवात् ॥
tathety āha ca taṃ kaṃso vasudevaṃ dvijottama na ghātayām āsa ca tāṃ devakīṃ tasya gauravāt //
And Kaṃsa said "So be it" to that Vasudeva, O best of brahmans, and out of regard for him did not have Devakī killed.
AI translation rendered from the Sanskrit, not a published edition
ViP 5 1.12
एतस्मिन्न् एव काले तु भूरिभारावपीडिता जगाम धरणी मेरौ समाजे त्रिदिवौकसाम् ॥
etasminn eva kāle tu bhūribhārāvapīḍitā jagāma dharaṇī merau samāje tridivaukasām //
At just this time, the Earth, oppressed by a heavy burden, went to Meru, to the assembly of the dwellers of heaven.
AI translation rendered from the Sanskrit, not a published edition
ViP 5 1.13
सब्रह्मकान् सुरान् सर्वान् प्रणिपत्याथ मेदिनी कथयाम् आस तत् सर्वं खेदात् करुणभाषिणी ॥
sabrahmakān surān sarvān praṇipatyātha medinī kathayām āsa tat sarvaṃ khedāt karuṇabhāṣiṇī //
Then the Earth, bowing to all the gods together with Brahmā, related all that, speaking piteously out of distress.
AI translation rendered from the Sanskrit, not a published edition
ViP 5 1.14
अग्निः सुवर्णस्य गुरुर् गवां सूर्यः परो गुरुः ममाप्य् अखिललोकानां गुरुर् नारायणो गुरुः ॥
agniḥ suvarṇasya gurur gavāṃ sūryaḥ paro guruḥ mamāpy akhilalokānāṃ gurur nārāyaṇo guruḥ //
"Fire is the guru of gold, the Sun the supreme guru of cattle, and my guru too, the guru of all the worlds, is Nārāyaṇa.
AI translation rendered from the Sanskrit, not a published edition
ViP 5 1.15
प्रजापतिपतिर् ब्रह्मा पूर्वेषाम् अपि पूर्वजः कलाकाष्ठानिमेषात्मा कालश् चाव्यक्तमूर्तिमान् ॥
prajāpatipatir brahmā pūrveṣām api pūrvajaḥ kalākāṣṭhānimeṣātmā kālaś cāvyaktamūrtimān //
Brahmā, the lord of the Prajāpatis, born before even the ancients, and Time, whose essence is the kalā, the kāṣṭhā and the instant, having an unmanifest form —
AI translation rendered from the Sanskrit, not a published edition
ViP 5 1.16
तदंशभूतः सर्वेषां समूहो वः सुरोत्तमाः ॥
tadaṃśabhūtaḥ sarveṣāṃ samūho vaḥ surottamāḥ //
the whole collection of you all, O best of gods, is a portion of him.
AI translation rendered from the Sanskrit, not a published edition
ViP 5 1.17
आदित्या मरुतः साध्या रुद्रा वस्वश्विवह्नयः पितरो ये च लोकानां स्रष्टारो ऽत्रिपुरोगमाः ॥
ādityā marutaḥ sādhyā rudrā vasvaśvivahnayaḥ pitaro ye ca lokānāṃ sraṣṭāro 'tripurogamāḥ //
The Ādityas, the Maruts, the Sādhyas, the Rudras, the Vasus, the Aśvins, the fires, and the fathers, and those creators of the worlds headed by Atri —
AI translation rendered from the Sanskrit, not a published edition
ViP 5 1.18
एतत् तस्याप्रमेयस्य रूपं विष्णोर् महात्मनः ॥
etat tasyāprameyasya rūpaṃ viṣṇor mahātmanaḥ //
this is the form of that immeasurable, great-souled Viṣṇu.
AI translation rendered from the Sanskrit, not a published edition
ViP 5 1.19
यक्षराक्षसदैतेया पिशाचोरगदानवाः गन्धर्वाप्सरसश् चैव रूपं विष्णोर् महात्मनः ॥
yakṣarākṣasadaiteyā piśācoragadānavāḥ gandharvāpsarasaś caiva rūpaṃ viṣṇor mahātmanaḥ //
The Yakṣas, Rākṣasas, sons of Diti, Piśācas, serpents, Dānavas, and the Gandharvas and Apsarases — (all this is) the form of great-souled Viṣṇu.
AI translation rendered from the Sanskrit, not a published edition
ViP 5 1.20
ग्रहर्क्षतारकाचित्रगगनाग्निजलानिलाः अहं च विषयाश् चैतत् सर्वं विष्णुमयं जगत् ॥
graharkṣatārakācitragaganāgnijalānilāḥ ahaṃ ca viṣayāś caitat sarvaṃ viṣṇumayaṃ jagat //
The planets, the lunar mansions, the stars, the variegated sky, fire, water and wind, and I myself, and the objects of sense — all this world is made of Viṣṇu.
AI translation rendered from the Sanskrit, not a published edition
ViP 5 1.21
तथाप्य् अनेकरूपस्य तस्य रूपाण्य् अहर्निशम् बाध्यबाधकतां यान्ति कल्लोला इव सागरे ॥
tathāpy anekarūpasya tasya rūpāṇy aharniśam bādhyabādhakatāṃ yānti kallolā iva sāgare //
Yet even so, the forms of him who has many forms come, day and night, into the relation of oppressor and oppressed, like waves in the ocean.
AI translation rendered from the Sanskrit, not a published edition
ViP 5 1.22
तत्साम्प्रतम् इमे दैत्याः कालनेमिपुरोगमाः मर्त्यलोकं समाक्रम्य बाधन्ते ऽहर्निशं प्रजाः ॥
tatsāmpratam ime daityāḥ kālanemipurogamāḥ martyalokaṃ samākramya bādhante 'harniśaṃ prajāḥ //
So now these Daityas, with Kālanemi at their head, having overrun the world of mortals, afflict its creatures day and night.
AI translation rendered from the Sanskrit, not a published edition
ViP 5 1.23
कालनेमिर् हतो यो ऽसौ विष्णुना प्रभविष्णुना उग्रसेनसुतः कंसः संभूतः स महासुरः ॥
kālanemir hato yo 'sau viṣṇunā prabhaviṣṇunā ugrasenasutaḥ kaṃsaḥ saṃbhūtaḥ sa mahāsuraḥ //
That Kālanemi who was slain by Viṣṇu, the mighty lord — that great Asura has been born (again) as Kaṃsa, the son of Ugrasena.
AI translation rendered from the Sanskrit, not a published edition
ViP 5 1.24
अरिष्टो धेनुकः केशी प्रलम्बो नरकस् तथा सुन्दो ऽसुरस् तथात्युग्रो बाणश् चापि बलेः सुतः ॥
ariṣṭo dhenukaḥ keśī pralambo narakas tathā sundo 'suras tathātyugro bāṇaś cāpi baleḥ sutaḥ //
Ariṣṭa, Dhenuka, Keśī, Pralamba, and Naraka, the Asura Sunda, and likewise the exceedingly fierce Bāṇa, son of Bali,
AI translation rendered from the Sanskrit, not a published edition
ViP 5 1.25
तथान्ये च महावीर्या नृपाणां भवनेषु ये समुत्पन्ना दुरात्मानस् तान् न संख्यातुम् उत्सहे ॥
tathānye ca mahāvīryā nṛpāṇāṃ bhavaneṣu ye samutpannā durātmānas tān na saṃkhyātum utsahe //
and other evil-souled ones of great might who have been born in the houses of kings — these I cannot venture to count.
AI translation rendered from the Sanskrit, not a published edition
ViP 5 1.26
अक्षौहिण्यो ऽत्र बहुला दिव्यमूर्तिधराः सुराः महाबलानां दृप्तानां दैत्येन्द्राणां ममोपरि ॥
akṣauhiṇyo 'tra bahulā divyamūrtidharāḥ surāḥ mahābalānāṃ dṛptānāṃ daityendrāṇāṃ mamopari //
Here upon me, O gods, are many armies (akṣauhiṇīs) of the greatly powerful and arrogant lords of the Daityas, wearing divine forms.
AI translation rendered from the Sanskrit, not a published edition
ViP 5 1.27
तद्भूरिभारपीडार्ता न शक्नोम्य् अमरेश्वराः बिभर्तुम् आत्मानम् अहम् इति विज्ञापयामि वः ॥
tadbhūribhārapīḍārtā na śaknomy amareśvarāḥ bibhartum ātmānam aham iti vijñāpayāmi vaḥ //
Pained by the affliction of that great weight, O lords of the immortals, I am unable to bear myself up — this I make known to you.
AI translation rendered from the Sanskrit, not a published edition
ViP 5 1.28
क्रियतां तन् महाभागा मम भारावतारणम् यथा रसातलं नाहं गच्छेयम् अतिविह्वला ॥
kriyatāṃ tan mahābhāgā mama bhārāvatāraṇam yathā rasātalaṃ nāhaṃ gaccheyam ativihvalā //
Therefore, O greatly fortunate ones, let a lightening of my burden be brought about, so that I, utterly overwhelmed, may not sink to Rasātala.
AI translation rendered from the Sanskrit, not a published edition
ViP 5 1.29
इत्य् आकर्ण्य धरावाक्यम् अशेषं त्रिदशैस् ततः भुवो भारावतारार्थं ब्रह्मा प्राह प्रचोदितः ॥
ity ākarṇya dharāvākyam aśeṣaṃ tridaśais tataḥ bhuvo bhārāvatārārthaṃ brahmā prāha pracoditaḥ //
Having heard the Earth's speech in full, Brahmā, then urged on by the thirty (gods), spoke, for the sake of lifting the earth's burden.
AI translation rendered from the Sanskrit, not a published edition
ViP 5 1.30
यथाह वसुधा सर्वं सत्यम् एतद् दिवौकसः अहं भवो भवन्तश् च सर्वं नारायणात्मकम् ॥
yathāha vasudhā sarvaṃ satyam etad divaukasaḥ ahaṃ bhavo bhavantaś ca sarvaṃ nārāyaṇātmakam //
O dwellers in heaven, all that the Earth says is true; I, Bhava, and you yourselves — everything has Nārāyaṇa as its self.
AI translation rendered from the Sanskrit, not a published edition
ViP 5 1.31
विभूतयस् तु यास् तस्य तासाम् एव परस्परम् आधिक्यन्यूनता बाध्यबाधकत्वेन वर्तते ॥
vibhūtayas tu yās tasya tāsām eva parasparam ādhikyanyūnatā bādhyabādhakatvena vartate //
But as for his manifest powers, among these very ones there exists mutual excess and deficiency, by way of being oppressed and oppressing.
AI translation rendered from the Sanskrit, not a published edition
ViP 5 1.32
तद् आगच्छत गच्छामः क्षीराब्धेस् तटम् उत्तरम् तत्राराध्य हरिं तस्मै सर्वं विज्ञापयाम वै ॥
tad āgacchata gacchāmaḥ kṣīrābdhes taṭam uttaram tatrārādhya hariṃ tasmai sarvaṃ vijñāpayāma vai //
So come, let us go to the northern shore of the ocean of milk; there, having propitiated Hari, let us make all this known to him.
AI translation rendered from the Sanskrit, not a published edition
ViP 5 1.33
सर्वदैव जगत्य् अर्थे स सर्वात्मा जगन्मयः स्वल्पांशेनावतीर्योर्व्यां धर्मस्य कुरुते स्थितिम् ॥
sarvadaiva jagaty arthe sa sarvātmā jaganmayaḥ svalpāṃśenāvatīryorvyāṃ dharmasya kurute sthitim //
Always, for the sake of the world, he, the self of all, who consists of the world, descends to the earth with a small portion (of himself) and establishes dharma.
AI translation rendered from the Sanskrit, not a published edition
ViP 5 1.34
इत्य् उक्त्वा प्रययौ तत्र सह देवैः पितामहः समाहितमतिश् चैनं तुष्टाव गरुडध्वजम् ॥
ity uktvā prayayau tatra saha devaiḥ pitāmahaḥ samāhitamatiś cainaṃ tuṣṭāva garuḍadhvajam //
Having said this, the Grandfather went there together with the gods, and with concentrated mind praised him whose banner is Garuḍa.
AI translation rendered from the Sanskrit, not a published edition
ViP 5 1.35
द्वे विद्ये त्वम् अनाम्नाय परा चैवापरा तथा त एव भवतो रूपे मूर्तामूर्तात्मिके प्रभो ॥
dve vidye tvam anāmnāya parā caivāparā tathā ta eva bhavato rūpe mūrtāmūrtātmike prabho //
You are the two knowledges, the higher and the lower likewise, O you who are not (to be reached by) tradition; these very two are your forms, having form and formless, O Lord.
AI translation rendered from the Sanskrit, not a published edition — the model flagged this verse as uncertain
ViP 5 1.36
द्वे ब्रह्मणी त्व् अणीयो ऽतिस्थूलात्मन् सर्वसर्ववित् शब्दब्रह्मपरं चैव ब्रह्म ब्रह्ममयस्य यत् ॥
dve brahmaṇī tv aṇīyo 'tisthūlātman sarvasarvavit śabdabrahmaparaṃ caiva brahma brahmamayasya yat //
And (you are) the two brahmans, O you whose self is subtler than the subtle and exceedingly gross, O all-knower of all: the word-brahman and the supreme brahman, which belong to you who consist of brahman.
AI translation rendered from the Sanskrit, not a published edition — the model flagged this verse as uncertain
ViP 5 1.37
ऋग्वेदस् त्वं यजुर्वेदः सामवेदस् त्व् अथर्व च शिक्षा कल्पो निरुक्तं च छन्दो ज्योतिषम् एव च ॥
ṛgvedas tvaṃ yajurvedaḥ sāmavedas tv atharva ca śikṣā kalpo niruktaṃ ca chando jyotiṣam eva ca //
You are the Ṛgveda, the Yajurveda, the Sāmaveda and the Atharva(veda); phonetics, ritual, etymology, metre, and astronomy as well.
AI translation rendered from the Sanskrit, not a published edition
ViP 5 1.38
इतिहासपुराणे च तथा व्याकरणं प्रभो मीमांसा न्यायिकं तद्वद् धर्मशास्त्राण्य् अधोक्षज ॥
itihāsapurāṇe ca tathā vyākaraṇaṃ prabho mīmāṃsā nyāyikaṃ tadvad dharmaśāstrāṇy adhokṣaja //
And epic and Purāṇa, and likewise grammar, O Lord; Mīmāṃsā and the science of logic, and so too the treatises on dharma, O Adhokṣaja.
AI translation rendered from the Sanskrit, not a published edition
ViP 5 1.39
आत्मात्मदेहगुणवद्विचाराचारि यद् वचः तद् अप्य् आद्यपते नान्यद् अध्यात्मात्मस्वरूपवत् ॥
ātmātmadehaguṇavadvicārācāri yad vacaḥ tad apy ādyapate nānyad adhyātmātmasvarūpavat //
Whatever speech proceeds by inquiry into the self, the body of the self, and the qualities, that too, O primal lord, is nothing other (than you), since it has the nature of the inner self.
AI translation rendered from the Sanskrit, not a published edition — the model flagged this verse as uncertain
ViP 5 1.40
त्वम् अव्यक्तम् अनिर्देश्यम् अचिन्त्यानामवर्णवत् अपाणिपादरूपं च विष्णुर् नित्यं परात् परम् ॥
tvam avyaktam anirdeśyam acintyānāmavarṇavat apāṇipādarūpaṃ ca viṣṇur nityaṃ parāt param //
You are the unmanifest, the indefinable, beyond thought, without name and without colour, without the form of hands and feet — Vishnu, eternal, higher than the highest.
AI translation rendered from the Sanskrit, not a published edition
ViP 5 1.41
शृणोष्य् अकर्णः परिपश्यसि त्वम् अचक्षुर् एको बहुरूपरूपः अपादहस्तो जवनो ग्रहीता त्वं वेत्सि सर्वं न च सर्ववेद्यः ॥
śṛṇoṣy akarṇaḥ paripaśyasi tvam acakṣur eko bahurūparūpaḥ apādahasto javano grahītā tvaṃ vetsi sarvaṃ na ca sarvavedyaḥ //
You hear without ears, you see all around without eyes; one, you are of many forms; without feet and hands, you are swift and you grasp; you know everything, and you are not known by all.
AI translation rendered from the Sanskrit, not a published edition
ViP 5 1.42
अणोर् अणीयांसम् असत्स्वरूपं त्वां पश्यतो ऽज्ञाननिवृत्तिर् अग्र्या धीर् अस्य धीर्यस्य बिभर्ति नान्यद् वरेण्यरूपात् परतः परात्मन् ॥
aṇor aṇīyāṃsam asatsvarūpaṃ tvāṃ paśyato 'jñānanivṛttir agryā dhīr asya dhīryasya bibharti nānyad vareṇyarūpāt parataḥ parātman //
For one who sees you, smaller than the smallest, whose nature is not (mere) being, the removal of ignorance is foremost; the mind of this (man) holds no other than the most excellent form (as) higher than the highest, O supreme Self.
AI translation rendered from the Sanskrit, not a published edition — the model flagged this verse as uncertain
ViP 5 1.43
त्वं विश्वम् आदिर् भुवनस्य गोप्ता सर्वाणि भूतानि तवान्तराणि यद् भूतभव्यं तद् अणोर् अणीयः पुमांस् त्वम् एकः प्रकृतेः परस्तात् ॥
tvaṃ viśvam ādir bhuvanasya goptā sarvāṇi bhūtāni tavāntarāṇi yad bhūtabhavyaṃ tad aṇor aṇīyaḥ pumāṃs tvam ekaḥ prakṛteḥ parastāt //
You are the universe, the beginning, the protector of the world; all beings are within you; what has been and what will be, that is smaller than the smallest; you alone are the Person beyond primordial nature.
AI translation rendered from the Sanskrit, not a published edition
ViP 5 1.44
एकश् चतुर्धा भगवान् हुताशो वर्चोविभूतिं जगतो ददाति त्वं विश्वतश् चक्षुर् अनन्तमूर्ते त्रेधा पदं त्वं निदधे विधातः ॥
ekaś caturdhā bhagavān hutāśo varcovibhūtiṃ jagato dadāti tvaṃ viśvataś cakṣur anantamūrte tredhā padaṃ tvaṃ nidadhe vidhātaḥ //
The Lord fire, being one, fourfold, gives the world the abundance of splendour; you, O one of endless form, are the eye (turned) in every direction; you, O ordainer, set down your step threefold.
AI translation rendered from the Sanskrit, not a published edition
ViP 5 1.45
यथाग्निर् एको बहुधा समिध्यते विकारभेदैर् अविकाररूपः तथा भवान् सर्वगतैकरूपो रूपाण्य् अनेकान्य् अनुपुष्यतीशः ॥
yathāgnir eko bahudhā samidhyate vikārabhedair avikārarūpaḥ tathā bhavān sarvagataikarūpo rūpāṇy anekāny anupuṣyatīśaḥ //
Just as fire, though one, is kindled in many ways by the differences of its modifications while itself unchanging in form, so you, O Lord, being of one form and present everywhere, nourish many forms.
AI translation rendered from the Sanskrit, not a published edition
ViP 5 1.46
एकस् त्वम् अग्र्यं परमं पदं यत् पश्यन्ति त्वां सूरयो ज्ञानदृश्यम् त्वत्तो नान्यत् किंचिद् अस्ति स्वरूपं यद् वा भूतं यच् च भव्यं परात्मन् ॥
ekas tvam agryaṃ paramaṃ padaṃ yat paśyanti tvāṃ sūrayo jñānadṛśyam tvatto nānyat kiṃcid asti svarūpaṃ yad vā bhūtaṃ yac ca bhavyaṃ parātman //
You are one; you are that foremost, supreme abode which the wise see, (you who are) to be seen by knowledge; there exists no other reality apart from you, neither what has been nor what will be, O supreme Self.
AI translation rendered from the Sanskrit, not a published edition
ViP 5 1.47
व्यक्ताव्यक्तस्वरूपस् त्वं समष्टिव्यष्टिरूपवान् सर्वज्ञः सर्वदृक् सर्वशक्तिज्ञानबलर्द्धिमान् ॥
vyaktāvyaktasvarūpas tvaṃ samaṣṭivyaṣṭirūpavān sarvajñaḥ sarvadṛk sarvaśaktijñānabalarddhimān //
You are of manifest and unmanifest nature, possessed of collective and individual forms, all-knowing, all-seeing, endowed with all power, knowledge, strength and prosperity.
AI translation rendered from the Sanskrit, not a published edition
ViP 5 1.48
अन्यूनश् चाप्य् अवृद्धिश् च स्वाधीनो ऽनादिमान् वशी क्लमतन्द्रीभयक्रोधकामादिभिर् असंयुतः ॥
anyūnaś cāpy avṛddhiś ca svādhīno 'nādimān vaśī klamatandrībhayakrodhakāmādibhir asaṃyutaḥ //
Not deficient and not subject to increase, self-dependent, without beginning, master (of yourself), unconnected with weariness, sloth, fear, anger, desire and the rest.
AI translation rendered from the Sanskrit, not a published edition
ViP 5 1.49
निरवद्यः परः शान्तो निरधिष्ठो ऽक्षरः क्रमः सर्वेश्वर पराधार धाम्नां धामात्मको ऽक्षयः ॥
niravadyaḥ paraḥ śānto niradhiṣṭho 'kṣaraḥ kramaḥ sarveśvara parādhāra dhāmnāṃ dhāmātmako 'kṣayaḥ //
Blameless, supreme, tranquil, having no substrate, imperishable, (you are) the ordered course; O lord of all, supreme support, you are the abode of abodes, undecaying.
AI translation rendered from the Sanskrit, not a published edition
ViP 5 1.50
सकलावरणातीत निरालम्बनभावन महाविभूतिसंस्थान नमस् ते पुरुषोत्तम ॥
sakalāvaraṇātīta nirālambanabhāvana mahāvibhūtisaṃsthāna namas te puruṣottama //
O you who are beyond all coverings, whose being requires no support, who abide in great majesty — homage to you, highest Person.
AI translation rendered from the Sanskrit, not a published edition
ViP 5 1.51
नाकारणात् कारणाद् वा कारणाकारणान् न च शरीरग्रहणं व्यापिन् धर्मत्राणाय ते परम् ॥
nākāraṇāt kāraṇād vā kāraṇākāraṇān na ca śarīragrahaṇaṃ vyāpin dharmatrāṇāya te param //
Your taking on a body is not from a cause, nor from no cause, nor from what is both cause and non-cause: it is, O all-pervading one, for the supreme protection of dharma.
AI translation rendered from the Sanskrit, not a published edition — the model flagged this verse as uncertain
ViP 5 1.52
इत्य् एवं संस्तवं श्रुत्वा मनसा भगवान् अजः ब्रह्माणम् आह विश्वात्मा विश्वरूपधरो हरिः ॥
ity evaṃ saṃstavaṃ śrutvā manasā bhagavān ajaḥ brahmāṇam āha viśvātmā viśvarūpadharo hariḥ //
Having heard this praise, the Lord, the unborn, the Self of all, Hari, bearing the universal form, spoke to Brahmā in his mind.
AI translation rendered from the Sanskrit, not a published edition
ViP 5 1.53
भो भो ब्रह्मंस् त्वया मत्तः सह देवैर् यद् इष्यते तद् उच्यताम् अशेषं च सिद्धम् एवावधार्यताम् ॥
bho bho brahmaṃs tvayā mattaḥ saha devair yad iṣyate tad ucyatām aśeṣaṃ ca siddham evāvadhāryatām //
"Ho, ho, Brahmā! Whatever is desired by you together with the gods from me, let it be said; and let it be regarded as wholly accomplished already."
AI translation rendered from the Sanskrit, not a published edition
ViP 5 1.54
ततो ब्रह्मा हरेर् दिव्यं विश्वरूपं समीक्ष्य तत् तुष्टाव भूयो देवेषु साध्वसावनतात्मसु ॥
tato brahmā harer divyaṃ viśvarūpaṃ samīkṣya tat tuṣṭāva bhūyo deveṣu sādhvasāvanatātmasu //
Then Brahmā, beholding that divine universal form of Hari, praised (him) again, while the gods bowed down in awe.
AI translation rendered from the Sanskrit, not a published edition
ViP 5 1.55
नमो नमस् ते ऽस्तु सहस्रमूर्ते सहस्रबाहो बहुवक्त्रपाद नमो नमस् ते जगतः प्रवृत्ति विनाशसंस्थानकराप्रमेय ॥
namo namas te 'stu sahasramūrte sahasrabāho bahuvaktrapāda namo namas te jagataḥ pravṛtti vināśasaṃsthānakarāprameya //
Homage, homage be to you of a thousand forms, thousand arms, many mouths and feet; homage, homage to you, O immeasurable one, who bring about the origination, destruction and continuance of the world.
AI translation rendered from the Sanskrit, not a published edition
ViP 5 1.56
सूक्ष्मातिसूक्ष्मातिबृहत्प्रमाण गरीयसाम् अप्य् अतिगौरवात्मन् प्रधानबुद्धीन्द्रियवत्प्रधान मूलात् परात्मन् भगवन् प्रसीद ॥
sūkṣmātisūkṣmātibṛhatpramāṇa garīyasām apy atigauravātman pradhānabuddhīndriyavatpradhāna mūlāt parātman bhagavan prasīda //
O you whose measure is subtler than the subtle and vaster than the vast, whose self is weightier even than the weighty, O chief one possessed of primal matter, intellect and senses, O Self beyond the root (of things), O Lord, be gracious.
AI translation rendered from the Sanskrit, not a published edition — the model flagged this verse as uncertain
ViP 5 1.57
एषा मही देव महीप्रसूतैर् महासुरैः पीडितशैलबन्धा परायणं त्वां जगताम् उपैति भारावतारार्थम् अपारपारम् ॥
eṣā mahī deva mahīprasūtair mahāsuraiḥ pīḍitaśailabandhā parāyaṇaṃ tvāṃ jagatām upaiti bhārāvatārārtham apārapāram //
This earth, O god, oppressed by the great demons born on earth, her mountains bound (or: her mountain-ranges crushed), comes to you, the ultimate resort of the worlds, the shore beyond which there is no shore, for the sake of removing her burden.
AI translation rendered from the Sanskrit, not a published edition — the model flagged this verse as uncertain
ViP 5 1.58
एते वयं वृत्ररिपुस् तथायं नासत्यदस्रौ वरुणस् तथैषः इमे च रुद्रा वसवः ससूर्याः समीरणाग्निप्रमुखास् तथान्ये ॥
ete vayaṃ vṛtraripus tathāyaṃ nāsatyadasrau varuṇas tathaiṣaḥ ime ca rudrā vasavaḥ sasūryāḥ samīraṇāgnipramukhās tathānye //
Here are we, and this enemy of Vṛtra (Indra), the two Nāsatyas (Aśvins), and this Varuṇa, and these Rudras, the Vasus with the Sun, and others headed by Wind and Fire,
AI translation rendered from the Sanskrit, not a published edition
ViP 5 1.59
सुराः समस्ताः सुरनाथ कार्यम् एभिर् मया यच् च तद् ईश सर्वम् आज्ञापयाज्ञां परिपालयन्तस् तथैव तिष्ठाम सदास्तदोषाः ॥
surāḥ samastāḥ suranātha kāryam ebhir mayā yac ca tad īśa sarvam ājñāpayājñāṃ paripālayantas tathaiva tiṣṭhāma sadāstadoṣāḥ //
and all the gods, O lord of the gods: whatever is to be done by these and by me, O Lord, command it all; guarding your command, we shall stand thus, always free from fault.
AI translation rendered from the Sanskrit, not a published edition
ViP 5 1.60
एवं संस्तूयमानस् तु भगवान् परमेश्वरः उज्जहारात्मनः केशौ सितकृष्णौ महामुने ॥
evaṃ saṃstūyamānas tu bhagavān parameśvaraḥ ujjahārātmanaḥ keśau sitakṛṣṇau mahāmune //
Thus being praised, the Lord, the supreme ruler, plucked out two hairs of his own, one white and one black, O great sage.
AI translation rendered from the Sanskrit, not a published edition
ViP 5 1.61
उवाच च सुरान् एतौ मत्केशौ वसुधातले अवतीर्य भुवो भारक्लेशहानिं करिष्यतः ॥
uvāca ca surān etau matkeśau vasudhātale avatīrya bhuvo bhārakleśahāniṃ kariṣyataḥ //
And he said to the gods: "These two hairs of mine, descending to the surface of the earth, will bring about the removal of the earth's burden and distress.
AI translation rendered from the Sanskrit, not a published edition
ViP 5 1.62
सुराश् च सकलाः स्वांशैर् अवतीर्य महीतले कुर्वन्तु युद्धम् उन्मत्तैः पूर्वोत्पन्नैर् महासुरैः ॥
surāś ca sakalāḥ svāṃśair avatīrya mahītale kurvantu yuddham unmattaiḥ pūrvotpannair mahāsuraiḥ //
And let all the gods descend to the earth with their own portions and make war with the frenzied great asuras who were born before.
AI translation rendered from the Sanskrit, not a published edition
ViP 5 1.63
ततः क्षयम् अशेषास् ते दैतेया धरणीतले प्रयास्यन्ति न संदेहो मद्दृक्पातविचूर्णिताः ॥
tataḥ kṣayam aśeṣās te daiteyā dharaṇītale prayāsyanti na saṃdeho maddṛkpātavicūrṇitāḥ //
Then all those Daityas, without exception, will go to destruction on the surface of the earth, crushed by the fall of my glance — there is no doubt.
AI translation rendered from the Sanskrit, not a published edition
ViP 5 1.64
वसुदेवस्य या पत्नी देवकी देवतोपमा तस्यायम् अष्टमो गर्भो मत्केशो भविता सुराः ॥
vasudevasya yā patnī devakī devatopamā tasyāyam aṣṭamo garbho matkeśo bhavitā surāḥ //
She who is Vasudeva's wife, Devakī, like a goddess — this hair of mine, O gods, shall become her eighth conception.
AI translation rendered from the Sanskrit, not a published edition
ViP 5 1.65
अवतीर्य च तत्रायं कंसं घातयिता भुवि कालनेमिं समुद्भूतम् इत्य् उक्त्वान्तर्दधे हरिः ॥
avatīrya ca tatrāyaṃ kaṃsaṃ ghātayitā bhuvi kālanemiṃ samudbhūtam ity uktvāntardadhe hariḥ //
And having descended there, he shall slay on earth Kaṃsa, who has arisen (as) Kālanemi." Having spoken thus, Hari vanished.
AI translation rendered from the Sanskrit, not a published edition
ViP 5 1.66
अदृश्याय ततस् ते ऽपि प्रणिपत्य महात्मने मेरुपृष्ठं सुरा जग्मुर् अवतेरुश् च भूतले ॥
adṛśyāya tatas te 'pi praṇipatya mahātmane merupṛṣṭhaṃ surā jagmur avateruś ca bhūtale //
Then they too, having bowed down to the great-souled one now unseen, the gods went to the summit of Meru and descended to the earth.
AI translation rendered from the Sanskrit, not a published edition
ViP 5 1.67
कंसाय चाष्टमे गर्भे देवक्यां धरणीधरः भविष्यतीत्य् आचचक्षे भगवान् नारदो मुनिः ॥
kaṃsāya cāṣṭame garbhe devakyāṃ dharaṇīdharaḥ bhaviṣyatīty ācacakṣe bhagavān nārado muniḥ //
And the venerable sage Nārada declared to Kaṃsa that the upholder of the earth would come to be in Devakī as her eighth conception.
AI translation rendered from the Sanskrit, not a published edition
ViP 5 1.68
कंसो ऽपि तद् उपश्रुत्य नारदात् कुपितस् ततः देवकीं वसुदेवं च गृहे गुप्ताव् अधारयत् ॥
kaṃso 'pi tad upaśrutya nāradāt kupitas tataḥ devakīṃ vasudevaṃ ca gṛhe guptāv adhārayat //
And Kaṃsa, hearing that from Nārada, then in anger kept Devakī and Vasudeva confined under guard in a house.
AI translation rendered from the Sanskrit, not a published edition
ViP 5 1.69
जातं जातं च कंसाय तेनैवोक्तं यथा पुरा तथैव वसुदेवो ऽपि पुत्रम् अर्पितवान् द्विज ॥
jātaṃ jātaṃ ca kaṃsāya tenaivoktaṃ yathā purā tathaiva vasudevo 'pi putram arpitavān dvija //
And each son as he was born Vasudeva handed over to Kaṃsa, just as had been agreed with him beforehand, O twice-born one.
AI translation rendered from the Sanskrit, not a published edition
ViP 5 1.70
हिरण्यकशिपोः पुत्राः षड्गर्भा इति विश्रुताः विष्णुप्रयुक्ता तान् निद्रा क्रमाद् गर्भे न्ययोजयत् ॥
hiraṇyakaśipoḥ putrāḥ ṣaḍgarbhā iti viśrutāḥ viṣṇuprayuktā tān nidrā kramād garbhe nyayojayat //
The sons of Hiraṇyakaśipu, well known as the "Six Embryos" — Sleep, employed by Viṣṇu, placed them one after another in the womb.
AI translation rendered from the Sanskrit, not a published edition
ViP 5 1.71
योगनिद्रा महामाया वैष्णवी मोहितं यया अविद्यया जगत् सर्वं ताम् आह भगवान् हरिः ॥
yoganidrā mahāmāyā vaiṣṇavī mohitaṃ yayā avidyayā jagat sarvaṃ tām āha bhagavān hariḥ //
Yoganidrā, the great illusion, belonging to Viṣṇu, by whose ignorance the whole world is deluded — to her the Lord Hari said:
AI translation rendered from the Sanskrit, not a published edition
ViP 5 1.72
निद्रे गच्छ ममादेशात् पातालतलसंश्रयान् एकैकश्येन षड् गर्भान् देवकीजठरं नय ॥
nidre gaccha mamādeśāt pātālatalasaṃśrayān ekaikaśyena ṣaḍ garbhān devakījaṭharaṃ naya //
"Sleep, go by my command; bring the six embryos, which dwell in the depths of Pātāla, one by one to Devakī's womb.
AI translation rendered from the Sanskrit, not a published edition
ViP 5 1.73
हतेषु तेषु कंसेन शेषाख्यो ऽंशस् ततो मम अंशांशेनोदरे तस्याः सप्तमः संभविष्यति ॥
hateṣu teṣu kaṃsena śeṣākhyo 'ṃśas tato mama aṃśāṃśenodare tasyāḥ saptamaḥ saṃbhaviṣyati //
When these have been killed by Kaṃsa, then my portion called Śeṣa shall come into being as the seventh in her womb, by a portion of a portion (of me).
AI translation rendered from the Sanskrit, not a published edition
ViP 5 1.74
गोकुले वसुदेवस्य भार्यान्या रोहिणी स्थिता तस्याः स संभूतिसमं देवि नेयस् त्वयोदरम् ॥
gokule vasudevasya bhāryānyā rohiṇī sthitā tasyāḥ sa saṃbhūtisamaṃ devi neyas tvayodaram //
In Gokula another wife of Vasudeva, Rohiṇī, is staying; to her womb, O goddess, he is to be conveyed by you at the very moment of his coming into being.
AI translation rendered from the Sanskrit, not a published edition
ViP 5 1.75
सप्तमो भोजराजस्य भयाद् रोधोपरोधतः देवक्याः पतितो गर्भ इति लोको वदिष्यति ॥
saptamo bhojarājasya bhayād rodhoparodhataḥ devakyāḥ patito garbha iti loko vadiṣyati //
People will say: "The seventh embryo of Devakī has miscarried, out of fear of the Bhoja king, because of the confinement and obstruction."
AI translation rendered from the Sanskrit, not a published edition
ViP 5 1.76
गर्भसंकर्षणात् सो ऽथ लोके संकर्षणेति वै संज्ञाम् अवाप्स्यते वीरः श्वेताद्रिशिखरोपमः ॥
garbhasaṃkarṣaṇāt so 'tha loke saṃkarṣaṇeti vai saṃjñām avāpsyate vīraḥ śvetādriśikharopamaḥ //
Then, because of the dragging away of the embryo, that hero, like the peak of the white mountain, shall obtain in the world the name Saṃkarṣaṇa.
AI translation rendered from the Sanskrit, not a published edition
ViP 5 1.77
ततो ऽहं संभविष्यामि देवकीजठरे शुभे गर्भे त्वया यशोदाया गन्तव्यम् अविलम्बितम् ॥
tato 'haṃ saṃbhaviṣyāmi devakījaṭhare śubhe garbhe tvayā yaśodāyā gantavyam avilambitam //
After that I shall come into being in the auspicious womb of Devakī; and you must go without delay into the womb of Yaśodā.
AI translation rendered from the Sanskrit, not a published edition
ViP 5 1.78
प्रावृट्काले च नभसि कृष्णाष्टम्याम् अहं निशि उत्पत्स्यामि नवम्यां च प्रसूतिं त्वम् अवाप्स्यसि ॥
prāvṛṭkāle ca nabhasi kṛṣṇāṣṭamyām ahaṃ niśi utpatsyāmi navamyāṃ ca prasūtiṃ tvam avāpsyasi //
And in the rainy season, in the month of Nabhas, on the eighth of the dark fortnight, I shall be born at night; and on the ninth you will give birth.
AI translation rendered from the Sanskrit, not a published edition
ViP 5 1.79
यशोदाशयने मां तु देवक्यास् त्वाम् अनिन्दिते मच्छक्तिप्रेरितमतिर् वसुदेवो नयिष्यति ॥
yaśodāśayane māṃ tu devakyās tvām anindite macchaktipreritamatir vasudevo nayiṣyati //
But Vasudeva, his mind impelled by my power, will carry me to Yaśodā's bed and you, O blameless one, to Devakī's.
AI translation rendered from the Sanskrit, not a published edition
ViP 5 1.80
कंसश् च त्वाम् उपादाय देवि शैलशिलातले प्रक्षेप्स्यत्य् अन्तरिक्षे च त्वं स्थानं समवाप्स्यसि ॥
kaṃsaś ca tvām upādāya devi śailaśilātale prakṣepsyaty antarikṣe ca tvaṃ sthānaṃ samavāpsyasi //
And Kaṃsa, O goddess, will take you up and hurl you on a rock-slab of the mountain, and you will attain your station in the sky.
AI translation rendered from the Sanskrit, not a published edition
ViP 5 1.81
ततस् त्वां शतदृक् छक्रः प्रणम्य मम गौरवात् प्रणिपातानतशिरा भगिनीत्वे ग्रहीष्यति ॥
tatas tvāṃ śatadṛk chakraḥ praṇamya mama gauravāt praṇipātānataśirā bhaginītve grahīṣyati //
Then Śakra of the hundred eyes, out of reverence for me, bowing to you with his head lowered in prostration, will accept you as his sister.
AI translation rendered from the Sanskrit, not a published edition
ViP 5 1.82
ततः शुम्भनिशुम्भादीन् हत्वा दैत्यान् सहस्रशः स्थानैर् अनेकैः पृथिवीम् अशेषां मण्डयिष्यसि ॥
tataḥ śumbhaniśumbhādīn hatvā daityān sahasraśaḥ sthānair anekaiḥ pṛthivīm aśeṣāṃ maṇḍayiṣyasi //
Then, having slain Śumbha, Niśumbha and the other Daityas by the thousands, you will adorn the whole earth with your many shrines.
AI translation rendered from the Sanskrit, not a published edition
ViP 5 1.83
त्वं भूतिः सन्नतिः कीर्तिः क्षान्तिर् द्यौः पृथिवी धृतिः लज्जा पुष्टिर् उषा या च काचिद् अन्या त्वम् एव सा ॥
tvaṃ bhūtiḥ sannatiḥ kīrtiḥ kṣāntir dyauḥ pṛthivī dhṛtiḥ lajjā puṣṭir uṣā yā ca kācid anyā tvam eva sā //
You are prosperity, humility, fame, patience, heaven, earth, firmness, modesty, nourishment, dawn — and whatever else there is, that too is you alone.
AI translation rendered from the Sanskrit, not a published edition
ViP 5 1.84
ये त्वाम् आर्येति दुर्गेति वेदगर्भे ऽम्बिकेति च भद्रेति भद्रकालीति क्षेम्या क्षेमकरीति च ॥
ye tvām āryeti durgeti vedagarbhe 'mbiketi ca bhadreti bhadrakālīti kṣemyā kṣemakarīti ca //
Those who (praise) you as Āryā, as Durgā, as Vedagarbhā, as Ambikā, as Bhadrā, as Bhadrakālī, as Kṣemyā and as Kṣemakarī —
AI translation rendered from the Sanskrit, not a published edition
ViP 5 1.85
प्रातश् चैवापराह्णे च स्तोष्यन्त्य् आनम्रमूर्तयः तेषां हि प्रार्थितं सर्वं मत्प्रसादाद् भविष्यति ॥
prātaś caivāparāhṇe ca stoṣyanty ānamramūrtayaḥ teṣāṃ hi prārthitaṃ sarvaṃ matprasādād bhaviṣyati //
— at morning and in the afternoon will praise (you) with their bodies bowed low: for them everything prayed for will come to be by my grace.
AI translation rendered from the Sanskrit, not a published edition
ViP 5 1.86
सुरामांसोपहारैस् तु भक्ष्यभोज्यैश् च पूजिता नॄणाम् अशेषकामांस् त्वं प्रसन्ना संप्रदास्यसि ॥
surāmāṃsopahārais tu bhakṣyabhojyaiś ca pūjitā nṝṇām aśeṣakāmāṃs tvaṃ prasannā saṃpradāsyasi //
And, worshipped with offerings of liquor and meat and with foods to chew and to eat, you, being pleased, will grant men all their desires without exception.
AI translation rendered from the Sanskrit, not a published edition
ViP 5 1.87
ते सर्वे सर्वदा भद्रे मत्प्रसादाद् असंशयम् असंदिग्धा भविष्यन्ति गच्छ देवि यथोदितम् ॥
te sarve sarvadā bhadre matprasādād asaṃśayam asaṃdigdhā bhaviṣyanti gaccha devi yathoditam //
All of them, always, O gracious one, by my grace, will without doubt be free of doubt. Go, O goddess, as has been said.
AI translation rendered from the Sanskrit, not a published edition