Vishnu Purana — Amsha 4 — Chapter 10
ViP 4 10.13
न जातु कामः कामानाम् उपभोगेन शाम्यति हविषा कृष्णवर्त्मेव भूय एवाभिवर्धते ॥
na jātu kāmaḥ kāmānām upabhogena śāmyati haviṣā kṛṣṇavartmeva bhūya evābhivardhate //
Desire never subsides by the enjoyment of desired things; like fire with an oblation, it only grows the more.
AI translation rendered from the Sanskrit, not a published edition
ViP 4 10.14
यत् पृथिव्यां व्रीहियवं हिरण्यं पशवः स्त्रियः एकस्यापि न पर्याप्तं तस्मात् तृष्णां परित्यजेत् ॥
yat pṛthivyāṃ vrīhiyavaṃ hiraṇyaṃ paśavaḥ striyaḥ ekasyāpi na paryāptaṃ tasmāt tṛṣṇāṃ parityajet //
Whatever rice and barley, gold, cattle and women there are on earth, it is not enough even for one; therefore one should abandon craving.
AI translation rendered from the Sanskrit, not a published edition
ViP 4 10.15
यदा न कुरुते भावं सर्वभूतेषु पापकम् समदृष्टेस् तदा पुंसः सर्वाः सुखमया दिशः ॥
yadā na kurute bhāvaṃ sarvabhūteṣu pāpakam samadṛṣṭes tadā puṃsaḥ sarvāḥ sukhamayā diśaḥ //
When a man forms no evil intention towards all beings, then for that man of equal vision all the quarters are full of happiness.
AI translation rendered from the Sanskrit, not a published edition
ViP 4 10.16
या दुस्त्यजा दुर्मतिभिर् या न जीर्यति जीर्यतः तां तृष्णां संत्यजेत् प्राज्ञः सुखेनैवाभिपूर्यते ॥
yā dustyajā durmatibhir yā na jīryati jīryataḥ tāṃ tṛṣṇāṃ saṃtyajet prājñaḥ sukhenaivābhipūryate //
That which is hard for the dull-witted to give up, that which does not age as one ages — that craving the wise man should renounce; he is thereby filled with happiness.
AI translation rendered from the Sanskrit, not a published edition
ViP 4 10.17
जीर्यन्ति जीर्यतः केशा दन्ता जीर्यन्ति जीर्यतः धनाशा जीविताशा च जीर्यतो ऽपि न जीर्यतः ॥
jīryanti jīryataḥ keśā dantā jīryanti jīryataḥ dhanāśā jīvitāśā ca jīryato 'pi na jīryataḥ //
As one ages the hair ages, as one ages the teeth age; but the hope for wealth and the hope for life do not age even in one who is aging.
AI translation rendered from the Sanskrit, not a published edition
ViP 4 10.18
पूर्णं वर्षसहस्रं मे विषयासक्तचेतसः तथाप्य् अनुदिनं तृष्णा ममैतेष्व् एव जायते ॥
pūrṇaṃ varṣasahasraṃ me viṣayāsaktacetasaḥ tathāpy anudinaṃ tṛṣṇā mamaiteṣv eva jāyate //
A full thousand years have passed for me with my mind attached to the objects of sense; yet day after day craving for these very things arises in me.
AI translation rendered from the Sanskrit, not a published edition
ViP 4 10.19
तस्माद् एताम् अहं त्यक्त्वा ब्रह्मण्य् आधाय मानसम् निर्द्वन्द्वो निर्ममो भूत्वा चरिष्यामि मृगैः सह ॥
tasmād etām ahaṃ tyaktvā brahmaṇy ādhāya mānasam nirdvandvo nirmamo bhūtvā cariṣyāmi mṛgaiḥ saha //
Therefore, abandoning this (craving) and fixing my mind on brahman, I shall wander with the deer, free of the pairs of opposites and free of the sense of mine.
AI translation rendered from the Sanskrit, not a published edition
ViP 4 10.20
पूरोः सकाशाद् आदाय जरां दत्त्वा च यौवनम् राज्ये ऽभिषिच्य पूरुं च प्रययौ तपसे वनम् ॥
pūroḥ sakāśād ādāya jarāṃ dattvā ca yauvanam rājye 'bhiṣicya pūruṃ ca prayayau tapase vanam //
Having taken old age from Pūru and given him youth, and having consecrated Pūru in the kingship, he went to the forest for ascetic practice.
AI translation rendered from the Sanskrit, not a published edition
ViP 4 10.21
दिशि दक्षिणपूर्वायां तुर्वसुं प्रत्य् अथादिशत् प्रतीच्यां च तथा द्रुह्युं दक्षिणायां ततो यदुम् ॥
diśi dakṣiṇapūrvāyāṃ turvasuṃ praty athādiśat pratīcyāṃ ca tathā druhyuṃ dakṣiṇāyāṃ tato yadum //
He then assigned Turvasu to the south-east quarter, and Druhyu to the west, and then Yadu to the south,
AI translation rendered from the Sanskrit, not a published edition
ViP 4 10.22
उदीच्यां च तथैवानुं कृत्वा मण्डलिनो नृपान् सर्वपृथ्वीपतिं पूरुं सो ऽभिषिच्य ययौ वनम् ॥
udīcyāṃ ca tathaivānuṃ kṛtvā maṇḍalino nṛpān sarvapṛthvīpatiṃ pūruṃ so 'bhiṣicya yayau vanam //
and likewise Anu to the north; having made (these) kings rulers of (their) territories, he consecrated Pūru as lord of the whole earth and went to the forest.
AI translation rendered from the Sanskrit, not a published edition