Vishnu Purana — Amsha 3 — Chapter 9
ViP 3 9.1
बालः कृतोपनयनो वेदाहरणतत्परः गुरुगेहे वसेद् भूप ब्रह्मचारी समाहितः ॥
bālaḥ kṛtopanayano vedāharaṇatatparaḥ gurugehe vased bhūpa brahmacārī samāhitaḥ //
A boy whose initiation has been performed, intent on acquiring the Veda, should dwell in his teacher's house, O king, as a celibate student, with concentrated mind.
AI translation rendered from the Sanskrit, not a published edition
ViP 3 9.2
शौचाचारवता तत्र कार्यं शुश्रूषणं गुरोः व्रतानि चरता ग्राह्यो वेदश् च कृतबुद्धिना ॥
śaucācāravatā tatra kāryaṃ śuśrūṣaṇaṃ guroḥ vratāni caratā grāhyo vedaś ca kṛtabuddhinā //
There, being possessed of purity and good conduct, he should render service to the teacher; and while observing the vows, with a disciplined mind, he should receive the Veda.
AI translation rendered from the Sanskrit, not a published edition
ViP 3 9.3
उभे संध्ये रविं भूप तथैवाग्निं समाहितः उपतिष्ठेत् तथा कुर्याद् गुरोर् अप्य् अभिवादनम् ॥
ubhe saṃdhye raviṃ bhūpa tathaivāgniṃ samāhitaḥ upatiṣṭhet tathā kuryād guror apy abhivādanam //
At both twilights, O king, he should attend upon the sun and likewise the fire, with collected mind; and he should also make salutation to the teacher.
AI translation rendered from the Sanskrit, not a published edition
ViP 3 9.4
स्थिते तिष्ठेद् व्रजेद् याते नीचैर् आसीत चासति शिष्यो गुरौ नृपश्रेष्ठ प्रतिकूलं न संचरेत् ॥
sthite tiṣṭhed vrajed yāte nīcair āsīta cāsati śiṣyo gurau nṛpaśreṣṭha pratikūlaṃ na saṃcaret //
When the teacher stands, the pupil should stand; when he goes, he should go; when he is seated, he should sit lower down; O best of kings, he should not behave contrary (to him).
AI translation rendered from the Sanskrit, not a published edition
ViP 3 9.5
तेनैवोक्तः पठेद् वेदं नान्यचित्तः पुरः स्थितः अनुज्ञातश् च भिक्षान्नम् अश्नीयाद् गुरुणा ततः ॥
tenaivoktaḥ paṭhed vedaṃ nānyacittaḥ puraḥ sthitaḥ anujñātaś ca bhikṣānnam aśnīyād guruṇā tataḥ //
Bidden by him alone, he should recite the Veda, standing before (him), his mind not elsewhere; and, permitted by the teacher, he should then eat the food obtained by begging.
AI translation rendered from the Sanskrit, not a published edition
ViP 3 9.6
अवगाहेद् अपः पूर्वम् आचार्येणावगाहिताः समिज्जलादिकं चास्य काल्यं काल्यम् उपानयेत् ॥
avagāhed apaḥ pūrvam ācāryeṇāvagāhitāḥ samijjalādikaṃ cāsya kālyaṃ kālyam upānayet //
He should bathe in waters previously bathed in by the teacher, and every morning he should fetch for him firewood, water, and the rest.
AI translation rendered from the Sanskrit, not a published edition
ViP 3 9.7
गृहीतग्राह्यवेदश् च ततो ऽनुज्ञाम् अवाप्य वै गार्हस्थ्यम् आवसेत् प्राज्ञो निष्पन्नगुरुनिष्कृतिः ॥
gṛhītagrāhyavedaś ca tato 'nujñām avāpya vai gārhasthyam āvaset prājño niṣpannaguruniṣkṛtiḥ //
And when he has received the Veda that is to be received, then, having obtained permission, the wise man, his obligation to the teacher discharged, should take up the householder's state.
AI translation rendered from the Sanskrit, not a published edition
ViP 3 9.8
विधिनावाप्तदारस् तु धनं प्राप्य स्वकर्मणा गृहस्थकार्यम् अखिलं कुर्याद् भूपाल शक्तितः ॥
vidhināvāptadāras tu dhanaṃ prāpya svakarmaṇā gṛhasthakāryam akhilaṃ kuryād bhūpāla śaktitaḥ //
Having obtained a wife according to rule and wealth by his own occupation, he should perform the whole duty of a householder, O king, according to his ability.
AI translation rendered from the Sanskrit, not a published edition
ViP 3 9.9
निवापेन पितॄन् अर्चेद् यज्ञैर् देवांस् तथातिथीन् अन्नैर् मुनींश् च स्वाध्यायैर् अपत्येन प्रजापतिम् ॥
nivāpena pitṝn arced yajñair devāṃs tathātithīn annair munīṃś ca svādhyāyair apatyena prajāpatim //
With the offering of food he should honour the fathers, with sacrifices the gods, and likewise guests with food, the sages with recitation of scripture, and Prajāpati with offspring.
AI translation rendered from the Sanskrit, not a published edition
ViP 3 9.10
बलिकर्मणा च भूतानि वात्सल्येनाखिलं जगत् प्राप्नोति लोकान् पुरुषो निजकर्मसमार्जितान् ॥
balikarmaṇā ca bhūtāni vātsalyenākhilaṃ jagat prāpnoti lokān puruṣo nijakarmasamārjitān //
And with the rite of the bali offering the (elemental) beings, and with affection the whole world: (thus) a man attains the worlds earned by his own actions.
AI translation rendered from the Sanskrit, not a published edition
ViP 3 9.11
भिक्षाभुजश् च ये केचित् परिव्राड्ब्रह्मचारिणः ते ऽप्य् अत्रैव प्रतिष्ठन्ते गार्हस्थ्यं तेन वै परम् ॥
bhikṣābhujaś ca ye kecit parivrāḍbrahmacāriṇaḥ te 'py atraiva pratiṣṭhante gārhasthyaṃ tena vai param //
And whatever eaters of alms there are, wandering ascetics and students of sacred lore, they too are established upon this very (state); therefore the householder's state is the highest.
AI translation rendered from the Sanskrit, not a published edition
ViP 3 9.12
वेदाहरणकार्येण तीर्थस्नानाय च प्रभो अटन्ति वसुधां विप्राः पृथिवीदर्शनाय च ॥
vedāharaṇakāryeṇa tīrthasnānāya ca prabho aṭanti vasudhāṃ viprāḥ pṛthivīdarśanāya ca //
For the task of acquiring the Veda and for bathing at holy fords, O lord, and to see the earth, brahmins wander over the world.
AI translation rendered from the Sanskrit, not a published edition
ViP 3 9.13
अनिकेता ह्य् अनाहारा यत्रसायंगृहास् तु ये तेषां गृहस्थः सर्वेषां प्रतिष्ठा योनिर् एव च ॥
aniketā hy anāhārā yatrasāyaṃgṛhās tu ye teṣāṃ gṛhasthaḥ sarveṣāṃ pratiṣṭhā yonir eva ca //
For those who are homeless, without stored food, whose dwelling is wherever evening finds them — for all of them the householder is the support and indeed the source.
AI translation rendered from the Sanskrit, not a published edition
ViP 3 9.14
तेषां स्वागतदानादि वक्तव्यं मधुरं नृप गृहागतानां दद्याच् च शयनासनभोजनम् ॥
teṣāṃ svāgatadānādi vaktavyaṃ madhuraṃ nṛpa gṛhāgatānāṃ dadyāc ca śayanāsanabhojanam //
To them, when they come to the house, a welcome and the like, sweetly spoken, should be offered, O king; and he should give a bed, a seat, and food.
AI translation rendered from the Sanskrit, not a published edition
ViP 3 9.15
अतिथिर् यस्य भग्नाशो गृहात् प्रतिनिवर्तते स दत्त्वा दुष्कृतं तस्मै पुण्यम् आदाय गच्छति ॥
atithir yasya bhagnāśo gṛhāt pratinivartate sa dattvā duṣkṛtaṃ tasmai puṇyam ādāya gacchati //
The guest who turns back from a house with his hope broken goes away, having given his own evil deed to (the householder) and taken (his) merit.
AI translation rendered from the Sanskrit, not a published edition
ViP 3 9.16
अवज्ञानम् अहंकारो दम्भश् चैव गृहे सतः परितापोपघातौ च पारुष्यं च न शस्यते ॥
avajñānam ahaṃkāro dambhaś caiva gṛhe sataḥ paritāpopaghātau ca pāruṣyaṃ ca na śasyate //
Contempt, egoism, and hypocrisy in the house of a good man, and the causing of distress and injury, and harshness — these are not commended.
AI translation rendered from the Sanskrit, not a published edition
ViP 3 9.17
यस् तु सम्यक् करोत्य् एवं गृहस्थः परमं विधिम् सर्वबन्धविमुक्तो ऽसौ लोकान् आप्नोत्य् अनुत्तमान् ॥
yas tu samyak karoty evaṃ gṛhasthaḥ paramaṃ vidhim sarvabandhavimukto 'sau lokān āpnoty anuttamān //
But the householder who thus rightly carries out the supreme ordinance, he, freed from all bonds, attains the most excellent worlds.
AI translation rendered from the Sanskrit, not a published edition
ViP 3 9.18
वयःपरिणतौ राजन् कृतकृत्यो गृहाश्रमी पुत्रेषु भार्यां निक्षिप्य वनं गच्छेत् सहैव वा ॥
vayaḥpariṇatau rājan kṛtakṛtyo gṛhāśramī putreṣu bhāryāṃ nikṣipya vanaṃ gacchet sahaiva vā //
When his age has ripened, O king, the householder, having done what was to be done, should entrust his wife to his sons and go to the forest, or else go together (with her).
AI translation rendered from the Sanskrit, not a published edition
ViP 3 9.19
पर्णमूलफलाहारः केशश्मश्रुजटाधरः भूमिशायी भवेत् तत्र मुनिः सर्वातिथिर् नृप ॥
parṇamūlaphalāhāraḥ keśaśmaśrujaṭādharaḥ bhūmiśāyī bhavet tatra muniḥ sarvātithir nṛpa //
Living on leaves, roots, and fruits, wearing his hair, beard, and matted locks, sleeping on the ground, there he should become a sage, a host to all, O king.
AI translation rendered from the Sanskrit, not a published edition
ViP 3 9.20
चर्मकाशकुशैः कुर्यात् परिधानोत्तरीयके तद्वत् त्रिषवणं स्नानं शस्तम् अस्य नरेश्वर ॥
carmakāśakuśaiḥ kuryāt paridhānottarīyake tadvat triṣavaṇaṃ snānaṃ śastam asya nareśvara //
He should make his lower garment and upper garment from skins, kāśa and kuśa grass; likewise bathing three times a day is enjoined for him, O lord of men.
AI translation rendered from the Sanskrit, not a published edition
ViP 3 9.21
देवताभ्यर्चनं होमः सर्वाभ्यागतपूजनम् भिक्षाबलिप्रदानं च शस्तम् अस्य नरेश्वर ॥
devatābhyarcanaṃ homaḥ sarvābhyāgatapūjanam bhikṣābalipradānaṃ ca śastam asya nareśvara //
Worship of the deities, the fire oblation, honouring of all who come, and the giving of alms and bali offerings — this is enjoined for him, O lord of men.
AI translation rendered from the Sanskrit, not a published edition
ViP 3 9.22
वन्यस्नेहेन गात्राणाम् अभ्यङ्गश् चास्य शस्यते तपस्यतश् च राजेन्द्र शीतोष्णादिसहिष्णुता ॥
vanyasnehena gātrāṇām abhyaṅgaś cāsya śasyate tapasyataś ca rājendra śītoṣṇādisahiṣṇutā //
And anointing of the limbs with forest-derived oil is commended for him; and for one practising austerity, O lord of kings, endurance of cold, heat and the rest (is commended).
AI translation rendered from the Sanskrit, not a published edition
ViP 3 9.23
यस् त्व् एतां नियतश् चर्यां वानप्रस्थश् चरेन् मुनिः स दहत्य् अग्निवद् दोषाञ् जयेल् लोकांश् च शाश्वतान् ॥
yas tv etāṃ niyataś caryāṃ vānaprasthaś caren muniḥ sa dahaty agnivad doṣāñ jayel lokāṃś ca śāśvatān //
But the forest-dwelling sage who, self-restrained, follows this course of conduct burns up his faults as fire does, and wins the everlasting worlds.
AI translation rendered from the Sanskrit, not a published edition
ViP 3 9.24
चतुर्थश् चाश्रमो भिक्षोः प्रोच्यते यो मनीषिभिः तस्य स्वरूपं गदतो मम श्रोतुं नृपार्हसि ॥
caturthaś cāśramo bhikṣoḥ procyate yo manīṣibhiḥ tasya svarūpaṃ gadato mama śrotuṃ nṛpārhasi //
And there is the fourth stage of life, that of the mendicant, which is proclaimed by the wise; you should hear from me, O king, as I describe its nature.
AI translation rendered from the Sanskrit, not a published edition
ViP 3 9.25
पुत्रद्रव्यकलत्रेषु त्यक्तस्नेहो नराधिप चतुर्थम् आश्रमस्थानं गच्छेन् निर्धूतमत्सरः ॥
putradravyakalatreṣu tyaktasneho narādhipa caturtham āśramasthānaṃ gacchen nirdhūtamatsaraḥ //
Having given up attachment to sons, property and wife, O ruler of men, he should go to the place of the fourth stage of life, his envy shaken off.
AI translation rendered from the Sanskrit, not a published edition
ViP 3 9.26
त्रैवर्गिकांस् त्यजेत् सर्वान् आरम्भान् अवनीपते मित्रादिषु समो मैत्रः समस्तेष्व् एव जन्तुषु ॥
traivargikāṃs tyajet sarvān ārambhān avanīpate mitrādiṣu samo maitraḥ samasteṣv eva jantuṣu //
He should abandon all undertakings belonging to the three aims (of life), O lord of the earth, being the same toward friends and the rest, friendly toward all living beings alike.
AI translation rendered from the Sanskrit, not a published edition
ViP 3 9.27
जरायुजाण्डजादीनां वाङ्मनःकर्मभिः क्वचित् युक्तः कुर्वीत न द्रोहं सर्वसङ्गांश् च वर्जयेत् ॥
jarāyujāṇḍajādīnāṃ vāṅmanaḥkarmabhiḥ kvacit yuktaḥ kurvīta na drohaṃ sarvasaṅgāṃś ca varjayet //
Intent (on this), he should never by speech, mind or deed do harm to the womb-born, the egg-born and the rest, and he should avoid all attachments.
AI translation rendered from the Sanskrit, not a published edition
ViP 3 9.28
एकरात्रस्थितिर् ग्रामे पञ्चरात्रस्थितिः पुरे तथा तिष्ठेद् यथा प्रीतिर् द्वेषो वा नास्य जायते ॥
ekarātrasthitir grāme pañcarātrasthitiḥ pure tathā tiṣṭhed yathā prītir dveṣo vā nāsya jāyate //
A stay of one night in a village, a stay of five nights in a town; and he should stay in such a way that neither fondness nor aversion arises in him.
AI translation rendered from the Sanskrit, not a published edition
ViP 3 9.29
प्राणयात्रानिमित्तं च व्यङ्गारे भुक्तवज्जने काले प्रशस्तवर्णानां भिक्षार्थं पर्यटेद् गृहान् ॥
prāṇayātrānimittaṃ ca vyaṅgāre bhuktavajjane kāle praśastavarṇānāṃ bhikṣārthaṃ paryaṭed gṛhān //
And for the sake of sustaining life, when the coals are extinguished and the people have eaten, at the (proper) time he should wander among the houses of the approved classes for the sake of alms.
AI translation rendered from the Sanskrit, not a published edition
ViP 3 9.30
कामः क्रोधस् तथा दर्पमोहलोभादयश् च ये तांस् तु दोषान् परित्यज्य परिव्राड् निर्ममो भवेत् ॥
kāmaḥ krodhas tathā darpamohalobhādayaś ca ye tāṃs tu doṣān parityajya parivrāḍ nirmamo bhavet //
Desire, anger, and likewise pride, delusion, greed and the rest—abandoning these faults, the wandering ascetic should become free of the sense of 'mine'.
AI translation rendered from the Sanskrit, not a published edition
ViP 3 9.31
अभयं सर्वभूतेभ्यो दत्त्वा यश् चरते मुनिः न तस्य सर्वभूतेभ्यो भयम् उत्पद्यते क्वचित् ॥
abhayaṃ sarvabhūtebhyo dattvā yaś carate muniḥ na tasya sarvabhūtebhyo bhayam utpadyate kvacit //
The sage who wanders having given freedom from fear to all beings—for him no fear ever arises from any beings.
AI translation rendered from the Sanskrit, not a published edition
ViP 3 9.32
कृत्वाग्निहोत्रं स्वशरीरसंस्थं शारीरम् अग्निं स्वमुखे जुहोति विप्रस् तु भिक्षोपगतैर् हविर्भिश् चिताग्निना स व्रजति स्म लोकान् ॥
kṛtvāgnihotraṃ svaśarīrasaṃsthaṃ śārīram agniṃ svamukhe juhoti vipras tu bhikṣopagatair havirbhiś citāgninā sa vrajati sma lokān //
Having made the fire-offering to rest within his own body, the brahmin offers the bodily fire into his own mouth with oblations obtained by begging; by that fire so gathered he goes to the (higher) worlds.
AI translation rendered from the Sanskrit, not a published edition
ViP 3 9.33
मोक्षाश्रमं यश् चरते यथोक्तं शुचिः स्वसंकल्पितबुद्धियुक्तः अनिन्धनं ज्योतिर् इव प्रशान्तः स ब्रह्मलोकं श्रयते द्विजातिः ॥
mokṣāśramaṃ yaś carate yathoktaṃ śuciḥ svasaṃkalpitabuddhiyuktaḥ anindhanaṃ jyotir iva praśāntaḥ sa brahmalokaṃ śrayate dvijātiḥ //
The twice-born who, pure, follows the stage of liberation as prescribed, joined with a mind resolved upon itself, at peace like a flame without fuel—he attains the world of Brahmā.
AI translation rendered from the Sanskrit, not a published edition