Vishnu Purana — Amsha 3 — Chapter 7
ViP 3 7.1
यथावत् कथितं सर्वं यत् पृष्टो ऽसि मया गुरो श्रोतुम् इच्छाम्य् अहं त्व् एकं तद् भवान् प्रब्रवीतु मे ॥
yathāvat kathitaṃ sarvaṃ yat pṛṣṭo 'si mayā guro śrotum icchāmy ahaṃ tv ekaṃ tad bhavān prabravītu me //
All that I asked has been duly related, O teacher; but there is one thing I wish to hear — let your honour tell me that.
AI translation rendered from the Sanskrit, not a published edition
ViP 3 7.2
सप्तद्वीपानि पातालवीथ्यश् च सुमहामुने सप्त लोकाश् च ये ऽन्तःस्था ब्रह्माण्डस्यास्य सर्वतः ॥
saptadvīpāni pātālavīthyaś ca sumahāmune sapta lokāś ca ye 'ntaḥsthā brahmāṇḍasyāsya sarvataḥ //
(You have described) the seven continents and the tracts of the netherworlds, O very great sage, and the seven worlds that lie within this cosmic egg of Brahmā, on all sides.
AI translation rendered from the Sanskrit, not a published edition
ViP 3 7.3
स्थूलैः सूक्ष्मैस् तथासूक्ष्मैः सूक्ष्मात् सूक्ष्मतरैस् तथा स्थूलैः स्थूलतरैश् चैतत् सर्वं प्राणिभिर् आवृतम् ॥
sthūlaiḥ sūkṣmais tathāsūkṣmaiḥ sūkṣmāt sūkṣmatarais tathā sthūlaiḥ sthūlataraiś caitat sarvaṃ prāṇibhir āvṛtam //
And all this is filled with living beings — gross ones and subtle, and (still more) subtle, and subtler than the subtle, and gross and grosser than the gross.
AI translation rendered from the Sanskrit, not a published edition
ViP 3 7.4
अङ्गुलस्याष्टभागो ऽपि न सो ऽस्ति मुनिसत्तम न सन्ति प्राणिनो यत्र कर्मबन्धनिबन्धनाः ॥
aṅgulasyāṣṭabhāgo 'pi na so 'sti munisattama na santi prāṇino yatra karmabandhanibandhanāḥ //
There is not even an eighth part of a finger's breadth, O best of sages, where there are not living beings bound fast by the bondage of their deeds.
AI translation rendered from the Sanskrit, not a published edition
ViP 3 7.5
सर्वे चैते वशं यान्ति यमस्य भगवन् किल आयुषो ऽन्ते ततो यान्ति यातनास् तत्प्रचोदिताः ॥
sarve caite vaśaṃ yānti yamasya bhagavan kila āyuṣo 'nte tato yānti yātanās tatpracoditāḥ //
And all these, O blessed one, surely come under the power of Yama; then, at the end of their lifespan, driven by him, they go to the torments.
AI translation rendered from the Sanskrit, not a published edition
ViP 3 7.6
यातनाभ्यः परिभ्रष्टा देवाद्यास्व् अथ योनिषु जन्तवः परिवर्तन्ते शास्त्राणाम् एष निर्णयः ॥
yātanābhyaḥ paribhraṣṭā devādyāsv atha yoniṣu jantavaḥ parivartante śāstrāṇām eṣa nirṇayaḥ //
And then, released from the torments, creatures revolve through births among gods and the rest — this is the settled conclusion of the scriptures.
AI translation rendered from the Sanskrit, not a published edition
ViP 3 7.7
सो ऽहम् इच्छामि तच् छ्रोतुं यमस्य वशवर्तिनः न भवन्ति नरा येन तत् कर्म कथयामलम् ॥
so 'ham icchāmi tac chrotuṃ yamasya vaśavartinaḥ na bhavanti narā yena tat karma kathayāmalam //
So I wish to hear that spotless deed by which men do not fall under Yama's sway — tell (me) it.
AI translation rendered from the Sanskrit, not a published edition
ViP 3 7.8
अयम् एव मुने प्रश्नो नकुलेन महात्मना पृष्टः पितामहः प्राह भीष्मो यत् तच् छृणुष्व मे ॥
ayam eva mune praśno nakulena mahātmanā pṛṣṭaḥ pitāmahaḥ prāha bhīṣmo yat tac chṛṇuṣva me //
This very question, O sage, was asked by the great-souled Nakula, and grandfather Bhīṣma answered it; hear that from me.
AI translation rendered from the Sanskrit, not a published edition
ViP 3 7.9
पुरा ममागतो वत्स सखा कालिङ्गको द्विजः माम् उवाच स पृष्टो वै मया जातिस्मरो मुनिः ॥
purā mamāgato vatsa sakhā kāliṅgako dvijaḥ mām uvāca sa pṛṣṭo vai mayā jātismaro muniḥ //
"Long ago, my child, a friend of mine came, a brahmin from Kaliṅga; and when I asked him, that sage, who remembered his (former) births, spoke to me.
AI translation rendered from the Sanskrit, not a published edition
ViP 3 7.10
तेनाख्यातम् इदं चेदम् इत्थं चैतद् भविष्यति तथा च तद् अभूद् वत्स यथोक्तं तेन धीमता ॥
tenākhyātam idaṃ cedam itthaṃ caitad bhaviṣyati tathā ca tad abhūd vatsa yathoktaṃ tena dhīmatā //
He declared: this and this (is so), and this will be thus; and it came about just so, my child, as that wise man had said.
AI translation rendered from the Sanskrit, not a published edition
ViP 3 7.11
स पृष्टश् च मया भूयः श्रद्दधानेन वै द्विजः यद् यद् आह न तद् दृष्टम् अन्यथा हि मया क्वचित् ॥
sa pṛṣṭaś ca mayā bhūyaḥ śraddadhānena vai dvijaḥ yad yad āha na tad dṛṣṭam anyathā hi mayā kvacit //
And that brahmin was asked by me again, with faith; and whatever he said, I never anywhere found it to be otherwise.
AI translation rendered from the Sanskrit, not a published edition
ViP 3 7.12
एकदा तु मया पृष्टम् यद् एतद् भवतोदितम् प्राह कालिङ्गको विप्रः स्मृत्वा तस्य मुनेर् वचः ॥
ekadā tu mayā pṛṣṭam yad etad bhavatoditam prāha kāliṅgako vipraḥ smṛtvā tasya muner vacaḥ //
Once I asked him just what your honour has now asked, and the brahmin of Kaliṅga spoke, recalling the words of that (other) sage:
AI translation rendered from the Sanskrit, not a published edition
ViP 3 7.13
जातिस्मरेण कथितं रहस्यं परमं मम यमकिंकरयोर् यो ऽभूत् संवादस् तं ब्रवीमि ते ॥
jātismareṇa kathitaṃ rahasyaṃ paramaṃ mama yamakiṃkarayor yo 'bhūt saṃvādas taṃ bravīmi te //
'A supreme secret was told to me by one who remembered his births: the conversation that took place between Yama and his servant — that I tell you.
AI translation rendered from the Sanskrit, not a published edition
ViP 3 7.14
स्वपुरुषम् अभिवीक्ष्य पाशहस्तं वदति यमः किल तस्य कर्णमूले परिहर मधुसूदनप्रपन्नान् प्रभुर् अहम् अन्यनृणां न वैष्णवानाम् ॥
svapuruṣam abhivīkṣya pāśahastaṃ vadati yamaḥ kila tasya karṇamūle parihara madhusūdanaprapannān prabhur aham anyanṛṇāṃ na vaiṣṇavānām //
Looking at his own servant with the noose in hand, Yama, they say, says close to his ear: "Avoid those who have taken refuge in the slayer of Madhu; I am lord of other men, not of the Vaiṣṇavas."
AI translation rendered from the Sanskrit, not a published edition
ViP 3 7.16
कटकमुकुटकर्णिकादिभेदैः कनकम् अभेदम् अपीष्यते यथैकम् सुरपशुमनुजादिकल्पनाभिर् हरिर् अखिलाभिर् उदीर्यते तथैकः ॥
kaṭakamukuṭakarṇikādibhedaiḥ kanakam abhedam apīṣyate yathaikam surapaśumanujādikalpanābhir harir akhilābhir udīryate tathaikaḥ //
Just as gold, though undivided, is spoken of as one (substance) through the distinctions of bracelet, crown, ear-ornament and the rest, so Hari is declared to be one through all the conceptions of gods, beasts, men and the rest.
AI translation rendered from the Sanskrit, not a published edition
ViP 3 7.17
क्षितिजलपरमाणवो ऽनिलान्ते पुनर् अपि यान्ति यथैकतां धरित्र्याः सुरपशुमनुजादयस् तथान्ते गुणकलुषेण सनातनेन तेन ॥
kṣitijalaparamāṇavo 'nilānte punar api yānti yathaikatāṃ dharitryāḥ surapaśumanujādayas tathānte guṇakaluṣeṇa sanātanena tena //
As the atoms of earth and water, when the wind ceases, again come to oneness with the earth, so at the end do gods, beasts, men and the rest (come to oneness) with that eternal one who is (only seemingly) sullied by the qualities.
AI translation rendered from the Sanskrit, not a published edition — the model flagged this verse as uncertain
ViP 3 7.18
हरिम् अमरगणार्चिताङ्घ्रिपद्मं प्रणमति यः परमार्थतो हि मर्त्यः तम् अपगतसमस्तपापबन्धं व्रज परिहृत्य यथाग्निम् आज्यसिक्तम् ॥
harim amaragaṇārcitāṅghripadmaṃ praṇamati yaḥ paramārthato hi martyaḥ tam apagatasamastapāpabandhaṃ vraja parihṛtya yathāgnim ājyasiktam //
The mortal who in the highest sense bows to Hari, whose lotus feet are worshipped by the hosts of immortals — go around him, in whom all bondage of sin has departed, avoiding him as (one avoids) a fire drenched with ghee.
AI translation rendered from the Sanskrit, not a published edition
ViP 3 7.19
इति यमवचनं निशम्य पाशी यमपुरुषस् तम् उवाच धर्मराजम् कथय मम विभो समस्तधातुर् भवति हरेः खलु यादृशो ऽस्य भक्तः ॥
iti yamavacanaṃ niśamya pāśī yamapuruṣas tam uvāca dharmarājam kathaya mama vibho samastadhātur bhavati hareḥ khalu yādṛśo 'sya bhaktaḥ //
Having heard this speech of Yama, the noose-bearing servant of Yama said to him, the king of dharma: "Tell me, O lord, what he is like who is truly the devotee of Hari, the support of all."
AI translation rendered from the Sanskrit, not a published edition
ViP 3 7.20
न चलति निजवर्णधर्मतो यः सममतिर् आत्मसुहृद्विपक्षपक्षे न हरति न च हन्ति किंचिद् उच्चैः सितमनसं तम् अवैहि विष्णुभक्तम् ॥
na calati nijavarṇadharmato yaḥ samamatir ātmasuhṛdvipakṣapakṣe na harati na ca hanti kiṃcid uccaiḥ sitamanasaṃ tam avaihi viṣṇubhaktam //
He who does not deviate from the duties of his own class, whose mind is the same toward himself, a friend, and an enemy's side, who neither steals nor kills anything — know him, of exceedingly pure mind, to be a devotee of Viṣṇu.
AI translation rendered from the Sanskrit, not a published edition
ViP 3 7.21
कलिकलुषमलेन यस्य नात्मा विमलमतेर् मलिनीकृतो ऽस्तमोहे मनसि कृतजनार्दनं मनुष्यं सततम् अवैहि हरेर् अतीव भक्तम् ॥
kalikaluṣamalena yasya nātmā vimalamater malinīkṛto 'stamohe manasi kṛtajanārdanaṃ manuṣyaṃ satatam avaihi harer atīva bhaktam //
The man whose self, being of spotless mind, is not soiled by the filth and impurity of Kali, and who has placed Janārdana in a mind whose delusion has set — know him to be exceedingly devoted to Hari.
AI translation rendered from the Sanskrit, not a published edition
ViP 3 7.22
कनकम् अपि रहस्य् अवेक्ष्य बुद्ध्या तृणम् इव यः समवैति वै परस्वम् भवति च भगवत्य् अनन्यचेताः पुरुषवरं तम् अवैहि विष्णुभक्तम् ॥
kanakam api rahasy avekṣya buddhyā tṛṇam iva yaḥ samavaiti vai parasvam bhavati ca bhagavaty ananyacetāḥ puruṣavaraṃ tam avaihi viṣṇubhaktam //
He who, even seeing gold in a lonely place, deems another's property in his thought to be like a blade of grass, and who is single-minded toward the Lord — know that best of men to be a devotee of Viṣṇu.
AI translation rendered from the Sanskrit, not a published edition
ViP 3 7.23
स्फटिकगिरिशिलामलः क्व विष्णुर् मनसि नृणां क्व च मत्सरादिदोषः न हि तुहिनमयूखरश्मिपुञ्जे भवति हुताशनदीप्तिजः प्रतापः ॥
sphaṭikagiriśilāmalaḥ kva viṣṇur manasi nṛṇāṃ kva ca matsarādidoṣaḥ na hi tuhinamayūkharaśmipuñje bhavati hutāśanadīptijaḥ pratāpaḥ //
Where is Viṣṇu, spotless as a slab of crystal rock, and where, in men's minds, the fault of envy and the rest? For in a mass of the cool moon's rays there is no scorching heat born of fire's blaze.
AI translation rendered from the Sanskrit, not a published edition
ViP 3 7.24
विमलमतिर् अमत्सरः प्रशान्तः शुचिचरितो ऽखिलसत्त्वमित्रभूतः प्रियहितवचनो ऽस्तमानमायो वसति सदा हृदि तस्य वासुदेवः ॥
vimalamatir amatsaraḥ praśāntaḥ śucicarito 'khilasattvamitrabhūtaḥ priyahitavacano 'stamānamāyo vasati sadā hṛdi tasya vāsudevaḥ //
He is of spotless mind, free of envy, tranquil, pure in conduct, a friend to all beings, speaking what is kind and beneficial, with pride and deceit set — in his heart Vāsudeva ever dwells.
AI translation rendered from the Sanskrit, not a published edition
ViP 3 7.25
वसति हृदि सनातने च तस्मिन् भवति पुमाञ् जगतो ऽस्य सौम्यरूपः क्षितिरसम् अतिरम्यम् आत्मनो ऽन्तः कथयति चारुतयैव शालपोतः ॥
vasati hṛdi sanātane ca tasmin bhavati pumāñ jagato 'sya saumyarūpaḥ kṣitirasam atiramyam ātmano 'ntaḥ kathayati cārutayaiva śālapotaḥ //
And when that Eternal One dwells in the heart, a man becomes gentle of form for this world; even so the young śāla tree tells by its very beauty of the exceedingly delightful sap of the earth within it.
AI translation rendered from the Sanskrit, not a published edition
ViP 3 7.26
यमनियमविधूतकल्मषाणाम् अनुदिनम् अच्युतसक्तमानसानाम् अपगतमदमानमत्सराणां व्रज भट दूरतरेण मानवानाम् ॥
yamaniyamavidhūtakalmaṣāṇām anudinam acyutasaktamānasānām apagatamadamānamatsarāṇāṃ vraja bhaṭa dūratareṇa mānavānām //
From men whose stains have been shaken off by restraints and observances, whose minds are day after day attached to Acyuta, and from whom intoxication, pride and envy have departed — go far away, O servant.
AI translation rendered from the Sanskrit, not a published edition
ViP 3 7.27
हृदि यदि भगवान् अनादिर् आस्ते हरिर् असिशङ्खगदाधरो ऽव्ययात्मा तदघम् अघविघातकर्तृभिन्नं भवति कथं सति चान्धकारम् अर्के ॥
hṛdi yadi bhagavān anādir āste harir asiśaṅkhagadādharo 'vyayātmā tadagham aghavighātakartṛbhinnaṃ bhavati kathaṃ sati cāndhakāram arke //
If the beginningless Lord Hari, bearer of sword, conch and mace, of imperishable nature, abides in the heart, then how can sin (remain), split apart as it is by the destroyer of sins? — as there is no darkness when the sun is present.
AI translation rendered from the Sanskrit, not a published edition
ViP 3 7.28
हरति परधनं निहन्ति जन्तून् वदति तथानृतनिष्ठुराणि यश् च अशुभजनितदुर्मदस्य पुंसः कलुषमतेर् हृदि तस्य नास्त्य् अनन्तः ॥
harati paradhanaṃ nihanti jantūn vadati tathānṛtaniṣṭhurāṇi yaś ca aśubhajanitadurmadasya puṃsaḥ kaluṣamater hṛdi tasya nāsty anantaḥ //
He who takes another's wealth, kills living beings, and speaks false and harsh words — in the heart of that man, of foul mind, whose evil pride is born of the inauspicious, the Endless One is not.
AI translation rendered from the Sanskrit, not a published edition
ViP 3 7.29
न सहति परसंपदं विनिन्दां कलुषमतिः कुरुते सताम् असाधुः न यजति न ददाति यश् च सन्तं मनसि न तस्य जनार्दनो ऽधमस्य ॥
na sahati parasaṃpadaṃ vinindāṃ kaluṣamatiḥ kurute satām asādhuḥ na yajati na dadāti yaś ca santaṃ manasi na tasya janārdano 'dhamasya //
The foul-minded, wicked man cannot bear another's prosperity, reviles the good, and neither sacrifices nor gives — in the mind of that base man there is no Janārdana.
AI translation rendered from the Sanskrit, not a published edition
ViP 3 7.30
परमसुहृदि बान्धवे कलत्रे सुततनयापितृमातृभृत्यवर्गे शठमतिर् उपयाति यो ऽर्थतृष्णां तम् अधमचेष्टम् अवैहि नास्य भक्तम् ॥
paramasuhṛdi bāndhave kalatre sutatanayāpitṛmātṛbhṛtyavarge śaṭhamatir upayāti yo 'rthatṛṣṇāṃ tam adhamaceṣṭam avaihi nāsya bhaktam //
He whose crooked mind turns to greed for money in dealings with a dearest friend, a kinsman, a wife, sons, daughters, father, mother and the body of servants — know him to be of base conduct, no devotee of His.
AI translation rendered from the Sanskrit, not a published edition
ViP 3 7.31
अशुभमतिर् असत्प्रवृत्तिसक्तः सततम् अनार्यविशालसङ्गमत्तः अनुदिनकृतपापबन्धयत्नः पुरुषपशुर् न हि वासुदेवभक्तः ॥
aśubhamatir asatpravṛttisaktaḥ satatam anāryaviśālasaṅgamattaḥ anudinakṛtapāpabandhayatnaḥ puruṣapaśur na hi vāsudevabhaktaḥ //
Of inauspicious mind, attached to evil pursuits, constantly drunk with wide association with the ignoble, day by day striving to bind himself with sin — such a beast of a man is surely no devotee of Vāsudeva.
AI translation rendered from the Sanskrit, not a published edition
ViP 3 7.32
सकलम् इदम् अहं च वासुदेवः परमपुमान् परमेश्वरः स एकः इति मतिर् अमला भवत्य् अनन्ते हृदयगते व्रज तान् विहाय दूरात् ॥
sakalam idam ahaṃ ca vāsudevaḥ paramapumān parameśvaraḥ sa ekaḥ iti matir amalā bhavaty anante hṛdayagate vraja tān vihāya dūrāt //
"All this, and I too, are Vāsudeva; he alone is the supreme Person, the supreme Lord" — when the Endless One has entered the heart, such spotless conviction arises; leaving those (men) alone, go far off.
AI translation rendered from the Sanskrit, not a published edition
ViP 3 7.33
कमलनयन वासुदेव विष्णो धरणिधराच्युत शङ्खचक्रपाणे भव शरणम् इतीरयन्ति ये वै त्यज भट दूरतरेण तान् अपापान् ॥
kamalanayana vāsudeva viṣṇo dharaṇidharācyuta śaṅkhacakrapāṇe bhava śaraṇam itīrayanti ye vai tyaja bhaṭa dūratareṇa tān apāpān //
"Lotus-eyed one, Vāsudeva, Viṣṇu, upholder of the earth, Acyuta, you who hold conch and discus in hand, be (our) refuge!" — those who utter this, O servant, sinless as they are, forsake them and (keep) very far away.
AI translation rendered from the Sanskrit, not a published edition
ViP 3 7.34
वसति मनसि यस्य सो ऽव्ययात्मा पुरुषवरस्य न तस्य दृष्टिपाते तव गतिर् अथवा ममास्ति चक्र प्रतिहतवीर्यबलस्य सो ऽन्यलोक्यः ॥
vasati manasi yasya so 'vyayātmā puruṣavarasya na tasya dṛṣṭipāte tava gatir athavā mamāsti cakra pratihatavīryabalasya so 'nyalokyaḥ //
That imperishable Self dwells in the mind of such a best of men; within his line of sight neither you nor I have any course, O Discus — his strength and might being thwarted, that man belongs to another world.
AI translation rendered from the Sanskrit, not a published edition — the model flagged this verse as uncertain
ViP 3 7.35
इति निजभटशासनाय देवो रवितनयः स किलाह धर्मराजः मम कथितम् इदं च तेन तुभ्यं कुरुवर सम्यग् इदं मयापि चोक्तम् ॥
iti nijabhaṭaśāsanāya devo ravitanayaḥ sa kilāha dharmarājaḥ mama kathitam idaṃ ca tena tubhyaṃ kuruvara samyag idaṃ mayāpi coktam //
Thus, it is said, did the god, the son of the Sun, King Dharma, speak in instructing his own servants; and this was told by him to me, and this I too have rightly told to you, best of the Kurus.
AI translation rendered from the Sanskrit, not a published edition
ViP 3 7.36
नकुलैतन् ममाख्यातं पूर्वं तेन द्विजन्मना कलिङ्गदेशाद् अभ्येत्य प्रीयता सुमहात्मना ॥
nakulaitan mamākhyātaṃ pūrvaṃ tena dvijanmanā kaliṅgadeśād abhyetya prīyatā sumahātmanā //
Nakula, this was formerly related to me by that twice-born, that very great soul, who came from the Kaliṅga country out of affection.
AI translation rendered from the Sanskrit, not a published edition
ViP 3 7.37
मयाप्य् एतद् यथान्यायं सम्यग् वत्स तवोदितम् यथा विष्णुम् ऋते नान्यत् त्राणं संसारसागरे ॥
mayāpy etad yathānyāyaṃ samyag vatsa tavoditam yathā viṣṇum ṛte nānyat trāṇaṃ saṃsārasāgare //
And by me too this has been rightly declared to you, my child, as is fitting: that apart from Viṣṇu there is no other rescue in the ocean of worldly existence.
AI translation rendered from the Sanskrit, not a published edition
ViP 3 7.38
किंकरा दण्डपाशौ वा न यमो न च यातना समर्थास् तस्य यस्यात्मा केशवालम्बनः सदा ॥
kiṃkarā daṇḍapāśau vā na yamo na ca yātanā samarthās tasya yasyātmā keśavālambanaḥ sadā //
Neither the servants (of Yama), nor rod and noose, nor Yama, nor the torments are able (to touch) him whose self always has Keśava for its support.
AI translation rendered from the Sanskrit, not a published edition
ViP 3 7.39
एतन् मुने तवाख्यातं गीतं वैवस्वतेन यत् त्वत्प्रश्नानुगतं सम्यक् किम् अन्यच् छ्रोतुम् इच्छसि ॥
etan mune tavākhyātaṃ gītaṃ vaivasvatena yat tvatpraśnānugataṃ samyak kim anyac chrotum icchasi //
This, O sage, has been told to you — what was sung by the son of Vivasvat — properly, in accord with your question. What else do you wish to hear?
AI translation rendered from the Sanskrit, not a published edition