Vishnu Purana — Amsha 3 — Chapter 5
ViP 3 5.1
यजुर्वेदतरोः शाखाः सप्तविंशन् महामतिः वैशम्पायननामासौ व्यासशिष्यश् चकार वै ॥
yajurvedataroḥ śākhāḥ saptaviṃśan mahāmatiḥ vaiśampāyananāmāsau vyāsaśiṣyaś cakāra vai //
That pupil of Vyāsa named Vaiśampāyana, of great mind, made twenty-seven branches of the Yajurveda-tree.
AI translation rendered from the Sanskrit, not a published edition
ViP 3 5.2
शिष्येभ्यः प्रददौ ताश् च जगृहुस् ते ऽप्य् अनुक्रमात् ॥
śiṣyebhyaḥ pradadau tāś ca jagṛhus te 'py anukramāt //
And he gave them to his pupils, and they too received them in order.
AI translation rendered from the Sanskrit, not a published edition
ViP 3 5.3
याज्ञवल्क्यस् तु तस्याभूद् ब्रह्मरातसुतो द्विज शिष्यः परमधर्मज्ञो गुरुवृत्तिपरः सदा ॥
yājñavalkyas tu tasyābhūd brahmarātasuto dvija śiṣyaḥ paramadharmajño guruvṛttiparaḥ sadā //
And Yājñavalkya, the son of Brahmarāta, was his pupil, O twice-born — one who knew dharma supremely and was always intent on service to his teacher.
AI translation rendered from the Sanskrit, not a published edition
ViP 3 5.4
ऋषिर् यो ऽद्य महामेरौ समाजेनागमिष्यति तस्य वै सप्तरात्रात् तु ब्रह्महत्या भविष्यति ॥
ṛṣir yo 'dya mahāmerau samājenāgamiṣyati tasya vai saptarātrāt tu brahmahatyā bhaviṣyati //
"Whichever sage does not come today to the assembly on the great Meru — for him, after seven nights, there will be (the guilt of) brahmin-slaying."
AI translation rendered from the Sanskrit, not a published edition — the model flagged this verse as uncertain
ViP 3 5.5
पूर्वम् एवं मुनिगणैः समयो ऽभूत् कृतो द्विज वैशम्पायन एकस् तु तं व्यतिक्रान्तवांस् तदा ॥
pūrvam evaṃ munigaṇaiḥ samayo 'bhūt kṛto dvija vaiśampāyana ekas tu taṃ vyatikrāntavāṃs tadā //
Such was the agreement formerly made by the company of sages, O twice-born; but Vaiśampāyana alone transgressed it then.
AI translation rendered from the Sanskrit, not a published edition
ViP 3 5.6
स्वस्रीयं बालकं सो ऽथ पदा स्पृष्टम् अघातयत् ॥
svasrīyaṃ bālakaṃ so 'tha padā spṛṣṭam aghātayat //
And then he killed his sister's son, a boy, having touched him with his foot.
AI translation rendered from the Sanskrit, not a published edition
ViP 3 5.7
शिष्यान् आह च भोः शिष्या ब्रह्महत्यापहं व्रतम् चरध्वं मत्कृते सर्वे न विचार्यम् इदं तथा ॥
śiṣyān āha ca bhoḥ śiṣyā brahmahatyāpahaṃ vratam caradhvaṃ matkṛte sarve na vicāryam idaṃ tathā //
And he said to his pupils: "Ho, pupils! All of you, for my sake, perform the observance that removes (the guilt of) brahmin-slaying; and this is not to be questioned."
AI translation rendered from the Sanskrit, not a published edition
ViP 3 5.8
अथाह याज्ञवल्क्यस् तं किम् एभिर् भगवन् द्विजैः क्लेशितैर् अल्पतेजोभिश् चरिष्ये ऽहम् इदं व्रतम् ॥
athāha yājñavalkyas taṃ kim ebhir bhagavan dvijaiḥ kleśitair alpatejobhiś cariṣye 'ham idaṃ vratam //
Then Yājñavalkya said to him: "What (use is there), reverend sir, in these twice-born ones, weak in power and (already) worn out? I shall perform this observance (myself)."
AI translation rendered from the Sanskrit, not a published edition
ViP 3 5.9
ततः क्रुद्धो गुरुः प्राह याज्ञवल्क्यं महामतिः मुच्यतां यत् त्वयाधीतं मत्तो विप्रावमानक ॥
tataḥ kruddho guruḥ prāha yājñavalkyaṃ mahāmatiḥ mucyatāṃ yat tvayādhītaṃ matto viprāvamānaka //
Then the teacher, of great mind, angered, said to Yājñavalkya: "Let go what has been learned by you from me, you despiser of brahmins!"
AI translation rendered from the Sanskrit, not a published edition
ViP 3 5.10
निस्तेजसो वदस्य् एतान् यस् त्वं ब्राह्मणपुंगवान् तेन शिष्येण नार्थो ऽस्ति ममाज्ञाभङ्गकारिणा ॥
nistejaso vadasy etān yas tvaṃ brāhmaṇapuṃgavān tena śiṣyeṇa nārtho 'sti mamājñābhaṅgakāriṇā //
"Since you call these bulls among brahmins devoid of power, I have no use for such a pupil, one who breaks my command."
AI translation rendered from the Sanskrit, not a published edition
ViP 3 5.11
याज्ञवल्क्यस् ततः प्राह भक्त्यैतत् ते मयोदितम् ममाप्य् अलं त्वयाधीतं यन् मया तद् इदं द्विज ॥
yājñavalkyas tataḥ prāha bhaktyaitat te mayoditam mamāpy alaṃ tvayādhītaṃ yan mayā tad idaṃ dvija //
Then Yājñavalkya said: "This was spoken to you by me out of devotion. Enough for me too of what was learned by you (and) which is this (that I have from you), O twice-born."
AI translation rendered from the Sanskrit, not a published edition — the model flagged this verse as uncertain
ViP 3 5.12
इत्य् उक्त्वा रुधिराक्तानि सरूपाणि यजूंषि सः छर्दयित्वा ददौ तस्मै ययौ च स्वेच्छया मुनिः ॥
ity uktvā rudhirāktāni sarūpāṇi yajūṃṣi saḥ chardayitvā dadau tasmai yayau ca svecchayā muniḥ //
Having said this, he vomited up the Yajus texts in their (own) forms, smeared with blood, and gave them to him; and the sage went off as he pleased.
AI translation rendered from the Sanskrit, not a published edition
ViP 3 5.13
यजूंष्य् अथ विसृष्टानि याज्ञवल्क्येन वै द्विज जगृहुस् तित्तिरीभूत्वा तैत्तिरीयास् तु ते ततः ॥
yajūṃṣy atha visṛṣṭāni yājñavalkyena vai dvija jagṛhus tittirībhūtvā taittirīyās tu te tataḥ //
Then, O twice-born, the Yajus texts cast out by Yājñavalkya were taken up by those (sages) who became partridges (tittiri); hence they are the Taittirīyas.
AI translation rendered from the Sanskrit, not a published edition
ViP 3 5.14
ब्रह्महत्या व्रतं चीर्णं गुरुणा चोदितैस् तु यैः चरकाध्वर्यवस् ते तु चरणान् मुनिसत्तम ॥
brahmahatyā vrataṃ cīrṇaṃ guruṇā coditais tu yaiḥ carakādhvaryavas te tu caraṇān munisattama //
And those by whom, urged by the teacher, the observance for brahmin-slaying was carried out — they are the Caraka Adhvaryus, from 'carṇa/caraṇa' (the carrying out), O best of sages.
AI translation rendered from the Sanskrit, not a published edition — the model flagged this verse as uncertain
ViP 3 5.15
याज्ञवल्क्यो ऽपि मैत्रेय प्राणायामपरायणः तुष्टाव प्रणतः सूर्यं यजूंष्य् अभिलषंस् ततः ॥
yājñavalkyo 'pi maitreya prāṇāyāmaparāyaṇaḥ tuṣṭāva praṇataḥ sūryaṃ yajūṃṣy abhilaṣaṃs tataḥ //
Yājñavalkya too, O Maitreya, devoted to breath-restraint, bowed down and praised the Sun, desiring the Yajus texts.
AI translation rendered from the Sanskrit, not a published edition
ViP 3 5.16
नमः सवित्रे द्वाराय मुक्तेर् अमिततेजसे ऋग्यजुःसामभूताय त्रयीधामवते नमः ॥
namaḥ savitre dvārāya mukter amitatejase ṛgyajuḥsāmabhūtāya trayīdhāmavate namaḥ //
Homage to Savitṛ, the door of liberation, of measureless splendour; homage to him who has become the Ṛg, Yajus and Sāman, who possesses the abode of the triple (Veda).
AI translation rendered from the Sanskrit, not a published edition
ViP 3 5.17
नमो ऽग्नीषोमभूताय जगतः कारणात्मने भास्कराय परं तेजः सौषुम्णम् उरु बिभ्रते ॥
namo 'gnīṣomabhūtāya jagataḥ kāraṇātmane bhāskarāya paraṃ tejaḥ sauṣumṇam uru bibhrate //
Homage to him who has become Agni and Soma, whose self is the cause of the world, to the Maker of Light, who bears the great supreme radiance belonging to the suṣumṇa (ray).
AI translation rendered from the Sanskrit, not a published edition — the model flagged this verse as uncertain
ViP 3 5.18
कलाकाष्ठानिमेषादिकालज्ञानात्मने नमः ध्येयाय विष्णुरूपाय परमाक्षररूपिणे ॥
kalākāṣṭhānimeṣādikālajñānātmane namaḥ dhyeyāya viṣṇurūpāya paramākṣararūpiṇe //
Homage to him whose self is the knowledge of time — kalās, kāṣṭhās, nimeṣas and the rest; to him who is to be meditated upon, whose form is Viṣṇu, who has the form of the supreme imperishable.
AI translation rendered from the Sanskrit, not a published edition
ViP 3 5.19
बिभर्ति यः सुरगणान् आप्यायेन्दुं स्वरश्मिभिः स्वधामृतेन च पितॄंस् तस्मै तृप्त्यात्मने नमः ॥
bibharti yaḥ suragaṇān āpyāyenduṃ svaraśmibhiḥ svadhāmṛtena ca pitṝṃs tasmai tṛptyātmane namaḥ //
He who sustains the hosts of gods, filling the moon with his own rays, and the fathers with the nectar of his own substance — to him whose nature is satisfaction, homage.
AI translation rendered from the Sanskrit, not a published edition
ViP 3 5.20
हिमाम्बुघर्मवृष्टीनां कर्ता भर्ता च यः प्रभुः तस्मै त्रिकालभूताय नमः सूर्याय वेधसे ॥
himāmbugharmavṛṣṭīnāṃ kartā bhartā ca yaḥ prabhuḥ tasmai trikālabhūtāya namaḥ sūryāya vedhase //
He who is the lord that makes and sustains snow, water, heat and rain — to him who consists of the three times, to the Sun, the creator, homage.
AI translation rendered from the Sanskrit, not a published edition
ViP 3 5.21
अपहन्ति तमो यश् च जगतो ऽस्य जगत्पतिः सत्त्वधामधरो देवो नमस् तस्मै विवस्वते ॥
apahanti tamo yaś ca jagato 'sya jagatpatiḥ sattvadhāmadharo devo namas tasmai vivasvate //
And he, the lord of the world, who drives away the darkness of this world, the god who upholds the abode of sattva — homage to him, to Vivasvat.
AI translation rendered from the Sanskrit, not a published edition
ViP 3 5.22
सत्कर्मयोग्यो न जनो नैवापः शौचकारणम् यस्मिन्न् अनुदिते तस्मै नमो देवाय भास्वते ॥
satkarmayogyo na jano naivāpaḥ śaucakāraṇam yasminn anudite tasmai namo devāya bhāsvate //
He at whose not having risen no person is fit for the good rites, nor is water a means of purification — homage to him, to the shining god.
AI translation rendered from the Sanskrit, not a published edition
ViP 3 5.23
स्पृष्टो यदंशुभिर् लोकः क्रियायोग्यो ऽभिजायते पवित्रताकारणाय तस्मै शुद्धात्मने नमः ॥
spṛṣṭo yadaṃśubhir lokaḥ kriyāyogyo 'bhijāyate pavitratākāraṇāya tasmai śuddhātmane namaḥ //
Touched by whose rays the world becomes fit for ritual acts — to him, the cause of purity, the pure-souled one, homage.
AI translation rendered from the Sanskrit, not a published edition
ViP 3 5.24
नमः सवित्रे सूर्याय भास्कराय विवस्वते आदित्यायादिभूताय देवादीनां नमो नमः ॥
namaḥ savitre sūryāya bhāskarāya vivasvate ādityāyādibhūtāya devādīnāṃ namo namaḥ //
Homage to Savitṛ, to Sūrya, to Bhāskara, to Vivasvat, to Āditya, to the primal being; homage, homage to him who is first among the gods.
AI translation rendered from the Sanskrit, not a published edition
ViP 3 5.25
हिरण्मयं रथं यस्य केतवो ऽमृतधारिणः वहन्ति भुवनालोकचक्षुषस् तं नमाम्य् अहम् ॥
hiraṇmayaṃ rathaṃ yasya ketavo 'mṛtadhāriṇaḥ vahanti bhuvanālokacakṣuṣas taṃ namāmy aham //
He whose golden chariot the rays that hold the nectar draw, whose eyes are the light of the worlds — to him I bow.
AI translation rendered from the Sanskrit, not a published edition
ViP 3 5.26
इत्य् एवमादिभिस् तेन स्तूयमानः स्तवै रविः वाजिरूपधरः प्राह व्रीयताम् इति वाञ्छितम् ॥
ity evamādibhis tena stūyamānaḥ stavai raviḥ vājirūpadharaḥ prāha vrīyatām iti vāñchitam //
Being praised by him with these and other such praises, the sun, wearing the form of a horse, said, "Let what you wish be chosen."
AI translation rendered from the Sanskrit, not a published edition
ViP 3 5.27
याज्ञवल्क्यस् तदा प्राह प्रणिपत्य दिवाकरम् यजूंषि तानि मे देहि यानि सन्ति न मे गुरौ ॥
yājñavalkyas tadā prāha praṇipatya divākaram yajūṃṣi tāni me dehi yāni santi na me gurau //
Then Yājñavalkya, having bowed to the day-maker, said: "Give me those Yajus texts which are not with my teacher."
AI translation rendered from the Sanskrit, not a published edition
ViP 3 5.28
एवम् उक्तो ददौ तस्मै यजूंषि भगवान् रविः अयातयामसंज्ञानि यानि वेत्ति न तद्गुरुः ॥
evam ukto dadau tasmai yajūṃṣi bhagavān raviḥ ayātayāmasaṃjñāni yāni vetti na tadguruḥ //
Thus addressed, the lord Sun gave him those Yajus texts, named Ayātayāma, which his teacher did not know.
AI translation rendered from the Sanskrit, not a published edition
ViP 3 5.29
यजूंषि यैर् अधीतानि तानि विप्रैर् द्विजोत्तम वाजिनस् ते समाख्याताः सूर्यो ऽश्वः सो ऽभवद् यतः ॥
yajūṃṣi yair adhītāni tāni viprair dvijottama vājinas te samākhyātāḥ sūryo 'śvaḥ so 'bhavad yataḥ //
Those brahmins by whom these Yajus texts were studied, O best of the twice-born, are called Vājins, since that Sun became a horse (vājin).
AI translation rendered from the Sanskrit, not a published edition
ViP 3 5.30
शाखाभेदास् तु तेषां वै दश पञ्च च वाजिनाम् कण्वाद्याः सुमहाभागा याज्ञवल्क्यप्रवर्तिताः ॥
śākhābhedās tu teṣāṃ vai daśa pañca ca vājinām kaṇvādyāḥ sumahābhāgā yājñavalkyapravartitāḥ //
And the branch-divisions of those Vājins are fifteen, (taught by) the greatly fortunate Kaṇva and the rest, established by Yājñavalkya.
AI translation rendered from the Sanskrit, not a published edition