Vishnu Purana — Amsha 3 — Chapter 4
ViP 3 4.1
आद्यो वेदश् चतुष्पादः शतसाहस्रसंमितः ततो दशगुणः कृत्स्नो यज्ञो ऽयं सर्वकामधुक् ॥
ādyo vedaś catuṣpādaḥ śatasāhasrasaṃmitaḥ tato daśaguṇaḥ kṛtsno yajño 'yaṃ sarvakāmadhuk //
The primal Veda had four parts and measured a hundred thousand (verses); from that, tenfold, (came) this entire sacrificial system, which milks out all desires.
AI translation rendered from the Sanskrit, not a published edition — the model flagged this verse as uncertain
ViP 3 4.2
ततो ऽत्र मत्सुतो व्यासो ऽष्टाविंशतितमे ऽन्तरे वेदम् एकं चतुष्पादं चतुर्धा व्यभजत् प्रभुः ॥
tato 'tra matsuto vyāso 'ṣṭāviṃśatitame 'ntare vedam ekaṃ catuṣpādaṃ caturdhā vyabhajat prabhuḥ //
Then here, in the twenty-eighth interval, my son Vyāsa, the mighty one, divided the one Veda of four parts into four.
AI translation rendered from the Sanskrit, not a published edition
ViP 3 4.3
यथा तु तेन वै व्यस्ता वेदव्यासेन धीमता वेदास् तथा समस्तैस् तैर् व्यस्ता व्यासैस् तथा मया ॥
yathā tu tena vai vyastā vedavyāsena dhīmatā vedās tathā samastais tair vyastā vyāsais tathā mayā //
But just as the Vedas were divided by that wise Vedavyāsa, so were they divided by all those Vyāsas, and so by me.
AI translation rendered from the Sanskrit, not a published edition
ViP 3 4.4
तद् अनेनैव वेदानां शाखाभेदान् द्विजोत्तम चतुर्युगेषु रचितान् समस्तेष्व् अवधारय ॥
tad anenaiva vedānāṃ śākhābhedān dvijottama caturyugeṣu racitān samasteṣv avadhāraya //
Therefore, best of twice-born, understand by this very (account) the divisions of the branches of the Vedas, composed in all the sets of four ages.
AI translation rendered from the Sanskrit, not a published edition
ViP 3 4.5
कृष्णद्वैपायनं व्यासं विद्धि नारायणं प्रभुम् को ऽन्यो हि भुवि मैत्रेय महाभारतकृद् भवेत् ॥
kṛṣṇadvaipāyanaṃ vyāsaṃ viddhi nārāyaṇaṃ prabhum ko 'nyo hi bhuvi maitreya mahābhāratakṛd bhavet //
Know Vyāsa Kṛṣṇadvaipāyana to be the Lord Nārāyaṇa; for who else on earth, Maitreya, could be the maker of the Mahābhārata?
AI translation rendered from the Sanskrit, not a published edition
ViP 3 4.6
तेन व्यस्ता यथा वेदा मत्पुत्रेण महात्मना द्वापरे ह्य् अत्र मैत्रेय तन् मे शृणु यथार्थतः ॥
tena vyastā yathā vedā matputreṇa mahātmanā dvāpare hy atra maitreya tan me śṛṇu yathārthataḥ //
How the Vedas were divided by him, my great-souled son, here in the Dvāpara age — hear that from me, Maitreya, as it truly was.
AI translation rendered from the Sanskrit, not a published edition
ViP 3 4.7
ब्रह्मणा चोदितो व्यासो वेदान् व्यस्तुं प्रचक्रमे अथ शिष्यान् स जग्राह चतुरो वेदपारगान् ॥
brahmaṇā codito vyāso vedān vyastuṃ pracakrame atha śiṣyān sa jagrāha caturo vedapāragān //
Urged on by Brahmā, Vyāsa set about dividing the Vedas; then he took four pupils who had mastered the Veda.
AI translation rendered from the Sanskrit, not a published edition
ViP 3 4.8
ऋग्वेदश्रावकं पैलं जग्राह स महामुनिः वैशम्पायननामानं यजुर्वेदस्य चाग्रहीत् ॥
ṛgvedaśrāvakaṃ pailaṃ jagrāha sa mahāmuniḥ vaiśampāyananāmānaṃ yajurvedasya cāgrahīt //
That great sage took Paila as the reciter of the Ṛgveda, and he took the one named Vaiśampāyana for the Yajurveda.
AI translation rendered from the Sanskrit, not a published edition
ViP 3 4.9
जैमिनिं सामवेदस्य तथैवाथर्ववेदवित् सुमन्तुस् तस्य शिष्यो ऽभूद् वेदव्यासस्य धीमतः ॥
jaiminiṃ sāmavedasya tathaivātharvavedavit sumantus tasya śiṣyo 'bhūd vedavyāsasya dhīmataḥ //
(He took) Jaimini for the Sāmaveda; and likewise Sumantu, knower of the Atharvaveda, was his pupil — (the pupil) of wise Vedavyāsa.
AI translation rendered from the Sanskrit, not a published edition
ViP 3 4.10
रोमहर्षणनामानं महाबुद्धिं महामुनिः सूतं जग्राह शिष्यं स इतिहासपुराणयोः ॥
romaharṣaṇanāmānaṃ mahābuddhiṃ mahāmuniḥ sūtaṃ jagrāha śiṣyaṃ sa itihāsapurāṇayoḥ //
And the great sage took as pupil for the Itihāsas and Purāṇas the Sūta named Romaharṣaṇa, of great intellect.
AI translation rendered from the Sanskrit, not a published edition
ViP 3 4.11
एक आसीद् यजुर्वेदस् तं चतुर्धा व्यकल्पयत् चातुर्होत्रम् अभूद् यस्मिंस् तेन यज्ञम् अथाकरोत् ॥
eka āsīd yajurvedas taṃ caturdhā vyakalpayat cāturhotram abhūd yasmiṃs tena yajñam athākarot //
The Yajurveda was one; he divided it into four parts, whereby the fourfold priesthood came about, and by it he then performed the sacrifice.
AI translation rendered from the Sanskrit, not a published edition
ViP 3 4.12
आध्वर्यवं यजुर्भिस् तु ऋग्भिर् होत्रं तथा मुनिः औद्गात्रं सामभिश् चक्रे ब्रह्मत्वं चाप्य् अथर्वभिः ॥
ādhvaryavaṃ yajurbhis tu ṛgbhir hotraṃ tathā muniḥ audgātraṃ sāmabhiś cakre brahmatvaṃ cāpy atharvabhiḥ //
With the Yajus verses the sage made the adhvaryu's office, with the Ṛc verses the hotṛ's, with the Sāman chants the udgātṛ's, and with the Atharvan (verses) the brahman's office.
AI translation rendered from the Sanskrit, not a published edition
ViP 3 4.13
ततः स ऋच उद्धृत्य ऋग्वेदं कृतवान् मुनिः यजूंषि च यजुर्वेदं सामवेदं च सामभिः ॥
tataḥ sa ṛca uddhṛtya ṛgvedaṃ kṛtavān muniḥ yajūṃṣi ca yajurvedaṃ sāmavedaṃ ca sāmabhiḥ //
Then the sage, extracting the Ṛc verses, made the Ṛgveda; and (extracting) the Yajus formulas, the Yajurveda; and the Sāmaveda with the Sāmans.
AI translation rendered from the Sanskrit, not a published edition
ViP 3 4.14
राज्ञस् त्व् अथर्ववेदेन सर्वकर्माणि स प्रभुः कारयाम् आस मैत्रेय ब्रह्मत्वं च यथास्थितिः ॥
rājñas tv atharvavedena sarvakarmāṇi sa prabhuḥ kārayām āsa maitreya brahmatvaṃ ca yathāsthitiḥ //
But with the Atharvaveda, Maitreya, that lord had all the rites of kings performed, and the brahman's office too, according to established practice.
AI translation rendered from the Sanskrit, not a published edition
ViP 3 4.15
सो ऽयम् एको महावेदतरुस् तेन पृथक्कृतः चतुर्धा तु ततो जातं वेदपादपकाननम् ॥
so 'yam eko mahāvedatarus tena pṛthakkṛtaḥ caturdhā tu tato jātaṃ vedapādapakānanam //
Thus this single great Veda-tree was separated by him into four; from that arose the forest of Veda-trees.
AI translation rendered from the Sanskrit, not a published edition
ViP 3 4.16
बिभेद प्रथमं विप्र पैल ऋग्वेदपादपम् इन्द्रप्रमतये प्रादाद् बाष्कलाय च संहिते ॥
bibheda prathamaṃ vipra paila ṛgvedapādapam indrapramataye prādād bāṣkalāya ca saṃhite //
First, O brahmin, Paila split the Ṛgveda-tree (in two), and gave the two collections to Indrapramati and to Bāṣkala.
AI translation rendered from the Sanskrit, not a published edition
ViP 3 4.17
चतुर्धा स बिभेदाथ बाष्कलो निजसंहिताम् बौध्यादिभ्यो ददौ तास् तु शिष्येभ्यः स महामतिः ॥
caturdhā sa bibhedātha bāṣkalo nijasaṃhitām baudhyādibhyo dadau tās tu śiṣyebhyaḥ sa mahāmatiḥ //
Then Bāṣkala divided his own collection into four, and that man of great mind gave them to his pupils, Baudhya and the rest.
AI translation rendered from the Sanskrit, not a published edition
ViP 3 4.18
बौध्याग्निमाठरौ तद्वद् याज्ञवल्क्यपराशरौ प्रतिशाखास् तु शाखायास् तस्यास् ते जगृहुर् मुने ॥
baudhyāgnimāṭharau tadvad yājñavalkyaparāśarau pratiśākhās tu śākhāyās tasyās te jagṛhur mune //
Baudhya, Agnimāṭhara, and likewise Yājñavalkya and Parāśara — they, O sage, received the sub-branches of that branch.
AI translation rendered from the Sanskrit, not a published edition
ViP 3 4.19
इन्द्रप्रमतिर् एकां तु संहितां स्वसुतं ततः माण्डुकेयं महात्मानं मैत्रेयाध्यापयत् तदा ॥
indrapramatir ekāṃ tu saṃhitāṃ svasutaṃ tataḥ māṇḍukeyaṃ mahātmānaṃ maitreyādhyāpayat tadā //
But Indrapramati then taught one collection to his own son, the great-souled Māṇḍukeya, O Maitreya.
AI translation rendered from the Sanskrit, not a published edition
ViP 3 4.20
तस्य शिष्यप्रशिष्येभ्यः पुत्रशिष्यान् क्रमाद् ययौ ॥
tasya śiṣyapraśiṣyebhyaḥ putraśiṣyān kramād yayau //
From his pupils and their pupils it passed in due order to (their) sons and pupils.
AI translation rendered from the Sanskrit, not a published edition
ViP 3 4.21
वेदमित्रस् तु शाकल्यः संहितां ताम् अधीतवान् चकार संहिताः पञ्च शिष्येभ्यः प्रददौ च ताः ॥
vedamitras tu śākalyaḥ saṃhitāṃ tām adhītavān cakāra saṃhitāḥ pañca śiṣyebhyaḥ pradadau ca tāḥ //
Vedamitra, called Śākalya, studied that collection, made five collections, and gave them to his pupils.
AI translation rendered from the Sanskrit, not a published edition
ViP 3 4.22
तस्य शिष्यास् तु ये पञ्च तेषां नामानि मे शृणु मुद्गलो गालवश् चैव वात्स्यः शालीय एव च शिशिरः पञ्चमश् चासीत् मैत्रेय सुमहामुनिः ॥
tasya śiṣyās tu ye pañca teṣāṃ nāmāni me śṛṇu mudgalo gālavaś caiva vātsyaḥ śālīya eva ca śiśiraḥ pañcamaś cāsīt maitreya sumahāmuniḥ //
Hear from me the names of those five pupils of his: Mudgala, Gālava, Vātsya, and Śālīya, and the fifth was Śiśira, O Maitreya, a very great sage.
AI translation rendered from the Sanskrit, not a published edition
ViP 3 4.23
संहितात्रितयं चक्रे शाकपूणिर् अथेतरः निरुक्तम् अकरोत् तद्वच् चतुर्थं मुनिसत्तम ॥
saṃhitātritayaṃ cakre śākapūṇir athetaraḥ niruktam akarot tadvac caturthaṃ munisattama //
Another, Śākapūṇi, made a set of three collections, and likewise made a fourth, the Nirukta, O best of sages.
AI translation rendered from the Sanskrit, not a published edition
ViP 3 4.24
क्रौञ्चो वैतालकिस् तद्वद् बलाकश् च महामुनिः निरुक्तश् च चतुर्थो ऽभूद् वेदवेदाङ्गपारगः ॥
krauñco vaitālakis tadvad balākaś ca mahāmuniḥ niruktaś ca caturtho 'bhūd vedavedāṅgapāragaḥ //
Krauñca, Vaitālaki, and likewise the great sage Balāka; and the fourth was the Nairukta, who had mastered the Vedas and the Vedāṅgas.
AI translation rendered from the Sanskrit, not a published edition
ViP 3 4.25
इत्य् एताः प्रतिशाखाभ्यो ऽप्य् अनुशाखा द्विजोत्तम बाष्कलश् चापरास् तिस्रः संहिताः कृतवान् द्विज शिष्यः कालायनिर् गार्ग्यस् तृतीयश् च तथा जवः ॥
ity etāḥ pratiśākhābhyo 'py anuśākhā dvijottama bāṣkalaś cāparās tisraḥ saṃhitāḥ kṛtavān dvija śiṣyaḥ kālāyanir gārgyas tṛtīyaś ca tathā javaḥ //
Thus these are the sub-branches derived even from the sub-branches, O best of the twice-born. And Bāṣkala, O brahmin, made three further collections; the pupils (were) Kālāyani, Gārgya, and third, Java.
AI translation rendered from the Sanskrit, not a published edition
ViP 3 4.26
इत्य् एते बह्वृचाः प्रोक्ताः संहिता यैः प्रवर्तिताः ॥
ity ete bahvṛcāḥ proktāḥ saṃhitā yaiḥ pravartitāḥ //
Thus have been declared these Bahvṛcas, by whom the collections were propagated.
AI translation rendered from the Sanskrit, not a published edition