Vishnu Purana — Amsha 3 — Chapter 3
ViP 3 3.1
ज्ञातम् एतन् मया त्वत्तो यथा सर्वम् इदं जगत् विष्णुर् विष्णौ विष्णुतश् च न परं विद्यते ततः ॥
jñātam etan mayā tvatto yathā sarvam idaṃ jagat viṣṇur viṣṇau viṣṇutaś ca na paraṃ vidyate tataḥ //
This has been learned by me from you: that all this world is Viṣṇu, is in Viṣṇu, and is from Viṣṇu, and that nothing higher than he exists.
AI translation rendered from the Sanskrit, not a published edition
ViP 3 3.2
एतत् तु श्रोतुम् इच्छामि व्यस्ता वेदा महात्मना वेदव्यासस्वरूपेण यथा तेन युगे युगे ॥
etat tu śrotum icchāmi vyastā vedā mahātmanā vedavyāsasvarūpeṇa yathā tena yuge yuge //
But this I wish to hear: how the Vedas were divided by that great one in the form of Vedavyāsa, age after age.
AI translation rendered from the Sanskrit, not a published edition
ViP 3 3.3
यस्मिन् यस्मिन् युगे व्यासो यो य आसीन् महामुने तं तम् आचक्ष्व भगवञ् शाखाभेदांश् च मे वद ॥
yasmin yasmin yuge vyāso yo ya āsīn mahāmune taṃ tam ācakṣva bhagavañ śākhābhedāṃś ca me vada //
In which age who was Vyāsa, great sage — tell me each of them, lord, and tell me the divisions of the branches.
AI translation rendered from the Sanskrit, not a published edition
ViP 3 3.4
वेदद्रुमस्य मैत्रेय शाखाभेदैः सहस्रशः न शक्यो विस्तरो वक्तुं संक्षेपेण शृणुष्व तम् ॥
vedadrumasya maitreya śākhābhedaiḥ sahasraśaḥ na śakyo vistaro vaktuṃ saṃkṣepeṇa śṛṇuṣva tam //
Maitreya, the full extent of the Veda-tree, with its branch-divisions by the thousands, cannot be told; hear it in brief.
AI translation rendered from the Sanskrit, not a published edition
ViP 3 3.5
द्वापरे द्वापरे विष्णुर् व्यासरूपी महामुने वेदम् एकं स बहुधा कुरुते जगतो हितः ॥
dvāpare dvāpare viṣṇur vyāsarūpī mahāmune vedam ekaṃ sa bahudhā kurute jagato hitaḥ //
In every Dvāpara age, great sage, Viṣṇu in the form of Vyāsa makes the one Veda manifold, for the good of the world.
AI translation rendered from the Sanskrit, not a published edition
ViP 3 3.6
वीर्यं तेजो बलं चाल्पं मनुष्याणाम् अवेक्ष्य च हिताय सर्वभूतानां वेदभेदान् करोति सः ॥
vīryaṃ tejo balaṃ cālpaṃ manuṣyāṇām avekṣya ca hitāya sarvabhūtānāṃ vedabhedān karoti saḥ //
And seeing that the vigour, energy, and strength of men is slight, for the benefit of all beings he makes the divisions of the Veda.
AI translation rendered from the Sanskrit, not a published edition
ViP 3 3.7
यया स कुरुते तन्वा वेदम् एकं पृथक् प्रभुः वेदव्यासाभिधाना तु सा मूर्तिर् मधुविद्विषः ॥
yayā sa kurute tanvā vedam ekaṃ pṛthak prabhuḥ vedavyāsābhidhānā tu sā mūrtir madhuvidviṣaḥ //
That body by which the lord makes the one Veda separate — that form of the foe of Madhu bears the name Vedavyāsa.
AI translation rendered from the Sanskrit, not a published edition
ViP 3 3.8
यस्मिन् मन्वन्तरे ये ये व्यासास् तांस् तान् निबोध मे यथा च भेदः शाखानां व्यासेन क्रियते मुने ॥
yasmin manvantare ye ye vyāsās tāṃs tān nibodha me yathā ca bhedaḥ śākhānāṃ vyāsena kriyate mune //
Learn from me who the Vyāsas were in each Manvantara, and how the division of the branches is made by Vyāsa, O sage.
AI translation rendered from the Sanskrit, not a published edition
ViP 3 3.9
अष्टाविंशतिकृत्वो वै वेदो व्यस्तो महर्षिभिः वैवस्वते ऽन्तरे तस्मिन् द्वापरेषु पुनः पुनः ॥
aṣṭāviṃśatikṛtvo vai vedo vyasto maharṣibhiḥ vaivasvate 'ntare tasmin dvāpareṣu punaḥ punaḥ //
Twenty-eight times indeed has the Veda been divided by the great sages in this Vaivasvata interval, in the Dvāpara ages again and again.
AI translation rendered from the Sanskrit, not a published edition
ViP 3 3.10
वेदव्यासा व्यतीता ये अष्टाविंशति सत्तम चतुर्धा यैः कृतो वेदो द्वापरेषु पुनः पुनः ॥
vedavyāsā vyatītā ye aṣṭāviṃśati sattama caturdhā yaiḥ kṛto vedo dvāpareṣu punaḥ punaḥ //
Twenty-eight Vedavyāsas have passed, O best of the good, by whom the Veda was made fourfold in the Dvāpara ages again and again.
AI translation rendered from the Sanskrit, not a published edition
ViP 3 3.11
द्वापरे प्रथमे व्यस्ताः स्वयं वेदाः स्वयंभुवा द्वितीये द्वापरे चैव वेदव्यासः प्रजापतिः ॥
dvāpare prathame vyastāḥ svayaṃ vedāḥ svayaṃbhuvā dvitīye dvāpare caiva vedavyāsaḥ prajāpatiḥ //
In the first Dvāpara the Vedas were divided by the Self-existent himself; and in the second Dvāpara Prajāpati was the Vedavyāsa.
AI translation rendered from the Sanskrit, not a published edition
ViP 3 3.12
तृतीये चोशना व्यासश् चतुर्थे च बृहस्पतिः सविता पञ्चमे व्यासो मृत्युः षष्ठे स्मृतः प्रभुः ॥
tṛtīye cośanā vyāsaś caturthe ca bṛhaspatiḥ savitā pañcame vyāso mṛtyuḥ ṣaṣṭhe smṛtaḥ prabhuḥ //
In the third Uśanas was Vyāsa, and in the fourth Bṛhaspati; in the fifth Savitā was Vyāsa, and in the sixth the lord Mṛtyu is recorded.
AI translation rendered from the Sanskrit, not a published edition
ViP 3 3.13
सप्तमे च तथैवेन्द्रो वसिष्ठश् चाष्टमे स्मृतः सारस्वतश् च नवमे त्रिधामा दशमे स्मृतः ॥
saptame ca tathaivendro vasiṣṭhaś cāṣṭame smṛtaḥ sārasvataś ca navame tridhāmā daśame smṛtaḥ //
And in the seventh likewise Indra, and in the eighth Vasiṣṭha is recorded; and in the ninth Sārasvata, in the tenth Tridhāman is recorded.
AI translation rendered from the Sanskrit, not a published edition
ViP 3 3.14
एकादशे तु त्रिवृषा भारद्वाजस् ततः परम् त्रयोदशे चान्तरिक्षो वर्णी चापि चतुर्दशे ॥
ekādaśe tu trivṛṣā bhāradvājas tataḥ param trayodaśe cāntarikṣo varṇī cāpi caturdaśe //
But in the eleventh Trivṛṣan, after that Bhāradvāja; and in the thirteenth Antarikṣa, and in the fourteenth Varṇin.
AI translation rendered from the Sanskrit, not a published edition
ViP 3 3.15
त्रय्यारुणः पञ्चदशे षोडशे तु धनंजयः क्रतुंजयः सप्तदशे ऋणज्यो ऽष्टादशे स्मृतः ॥
trayyāruṇaḥ pañcadaśe ṣoḍaśe tu dhanaṃjayaḥ kratuṃjayaḥ saptadaśe ṛṇajyo 'ṣṭādaśe smṛtaḥ //
Trayyāruṇa in the fifteenth, but in the sixteenth Dhanaṃjaya; Kratuṃjaya in the seventeenth, and Ṛṇajya is recorded in the eighteenth.
AI translation rendered from the Sanskrit, not a published edition
ViP 3 3.16
ततो व्यासो भरद्वाजो भरद्वाजात् तु गौतमः गौतमाद् उत्तमो व्यासो हर्यात्मा यो ऽभिधीयते ॥
tato vyāso bharadvājo bharadvājāt tu gautamaḥ gautamād uttamo vyāso haryātmā yo 'bhidhīyate //
Then Bharadvāja was Vyāsa, and after Bharadvāja Gautama; after Gautama the next Vyāsa is he who is called Haryātman.
AI translation rendered from the Sanskrit, not a published edition
ViP 3 3.17
अथ हर्यात्मनो वेनः स्मृतो वाजश्रवास् तु यः सोमः शुष्मायणस् तस्मात् तृणबिन्दुर् इति स्मृतः ॥
atha haryātmano venaḥ smṛto vājaśravās tu yaḥ somaḥ śuṣmāyaṇas tasmāt tṛṇabindur iti smṛtaḥ //
Then from Haryātman, Vena is recorded, who is (also called) Vājaśravas; (then) Soma Śuṣmāyaṇa, and from him (comes the one) recorded as Tṛṇabindu.
AI translation rendered from the Sanskrit, not a published edition — the model flagged this verse as uncertain
ViP 3 3.18
ऋक्षो ऽभूद् भार्गवस् तस्माद् वाल्मीकिर् यो ऽभिधीयते तस्माद् अस्मत्पिता शक्तिर् व्यासस् तस्माद् अहं मुने ॥
ṛkṣo 'bhūd bhārgavas tasmād vālmīkir yo 'bhidhīyate tasmād asmatpitā śaktir vyāsas tasmād ahaṃ mune //
From him came Ṛkṣa the Bhārgava, from whom (came) the one called Vālmīki; from him (came) our father Śakti, from him I, O sage.
AI translation rendered from the Sanskrit, not a published edition
ViP 3 3.19
जातुकर्णो ऽभवन् मत्तः कृष्णद्वैपायनस् ततः अष्टाविंशतिर् इत्य् एते वेदव्यासाः पुरातनाः ॥
jātukarṇo 'bhavan mattaḥ kṛṣṇadvaipāyanas tataḥ aṣṭāviṃśatir ity ete vedavyāsāḥ purātanāḥ //
From me came Jātukarṇa, and from him Kṛṣṇa Dvaipāyana. These are the twenty-eight ancient Veda-Vyāsas.
AI translation rendered from the Sanskrit, not a published edition
ViP 3 3.20
एको वेदश् चतुर्धा तु यैः कृतो द्वापरादिषु ॥
eko vedaś caturdhā tu yaiḥ kṛto dvāparādiṣu //
(They are those) by whom the single Veda was made fourfold in the Dvāpara ages and (the ages) beginning with it.
AI translation rendered from the Sanskrit, not a published edition
ViP 3 3.21
भविष्ये द्वापरे चापि द्रौणिर् व्यासो भविष्यति व्यतीते मम पुत्रे ऽस्मिन् कृष्णद्वैपायने मुनौ ॥
bhaviṣye dvāpare cāpi drauṇir vyāso bhaviṣyati vyatīte mama putre 'smin kṛṣṇadvaipāyane munau //
And in the coming Dvāpara age Drauṇi (son of Droṇa) will be Vyāsa, when this my son, the sage Kṛṣṇadvaipāyana, has passed away.
AI translation rendered from the Sanskrit, not a published edition
ViP 3 3.22
ध्रुवम् एकाक्षरं ब्रह्म ओम् इत्य् एवं व्यवस्थितम् बृहत्वाद् बृंहणत्वाच् च तद् ब्रह्मेत्य् अभिधीयते ॥
dhruvam ekākṣaraṃ brahma om ity evaṃ vyavasthitam bṛhatvād bṛṃhaṇatvāc ca tad brahmety abhidhīyate //
The fixed, single-syllabled Brahman is established as "Om"; because of its vastness and because of its making (all) grow, it is called Brahman.
AI translation rendered from the Sanskrit, not a published edition
ViP 3 3.23
प्रणवावस्थितं नित्यं भूर् भुवः स्वर् इतीर्यते ऋग्यजुःसामाथर्वाणं यत् तस्मै ब्रह्मणे नमः ॥
praṇavāvasthitaṃ nityaṃ bhūr bhuvaḥ svar itīryate ṛgyajuḥsāmātharvāṇaṃ yat tasmai brahmaṇe namaḥ //
Abiding in the praṇava, eternal, it is uttered as "bhūḥ, bhuvaḥ, svaḥ"; homage to that Brahman which is Ṛg, Yajus, Sāman and Atharvan.
AI translation rendered from the Sanskrit, not a published edition
ViP 3 3.24
जगतः प्रलयोत्पत्तौ यत् तत् कारणसंज्ञितम् महतः परमं गुह्यं तस्मै सुब्रह्मणे नमः ॥
jagataḥ pralayotpattau yat tat kāraṇasaṃjñitam mahataḥ paramaṃ guhyaṃ tasmai subrahmaṇe namaḥ //
That which is named the cause in the dissolution and origination of the world, the supreme secret higher than the great — homage to that excellent Brahman.
AI translation rendered from the Sanskrit, not a published edition
ViP 3 3.25
अगाधापारम् अक्षय्यं जगत्संमोहनालयम् संप्रकाशप्रवृत्तिभ्यां पुरुषार्थप्रयोजनम् ॥
agādhāpāram akṣayyaṃ jagatsaṃmohanālayam saṃprakāśapravṛttibhyāṃ puruṣārthaprayojanam //
Unfathomable, without further shore, imperishable, the abode of the world's bewilderment; by (its) manifestation and (its) activity it serves the aims of man;
AI translation rendered from the Sanskrit, not a published edition — the model flagged this verse as uncertain
ViP 3 3.26
सांख्यज्ञानवतां निष्ठा गतिः शमदमात्मनाम् यत् तद् अव्यक्तम् अमृतं प्रवृत्तिर् ब्रह्म शाश्वतम् ॥
sāṃkhyajñānavatāṃ niṣṭhā gatiḥ śamadamātmanām yat tad avyaktam amṛtaṃ pravṛttir brahma śāśvatam //
the ground of those who possess the Sāṃkhya knowledge, the goal of those whose nature is calm and self-restraint — that which is the unmanifest, the immortal, activity, the everlasting Brahman.
AI translation rendered from the Sanskrit, not a published edition — the model flagged this verse as uncertain
ViP 3 3.27
प्रधानम् आत्मयोनिश् च गुहासत्त्वं च शब्द्यते अविभागं तथा शुक्रम् अक्षरं बहुधात्मकम् ॥
pradhānam ātmayoniś ca guhāsattvaṃ ca śabdyate avibhāgaṃ tathā śukram akṣaraṃ bahudhātmakam //
It is spoken of as pradhāna, as the womb of the self, and as the being (hidden) in the cave; likewise as undivided, bright, imperishable, of manifold nature.
AI translation rendered from the Sanskrit, not a published edition — the model flagged this verse as uncertain
ViP 3 3.28
परमब्रह्मणे तस्मै नित्यम् एव नमो नमः यद् रूपं वासुदेवस्य परमात्मस्वरूपिणः ॥
paramabrahmaṇe tasmai nityam eva namo namaḥ yad rūpaṃ vāsudevasya paramātmasvarūpiṇaḥ //
To that supreme Brahman, homage, ever homage — which is the form of Vāsudeva, whose own nature is the supreme Self.
AI translation rendered from the Sanskrit, not a published edition
ViP 3 3.29
एतद् ब्रह्म त्रिधाभेदम् अभेदम् अपि स प्रभुः सर्वभूतेष्व् अभेदो ऽसौ भिद्यते भिन्नबुद्धिभिः ॥
etad brahma tridhābhedam abhedam api sa prabhuḥ sarvabhūteṣv abhedo 'sau bhidyate bhinnabuddhibhiḥ //
This Brahman is threefold in division, and yet undivided; he is the Lord. Undivided in all beings, he is (yet) divided by those of divided understanding.
AI translation rendered from the Sanskrit, not a published edition
ViP 3 3.30
स ऋङ्मयः साममयः सर्वात्मा स यजुर्मयः ऋग्यजुःसामसारात्मा स एवात्मा शरीरिणाम् ॥
sa ṛṅmayaḥ sāmamayaḥ sarvātmā sa yajurmayaḥ ṛgyajuḥsāmasārātmā sa evātmā śarīriṇām //
He consists of the Ṛg, he consists of the Sāman, he is the Self of all, he consists of the Yajus; his essence is the essence of Ṛg, Yajus and Sāman — he alone is the Self of embodied beings.
AI translation rendered from the Sanskrit, not a published edition
ViP 3 3.31
स भिद्यते वेदमयः स वेदं करोति भेदैर् बहुभिः सशाखम् शाखाप्रणेता स समस्तशाखा ज्ञानस्वरूपो भगवान् अनन्तः ॥
sa bhidyate vedamayaḥ sa vedaṃ karoti bhedair bahubhiḥ saśākham śākhāpraṇetā sa samastaśākhā jñānasvarūpo bhagavān anantaḥ //
He, consisting of the Veda, is divided; he makes the Veda with its branches into many divisions; he is the promulgator of the branches, he is all the branches — the Lord, whose nature is knowledge, the endless one.
AI translation rendered from the Sanskrit, not a published edition