Vishnu Purana — Amsha 3 — Chapter 2
ViP 3 2.1
प्रोक्तान्य् एतानि भवता सप्त मन्वन्तराणि वै भविष्याण्य् अपि विप्रर्षे ममाख्यातुं त्वम् अर्हसि ॥
proktāny etāni bhavatā sapta manvantarāṇi vai bhaviṣyāṇy api viprarṣe mamākhyātuṃ tvam arhasi //
These seven Manu-intervals have been declared by you; the future ones too, O seer among brahmins, you ought to relate to me.
AI translation rendered from the Sanskrit, not a published edition
ViP 3 2.2
सूर्यस्य पत्नी संज्ञाभूत् तनया विश्वकर्मणः मनुर् यमो यमी चैव तदपत्यानि वै मुने ॥
sūryasya patnī saṃjñābhūt tanayā viśvakarmaṇaḥ manur yamo yamī caiva tadapatyāni vai mune //
The Sun's wife was Saṃjñā, the daughter of Viśvakarman; Manu, Yama, and Yamī were her children, O sage.
AI translation rendered from the Sanskrit, not a published edition
ViP 3 2.3
असहन्ती तु सा भर्तुस् तेजश् छायां युयोज वै भर्तुः शुश्रूषणे ऽरण्यं स्वयं च तपसे ययौ ॥
asahantī tu sā bhartus tejaś chāyāṃ yuyoja vai bhartuḥ śuśrūṣaṇe 'raṇyaṃ svayaṃ ca tapase yayau //
But she, unable to bear her husband's blazing heat, appointed Chāyā to the service of her husband, and herself went to the forest for austerity.
AI translation rendered from the Sanskrit, not a published edition
ViP 3 2.4
संज्ञेयम् इत्य् अथार्कश् च छायायाम् आत्मजत्रयम् शनैश्चरं मनुं चान्यं तपतीं चाप्य् अजीजनत् ॥
saṃjñeyam ity athārkaś ca chāyāyām ātmajatrayam śanaiścaraṃ manuṃ cānyaṃ tapatīṃ cāpy ajījanat //
Then the Sun, (thinking) "this is Saṃjñā," begot upon Chāyā three children: Śanaiścara, another Manu, and Tapatī.
AI translation rendered from the Sanskrit, not a published edition
ViP 3 2.5
छायासंज्ञा ददौ शापं यमाय कुपिता यदा तदान्येयम् असौ बुद्धिर् इत्य् आसीद् यमसूर्ययोः ॥
chāyāsaṃjñā dadau śāpaṃ yamāya kupitā yadā tadānyeyam asau buddhir ity āsīd yamasūryayoḥ //
When Chāyā-Saṃjñā, in anger, pronounced a curse upon Yama, then Yama and the Sun had the thought, "this woman is another."
AI translation rendered from the Sanskrit, not a published edition
ViP 3 2.6
ततो विवस्वान् आख्याते तयैवारण्यसंस्थिताम् समाधिदृष्ट्या ददृशे ताम् अश्वां तपसि स्थिताम् ॥
tato vivasvān ākhyāte tayaivāraṇyasaṃsthitām samādhidṛṣṭyā dadṛśe tām aśvāṃ tapasi sthitām //
Then Vivasvat, when she had told (him) that (Saṃjñā) was staying in the forest, saw her by the vision of meditation, in the form of a mare, engaged in austerity.
AI translation rendered from the Sanskrit, not a published edition
ViP 3 2.7
वाजिरूपधरः सो ऽपि तस्यां देवाव् अथाश्विनौ जनयाम् आस रेवन्तं रेतसो ऽन्ते च भास्करः ॥
vājirūpadharaḥ so 'pi tasyāṃ devāv athāśvinau janayām āsa revantaṃ retaso 'nte ca bhāskaraḥ //
He too, taking on the form of a horse, begot upon her the two gods, the Aśvins; and at the end of (the emission of) his seed the Sun (begot) Revanta.
AI translation rendered from the Sanskrit, not a published edition
ViP 3 2.8
आनिन्ये च पुनः संज्ञां स्वस्थानं भगवान् रविः तेजसः शमनं चास्य विश्वकर्मा चकार ह ॥
āninye ca punaḥ saṃjñāṃ svasthānaṃ bhagavān raviḥ tejasaḥ śamanaṃ cāsya viśvakarmā cakāra ha //
And the lord Sun brought Saṃjñā back again to her own place; and Viśvakarman effected the abating of his heat.
AI translation rendered from the Sanskrit, not a published edition
ViP 3 2.9
भ्रमम् आरोप्य सूर्यं तु तस्य तेजोविशातनम् कृतवान् अष्टमं भागं न व्यशातयताव्ययम् ॥
bhramam āropya sūryaṃ tu tasya tejoviśātanam kṛtavān aṣṭamaṃ bhāgaṃ na vyaśātayatāvyayam //
Setting the Sun upon a grinding-wheel, he carried out the paring away of his blazing heat; the eighth part, being imperishable, he did not pare away.
AI translation rendered from the Sanskrit, not a published edition — the model flagged this verse as uncertain
ViP 3 2.10
यत् सूर्याद् वैष्णवं तेजः शातितं विश्वकर्मणा जाज्वल्यमानम् अपतत् तद् भूमौ मुनिसत्तम ॥
yat sūryād vaiṣṇavaṃ tejaḥ śātitaṃ viśvakarmaṇā jājvalyamānam apatat tad bhūmau munisattama //
That splendour belonging to Viṣṇu which was pared away from the Sun by Viśvakarman fell blazing to the earth, O best of sages.
AI translation rendered from the Sanskrit, not a published edition
ViP 3 2.11
त्वष्टैव तेजसा तेन विष्णोश् चक्रम् अकल्पयत् त्रिशूलं चैव शर्वस्य शिबिकां धनदस्य च ॥
tvaṣṭaiva tejasā tena viṣṇoś cakram akalpayat triśūlaṃ caiva śarvasya śibikāṃ dhanadasya ca //
With that splendour Tvaṣṭṛ himself fashioned Viṣṇu's discus, and Śarva's trident, and the palanquin of the giver of wealth (Kubera),
AI translation rendered from the Sanskrit, not a published edition
ViP 3 2.12
शक्तिं गुहस्य देवानाम् अन्येषां च यद् आयुधम् तत् सर्वं तेजसा तेन विश्वकर्मा व्यवर्धयत् ॥
śaktiṃ guhasya devānām anyeṣāṃ ca yad āyudham tat sarvaṃ tejasā tena viśvakarmā vyavardhayat //
the spear of Guha, and whatever weapon belonged to the other gods: all that Viśvakarman increased with that splendour.
AI translation rendered from the Sanskrit, not a published edition
ViP 3 2.13
छायासंज्ञासुतो यो ऽसौ द्वितीयः कथितो मनुः पूर्वजस्य सवर्णो ऽसौ सावर्णिस् तेन कथ्यते ॥
chāyāsaṃjñāsuto yo 'sau dvitīyaḥ kathito manuḥ pūrvajasya savarṇo 'sau sāvarṇis tena kathyate //
He who is the son of Chāyā-Saṃjñā, spoken of as the second Manu — he is of the same colour (savarṇa) as his elder brother, and for that reason he is called Sāvarṇi.
AI translation rendered from the Sanskrit, not a published edition
ViP 3 2.14
तस्य मन्वन्तरं ह्य् एतत् सावर्णिकम् अथाष्टमम् तच् छृणुष्व महाभाग भविष्यं कथयामि ते ॥
tasya manvantaraṃ hy etat sāvarṇikam athāṣṭamam tac chṛṇuṣva mahābhāga bhaviṣyaṃ kathayāmi te //
For this manvantara of his is the eighth, the Sāvarṇika; hear about it, greatly fortunate one — I shall tell you what is to come.
AI translation rendered from the Sanskrit, not a published edition
ViP 3 2.15
सावर्णिस् तु मनुर् यो ऽसौ मैत्रेय भविता ततः सुतपाश् चामिताभाश् च मुख्याश् चापि तदा सुराः ॥
sāvarṇis tu manur yo 'sau maitreya bhavitā tataḥ sutapāś cāmitābhāś ca mukhyāś cāpi tadā surāḥ //
He who will be the Manu Sāvarṇi, Maitreya — then the gods will be the Sutapas, the Amitābhas, and the Mukhyas.
AI translation rendered from the Sanskrit, not a published edition
ViP 3 2.16
तेषां गणस् तु देवानाम् एकैको विंशकः स्मृतः सप्तर्षीन् अपि वक्ष्यामि भविष्यान् मुनिसत्तम ॥
teṣāṃ gaṇas tu devānām ekaiko viṃśakaḥ smṛtaḥ saptarṣīn api vakṣyāmi bhaviṣyān munisattama //
Of those gods each group is said to number twenty; and I shall tell you also the seven sages who are to come, O best of sages.
AI translation rendered from the Sanskrit, not a published edition
ViP 3 2.17
दीप्तिमान् गालवो रामः कृपो द्रौणिस् तथापरः मत्पुत्रश् च तथा व्यास ऋश्यशृङ्गश् च सप्तमः ॥
dīptimān gālavo rāmaḥ kṛpo drauṇis tathāparaḥ matputraś ca tathā vyāsa ṛśyaśṛṅgaś ca saptamaḥ //
Dīptimat, Gālava, Rāma, Kṛpa, and Drauṇi as another, and my son Vyāsa likewise, and Ṛśyaśṛṅga as the seventh.
AI translation rendered from the Sanskrit, not a published edition
ViP 3 2.18
विष्णुप्रसादाद् अनघः पातालान्तरगोचरः विरोचनसुतस् तेषां बलिर् इन्द्रो भविष्यति ॥
viṣṇuprasādād anaghaḥ pātālāntaragocaraḥ virocanasutas teṣāṃ balir indro bhaviṣyati //
By the favour of Viṣṇu, the sinless son of Virocana, Bali, who ranges within Pātāla, will be the Indra of those (gods).
AI translation rendered from the Sanskrit, not a published edition
ViP 3 2.19
विरजाश् चार्वरीवंश् च निर्मोहाद्यास् तथापरे सावर्णेस् तु मनोः पुत्रा भविष्यन्ति नरेश्वराः ॥
virajāś cārvarīvaṃś ca nirmohādyās tathāpare sāvarṇes tu manoḥ putrā bhaviṣyanti nareśvarāḥ //
Virajas, Arvarīvat, and the others beginning with Nirmoha will be the sons of the Manu Sāvarṇi, lords of men.
AI translation rendered from the Sanskrit, not a published edition
ViP 3 2.20
नवमो दक्षसावर्णिर् मैत्रेय भविता मनुः ॥
navamo dakṣasāvarṇir maitreya bhavitā manuḥ //
The ninth Manu, Maitreya, will be Dakṣasāvarṇi.
AI translation rendered from the Sanskrit, not a published edition
ViP 3 2.21
पारा मरीचिगर्भाश् च सुधर्माणस् तथा त्रिधा भविष्यन्ति तदा देवा एकैको द्वादशो गणः ॥
pārā marīcigarbhāś ca sudharmāṇas tathā tridhā bhaviṣyanti tadā devā ekaiko dvādaśo gaṇaḥ //
Then the gods will be threefold: the Pāras, the Marīcigarbhas, and the Sudharmans; each group numbering twelve.
AI translation rendered from the Sanskrit, not a published edition
ViP 3 2.22
तेषाम् इन्द्रो महावीर्यो भविष्यत्य् अद्भुतो द्विज ॥
teṣām indro mahāvīryo bhaviṣyaty adbhuto dvija //
Their Indra will be Adbhuta, of great might, O twice-born.
AI translation rendered from the Sanskrit, not a published edition
ViP 3 2.23
सवनो द्युतिमान् भव्यो वसुर् मेधातिथिस् तथा ज्योतिष्मान् सप्तमः सत्यस् तत्रैते च महर्षयः ॥
savano dyutimān bhavyo vasur medhātithis tathā jyotiṣmān saptamaḥ satyas tatraite ca maharṣayaḥ //
Savana, Dyutimān, Bhavya, Vasu, and Medhātithi, Jyotiṣmān, and Satya the seventh — these are the great sages there.
AI translation rendered from the Sanskrit, not a published edition
ViP 3 2.24
धृतकेतुर् दीप्तिकेतुः पञ्चहस्तो निरामयः पृथुश्रवाद्याश् च तथा दक्षसावर्णिकात्मजाः ॥
dhṛtaketur dīptiketuḥ pañcahasto nirāmayaḥ pṛthuśravādyāś ca tathā dakṣasāvarṇikātmajāḥ //
Dhṛtaketu, Dīptiketu, Pañcahasta, Nirāmaya, Pṛthuśravas and the rest — these are the sons of Dakṣasāvarṇi.
AI translation rendered from the Sanskrit, not a published edition
ViP 3 2.25
दशमो ब्रह्मसावर्णिर् भविष्यति मुने मनुः सुधामानो विरुद्धाश् च शतसंख्यास् तथा सुराः ॥
daśamo brahmasāvarṇir bhaviṣyati mune manuḥ sudhāmāno viruddhāś ca śatasaṃkhyās tathā surāḥ //
The tenth Manu, O sage, will be Brahmasāvarṇi; and the gods (then) will be the Sudhāmans and the Viruddhas, a hundred in number.
AI translation rendered from the Sanskrit, not a published edition
ViP 3 2.26
तेषाम् इन्द्रश् च भविता शान्तिर् नाम महाबलः सप्तर्षयो भविष्यन्ति ये तदा ताञ् छृणुष्व च ॥
teṣām indraś ca bhavitā śāntir nāma mahābalaḥ saptarṣayo bhaviṣyanti ye tadā tāñ chṛṇuṣva ca //
And their Indra will be one named Śānti, of great strength; hear from me too the seven sages who will be then.
AI translation rendered from the Sanskrit, not a published edition
ViP 3 2.27
हविष्मान् सुकृतिः सत्यो ह्य् अपांमूर्तिस् तथापरः नाभागो ऽप्रतिमौजाश् च सत्यकेतुस् तथैव च ॥
haviṣmān sukṛtiḥ satyo hy apāṃmūrtis tathāparaḥ nābhāgo 'pratimaujāś ca satyaketus tathaiva ca //
Haviṣmān, Sukṛti, Satya, and likewise another, Apāṃmūrti, Nābhāga, Apratimaujas, and just so Satyaketu.
AI translation rendered from the Sanskrit, not a published edition
ViP 3 2.28
सुक्षेत्रश् चोत्तमौजाश् च भूरिषेणादयो दश ब्रह्मसावर्णिपुत्रास् तु रक्षिष्यन्ति वसुंधराम् ॥
sukṣetraś cottamaujāś ca bhūriṣeṇādayo daśa brahmasāvarṇiputrās tu rakṣiṣyanti vasuṃdharām //
And Sukṣetra and Uttamaujas, Bhūriṣeṇa and the rest, ten sons of Brahmasāvarṇi, will guard the earth.
AI translation rendered from the Sanskrit, not a published edition
ViP 3 2.29
एकादशश् च भविता धर्मसावर्णिको मनुः ॥
ekādaśaś ca bhavitā dharmasāvarṇiko manuḥ //
And the eleventh Manu will be Dharmasāvarṇika.
AI translation rendered from the Sanskrit, not a published edition
ViP 3 2.30
विहंगमाः कामगमा निर्माणरुचयस् तथा गणास् त्व् एते तदा मुख्या देवानां च भविष्यताम् एकैकस् त्रिंशकस् तेषां गणश् चेन्द्रश् च वै वृषः ॥
vihaṃgamāḥ kāmagamā nirmāṇarucayas tathā gaṇās tv ete tadā mukhyā devānāṃ ca bhaviṣyatām ekaikas triṃśakas teṣāṃ gaṇaś cendraś ca vai vṛṣaḥ //
The Vihaṃgamas, the Kāmagamas, and likewise the Nirmāṇarucis — these will then be the chief groups of the gods that are to be; each one of their groups is thirty in number, and their Indra is Vṛṣa.
AI translation rendered from the Sanskrit, not a published edition
ViP 3 2.31
निश्चरश् चाग्नितेजाश् च वपुष्मान् विष्णुर् आरुणिः हविष्मान् अनघश् चैते भव्याः सप्तर्षयस् तथा ॥
niścaraś cāgnitejāś ca vapuṣmān viṣṇur āruṇiḥ haviṣmān anaghaś caite bhavyāḥ saptarṣayas tathā //
Niścara, Agnitejas, Vapuṣmān, Viṣṇu, Āruṇi, Haviṣmān, and Anagha — these will be the seven sages then.
AI translation rendered from the Sanskrit, not a published edition
ViP 3 2.32
सर्वगः सर्वधर्मा च देवानीकादयस् तथा भविष्यन्ति मनोस् तस्य तनयाः पृथिवीश्वराः ॥
sarvagaḥ sarvadharmā ca devānīkādayas tathā bhaviṣyanti manos tasya tanayāḥ pṛthivīśvarāḥ //
Sarvaga and Sarvadharmā, Devānīka and the rest will be that Manu's sons, lords of the earth.
AI translation rendered from the Sanskrit, not a published edition
ViP 3 2.33
रुद्रपुत्रस् तु सावर्णिर् भविता द्वादशो मनुः ऋतधामा च तत्रेन्द्रो भविता शृणु मे सुरान् ॥
rudraputras tu sāvarṇir bhavitā dvādaśo manuḥ ṛtadhāmā ca tatrendro bhavitā śṛṇu me surān //
But the twelfth Manu will be Sāvarṇi, son of Rudra; and Ṛtadhāmā will be the Indra there. Hear from me the gods.
AI translation rendered from the Sanskrit, not a published edition
ViP 3 2.34
हरिता लोहिता देवास् तथा सुमनसो द्विज सुकर्माणः सुपाराश् च दशकाः पञ्च वै गणाः ॥
haritā lohitā devās tathā sumanaso dvija sukarmāṇaḥ supārāś ca daśakāḥ pañca vai gaṇāḥ //
The Haritas, the Lohitas, and likewise the Sumanases, O twice-born, the Sukarmans and the Supāras — five groups, each of ten.
AI translation rendered from the Sanskrit, not a published edition
ViP 3 2.35
तपस्वी सुतपाश् चैव तपोमूर्तिस् तपोरतिः तपोधृतिर् द्युतिश् चान्यः सप्तमस् तु तपोधनः ॥
tapasvī sutapāś caiva tapomūrtis taporatiḥ tapodhṛtir dyutiś cānyaḥ saptamas tu tapodhanaḥ //
Tapasvī and Sutapas, Tapomūrti, Taporati, Tapodhṛti, and another, Dyuti, and the seventh is Tapodhana.
AI translation rendered from the Sanskrit, not a published edition
ViP 3 2.36
देववान् उपदेवश् च देवश्रेष्ठादयस् तथा मनोस् तस्य महावीर्या भविष्यन्ति सुता नृपाः ॥
devavān upadevaś ca devaśreṣṭhādayas tathā manos tasya mahāvīryā bhaviṣyanti sutā nṛpāḥ //
Devavān and Upadeva, Devaśreṣṭha and the rest will be that Manu's sons, kings of great might.
AI translation rendered from the Sanskrit, not a published edition
ViP 3 2.37
त्रयोदशो रौच्यनामा भविष्यति मुने मनुः ॥
trayodaśo raucyanāmā bhaviṣyati mune manuḥ //
The thirteenth Manu, O sage, will be one named Raucya.
AI translation rendered from the Sanskrit, not a published edition
ViP 3 2.38
सुत्रामाणः सुकर्माणः सुधर्माणस् तथा सुराः त्रयस् त्रिंशद्विभेदास् ते देवानां ये तु वै गणाः ॥
sutrāmāṇaḥ sukarmāṇaḥ sudharmāṇas tathā surāḥ trayas triṃśadvibhedās te devānāṃ ye tu vai gaṇāḥ //
The gods (then) will be the Sutrāmans, the Sukarmans, and the Sudharmans; the groups of the gods are these, divided into thirty-three.
AI translation rendered from the Sanskrit, not a published edition
ViP 3 2.39
दिवस्पतिर् महावीर्यस् तेषाम् इन्द्रो भविष्यति ॥
divaspatir mahāvīryas teṣām indro bhaviṣyati //
Divaspati of great might will be their Indra.
AI translation rendered from the Sanskrit, not a published edition
ViP 3 2.40
निर्मोहस् तत्त्वदर्शी च निष्प्रकम्पो निरुत्सुकः धृतिमान् अव्ययश् चान्यः सप्तमः सुतपा मुनिः सप्तर्षयस् त्व् इमे तस्य पुत्रान् अपि निबोध मे ॥
nirmohas tattvadarśī ca niṣprakampo nirutsukaḥ dhṛtimān avyayaś cānyaḥ saptamaḥ sutapā muniḥ saptarṣayas tv ime tasya putrān api nibodha me //
Nirmoha, Tattvadarśī, Niṣprakampa, Nirutsuka, Dhṛtimān, and another, Avyaya, and the seventh, the sage Sutapas — these are the seven sages; learn from me his sons too.
AI translation rendered from the Sanskrit, not a published edition
ViP 3 2.41
चित्रसेनविचित्राद्या भविष्यन्ति महीक्षितः ॥
citrasenavicitrādyā bhaviṣyanti mahīkṣitaḥ //
Citrasena, Vicitra and the rest will be rulers of the earth.
AI translation rendered from the Sanskrit, not a published edition
ViP 3 2.42
भौत्यश् चतुर्दशश् चात्र मैत्रेय भविता मनुः शुचिर् इन्द्रः सुरगणास् तत्र पञ्च शृणुष्व तान् ॥
bhautyaś caturdaśaś cātra maitreya bhavitā manuḥ śucir indraḥ suragaṇās tatra pañca śṛṇuṣva tān //
And here, Maitreya, the fourteenth Manu will be Bhautya; Śuci will be Indra. There are five groups of gods there — hear them.
AI translation rendered from the Sanskrit, not a published edition
ViP 3 2.43
चाक्षुषाश् च पवित्राश् च कनिष्ठा भ्राजिरास् तथा वाचावृद्धाश् च वै देवाः सप्तर्षीन् अपि मे शृणु ॥
cākṣuṣāś ca pavitrāś ca kaniṣṭhā bhrājirās tathā vācāvṛddhāś ca vai devāḥ saptarṣīn api me śṛṇu //
The gods (will be) the Cākṣuṣas, the Pavitras, the Kaniṣṭhas, the Bhrājiras, and the Vācāvṛddhas; hear from me also the seven sages.
AI translation rendered from the Sanskrit, not a published edition
ViP 3 2.44
अग्निबाहुः शुचिः शुक्रो मागधो ऽग्नीध्र एव च युक्तस् तथा जितश् चान्यो मनुपुत्रान् अतः शृणु ॥
agnibāhuḥ śuciḥ śukro māgadho 'gnīdhra eva ca yuktas tathā jitaś cānyo manuputrān ataḥ śṛṇu //
Agnibāhu, Śuci, Śukra, Māgadha, and Agnīdhra, Yukta, and another, Jita; now hear the sons of that Manu.
AI translation rendered from the Sanskrit, not a published edition
ViP 3 2.45
ऊरुगम्भीरबुध्नाद्या मनोस् तस्य सुता नृपाः कथिता मुनिशार्दूल पालयिष्यन्ति ये महीम् ॥
ūrugambhīrabudhnādyā manos tasya sutā nṛpāḥ kathitā muniśārdūla pālayiṣyanti ye mahīm //
Uru, Gambhīra, Budhna and the rest are declared to be the kingly sons of that Manu, O tiger among sages, who will guard the earth.
AI translation rendered from the Sanskrit, not a published edition
ViP 3 2.46
चतुर्युगान्ते वेदानां जायते किल विप्लवः प्रवर्तयन्ति तान् एत्य भुवि सप्तर्षयो दिवः ॥
caturyugānte vedānāṃ jāyate kila viplavaḥ pravartayanti tān etya bhuvi saptarṣayo divaḥ //
At the end of the four ages there occurs, it is said, a disruption of the Vedas; the seven sages, coming from heaven to earth, set them going again.
AI translation rendered from the Sanskrit, not a published edition
ViP 3 2.47
कृते कृते स्मृतेर् विप्र प्रणेता जायते मनुः देवा यज्ञभुजस् ते तु यावन् मन्वन्तरं तु तत् ॥
kṛte kṛte smṛter vipra praṇetā jāyate manuḥ devā yajñabhujas te tu yāvan manvantaraṃ tu tat //
In each Kṛta age, O brahmin, a Manu is born as promulgator of the sacred law; and those gods enjoy the sacrificial offerings for as long as that Manu-period lasts.
AI translation rendered from the Sanskrit, not a published edition
ViP 3 2.48
भवन्ति ये मनोः पुत्रा यावन् मन्वन्तरं तु तैः तदन्वयोद्भवैश् चैव तावद् भूः परिपाल्यते ॥
bhavanti ye manoḥ putrā yāvan manvantaraṃ tu taiḥ tadanvayodbhavaiś caiva tāvad bhūḥ paripālyate //
And by those who are the sons of the Manu, and by those born in their line, the earth is guarded for as long as the Manu-period lasts.
AI translation rendered from the Sanskrit, not a published edition
ViP 3 2.49
मनुः सप्तर्षयो देवा भूपालाश् च मनोः सुताः मन्वन्तरे भवन्त्य् एते शक्रश् चैवाधिकारिणः ॥
manuḥ saptarṣayo devā bhūpālāś ca manoḥ sutāḥ manvantare bhavanty ete śakraś caivādhikāriṇaḥ //
The Manu, the seven sages, the gods, the earth-guarding sons of the Manu, and Śakra — these are the office-holders in a Manu-period.
AI translation rendered from the Sanskrit, not a published edition
ViP 3 2.50
चतुर्दशभिर् एतैस् तु गतैर् मन्वन्तरैर् द्विज सहस्रयुगपर्यन्तः कल्पो निःशेष उच्यते ॥
caturdaśabhir etais tu gatair manvantarair dvija sahasrayugaparyantaḥ kalpo niḥśeṣa ucyate //
When these fourteen Manu-periods have passed, O twice-born, the kalpa, extending to a thousand ages, is said to be complete.
AI translation rendered from the Sanskrit, not a published edition
ViP 3 2.51
तावत्प्रमाणा च निशा ततो भवति सत्तम ब्रह्मरूपधरः शेते शेषाहाव् अम्बुसंप्लवे ॥
tāvatpramāṇā ca niśā tato bhavati sattama brahmarūpadharaḥ śete śeṣāhāv ambusaṃplave //
And then, O best of the good, there comes a night of that same measure, (during which) he who bears the form of Brahmā lies asleep on the serpent Śeṣa in the flood of waters,
AI translation rendered from the Sanskrit, not a published edition
ViP 3 2.52
त्रैलोक्यम् अखिलं ग्रस्त्वा भगवान् आदिकृद् विभुः स्वमायासंस्थितो विप्र सर्वभूतो जनार्दनः ॥
trailokyam akhilaṃ grastvā bhagavān ādikṛd vibhuḥ svamāyāsaṃsthito vipra sarvabhūto janārdanaḥ //
having swallowed the whole triple world — the Lord, the primal maker, the all-pervading, abiding in his own māyā, O brahmin, Janārdana who is all beings.
AI translation rendered from the Sanskrit, not a published edition
ViP 3 2.53
ततः प्रबुद्धो भगवान् यथा पूर्वं तथा पुनः सृष्टिं करोत्य् अव्ययात्मा कल्पे कल्पे रजोगुणः ॥
tataḥ prabuddho bhagavān yathā pūrvaṃ tathā punaḥ sṛṣṭiṃ karoty avyayātmā kalpe kalpe rajoguṇaḥ //
Then the Lord, awakened, again performs creation as before, he of imperishable self, having the quality of rajas in kalpa after kalpa.
AI translation rendered from the Sanskrit, not a published edition
ViP 3 2.54
मनवो भूभुजः सेन्द्रा देवाः सप्तर्षयस् तथा सात्त्विको ऽंशः स्थितिकरो जगतो द्विजसत्तम ॥
manavo bhūbhujaḥ sendrā devāḥ saptarṣayas tathā sāttviko 'ṃśaḥ sthitikaro jagato dvijasattama //
The Manus, the kings, the gods with Indra, and the seven sages are his sattva-portion, which maintains the world, O best of the twice-born.
AI translation rendered from the Sanskrit, not a published edition
ViP 3 2.55
चतुर्युगे ऽप्य् असौ विष्णुः स्थितिव्यापारलक्षणः युगव्यवस्थां कुरुते यथा मैत्रेय तच् छृणु ॥
caturyuge 'py asau viṣṇuḥ sthitivyāpāralakṣaṇaḥ yugavyavasthāṃ kurute yathā maitreya tac chṛṇu //
In the four ages too this Viṣṇu, marked by the activity of maintenance, establishes the order of the ages — hear how, Maitreya.
AI translation rendered from the Sanskrit, not a published edition
ViP 3 2.56
कृते युगे परं ज्ञानं कपिलादिस्वरूपधृक् ददाति सर्वभूतात्मा सर्वभूतहिते रतः ॥
kṛte yuge paraṃ jñānaṃ kapilādisvarūpadhṛk dadāti sarvabhūtātmā sarvabhūtahite rataḥ //
In the Kṛta age he, the self of all beings, devoted to the welfare of all beings, assuming the form of Kapila and others, bestows the highest knowledge.
AI translation rendered from the Sanskrit, not a published edition
ViP 3 2.57
चक्रवर्तिस्वरूपेण त्रेतायाम् अपि स प्रभुः दुष्टानां निग्रहं कुर्वन् परिपाति जगत्त्रयम् ॥
cakravartisvarūpeṇa tretāyām api sa prabhuḥ duṣṭānāṃ nigrahaṃ kurvan paripāti jagattrayam //
In the Tretā too that Lord, in the form of a universal emperor, restraining the wicked, guards the three worlds.
AI translation rendered from the Sanskrit, not a published edition
ViP 3 2.58
वेदम् एकं चतुर्भेदं कृत्वा शाखाशतैर् विभुः करोति बहुलं भूयो वेदव्यासस्वरूपधृक् ॥
vedam ekaṃ caturbhedaṃ kṛtvā śākhāśatair vibhuḥ karoti bahulaṃ bhūyo vedavyāsasvarūpadhṛk //
Assuming the form of Vedavyāsa, the all-pervading one makes the single Veda fourfold and then makes it manifold again with hundreds of branches.
AI translation rendered from the Sanskrit, not a published edition
ViP 3 2.59
वेदांस् तु द्वापरे व्यस्य कलेर् अन्ते पुनर् हरिः कल्किस्वरूपी दुर्वृत्तान् मार्गे स्थापयति प्रभुः ॥
vedāṃs tu dvāpare vyasya kaler ante punar hariḥ kalkisvarūpī durvṛttān mārge sthāpayati prabhuḥ //
Having divided the Vedas in the Dvāpara, again at the end of the Kali the Lord Hari, in the form of Kalki, sets the evil-doers on the (right) path.
AI translation rendered from the Sanskrit, not a published edition
ViP 3 2.60
एवम् एष जगत् सर्वं परिपाति करोति च हन्ति चान्तेष्व् अनन्तात्मा नास्त्य् अस्माद् व्यतिरेकि यत् ॥
evam eṣa jagat sarvaṃ paripāti karoti ca hanti cānteṣv anantātmā nāsty asmād vyatireki yat //
Thus he, of infinite self, guards this whole world, and makes it, and destroys it at the ends; there is nothing that is separate from him.
AI translation rendered from the Sanskrit, not a published edition
ViP 3 2.61
भूतं भव्यं भविष्यं च सर्वभूतान् महात्मनः तद् अत्रान्यत्र वा विप्र सद्भावः कथितस् तव ॥
bhūtaṃ bhavyaṃ bhaviṣyaṃ ca sarvabhūtān mahātmanaḥ tad atrānyatra vā vipra sadbhāvaḥ kathitas tava //
Past, present and future, and all beings, belong to the great one; that true being (of his), here or elsewhere, O brahmin, has been told to you.
AI translation rendered from the Sanskrit, not a published edition — the model flagged this verse as uncertain
ViP 3 2.62
मन्वन्तराण्य् अशेषाणि कथितानि मया तव मन्वन्तराधिपांश् चैव किम् अन्यत् कथयामि ते ॥
manvantarāṇy aśeṣāṇi kathitāni mayā tava manvantarādhipāṃś caiva kim anyat kathayāmi te //
All the Manvantaras have been told by me to you, and also the lords of the Manvantaras; what else shall I tell you?
AI translation rendered from the Sanskrit, not a published edition