Vishnu Purana — Amsha 3 — Chapter 13
ViP 3 13.1
सचैलस्य पितुः स्नानं जाते पुत्रे विधीयते जातकर्म तथा कुर्याच् श्राद्धम् अभ्युदये च यत् ॥
sacailasya pituḥ snānaṃ jāte putre vidhīyate jātakarma tathā kuryāc śrāddham abhyudaye ca yat //
When a son is born, a bath for the father with his garments on is prescribed; and he should perform the birth-rite, and the śrāddha that (belongs) to an auspicious occasion.
AI translation rendered from the Sanskrit, not a published edition
ViP 3 13.2
युग्मान् देवांश् च पित्र्यांश् च सम्यक् सव्यक्रमाद् द्विजान् पूजयेद् भोजयेच् चैव तन्मना नान्यमानसः ॥
yugmān devāṃś ca pitryāṃś ca samyak savyakramād dvijān pūjayed bhojayec caiva tanmanā nānyamānasaḥ //
He should honour and feed brahmins in even numbers, both those (representing) the gods and those (representing) the ancestors, properly, in due order to the left, with his mind on that and not thinking of anything else.
AI translation rendered from the Sanskrit, not a published edition
ViP 3 13.3
दध्यक्षतैः सबदरैः प्राङ्मुखोदङ्मुखो ऽपि वा देवतीर्थेन वै पिण्डान् दद्यात् कायेन वा नृप ॥
dadhyakṣataiḥ sabadaraiḥ prāṅmukhodaṅmukho 'pi vā devatīrthena vai piṇḍān dadyāt kāyena vā nṛpa //
With curds, unbroken grains and jujubes, facing east or else facing north, he should offer the balls by the deva-tīrtha (the fingertips) or by the kāya (part of the hand), O king.
AI translation rendered from the Sanskrit, not a published edition — the model flagged this verse as uncertain
ViP 3 13.4
नान्दीमुखः पितृगणस् तेन श्राद्धेन पार्थिव प्रीयते तत् तु कर्तव्यं पुरुषैः सर्ववृद्धिषु ॥
nāndīmukhaḥ pitṛgaṇas tena śrāddhena pārthiva prīyate tat tu kartavyaṃ puruṣaiḥ sarvavṛddhiṣu //
By that śrāddha the host of ancestors called nāndīmukha is pleased, O king; and it is to be performed by men on all occasions of increase.
AI translation rendered from the Sanskrit, not a published edition
ViP 3 13.5
कन्यापुत्रविवाहेषु प्रवेशे नववेश्मनः नामकर्मणि बालानां चूडाकर्मादिके तथा ॥
kanyāputravivāheṣu praveśe navaveśmanaḥ nāmakarmaṇi bālānāṃ cūḍākarmādike tathā //
At the marriages of daughters and sons, at the entering of a new house, at the name-giving rite of children, and likewise at the tonsure and the rest,
AI translation rendered from the Sanskrit, not a published edition
ViP 3 13.6
सीमन्तोन्नयने चैव पुत्रादिमुखदर्शने नान्दीमुखं पितृगणं पूजयेत् प्रयतो गृही ॥
sīmantonnayane caiva putrādimukhadarśane nāndīmukhaṃ pitṛgaṇaṃ pūjayet prayato gṛhī //
and at the parting of the hair (of a pregnant wife), and at the seeing of the face of a son or the like, the householder, being purified, should worship the nāndīmukha host of ancestors.
AI translation rendered from the Sanskrit, not a published edition
ViP 3 13.7
पितृपूजाक्रमः प्रोक्तो वृद्धाव् एष समासतः श्रूयताम् अवनीपाल प्रेतकर्मक्रियाविधिः ॥
pitṛpūjākramaḥ prokto vṛddhāv eṣa samāsataḥ śrūyatām avanīpāla pretakarmakriyāvidhiḥ //
This order of worship of the ancestors at an occasion of increase has been declared in brief; now let the rule for the performance of the rites for the dead be heard, O protector of the earth.
AI translation rendered from the Sanskrit, not a published edition
ViP 3 13.8
प्रेतदेहं शुभैः स्नानैः स्नापितं स्रग्विभूषितम् दग्ध्वा ग्रामाद् बहिः स्नात्वा सचैलाः सलिलाशये ॥
pretadehaṃ śubhaiḥ snānaiḥ snāpitaṃ sragvibhūṣitam dagdhvā grāmād bahiḥ snātvā sacailāḥ salilāśaye //
Having burned outside the village the body of the dead man, bathed with auspicious ablutions and adorned with a garland, (the kinsmen) having bathed with their clothes on in a pool of water,
AI translation rendered from the Sanskrit, not a published edition
ViP 3 13.9
यत्र तत्र स्थितायैतद् अमुकायेति वादिनः दक्षिणाभिमुखा दद्युर् बान्धवाः सलिलाञ्जलिम् ॥
yatra tatra sthitāyaitad amukāyeti vādinaḥ dakṣiṇābhimukhā dadyur bāndhavāḥ salilāñjalim //
the kinsmen, facing south, should offer a handful of water, saying, 'This is for so-and-so, wherever he may be.'
AI translation rendered from the Sanskrit, not a published edition
ViP 3 13.10
प्रविष्टाश् च समं गोभिर् ग्रामं नक्षत्रदर्शने कटधर्मांस् ततः कुर्युर् भूमौ प्रस्तरशायिनः ॥
praviṣṭāś ca samaṃ gobhir grāmaṃ nakṣatradarśane kaṭadharmāṃs tataḥ kuryur bhūmau prastaraśāyinaḥ //
And having entered the village together with the cattle, at the appearing of the stars, they should then perform the observances of the mat, lying on the ground on spread grass.
AI translation rendered from the Sanskrit, not a published edition — the model flagged this verse as uncertain
ViP 3 13.11
दातव्यो ऽनुदिनं पिण्डः प्रेताय भुवि पार्थिव दिवा च भक्तं भोक्तव्यम् अमांसं मनुजर्षभ ॥
dātavyo 'nudinaṃ piṇḍaḥ pretāya bhuvi pārthiva divā ca bhaktaṃ bhoktavyam amāṃsaṃ manujarṣabha //
Day by day a ball (of food) is to be given on the ground to the dead man, O king; and by day cooked food, without meat, is to be eaten, O bull among men.
AI translation rendered from the Sanskrit, not a published edition
ViP 3 13.12
दिनानि तानि चेच्छातः कर्तव्यं विप्रभोजनम् प्रेतस् तृप्तिं तथा याति बन्धुवर्गेण भुञ्जता ॥
dināni tāni cecchātaḥ kartavyaṃ viprabhojanam pretas tṛptiṃ tathā yāti bandhuvargeṇa bhuñjatā //
And during those days the feeding of brahmins is to be done according to (one's) wish; the dead man likewise attains satisfaction through the eating of the circle of kinsmen.
AI translation rendered from the Sanskrit, not a published edition
ViP 3 13.13
प्रथमे ऽह्नि तृतीये च सप्तमे नवमे तथा वस्त्रत्यागं बहिःस्नानं कृत्वा दद्यात् तिलोदकम् ॥
prathame 'hni tṛtīye ca saptame navame tathā vastratyāgaṃ bahiḥsnānaṃ kṛtvā dadyāt tilodakam //
On the first day, and on the third, the seventh, and likewise the ninth, having discarded the (worn) garment and bathed outside (the house), one should offer water with sesame.
AI translation rendered from the Sanskrit, not a published edition
ViP 3 13.14
चतुर्थे ऽह्नि च कर्तव्यं भस्मास्थिचयनं नृप तदूर्ध्वम् अङ्गस्पर्शश् च सपिण्डानाम् अपीष्यते ॥
caturthe 'hni ca kartavyaṃ bhasmāsthicayanaṃ nṛpa tadūrdhvam aṅgasparśaś ca sapiṇḍānām apīṣyate //
And on the fourth day, O king, the gathering of the ashes and bones is to be done; after that, the touching of the body (of the mourners) by the sapiṇḍas is also permitted.
AI translation rendered from the Sanskrit, not a published edition
ViP 3 13.15
योग्याः सर्वक्रियाणां तु समानसलिलास् तथा अनुलेपनपुष्पादिभोगाद् अन्यत्र पार्थिव ॥
yogyāḥ sarvakriyāṇāṃ tu samānasalilās tathā anulepanapuṣpādibhogād anyatra pārthiva //
And they, having (already) become entitled to all the rites, are likewise (allowed) the same water, except for the enjoyment of unguents, flowers and the like, O king.
AI translation rendered from the Sanskrit, not a published edition — the model flagged this verse as uncertain
ViP 3 13.16
शय्यासनोपभोगश् च सपिण्डानाम् अपीष्यते भस्मास्थिचयनाद् ऊर्ध्वं संयोगो न तु योषिताम् ॥
śayyāsanopabhogaś ca sapiṇḍānām apīṣyate bhasmāsthicayanād ūrdhvaṃ saṃyogo na tu yoṣitām //
The use of bed and seat is also permitted to the sapiṇḍas after the gathering of the ashes and bones, but not union with women.
AI translation rendered from the Sanskrit, not a published edition
ViP 3 13.17
बाले देशान्तरस्थे च पतिते च मुनौ मृते सद्यः शौचं तथेच्छातो जलाग्न्युद्बन्धनादिषु ॥
bāle deśāntarasthe ca patite ca munau mṛte sadyaḥ śaucaṃ tathecchāto jalāgnyudbandhanādiṣu //
When a child, or one living in another country, or a fallen man, or an ascetic has died, purification is immediate; and so too, at will, in cases of (death by) water, fire, hanging and the like.
AI translation rendered from the Sanskrit, not a published edition
ViP 3 13.18
मृतबन्धोर् दशाहानि कुलस्यान्नं न भुज्यते दानं प्रतिग्रहो यज्ञः स्वाध्यायश् च निवर्तते ॥
mṛtabandhor daśāhāni kulasyānnaṃ na bhujyate dānaṃ pratigraho yajñaḥ svādhyāyaś ca nivartate //
For ten days the food of the family of the deceased relative is not to be eaten; and giving, accepting gifts, sacrifice, and Vedic recitation cease.
AI translation rendered from the Sanskrit, not a published edition
ViP 3 13.19
विप्रस्यैतद् द्वादशाहं राजन्यस्याप्य् अशौचकम् अर्धमासं तु वैश्यस्य मासं शूद्रस्य शुद्धये ॥
viprasyaitad dvādaśāhaṃ rājanyasyāpy aśaucakam ardhamāsaṃ tu vaiśyasya māsaṃ śūdrasya śuddhaye //
This (impurity lasts ten days) for a brahmin; for a kṣatriya too the impurity is twelve days; for a vaiśya half a month, and for a śūdra a month, until purification.
AI translation rendered from the Sanskrit, not a published edition — the model flagged this verse as uncertain
ViP 3 13.20
अयुजो भोजयेत् कामं द्विजान् आद्ये ततो दिने दद्याद् दर्भेषु पिण्डं च प्रेतायोच्छिष्टसंनिधौ ॥
ayujo bhojayet kāmaṃ dvijān ādye tato dine dadyād darbheṣu piṇḍaṃ ca pretāyocchiṣṭasaṃnidhau //
On the first day (after purification) he may feed brahmins, at will, in an odd number; and then, in the presence of the leavings, he should offer a piṇḍa on darbha grass to the departed.
AI translation rendered from the Sanskrit, not a published edition — the model flagged this verse as uncertain
ViP 3 13.21
वार्यायुधप्रतोदास् तु दण्डश् च द्विजभोजनात् स्प्रष्टव्यो ऽनन्तरं वर्णैः शुध्येरंस् ते ततः क्रमात् ॥
vāryāyudhapratodās tu daṇḍaś ca dvijabhojanāt spraṣṭavyo 'nantaraṃ varṇaiḥ śudhyeraṃs te tataḥ kramāt //
After the feeding of the brahmins, water, a weapon, a goad, and a staff are to be touched, next, by the (four) classes respectively; thereby they become pure in order.
AI translation rendered from the Sanskrit, not a published edition — the model flagged this verse as uncertain
ViP 3 13.22
ततः स्ववर्णधर्मा ये विप्रादीनाम् उदाहृताः तान् कुर्वीत पुमाञ् जीवेन् निजधर्मार्जनैस् तथा ॥
tataḥ svavarṇadharmā ye viprādīnām udāhṛtāḥ tān kurvīta pumāñ jīven nijadharmārjanais tathā //
Thereafter, whatever duties of his own class have been declared for the brahmin and the rest, those a man should perform, and he should live by the gains proper to his own duty.
AI translation rendered from the Sanskrit, not a published edition
ViP 3 13.23
मृते ऽहनि च कर्तव्यम् एकोद्दिष्टम् अतः परम् आह्वानादिक्रियादैवनियोगरहितं हि तत् ॥
mṛte 'hani ca kartavyam ekoddiṣṭam ataḥ param āhvānādikriyādaivaniyogarahitaṃ hi tat //
And on the day (each month) of the death, from then on, the ekoddiṣṭa rite is to be performed; for it is without the invocation and the other rites, and without the assignment to the gods.
AI translation rendered from the Sanskrit, not a published edition
ViP 3 13.24
एको ऽर्घ्यस् तत्र दातव्यस् तथैवैकं पवित्रकम् प्रेताय पिण्डो दातव्यो भुक्तवत्सु द्विजातिषु ॥
eko 'rghyas tatra dātavyas tathaivaikaṃ pavitrakam pretāya piṇḍo dātavyo bhuktavatsu dvijātiṣu //
There a single arghya is to be given, and likewise a single purifying (kuśa) ring; and when the brahmins have eaten, the piṇḍa is to be given to the departed.
AI translation rendered from the Sanskrit, not a published edition
ViP 3 13.25
प्रश्नश् च तत्राभिरतिर् यजमानद्विजन्मनाम् अक्षय्यम् अमुकस्येति वक्तव्यं विरतौ तथा ॥
praśnaś ca tatrābhiratir yajamānadvijanmanām akṣayyam amukasyeti vaktavyaṃ viratau tathā //
And there the question is (asked) about the satisfaction of the twice-born (fed) by the sacrificer; and at the conclusion one should say, "May it be inexhaustible for so-and-so."
AI translation rendered from the Sanskrit, not a published edition — the model flagged this verse as uncertain
ViP 3 13.26
एकोद्दिष्टमयो धर्म इत्थम् आवत्सरात् स्मृतः सपिण्डीकरणं तस्मिन् काले राजेन्द्र तच् छृणु ॥
ekoddiṣṭamayo dharma ittham āvatsarāt smṛtaḥ sapiṇḍīkaraṇaṃ tasmin kāle rājendra tac chṛṇu //
The observance consisting of the ekoddiṣṭa is thus prescribed up to a year; at that time (comes) the sapiṇḍīkaraṇa, O lord of kings—hear of it.
AI translation rendered from the Sanskrit, not a published edition
ViP 3 13.28
पात्रं प्रेतस्य तत्रैकं पैत्रं पात्रत्रयं तथा सेचयेत् पितृपात्रेषु प्रेतपात्रं नृप त्रिषु ॥
pātraṃ pretasya tatraikaṃ paitraṃ pātratrayaṃ tathā secayet pitṛpātreṣu pretapātraṃ nṛpa triṣu //
There (there is) one vessel for the departed and likewise three vessels for the fathers; one should pour the departed's vessel into the three vessels of the fathers, O king.
AI translation rendered from the Sanskrit, not a published edition
ViP 3 13.29
ततः पितृत्वम् आपन्ने तस्मिन् प्रेते महीपते श्राद्धधर्मैर् अशेषैस् तु तत्पूर्वान् अर्चयेत् पितॄन् ॥
tataḥ pitṛtvam āpanne tasmin prete mahīpate śrāddhadharmair aśeṣais tu tatpūrvān arcayet pitṝn //
Then, when that departed one has attained the status of a father, O lord of the earth, one should honour him along with the earlier fathers with all the rites of the śrāddha.
AI translation rendered from the Sanskrit, not a published edition
ViP 3 13.30
पुत्रः पौत्रः प्रपौत्रो वा बन्धुर् वा भ्रातृसंततिः सपिण्डसंततिर् वापि क्रियार्हो नृप जायते ॥
putraḥ pautraḥ prapautro vā bandhur vā bhrātṛsaṃtatiḥ sapiṇḍasaṃtatir vāpi kriyārho nṛpa jāyate //
A son, a grandson, a great-grandson, or a kinsman, or a brother's offspring, or even the offspring of a sapiṇḍa, becomes fit for the rite, O king.
AI translation rendered from the Sanskrit, not a published edition
ViP 3 13.31
तेषाम् अभावे सर्वेषां समानोदकसंततिः मातृपक्षस्य पिण्डेन संबद्धा ये जलेन वा ॥
teṣām abhāve sarveṣāṃ samānodakasaṃtatiḥ mātṛpakṣasya piṇḍena saṃbaddhā ye jalena vā //
In the absence of all of these, the offspring of those sharing the water-offering, and those on the mother's side who are connected by the piṇḍa or by water.
AI translation rendered from the Sanskrit, not a published edition
ViP 3 13.32
कुलद्वये ऽपि चोच्छिन्ने स्त्रीभिः कार्याः क्रिया नृप संघातान्तर्गतैर् वापि कार्याः प्रेतस्य याः क्रियाः उत्सन्नबन्धुरिक्थानां कारयेद् अवनीपतिः ॥
kuladvaye 'pi cocchinne strībhiḥ kāryāḥ kriyā nṛpa saṃghātāntargatair vāpi kāryāḥ pretasya yāḥ kriyāḥ utsannabandhurikthānāṃ kārayed avanīpatiḥ //
And if both families are extinct, the rites are to be performed by the women, O king; or else whatever rites of the departed are to be done may be done by those belonging to the (same) group; for those whose kinsmen and property are gone, the king should have them performed.
AI translation rendered from the Sanskrit, not a published edition — the model flagged this verse as uncertain
ViP 3 13.33
पूर्वाः क्रिया मध्यमाश् च तथा चैवोत्तराः क्रियाः त्रिःप्रकाराः क्रिया ह्य् एतास् तासां भेदं शृणुष्व मे ॥
pūrvāḥ kriyā madhyamāś ca tathā caivottarāḥ kriyāḥ triḥprakārāḥ kriyā hy etās tāsāṃ bhedaṃ śṛṇuṣva me //
The earlier rites, the middle ones, and likewise the later rites—these rites are of three kinds; hear from me the distinction among them.
AI translation rendered from the Sanskrit, not a published edition
ViP 3 13.34
आदाहवार्यायुधादिस्पर्शाद्यन्तास् तु याः क्रियाः ताः पूर्वा मध्यमा मासि मास्य् एकोद्दिष्टसंज्ञिताः ॥
ādāhavāryāyudhādisparśādyantās tu yāḥ kriyāḥ tāḥ pūrvā madhyamā māsi māsy ekoddiṣṭasaṃjñitāḥ //
Those rites which begin with the cremation and end with the touching of water, weapons and the like — these are the earlier ones; the middle ones are those called ekoddiṣṭa, (performed) month by month.
AI translation rendered from the Sanskrit, not a published edition — the model flagged this verse as uncertain
ViP 3 13.35
प्रेते पितृत्वम् आपन्ने सपिण्डीकरणाद् अनु क्रियन्ते याः क्रियाः पित्र्याः प्रोच्यन्ते ता नृपोत्तराः ॥
prete pitṛtvam āpanne sapiṇḍīkaraṇād anu kriyante yāḥ kriyāḥ pitryāḥ procyante tā nṛpottarāḥ //
When the deceased has attained the status of a father (pitṛ), the rites that are performed after the sapiṇḍīkaraṇa are called ancestral (pitrya); those, O king, are the later ones.
AI translation rendered from the Sanskrit, not a published edition
ViP 3 13.36
पितृमातृसपिण्डैस् तु समानसलिलैस् तथा तत्संघातगतैश् चैव राज्ञा वा धनहारिणा ॥
pitṛmātṛsapiṇḍais tu samānasalilais tathā tatsaṃghātagataiś caiva rājñā vā dhanahāriṇā //
(They are to be performed) by the sapiṇḍas of the father and mother, likewise by those who share the water-offering, and by those belonging to their group, or by the king who takes the property.
AI translation rendered from the Sanskrit, not a published edition
ViP 3 13.37
पूर्वाः क्रियास् तु कर्तव्याः पुत्राद्यैर् एव चोत्तराः दौहित्रैर् वा नरश्रेष्ठ कार्यास् तत्तनयैस् तथा ॥
pūrvāḥ kriyās tu kartavyāḥ putrādyair eva cottarāḥ dauhitrair vā naraśreṣṭha kāryās tattanayais tathā //
But the earlier rites are to be performed by sons and the rest, and the later ones too (by them); or, O best of men, they are to be done by daughters' sons, and likewise by their sons.
AI translation rendered from the Sanskrit, not a published edition
ViP 3 13.38
मृताहनि च कर्तव्याः स्त्रीणाम् अप्य् उत्तराः क्रियाः प्रतिसंवत्सरं राजन्न् एकोद्दिष्टविधानतः ॥
mṛtāhani ca kartavyāḥ strīṇām apy uttarāḥ kriyāḥ pratisaṃvatsaraṃ rājann ekoddiṣṭavidhānataḥ //
And for women too the later rites are to be performed on the day of death, year after year, O king, according to the rule of the ekoddiṣṭa.
AI translation rendered from the Sanskrit, not a published edition
ViP 3 13.39
तस्माद् उत्तरसंज्ञा याः क्रियास् ताः शृणु पार्थिव यदा यदा च कर्तव्या विधिना येन चानघ ॥
tasmād uttarasaṃjñā yāḥ kriyās tāḥ śṛṇu pārthiva yadā yadā ca kartavyā vidhinā yena cānagha //
Therefore hear, O king, those rites which are called 'later' — and on which occasions and by what rule they are to be performed, O sinless one.
AI translation rendered from the Sanskrit, not a published edition