Vishnu Purana — Amsha 3 — Chapter 12
ViP 3 12.1
देवगोब्राह्मणान् सिद्धवृद्धाचार्यांस् तथार्चयेत् द्विकालं च नमेत् संध्याम् अग्नीन् उपचरेत् तथा ॥
devagobrāhmaṇān siddhavṛddhācāryāṃs tathārcayet dvikālaṃ ca namet saṃdhyām agnīn upacaret tathā //
Likewise he should honour the gods, cows and brahmins, the accomplished ones, elders and teachers; and twice (a day) he should bow to the twilight, and so tend the fires.
AI translation rendered from the Sanskrit, not a published edition
ViP 3 12.2
सदानुपहते वस्त्रे प्रशस्ताश् च तथौषधीः गारुडानि च रत्नानि बिभृयात् प्रयतो नरः ॥
sadānupahate vastre praśastāś ca tathauṣadhīḥ gāruḍāni ca ratnāni bibhṛyāt prayato naraḥ //
A man, being attentive, should always wear undamaged clothing, and (carry) the auspicious herbs and the Garuḍa gems (emeralds).
AI translation rendered from the Sanskrit, not a published edition
ViP 3 12.3
प्रस्निग्धामलकेशश् च सुगन्धश् चारुवेषधृक् सिताः सुमनसो हृद्या बिभृयाच् च नरः सदा ॥
prasnigdhāmalakeśaś ca sugandhaś cāruveṣadhṛk sitāḥ sumanaso hṛdyā bibhṛyāc ca naraḥ sadā //
And a man should always be one with well-oiled clean hair, fragrant, wearing pleasing dress, and should wear white, pleasant, agreeable flowers.
AI translation rendered from the Sanskrit, not a published edition
ViP 3 12.4
किंचित् परस्वं न हरेन् नाल्पम् अप्य् अप्रियं वदेत् प्रियं च नानृतं ब्रूयान् नान्यदोषान् उदीरयेत् ॥
kiṃcit parasvaṃ na haren nālpam apy apriyaṃ vadet priyaṃ ca nānṛtaṃ brūyān nānyadoṣān udīrayet //
He should not take another's property, not even a little; he should not speak unkindly; nor should he utter a pleasant falsehood; he should not proclaim others' faults.
AI translation rendered from the Sanskrit, not a published edition
ViP 3 12.5
नान्यस्त्रियं तथा वैरं रोचयेत् पुरुषेश्वर न दुष्टयानम् आरोहेत् कूलच्छायां न संश्रयेत् ॥
nānyastriyaṃ tathā vairaṃ rocayet puruṣeśvara na duṣṭayānam ārohet kūlacchāyāṃ na saṃśrayet //
Nor should he take pleasure in another's wife, nor in enmity, O lord of men; he should not mount a defective vehicle, nor take shelter in the shade of a riverbank.
AI translation rendered from the Sanskrit, not a published edition
ViP 3 12.6
विद्विष्टपतितोन्मत्तबहुवैरादिकीटकैः बन्धकीबन्धकीभर्तृक्षुद्रानृतकथैः सह ॥
vidviṣṭapatitonmattabahuvairādikīṭakaiḥ bandhakībandhakībhartṛkṣudrānṛtakathaiḥ saha //
With the hated, the fallen, the mad, those with many enmities and such vermin, with unchaste women, husbands of unchaste women, and those whose talk is mean and false —
AI translation rendered from the Sanskrit, not a published edition
ViP 3 12.7
तथातिव्ययशीलैश् च परिवादरतैः शठैः बुधो मैत्रीं न कुर्वीत नैकः पन्थानम् आश्रयेत् ॥
tathātivyayaśīlaiś ca parivādarataiḥ śaṭhaiḥ budho maitrīṃ na kurvīta naikaḥ panthānam āśrayet //
— and likewise with the extravagant, those given to slander, and the deceitful, a wise man should not make friendship; nor should he take a road alone.
AI translation rendered from the Sanskrit, not a published edition
ViP 3 12.8
नावगाहेज् जलौघस्य वेगम् अग्रे नरेश्वर प्रदीप्तं वेश्म न विशेन् नारोहेच् छिखरं तरोः ॥
nāvagāhej jalaughasya vegam agre nareśvara pradīptaṃ veśma na viśen nārohec chikharaṃ taroḥ //
He should not plunge in ahead of the rush of a flood of water, O lord of men; he should not enter a burning house, nor climb to the top of a tree.
AI translation rendered from the Sanskrit, not a published edition
ViP 3 12.9
न कुर्याद् दन्तसंघर्षं न कुष्णीयाच् च नासिकाम् नासंवृतमुखो जृम्भेच् श्वासकासौ च वर्जयेत् ॥
na kuryād dantasaṃgharṣaṃ na kuṣṇīyāc ca nāsikām nāsaṃvṛtamukho jṛmbhec śvāsakāsau ca varjayet //
He should not grind his teeth, nor squeeze his nose; he should not yawn with mouth uncovered, and should avoid (audible) panting and coughing.
AI translation rendered from the Sanskrit, not a published edition
ViP 3 12.10
नोच्चैर् हसेत् सशब्दं च न मुञ्चेत् पवनं बुधः नखान् न खादयेच् छिन्द्यान् न तृणं न महीं लिखेत् ॥
noccair haset saśabdaṃ ca na muñcet pavanaṃ budhaḥ nakhān na khādayec chindyān na tṛṇaṃ na mahīṃ likhet //
The wise man should not laugh loudly and noisily, nor should he break wind; he should not have his nails bitten, nor cut grass, nor scratch the ground.
AI translation rendered from the Sanskrit, not a published edition
ViP 3 12.11
न श्मश्रु भक्षयेल् लोष्टं न मृद् नीयाद् विचक्षणः ज्योतींष्य् अमेध्यः शस्तानि नाभिवीक्षेत च प्रभो ॥
na śmaśru bhakṣayel loṣṭaṃ na mṛd nīyād vicakṣaṇaḥ jyotīṃṣy amedhyaḥ śastāni nābhivīkṣeta ca prabho //
The discerning man should not chew his moustache; he should not take up a clod of earth or clay; and when impure he should not look up at the heavenly lights, O lord.
AI translation rendered from the Sanskrit, not a published edition — the model flagged this verse as uncertain
ViP 3 12.12
नग्नां परस्त्रियं चैव सूर्यं चास्तमनोदये न हुंकुर्याच् छवं चैव शवगन्धो हि सोमजः ॥
nagnāṃ parastriyaṃ caiva sūryaṃ cāstamanodaye na huṃkuryāc chavaṃ caiva śavagandho hi somajaḥ //
(Nor should he look at) a naked woman who is another's, nor at the sun at its setting and rising; and he should not utter 'hum' (in contempt); nor (look at) a corpse, for the smell of a corpse comes from the moon.
AI translation rendered from the Sanskrit, not a published edition — the model flagged this verse as uncertain
ViP 3 12.13
चतुष्पथं चैत्यतरुं श्मशानोपवनानि च दुष्टस्त्रीसंनिकर्षं च वर्जयेन् निशि सर्वदा ॥
catuṣpathaṃ caityataruṃ śmaśānopavanāni ca duṣṭastrīsaṃnikarṣaṃ ca varjayen niśi sarvadā //
He should always at night avoid a crossroads, a sacred tree, cremation grounds and groves, and closeness to wicked women.
AI translation rendered from the Sanskrit, not a published edition
ViP 3 12.14
पूज्यदेवद्विजज्योतिश्छायां नातिक्रमेद् बुधः नैकः शून्याटवीं गच्छेन् न च शून्यगृहे वसेत् ॥
pūjyadevadvijajyotiśchāyāṃ nātikramed budhaḥ naikaḥ śūnyāṭavīṃ gacchen na ca śūnyagṛhe vaset //
The wise man should not step over the shadow of a venerable person, a god, a twice-born, or a light; he should not go alone into a deserted forest, nor dwell in an empty house.
AI translation rendered from the Sanskrit, not a published edition
ViP 3 12.15
केशास्थिकण्टकामेध्यबलिभस्मतुषांस् तथा स्नानार्द्रधरणीं चैव दूरतः परिवर्जयेत् ॥
keśāsthikaṇṭakāmedhyabalibhasmatuṣāṃs tathā snānārdradharaṇīṃ caiva dūrataḥ parivarjayet //
Likewise he should keep far away from hair, bones, thorns, impurities, offering-remains, ashes and husks, and from ground wet from bathing.
AI translation rendered from the Sanskrit, not a published edition
ViP 3 12.16
नानार्यान् आश्रयेत् कांश्चिन् न जिह्मं रोचयेद् बुधः उपसर्पेत न व्यालांश् चिरं तिष्ठेन् न चोत्थितः ॥
nānāryān āśrayet kāṃścin na jihmaṃ rocayed budhaḥ upasarpeta na vyālāṃś ciraṃ tiṣṭhen na cotthitaḥ //
He should not resort to any ignoble men; the wise man should not take pleasure in crookedness; he should not go near beasts of prey, nor stand for long once he has risen.
AI translation rendered from the Sanskrit, not a published edition
ViP 3 12.17
अतीव जागरस्वप्ने तद्वत् स्थानासने बुधः न सेवेत तथा शय्यां व्यायामं च नरेश्वर ॥
atīva jāgarasvapne tadvat sthānāsane budhaḥ na seveta tathā śayyāṃ vyāyāmaṃ ca nareśvara //
The wise man should not indulge to excess in waking and sleeping, likewise in standing and sitting, nor in lying down, nor in exercise, O lord of men.
AI translation rendered from the Sanskrit, not a published edition
ViP 3 12.18
दंष्ट्रिणः शृङ्गिणश् चैव प्राज्ञो दूरेण वर्जयेत् अवश्यायं च राजेन्द्र पुरो वातातपौ तथा ॥
daṃṣṭriṇaḥ śṛṅgiṇaś caiva prājño dūreṇa varjayet avaśyāyaṃ ca rājendra puro vātātapau tathā //
The wise man should keep far away from creatures with tusks and with horns, and also, O lord of kings, from frost, and from wind and sun (blowing or beating) upon the face.
AI translation rendered from the Sanskrit, not a published edition
ViP 3 12.19
न स्नायान् न स्वपेन् नग्नो न चैवोपस्पृशेद् बुधः मुक्तकच्छश् च नाचामेद् देवाद्यर्चां च वर्जयेत् ॥
na snāyān na svapen nagno na caivopaspṛśed budhaḥ muktakacchaś ca nācāmed devādyarcāṃ ca varjayet //
The wise man should not bathe naked, nor sleep naked, nor touch (anything) so; and he should not sip water (for purification) with his loincloth loosened, and he should avoid worship of the gods and the rest (in that state).
AI translation rendered from the Sanskrit, not a published edition
ViP 3 12.20
होमदेवार्चनाद्यासु क्रियास्व् आचमने तथा नैकवस्त्रः प्रवर्तेत द्विजवाचनके जपे ॥
homadevārcanādyāsu kriyāsv ācamane tathā naikavastraḥ pravarteta dvijavācanake jape //
In rites such as the fire-offering and the worship of the gods, and in the sipping of water, and in the reciting of the twice-born and in muttered prayer, one should not engage wearing a single garment.
AI translation rendered from the Sanskrit, not a published edition
ViP 3 12.21
नासमञ्जसशीलैस् तु सहासीत कदाचन सद्वृत्तसंनिकर्षो हि क्षणार्धम् अपि शस्यते ॥
nāsamañjasaśīlais tu sahāsīta kadācana sadvṛttasaṃnikarṣo hi kṣaṇārdham api śasyate //
One should never sit together with those of unsuitable conduct; for nearness to those of good conduct is commended even for half a moment.
AI translation rendered from the Sanskrit, not a published edition
ViP 3 12.22
विरोधं नोत्तमैर् गच्छेन् नाधमैश् च सदा बुधः विवाहश् च विवादश् च तुल्यशीलैर् नृपेष्यते ॥
virodhaṃ nottamair gacchen nādhamaiś ca sadā budhaḥ vivāhaś ca vivādaś ca tulyaśīlair nṛpeṣyate //
The wise man should never come into conflict with superiors nor with inferiors; marriage and dispute, O king, are (best) sought with those of equal character.
AI translation rendered from the Sanskrit, not a published edition
ViP 3 12.23
नारभेत कलिं प्राज्ञः शुष्कवैरं च वर्जयेत् अप्य् अल्पहानिः सोढव्या वैरेणार्थागमं त्यजेत् ॥
nārabheta kaliṃ prājñaḥ śuṣkavairaṃ ca varjayet apy alpahāniḥ soḍhavyā vaireṇārthāgamaṃ tyajet //
The wise man should not start a quarrel, and should avoid fruitless enmity; even a small loss is to be borne — he should renounce gain of wealth (that comes) through enmity.
AI translation rendered from the Sanskrit, not a published edition
ViP 3 12.24
स्नातो नाङ्गानि निर्मार्जेत् स्नानशाट्या न पाणिना न च निर्धूनयेत् केशान् नाचामेच् चैव चोत्थितः ॥
snāto nāṅgāni nirmārjet snānaśāṭyā na pāṇinā na ca nirdhūnayet keśān nācāmec caiva cotthitaḥ //
When he has bathed he should not wipe his limbs with the bathing cloth nor with his hand, and he should not shake out his hair, and he should not sip water (for purification) while standing up.
AI translation rendered from the Sanskrit, not a published edition
ViP 3 12.25
पादेन नाक्रमेत् पादं न पूज्याभिमुखं नयेत् वीरासनं गुरोर् अग्रे भजेत विनयान्वितः ॥
pādena nākramet pādaṃ na pūjyābhimukhaṃ nayet vīrāsanaṃ guror agre bhajeta vinayānvitaḥ //
He should not step on one foot with the other, nor should he direct (his feet) toward one worthy of honour; before his teacher he should, filled with modesty, take the vīra posture.
AI translation rendered from the Sanskrit, not a published edition — the model flagged this verse as uncertain
ViP 3 12.26
अपसव्यं न गच्छेच् च देवागारचतुष्पथान् माङ्गल्यपूज्यांश् च ततो विपरीतान् न दक्षिणम् ॥
apasavyaṃ na gacchec ca devāgāracatuṣpathān māṅgalyapūjyāṃś ca tato viparītān na dakṣiṇam //
And he should not pass with his left side toward temples and crossroads, and toward auspicious things and objects of reverence; nor should (he go) with his right side toward what is the opposite of these.
AI translation rendered from the Sanskrit, not a published edition — the model flagged this verse as uncertain
ViP 3 12.27
सोमाग्न्यर्काम्बुवायूनां पूज्यानां च न संमुखम् कुर्यात् ष्ठीवनविण्मूत्रसमुत्सर्गं च पण्डितः ॥
somāgnyarkāmbuvāyūnāṃ pūjyānāṃ ca na saṃmukham kuryāt ṣṭhīvanaviṇmūtrasamutsargaṃ ca paṇḍitaḥ //
The learned man should not spit, or void excrement and urine, facing the moon, fire, the sun, water, the wind, or those worthy of honour.
AI translation rendered from the Sanskrit, not a published edition
ViP 3 12.28
तिष्ठन् न मूत्रयेत् तद्वत् पन्थानं नावमूत्रयेत् श्लेष्मविण्मूत्ररक्तानि सर्वदैव न लङ्घयेत् ॥
tiṣṭhan na mūtrayet tadvat panthānaṃ nāvamūtrayet śleṣmaviṇmūtraraktāni sarvadaiva na laṅghayet //
He should not urinate standing; likewise he should not urinate on a path; and he should never step over phlegm, excrement, urine, or blood.
AI translation rendered from the Sanskrit, not a published edition
ViP 3 12.29
श्लेष्मसिंहानकोत्सर्गो नान्नकाले प्रशस्यते बलिमङ्गलजप्यादौ न होमे न महाजने ॥
śleṣmasiṃhānakotsargo nānnakāle praśasyate balimaṅgalajapyādau na home na mahājane //
The discharge of phlegm and mucus is not approved at mealtime, nor at an offering, an auspicious rite, a recitation and the like, nor at the fire-offering, nor in a great assembly of people.
AI translation rendered from the Sanskrit, not a published edition
ViP 3 12.30
योषितो नावमन्येत न चासां विश्वसेद् बुधः न चैवेर्ष्युर् भवेत् तासु नाधिकुर्यात् कदाचन ॥
yoṣito nāvamanyeta na cāsāṃ viśvased budhaḥ na caiverṣyur bhavet tāsu nādhikuryāt kadācana //
The wise man should not despise women, nor should he trust them; and he should not be jealous over them, nor ever put them in authority.
AI translation rendered from the Sanskrit, not a published edition
ViP 3 12.31
मङ्गल्यपुष्परत्नाज्यपूज्यान् अनभिवाद्य च न निष्क्रमेद् गृहात् प्राज्ञः सदाचारपरो नृप ॥
maṅgalyapuṣparatnājyapūjyān anabhivādya ca na niṣkramed gṛhāt prājñaḥ sadācāraparo nṛpa //
And the wise man, devoted to good conduct, O king, should not go out from his house without having saluted auspicious objects — flowers, jewels, ghee — and those worthy of reverence.
AI translation rendered from the Sanskrit, not a published edition
ViP 3 12.32
चतुष्पथान् नमस् कुर्यात् काले होमपरो भवेत् दीनान् अभ्युद्धरेत् साधून् उपासीत बहुश्रुतान् ॥
catuṣpathān namas kuryāt kāle homaparo bhavet dīnān abhyuddharet sādhūn upāsīta bahuśrutān //
He should bow to crossroads, should be devoted to the fire-offering at the (proper) time, should raise up the wretched, and should attend upon the good and the widely learned.
AI translation rendered from the Sanskrit, not a published edition
ViP 3 12.33
देवर्षिपूजकः सम्यक् पितृपिण्डोदकप्रदः सत्कर्ता चातिथीनां यः स लोकान् उत्तमान् व्रजेत् ॥
devarṣipūjakaḥ samyak pitṛpiṇḍodakapradaḥ satkartā cātithīnāṃ yaḥ sa lokān uttamān vrajet //
He who properly worships the gods and sages, who offers the rice-balls and water to the ancestors, and who honours guests, goes to the highest worlds.
AI translation rendered from the Sanskrit, not a published edition
ViP 3 12.34
हितं मितं प्रियं काले वश्यात्मा यो ऽभिभाषते स याति लोकान् आह्लादहेतुभूतान् नृपाक्षयान् ॥
hitaṃ mitaṃ priyaṃ kāle vaśyātmā yo 'bhibhāṣate sa yāti lokān āhlādahetubhūtān nṛpākṣayān //
He who, self-controlled, speaks what is beneficial, measured, and pleasing, at the (proper) time, goes, O king, to imperishable worlds that are sources of delight.
AI translation rendered from the Sanskrit, not a published edition
ViP 3 12.35
धीमान् ह्रीमान् क्षमायुक्त आस्तिको विनयान्वितः विद्याभिजनवृद्धानां याति लोकान् अनुत्तमान् ॥
dhīmān hrīmān kṣamāyukta āstiko vinayānvitaḥ vidyābhijanavṛddhānāṃ yāti lokān anuttamān //
The intelligent man, possessed of modesty, endowed with patience, believing (in the scriptures), filled with humility, goes to the unsurpassed worlds of those who are elders in learning and birth.
AI translation rendered from the Sanskrit, not a published edition — the model flagged this verse as uncertain
ViP 3 12.36
अकालगर्जितादौ तु पर्वस्व् आशौचकादिषु अनध्यायं बुधः कुर्याद् उपरागादिके तथा ॥
akālagarjitādau tu parvasv āśaucakādiṣu anadhyāyaṃ budhaḥ kuryād uparāgādike tathā //
But at untimely thunder and the like, on the days of the moon's changes, in times of impurity and the like, and likewise at an eclipse and such occasions, the wise man should suspend (Vedic) study.
AI translation rendered from the Sanskrit, not a published edition
ViP 3 12.37
शमं नयति यः क्रुद्धान् सर्वबन्धुर् अमत्सरी भीताश्वासनकृत् साधुः स्वर्गस् तस्याल्पकं फलम् ॥
śamaṃ nayati yaḥ kruddhān sarvabandhur amatsarī bhītāśvāsanakṛt sādhuḥ svargas tasyālpakaṃ phalam //
He who brings the angry to calm, who is a friend to all, free of envy, who reassures the frightened — that good man: heaven is (only) a small fruit for him.
AI translation rendered from the Sanskrit, not a published edition
ViP 3 12.38
वर्षातपादिके छत्री दण्डी रात्र्यटवीषु च शरीरत्राणकामो वै सोपानत्कः सदा व्रजेत् ॥
varṣātapādike chatrī daṇḍī rātryaṭavīṣu ca śarīratrāṇakāmo vai sopānatkaḥ sadā vrajet //
In rain, heat and the like (one should carry) an umbrella, and a staff at night and in forests; one who wishes to protect his body should always go wearing sandals.
AI translation rendered from the Sanskrit, not a published edition
ViP 3 12.39
नोर्ध्वं न तिर्यग् दूरं वा निरीक्षन् पर्यटेद् बुधः युगमात्रं महीपृष्ठं नरो गच्छेद् विलोकयन् ॥
nordhvaṃ na tiryag dūraṃ vā nirīkṣan paryaṭed budhaḥ yugamātraṃ mahīpṛṣṭhaṃ naro gacched vilokayan //
The wise man should not walk about looking upward, nor sideways, nor into the distance; a man should go looking at the surface of the ground for the space of a yoke ahead.
AI translation rendered from the Sanskrit, not a published edition
ViP 3 12.40
दोषहेतून् अशेषांश् च वश्यात्मा यो निरस्यति तस्य धर्मार्थकामानां हानिर् नाल्पापि जायते ॥
doṣahetūn aśeṣāṃś ca vaśyātmā yo nirasyati tasya dharmārthakāmānāṃ hānir nālpāpi jāyate //
For the man of subdued self who casts off all the causes of faults, there arises not even a slight loss of righteousness, wealth and pleasure.
AI translation rendered from the Sanskrit, not a published edition
ViP 3 12.41
पापे ऽप्य् अपापः पुरुषे ऽप्य् अभिधत्ते प्रियाणि यः मैत्रीद्रवान्तःकरणस् तस्य मुक्तिः करे स्थिता ॥
pāpe 'py apāpaḥ puruṣe 'py abhidhatte priyāṇi yaḥ maitrīdravāntaḥkaraṇas tasya muktiḥ kare sthitā //
He who, himself sinless, speaks kindly words even to a sinful man, whose inner faculty is melted with friendliness — for him liberation stands in his hand.
AI translation rendered from the Sanskrit, not a published edition
ViP 3 12.42
ये कामक्रोधलोभानां वीतरागा न गोचरे सदाचारस्थितास् तेषाम् अनुभावैर् धृता मही ॥
ye kāmakrodhalobhānāṃ vītarāgā na gocare sadācārasthitās teṣām anubhāvair dhṛtā mahī //
Those free from passion who do not come within the range of desire, anger and greed, who abide in good conduct — by their power the earth is upheld.
AI translation rendered from the Sanskrit, not a published edition
ViP 3 12.43
तस्मात् सत्यं वदेत् प्राज्ञो यत् परप्रीतिकारणम् सत्यं यत् परदुःखाय तत्र मौनपरो भवेत् ॥
tasmāt satyaṃ vadet prājño yat paraprītikāraṇam satyaṃ yat paraduḥkhāya tatra maunaparo bhavet //
Therefore let the wise man speak the truth which is a cause of pleasure to others; where the truth would be for another's pain, there let him be devoted to silence.
AI translation rendered from the Sanskrit, not a published edition
ViP 3 12.44
प्रियम् उक्तं हितं नैतद् इति मत्वा न तद् वदेत् श्रेयस् तत्र हितं वाक्यं यद्य् अप्य् अत्यन्तम् अप्रियम् ॥
priyam uktaṃ hitaṃ naitad iti matvā na tad vadet śreyas tatra hitaṃ vākyaṃ yady apy atyantam apriyam //
Thinking, 'what is spoken is pleasant, (but) this is not beneficial,' he should not say it; better there is speech that is beneficial, even if it is exceedingly unpleasant.
AI translation rendered from the Sanskrit, not a published edition
ViP 3 12.45
प्राणिनाम् उपकाराय यद् एवेह परत्र च कर्मणा मनसा वाचा तद् एव मतिमान् भजेत् ॥
prāṇinām upakārāya yad eveha paratra ca karmaṇā manasā vācā tad eva matimān bhajet //
Just that which is for the benefit of living beings here and in the world beyond — that alone should the intelligent man pursue by act, by mind and by speech.
AI translation rendered from the Sanskrit, not a published edition