Vishnu Purana — Amsha 3 — Chapter 1
ViP 3 1.1
कथिता गुरुणा सम्यग् भूसमुद्रादिसंस्थितिः सूर्यादीनां च संस्थानं ज्योतिषाम् अपि विस्तरात् ॥
kathitā guruṇā samyag bhūsamudrādisaṃsthitiḥ sūryādīnāṃ ca saṃsthānaṃ jyotiṣām api vistarāt //
The arrangement of the earth, the oceans and the rest has been fully related by (you,) my teacher, and also the disposition of the sun and the others, and of the heavenly lights, at length.
AI translation rendered from the Sanskrit, not a published edition
ViP 3 1.2
देवादीनां तथा सृष्टिर् ऋषीणां चापि वर्णिता चातुर्वर्ण्यस्य चोत्पत्तिस् तिर्यग्योनिगतस्य च ॥
devādīnāṃ tathā sṛṣṭir ṛṣīṇāṃ cāpi varṇitā cāturvarṇyasya cotpattis tiryagyonigatasya ca //
Likewise the creation of the gods and the rest has been described, and that of the seers, and the origin of the four classes and of that which belongs to the animal wombs.
AI translation rendered from the Sanskrit, not a published edition
ViP 3 1.3
ध्रुवप्रह्लादचरितं विस्तराच् च त्वयोदितम् मन्वन्तराण्य् अशेषाणि श्रोतुम् इच्छाम्य् अनुक्रमात् ॥
dhruvaprahlādacaritaṃ vistarāc ca tvayoditam manvantarāṇy aśeṣāṇi śrotum icchāmy anukramāt //
And the deeds of Dhruva and Prahlāda have been told by you at length; (now) I wish to hear all the Manu-periods in order.
AI translation rendered from the Sanskrit, not a published edition
ViP 3 1.4
मन्वन्तराधिपांश् चैव शक्रदेवपुरोगमान् भवता कथितान् एताञ् श्रोतुम् इच्छाम्य् अहं गुरो ॥
manvantarādhipāṃś caiva śakradevapurogamān bhavatā kathitān etāñ śrotum icchāmy ahaṃ guro //
And the rulers of the Manu-periods, headed by Śakra among the gods — these, as recounted by you, I wish to hear, O teacher.
AI translation rendered from the Sanskrit, not a published edition
ViP 3 1.5
अतीतानागतानीह यानि मन्वन्तराणि वै तान्य् अहं भवते सम्यक् कथयामि यथाक्रमम् ॥
atītānāgatānīha yāni manvantarāṇi vai tāny ahaṃ bhavate samyak kathayāmi yathākramam //
Those Manu-periods here which are past and which are yet to come — those I shall relate to you fully, in due order.
AI translation rendered from the Sanskrit, not a published edition
ViP 3 1.6
स्वायंभुवो मनुः पूर्वं मनुः स्वारोचिषस् तथा उत्तमस् तामसश् चैव रैवतश् चाक्षुषस् तथा ॥
svāyaṃbhuvo manuḥ pūrvaṃ manuḥ svārociṣas tathā uttamas tāmasaś caiva raivataś cākṣuṣas tathā //
First the Manu Svāyaṃbhuva, and then the Manu Svārociṣa, and Uttama, and Tāmasa, and Raivata, and Cākṣuṣa.
AI translation rendered from the Sanskrit, not a published edition
ViP 3 1.7
षड् एते मनवो ऽतीताः साम्प्रतं तु रवेः सुतः वैवस्वतो ऽयं यस्यैतत् सप्तमं वर्तते ऽन्तरम् ॥
ṣaḍ ete manavo 'tītāḥ sāmprataṃ tu raveḥ sutaḥ vaivasvato 'yaṃ yasyaitat saptamaṃ vartate 'ntaram //
These six Manus are past; but at present it is this Vaivasvata, the son of the sun, whose seventh period is now running.
AI translation rendered from the Sanskrit, not a published edition
ViP 3 1.8
स्वायंभुवं तु कथितं कल्पादाव् अन्तरं मया देवास् तत्रर्षयश् चैव यथावत् कथिता मया ॥
svāyaṃbhuvaṃ tu kathitaṃ kalpādāv antaraṃ mayā devās tatrarṣayaś caiva yathāvat kathitā mayā //
The (first) interval, that of Svāyaṃbhuva, I have told at the beginning of the kalpa, and the gods and the seers in it I have duly recounted.
AI translation rendered from the Sanskrit, not a published edition
ViP 3 1.9
अत ऊर्ध्वं प्रवक्ष्यामि मनोः स्वारोचिषस्य तु मन्वन्तराधिपान् सम्यग् देवर्षींस् तत्सुतांस् तथा ॥
ata ūrdhvaṃ pravakṣyāmi manoḥ svārociṣasya tu manvantarādhipān samyag devarṣīṃs tatsutāṃs tathā //
From this point on I shall declare fully the lords of the manvantara of Manu Svārociṣa, and likewise the gods, the seers, and his sons.
AI translation rendered from the Sanskrit, not a published edition
ViP 3 1.10
पारावताः सतुषिता देवाः स्वारोचिषे ऽन्तरे विपश्चित् तत्र देवेन्द्रो मैत्रेयासीन् महाबलः ॥
pārāvatāḥ satuṣitā devāḥ svārociṣe 'ntare vipaścit tatra devendro maitreyāsīn mahābalaḥ //
In the Svārociṣa interval the gods were the Pārāvatas together with the Tuṣitas; there, Maitreya, the mighty Vipaścit was the Indra of the gods.
AI translation rendered from the Sanskrit, not a published edition
ViP 3 1.11
ऊर्जः स्तम्भस् तथा प्राणो दत्तोलिर् ऋषभस् तथा निश्चरश् चार्वरीवांश् च तत्र सप्तर्षयो ऽभवन् ॥
ūrjaḥ stambhas tathā prāṇo dattolir ṛṣabhas tathā niścaraś cārvarīvāṃś ca tatra saptarṣayo 'bhavan //
Ūrja, Stambha, and Prāṇa, Dattoli, and Ṛṣabha, Niścara and Cārvarīvān — these were the seven seers in that (interval).
AI translation rendered from the Sanskrit, not a published edition
ViP 3 1.12
चैत्रकिंपुरुषाद्याश् च सुताः स्वारोचिषस्य तु द्वितीयम् एतत् कथितम् अन्तरं शृणु चोत्तरम् ॥
caitrakiṃpuruṣādyāś ca sutāḥ svārociṣasya tu dvitīyam etat kathitam antaraṃ śṛṇu cottaram //
And Caitra, Kiṃpuruṣa and the rest were the sons of Svārociṣa. This second interval has been told; now hear the next.
AI translation rendered from the Sanskrit, not a published edition
ViP 3 1.13
तृतीये ऽप्य् अन्तरे ब्रह्मन्न् उत्तमो नाम यो मनुः सुशान्तिर् नाम देवेन्द्रो मैत्रेयाभूत् सुरेश्वरः ॥
tṛtīye 'py antare brahmann uttamo nāma yo manuḥ suśāntir nāma devendro maitreyābhūt sureśvaraḥ //
In the third interval too, O brahman, the Manu was named Uttama, and the Indra, lord of the gods, was named Suśānti, O Maitreya.
AI translation rendered from the Sanskrit, not a published edition
ViP 3 1.14
सुधामानस् तथा सत्याः शिवाश् चासन् प्रतर्दनाः वशवर्तिनश् च पञ्चैते गणा द्वादशकाः स्मृताः ॥
sudhāmānas tathā satyāḥ śivāś cāsan pratardanāḥ vaśavartinaś ca pañcaite gaṇā dvādaśakāḥ smṛtāḥ //
The Sudhāmans, the Satyas, the Śivas, the Pratardanas, and the Vaśavartins — these five groups are recorded as having twelve (members each).
AI translation rendered from the Sanskrit, not a published edition
ViP 3 1.15
वसिष्ठतनयास् तत्र सप्त सप्तर्षयो ऽभवन् अजः परशुदिव्याद्यास् तथोत्तममनोः सुताः ॥
vasiṣṭhatanayās tatra sapta saptarṣayo 'bhavan ajaḥ paraśudivyādyās tathottamamanoḥ sutāḥ //
There the seven sons of Vasiṣṭha were the seven seers; and Aja, Paraśu, Divya and the rest were the sons of Manu Uttama.
AI translation rendered from the Sanskrit, not a published edition
ViP 3 1.16
तामसस्यान्तरे देवाः सुरूपा हरयस् तथा सत्याश् च सुधियश् चैव सप्तविंशतिका गणाः ॥
tāmasasyāntare devāḥ surūpā harayas tathā satyāś ca sudhiyaś caiva saptaviṃśatikā gaṇāḥ //
In the interval of (Manu) Tāmasa the gods were the Surūpas, the Haris, the Satyas and the Sudhīs — groups of twenty-seven (each).
AI translation rendered from the Sanskrit, not a published edition
ViP 3 1.17
शिबिर् इन्द्रस् तथा चासीच् शतयज्ञोपलक्षणः सप्तर्षयश् च ये तेषां तत्र नामानि मे शृणु ॥
śibir indras tathā cāsīc śatayajñopalakṣaṇaḥ saptarṣayaś ca ye teṣāṃ tatra nāmāni me śṛṇu //
And Śibi, marked by a hundred sacrifices, was the Indra; and as for the seven seers who were there, hear their names from me.
AI translation rendered from the Sanskrit, not a published edition
ViP 3 1.18
ज्योतिर्धामा पृथुः काव्यश् चैत्रो ऽग्निर् वनकस् तथा पीवरश् चर्षयो ह्य् एते सप्त तत्रापि चान्तरे ॥
jyotirdhāmā pṛthuḥ kāvyaś caitro 'gnir vanakas tathā pīvaraś carṣayo hy ete sapta tatrāpi cāntare //
Jyotirdhāman, Pṛthu, Kāvya, Caitra, Agni, and Vanaka, and Pīvara — these indeed were the seven seers in that interval as well.
AI translation rendered from the Sanskrit, not a published edition
ViP 3 1.19
नरः ख्यातिः शान्तहयो जानुजङ्घादयस् तथा पुत्रास् तु तामसस्यासन् राजानः सुमहाबलाः ॥
naraḥ khyātiḥ śāntahayo jānujaṅghādayas tathā putrās tu tāmasasyāsan rājānaḥ sumahābalāḥ //
Nara, Khyāti, Śāntahaya, Jānujaṅgha and the rest were the sons of Tāmasa, kings of very great strength.
AI translation rendered from the Sanskrit, not a published edition
ViP 3 1.20
पञ्चमे चापि मैत्रेय रैवतो नाम नामतः मनुर् विभुश् च तत्रेन्द्रो देवांश् चैवान्तरे शृणु ॥
pañcame cāpi maitreya raivato nāma nāmataḥ manur vibhuś ca tatrendro devāṃś caivāntare śṛṇu //
And in the fifth (interval), Maitreya, the Manu was Raivata by name, and Vibhu was the Indra there; hear also of the gods in that interval.
AI translation rendered from the Sanskrit, not a published edition
ViP 3 1.21
अमिताभा भूतरया वैकुण्ठाः ससुमेधसः एते देवगणास् तत्र चतुर्दश चतुर्दश ॥
amitābhā bhūtarayā vaikuṇṭhāḥ sasumedhasaḥ ete devagaṇās tatra caturdaśa caturdaśa //
The Amitābhas, the Bhūtarayas, the Vaikuṇṭhas together with the Sumedhases — these were the god-groups there, fourteen in each.
AI translation rendered from the Sanskrit, not a published edition
ViP 3 1.22
हिरण्यरोमा वेदश्रीर् ऊर्ध्वबाहुस् तथापरः वेदबाहुः सुधामा च पर्जन्यश् च महामुनिः एते सप्तर्षयो विप्र तत्रासन् रैवते ऽन्तरे ॥
hiraṇyaromā vedaśrīr ūrdhvabāhus tathāparaḥ vedabāhuḥ sudhāmā ca parjanyaś ca mahāmuniḥ ete saptarṣayo vipra tatrāsan raivate 'ntare //
Hiraṇyaroman, Vedaśrī, and also Ūrdhvabāhu, Vedabāhu and Sudhāman, and Parjanya the great sage — these, O brahman, were the seven seers in that Raivata interval.
AI translation rendered from the Sanskrit, not a published edition
ViP 3 1.23
बलबन्धुः सुसंभाव्यः सत्यकाद्याश् च तत्सुताः नरेन्द्राः सुमहावीर्या बभूवुर् मुनिसत्तम ॥
balabandhuḥ susaṃbhāvyaḥ satyakādyāś ca tatsutāḥ narendrāḥ sumahāvīryā babhūvur munisattama //
Balabandhu, Susaṃbhāvya, Satyaka and the rest were his sons, kings of very great valour, O best of sages.
AI translation rendered from the Sanskrit, not a published edition
ViP 3 1.24
स्वारोचिषश् चोत्तमश् च तामसो रैवतस् तथा प्रियव्रतान्वया ह्य् एते चत्वारो मनवः स्मृताः ॥
svārociṣaś cottamaś ca tāmaso raivatas tathā priyavratānvayā hy ete catvāro manavaḥ smṛtāḥ //
Svārociṣa and Uttama, Tāmasa and Raivata — these four Manus are held to be of Priyavrata's line.
AI translation rendered from the Sanskrit, not a published edition
ViP 3 1.25
विष्णुम् आराध्य तपसा स राजर्षिः प्रियव्रतः मन्वन्तराधिपान् एतांल् लब्धवान् आत्मवंशजान् ॥
viṣṇum ārādhya tapasā sa rājarṣiḥ priyavrataḥ manvantarādhipān etāṃl labdhavān ātmavaṃśajān //
That royal seer Priyavrata, having propitiated Viṣṇu by austerity, obtained these lords of manvantaras, born in his own line.
AI translation rendered from the Sanskrit, not a published edition
ViP 3 1.26
षष्ठे मन्वन्तरे चासीच् चाक्षुषाख्यस् तथा मनुः मनोजवस् तथैवेन्द्रो देवान् अपि निबोध मे ॥
ṣaṣṭhe manvantare cāsīc cākṣuṣākhyas tathā manuḥ manojavas tathaivendro devān api nibodha me //
And in the sixth manvantara the Manu was the one called Cākṣuṣa, and Manojava likewise was the Indra; learn from me of the gods too.
AI translation rendered from the Sanskrit, not a published edition
ViP 3 1.27
आप्याः प्रसूता भव्याश् च पृथुगाश् च दिवौकसः महानुभावा लेखाश् च पञ्चैते ह्य् अष्टका गणाः ॥
āpyāḥ prasūtā bhavyāś ca pṛthugāś ca divaukasaḥ mahānubhāvā lekhāś ca pañcaite hy aṣṭakā gaṇāḥ //
The Āpyas, the Prasūtas, the Bhavyas, the Pṛthugas, and the Lekhas of great power — these dwellers in heaven are five groups of eight.
AI translation rendered from the Sanskrit, not a published edition
ViP 3 1.28
सुमेधा विरजाश् चैव हविष्मान् उत्तमो मधुः अतिनामा सहिष्णुश् च सप्तासन्न् इति चर्षयः ॥
sumedhā virajāś caiva haviṣmān uttamo madhuḥ atināmā sahiṣṇuś ca saptāsann iti carṣayaḥ //
Sumedhas, Virajas, Haviṣmān, Uttama, Madhu, Atināmā and Sahiṣṇu — these were the seven seers (of that period).
AI translation rendered from the Sanskrit, not a published edition
ViP 3 1.29
ऊरुः पूरुः शतद्युम्नप्रमुखाः सुमहाबलाः चाक्षुषस्य मनोः पुत्राः पृथिवीपतयो ऽभवन् ॥
ūruḥ pūruḥ śatadyumnapramukhāḥ sumahābalāḥ cākṣuṣasya manoḥ putrāḥ pṛthivīpatayo 'bhavan //
Ūru, Pūru, Śatadyumna and the rest, foremost and of great strength, the sons of Manu Cākṣuṣa, became lords of the earth.
AI translation rendered from the Sanskrit, not a published edition
ViP 3 1.30
विवस्वतः सुतो विप्र श्राद्धदेवो महाद्युतिः मनुः संवर्तते धीमान् साम्प्रतं सप्तमे ऽन्तरे ॥
vivasvataḥ suto vipra śrāddhadevo mahādyutiḥ manuḥ saṃvartate dhīmān sāmprataṃ saptame 'ntare //
O brahmin, the son of Vivasvat, Śrāddhadeva of great splendour, the wise Manu, is now current in the seventh interval.
AI translation rendered from the Sanskrit, not a published edition
ViP 3 1.31
आदित्यवसुरुद्राद्या देवाश् चात्र महामुने पुरंदरस् तथैवात्र मैत्रेय त्रिदशेश्वरः ॥
ādityavasurudrādyā devāś cātra mahāmune puraṃdaras tathaivātra maitreya tridaśeśvaraḥ //
And in this (interval), O great sage, the gods are the Ādityas, Vasus, Rudras and the rest, and here too, Maitreya, Puraṃdara is the lord of the thirty (gods).
AI translation rendered from the Sanskrit, not a published edition
ViP 3 1.32
वसिष्ठः काश्यपो ऽथात्रिर् जमदग्निः सगौतमः विश्वामित्रभरद्वाजौ सप्त सप्तर्षयो ऽत्र तु ॥
vasiṣṭhaḥ kāśyapo 'thātrir jamadagniḥ sagautamaḥ viśvāmitrabharadvājau sapta saptarṣayo 'tra tu //
Vasiṣṭha, Kāśyapa, then Atri, Jamadagni together with Gautama, and Viśvāmitra and Bharadvāja — these seven are the seven seers here.
AI translation rendered from the Sanskrit, not a published edition
ViP 3 1.33
इक्ष्वाकुश् च नृगश् चैव धृष्टः शर्यातिर् एव च नरिष्यन्तश् च विख्यातो नाभागो दिष्ट एव च ॥
ikṣvākuś ca nṛgaś caiva dhṛṣṭaḥ śaryātir eva ca nariṣyantaś ca vikhyāto nābhāgo diṣṭa eva ca //
Ikṣvāku, Nṛga, Dhṛṣṭa, Śaryāti, the renowned Nariṣyanta, Nābhāga, and Diṣṭa,
AI translation rendered from the Sanskrit, not a published edition
ViP 3 1.34
करूषश् च पृषध्रश् च वसुमांल् लोकविश्रुतः मनोर् वैवस्वतस्यैते नव पुत्राः सुधार्मिकाः ॥
karūṣaś ca pṛṣadhraś ca vasumāṃl lokaviśrutaḥ manor vaivasvatasyaite nava putrāḥ sudhārmikāḥ //
and Karūṣa and Pṛṣadhra, and Vasumān famed in the world — these are the nine very righteous sons of Manu Vaivasvata.
AI translation rendered from the Sanskrit, not a published edition
ViP 3 1.35
विष्णुशक्तिर् अनौपम्या सत्त्वोद्रिक्ता स्थितौ स्थिता मन्वन्तरेष्व् अशेषेषु देवत्वेनाधितिष्ठति ॥
viṣṇuśaktir anaupamyā sattvodriktā sthitau sthitā manvantareṣv aśeṣeṣu devatvenādhitiṣṭhati //
The power of Viṣṇu, incomparable, abounding in sattva, abiding in (the world's) maintenance, presides in all the Manu-intervals without exception in the form of godhood.
AI translation rendered from the Sanskrit, not a published edition
ViP 3 1.36
अंशेन तस्या जज्ञे ऽसौ यज्ञः स्वायंभुवे ऽन्तरे आकूत्यां मानसो देव उत्पन्नः प्रथमे ऽन्तरे ॥
aṃśena tasyā jajñe 'sau yajñaḥ svāyaṃbhuve 'ntare ākūtyāṃ mānaso deva utpannaḥ prathame 'ntare //
By a portion of that (power) he was born as Yajña in the Svāyaṃbhuva interval; the god, mind-born, was produced from Ākūti in the first interval.
AI translation rendered from the Sanskrit, not a published edition
ViP 3 1.37
ततः पुनः स वै देवः प्राप्ते स्वारोचिषे ऽन्तरे तुषितायां समुत्पन्नो ह्य् अजितस् तुषितैः सह ॥
tataḥ punaḥ sa vai devaḥ prāpte svārociṣe 'ntare tuṣitāyāṃ samutpanno hy ajitas tuṣitaiḥ saha //
Then again, when the Svārociṣa interval arrived, that same god was born of Tuṣitā as Ajita, together with the Tuṣitas.
AI translation rendered from the Sanskrit, not a published edition
ViP 3 1.38
औत्तमे ह्य् अन्तरे चापि तुषितस् तु पुनः स वै सत्यायाम् अभवत् सत्यः सत्यैः सह सुरोत्तमैः ॥
auttame hy antare cāpi tuṣitas tu punaḥ sa vai satyāyām abhavat satyaḥ satyaiḥ saha surottamaiḥ //
And in the Auttama interval too, that Tuṣita was again born of Satyā as Satya, together with the Satyas, the best of gods.
AI translation rendered from the Sanskrit, not a published edition
ViP 3 1.39
तामसस्यान्तरे चैव संप्राप्ते पुनर् एव हि हर्यायां हरिभिः सार्धं हरिर् एव बभूव ह ॥
tāmasasyāntare caiva saṃprāpte punar eva hi haryāyāṃ haribhiḥ sārdhaṃ harir eva babhūva ha //
And when the interval of Tāmasa arrived, again indeed he became Hari himself, (born) of Haryā together with the Haris.
AI translation rendered from the Sanskrit, not a published edition
ViP 3 1.40
रैवते ऽप्य् अन्तरे देवः संभूत्यां मानसो ऽभवत् संभूतो राजसैः सार्धं देवैर् देववरो हरिः ॥
raivate 'py antare devaḥ saṃbhūtyāṃ mānaso 'bhavat saṃbhūto rājasaiḥ sārdhaṃ devair devavaro hariḥ //
In the Raivata interval too the god, mind-born, was (born) of Saṃbhūti as Saṃbhūta, Hari the best of gods, together with the Rājasa gods.
AI translation rendered from the Sanskrit, not a published edition
ViP 3 1.41
चाक्षुषे चान्तरे देवो वैकुण्ठः पुरुषोत्तमः विकुण्ठायाम् असौ जज्ञे वैकुण्ठैर् दैवतैः सह ॥
cākṣuṣe cāntare devo vaikuṇṭhaḥ puruṣottamaḥ vikuṇṭhāyām asau jajñe vaikuṇṭhair daivataiḥ saha //
And in the Cākṣuṣa interval the god, Vaikuṇṭha, the supreme Person, was born of Vikuṇṭhā together with the Vaikuṇṭha deities.
AI translation rendered from the Sanskrit, not a published edition
ViP 3 1.42
मन्वन्तरे तु संप्राप्ते तथा वैवस्वते द्विज वामनः कश्यपाद् विष्णुर् अदित्यां संबभूव ह ॥
manvantare tu saṃprāpte tathā vaivasvate dvija vāmanaḥ kaśyapād viṣṇur adityāṃ saṃbabhūva ha //
And when the Vaivasvata Manu-interval arrived, O twice-born, Viṣṇu was born as Vāmana from Kaśyapa in Aditi.
AI translation rendered from the Sanskrit, not a published edition
ViP 3 1.43
त्रिभिः क्रमैर् इमांल् लोकाञ् जित्वा येन महात्मना पुरंदराय त्रैलोक्यं दत्तं निहतकण्टकम् ॥
tribhiḥ kramair imāṃl lokāñ jitvā yena mahātmanā puraṃdarāya trailokyaṃ dattaṃ nihatakaṇṭakam //
By which great-souled one, having conquered these worlds with three strides, the three worlds were given to Puraṃdara with their thorns destroyed.
AI translation rendered from the Sanskrit, not a published edition
ViP 3 1.44
इत्य् एतास् तनवस् तस्य सप्त मन्वन्तरेषु वै सप्तस्व् एवाभवन् विप्र याभिः संरक्षिताः प्रजाः ॥
ity etās tanavas tasya sapta manvantareṣu vai saptasv evābhavan vipra yābhiḥ saṃrakṣitāḥ prajāḥ //
These, then, are his seven bodies in the seven Manu-intervals, O brahmin, by which creatures were protected.
AI translation rendered from the Sanskrit, not a published edition
ViP 3 1.45
यस्माद् विष्टम् इदं सर्वं तस्य शक्त्या महात्मनः तस्मात् स प्रोच्यते विष्णुर् विशेर् धातोः प्रवेशनात् ॥
yasmād viṣṭam idaṃ sarvaṃ tasya śaktyā mahātmanaḥ tasmāt sa procyate viṣṇur viśer dhātoḥ praveśanāt //
Since all this is pervaded by the power of that great-souled one, therefore he is called Viṣṇu, from the root viś, in the sense of 'entering'.
AI translation rendered from the Sanskrit, not a published edition
ViP 3 1.46
सर्वे च देवा मनवः समस्ताः सप्तर्षयो ये मनुसूनवश् च इन्द्रश् च यो यस् त्रिदशेशभूतो विष्णोर् अशेषास् तु विभूतयस् ताः ॥
sarve ca devā manavaḥ samastāḥ saptarṣayo ye manusūnavaś ca indraś ca yo yas tridaśeśabhūto viṣṇor aśeṣās tu vibhūtayas tāḥ //
All the gods, and all the Manus, and the seven seers, and the sons of the Manus, and whoever is Indra, being lord of the thirty (gods) — all these are the manifestations of Viṣṇu, without exception.
AI translation rendered from the Sanskrit, not a published edition