Vishnu Purana — Amsha 2 — Chapter 7
ViP 2 7.1
कथितं भवता ब्रह्मन् ममैतद् अखिलं त्वया भुवर्लोकादिकांल् लोकाञ् श्रोतुम् इच्छाम्य् अहं मुने ॥
kathitaṃ bhavatā brahman mamaitad akhilaṃ tvayā bhuvarlokādikāṃl lokāñ śrotum icchāmy ahaṃ mune //
Maitreya said: All this has been told to me by you, brahman; I wish to hear, O sage, of the worlds beginning with the Bhuvarloka.
AI translation rendered from the Sanskrit, not a published edition
ViP 2 7.2
तथैव ग्रहसंस्थानं प्रमाणानि यथातथम् समाचक्ष्व महाभाग मह्यं त्वं परिपृच्छते ॥
tathaiva grahasaṃsthānaṃ pramāṇāni yathātatham samācakṣva mahābhāga mahyaṃ tvaṃ paripṛcchate //
And likewise the arrangement of the planets and their measurements, just as they are — declare them to me, greatly fortunate one, since I ask you.
AI translation rendered from the Sanskrit, not a published edition
ViP 2 7.3
रविचन्द्रमसोर् यावन् मयूखैर् अवभास्यते ससमुद्रसरिच्छैला तावती पृथिवी स्मृता ॥
ravicandramasor yāvan mayūkhair avabhāsyate sasamudrasaricchailā tāvatī pṛthivī smṛtā //
As far as (the space) is illumined by the rays of the sun and the moon, with its oceans, rivers and mountains, so great is the earth reckoned to be.
AI translation rendered from the Sanskrit, not a published edition
ViP 2 7.4
यावत्प्रमाणा पृथिवी विस्तारपरिमण्डलात् नभस् तावत्प्रमाणं वै व्यासमण्डलतो द्विज ॥
yāvatpramāṇā pṛthivī vistāraparimaṇḍalāt nabhas tāvatpramāṇaṃ vai vyāsamaṇḍalato dvija //
Whatever the extent of the earth by the circumference of its expanse, of just that extent is the sky, by the circle of its diameter, O twice-born one.
AI translation rendered from the Sanskrit, not a published edition
ViP 2 7.5
भूमेर् योजनलक्षे तु सौरं मैत्रेय मण्डलम् लक्षे दिवाकरस्यापि मण्डलं शशिनः स्थितम् ॥
bhūmer yojanalakṣe tu sauraṃ maitreya maṇḍalam lakṣe divākarasyāpi maṇḍalaṃ śaśinaḥ sthitam //
At a hundred thousand yojanas from the earth, Maitreya, is the sun's orb; and a hundred thousand (yojanas) from the sun too is placed the orb of the moon.
AI translation rendered from the Sanskrit, not a published edition
ViP 2 7.6
पूर्णे शतसहस्रे तु योजनानां निशाकरात् नक्षत्रमण्डलं कृत्स्नम् उपरिष्टात् प्रकाशते ॥
pūrṇe śatasahasre tu yojanānāṃ niśākarāt nakṣatramaṇḍalaṃ kṛtsnam upariṣṭāt prakāśate //
At a full hundred thousand yojanas above the moon, the entire circle of the lunar mansions shines overhead.
AI translation rendered from the Sanskrit, not a published edition
ViP 2 7.7
द्वे लक्षे चोत्तरे ब्रह्मन् बुधो नक्षत्रमण्डलात् तावत्प्रमाणभागे तु बुधस्याप्य् उशना स्थितः ॥
dve lakṣe cottare brahman budho nakṣatramaṇḍalāt tāvatpramāṇabhāge tu budhasyāpy uśanā sthitaḥ //
Two hundred thousand (yojanas) above the circle of the stars, O brahman, is Mercury; and at a distance of the same measure above Mercury stands Venus.
AI translation rendered from the Sanskrit, not a published edition
ViP 2 7.8
अङ्गारको ऽपि शुक्रस्य तत्प्रमाणे व्यवस्थितः लक्षद्वये तु भौमस्य स्थितो देवपुरोहितः ॥
aṅgārako 'pi śukrasya tatpramāṇe vyavasthitaḥ lakṣadvaye tu bhaumasya sthito devapurohitaḥ //
Mars too is set at that same measure above Venus; and two hundred thousand above Mars stands the priest of the gods (Jupiter).
AI translation rendered from the Sanskrit, not a published edition
ViP 2 7.9
सौरिर् बृहस्पतेश् चोर्ध्वं द्विलक्षे समवस्थितः सप्तर्षिमण्डलं तस्माल् लक्षम् एकं द्विजोत्तम ॥
saurir bṛhaspateś cordhvaṃ dvilakṣe samavasthitaḥ saptarṣimaṇḍalaṃ tasmāl lakṣam ekaṃ dvijottama //
Saturn is placed two hundred thousand above Jupiter; and from him the circle of the seven sages (is) one hundred thousand (further), O best of the twice-born.
AI translation rendered from the Sanskrit, not a published edition
ViP 2 7.10
ऋषिभ्यस् तु सहस्राणां शताद् ऊर्ध्वं व्यवस्थितः मेढीभूतः समस्तस्य ज्योतिश्चक्रस्य वै ध्रुवः ॥
ṛṣibhyas tu sahasrāṇāṃ śatād ūrdhvaṃ vyavasthitaḥ meḍhībhūtaḥ samastasya jyotiścakrasya vai dhruvaḥ //
And a hundred thousand above the sages is placed Dhruva, who is the central post of the whole wheel of lights.
AI translation rendered from the Sanskrit, not a published edition
ViP 2 7.11
त्रैलोक्यम् एतत् कथितम् उत्सेधेन महामुने इज्याफलस्य भूर् एषा इज्या चात्र प्रतिष्ठिता ॥
trailokyam etat kathitam utsedhena mahāmune ijyāphalasya bhūr eṣā ijyā cātra pratiṣṭhitā //
This triple world has been described in terms of its height, O great sage; it is the ground of the fruit of sacrifice, and sacrifice is established here.
AI translation rendered from the Sanskrit, not a published edition
ViP 2 7.12
ध्रुवाद् ऊर्ध्वं महर्लोको यत्र ते कल्पवासिनः एकयोजनकोटी तु महर्लोको ऽभिधीयते ॥
dhruvād ūrdhvaṃ maharloko yatra te kalpavāsinaḥ ekayojanakoṭī tu maharloko 'bhidhīyate //
Above Dhruva is Maharloka, where those who last through a kalpa dwell; Maharloka is said to be (at) one koṭi of yojanas.
AI translation rendered from the Sanskrit, not a published edition
ViP 2 7.13
द्वे कोटी तु जनो लोको यत्र ते ब्रह्मणः सुताः सनन्दनाद्याः कथिता मैत्रेयामलचेतसः ॥
dve koṭī tu jano loko yatra te brahmaṇaḥ sutāḥ sanandanādyāḥ kathitā maitreyāmalacetasaḥ //
At two koṭis is Janaloka, where those sons of Brahmā, Sanandana and the rest, are said (to be), O Maitreya, of spotless mind.
AI translation rendered from the Sanskrit, not a published edition
ViP 2 7.14
चतुर्गुणोत्तरे चोर्ध्वं जनलोकात् तपः स्मृतः वैराजा यत्र ते देवाः स्थिता दाहविवर्जिताः ॥
caturguṇottare cordhvaṃ janalokāt tapaḥ smṛtaḥ vairājā yatra te devāḥ sthitā dāhavivarjitāḥ //
And four times as far above Janaloka, Tapas (Tapoloka) is recorded, where those Vairāja gods abide, free from burning.
AI translation rendered from the Sanskrit, not a published edition
ViP 2 7.15
षड्गुणेन तपोलोकात् सत्यलोको विराजते अपुनर्मारका यत्र ब्रह्मलोको हि स स्मृतः ॥
ṣaḍguṇena tapolokāt satyaloko virājate apunarmārakā yatra brahmaloko hi sa smṛtaḥ //
Six times (as far) from Tapoloka, Satyaloka shines, where (dwell) those who do not die again; that indeed is recorded as Brahmaloka.
AI translation rendered from the Sanskrit, not a published edition
ViP 2 7.16
पादगम्यं तु यत् किंचिद् वस्त्व् अस्ति पृथिवीमयम् स भूर्लोकः समाख्यातो विस्तरो ऽस्य मयोदितः ॥
pādagamyaṃ tu yat kiṃcid vastv asti pṛthivīmayam sa bhūrlokaḥ samākhyāto vistaro 'sya mayoditaḥ //
Whatever thing there is that is made of earth and can be traversed on foot, that is called Bhūrloka; its extent has been told by me.
AI translation rendered from the Sanskrit, not a published edition
ViP 2 7.17
भूमिसूर्यान्तरं यत् तु सिद्धादिमुनिसेवितम् भुवर्लोकस् तु सो ऽप्य् उक्तो द्वितीयो मुनिसत्तम ॥
bhūmisūryāntaraṃ yat tu siddhādimunisevitam bhuvarlokas tu so 'py ukto dvitīyo munisattama //
The space between the earth and the sun, frequented by the Siddhas and other sages, that is called Bhuvarloka, the second, O best of sages.
AI translation rendered from the Sanskrit, not a published edition
ViP 2 7.18
ध्रुवसूर्यान्तरं यत् तु नियुतानि चतुर्दश स्वर्लोकः सो ऽपि गदितो लोकसंस्थानचिन्तकैः ॥
dhruvasūryāntaraṃ yat tu niyutāni caturdaśa svarlokaḥ so 'pi gadito lokasaṃsthānacintakaiḥ //
The space between the sun and Dhruva, which is fourteen niyutas, that is called Svarloka by those who reflect on the arrangement of the worlds.
AI translation rendered from the Sanskrit, not a published edition
ViP 2 7.19
त्रैलोक्यम् एतत् कृतकं मैत्रेय परिपठ्यते जनस् तपस् तथा सत्यम् इति चाकृतकं त्रयम् ॥
trailokyam etat kṛtakaṃ maitreya paripaṭhyate janas tapas tathā satyam iti cākṛtakaṃ trayam //
This triple world is recited as made (kṛtaka), O Maitreya; and Jana, Tapas, and Satya are the three that are unmade.
AI translation rendered from the Sanskrit, not a published edition
ViP 2 7.20
कृतकाकृतयोर् मध्ये महर्लोक इति स्मृतः शून्यो भवति कल्पान्ते यो ऽत्यन्तं न विनश्यति ॥
kṛtakākṛtayor madhye maharloka iti smṛtaḥ śūnyo bhavati kalpānte yo 'tyantaṃ na vinaśyati //
Between the made and the unmade, Maharloka is recorded: it becomes empty at the end of a kalpa, yet is not utterly destroyed.
AI translation rendered from the Sanskrit, not a published edition
ViP 2 7.21
एते सप्त मया लोका मैत्रेय कथितास् तव पातालानि च सप्तैव ब्रह्माण्डस्यैष विस्तरः ॥
ete sapta mayā lokā maitreya kathitās tava pātālāni ca saptaiva brahmāṇḍasyaiṣa vistaraḥ //
These seven worlds have been told to you by me, Maitreya, and the seven nether regions too: this is the extent of the egg of Brahmā.
AI translation rendered from the Sanskrit, not a published edition
ViP 2 7.22
एतद् अण्डकटाहेन तिर्यक् चोर्ध्वम् अधस् तथा कपित्थस्य यथा बीजं सर्वतो वै समावृतम् ॥
etad aṇḍakaṭāhena tiryak cordhvam adhas tathā kapitthasya yathā bījaṃ sarvato vai samāvṛtam //
This is enclosed on every side by the shell of the egg, crosswise, above and below, as the seed of a wood-apple (is enclosed by its rind).
AI translation rendered from the Sanskrit, not a published edition
ViP 2 7.23
दशोत्तरेण पयसा मैत्रेयाण्डं च तद् वृतम् सर्वो ऽम्बुपरिधानो ऽसौ वह्निना वेष्टितो बहिः ॥
daśottareṇa payasā maitreyāṇḍaṃ ca tad vṛtam sarvo 'mbuparidhāno 'sau vahninā veṣṭito bahiḥ //
And that egg is surrounded by water ten times greater, O Maitreya; and this whole, having water for its wrapping, is encircled outside by fire.
AI translation rendered from the Sanskrit, not a published edition
ViP 2 7.24
वह्निश् च वायुना वायुर् मैत्रेय नभसा वृतः भूतादिना नभः सो ऽपि महता परिवेष्टितः दशोत्तराण्य् अशेषाणि मैत्रेयैतानि सप्त वै ॥
vahniś ca vāyunā vāyur maitreya nabhasā vṛtaḥ bhūtādinā nabhaḥ so 'pi mahatā pariveṣṭitaḥ daśottarāṇy aśeṣāṇi maitreyaitāni sapta vai //
And the fire is enclosed by wind, the wind, O Maitreya, by ether, and that ether too by the origin of the elements (ahaṃkāra), and that is surrounded by the Great (mahat); all of these seven, O Maitreya, are ten times greater (each than the last).
AI translation rendered from the Sanskrit, not a published edition
ViP 2 7.25
महान्तं च समावृत्य प्रधानं समवस्थितम् अनन्तस्य न तस्यान्तः संख्यानं वापि विद्यते ॥
mahāntaṃ ca samāvṛtya pradhānaṃ samavasthitam anantasya na tasyāntaḥ saṃkhyānaṃ vāpi vidyate //
And having enveloped the Great, Pradhāna stands; of that infinite thing there is no end, nor is any reckoning of it found.
AI translation rendered from the Sanskrit, not a published edition
ViP 2 7.26
तद् अनन्तम् असंख्यातप्रमाणं चापि वै यतः हेतुभूतम् अशेषस्य प्रकृतिः सा परा मुने ॥
tad anantam asaṃkhyātapramāṇaṃ cāpi vai yataḥ hetubhūtam aśeṣasya prakṛtiḥ sā parā mune //
Since that (pradhāna) is endless and of uncounted measure, and is the cause of everything without remainder, it is the supreme Nature, O sage.
AI translation rendered from the Sanskrit, not a published edition
ViP 2 7.27
अण्डानां तु सहस्राणां सहस्राण्य् अयुतानि च ईदृशानां तथा तत्र कोटिकोटिशतानि च ॥
aṇḍānāṃ tu sahasrāṇāṃ sahasrāṇy ayutāni ca īdṛśānāṃ tathā tatra koṭikoṭiśatāni ca //
But there, of eggs such as this, (there are) thousands, and thousands upon myriads (of thousands), and hundreds of tens of millions of tens of millions.
AI translation rendered from the Sanskrit, not a published edition
ViP 2 7.28
दारुण्य् अग्निर् यथा तैलं तिले तद्वत् पुमान् अपि प्रधाने ऽवस्थितो व्यापी चेतनात्मात्मवेदनः ॥
dāruṇy agnir yathā tailaṃ tile tadvat pumān api pradhāne 'vasthito vyāpī cetanātmātmavedanaḥ //
As fire (is) in wood and oil in the sesame seed, so too the Person abides within the pradhāna, pervading (it), conscious by nature, aware of itself.
AI translation rendered from the Sanskrit, not a published edition
ViP 2 7.29
प्रधानं च पुमांश् चैव सर्वभूतात्मभूतया विष्णुशक्त्या महाबुद्धे वृतौ संश्रयधर्मिणौ ॥
pradhānaṃ ca pumāṃś caiva sarvabhūtātmabhūtayā viṣṇuśaktyā mahābuddhe vṛtau saṃśrayadharmiṇau //
And both the pradhāna and the Person are enveloped, O greatly intelligent one, by Viṣṇu's power, which has become the self of all beings, and (thus) they have the property of mutual dependence.
AI translation rendered from the Sanskrit, not a published edition
ViP 2 7.30
तयोः सैव पृथग्भावकारणं संश्रयस्य च क्षोभकारणभूता च सर्गकाले महामते ॥
tayoḥ saiva pṛthagbhāvakāraṇaṃ saṃśrayasya ca kṣobhakāraṇabhūtā ca sargakāle mahāmate //
That same (power) is the cause of the separateness of those two and of their conjunction, and it becomes the cause of (their) agitation at the time of creation, O you of great mind.
AI translation rendered from the Sanskrit, not a published edition
ViP 2 7.31
यथा सक्तं जले वातो बिभर्ति कणिकाशतम् शक्तिः सापि तथा विष्णोः प्रधानपुरुषात्मकम् ॥
yathā saktaṃ jale vāto bibharti kaṇikāśatam śaktiḥ sāpi tathā viṣṇoḥ pradhānapuruṣātmakam //
As the wind, clinging upon water, bears up a hundred droplets, so too that power of Viṣṇu (bears up) what consists of pradhāna and Person.
AI translation rendered from the Sanskrit, not a published edition
ViP 2 7.32
यथा च पादपो मूलस्कन्धशाखादिसंयुतः आदिबीजात् प्रभवति बीजान्य् अन्यानि वै ततः ॥
yathā ca pādapo mūlaskandhaśākhādisaṃyutaḥ ādibījāt prabhavati bījāny anyāni vai tataḥ //
And as a tree, complete with root, trunk, branches and the rest, springs up from an original seed, and from it (come) other seeds,
AI translation rendered from the Sanskrit, not a published edition
ViP 2 7.33
प्रभवन्ति ततस् तेभ्यः संभवन्त्य् अपरे द्रुमाः ते ऽपि तल्लक्षणद्रव्यकारणानुगता मुने ॥
prabhavanti tatas tebhyaḥ saṃbhavanty apare drumāḥ te 'pi tallakṣaṇadravyakāraṇānugatā mune //
and from those (seeds) they spring forth, and other trees come into being from them—those too, O sage, conforming to the same characteristics, substance and cause—
AI translation rendered from the Sanskrit, not a published edition
ViP 2 7.34
एवम् अव्याकृतात् पूर्वं जायन्ते महदादयः विशेषान्तास् ततस् तेभ्यः संभवन्ति सुरादयः तेभ्यश् च पुत्रास् तेषां च पुत्राणाम् अपरे सुताः ॥
evam avyākṛtāt pūrvaṃ jāyante mahadādayaḥ viśeṣāntās tatas tebhyaḥ saṃbhavanti surādayaḥ tebhyaś ca putrās teṣāṃ ca putrāṇām apare sutāḥ //
so, first, from the unevolved are born mahat and the rest, down to the particularized (elements); then from those come into being the gods and the others, and from them sons, and of those sons other offspring.
AI translation rendered from the Sanskrit, not a published edition
ViP 2 7.35
बीजाद् वृक्षप्ररोहेण यथा नापचयस् तरोः भूतानां भूतसर्गेण नैवास्त्य् अपचयस् तथा ॥
bījād vṛkṣapraroheṇa yathā nāpacayas taroḥ bhūtānāṃ bhūtasargeṇa naivāsty apacayas tathā //
As there is no diminution of the tree through the sprouting of a tree from a seed, so there is no diminution of beings through the creation of beings.
AI translation rendered from the Sanskrit, not a published edition
ViP 2 7.36
संनिधानाद् यथाकाशकालाद्याः कारणं तरोः तथैवापरिणामेन विश्वस्य भगवान् हरिः ॥
saṃnidhānād yathākāśakālādyāḥ kāraṇaṃ taroḥ tathaivāpariṇāmena viśvasya bhagavān hariḥ //
As space, time and the rest are, by their mere presence, a cause of the tree, so exactly is the Lord Hari (the cause) of the universe, without undergoing change.
AI translation rendered from the Sanskrit, not a published edition
ViP 2 7.37
व्रीहिबीजे यथा मूलं नालं पत्राङ्कुरौ तथा काण्डकोषस् तथा पुष्पं क्षीरं तद्वच् च तण्डुलाः ॥
vrīhibīje yathā mūlaṃ nālaṃ patrāṅkurau tathā kāṇḍakoṣas tathā puṣpaṃ kṣīraṃ tadvac ca taṇḍulāḥ //
As in the rice seed the root, the stalk, the leaf and the shoot, and likewise the stem-sheath, the flower, the milky juice, and so too the grains,
AI translation rendered from the Sanskrit, not a published edition
ViP 2 7.38
तुषाः कणाश् च सन्तो वै यान्त्य् आविर्भावम् आत्मनः प्ररोहहेतुसामग्रीम् आसाद्य मुनिसत्तम ॥
tuṣāḥ kaṇāś ca santo vai yānty āvirbhāvam ātmanaḥ prarohahetusāmagrīm āsādya munisattama //
and the husks and the kernels, being (already) present, come to manifestation of themselves once they have met with the full set of causes for sprouting, O best of sages—
AI translation rendered from the Sanskrit, not a published edition
ViP 2 7.39
तथा कर्मस्व् अनेकेषु देवाद्याः समवस्थिताः विष्णुशक्तिं समासाद्य प्ररोहम् उपयान्ति वै ॥
tathā karmasv anekeṣu devādyāḥ samavasthitāḥ viṣṇuśaktiṃ samāsādya praroham upayānti vai //
so the gods and the rest, established in their many works, having met with Viṣṇu's power, come forth into sprouting.
AI translation rendered from the Sanskrit, not a published edition
ViP 2 7.40
स च विष्णुः परं ब्रह्म यतः सर्वम् इदं जगत् जगच् च यो यत्र चेदं यस्मिंश् च लयम् एष्यति ॥
sa ca viṣṇuḥ paraṃ brahma yataḥ sarvam idaṃ jagat jagac ca yo yatra cedaṃ yasmiṃś ca layam eṣyati //
And that Viṣṇu is the supreme Brahman, from whom all this world (comes), who is the world, in whom this (world) is, and into whom it will go to dissolution.
AI translation rendered from the Sanskrit, not a published edition
ViP 2 7.41
तद् ब्रह्म तत् परं धाम सदसत्परमं पदम् यस्य सर्वम् अभेदेन जगद् एतच् चराचरम् ॥
tad brahma tat paraṃ dhāma sadasatparamaṃ padam yasya sarvam abhedena jagad etac carācaram //
That is Brahman, that the supreme abode, the station beyond the existent and the non-existent, whose is all this world, moving and unmoving, without difference (from him).
AI translation rendered from the Sanskrit, not a published edition
ViP 2 7.42
स एव मूलप्रकृतिर् व्यक्तरूपी जगच् च सः तस्मिन्न् एव लयं सर्वं याति तत्र च तिष्ठति ॥
sa eva mūlaprakṛtir vyaktarūpī jagac ca saḥ tasminn eva layaṃ sarvaṃ yāti tatra ca tiṣṭhati //
He alone is the root Nature, he is the one having manifest form, and he is the world; into him alone everything goes to dissolution, and in him it abides.
AI translation rendered from the Sanskrit, not a published edition
ViP 2 7.43
कर्ता क्रियाणां स च इज्यते क्रतुः स एव तत्कर्मफलं च तस्य यत् स्रुगादि यत् साधनम् अप्य् अशेषतो हरेर् न किंचिद् व्यतिरिक्तम् अस्ति वै ॥
kartā kriyāṇāṃ sa ca ijyate kratuḥ sa eva tatkarmaphalaṃ ca tasya yat srugādi yat sādhanam apy aśeṣato harer na kiṃcid vyatiriktam asti vai //
He is the performer of the rites, and he is the sacrifice that is offered, and his is the fruit of that act; and whatever the implements—the ladle and the rest—are, they are entirely Hari: there is nothing whatever apart (from him).
AI translation rendered from the Sanskrit, not a published edition