Vishnu Purana — Amsha 2 — Chapter 6
ViP 2 6.1
ततश् च नरकान् विप्र भुवो ऽधः सलिलस्य च पापिनो येषु पात्यन्ते ताञ् छृणुष्व महामुने ॥
tataś ca narakān vipra bhuvo 'dhaḥ salilasya ca pāpino yeṣu pātyante tāñ chṛṇuṣva mahāmune //
And now, brahmin, hear of the hells, below the earth and below the waters, into which sinners are cast, O great sage.
AI translation rendered from the Sanskrit, not a published edition
ViP 2 6.2
रौरवः सूकरो रोधस् तालो विशसनस् तथा महाज्वालस् तप्तकुम्भो लवणो ऽथ विलोहितः ॥
rauravaḥ sūkaro rodhas tālo viśasanas tathā mahājvālas taptakumbho lavaṇo 'tha vilohitaḥ //
Raurava, Sūkara, Rodha, Tāla, and Viśasana, Mahājvāla, Taptakumbha, Lavaṇa, and then Vilohita;
AI translation rendered from the Sanskrit, not a published edition
ViP 2 6.3
रुधिराम्भो वैतरणी कृमिशः कृमिभोजनः असिपत्रवनं कृष्णो लालाभक्षश् च दारुणः ॥
rudhirāmbho vaitaraṇī kṛmiśaḥ kṛmibhojanaḥ asipatravanaṃ kṛṣṇo lālābhakṣaś ca dāruṇaḥ //
Rudhirāmbhas, Vaitaraṇī, Kṛmiśa, Kṛmibhojana, Asipatravana, Kṛṣṇa, and the dreadful Lālābhakṣa;
AI translation rendered from the Sanskrit, not a published edition
ViP 2 6.4
तथा पूयवहः पापो वह्निज्वालो ह्य् अधःशिराः संदंशः कृष्णसूत्रश् च तमश् चावीचिर् एव च ॥
tathā pūyavahaḥ pāpo vahnijvālo hy adhaḥśirāḥ saṃdaṃśaḥ kṛṣṇasūtraś ca tamaś cāvīcir eva ca //
likewise Pūyavaha, Pāpa, Vahnijvāla, Adhaḥśiras, Saṃdaṃśa, Kṛṣṇasūtra, Tamas, and Avīci;
AI translation rendered from the Sanskrit, not a published edition
ViP 2 6.5
श्वभोजनो ऽथाप्रतिष्ठो अवीचिश् च तथापरः इत्य् एवमादयश् चान्ये नरका भृशदारुणाः ॥
śvabhojano 'thāpratiṣṭho avīciś ca tathāparaḥ ity evamādayaś cānye narakā bhṛśadāruṇāḥ //
Śvabhojana, then Apratiṣṭha, and yet another Avīci — these and other hells besides, exceedingly terrible,
AI translation rendered from the Sanskrit, not a published edition
ViP 2 6.6
यमस्य विषये घोराः शस्त्राग्निभयदायिनः पतन्ति येषु पुरुषाः पापकर्मरतास् तु ये ॥
yamasya viṣaye ghorāḥ śastrāgnibhayadāyinaḥ patanti yeṣu puruṣāḥ pāpakarmaratās tu ye //
dreadful ones in Yama's domain, inflicting the terrors of weapons and fire, into which fall those men who are given to evil deeds.
AI translation rendered from the Sanskrit, not a published edition
ViP 2 6.7
कूटसाक्षी तथासम्यक् पक्षपातेन यो वदेत् यश् चान्यद् अनृतं वक्ति स नरो याति रौरवम् ॥
kūṭasākṣī tathāsamyak pakṣapātena yo vadet yaś cānyad anṛtaṃ vakti sa naro yāti rauravam //
A false witness, one who speaks wrongly out of partiality, and one who otherwise tells an untruth — such a man goes to Raurava.
AI translation rendered from the Sanskrit, not a published edition
ViP 2 6.8
भ्रूणहा गुरुहन्ता च गोघ्नश् च मुनिसत्तम यान्ति ते नरकं रोधं यश् चोच्छ्वासनिरोधकः ॥
bhrūṇahā guruhantā ca goghnaś ca munisattama yānti te narakaṃ rodhaṃ yaś cocchvāsanirodhakaḥ //
The killer of an embryo, the slayer of a teacher, and the killer of a cow, O best of sages — they go to the hell Rodha, and so does one who stops (another's) breathing.
AI translation rendered from the Sanskrit, not a published edition
ViP 2 6.9
सुरापो ब्रह्महा हर्ता सुवर्णस्य च सूकरे प्रयाति नरके यश् च तैः संसर्गम् उपैति वै ॥
surāpo brahmahā hartā suvarṇasya ca sūkare prayāti narake yaś ca taiḥ saṃsargam upaiti vai //
The drinker of liquor, the slayer of a brahmin, and the stealer of gold go to the hell Sūkara, and so too whoever keeps company with them.
AI translation rendered from the Sanskrit, not a published edition
ViP 2 6.10
राजन्यवैश्यहा ताले तथैव गुरुतल्पगः तप्तकुम्भे स्वसागामी हन्ति राजभटांश् च यः ॥
rājanyavaiśyahā tāle tathaiva gurutalpagaḥ taptakumbhe svasāgāmī hanti rājabhaṭāṃś ca yaḥ //
The killer of a kṣatriya or a vaiśya (goes) to Tāla, and likewise one who violates the teacher's bed; to Taptakumbha (goes) one who approaches his sister, and one who kills the king's servants.
AI translation rendered from the Sanskrit, not a published edition
ViP 2 6.11
साध्वीविक्रयकृद् बन्धपालः केसरिविक्रयी तप्तलोहे पतन्त्य् एते यश् च भक्तं परित्यजेत् ॥
sādhvīvikrayakṛd bandhapālaḥ kesarivikrayī taptalohe patanty ete yaś ca bhaktaṃ parityajet //
One who sells a virtuous woman, a jailer, a seller of lions — these fall into Taptaloha, and also one who abandons a dependent.
AI translation rendered from the Sanskrit, not a published edition
ViP 2 6.12
स्नुषां सुतां चापि गत्वा महाज्वाले निपात्यते अवमन्ता गुरूणां यो यश् चाक्रोष्टा नराधमः ॥
snuṣāṃ sutāṃ cāpi gatvā mahājvāle nipātyate avamantā gurūṇāṃ yo yaś cākroṣṭā narādhamaḥ //
One who has intercourse with his daughter-in-law or his daughter is cast into Mahājvāla; and the base man who despises his elders and who reviles (them) (goes there too).
AI translation rendered from the Sanskrit, not a published edition
ViP 2 6.13
वेददूषयिता यश् च वेदविक्रयकश् च यः अगम्यगामी यश् च स्यात् ते यान्ति लवणं द्विज ॥
vedadūṣayitā yaś ca vedavikrayakaś ca yaḥ agamyagāmī yaś ca syāt te yānti lavaṇaṃ dvija //
He who defames the Veda, he who sells the Veda, and he who consorts with a woman he must not approach — they go to Lavaṇa, O brahmin.
AI translation rendered from the Sanskrit, not a published edition
ViP 2 6.14
चौरो विमोहे पतति मर्यादादूषकस् तथा ॥
cauro vimohe patati maryādādūṣakas tathā //
A thief falls into Vimoha, and likewise one who violates established bounds.
AI translation rendered from the Sanskrit, not a published edition
ViP 2 6.15
देवद्विजपितृद्वेष्टा रत्नदूषयिता च यः स याति कृमिभक्षे वै कृमिशे च दुरिष्टकृत् ॥
devadvijapitṛdveṣṭā ratnadūṣayitā ca yaḥ sa yāti kṛmibhakṣe vai kṛmiśe ca duriṣṭakṛt //
One who hates gods, brahmins and ancestors, and one who spoils gems, goes to Kṛmibhakṣa; and one who performs sacrifices badly goes to Kṛmiśa.
AI translation rendered from the Sanskrit, not a published edition
ViP 2 6.16
पितृदेवातिथीन् यस् तु पर्यश्नाति नराधमः लालाभक्षे स यात्य् उग्रे शरकर्ता च वेधके ॥
pitṛdevātithīn yas tu paryaśnāti narādhamaḥ lālābhakṣe sa yāty ugre śarakartā ca vedhake //
But the base man who eats before (serving) the ancestors, the gods and guests goes to the fierce Lālābhakṣa; and the maker of arrows to Vedhaka.
AI translation rendered from the Sanskrit, not a published edition
ViP 2 6.17
करोति कर्णिनो यश् च यश् च खड्गादिकृन् नरः प्रयान्त्य् एते विशसने नरके भृशदारुणे ॥
karoti karṇino yaś ca yaś ca khaḍgādikṛn naraḥ prayānty ete viśasane narake bhṛśadāruṇe //
The man who makes barbed arrows and the man who makes swords and the like — these go to the exceedingly terrible hell Viśasana.
AI translation rendered from the Sanskrit, not a published edition
ViP 2 6.18
असत्प्रतिग्रहीता तु नरके यात्य् अधोमुखे अयाज्ययाजकस् तत्र तथा नक्षत्रसूचकः ॥
asatpratigrahītā tu narake yāty adhomukhe ayājyayājakas tatra tathā nakṣatrasūcakaḥ //
But one who accepts gifts from the wicked goes to the hell Adhomukha; and there too goes one who officiates for those unfit to sacrifice, and one who tells (fortunes) by the stars.
AI translation rendered from the Sanskrit, not a published edition
ViP 2 6.19
वेगी पूयवहं चैको याति मिष्टान्नभुङ् नरः ॥
vegī pūyavahaṃ caiko yāti miṣṭānnabhuṅ naraḥ //
And one man, hasty (in eating?), who eats sweet food, goes to the Pūyavaha ("pus-stream").
AI translation rendered from the Sanskrit, not a published edition — the model flagged this verse as uncertain
ViP 2 6.20
लाक्षामांसरसानां च तिलानां लवणस्य च विक्रेता ब्राह्मणो याति तम् एव नरकं द्विज ॥
lākṣāmāṃsarasānāṃ ca tilānāṃ lavaṇasya ca vikretā brāhmaṇo yāti tam eva narakaṃ dvija //
And a brahmin who sells lac, meat-juices, sesame seeds, or salt goes to that very hell, O twice-born one.
AI translation rendered from the Sanskrit, not a published edition
ViP 2 6.21
मार्जारकुक्कुटच्छागश्ववराहविहंगमान् पोषयन् नरकं याति तम् एव द्विजसत्तम ॥
mārjārakukkuṭacchāgaśvavarāhavihaṃgamān poṣayan narakaṃ yāti tam eva dvijasattama //
One who rears cats, cocks, goats, dogs, pigs and birds goes to that same hell, O best of the twice-born.
AI translation rendered from the Sanskrit, not a published edition
ViP 2 6.22
रङ्गोपजीवी कैवर्तः कुण्डाशी गरदस् तथा सूची माहिषिकश् चैव पर्वगामी च यो द्विजः ॥
raṅgopajīvī kaivartaḥ kuṇḍāśī garadas tathā sūcī māhiṣikaś caiva parvagāmī ca yo dvijaḥ //
One who lives by the stage, a fisherman, one who eats the food of a kuṇḍa (an adulteress's son), a poisoner, an informer, a keeper of buffaloes, and the twice-born who approaches (his wife) on the parvan days —
AI translation rendered from the Sanskrit, not a published edition — the model flagged this verse as uncertain
ViP 2 6.23
अगारदाही मित्रघ्नः शाकुनिर् ग्रामयाजकः रुधिरान्धे पतन्त्य् एते सोमं विक्रीणते च ये ॥
agāradāhī mitraghnaḥ śākunir grāmayājakaḥ rudhirāndhe patanty ete somaṃ vikrīṇate ca ye //
a house-burner, a killer of a friend, a bird-catcher, a village priest, and those who sell Soma — these fall into Rudhirāndha ("blood-blind").
AI translation rendered from the Sanskrit, not a published edition
ViP 2 6.24
मधुहा ग्रामहन्ता च याति वैतरणीं नरः ॥
madhuhā grāmahantā ca yāti vaitaraṇīṃ naraḥ //
The man who is a stealer of honey and a destroyer of a village goes to the Vaitaraṇī.
AI translation rendered from the Sanskrit, not a published edition
ViP 2 6.25
धनयौवनमत्तास् तु मर्यादाभेदिनो हि ये ते कृष्णे यान्त्य् अशौचाश् च कुहकाजीविनश् च ये ॥
dhanayauvanamattās tu maryādābhedino hi ye te kṛṣṇe yānty aśaucāś ca kuhakājīvinaś ca ye //
But those who, drunk with wealth and youth, break the bounds of propriety, and the impure, and those who live by trickery — they go to Kṛṣṇa ("the black one").
AI translation rendered from the Sanskrit, not a published edition
ViP 2 6.26
असिपत्रवनं याति वनच्छेदी वृथैव यः औरभ्रिको मृगव्याधो वह्निज्वाले पतन्ति वै ॥
asipatravanaṃ yāti vanacchedī vṛthaiva yaḥ aurabhriko mṛgavyādho vahnijvāle patanti vai //
He who cuts down a forest for no purpose goes to Asipatravana ("the sword-leaf forest"); a sheep-butcher and a deer-hunter fall into Vahnijvāla ("flame of fire").
AI translation rendered from the Sanskrit, not a published edition
ViP 2 6.27
यान्त्य् एते द्विज तत्रैव यश् चापाकेषु वह्निदः ॥
yānty ete dvija tatraiva yaś cāpākeṣu vahnidaḥ //
These go there too, O twice-born, and he who sets fire to (?) cooking-places.
AI translation rendered from the Sanskrit, not a published edition — the model flagged this verse as uncertain
ViP 2 6.28
व्रतेषु लोपको यश् च स्वाश्रमाद् विच्युतश् च यः संदंशयातनामध्ये पततस् ताव् उभाव् अपि ॥
vrateṣu lopako yaś ca svāśramād vicyutaś ca yaḥ saṃdaṃśayātanāmadhye patatas tāv ubhāv api //
He who breaks his vows and he who has fallen away from his own order of life — both of these fall into the midst of the torture called Saṃdaṃśa ("the pincers").
AI translation rendered from the Sanskrit, not a published edition
ViP 2 6.29
दिवा स्वप्नेषु स्कन्दन्ते ये नरा ब्रह्मचारिणः पुत्रैर् अध्यापिता ये च ते पतन्ति श्वभोजने ॥
divā svapneṣu skandante ye narā brahmacāriṇaḥ putrair adhyāpitā ye ca te patanti śvabhojane //
Those men who, being students of sacred lore, emit their seed in dreams by day, and those who are taught by their own sons — they fall into Śvabhojana ("dog's food").
AI translation rendered from the Sanskrit, not a published edition
ViP 2 6.30
एते चान्ये च नरकाः शतशो ऽथ सहस्रशः येषु दुष्कृतकर्माणः पच्यन्ते यातनागताः ॥
ete cānye ca narakāḥ śataśo 'tha sahasraśaḥ yeṣu duṣkṛtakarmāṇaḥ pacyante yātanāgatāḥ //
These and other hells, by hundreds and by thousands, in which those of evil deeds, come to their torment, are cooked.
AI translation rendered from the Sanskrit, not a published edition
ViP 2 6.31
तथैव पापान्य् एतानि तथान्यानि सहस्रशः भुज्यन्ते यानि पुरुषैर् नरकान्तरगोचरैः ॥
tathaiva pāpāny etāni tathānyāni sahasraśaḥ bhujyante yāni puruṣair narakāntaragocaraiḥ //
And likewise these sins, and others by the thousand, which are experienced by men who are subject to the various hells.
AI translation rendered from the Sanskrit, not a published edition
ViP 2 6.32
वर्णाश्रमविरुद्धं च कर्म कुर्वन्ति ये नराः कर्मणा मनसा वाचा निरयेषु पतन्ति ते ॥
varṇāśramaviruddhaṃ ca karma kurvanti ye narāḥ karmaṇā manasā vācā nirayeṣu patanti te //
And those men who do deeds contrary to (the rules of) class and order of life, by deed, by mind, or by speech, fall into the hells.
AI translation rendered from the Sanskrit, not a published edition
ViP 2 6.33
अधःशिरोभिर् दृश्यन्ते नारकैर् दिवि देवताः देवाश् चाधोमुखान् सर्वान् अधः पश्यन्ति नारकान् ॥
adhaḥśirobhir dṛśyante nārakair divi devatāḥ devāś cādhomukhān sarvān adhaḥ paśyanti nārakān //
The gods in heaven are seen head-downwards by those in hell, and the gods look down upon all those in hell as facing downwards.
AI translation rendered from the Sanskrit, not a published edition
ViP 2 6.34
स्थावराः कृमयो ऽब्जाश् च पक्षिणः पशवो नराः धार्मिकास् त्रिदशास् तद्वन् मोक्षिणश् च यथाक्रमम् ॥
sthāvarāḥ kṛmayo 'bjāś ca pakṣiṇaḥ paśavo narāḥ dhārmikās tridaśās tadvan mokṣiṇaś ca yathākramam //
Immobile things (plants), worms, water-born creatures, birds, beasts, men, the righteous, the thirty (gods), and likewise the liberated — in that order.
AI translation rendered from the Sanskrit, not a published edition
ViP 2 6.35
सहस्रभागप्रथमा द्वितीयानुक्रमास् तथा सर्वे ह्य् एते महाभाग यावन् मुक्तिसमाश्रयाः ॥
sahasrabhāgaprathamā dvitīyānukramās tathā sarve hy ete mahābhāga yāvan muktisamāśrayāḥ //
The first is a thousandth part (of the next), and the second follows in the same order; for all these, O greatly fortunate one, (are so) up to those who rest in liberation.
AI translation rendered from the Sanskrit, not a published edition — the model flagged this verse as uncertain
ViP 2 6.36
यावन्तो जन्तवः स्वर्गे तावन्तो नरकौकसः पापकृद् याति नरकं प्रायश्चित्तपराङ्मुखः ॥
yāvanto jantavaḥ svarge tāvanto narakaukasaḥ pāpakṛd yāti narakaṃ prāyaścittaparāṅmukhaḥ //
As many creatures as there are in heaven, so many dwell in hell; the doer of evil who turns his back on expiation goes to hell.
AI translation rendered from the Sanskrit, not a published edition
ViP 2 6.37
पापानाम् अनुरूपाणि प्रायश्चित्तानि यद् यथा तथा तथैव संस्मृत्य प्रोक्तानि परमर्षिभिः ॥
pāpānām anurūpāṇi prāyaścittāni yad yathā tathā tathaiva saṃsmṛtya proktāni paramarṣibhiḥ //
Expiations corresponding to the sins, each according to its kind, have been declared just so by the supreme sages, recalling them (from tradition).
AI translation rendered from the Sanskrit, not a published edition
ViP 2 6.38
पापे गुरूणि गुरुणि स्वल्पान्य् अल्पे च तद्विदः प्रायश्चित्तानि मैत्रेय जगुः स्वायंभुवादयः ॥
pāpe gurūṇi guruṇi svalpāny alpe ca tadvidaḥ prāyaścittāni maitreya jaguḥ svāyaṃbhuvādayaḥ //
Those who know this — Svāyaṃbhuva and the rest — have proclaimed, O Maitreya, heavy expiations for a heavy sin and light ones for a light one.
AI translation rendered from the Sanskrit, not a published edition
ViP 2 6.39
प्रायश्चित्तान्य् अशेषाणि तपःकर्मात्मकानि वै यानि तेषाम् अशेषाणां कृष्णानुस्मरणं परम् ॥
prāyaścittāny aśeṣāṇi tapaḥkarmātmakāni vai yāni teṣām aśeṣāṇāṃ kṛṣṇānusmaraṇaṃ param //
Of all the expiations that consist of austerity and (ritual) action, of all of them the remembrance of Kṛṣṇa is the highest.
AI translation rendered from the Sanskrit, not a published edition
ViP 2 6.40
कृते पापे ऽनुतापो वै यस्य पुंसः प्रजायते प्रायश्चित्तं तु तस्यैकं हरिसंस्मरणं परम् ॥
kṛte pāpe 'nutāpo vai yasya puṃsaḥ prajāyate prāyaścittaṃ tu tasyaikaṃ harisaṃsmaraṇaṃ param //
When a sin has been committed, if remorse arises in a man, for him the one expiation is the remembrance of Hari, which is supreme.
AI translation rendered from the Sanskrit, not a published edition
ViP 2 6.41
प्रातर् निशि तथा संध्यामध्याह्नादिषु संस्मरन् नारायणम् अवाप्नोति सद्यः पापक्षयं नरः ॥
prātar niśi tathā saṃdhyāmadhyāhnādiṣu saṃsmaran nārāyaṇam avāpnoti sadyaḥ pāpakṣayaṃ naraḥ //
Remembering Nārāyaṇa at dawn, at night, and at the twilights, at midday and so forth, a man at once attains the destruction of his sins.
AI translation rendered from the Sanskrit, not a published edition
ViP 2 6.42
विष्णुसंस्मरणात् क्षीणसमस्तक्लेशसंचयः मुक्तिं प्रयाति स्वर्गाप्तिस् तस्य विघ्नो ऽनुमीयते ॥
viṣṇusaṃsmaraṇāt kṣīṇasamastakleśasaṃcayaḥ muktiṃ prayāti svargāptis tasya vighno 'numīyate //
He whose whole accumulation of afflictions has been worn away by the remembrance of Viṣṇu goes to liberation; the attainment of heaven is (in his case) to be inferred an obstacle.
AI translation rendered from the Sanskrit, not a published edition
ViP 2 6.43
वासुदेवे मनो यस्य जपहोमार्चनादिषु तस्यान्तरायो मैत्रेय देवेन्द्रत्वादिकं फलम् ॥
vāsudeve mano yasya japahomārcanādiṣu tasyāntarāyo maitreya devendratvādikaṃ phalam //
He whose mind is on Vāsudeva in muttered prayer, oblation, worship and the rest — for him, Maitreya, the fruit consisting of the rank of Indra of the gods and the like is a hindrance.
AI translation rendered from the Sanskrit, not a published edition
ViP 2 6.44
क्व नाकपृष्ठगमनं पुनरावृत्तिलक्षणम् क्व जपो वासुदेवेति मुक्तिबीजम् अनुत्तमम् ॥
kva nākapṛṣṭhagamanaṃ punarāvṛttilakṣaṇam kva japo vāsudeveti muktibījam anuttamam //
What is going to the vault of heaven, marked as it is by a return again — and what is the muttering of "Vāsudeva," the unsurpassed seed of liberation!
AI translation rendered from the Sanskrit, not a published edition
ViP 2 6.45
तस्माद् अहर्निशं विष्णुं संस्मरन् पुरुषो मुने न याति नरकं शुद्धः संक्षीणाखिलपातकः ॥
tasmād aharniśaṃ viṣṇuṃ saṃsmaran puruṣo mune na yāti narakaṃ śuddhaḥ saṃkṣīṇākhilapātakaḥ //
Therefore, sage, a man remembering Viṣṇu day and night does not go to hell; he is pure, all his sins worn away.
AI translation rendered from the Sanskrit, not a published edition
ViP 2 6.46
मनःप्रीतिकरः स्वर्गो नरकस् तद्विपर्ययः नरकस्वर्गसंज्ञे वै पापपुण्ये द्विजोत्तम ॥
manaḥprītikaraḥ svargo narakas tadviparyayaḥ narakasvargasaṃjñe vai pāpapuṇye dvijottama //
What gives pleasure to the mind is heaven, and hell is the opposite of that; sin and merit, O best of the twice-born, are the very things named hell and heaven.
AI translation rendered from the Sanskrit, not a published edition
ViP 2 6.47
वस्त्व् एकम् एव दुःखाय सुखायेर्ष्योद्भवाय च कोपाय च यतस् तस्माद् वस्तु वस्त्वात्मकं कुतः ॥
vastv ekam eva duḥkhāya sukhāyerṣyodbhavāya ca kopāya ca yatas tasmād vastu vastvātmakaṃ kutaḥ //
Since one and the same object serves for pain, for pleasure, for the arising of envy, and for anger — therefore how can an object have (a fixed) objective nature?
AI translation rendered from the Sanskrit, not a published edition
ViP 2 6.48
तद् एव प्रीतये भूत्वा पुनर् दुःखाय जायते तद् एव कोपाय यतः प्रसादाय च जायते ॥
tad eva prītaye bhūtvā punar duḥkhāya jāyate tad eva kopāya yataḥ prasādāya ca jāyate //
That very same thing, having become a source of delight, becomes again a source of pain; and that very same thing becomes a cause of anger and also of favour.
AI translation rendered from the Sanskrit, not a published edition
ViP 2 6.49
तस्माद् दुःखात्मकं नास्ति न च किंचित् सुखात्मकम् मनसः परिणामो ऽयं सुखदुःखादिलक्षणः ॥
tasmād duḥkhātmakaṃ nāsti na ca kiṃcit sukhātmakam manasaḥ pariṇāmo 'yaṃ sukhaduḥkhādilakṣaṇaḥ //
Therefore nothing is of the nature of pain, nor is anything of the nature of pleasure; this is a transformation of the mind, characterized as pleasure, pain, and the rest.
AI translation rendered from the Sanskrit, not a published edition
ViP 2 6.50
ज्ञानम् एव परं ब्रह्म ज्ञानं बन्धाय चेष्यते ज्ञानात्मकम् इदं विश्वं न ज्ञानाद् विद्यते परम् ॥
jñānam eva paraṃ brahma jñānaṃ bandhāya ceṣyate jñānātmakam idaṃ viśvaṃ na jñānād vidyate param //
Knowledge alone is the supreme Brahman; and knowledge is held (also) to lead to bondage. This universe consists of knowledge; there is nothing higher than knowledge.
AI translation rendered from the Sanskrit, not a published edition
ViP 2 6.51
विद्याविद्येति मैत्रेय ज्ञानम् एवोपधारय ॥
vidyāvidyeti maitreya jñānam evopadhāraya //
Understand, Maitreya, that it is knowledge alone (that appears) as knowledge and ignorance.
AI translation rendered from the Sanskrit, not a published edition
ViP 2 6.52
एवम् एतन् मयाख्यातं भवतो मण्डलं भुवः पातालानि च सर्वाणि तथैव नरका द्विज ॥
evam etan mayākhyātaṃ bhavato maṇḍalaṃ bhuvaḥ pātālāni ca sarvāṇi tathaiva narakā dvija //
Thus this circle of the earth has been declared to you by me, and all the netherworlds, and likewise the hells, O twice-born one.
AI translation rendered from the Sanskrit, not a published edition
ViP 2 6.53
समुद्राः पर्वताश् चैव द्वीपा वर्षाणि निम्नगाः संक्षेपात् सर्वम् आख्यातं किं भूयः श्रोतुम् इच्छसि ॥
samudrāḥ parvatāś caiva dvīpā varṣāṇi nimnagāḥ saṃkṣepāt sarvam ākhyātaṃ kiṃ bhūyaḥ śrotum icchasi //
The oceans, the mountains, the continents, the regions, the rivers — all has been told in brief. What further do you wish to hear?
AI translation rendered from the Sanskrit, not a published edition