Vishnu Purana — Amsha 2 — Chapter 5
ViP 2 5.1
विस्तार एष कथितः पृथिव्या भवतो मया सप्ततिस् तु सहस्राणि द्विजोच्छ्रायो ऽपि कथ्यते ॥
vistāra eṣa kathitaḥ pṛthivyā bhavato mayā saptatis tu sahasrāṇi dvijocchrāyo 'pi kathyate //
This extent of the earth has been told to you by me; its height too is said to be seventy thousand (yojanas), O twice-born one.
AI translation rendered from the Sanskrit, not a published edition
ViP 2 5.2
दशसाहस्रम् एकैकं पातालं मुनिसत्तम अतलं वितलं चैव नितलं च गभस्तिमत् महाख्यं सुतलं चाग्र्यं पातालं चापि सप्तमम् ॥
daśasāhasram ekaikaṃ pātālaṃ munisattama atalaṃ vitalaṃ caiva nitalaṃ ca gabhastimat mahākhyaṃ sutalaṃ cāgryaṃ pātālaṃ cāpi saptamam //
Each single nether region is ten thousand (yojanas), best of sages: Atala, Vitala, Nitala, Gabhastimat, the one called Mahā, Sutala the foremost, and Pātāla as the seventh.
AI translation rendered from the Sanskrit, not a published edition
ViP 2 5.3
शुक्लकृष्णारुणाः पीताः शर्कराः शैलकाञ्चनाः भूमयो यत्र मैत्रेय वरप्रासादशोभिताः ॥
śuklakṛṣṇāruṇāḥ pītāḥ śarkarāḥ śailakāñcanāḥ bhūmayo yatra maitreya varaprāsādaśobhitāḥ //
There the soils are white, black, red and yellow, gravelly, rocky and golden, Maitreya, adorned with excellent palaces.
AI translation rendered from the Sanskrit, not a published edition
ViP 2 5.4
तेषु दानवदैतेयजातयः शतसंघशः निवसन्ति महानागजातयश् च महामुने ॥
teṣu dānavadaiteyajātayaḥ śatasaṃghaśaḥ nivasanti mahānāgajātayaś ca mahāmune //
In them dwell the races of Dānavas and Daityas in hundreds of throngs, and the races of the great Nāgas, great sage.
AI translation rendered from the Sanskrit, not a published edition
ViP 2 5.5
स्वर्लोकाद् अपि रम्याणि पातालानीति नारदः प्राह स्वर्गसदां मध्ये पातालाभ्यागतो दिवि ॥
svarlokād api ramyāṇi pātālānīti nāradaḥ prāha svargasadāṃ madhye pātālābhyāgato divi //
"The nether regions are more delightful even than the world of heaven" — so said Nārada in heaven among the dwellers of the sky, when he had come back from Pātāla.
AI translation rendered from the Sanskrit, not a published edition
ViP 2 5.6
आह्लादकारिणः शुभ्रा मणयो यत्र सुप्रभाः नागाभरणभूषासु पातालं केन तत्समम् ॥
āhlādakāriṇaḥ śubhrā maṇayo yatra suprabhāḥ nāgābharaṇabhūṣāsu pātālaṃ kena tatsamam //
Where there are white, brightly shining gems that give delight, set as ornaments in the adornments of the Nāgas — what is equal to Pātāla?
AI translation rendered from the Sanskrit, not a published edition
ViP 2 5.7
दैत्यदानवकन्याभिर् इतश् चेतश् च शोभिते पाताले कस्य न प्रीतिर् विमुक्तस्यापि जायते ॥
daityadānavakanyābhir itaś cetaś ca śobhite pātāle kasya na prītir vimuktasyāpi jāyate //
In Pātāla, adorned here and there with the daughters of the Daityas and Dānavas, in whom—even one who is liberated—would delight not arise?
AI translation rendered from the Sanskrit, not a published edition
ViP 2 5.8
दिवार्करश्मयो यत्र प्रभां तन्वन्ति नातपम् शशिनश् च न शीताय निशि द्योताय केवलम् ॥
divārkaraśmayo yatra prabhāṃ tanvanti nātapam śaśinaś ca na śītāya niśi dyotāya kevalam //
There by day the sun's rays spread light but not heat, and the moon's rays are not for cold but only for illumination at night.
AI translation rendered from the Sanskrit, not a published edition
ViP 2 5.9
भक्ष्यभोज्यमहापानमुदितैर् अतिभोगिभिः यत्र न ज्ञायते कालो गतो ऽपि दनुजादिभिः ॥
bhakṣyabhojyamahāpānamuditair atibhogibhiḥ yatra na jñāyate kālo gato 'pi danujādibhiḥ //
There, by the Dānavas and the others, greatly given to enjoyment and delighted with foods, dishes and abundant drink, time is not noticed even as it passes.
AI translation rendered from the Sanskrit, not a published edition
ViP 2 5.10
वनानि नद्यो रम्याणि सरांसि कमलाकराः पुंस्कोकिलाभिलापाश् च मनोज्ञान्य् अम्बराणि च ॥
vanāni nadyo ramyāṇi sarāṃsi kamalākarāḥ puṃskokilābhilāpāś ca manojñāny ambarāṇi ca //
(There are) forests, delightful rivers, lakes, ponds full of lotuses, the calls of male cuckoos, and lovely garments,
AI translation rendered from the Sanskrit, not a published edition
ViP 2 5.11
भूषणान्य् अतिशुभ्राणि गन्धाढ्यं चानुलेपनम् वीणावेणुमृदङ्गानां स्वनास् तूर्याणि च द्विज ॥
bhūṣaṇāny atiśubhrāṇi gandhāḍhyaṃ cānulepanam vīṇāveṇumṛdaṅgānāṃ svanās tūryāṇi ca dvija //
exceedingly bright ornaments, unguent rich in fragrance, and the sounds of lutes, flutes and drums, and (other) musical instruments, O twice-born;
AI translation rendered from the Sanskrit, not a published edition
ViP 2 5.12
एतान्य् अन्यानि चोदारभाग्यभोग्यानि दानवैः दैत्योरगैश् च भुज्यन्ते पातालान्तरगोचरैः ॥
etāny anyāni codārabhāgyabhogyāni dānavaiḥ daityoragaiś ca bhujyante pātālāntaragocaraiḥ //
these and other things fit to be enjoyed as high fortune are enjoyed by the Dānavas, Daityas and serpents who dwell within Pātāla.
AI translation rendered from the Sanskrit, not a published edition
ViP 2 5.13
पातालानाम् अधश् चास्ते विष्णोर् या तामसी तनुः शेषाख्या यद्गुणान् वक्तुं न शक्ता दैत्यदानवाः ॥
pātālānām adhaś cāste viṣṇor yā tāmasī tanuḥ śeṣākhyā yadguṇān vaktuṃ na śaktā daityadānavāḥ //
And below the Pātālas abides that tamasic body of Viṣṇu named Śeṣa, whose qualities the Daityas and Dānavas are unable to tell.
AI translation rendered from the Sanskrit, not a published edition
ViP 2 5.14
यो ऽनन्तः पठ्यते सिद्धैर् देवदेवर्षिपूजितः सहस्रशिरसा व्यक्तस्वस्तिकामलभूषणः ॥
yo 'nantaḥ paṭhyate siddhair devadevarṣipūjitaḥ sahasraśirasā vyaktasvastikāmalabhūṣaṇaḥ //
He is called Ananta by the Siddhas, honoured by the gods and the divine sages, having a thousand heads, adorned with the manifest, spotless svastika (marks).
AI translation rendered from the Sanskrit, not a published edition
ViP 2 5.15
फणामणिसहस्रेण यः स विद्योतयन् दिशः सर्वान् करोति निर्वीर्यान् हिताय जगतो ऽसुरान् ॥
phaṇāmaṇisahasreṇa yaḥ sa vidyotayan diśaḥ sarvān karoti nirvīryān hitāya jagato 'surān //
He, illuminating all directions with the thousand jewels of his hoods, renders the Asuras devoid of strength, for the welfare of the world.
AI translation rendered from the Sanskrit, not a published edition
ViP 2 5.16
मदाघूर्णितनेत्रो ऽसौ यः सदैवैककुण्डलः किरीटी स्रग्धरो भाति साग्निः श्वेत इवाचलः ॥
madāghūrṇitanetro 'sau yaḥ sadaivaikakuṇḍalaḥ kirīṭī sragdharo bhāti sāgniḥ śveta ivācalaḥ //
He, with eyes rolling from intoxication, always wearing a single earring, crowned and wearing a garland, shines like a white mountain with fire (on it).
AI translation rendered from the Sanskrit, not a published edition
ViP 2 5.17
नीलवासा मदोत्सिक्तः श्वेतहारोपशोभितः साभ्रगङ्गाप्रपातो ऽसौ कैलासाद्रिर् इवोन्नतः ॥
nīlavāsā madotsiktaḥ śvetahāropaśobhitaḥ sābhragaṅgāprapāto 'sau kailāsādrir ivonnataḥ //
Clad in blue, flushed with intoxication, resplendent with a white necklace, he is (like) Mount Kailāsa risen high with the cascade of the Gaṅgā and its clouds.
AI translation rendered from the Sanskrit, not a published edition
ViP 2 5.18
लाङ्गलासक्तहस्ताग्रो बिभ्रन् मुसलम् उत्तमम् उपास्यते स्वयं कान्त्या यो वारुण्या च मूर्तया ॥
lāṅgalāsaktahastāgro bibhran musalam uttamam upāsyate svayaṃ kāntyā yo vāruṇyā ca mūrtayā //
With the tip of his hand resting on a plough, holding an excellent pestle, he is attended by Beauty herself and by Vāruṇī in embodied form.
AI translation rendered from the Sanskrit, not a published edition
ViP 2 5.19
कल्पान्ते यस्य वक्त्रेभ्यो विषानलशिखोज्ज्वलः संकर्षणात्मको रुद्रो निष्क्रम्यात्ति जगत्त्रयम् ॥
kalpānte yasya vaktrebhyo viṣānalaśikhojjvalaḥ saṃkarṣaṇātmako rudro niṣkramyātti jagattrayam //
At the end of the kalpa, Rudra whose nature is Saṃkarṣaṇa, blazing with flames of poison-fire, comes forth from his mouths and devours the three worlds.
AI translation rendered from the Sanskrit, not a published edition
ViP 2 5.20
स बिभ्रच् छेखरीभूतम् अशेषं क्षितिमण्डलम् आस्ते पातालमूलस्थः शेषो ऽशेषसुरार्चितः ॥
sa bibhrac chekharībhūtam aśeṣaṃ kṣitimaṇḍalam āste pātālamūlasthaḥ śeṣo 'śeṣasurārcitaḥ //
Bearing the entire circle of the earth as if it were a crest-ornament, Śeṣa, worshipped by all the gods, abides standing at the base of Pātāla.
AI translation rendered from the Sanskrit, not a published edition
ViP 2 5.21
तस्य वीर्यं प्रभावश् च स्वरूपं रूपम् एव च न हि वर्णयितुं शक्यं ज्ञातुं वा त्रिदशैर् अपि ॥
tasya vīryaṃ prabhāvaś ca svarūpaṃ rūpam eva ca na hi varṇayituṃ śakyaṃ jñātuṃ vā tridaśair api //
His strength and his might, his essential nature and his very form cannot be described, nor even known, by the thirty (gods).
AI translation rendered from the Sanskrit, not a published edition
ViP 2 5.22
यस्यैषा सकला पृथ्वी फणामणिशिखारुणा आस्ते कुसुममालेव कस् तद्वीर्यं वदिष्यति ॥
yasyaiṣā sakalā pṛthvī phaṇāmaṇiśikhāruṇā āste kusumamāleva kas tadvīryaṃ vadiṣyati //
He on whom this whole earth, reddened by the flames of the jewels of his hoods, rests like a garland of flowers — who will describe his strength?
AI translation rendered from the Sanskrit, not a published edition
ViP 2 5.23
यदा विजृम्भते ऽनन्तो मदाघूर्णितलोचनः तदा चलति भूर् एषा साद्रितोया सकानना ॥
yadā vijṛmbhate 'nanto madāghūrṇitalocanaḥ tadā calati bhūr eṣā sādritoyā sakānanā //
When Ananta stretches himself, his eyes rolling with intoxication, then this earth, with its mountains, waters and forests, quakes.
AI translation rendered from the Sanskrit, not a published edition
ViP 2 5.24
गन्धर्वाप्सरसः सिद्धाः किंनरोरगचारणाः नान्तं गुणानां गच्छन्ति तेनानन्तो ऽयम् अव्ययः ॥
gandharvāpsarasaḥ siddhāḥ kiṃnaroragacāraṇāḥ nāntaṃ guṇānāṃ gacchanti tenānanto 'yam avyayaḥ //
Gandharvas, apsarases, siddhas, kinnaras, serpents and cāraṇas do not reach the end of his qualities; therefore he is Ananta (endless), the undecaying.
AI translation rendered from the Sanskrit, not a published edition
ViP 2 5.25
यस्य नागवधूहस्तैर् लेपितं हरिचन्दनम् मुहुः श्वासानिलापास्तं याति दिक्षूदवासताम् ॥
yasya nāgavadhūhastair lepitaṃ haricandanam muhuḥ śvāsānilāpāstaṃ yāti dikṣūdavāsatām //
The yellow sandal-paste smeared on him by the hands of the serpent-women, flung off again and again by the wind of his breathing, becomes a fragrance spread through the quarters.
AI translation rendered from the Sanskrit, not a published edition — the model flagged this verse as uncertain
ViP 2 5.26
यम् आराध्य पुराणर्षिर् गर्गो ज्योतींषि तत्त्वतः ज्ञातवान् सकलं चैव निमित्तपठितं फलम् ॥
yam ārādhya purāṇarṣir gargo jyotīṃṣi tattvataḥ jñātavān sakalaṃ caiva nimittapaṭhitaṃ phalam //
(He is the one) whom the ancient seer Garga worshipped, and thereby came to know the heavenly bodies as they truly are, and the whole fruit (of events) as read out from omens.
AI translation rendered from the Sanskrit, not a published edition
ViP 2 5.27
तेनेयं नागवर्येण शिरसा विधृता मही बिभर्ति मालां लोकानां सदेवासुरमानुषाम् ॥
teneyaṃ nāgavaryeṇa śirasā vidhṛtā mahī bibharti mālāṃ lokānāṃ sadevāsuramānuṣām //
By that best of serpents this earth is upheld upon (his) head, and (he) bears the garland of the worlds together with gods, asuras and men.
AI translation rendered from the Sanskrit, not a published edition