Vishnu Purana — Amsha 2 — Chapter 4
ViP 2 4.1
क्षारोदेन यथा द्वीपो जम्बूसंज्ञो ऽभिवेष्टितः संवेष्ट्य क्षारम् उदधिं प्लक्षद्वीपस् तथा स्थितः ॥
kṣārodena yathā dvīpo jambūsaṃjño 'bhiveṣṭitaḥ saṃveṣṭya kṣāram udadhiṃ plakṣadvīpas tathā sthitaḥ //
As the continent named Jambū is encompassed by the salt (ocean), so Plakṣadvīpa stands encompassing the salt sea.
AI translation rendered from the Sanskrit, not a published edition
ViP 2 4.2
जम्बूद्वीपस्य विस्तारः शतसाहस्रसंमितः स एवं द्विगुणो ब्रह्मन् प्लक्षद्वीप उदाहृतः ॥
jambūdvīpasya vistāraḥ śatasāhasrasaṃmitaḥ sa evaṃ dviguṇo brahman plakṣadvīpa udāhṛtaḥ //
The extent of Jambūdvīpa measures a hundred thousand (yojanas); Plakṣadvīpa, O brahman, is declared to be twice that.
AI translation rendered from the Sanskrit, not a published edition
ViP 2 4.3
सप्त मेधातिथेः पुत्राः प्लक्षद्वीपेश्वरस्य वै ज्येष्ठः शान्तभयो नाम शिशिरस् तदनन्तरः ॥
sapta medhātitheḥ putrāḥ plakṣadvīpeśvarasya vai jyeṣṭhaḥ śāntabhayo nāma śiśiras tadanantaraḥ //
Medhātithi, the lord of Plakṣadvīpa, had seven sons: the eldest was named Śāntabhaya, and next after him Śiśira.
AI translation rendered from the Sanskrit, not a published edition
ViP 2 4.4
सुखोदयस् तथानन्दः शिवः क्षेमक एव च ध्रुवश् च सप्तमस् तेषां प्लक्षद्वीपेश्वरा हि ते ॥
sukhodayas tathānandaḥ śivaḥ kṣemaka eva ca dhruvaś ca saptamas teṣāṃ plakṣadvīpeśvarā hi te //
Sukhodaya, and Ānanda, Śiva, and Kṣemaka, and Dhruva the seventh — these indeed are the lords of Plakṣadvīpa.
AI translation rendered from the Sanskrit, not a published edition
ViP 2 4.5
पूर्वं शान्तभयं वर्षं शिशिरं सुखदं तथा आनन्दं च शिवं चैव क्षेमकं ध्रुवम् एव च ॥
pūrvaṃ śāntabhayaṃ varṣaṃ śiśiraṃ sukhadaṃ tathā ānandaṃ ca śivaṃ caiva kṣemakaṃ dhruvam eva ca //
The first region (is) Śāntabhaya, then Śiśira, and Sukhada, and Ānanda, and Śiva, and Kṣemaka, and Dhruva as well.
AI translation rendered from the Sanskrit, not a published edition
ViP 2 4.6
मर्यादाकारकास् तेषां तथान्ये वर्षपर्वताः सप्तैव तेषां नामानि शृणुष्व मुनिसत्तम ॥
maryādākārakās teṣāṃ tathānye varṣaparvatāḥ saptaiva teṣāṃ nāmāni śṛṇuṣva munisattama //
And there are other mountains that form the boundaries of those regions, just seven of them; hear their names, best of sages.
AI translation rendered from the Sanskrit, not a published edition
ViP 2 4.7
गोमेदश् चैव चन्द्रश् च नारदो दुन्दुभिस् तथा सोमकः सुमनाः शैलो वैभ्राजश् चैव सप्तमः ॥
gomedaś caiva candraś ca nārado dundubhis tathā somakaḥ sumanāḥ śailo vaibhrājaś caiva saptamaḥ //
Gomeda, and Candra, Nārada, and Dundubhi, Somaka, the mountain Sumanas, and Vaibhrāja the seventh.
AI translation rendered from the Sanskrit, not a published edition
ViP 2 4.8
वर्षाचलेषु रम्येषु वर्षेष्व् एतेषु चानघाः वसन्ति देवगन्धर्वसहिताः सततं प्रजाः ॥
varṣācaleṣu ramyeṣu varṣeṣv eteṣu cānaghāḥ vasanti devagandharvasahitāḥ satataṃ prajāḥ //
On those delightful region-mountains and in these regions dwell, forever, sinless creatures together with gods and gandharvas.
AI translation rendered from the Sanskrit, not a published edition
ViP 2 4.9
तेषु पुण्या जनपदाश् चिराच् च म्रियते जनः नाधयो व्याधयो वापि सर्वकालसुखं हि तत् ॥
teṣu puṇyā janapadāś cirāc ca mriyate janaḥ nādhayo vyādhayo vāpi sarvakālasukhaṃ hi tat //
In them the settlements are holy, and people die only after a long time; there are neither mental afflictions nor diseases — for it is happy at all seasons.
AI translation rendered from the Sanskrit, not a published edition
ViP 2 4.10
तेषां नद्यश् च सप्तैव वर्षाणां तु समुद्रगाः नामतस् ताः प्रवक्ष्यामि श्रुताः पापं हरन्ति याः ॥
teṣāṃ nadyaś ca saptaiva varṣāṇāṃ tu samudragāḥ nāmatas tāḥ pravakṣyāmi śrutāḥ pāpaṃ haranti yāḥ //
And of those regions there are just seven rivers that go to the ocean; I shall declare them by name — rivers which, when heard of, take away sin.
AI translation rendered from the Sanskrit, not a published edition
ViP 2 4.11
अनुतप्ता शिखी चैव विपाशा त्रिदिवा क्रमुः अमृता सुकृता चैव सप्तैतास् तत्र निम्नगाः ॥
anutaptā śikhī caiva vipāśā tridivā kramuḥ amṛtā sukṛtā caiva saptaitās tatra nimnagāḥ //
Anutaptā, and Śikhī, Vipāśā, Tridivā, Kramu, Amṛtā, and Sukṛtā — these seven are the streams there.
AI translation rendered from the Sanskrit, not a published edition
ViP 2 4.12
एते शैलास् तथा नद्यः प्रधानाः कथितास् तव क्षुद्रनद्यस् तथा शैलास् तत्र सन्ति सहस्रशः ताः पिबन्ति सदा हृष्टा नदीर् जनपदास् तु ते ॥
ete śailās tathā nadyaḥ pradhānāḥ kathitās tava kṣudranadyas tathā śailās tatra santi sahasraśaḥ tāḥ pibanti sadā hṛṣṭā nadīr janapadās tu te //
These mountains and these rivers have been told to you as the principal ones; small rivers and mountains are there by the thousands, and those countries, ever delighted, drink from the rivers.
AI translation rendered from the Sanskrit, not a published edition
ViP 2 4.13
अपसर्पिणी न तेषां वै न चैवोत्सर्पिणी द्विज न त्व् एवास्ति युगावस्था तेषु स्थानेषु सप्तसु ॥
apasarpiṇī na teṣāṃ vai na caivotsarpiṇī dvija na tv evāsti yugāvasthā teṣu sthāneṣu saptasu //
For them there is no descending (age), O twice-born, nor any ascending one; indeed there is no condition of yugas at all in those seven places.
AI translation rendered from the Sanskrit, not a published edition
ViP 2 4.14
त्रेतायुगसमः कालः सर्वदैव महामते प्लक्षद्वीपादिषु ब्रह्मञ् शाकद्वीपान्तिकेषु वै ॥
tretāyugasamaḥ kālaḥ sarvadaiva mahāmate plakṣadvīpādiṣu brahmañ śākadvīpāntikeṣu vai //
The time (there) is always equal to the Tretā age, O great-minded one, in the islands beginning with Plakṣadvīpa and ending with Śākadvīpa, O brahman.
AI translation rendered from the Sanskrit, not a published edition
ViP 2 4.15
पञ्चवर्षसहस्राणि जना जीवन्त्य् अनामयाः धर्मः पञ्चस्व् अथैतेषु वर्णाश्रमविभागशः ॥
pañcavarṣasahasrāṇi janā jīvanty anāmayāḥ dharmaḥ pañcasv athaiteṣu varṇāśramavibhāgaśaḥ //
People live five thousand years free of illness; and in these five (islands) there is dharma according to the division of classes and stages of life.
AI translation rendered from the Sanskrit, not a published edition
ViP 2 4.16
वर्णाश् च तत्र चत्वारस् तान् निबोध वदामि ते ॥
varṇāś ca tatra catvāras tān nibodha vadāmi te //
And there are four classes there; learn of them — I shall tell you.
AI translation rendered from the Sanskrit, not a published edition
ViP 2 4.17
आर्यकाः कुरराश् चैव विविंशा भाविनश् च ये विप्रक्षत्रियवैश्यास् ते शूद्राश् च मुनिसत्तम ॥
āryakāḥ kurarāś caiva viviṃśā bhāvinaś ca ye viprakṣatriyavaiśyās te śūdrāś ca munisattama //
The Āryakas, the Kurāras, the Viviṃśas and those who are Bhāvins — these are the brahmins, kṣatriyas, vaiśyas and śūdras, best of sages.
AI translation rendered from the Sanskrit, not a published edition
ViP 2 4.18
जम्बूवृक्षप्रमाणस् तु तन्मध्ये सुमहांस् तरुः प्लक्षस् तन्नामसंज्ञो ऽयं प्लक्षद्वीपो द्विजोत्तम ॥
jambūvṛkṣapramāṇas tu tanmadhye sumahāṃs taruḥ plakṣas tannāmasaṃjño 'yaṃ plakṣadvīpo dvijottama //
In the middle of it (stands) a very great tree, the plakṣa, of the size of the jambū tree; from its name this island is called Plakṣadvīpa, best of the twice-born.
AI translation rendered from the Sanskrit, not a published edition
ViP 2 4.19
इज्यते तत्र भगवांस् तैर् वर्णैर् आर्यकादिभिः सोमरूपी जगत्स्रष्टा सर्वः सर्वेश्वरो हरिः ॥
ijyate tatra bhagavāṃs tair varṇair āryakādibhiḥ somarūpī jagatsraṣṭā sarvaḥ sarveśvaro hariḥ //
There the Lord is worshipped by those classes beginning with the Āryakas — Hari, in the form of Soma, the creator of the world, the All, the lord of all.
AI translation rendered from the Sanskrit, not a published edition
ViP 2 4.20
प्लक्षद्वीपप्रमाणेन प्लक्षद्वीपः समावृतः तथैवेक्षुरसोदेन परिवेषानुकारिणा ॥
plakṣadvīpapramāṇena plakṣadvīpaḥ samāvṛtaḥ tathaivekṣurasodena pariveṣānukāriṇā //
Plakṣadvīpa is encircled, to the measure of Plakṣadvīpa itself, by the ocean of sugarcane juice, which follows it like a ring.
AI translation rendered from the Sanskrit, not a published edition
ViP 2 4.21
इत्य् एष तव मैत्रेय प्लक्षद्वीप उदाहृतः संक्षेपेण मया भूयः शाल्मलं मे निशामय ॥
ity eṣa tava maitreya plakṣadvīpa udāhṛtaḥ saṃkṣepeṇa mayā bhūyaḥ śālmalaṃ me niśāmaya //
Thus this Plakṣadvīpa has been described to you, Maitreya, in brief by me; now hear from me further about Śālmala.
AI translation rendered from the Sanskrit, not a published edition
ViP 2 4.22
शाल्मलस्येश्वरो वीरो वपुष्मांस् तत्सुताञ् छृणु येषां तु नामसंज्ञानि सप्त वर्षाणि तानि वै ॥
śālmalasyeśvaro vīro vapuṣmāṃs tatsutāñ chṛṇu yeṣāṃ tu nāmasaṃjñāni sapta varṣāṇi tāni vai //
The lord of Śālmala was the hero Vapuṣmān; hear of his sons, by whose names those seven regions are called.
AI translation rendered from the Sanskrit, not a published edition
ViP 2 4.23
श्वेतो ऽथ हरितश् चैव जीमूतो रोहितस् तथा वैद्युतो मानसश् चैव सुप्रभश् च महामुने ॥
śveto 'tha haritaś caiva jīmūto rohitas tathā vaidyuto mānasaś caiva suprabhaś ca mahāmune //
Śveta, then Harita, and Jīmūta, and Rohita likewise, Vaidyuta, and Mānasa, and Suprabha, O great sage.
AI translation rendered from the Sanskrit, not a published edition
ViP 2 4.24
शाल्मलेन समुद्रो ऽसौ द्वीपेनेक्षुरसोदकः विस्तारद्विगुणेनाथ सर्वतः संवृतः स्थितः ॥
śālmalena samudro 'sau dvīpenekṣurasodakaḥ vistāradviguṇenātha sarvataḥ saṃvṛtaḥ sthitaḥ //
That ocean of sugarcane juice stands encircled on all sides by the Śālmala continent, (an ocean) of twice the breadth (of it).
AI translation rendered from the Sanskrit, not a published edition
ViP 2 4.25
तत्रापि पर्वताः सप्त विज्ञेया रत्नयोनयः वर्षाभिव्यञ्जकास् ते तु तथा सप्तैव निम्नगाः ॥
tatrāpi parvatāḥ sapta vijñeyā ratnayonayaḥ varṣābhivyañjakās te tu tathā saptaiva nimnagāḥ //
There too seven mountains are to be known, sources of gems, marking off the regions; and likewise just seven rivers.
AI translation rendered from the Sanskrit, not a published edition
ViP 2 4.26
कुमुदश् चोन्नतश् चैव तृतीयश् च बलाहकः द्रोणो यत्र महौषध्यः स चतुर्थो महीधरः ॥
kumudaś connataś caiva tṛtīyaś ca balāhakaḥ droṇo yatra mahauṣadhyaḥ sa caturtho mahīdharaḥ //
Kumuda and Unnata, and third Balāhaka, and Droṇa, where the great healing herbs are, is the fourth mountain.
AI translation rendered from the Sanskrit, not a published edition
ViP 2 4.27
कङ्कस् तु पञ्चमः षष्ठो महिषः सप्तमस् तथा ककुद्मान् पर्वतवरः सरिन्नामानि मे शृणु ॥
kaṅkas tu pañcamaḥ ṣaṣṭho mahiṣaḥ saptamas tathā kakudmān parvatavaraḥ sarinnāmāni me śṛṇu //
Kaṅka is the fifth, the sixth Mahiṣa, and the seventh Kakudmān, best of mountains. Hear from me the names of the rivers.
AI translation rendered from the Sanskrit, not a published edition
ViP 2 4.28
योनी तोया वितृष्णा च चन्द्रा शुक्ला विमोचनी निवृत्तिः सप्तमी तासां स्मृतास् ताः पापशान्तिदाः ॥
yonī toyā vitṛṣṇā ca candrā śuklā vimocanī nivṛttiḥ saptamī tāsāṃ smṛtās tāḥ pāpaśāntidāḥ //
Yonī, Toyā, and Vitṛṣṇā, Candrā, Śuklā, Vimocanī, and Nivṛtti the seventh of them: these are held to bestow the quieting of sins.
AI translation rendered from the Sanskrit, not a published edition
ViP 2 4.29
श्वेतं च हरितं चैव जीमूतं रोहितं तथा वैद्युतं मानसं चैव सुप्रभं चातिशोभनम् सप्तैतानि तु वर्षाणि चातुर्वर्ण्ययुतानि वै ॥
śvetaṃ ca haritaṃ caiva jīmūtaṃ rohitaṃ tathā vaidyutaṃ mānasaṃ caiva suprabhaṃ cātiśobhanam saptaitāni tu varṣāṇi cāturvarṇyayutāni vai //
Śveta and Harita, and Jīmūta, Rohita likewise, Vaidyuta, and Mānasa, and Suprabha, exceedingly beautiful — these seven are the regions, and they are provided with the four classes.
AI translation rendered from the Sanskrit, not a published edition
ViP 2 4.30
शाल्मले ये तु वर्णाश् च वसन्त्य् एते महामुने कपिलाश् चारुणाः पीताः कृष्णाश् चैव पृथक् पृथक् ॥
śālmale ye tu varṇāś ca vasanty ete mahāmune kapilāś cāruṇāḥ pītāḥ kṛṣṇāś caiva pṛthak pṛthak //
And the classes that dwell in Śālmala, O great sage, are these: the tawny, the ruddy, the yellow, and the black, each separately.
AI translation rendered from the Sanskrit, not a published edition
ViP 2 4.31
ब्राह्मणाः क्षत्रिया वैश्याः शूद्राश् चैव यजन्ति तम् भगवन्तं समस्तस्य विष्णुम् आत्मानम् अव्ययम् वायुभूतं मखश्रेष्ठैर् यज्विनो यज्ञसंस्थितम् ॥
brāhmaṇāḥ kṣatriyā vaiśyāḥ śūdrāś caiva yajanti tam bhagavantaṃ samastasya viṣṇum ātmānam avyayam vāyubhūtaṃ makhaśreṣṭhair yajvino yajñasaṃsthitam //
Brahmins, Kṣatriyas, Vaiśyas and Śūdras worship him, the Lord, Viṣṇu, the imperishable Self of the whole (world), who has become the wind — (they,) as sacrificers, (worship him who is) established in sacrifice, with the best of sacrificial rites.
AI translation rendered from the Sanskrit, not a published edition
ViP 2 4.32
देवानाम् अत्र सांनिध्यम् अतीव सुमनोरमे शाल्मलिश् च महावृक्षो नाम निर्वृतिकारकः ॥
devānām atra sāṃnidhyam atīva sumanorame śālmaliś ca mahāvṛkṣo nāma nirvṛtikārakaḥ //
There, in that exceedingly delightful (place), is the presence of the gods; and there is the great tree named Śālmali, which brings about contentment.
AI translation rendered from the Sanskrit, not a published edition
ViP 2 4.33
एष द्वीपः समुद्रेण सुरोदेन समावृतः विस्ताराच् छाल्मलस्यैव समेन तु समन्ततः ॥
eṣa dvīpaḥ samudreṇa surodena samāvṛtaḥ vistārāc chālmalasyaiva samena tu samantataḥ //
This continent is surrounded by the ocean of liquor, equal on all sides in breadth to Śālmala itself.
AI translation rendered from the Sanskrit, not a published edition
ViP 2 4.34
सुरोदकः परिवृतः कुशद्वीपेन सर्वतः शाल्मलस्य तु विस्ताराद् द्विगुणेन समन्ततः ॥
surodakaḥ parivṛtaḥ kuśadvīpena sarvataḥ śālmalasya tu vistārād dviguṇena samantataḥ //
The ocean of liquor is encompassed on all sides by Kuśa continent, which on all sides is twice the breadth of Śālmala.
AI translation rendered from the Sanskrit, not a published edition
ViP 2 4.35
ज्योतिष्मतः कुशद्वीपे सप्त पुत्रान् शृणुष्व तान् ॥
jyotiṣmataḥ kuśadvīpe sapta putrān śṛṇuṣva tān //
Hear now those seven sons of Jyotiṣmat in Kuśa continent.
AI translation rendered from the Sanskrit, not a published edition
ViP 2 4.36
उद्भिदो वेणुमांश् चैव स्वैरथो लम्बनो धृतिः प्रभाकरो ऽथ कपिलस् तन्नामा वर्षपद्धतिः ॥
udbhido veṇumāṃś caiva svairatho lambano dhṛtiḥ prabhākaro 'tha kapilas tannāmā varṣapaddhatiḥ //
Udbhida and Veṇumān, Svairatha, Lambana, Dhṛti, then Prabhākara and Kapila: the sequence of the regions is named after them.
AI translation rendered from the Sanskrit, not a published edition
ViP 2 4.37
तस्यां वसन्ति मनुजाः सह दैतेयदानवैः तथैव देवगन्धर्वयक्षकिंपुरुषादयः ॥
tasyāṃ vasanti manujāḥ saha daiteyadānavaiḥ tathaiva devagandharvayakṣakiṃpuruṣādayaḥ //
In it dwell men together with Daiteyas and Dānavas, and likewise gods, Gandharvas, Yakṣas, Kiṃpuruṣas and the rest.
AI translation rendered from the Sanskrit, not a published edition
ViP 2 4.38
वर्णास् तत्रापि चत्वारो निजानुष्ठानतत्पराः दमिनः शुष्मिणः स्नेहा मन्देहाश् च महामुने ॥
varṇās tatrāpi catvāro nijānuṣṭhānatatparāḥ daminaḥ śuṣmiṇaḥ snehā mandehāś ca mahāmune //
There too the classes are four, devoted to their own observances: the Damins, the Śuṣmins, the Snehas and the Mandehas, O great sage.
AI translation rendered from the Sanskrit, not a published edition
ViP 2 4.39
ब्राह्मणाः क्षत्रिया वैश्याः शूद्राश् चानुक्रमोदिताः ॥
brāhmaṇāḥ kṣatriyā vaiśyāḥ śūdrāś cānukramoditāḥ //
(These are) called, in order, Brahmins, Kṣatriyas, Vaiśyas and Śūdras.
AI translation rendered from the Sanskrit, not a published edition
ViP 2 4.40
यथोक्तकर्मकर्तृत्वात् स्वाधिकारक्षयाय ते तत्र ते तु कुशद्वीपे ब्रह्मरूपं जनार्दनम् यजन्तः क्षपयन्त्य् उग्रम् अधिकारफलप्रदम् ॥
yathoktakarmakartṛtvāt svādhikārakṣayāya te tatra te tu kuśadvīpe brahmarūpaṃ janārdanam yajantaḥ kṣapayanty ugram adhikāraphalapradam //
By performing the actions as prescribed, for the wearing away of their own sphere of duty, there in Kuśa continent, worshipping Janārdana in the form of Brahmā, they exhaust (that) formidable (bondage) which bestows the fruit of (ritual) office.
AI translation rendered from the Sanskrit, not a published edition — the model flagged this verse as uncertain
ViP 2 4.41
विद्रुमो हेमशैलश् च द्युतिमान् पुष्पवांस् तथा कुशेशयो हरिश् चैव सप्तमो मन्दराचलः ॥
vidrumo hemaśailaś ca dyutimān puṣpavāṃs tathā kuśeśayo hariś caiva saptamo mandarācalaḥ //
Vidruma and Hemaśaila, and Dyutimān, Puṣpavān likewise, Kuśeśaya and Hari, and seventh the mountain Mandara.
AI translation rendered from the Sanskrit, not a published edition
ViP 2 4.42
वर्षाचलास् तु सप्तैते तत्र द्वीपे महामुने नद्यश् च सप्त तासां तु शृणु नामान्य् अनुक्रमात् ॥
varṣācalās tu saptaite tatra dvīpe mahāmune nadyaś ca sapta tāsāṃ tu śṛṇu nāmāny anukramāt //
These seven are the boundary mountains of the regions in that continent, O great sage; and there are seven rivers — hear their names in order.
AI translation rendered from the Sanskrit, not a published edition
ViP 2 4.43
धूतपापा शिवा चैव पवित्रा संमतिस् तथा विद्युद् अम्भा मही चान्या सर्वपापहरास् त्व् इमाः ॥
dhūtapāpā śivā caiva pavitrā saṃmatis tathā vidyud ambhā mahī cānyā sarvapāpaharās tv imāḥ //
Dhūtapāpā, Śivā, Pavitrā, and likewise Saṃmati, Vidyut, Ambhā, and Mahī as the other — these remove all sins.
AI translation rendered from the Sanskrit, not a published edition
ViP 2 4.44
अन्याः सहस्रशस् तत्र क्षुद्रनद्यस् तथाचलाः कुशद्वीपे कुशस्तम्बः संज्ञया तस्य तत् स्मृतम् ॥
anyāḥ sahasraśas tatra kṣudranadyas tathācalāḥ kuśadvīpe kuśastambaḥ saṃjñayā tasya tat smṛtam //
There are thousands of other small rivers there, and mountains too. On Kuśadvīpa there is a clump of kuśa grass; from that, tradition holds, comes its name.
AI translation rendered from the Sanskrit, not a published edition
ViP 2 4.45
तत्प्रमाणेन स द्वीपो घृतोदेन समावृतः घृतोदश् च समुद्रो वै क्रौञ्चद्वीपेन संवृतः ॥
tatpramāṇena sa dvīpo ghṛtodena samāvṛtaḥ ghṛtodaś ca samudro vai krauñcadvīpena saṃvṛtaḥ //
That island, of that (same) measure, is surrounded by the ocean of clarified butter; and the ocean of clarified butter is encircled by Krauñcadvīpa.
AI translation rendered from the Sanskrit, not a published edition
ViP 2 4.46
क्रौञ्चद्वीपो महाभाग श्रूयतां चापरो महान् कुशद्वीपस्य विस्ताराद् द्विगुणो यस्य विस्तरः ॥
krauñcadvīpo mahābhāga śrūyatāṃ cāparo mahān kuśadvīpasya vistārād dviguṇo yasya vistaraḥ //
Now hear, greatly fortunate one, of another great (island), Krauñcadvīpa, whose extent is twice the extent of Kuśadvīpa.
AI translation rendered from the Sanskrit, not a published edition
ViP 2 4.47
क्रौञ्चद्वीपे द्युतिमतः पुत्राः सप्त महात्मनः तन्नामानि च वर्षाणि तेषां चक्रे महीपतिः ॥
krauñcadvīpe dyutimataḥ putrāḥ sapta mahātmanaḥ tannāmāni ca varṣāṇi teṣāṃ cakre mahīpatiḥ //
On Krauñcadvīpa (there were) seven sons of the great-souled Dyutimat, and that lord of the earth made the regions bear their names.
AI translation rendered from the Sanskrit, not a published edition
ViP 2 4.48
कुशलो मनुगश् चोष्णः पीवरो ऽथान्धकारकः मुनिश् च दुन्दुभिश् चैव सप्तैते तत्सुता मुने ॥
kuśalo manugaś coṣṇaḥ pīvaro 'thāndhakārakaḥ muniś ca dundubhiś caiva saptaite tatsutā mune //
Kuśala, Manuga, Uṣṇa, Pīvara, then Andhakāraka, Muni, and Dundubhi — these seven, O sage, were his sons.
AI translation rendered from the Sanskrit, not a published edition
ViP 2 4.49
तत्रापि देवगन्धर्वसेविताः सुमनोरमाः वर्षाचला महाबुद्धे तेषां नामानि मे शृणु ॥
tatrāpi devagandharvasevitāḥ sumanoramāḥ varṣācalā mahābuddhe teṣāṃ nāmāni me śṛṇu //
There too, O greatly wise one, are the delightful boundary mountains of the regions, frequented by gods and gandharvas; hear from me their names.
AI translation rendered from the Sanskrit, not a published edition
ViP 2 4.50
क्रौञ्चश् च वामनश् चैव तृतीयश् चान्धकारकः चतुर्थो रत्नशैलश् च स्वाहिनी हयसंनिभः ॥
krauñcaś ca vāmanaś caiva tṛtīyaś cāndhakārakaḥ caturtho ratnaśailaś ca svāhinī hayasaṃnibhaḥ //
Krauñca, and Vāmana, and the third Andhakāraka, and the fourth Ratnaśaila, (then) Svāhinī, resembling a horse.
AI translation rendered from the Sanskrit, not a published edition — the model flagged this verse as uncertain
ViP 2 4.51
दिवावृत् पञ्चमश् चात्र तथान्यः पुण्डरीकवान् दुन्दुभिश् च महाशैलो द्विगुणास् ते परस्परम् द्वीपा द्वीपेषु ये शैला यथा द्वीपानि ते तथा ॥
divāvṛt pañcamaś cātra tathānyaḥ puṇḍarīkavān dundubhiś ca mahāśailo dviguṇās te parasparam dvīpā dvīpeṣu ye śailā yathā dvīpāni te tathā //
The fifth here is Divāvṛt, and another is Puṇḍarīkavān, and Dundubhi the great mountain; these are each twice the other. The islands and the mountains on the islands — they are (in proportion) as the islands are.
AI translation rendered from the Sanskrit, not a published edition
ViP 2 4.52
वर्षेष्व् एतेषु रम्येषु वर्षशैलवरेषु च निवसन्ति निरातङ्काः सह देवगणैः प्रजाः ॥
varṣeṣv eteṣu ramyeṣu varṣaśailavareṣu ca nivasanti nirātaṅkāḥ saha devagaṇaiḥ prajāḥ //
In these lovely regions and on these excellent region-mountains the people dwell without fear, together with the hosts of gods.
AI translation rendered from the Sanskrit, not a published edition
ViP 2 4.53
पुष्कराः पुष्कला धन्यास् तिष्याख्याश् च महामुने ब्राह्मणाः क्षत्रिया वैश्याः शूद्राश् चानुक्रमोदिताः ॥
puṣkarāḥ puṣkalā dhanyās tiṣyākhyāś ca mahāmune brāhmaṇāḥ kṣatriyā vaiśyāḥ śūdrāś cānukramoditāḥ //
Puṣkaras, Puṣkalas, Dhanyas, and those called Tiṣyas, O great sage — (these are) the brahmins, kṣatriyas, vaiśyas and śūdras, named in order.
AI translation rendered from the Sanskrit, not a published edition
ViP 2 4.54
ते तत्र नद्यो मैत्रेय याः पिबन्ति शृणुष्व ताः सप्त प्रधानाः शतशस् तत्रान्याः क्षुद्रनिम्नगाः ॥
te tatra nadyo maitreya yāḥ pibanti śṛṇuṣva tāḥ sapta pradhānāḥ śataśas tatrānyāḥ kṣudranimnagāḥ //
Hear, Maitreya, of those rivers there from which they drink: seven are chief, and there are hundreds of other small streams there.
AI translation rendered from the Sanskrit, not a published edition
ViP 2 4.55
गौरी कुमुद्वती चैव संध्या रात्रिर् मनोजवा ख्यातिश् च पुण्डरीका च सप्तैता वर्षनिम्नगाः ॥
gaurī kumudvatī caiva saṃdhyā rātrir manojavā khyātiś ca puṇḍarīkā ca saptaitā varṣanimnagāḥ //
Gaurī, Kumudvatī, Saṃdhyā, Rātri, Manojavā, Khyāti, and Puṇḍarīkā — these seven are the rivers of the regions.
AI translation rendered from the Sanskrit, not a published edition
ViP 2 4.56
अत्रापि वर्णैर् भगवान् पुष्कराद्यैर् जनार्दनः यागै रुद्रस्वरूपस्थ इज्यते यज्ञसंनिधौ ॥
atrāpi varṇair bhagavān puṣkarādyair janārdanaḥ yāgai rudrasvarūpastha ijyate yajñasaṃnidhau //
Here too the Lord Janārdana, abiding in the form of Rudra, is worshipped with sacrifices by the classes beginning with the Puṣkaras, in the presence of the sacrifice.
AI translation rendered from the Sanskrit, not a published edition
ViP 2 4.57
क्रौञ्चद्वीपः समुद्रेण दधिमण्डोदकेन तु आवृतः सर्वतः क्रौञ्चद्वीपतुल्येन मानतः ॥
krauñcadvīpaḥ samudreṇa dadhimaṇḍodakena tu āvṛtaḥ sarvataḥ krauñcadvīpatulyena mānataḥ //
Krauñcadvīpa is surrounded on all sides by an ocean whose water is curd-whey, equal in measure to Krauñcadvīpa (itself).
AI translation rendered from the Sanskrit, not a published edition
ViP 2 4.58
दधिमण्डोदकश् चापि शाकद्वीपेन संवृतः क्रौञ्चद्वीपस्य विस्ताराद् द्विगुणेन महामुने ॥
dadhimaṇḍodakaś cāpi śākadvīpena saṃvṛtaḥ krauñcadvīpasya vistārād dviguṇena mahāmune //
And the curd-whey ocean is encircled by Śākadvīpa, which is twice the extent of Krauñcadvīpa, O great sage.
AI translation rendered from the Sanskrit, not a published edition
ViP 2 4.59
शाकद्वीपेश्वरस्यापि भव्यस्य सुमहात्मनः सप्तैव तनयास् तेषां ददौ वर्षाणि सप्त सः ॥
śākadvīpeśvarasyāpi bhavyasya sumahātmanaḥ saptaiva tanayās teṣāṃ dadau varṣāṇi sapta saḥ //
The lord of Śākadvīpa too, the very great-souled Bhavya, had seven sons, and he gave them seven regions.
AI translation rendered from the Sanskrit, not a published edition
ViP 2 4.60
जलदश् च कुमारश् च सुकुमारो मणीचकः कुसुमोदः सुमोदाकिः सप्तमश् च महाद्रुमः ॥
jaladaś ca kumāraś ca sukumāro maṇīcakaḥ kusumodaḥ sumodākiḥ saptamaś ca mahādrumaḥ //
Jalada, Kumāra, Sukumāra, Maṇīcaka, Kusumoda, Sumodāki, and the seventh, Mahādruma.
AI translation rendered from the Sanskrit, not a published edition
ViP 2 4.61
तत्संज्ञान्य् एव तत्रापि सप्त वर्षाण्य् अनुक्रमात् तत्रापि पर्वताः सप्त वर्षविच्छेदकारिणः ॥
tatsaṃjñāny eva tatrāpi sapta varṣāṇy anukramāt tatrāpi parvatāḥ sapta varṣavicchedakāriṇaḥ //
There too the seven regions, in order, bear just their names; and there too are seven mountains that make the divisions between the regions.
AI translation rendered from the Sanskrit, not a published edition
ViP 2 4.62
पूर्वस् तत्रोदयगिरिर् जलधारस् तथापरः तथा रैवतकः श्यामस् तथैवाम्भोगिरिर् द्विज आम्बिकेयस् तथा रम्यः केसरी पर्वतोत्तमः ॥
pūrvas tatrodayagirir jaladhāras tathāparaḥ tathā raivatakaḥ śyāmas tathaivāmbhogirir dvija āmbikeyas tathā ramyaḥ kesarī parvatottamaḥ //
There the first is Udayagiri, the next Jaladhāra, then Raivataka, Śyāma, and likewise Ambhogiri, O twice-born, then Āmbikeya the lovely, and Kesarī, best of mountains.
AI translation rendered from the Sanskrit, not a published edition
ViP 2 4.63
शाकस् तत्र महावृक्षः सिद्धगन्धर्वसेवितः यत्पत्रवातसंस्पर्शाद् आह्लादो जायते परः ॥
śākas tatra mahāvṛkṣaḥ siddhagandharvasevitaḥ yatpatravātasaṃsparśād āhlādo jāyate paraḥ //
There (stands) the great śāka tree, frequented by Siddhas and Gandharvas, from the touch of the wind of whose leaves supreme delight arises.
AI translation rendered from the Sanskrit, not a published edition
ViP 2 4.64
तत्र पुण्या जनपदाश् चातुर्वर्ण्यसमन्विताः नद्यश् चात्र महापुण्याः सर्वपापभयापहाः ॥
tatra puṇyā janapadāś cāturvarṇyasamanvitāḥ nadyaś cātra mahāpuṇyāḥ sarvapāpabhayāpahāḥ //
There (are) holy regions endowed with the four classes, and here (are) most holy rivers that remove all sins and fears.
AI translation rendered from the Sanskrit, not a published edition
ViP 2 4.65
सुकुमारी कुमारी च नलिनी वेणुका च या इक्षुश् च धेनुका चैव गभस्ती सप्तमी तथा ॥
sukumārī kumārī ca nalinī veṇukā ca yā ikṣuś ca dhenukā caiva gabhastī saptamī tathā //
Sukumārī and Kumārī, Nalinī and Veṇukā, Ikṣu and Dhenukā, and Gabhastī the seventh.
AI translation rendered from the Sanskrit, not a published edition
ViP 2 4.66
अन्यास् त्व् अयुतशस् तत्र क्षुद्रनद्यो महामुने महीधरास् तथा सन्ति शतशो ऽथ सहस्रशः ॥
anyās tv ayutaśas tatra kṣudranadyo mahāmune mahīdharās tathā santi śataśo 'tha sahasraśaḥ //
But there are other small rivers there by the tens of thousands, O great sage, and mountains too, by hundreds and by thousands.
AI translation rendered from the Sanskrit, not a published edition
ViP 2 4.67
ताः पिबन्ति मुदा युक्ता जलदादिषु ये स्थिताः वर्षेषु ते जनपदाः स्वर्गाद् अभ्येत्य मेदिनीम् ॥
tāḥ pibanti mudā yuktā jaladādiṣu ye sthitāḥ varṣeṣu te janapadāḥ svargād abhyetya medinīm //
Those peoples who dwell in the regions Jalada and the rest drink from them, filled with joy, having come to the earth from heaven.
AI translation rendered from the Sanskrit, not a published edition
ViP 2 4.68
धर्महानिर् न तेष्व् अस्ति न संघर्षः परस्परम् मर्यादाव्युत्क्रमो वापि तेषु देशेषु सप्तसु ॥
dharmahānir na teṣv asti na saṃgharṣaḥ parasparam maryādāvyutkramo vāpi teṣu deśeṣu saptasu //
Among them there is no decline of dharma, no mutual strife, nor any transgression of bounds in those seven lands.
AI translation rendered from the Sanskrit, not a published edition
ViP 2 4.69
मगाश् च मागधाश् चैव मानसा मन्दगास् तथा मगा ब्राह्मणभूयिष्ठा मागधाः क्षत्रियास् तु ते वैश्यास् तु मानसास् तेषां शूद्रास् तेषां तु मन्दगाः ॥
magāś ca māgadhāś caiva mānasā mandagās tathā magā brāhmaṇabhūyiṣṭhā māgadhāḥ kṣatriyās tu te vaiśyās tu mānasās teṣāṃ śūdrās teṣāṃ tu mandagāḥ //
And (there are) the Magas and the Māgadhas, the Mānasas and likewise the Mandagas: the Magas are mostly brahmins, the Māgadhas are the kṣatriyas among them, the Mānasas the vaiśyas, and the Mandagas their śūdras.
AI translation rendered from the Sanskrit, not a published edition
ViP 2 4.70
शाकद्वीपे तु तैर् विष्णुः सूर्यरूपधरो मुने यथोक्तैर् इज्यते सम्यक् कर्मभिर् नियतात्मभिः ॥
śākadvīpe tu tair viṣṇuḥ sūryarūpadharo mune yathoktair ijyate samyak karmabhir niyatātmabhiḥ //
In Śākadvīpa, O sage, Viṣṇu bearing the form of the sun is duly worshipped by them, self-controlled, with the rites as prescribed.
AI translation rendered from the Sanskrit, not a published edition
ViP 2 4.71
शाकद्वीपस् तु मैत्रेय क्षीरोदेन समन्ततः शाकद्वीपप्रमाणेन वलयेनेव वेष्टितः ॥
śākadvīpas tu maitreya kṣīrodena samantataḥ śākadvīpapramāṇena valayeneva veṣṭitaḥ //
And Śākadvīpa, Maitreya, is encircled all around by the ocean of milk, as if by a ring, of the same extent as Śākadvīpa.
AI translation rendered from the Sanskrit, not a published edition
ViP 2 4.72
क्षीराब्धिः सर्वतो ब्रह्मन् पुष्कराख्येन वेष्टितः द्वीपेन शाकद्वीपात् तु द्विगुणेन समन्ततः ॥
kṣīrābdhiḥ sarvato brahman puṣkarākhyena veṣṭitaḥ dvīpena śākadvīpāt tu dviguṇena samantataḥ //
The milk-ocean, O brahmin, is surrounded on all sides by the island called Puṣkara, which is twice (the size) of Śākadvīpa.
AI translation rendered from the Sanskrit, not a published edition
ViP 2 4.73
पुष्करे सवनस्यापि महावीरो ऽभवत् सुतः धातकिश् च तयोस् तत्र द्वे वर्षे नामचिह्निते महावीरं तथैवान्यद् धातकीखण्डसंज्ञितम् ॥
puṣkare savanasyāpi mahāvīro 'bhavat sutaḥ dhātakiś ca tayos tatra dve varṣe nāmacihnite mahāvīraṃ tathaivānyad dhātakīkhaṇḍasaṃjñitam //
In Puṣkara, Savana had two sons, Mahāvīra and Dhātaki; there the two regions are marked with their names—Mahāvīra, and the other called Dhātakīkhaṇḍa.
AI translation rendered from the Sanskrit, not a published edition
ViP 2 4.74
एकश् चात्र महाभाग प्रख्यातो वर्षपर्वतः मानसोत्तरसंज्ञो वै मध्यतो वलयाकृतिः ॥
ekaś cātra mahābhāga prakhyāto varṣaparvataḥ mānasottarasaṃjño vai madhyato valayākṛtiḥ //
And here, O greatly fortunate one, there is one famous boundary mountain named Mānasottara, ring-shaped, in the middle.
AI translation rendered from the Sanskrit, not a published edition
ViP 2 4.75
योजनानां सहस्राणि ऊर्ध्वं पञ्चाशद् उच्छ्रितः तावद् एव च विस्तीर्णः सर्वतः परिमण्डलः ॥
yojanānāṃ sahasrāṇi ūrdhvaṃ pañcāśad ucchritaḥ tāvad eva ca vistīrṇaḥ sarvataḥ parimaṇḍalaḥ //
It rises fifty thousand yojanas upward, and is just as broad, circular on all sides.
AI translation rendered from the Sanskrit, not a published edition
ViP 2 4.76
पुष्करद्वीपवलयं मध्येन विभजन्न् इव स्थितो ऽसौ तेन विच्छिन्नं जातं वर्षद्वयं मुने ॥
puṣkaradvīpavalayaṃ madhyena vibhajann iva sthito 'sau tena vicchinnaṃ jātaṃ varṣadvayaṃ mune //
It stands as if dividing the ring of Puṣkaradvīpa through the middle; by it the two regions came to be separated, O sage.
AI translation rendered from the Sanskrit, not a published edition
ViP 2 4.77
वलयाकारम् एकैकं तयोर् वर्षं तथा गिरिः ॥
valayākāram ekaikaṃ tayor varṣaṃ tathā giriḥ //
Each of those two regions is ring-shaped, and so too the mountain.
AI translation rendered from the Sanskrit, not a published edition
ViP 2 4.78
दश वर्षसहस्राणि तत्र जीवन्ति मानवाः निरामया विशोकाश् च रागद्वेषविवर्जिताः ॥
daśa varṣasahasrāṇi tatra jīvanti mānavāḥ nirāmayā viśokāś ca rāgadveṣavivarjitāḥ //
There men live ten thousand years, free from disease and free from sorrow, devoid of passion and hatred.
AI translation rendered from the Sanskrit, not a published edition
ViP 2 4.79
अधमोत्तमौ न तेष्व् आस्तां न वध्यवधकौ द्विज नेर्ष्यासूया भयं रोषो दोषो लोभादिको न च ॥
adhamottamau na teṣv āstāṃ na vadhyavadhakau dvija nerṣyāsūyā bhayaṃ roṣo doṣo lobhādiko na ca //
Among them there existed no lower and higher, no slain and slayer, O twice-born, nor envy, spite, fear, anger, nor faults such as greed.
AI translation rendered from the Sanskrit, not a published edition
ViP 2 4.80
महावीरं बहिर् वर्षं धातकीखण्डम् अन्ततः मानसोत्तरशैलस्य देवदैत्यादिसेवितम् ॥
mahāvīraṃ bahir varṣaṃ dhātakīkhaṇḍam antataḥ mānasottaraśailasya devadaityādisevitam //
Mahāvīra is the region outside, Dhātakīkhaṇḍa the one inside, of the Mānasottara mountain, frequented by gods, demons and the rest.
AI translation rendered from the Sanskrit, not a published edition
ViP 2 4.81
सत्यानृते न तत्रास्तां द्वीपे पुष्करसंज्ञिते न तत्र नद्यः शैला वा द्वीपे वर्षद्वयान्विते ॥
satyānṛte na tatrāstāṃ dvīpe puṣkarasaṃjñite na tatra nadyaḥ śailā vā dvīpe varṣadvayānvite //
Truth and falsehood did not exist there in the island named Puṣkara; there are no rivers or mountains in that island possessed of two regions.
AI translation rendered from the Sanskrit, not a published edition
ViP 2 4.82
तुल्यवेषास् तु मनुजा देवैस् तत्रैकरूपिणः ॥
tulyaveṣās tu manujā devais tatraikarūpiṇaḥ //
But the men there are of like appearance with the gods, of one single form.
AI translation rendered from the Sanskrit, not a published edition
ViP 2 4.83
वर्णाश्रमाचारहीनं धर्माचरणवर्जितम् त्रयीवार्तादण्डनीतिशुश्रूषारहितं च यत् ॥
varṇāśramācārahīnaṃ dharmācaraṇavarjitam trayīvārtādaṇḍanītiśuśrūṣārahitaṃ ca yat //
(That land is) without the observances of class and stage of life, devoid of the practice of dharma, and free from the triple Veda, trade (and agriculture), the rod of governance, and (the duty of) service.
AI translation rendered from the Sanskrit, not a published edition
ViP 2 4.84
वर्षद्वयं तु मैत्रेय भौमः स्वर्गो ऽयम् उत्तमः सर्वस्य सुखदः कालो जरारोगादिवर्जितः पुष्करे धातकीषण्डे महावीरे च वै मुने ॥
varṣadvayaṃ tu maitreya bhaumaḥ svargo 'yam uttamaḥ sarvasya sukhadaḥ kālo jarārogādivarjitaḥ puṣkare dhātakīṣaṇḍe mahāvīre ca vai mune //
But the two regions, Maitreya, are this excellent earthly heaven, giving pleasure to all; time (there) is free from old age, disease and the rest — in Puṣkara, in Dhātakīṣaṇḍa, and in Mahāvīra too, O sage.
AI translation rendered from the Sanskrit, not a published edition — the model flagged this verse as uncertain
ViP 2 4.85
न्यग्रोधः पुष्करद्वीपे ब्रह्मणः स्थानम् उत्तमम् तस्मिन् निवसति ब्रह्मा पूज्यमानः सुरासुरैः ॥
nyagrodhaḥ puṣkaradvīpe brahmaṇaḥ sthānam uttamam tasmin nivasati brahmā pūjyamānaḥ surāsuraiḥ //
On the Puṣkara continent (stands) the banyan tree, the supreme abode of Brahmā; there dwells Brahmā, honoured by gods and demons.
AI translation rendered from the Sanskrit, not a published edition
ViP 2 4.86
स्वादूदकेनोदधिना पुष्करः परिवेष्टितः समेन पुष्करस्यैव विस्तारान् मण्डलात् तथा ॥
svādūdakenodadhinā puṣkaraḥ pariveṣṭitaḥ samena puṣkarasyaiva vistārān maṇḍalāt tathā //
Puṣkara is encircled by the ocean of sweet water, equal in extent to the circle of Puṣkara itself.
AI translation rendered from the Sanskrit, not a published edition
ViP 2 4.87
एवं द्वीपाः समुद्रैस् तु सप्त सप्तभिर् आवृताः द्वीपश् चैव समुद्रश् च समानौ द्विगुणौ परौ ॥
evaṃ dvīpāḥ samudrais tu sapta saptabhir āvṛtāḥ dvīpaś caiva samudraś ca samānau dviguṇau parau //
Thus the seven continents are surrounded by the seven oceans; and a continent and (its) ocean are equal (to each other), while the next ones are double.
AI translation rendered from the Sanskrit, not a published edition
ViP 2 4.88
पयांसि सर्वदा सर्वसमुद्रेषु समानि वै न्यूनातिरिक्तता तेषां कदाचिन् नैव जायते ॥
payāṃsi sarvadā sarvasamudreṣu samāni vai nyūnātiriktatā teṣāṃ kadācin naiva jāyate //
The waters in all the oceans are always equal indeed; there never occurs any deficiency or excess in them.
AI translation rendered from the Sanskrit, not a published edition
ViP 2 4.89
स्थालीस्थम् अग्निसंयोगाद् उद्रेकि सलिलं यथा तथेन्दुवृद्धौ सलिलम् अम्भोधौ मुनिसत्तम ॥
sthālīstham agnisaṃyogād udreki salilaṃ yathā tathenduvṛddhau salilam ambhodhau munisattama //
As water standing in a pot overflows through contact with fire, so, best of sages, does the water in the ocean at the waxing of the moon.
AI translation rendered from the Sanskrit, not a published edition
ViP 2 4.90
अन्यूनानतिरिक्ताश् च वर्धन्त्य् आपो ह्रसन्ति च उदयास्तमयेष्व् इन्दोः पक्षयोः शुक्लकृष्णयोः ॥
anyūnānatiriktāś ca vardhanty āpo hrasanti ca udayāstamayeṣv indoḥ pakṣayoḥ śuklakṛṣṇayoḥ //
And the waters, neither diminished nor increased, swell and subside at the risings and settings of the moon in the bright and dark fortnights.
AI translation rendered from the Sanskrit, not a published edition
ViP 2 4.91
दशोत्तराणि पञ्चैव अङ्गुलानां शतानि वै अपां वृद्धिक्षयौ दृष्टौ सामुद्रीणां महामुने ॥
daśottarāṇi pañcaiva aṅgulānāṃ śatāni vai apāṃ vṛddhikṣayau dṛṣṭau sāmudrīṇāṃ mahāmune //
Five hundred and ten fingerbreadths is the rise and fall of the ocean waters that has been observed, great sage.
AI translation rendered from the Sanskrit, not a published edition
ViP 2 4.92
भोजनं पुष्करद्वीपे तत्र स्वयम् उपस्थितम् षड्रसं भुञ्जते विप्र प्रजाः सर्वाः सदैव हि ॥
bhojanaṃ puṣkaradvīpe tatra svayam upasthitam ṣaḍrasaṃ bhuñjate vipra prajāḥ sarvāḥ sadaiva hi //
On the Puṣkara continent food presents itself there of its own accord; all the people, O brahmin, always eat (food) of the six flavours.
AI translation rendered from the Sanskrit, not a published edition
ViP 2 4.93
स्वादूदकस्य पुरतो दृश्यते ऽलोकसंस्थितिः द्विगुणा काञ्चनी भूमिः सर्वजन्तुविवर्जिता ॥
svādūdakasya purato dṛśyate 'lokasaṃsthitiḥ dviguṇā kāñcanī bhūmiḥ sarvajantuvivarjitā //
Beyond the sweet-water (ocean) is seen the region without light — a golden land, twice (as large), devoid of all living creatures.
AI translation rendered from the Sanskrit, not a published edition
ViP 2 4.94
लोकालोकस् ततः शैलो योजनायुतविस्तृतः उच्छ्रायेणापि तावन्ति सहस्राण्य् अचलो हि सः ॥
lokālokas tataḥ śailo yojanāyutavistṛtaḥ ucchrāyeṇāpi tāvanti sahasrāṇy acalo hi saḥ //
Then (comes) the mountain Lokāloka, ten thousand yojanas wide; in height too it is as many thousands, for it is immovable.
AI translation rendered from the Sanskrit, not a published edition
ViP 2 4.95
ततस् तमः समावृत्य तं शैलं सर्वतः स्थितम् तमश् चाण्डकटाहेन समन्तात् परिवेष्टितम् ॥
tatas tamaḥ samāvṛtya taṃ śailaṃ sarvataḥ sthitam tamaś cāṇḍakaṭāhena samantāt pariveṣṭitam //
Beyond that stands darkness, covering that mountain on all sides; and the darkness is entirely enclosed by the shell of the (cosmic) egg.
AI translation rendered from the Sanskrit, not a published edition
ViP 2 4.96
पञ्चाशत्कोटिविस्तारा सेयम् उर्वी महामुने सहैवाण्डकटाहेन सद्वीपाब्धिमहीधरा ॥
pañcāśatkoṭivistārā seyam urvī mahāmune sahaivāṇḍakaṭāhena sadvīpābdhimahīdharā //
This earth, great sage, is fifty crores in extent, together with the egg-shell, with its continents, oceans and mountains.
AI translation rendered from the Sanskrit, not a published edition
ViP 2 4.97
सेयं धात्री विधात्री च सर्वभूतगुणाधिका आधारभूता सर्वेषां मैत्रेय जगताम् इति ॥
seyaṃ dhātrī vidhātrī ca sarvabhūtaguṇādhikā ādhārabhūtā sarveṣāṃ maitreya jagatām iti //
This same one is the bearer and the ordainer, surpassing in qualities all beings, and the support of all the worlds, Maitreya.
AI translation rendered from the Sanskrit, not a published edition