Vishnu Purana — Amsha 2 — Chapter 3
ViP 2 3.1
उत्तरं यत् समुद्रस्य हिमाद्रेश् चैव दक्षिणम् वर्षं तद् भारतं नाम भारती यत्र संततिः ॥
uttaraṃ yat samudrasya himādreś caiva dakṣiṇam varṣaṃ tad bhārataṃ nāma bhāratī yatra saṃtatiḥ //
That region which is north of the ocean and south of the Himālaya is named Bhārata, where the offspring of Bharata dwell.
AI translation rendered from the Sanskrit, not a published edition
ViP 2 3.2
नवयोजनसाहस्रो विस्तारो ऽस्य महामुने कर्मभूमिर् इयं स्वर्गम् अपवर्गं च गच्छताम् ॥
navayojanasāhasro vistāro 'sya mahāmune karmabhūmir iyaṃ svargam apavargaṃ ca gacchatām //
Its extent is nine thousand yojanas, O great sage; this is the land of action for those who go to heaven and to final release.
AI translation rendered from the Sanskrit, not a published edition
ViP 2 3.3
महेन्द्रो मलयः सह्यः शुक्तिमान् ऋक्षपर्वतः विन्ध्यश् च पारियात्रश् च सप्तात्र कुलपर्वताः ॥
mahendro malayaḥ sahyaḥ śuktimān ṛkṣaparvataḥ vindhyaś ca pāriyātraś ca saptātra kulaparvatāḥ //
Mahendra, Malaya, Sahya, Śuktimān, the Ṛkṣa mountain, Vindhya and Pāriyātra—these are the seven principal mountains here.
AI translation rendered from the Sanskrit, not a published edition
ViP 2 3.4
अतः संप्राप्यते स्वर्गो मुक्तिम् अस्मात् प्रयान्ति च तिर्यक्त्वं नरकं चापि यान्त्य् अतः पुरुषा मुने ॥
ataḥ saṃprāpyate svargo muktim asmāt prayānti ca tiryaktvaṃ narakaṃ cāpi yānty ataḥ puruṣā mune //
From here heaven is attained, and from here (men) go to liberation; and from here too men go to the animal state and to hell, O sage.
AI translation rendered from the Sanskrit, not a published edition
ViP 2 3.5
इतः स्वर्गश् च मोक्षश् च मध्यं चान्तश् च गम्यते न खल्व् अन्यत्र मर्त्यानां कर्म भूमौ विधीयते ॥
itaḥ svargaś ca mokṣaś ca madhyaṃ cāntaś ca gamyate na khalv anyatra martyānāṃ karma bhūmau vidhīyate //
From here one goes to heaven and to release, and to the middle state and to the end; for mortals action is nowhere else prescribed than in (this) land.
AI translation rendered from the Sanskrit, not a published edition
ViP 2 3.6
भारतस्यास्य वर्षस्य नव भेदान् निशामय इन्द्रद्वीपः कसेरुश् च ताम्रपर्णो गभस्तिमान् ॥
bhāratasyāsya varṣasya nava bhedān niśāmaya indradvīpaḥ kaseruś ca tāmraparṇo gabhastimān //
Hear the nine divisions of this region of Bhārata: Indradvīpa, Kaseru, Tāmraparṇa, Gabhastimān,
AI translation rendered from the Sanskrit, not a published edition
ViP 2 3.7
नागद्वीपस् तथा सौम्यो गान्धर्वस् त्व् अथ वारुणः अयं तु नवमस् तेषां द्वीपः सागरसंवृतः ॥
nāgadvīpas tathā saumyo gāndharvas tv atha vāruṇaḥ ayaṃ tu navamas teṣāṃ dvīpaḥ sāgarasaṃvṛtaḥ //
Nāgadvīpa, likewise Saumya, Gāndharva, and then Vāruṇa; and this, surrounded by the sea, is the ninth of them.
AI translation rendered from the Sanskrit, not a published edition
ViP 2 3.8
योजनानां सहस्रं तु द्वीपो ऽयं दक्षिणोत्तरात् पूर्वे किराता यस्यान्ते पश्चिमे यवनाः स्थिताः ॥
yojanānāṃ sahasraṃ tu dvīpo 'yaṃ dakṣiṇottarāt pūrve kirātā yasyānte paścime yavanāḥ sthitāḥ //
This island (extends) a thousand yojanas from south to north; at its eastern end dwell the Kirātas, at the western the Yavanas.
AI translation rendered from the Sanskrit, not a published edition
ViP 2 3.9
ब्राह्मणाः क्षत्रिया वैश्या मध्ये शूद्राश् च भागशः इज्यायुधवणिज्याद्यैर् वर्तयन्तो व्यवस्थिताः ॥
brāhmaṇāḥ kṣatriyā vaiśyā madhye śūdrāś ca bhāgaśaḥ ijyāyudhavaṇijyādyair vartayanto vyavasthitāḥ //
In the middle are brāhmaṇas, kṣatriyas, vaiśyas and śūdras, each in their portions, established and living by sacrifice, arms, trade and the rest.
AI translation rendered from the Sanskrit, not a published edition
ViP 2 3.10
शतद्रूचन्द्रभागाद्या हिमवत्पादनिःसृताः वेदस्मृतिमुखाश् चान्याः पारियात्रोद्भवा मुने ॥
śatadrūcandrabhāgādyā himavatpādaniḥsṛtāḥ vedasmṛtimukhāś cānyāḥ pāriyātrodbhavā mune //
The Śatadru, Candrabhāgā and others flow forth from the foot of the Himālaya; and others headed by the Vedasmṛti arise from the Pāriyātra, O sage.
AI translation rendered from the Sanskrit, not a published edition
ViP 2 3.11
नर्मदासुरसाद्याश् च नद्यो विन्ध्याद्रिनिर्गताः तापीपयोष्णीनिर्विन्ध्याप्रमुखा ऋक्षसंभवाः ॥
narmadāsurasādyāś ca nadyo vindhyādrinirgatāḥ tāpīpayoṣṇīnirvindhyāpramukhā ṛkṣasaṃbhavāḥ //
The Narmadā, the Surasā and the rest are rivers that issue from the Vindhya mountain; the Tāpī, the Payoṣṇī, the Nirvindhyā and others arise from the Ṛkṣa (mountain).
AI translation rendered from the Sanskrit, not a published edition
ViP 2 3.12
गोदावरी भीमरथी कृष्णवेण्यादिकास् तथा सह्यपादोद्भवा नद्यः स्मृताः पापभयापहाः ॥
godāvarī bhīmarathī kṛṣṇaveṇyādikās tathā sahyapādodbhavā nadyaḥ smṛtāḥ pāpabhayāpahāḥ //
The Godāvarī, the Bhīmarathī, the Kṛṣṇaveṇī and the others likewise are held to be rivers rising from the foot of the Sahya (range), removers of sin and fear.
AI translation rendered from the Sanskrit, not a published edition
ViP 2 3.13
कृतमालाताम्रपर्णीप्रमुखा मलयोद्भवाः त्रिसामा ऋषिकुल्याद्या महेन्द्रप्रभवाः स्मृताः ॥
kṛtamālātāmraparṇīpramukhā malayodbhavāḥ trisāmā ṛṣikulyādyā mahendraprabhavāḥ smṛtāḥ //
The Kṛtamālā, the Tāmraparṇī and the rest arise from the Malaya; the Trisāmā, the Ṛṣikulyā and others are held to spring from the Mahendra.
AI translation rendered from the Sanskrit, not a published edition
ViP 2 3.14
ऋषिकुल्याकुमाराद्याः शुक्तिमत्पादसंभवाः आसां नद्युपनद्यश् च सन्त्य् अन्याश् च सहस्रशः ॥
ṛṣikulyākumārādyāḥ śuktimatpādasaṃbhavāḥ āsāṃ nadyupanadyaś ca santy anyāś ca sahasraśaḥ //
The Ṛṣikulyā, the Kumārā and the rest arise from the foot of the Śuktimat; and of these there are tributary streams, and others too, by the thousands.
AI translation rendered from the Sanskrit, not a published edition
ViP 2 3.15
तास्व् इमे कुरुपाञ्चाला मध्यदेशादयो जनाः पूर्वदेशादिकाश् चैव कामरूपनिवासिनः ॥
tāsv ime kurupāñcālā madhyadeśādayo janāḥ pūrvadeśādikāś caiva kāmarūpanivāsinaḥ //
Upon them (dwell) these peoples: the Kurus and Pāñcālas, those of the Middle Country and the rest, those of the Eastern regions and the rest, and the dwellers in Kāmarūpa;
AI translation rendered from the Sanskrit, not a published edition
ViP 2 3.16
पुण्ड्राः कलिङ्गा मगधा दाक्षिणाद्याश् च कृत्स्नशः तथापरान्ताः सौराष्ट्राः शूराभीरास् तथार्बुदाः ॥
puṇḍrāḥ kaliṅgā magadhā dākṣiṇādyāś ca kṛtsnaśaḥ tathāparāntāḥ saurāṣṭrāḥ śūrābhīrās tathārbudāḥ //
the Puṇḍras, Kaliṅgas, Magadhas, and the southern peoples entirely, likewise the Aparāntas, Saurāṣṭras, Śūras, Ābhīras, and the Arbudas;
AI translation rendered from the Sanskrit, not a published edition
ViP 2 3.17
कारूषा मालवाश् चैव पारियात्रनिवासिनः सौवीराः सैन्धवा हूणाः साल्वाः शाकलवासिनः ॥
kārūṣā mālavāś caiva pāriyātranivāsinaḥ sauvīrāḥ saindhavā hūṇāḥ sālvāḥ śākalavāsinaḥ //
the Kārūṣas and the Mālavas and the dwellers on the Pāriyātra, the Sauvīras, Saindhavas, Hūṇas, Sālvas, and the inhabitants of Śākala;
AI translation rendered from the Sanskrit, not a published edition
ViP 2 3.18
मद्रा रामास् तथाम्बष्ठाः पारसीकादयस् तथा आसां पिबन्ति सलिलं वसन्ति सरितां सदा समीपतो महाभागा हृष्टपुष्टजनाकुलाः ॥
madrā rāmās tathāmbaṣṭhāḥ pārasīkādayas tathā āsāṃ pibanti salilaṃ vasanti saritāṃ sadā samīpato mahābhāgā hṛṣṭapuṣṭajanākulāḥ //
the Madras, Rāmas, likewise the Ambaṣṭhas, and the Pārasīkas and the rest — these drink the water of those (rivers) and dwell always near the streams, greatly fortunate, thronged with thriving, well-nourished people.
AI translation rendered from the Sanskrit, not a published edition
ViP 2 3.19
चत्वारि भारते वर्षे युगान्य् अत्र महामुने कृतं त्रेता द्वापरं च कलिश् चान्यत्र न क्वचित् ॥
catvāri bhārate varṣe yugāny atra mahāmune kṛtaṃ tretā dvāparaṃ ca kaliś cānyatra na kvacit //
In the land of Bharata there are the four ages, O great sage: Kṛta, Tretā, Dvāpara and Kali — and nowhere else.
AI translation rendered from the Sanskrit, not a published edition
ViP 2 3.20
तपस् तप्यन्ति यतयो जुह्वते चात्र यज्विनः दानानि चात्र दीयन्ते परलोकार्थम् आदरात् ॥
tapas tapyanti yatayo juhvate cātra yajvinaḥ dānāni cātra dīyante paralokārtham ādarāt //
Here ascetics practise austerity, and here sacrificers offer oblations, and here gifts are given reverently for the sake of the other world.
AI translation rendered from the Sanskrit, not a published edition
ViP 2 3.21
पुरुषैर् यज्ञपुरुषो जम्बूद्वीपे सदेज्यते यज्ञैर् यज्ञमयो विष्णुर् अन्यद्वीपेषु चान्यथा ॥
puruṣair yajñapuruṣo jambūdvīpe sadejyate yajñair yajñamayo viṣṇur anyadvīpeṣu cānyathā //
In Jambūdvīpa the Person of sacrifice is ever worshipped by men with sacrifices — Viṣṇu who consists of sacrifice; but in the other continents it is otherwise.
AI translation rendered from the Sanskrit, not a published edition
ViP 2 3.22
अत्रापि भारतं श्रेष्ठं जम्बूद्वीपे महामुने यतो हि कर्मभूर् एषा ह्य् अतो ऽन्या भोगभूमयः ॥
atrāpi bhārataṃ śreṣṭhaṃ jambūdvīpe mahāmune yato hi karmabhūr eṣā hy ato 'nyā bhogabhūmayaḥ //
And here in Jambūdvīpa, O great sage, Bharata is the best, since this is the land of action, whereas the others are lands of enjoyment.
AI translation rendered from the Sanskrit, not a published edition
ViP 2 3.23
अत्र जन्मसहस्राणां सहस्रैर् अपि सत्तम कदाचिल् लभते जन्तुर् मानुष्यं पुण्यसंचयात् ॥
atra janmasahasrāṇāṃ sahasrair api sattama kadācil labhate jantur mānuṣyaṃ puṇyasaṃcayāt //
Here, O best of beings, only after thousands of thousands of births does a creature sometimes obtain human birth, through an accumulation of merit.
AI translation rendered from the Sanskrit, not a published edition
ViP 2 3.24
गायन्ति देवाः किल गीतकानि धन्यास् तु ये भारतभूमिभागे स्वर्गापवर्गास्पदहेतुभूते भवन्ति भूयः पुरुषाः सुरत्वात् ॥
gāyanti devāḥ kila gītakāni dhanyās tu ye bhāratabhūmibhāge svargāpavargāspadahetubhūte bhavanti bhūyaḥ puruṣāḥ suratvāt //
The gods, it is said, sing these songs: "Fortunate indeed are those men who, (leaving) godhood, are born again in the region of the land of Bharata, which is the ground of the state of heaven and of liberation."
AI translation rendered from the Sanskrit, not a published edition
ViP 2 3.25
कर्माण्य् असंकल्पिततत्फलानि संन्यस्य विष्णौ परमात्मरूपे अवाप्य तां कर्ममहीम् अनन्ते तस्मिंल् लयं ये त्व् अमलाः प्रयान्ति ॥
karmāṇy asaṃkalpitatatphalāni saṃnyasya viṣṇau paramātmarūpe avāpya tāṃ karmamahīm anante tasmiṃl layaṃ ye tv amalāḥ prayānti //
"(Fortunate are) those stainless ones who, having reached that land of action, renounce in Viṣṇu, who has the form of the supreme Self, their deeds with their fruits unwished-for, and go to dissolution in that infinite one."
AI translation rendered from the Sanskrit, not a published edition
ViP 2 3.26
जानीम नैतत् क्व वयं विलीने स्वर्गप्रदे कर्मणि देहबन्धम् प्राप्स्याम धन्याः खलु ते मनुष्या ये भारते नेन्द्रियविप्रहीनाः ॥
jānīma naitat kva vayaṃ vilīne svargaprade karmaṇi dehabandham prāpsyāma dhanyāḥ khalu te manuṣyā ye bhārate nendriyaviprahīnāḥ //
"We do not know this: where shall we obtain bondage to a body when the heaven-bestowing deed is exhausted? Blessed indeed are those men in Bharata who are not deprived of their senses."
AI translation rendered from the Sanskrit, not a published edition
ViP 2 3.27
नववर्षं तु मैत्रेय जम्बूद्वीपम् इदं मया लक्षयोजनविस्तारं संक्षेपात् कथितं तव ॥
navavarṣaṃ tu maitreya jambūdvīpam idaṃ mayā lakṣayojanavistāraṃ saṃkṣepāt kathitaṃ tava //
Thus, Maitreya, this Jambūdvīpa with its nine regions, a hundred thousand yojanas in extent, has been described to you in brief by me.
AI translation rendered from the Sanskrit, not a published edition
ViP 2 3.28
जम्बूद्वीपं समावृत्य लक्षयोजनविस्तरः मैत्रेय वलयाकारः स्थितः क्षारोदधिर् बहिः ॥
jambūdvīpaṃ samāvṛtya lakṣayojanavistaraḥ maitreya valayākāraḥ sthitaḥ kṣārodadhir bahiḥ //
Encircling Jambūdvīpa, a hundred thousand yojanas in breadth, ring-shaped, O Maitreya, the salt ocean stands outside.
AI translation rendered from the Sanskrit, not a published edition