Vishnu Purana — Amsha 2 — Chapter 2
ViP 2 2.1
कथितो भवता ब्रह्मन् सर्गः स्वायम्भुवस्य मे श्रोतुम् इच्छाम्य् अहं त्वत्तः सकलं मण्डलं भुवः ॥
kathito bhavatā brahman sargaḥ svāyambhuvasya me śrotum icchāmy ahaṃ tvattaḥ sakalaṃ maṇḍalaṃ bhuvaḥ //
You have told me, O brahmin, the creation of Svāyambhuva Manu; I wish to hear from you (about) the entire sphere of the earth,
AI translation rendered from the Sanskrit, not a published edition
ViP 2 2.2
यावन्तः सागरा द्वीपास् तथा वर्षाणि पर्वताः वनानि सरितः पुर्यो देवादीनां तथा मुने ॥
yāvantaḥ sāgarā dvīpās tathā varṣāṇi parvatāḥ vanāni saritaḥ puryo devādīnāṃ tathā mune //
how many oceans and continents there are, and lands and mountains, forests and rivers, and the cities of the gods and others, O sage;
AI translation rendered from the Sanskrit, not a published edition
ViP 2 2.3
यत्प्रमाणम् इदं सर्वं यदाधारं यदात्मकम् संस्थानम् अस्य च मुने यथावद् वक्तुम् अर्हसि ॥
yatpramāṇam idaṃ sarvaṃ yadādhāraṃ yadātmakam saṃsthānam asya ca mune yathāvad vaktum arhasi //
what the measure of all this is, what its support is, of what it consists, and its arrangement — this, O sage, you should tell (me) as it is.
AI translation rendered from the Sanskrit, not a published edition
ViP 2 2.4
मैत्रेय श्रूयताम् एतत् संक्षेपाद् गदतो मम नास्य वर्षशतेनापि वक्तुं शक्नोमि विस्तरम् ॥
maitreya śrūyatām etat saṃkṣepād gadato mama nāsya varṣaśatenāpi vaktuṃ śaknomi vistaram //
Maitreya, let this be heard, as I recount it in brief; not even in a hundred years could I tell its full extent.
AI translation rendered from the Sanskrit, not a published edition
ViP 2 2.5
जम्बूप्लक्षाह्वयौ द्वीपौ शाल्मलश् चापरो द्विज कुशः क्रौञ्चस् तथा शाकः पुष्करश् चैव सप्तमः ॥
jambūplakṣāhvayau dvīpau śālmalaś cāparo dvija kuśaḥ krauñcas tathā śākaḥ puṣkaraś caiva saptamaḥ //
The two continents named Jambu and Plakṣa, and next Śālmala, O twice-born, then Kuśa, Krauñca, and Śāka, and Puṣkara as the seventh.
AI translation rendered from the Sanskrit, not a published edition
ViP 2 2.6
एते द्वीपाः समुद्रैस् तु सप्त सप्तभिर् आवृताः लवणेक्षुसुरासर्पिर्दधिदुग्धजलैः समम् ॥
ete dvīpāḥ samudrais tu sapta saptabhir āvṛtāḥ lavaṇekṣusurāsarpirdadhidugdhajalaiḥ samam //
These seven continents are each encircled by seven oceans in turn, of salt, sugar-cane juice, wine, ghee, curds, milk, and (fresh) water.
AI translation rendered from the Sanskrit, not a published edition
ViP 2 2.7
जम्बूद्वीपः समस्तानाम् एतेषां मध्यसंस्थितः तस्यापि मेरुर् मैत्रेय मध्ये कनकपर्वतः ॥
jambūdvīpaḥ samastānām eteṣāṃ madhyasaṃsthitaḥ tasyāpi merur maitreya madhye kanakaparvataḥ //
Jambūdvīpa is situated in the middle of all of these; and in the middle of it too, Maitreya, is Meru, the golden mountain.
AI translation rendered from the Sanskrit, not a published edition
ViP 2 2.8
चतुरशीतिसाहस्रो योजनैर् अस्य चोच्छ्रयः ॥
caturaśītisāhasro yojanair asya cocchrayaḥ //
And its height is eighty-four thousand yojanas.
AI translation rendered from the Sanskrit, not a published edition
ViP 2 2.9
प्रविष्टः षोडशाधस्ताद् द्वात्रिंशन् मूर्ध्नि विस्तृतः मूले षोडशसाहस्रो विस्तारस् तस्य सर्वतः ॥
praviṣṭaḥ ṣoḍaśādhastād dvātriṃśan mūrdhni vistṛtaḥ mūle ṣoḍaśasāhasro vistāras tasya sarvataḥ //
It is sunk sixteen (thousand) below, spread out thirty-two thousand at its summit, and at its base its breadth is sixteen thousand on every side.
AI translation rendered from the Sanskrit, not a published edition
ViP 2 2.10
भूपद्मस्यास्य शैलो ऽसौ कर्णिकाकारसंस्थितः ॥
bhūpadmasyāsya śailo 'sau karṇikākārasaṃsthitaḥ //
That mountain stands in the shape of the seed-cup of this earth-lotus.
AI translation rendered from the Sanskrit, not a published edition
ViP 2 2.11
हिमवान् हेमकूटश् च निषधश् चास्य दक्षिणे नीलः श्वेतश् च शृङ्गी च उत्तरे वर्षपर्वताः ॥
himavān hemakūṭaś ca niṣadhaś cāsya dakṣiṇe nīlaḥ śvetaś ca śṛṅgī ca uttare varṣaparvatāḥ //
Himavān, Hemakūṭa and Niṣadha are on its south; Nīla, Śveta and Śṛṅgī are the boundary mountains on the north.
AI translation rendered from the Sanskrit, not a published edition
ViP 2 2.12
लक्षप्रमाणौ द्वौ मध्यौ दशहीनास् तथापरे सहस्रद्वितयोच्छ्रायास् तावद्विस्तारिणश् च ते ॥
lakṣapramāṇau dvau madhyau daśahīnās tathāpare sahasradvitayocchrāyās tāvadvistāriṇaś ca te //
The two middle ones measure a hundred thousand (yojanas), and the others are ten thousand less; they are two thousand in height, and of the same extent in breadth.
AI translation rendered from the Sanskrit, not a published edition
ViP 2 2.13
भारतं प्रथमं वर्षं ततः किंपुरुषं स्मृतम् हरिवर्षं तथैवान्यन् मेरोर् दक्षिणतो द्विज ॥
bhārataṃ prathamaṃ varṣaṃ tataḥ kiṃpuruṣaṃ smṛtam harivarṣaṃ tathaivānyan meror dakṣiṇato dvija //
The first region is Bhārata, then Kiṃpuruṣa is recorded, and likewise another, Harivarṣa — these to the south of Meru, O twice-born.
AI translation rendered from the Sanskrit, not a published edition
ViP 2 2.14
रम्यकं चोत्तरं वर्षं तस्यैवानु हिरण्मयम् उत्तराः कुरवश् चैव यथा वै भारतं तथा ॥
ramyakaṃ cottaraṃ varṣaṃ tasyaivānu hiraṇmayam uttarāḥ kuravaś caiva yathā vai bhārataṃ tathā //
And Ramyaka is the northern region, and after that Hiraṇmaya, and the Uttara Kurus, just as Bhārata is (in the south).
AI translation rendered from the Sanskrit, not a published edition
ViP 2 2.15
नवसाहस्रम् एकैकम् एतेषां द्विजसत्तम इलावृतं च तन्मध्ये सौवर्णो मेरुर् उच्छ्रितः ॥
navasāhasram ekaikam eteṣāṃ dvijasattama ilāvṛtaṃ ca tanmadhye sauvarṇo merur ucchritaḥ //
Each one of these is nine thousand (yojanas), O best of the twice-born; and in their midst is Ilāvṛta, where golden Meru rises up.
AI translation rendered from the Sanskrit, not a published edition
ViP 2 2.16
मेरोश् चतुर्दिशं तत्र नवसाहस्रविस्तृतम् इलावृतं महाभाग चत्वारश् चात्र पर्वताः ॥
meroś caturdiśaṃ tatra navasāhasravistṛtam ilāvṛtaṃ mahābhāga catvāraś cātra parvatāḥ //
There, on Meru's four sides, extending nine thousand (yojanas), is Ilāvṛta, O greatly fortunate one; and there are four mountains here.
AI translation rendered from the Sanskrit, not a published edition
ViP 2 2.18
कदम्बस् तेषु जम्बूश् च पिप्पलो वट एव च एकादशशतायामाः पादपा गिरिकेतवः ॥
kadambas teṣu jambūś ca pippalo vaṭa eva ca ekādaśaśatāyāmāḥ pādapā giriketavaḥ //
Upon them are a kadamba, a jambū, a pippala, and a banyan — trees eleven hundred (yojanas) in extent, the banners of the mountains.
AI translation rendered from the Sanskrit, not a published edition
ViP 2 2.19
जम्बूद्वीपस्य सा जम्बूर् नामहेतुर् महामुने महागजप्रमाणानि जम्ब्वास् तस्याः फलानि वै पतन्ति भूभृतः पृष्ठे शीर्यमाणानि सर्वतः ॥
jambūdvīpasya sā jambūr nāmahetur mahāmune mahāgajapramāṇāni jambvās tasyāḥ phalāni vai patanti bhūbhṛtaḥ pṛṣṭhe śīryamāṇāni sarvataḥ //
That jambū tree is the cause of the name of Jambūdvīpa, O great sage; the fruits of that jambū, as large as great elephants, fall onto the surface of the earth, bursting apart on every side.
AI translation rendered from the Sanskrit, not a published edition
ViP 2 2.20
रसेन तेषां प्रख्याता तत्र जम्बूनदीति वै सरित् प्रवर्तते सा च पीयते तन्निवासिभिः ॥
rasena teṣāṃ prakhyātā tatra jambūnadīti vai sarit pravartate sā ca pīyate tannivāsibhiḥ //
From their juice a river there, well known as the Jambū, flows forth, and it is drunk by those who dwell there.
AI translation rendered from the Sanskrit, not a published edition
ViP 2 2.21
न स्वेदो न च दौर्गन्ध्यं न जरा नेन्द्रियक्षयः तत्पानात् स्वच्छमनसां जनानां तत्र जायते ॥
na svedo na ca daurgandhyaṃ na jarā nendriyakṣayaḥ tatpānāt svacchamanasāṃ janānāṃ tatra jāyate //
From drinking it, no sweat, no foul smell, no old age and no failing of the senses arises there among those people, whose minds are clear.
AI translation rendered from the Sanskrit, not a published edition
ViP 2 2.22
तीरमृत् तद्रसं प्राप्य सुखवायुविशोषिता जाम्बूनदाख्यं भवति सुवर्णं सिद्धभूषणम् ॥
tīramṛt tadrasaṃ prāpya sukhavāyuviśoṣitā jāmbūnadākhyaṃ bhavati suvarṇaṃ siddhabhūṣaṇam //
The clay of its bank, having received that juice and been dried by the pleasant wind, becomes the gold called jāmbūnada, the ornament of the Siddhas.
AI translation rendered from the Sanskrit, not a published edition
ViP 2 2.23
भद्राश्वं पूर्वतो मेरोः केतुमालं च पश्चिमे वर्षे द्वे तु मुनिश्रेष्ठ तयोर् मध्यम् इलावृतम् ॥
bhadrāśvaṃ pūrvato meroḥ ketumālaṃ ca paścime varṣe dve tu muniśreṣṭha tayor madhyam ilāvṛtam //
Bhadrāśva is to the east of Meru and Ketumāla to the west — these two regions, O best of sages — and between the two is Ilāvṛta.
AI translation rendered from the Sanskrit, not a published edition
ViP 2 2.24
वनं चैत्ररथं पूर्वे दक्षिणे गन्धमादनम् वैभ्राजं पश्चिमे तद्वद् उत्तरे नन्दनं स्मृतम् ॥
vanaṃ caitrarathaṃ pūrve dakṣiṇe gandhamādanam vaibhrājaṃ paścime tadvad uttare nandanaṃ smṛtam //
The Caitraratha wood is on the east, Gandhamādana on the south, Vaibhrāja likewise on the west, and on the north Nandana is recorded.
AI translation rendered from the Sanskrit, not a published edition
ViP 2 2.25
अरुणोदं महाभद्रम् असितोदं समानसम् सरांस्य् एतानि चत्वारि देवभोग्यानि सर्वदा ॥
aruṇodaṃ mahābhadram asitodaṃ samānasam sarāṃsy etāni catvāri devabhogyāni sarvadā //
Aruṇoda, Mahābhadra, Asitoda, Samānasa — these four are lakes, always for the enjoyment of the gods.
AI translation rendered from the Sanskrit, not a published edition
ViP 2 2.26
शीतअम्भश् च कुमुन्दश् च कुररी माल्यवांस् तथा वैकङ्कप्रमुखा मेरोः पूर्वतः केसराचलाः ॥
śītaambhaś ca kumundaś ca kurarī mālyavāṃs tathā vaikaṅkapramukhā meroḥ pūrvataḥ kesarācalāḥ //
Śītāmbha, Kumuda, Kurarī and Mālyavān, and those beginning with Vaikaṅka — these are the filament-mountains (of the lotus) east of Meru.
AI translation rendered from the Sanskrit, not a published edition
ViP 2 2.27
त्रिकूटः शिशिरश् चैव पतंगो रुचकस् तथा निषधाद्या दक्षिणतस् तस्य केसरपर्वताः ॥
trikūṭaḥ śiśiraś caiva pataṃgo rucakas tathā niṣadhādyā dakṣiṇatas tasya kesaraparvatāḥ //
Trikūṭa, Śiśira, Pataṅga and Rucaka, and Niṣadha and the rest are its filament-mountains to the south.
AI translation rendered from the Sanskrit, not a published edition
ViP 2 2.28
शिखिवासाः सवैडूर्यः कपिलो गन्धमादनः जारुधिप्रमुखास् तद्वत् पश्चिमे केसराचलाः ॥
śikhivāsāḥ savaiḍūryaḥ kapilo gandhamādanaḥ jārudhipramukhās tadvat paścime kesarācalāḥ //
Śikhivāsas, Vaidūrya, Kapila, Gandhamādana, and those beginning with Jārudhi are likewise the filament-mountains to the west.
AI translation rendered from the Sanskrit, not a published edition
ViP 2 2.29
मेरोर् अनन्तराङ्गेषु जठरादिष्व् अवस्थिताः शङ्खकूटो ऽथ ऋषभो हंसो नागस् तथापरः कालञ्जनाद्याश् च तदा उत्तरे केसराचलाः ॥
meror anantarāṅgeṣu jaṭharādiṣv avasthitāḥ śaṅkhakūṭo 'tha ṛṣabho haṃso nāgas tathāparaḥ kālañjanādyāś ca tadā uttare kesarācalāḥ //
Situated in the parts immediately adjoining Meru, in Jaṭhara and the rest, are Śaṅkhakūṭa, then Ṛṣabha, Haṃsa, and another, Nāga, and those beginning with Kālañjana — these then are the filament-mountains to the north.
AI translation rendered from the Sanskrit, not a published edition
ViP 2 2.30
चतुर्दशसहस्राणि योजनानां महापुरी मेरोर् उपरि मैत्रेय ब्रह्मणः प्रथिता दिवि ॥
caturdaśasahasrāṇi yojanānāṃ mahāpurī meror upari maitreya brahmaṇaḥ prathitā divi //
Fourteen thousand yojanas (in extent) is the great city of Brahmā, celebrated in heaven upon Meru, O Maitreya.
AI translation rendered from the Sanskrit, not a published edition
ViP 2 2.31
तस्याः समन्ततश् चाष्टौ दिशासु विदिशासु च इन्द्रादिलोकपालानां प्रख्याताः प्रवराः पुरः ॥
tasyāḥ samantataś cāṣṭau diśāsu vidiśāsu ca indrādilokapālānāṃ prakhyātāḥ pravarāḥ puraḥ //
And all around it, in the (four) directions and the intermediate directions, are the eight renowned and excellent cities of the guardians of the world, Indra and the others.
AI translation rendered from the Sanskrit, not a published edition
ViP 2 2.32
विष्णुपादविनिष्क्रान्ता प्लावयित्वेन्दुमण्डलम् समन्ताद् ब्रह्मणः पुर्यां गङ्गा पतति वै दिवः ॥
viṣṇupādaviniṣkrāntā plāvayitvendumaṇḍalam samantād brahmaṇaḥ puryāṃ gaṅgā patati vai divaḥ //
Issuing from Viṣṇu's foot, and having flooded the disc of the moon, the Gaṅgā falls from heaven all around upon Brahmā's city.
AI translation rendered from the Sanskrit, not a published edition
ViP 2 2.33
सा तत्र पतिता दिक्षु चतुर्धा प्रतिपद्यते सीता चालकनन्दा च चक्षुर् भद्रा च वै क्रमात् ॥
sā tatra patitā dikṣu caturdhā pratipadyate sītā cālakanandā ca cakṣur bhadrā ca vai kramāt //
Having fallen there, she divides fourfold toward the (four) directions: Sītā, Alakanandā, Cakṣu and Bhadrā, in order.
AI translation rendered from the Sanskrit, not a published edition
ViP 2 2.34
पूर्वेण सीता शैलात् तु शैलं यात्य् अन्तरिक्षगा ततश् च पूर्ववर्षेण भद्राश्वेनैति सार्णवम् ॥
pūrveṇa sītā śailāt tu śailaṃ yāty antarikṣagā tataś ca pūrvavarṣeṇa bhadrāśvenaiti sārṇavam //
By the east, Sītā goes from mountain to mountain travelling through the air, and then, through the eastern region Bhadrāśva, reaches the ocean.
AI translation rendered from the Sanskrit, not a published edition
ViP 2 2.35
तथैवालकनन्दापि दक्षिणेनैत्य भारतम् प्रयाति सागरं भूत्वा सप्तभेदा महामुने ॥
tathaivālakanandāpi dakṣiṇenaitya bhāratam prayāti sāgaraṃ bhūtvā saptabhedā mahāmune //
So too Alakanandā, coming by the south to Bhārata, becoming sevenfold, goes on to the sea, O great sage.
AI translation rendered from the Sanskrit, not a published edition
ViP 2 2.36
चक्षुश् च पश्चिमगिरीन् अतीत्य सकलांस् ततः पश्चिमं केतुमालाख्यं वर्षं गत्वैति सागरम् ॥
cakṣuś ca paścimagirīn atītya sakalāṃs tataḥ paścimaṃ ketumālākhyaṃ varṣaṃ gatvaiti sāgaram //
And Cakṣu, passing beyond all the western mountains, then goes through the western region named Ketumāla and reaches the sea.
AI translation rendered from the Sanskrit, not a published edition
ViP 2 2.37
भद्रा तथोत्तरगिरीन् उत्तरांश् च तथा कुरून् अतीत्योत्तरम् अम्भोधिं समभ्येति महामुने ॥
bhadrā tathottaragirīn uttarāṃś ca tathā kurūn atītyottaram ambhodhiṃ samabhyeti mahāmune //
And Bhadrā likewise, passing beyond the northern mountains and the northern Kurus, approaches the northern ocean, O great sage.
AI translation rendered from the Sanskrit, not a published edition
ViP 2 2.38
आनीलनिषधायामौ माल्यवद्गन्धमादनौ तयोर् मध्यगतो मेरुः कर्णिकाकारसंस्थितः ॥
ānīlaniṣadhāyāmau mālyavadgandhamādanau tayor madhyagato meruḥ karṇikākārasaṃsthitaḥ //
Mālyavān and Gandhamādana extend as far as Nīla and Niṣadha; Meru, standing between those two, is shaped like the pericarp (of the lotus).
AI translation rendered from the Sanskrit, not a published edition
ViP 2 2.39
भारताः केतुमालाश् च भद्राश्वाः कुरवस् तथा पत्राणि लोकपद्मस्य मर्यादाशैलबाह्यतः ॥
bhāratāḥ ketumālāś ca bhadrāśvāḥ kuravas tathā patrāṇi lokapadmasya maryādāśailabāhyataḥ //
The Bhāratas, the Ketumālas, the Bhadrāśvas and the Kurus are the petals of the world-lotus, outside the boundary mountains.
AI translation rendered from the Sanskrit, not a published edition
ViP 2 2.40
जठरो देवकूटश् च मर्यादापर्वताव् उभौ तौ दक्षिणोत्तरायामाव् आनीलनिषधायतौ ॥
jaṭharo devakūṭaś ca maryādāparvatāv ubhau tau dakṣiṇottarāyāmāv ānīlaniṣadhāyatau //
Jaṭhara and Devakūṭa are both boundary mountains; those two extend north and south, reaching to Nīla and Niṣadha.
AI translation rendered from the Sanskrit, not a published edition
ViP 2 2.41
गन्धमादनकैलासौ पूर्वपश्चायताव् उभौ अशीतियोजनायामाव् अर्णवान्तर्व्यवस्थितौ ॥
gandhamādanakailāsau pūrvapaścāyatāv ubhau aśītiyojanāyāmāv arṇavāntarvyavasthitau //
Gandhamādana and Kailāsa both extend east and west, eighty yojanas in length, standing within the ocean.
AI translation rendered from the Sanskrit, not a published edition
ViP 2 2.42
निषधः पारियात्रश् च मर्यादापर्वताव् उभौ मेरोः पश्चिमदिग्भागे यथापूर्वौ तथा स्थितौ ॥
niṣadhaḥ pāriyātraś ca maryādāparvatāv ubhau meroḥ paścimadigbhāge yathāpūrvau tathā sthitau //
Niṣadha and Pāriyātra are both boundary mountains; in the western quarter of Meru they stand just as the former ones do.
AI translation rendered from the Sanskrit, not a published edition
ViP 2 2.43
त्रिशृङ्गो जारुधिश् चैव उत्तरौ वर्षपर्वतौ पूर्वपश्चायताव् एताव् अर्णवान्तर्व्यवस्थितौ ॥
triśṛṅgo jārudhiś caiva uttarau varṣaparvatau pūrvapaścāyatāv etāv arṇavāntarvyavasthitau //
Triśṛṅga and Jārudhi are the two northern region-mountains; these two extend east and west, standing within the ocean.
AI translation rendered from the Sanskrit, not a published edition
ViP 2 2.44
इत्य् एते मुनिवर्योक्ता मर्यादापर्वतास् तव जठराद्याः स्थिता मेरोस् येषां द्वौ द्वौ चतुर्दिशम् ॥
ity ete munivaryoktā maryādāparvatās tava jaṭharādyāḥ sthitā meros yeṣāṃ dvau dvau caturdiśam //
Thus these boundary mountains, beginning with Jaṭhara, have been told to you, O best of sages; they stand about Meru, two of them in each of the four directions.
AI translation rendered from the Sanskrit, not a published edition
ViP 2 2.45
मेरोश् चतुर्दिशं ये तु प्रोक्ताः केसरपर्वताः शीताद्याश् च मुने तेषाम् अतीव हि मनोरमाः शैलानाम् अन्तरद्रोण्यः सिद्धचारणसेविताः ॥
meroś caturdiśaṃ ye tu proktāḥ kesaraparvatāḥ śītādyāś ca mune teṣām atīva hi manoramāḥ śailānām antaradroṇyaḥ siddhacāraṇasevitāḥ //
But as for those filament-mountains, Śīta and the rest, which have been declared to stand in the four directions of Meru — O sage, exceedingly delightful are the valleys between those mountains, frequented by Siddhas and Cāraṇas.
AI translation rendered from the Sanskrit, not a published edition
ViP 2 2.46
सुरम्याणि तथा तासु काननानि पुराणि च लक्ष्मीविष्ण्वग्निसूर्यादिदेवानां मुनिसत्तम तास्व् आयतनवर्याणि जुष्टानि वरकिंनरैः ॥
suramyāṇi tathā tāsu kānanāni purāṇi ca lakṣmīviṣṇvagnisūryādidevānāṃ munisattama tāsv āyatanavaryāṇi juṣṭāni varakiṃnaraiḥ //
And in those (valleys) are most delightful forests and cities, O best of sages; in them are the excellent sanctuaries of Lakṣmī, Viṣṇu, Agni, Sūrya and the other gods, frequented by the finest kiṃnaras.
AI translation rendered from the Sanskrit, not a published edition
ViP 2 2.47
गन्धर्वयक्षरक्षांसि तथा दैतेयदानवाः क्रीडन्ति तासु रम्यासु शैलद्रोणीष्व् अहर्निशम् ॥
gandharvayakṣarakṣāṃsi tathā daiteyadānavāḥ krīḍanti tāsu ramyāsu śailadroṇīṣv aharniśam //
Gandharvas, yakṣas and rākṣasas, and likewise the Daiteyas and Dānavas, sport day and night in those lovely mountain valleys.
AI translation rendered from the Sanskrit, not a published edition
ViP 2 2.48
भौमा ह्य् एते स्मृताः स्वर्गा धर्मिणाम् आलया मुने नैतेषु पापकर्तारो यान्ति जन्मशतैर् अपि ॥
bhaumā hy ete smṛtāḥ svargā dharmiṇām ālayā mune naiteṣu pāpakartāro yānti janmaśatair api //
These are held to be earthly heavens, O sage, the abodes of the righteous; doers of evil do not go to them even in a hundred births.
AI translation rendered from the Sanskrit, not a published edition
ViP 2 2.49
भद्राश्वे भगवान् विष्णुर् आस्ते हयशिरा द्विज वराहः केतुमाले तु भारते कूर्मरूपधृक् ॥
bhadrāśve bhagavān viṣṇur āste hayaśirā dvija varāhaḥ ketumāle tu bhārate kūrmarūpadhṛk //
In Bhadrāśva the Lord Viṣṇu abides as horse-headed, O twice-born; in Ketumāla as the boar; in Bhārata bearing the form of a tortoise.
AI translation rendered from the Sanskrit, not a published edition
ViP 2 2.50
मत्स्यरूपश् च गोविन्दः कुरुष्व् आस्ते जनार्दनः विश्वरूपेण सर्वत्र सर्वः सर्वेश्वरो हरिः ॥
matsyarūpaś ca govindaḥ kuruṣv āste janārdanaḥ viśvarūpeṇa sarvatra sarvaḥ sarveśvaro hariḥ //
And in the Kurus Govinda Janārdana abides in the form of a fish; everywhere, in his universal form, is Hari, the all, the lord of all.
AI translation rendered from the Sanskrit, not a published edition
ViP 2 2.51
सर्वस्याधारभूतो ऽसौ मैत्रेयास्ते ऽखिलात्मकः ॥
sarvasyādhārabhūto 'sau maitreyāste 'khilātmakaḥ //
He, Maitreya, being the support of all, abides as the self of everything.
AI translation rendered from the Sanskrit, not a published edition
ViP 2 2.52
यानि किंपुरुषाद्यानि वर्षाण्य् अष्टौ महामुने न तेषु शोको नायासो नोद्वेगः क्षुद्भयादिकम् ॥
yāni kiṃpuruṣādyāni varṣāṇy aṣṭau mahāmune na teṣu śoko nāyāso nodvegaḥ kṣudbhayādikam //
As for the eight regions beginning with Kiṃpuruṣa, O great sage, in them there is no grief, no toil, no anxiety, no hunger, fear and the like.
AI translation rendered from the Sanskrit, not a published edition
ViP 2 2.53
स्वस्थाः प्रजा निरातङ्काः सर्वदुःखविवर्जिताः दश द्वादशवर्षाणां सहस्राणि स्थिरायुषः ॥
svasthāḥ prajā nirātaṅkāḥ sarvaduḥkhavivarjitāḥ daśa dvādaśavarṣāṇāṃ sahasrāṇi sthirāyuṣaḥ //
The people (there) are healthy, free of affliction, devoid of all suffering, with fixed lifespans of ten and twelve thousand years.
AI translation rendered from the Sanskrit, not a published edition
ViP 2 2.54
न तेषु वर्षते देवो भौमान्य् अम्भांसि तेषु वै कृतत्रेतादिका नैव तेषु स्थानेषु कल्पना ॥
na teṣu varṣate devo bhaumāny ambhāṃsi teṣu vai kṛtatretādikā naiva teṣu sthāneṣu kalpanā //
In them the god (Indra) does not rain; there the waters are (those) of the earth. Nor is there in those places any reckoning of Kṛta, Tretā and the rest.
AI translation rendered from the Sanskrit, not a published edition
ViP 2 2.55
सर्वेष्व् एतेषु वर्षेषु सप्त सप्त कुलाचलाः नद्यश् च शतशस् तेभ्यः प्रसूता या द्विजोत्तम ॥
sarveṣv eteṣu varṣeṣu sapta sapta kulācalāḥ nadyaś ca śataśas tebhyaḥ prasūtā yā dvijottama //
In all these regions there are seven principal mountains each, and the rivers arising from them are (numbered) by hundreds, O best of the twice-born.
AI translation rendered from the Sanskrit, not a published edition