Vishnu Purana — Amsha 2 — Chapter 12
ViP 2 12.1
रथस् त्रिचक्रः सोमस्य कुन्दाभास् तस्य वाजिनः वामदक्षिणतो युक्ता दश तेन चरत्य् असौ ॥
rathas tricakraḥ somasya kundābhās tasya vājinaḥ vāmadakṣiṇato yuktā daśa tena caraty asau //
The chariot of the moon has three wheels; his horses are the colour of jasmine, ten of them yoked to left and right; with it he moves.
AI translation rendered from the Sanskrit, not a published edition
ViP 2 12.2
वीथ्याश्रयाणि ऋक्षाणि ध्रुवाधारेण वेगिना ह्रासवृद्धिक्रमस् तस्य रश्मीनां सवितुर् यथा ॥
vīthyāśrayāṇi ṛkṣāṇi dhruvādhāreṇa veginā hrāsavṛddhikramas tasya raśmīnāṃ savitur yathā //
The lunar mansions rest upon the (celestial) paths, by means of the swift (wind) that has Dhruva for its support; and the order of the waning and waxing of his rays is as with the sun.
AI translation rendered from the Sanskrit, not a published edition — the model flagged this verse as uncertain
ViP 2 12.3
अर्कस्येव हि तस्याश्वाः सकृद्युक्ता वहन्ति ते कल्पम् एकं मुनिश्रेष्ठ वारिगर्भसमुद्भवाः ॥
arkasyeva hi tasyāśvāḥ sakṛdyuktā vahanti te kalpam ekaṃ muniśreṣṭha vārigarbhasamudbhavāḥ //
For his horses, like the sun's, once yoked, draw (the chariot) for a whole kalpa, O best of sages; they are born from the womb of the waters.
AI translation rendered from the Sanskrit, not a published edition
ViP 2 12.4
क्षीणं पीतं सुरैः सोमम् आप्याययति दीप्तिमान् मैत्रेयैककलं सन्तं रश्मिनैकेन भास्करः ॥
kṣīṇaṃ pītaṃ suraiḥ somam āpyāyayati dīptimān maitreyaikakalaṃ santaṃ raśminaikena bhāskaraḥ //
The shining sun replenishes with a single ray the soma that has been drunk by the gods and has waned, Maitreya, when it is (reduced to) a single digit.
AI translation rendered from the Sanskrit, not a published edition
ViP 2 12.5
क्रमेण येन पीतो ऽसौ देवैस् तेन निशाकरम् आप्याययत्य् अनुदिनं भास्करो वारितस्करः ॥
krameṇa yena pīto 'sau devais tena niśākaram āpyāyayaty anudinaṃ bhāskaro vāritaskaraḥ //
In the same order in which it was drunk by the gods, the sun, the stealer of water, replenishes the maker of night day by day.
AI translation rendered from the Sanskrit, not a published edition
ViP 2 12.6
संभृतं चार्धमासेन तत् सोमस्थं सुधामृतम् पिबन्ति देवा मैत्रेय सुधाहारा यतो ऽमराः ॥
saṃbhṛtaṃ cārdhamāsena tat somasthaṃ sudhāmṛtam pibanti devā maitreya sudhāhārā yato 'marāḥ //
And that nectar-ambrosia gathered in the moon over half a month the gods drink, Maitreya, since the immortals feed on nectar.
AI translation rendered from the Sanskrit, not a published edition
ViP 2 12.7
त्रयस् त्रिंशत्सहस्राणि त्रयस् त्रिंशच्छतानि च त्रयस् त्रिंशत् तथा देवाः पिबन्ति क्षणदाकरम् ॥
trayas triṃśatsahasrāṇi trayas triṃśacchatāni ca trayas triṃśat tathā devāḥ pibanti kṣaṇadākaram //
Thirty-three thousand, and thirty-three hundred, and thirty-three gods drink the maker of night.
AI translation rendered from the Sanskrit, not a published edition
ViP 2 12.8
कलाद्वयावशिष्टस् तु प्रविष्टः सूर्यमण्डलम् अमाख्यरश्मौ वसति अमावास्या ततः स्मृता ॥
kalādvayāvaśiṣṭas tu praviṣṭaḥ sūryamaṇḍalam amākhyaraśmau vasati amāvāsyā tataḥ smṛtā //
But when only two digits remain, having entered the sun's orb, (the moon) dwells in the ray called Amā; hence it is called amāvāsyā (new moon).
AI translation rendered from the Sanskrit, not a published edition
ViP 2 12.9
अप्सु तस्मिन्न् अहोरात्रे पूर्वं विशति चन्द्रमाः ततो वीरुत्सु वसति प्रयात्य् अर्कं ततः क्रमात् ॥
apsu tasminn ahorātre pūrvaṃ viśati candramāḥ tato vīrutsu vasati prayāty arkaṃ tataḥ kramāt //
On that day and night the moon first enters into the waters, then it dwells in the plants, and then in due order it passes to the sun.
AI translation rendered from the Sanskrit, not a published edition
ViP 2 12.10
छिनत्ति वीरुधो यस् तु वीरुत्संस्थे निशाकरे पत्रं वा पातयत्य् एकं ब्रह्महत्यां स विन्दति ॥
chinatti vīrudho yas tu vīrutsaṃsthe niśākare patraṃ vā pātayaty ekaṃ brahmahatyāṃ sa vindati //
But whoever cuts plants, or causes a single leaf to fall, while the moon abides in the plants, incurs (the guilt of) brahmin-slaying.
AI translation rendered from the Sanskrit, not a published edition
ViP 2 12.11
शेषे पञ्चदशे भागे किंचिच्छिष्टे कलात्मके अपराह्णे पितृगणा जघन्यं पर्युपासते ॥
śeṣe pañcadaśe bhāge kiṃcicchiṣṭe kalātmake aparāhṇe pitṛgaṇā jaghanyaṃ paryupāsate //
When the fifteenth part is left, and only a little of it, amounting to a kalā, remains, in the afternoon the hosts of the fathers wait upon that last (remnant).
AI translation rendered from the Sanskrit, not a published edition
ViP 2 12.12
पिबन्ति द्विकलं सोमं शिष्टा तस्य कला तु या सुधामृतमयी पुण्या ताम् इन्दोः पितरो मुने ॥
pibanti dvikalaṃ somaṃ śiṣṭā tasya kalā tu yā sudhāmṛtamayī puṇyā tām indoḥ pitaro mune //
They drink the soma of two kalās; and the kalā of his that is left over, which is holy and made of ambrosial nectar — that (kalā) of the moon, O sage, the fathers (drink).
AI translation rendered from the Sanskrit, not a published edition — the model flagged this verse as uncertain
ViP 2 12.13
निःसृतं तद् अमावास्यां गभस्तिभ्यः सुधामृतम् मासतृप्तिम् अवाप्याग्र्यां पितरः सन्ति निर्वृताः सौम्या बर्हिषदश् चैव अग्निष्वात्ताश् च ते त्रिधा ॥
niḥsṛtaṃ tad amāvāsyāṃ gabhastibhyaḥ sudhāmṛtam māsatṛptim avāpyāgryāṃ pitaraḥ santi nirvṛtāḥ saumyā barhiṣadaś caiva agniṣvāttāś ca te tridhā //
That ambrosial nectar which issues from the rays on the new-moon day — having obtained through it foremost satisfaction for a month, the fathers remain content: the Saumyas, the Barhiṣads, and the Agniṣvāttas; they are of three kinds.
AI translation rendered from the Sanskrit, not a published edition
ViP 2 12.14
एवं देवान् सिते पक्षे कृष्णपक्षे तथा पितॄन् वीरुधश् चामृतमयैः शीतैर् अप्परमाणुभिः ॥
evaṃ devān site pakṣe kṛṣṇapakṣe tathā pitṝn vīrudhaś cāmṛtamayaiḥ śītair apparamāṇubhiḥ //
Thus (the moon nourishes) the gods in the bright fortnight, and the fathers in the dark fortnight, and the plants with cool water-atoms made of nectar.
AI translation rendered from the Sanskrit, not a published edition
ViP 2 12.15
वीरुधौषधिनिष्पत्त्या मनुष्यपशुकीटकान् आप्याययति शीतांशुः प्राकाश्याह्लादनेन तु ॥
vīrudhauṣadhiniṣpattyā manuṣyapaśukīṭakān āpyāyayati śītāṃśuḥ prākāśyāhlādanena tu //
By the bringing forth of plants and herbs the cool-rayed one nourishes men, cattle and insects, and (also) by the refreshment (given) through its shining.
AI translation rendered from the Sanskrit, not a published edition
ViP 2 12.16
वाय्वग्निद्रव्यसंभूतो रथश् चन्द्रसुतस्य च पिशङ्गैस् तुरगैर् युक्तः सो ऽष्टाभिर् वायुवेगिभिः ॥
vāyvagnidravyasaṃbhūto rathaś candrasutasya ca piśaṅgais turagair yuktaḥ so 'ṣṭābhir vāyuvegibhiḥ //
And the chariot of the moon's son (Mercury) is produced from the substances of wind and fire; it is yoked with eight tawny horses swift as the wind.
AI translation rendered from the Sanskrit, not a published edition
ViP 2 12.17
सवरूथः सानुकर्षो युक्तो भूसंभवैर् हयैः सोपासङ्गपताकस् तु शुक्रस्यापि रथो महान् ॥
savarūthaḥ sānukarṣo yukto bhūsaṃbhavair hayaiḥ sopāsaṅgapatākas tu śukrasyāpi ratho mahān //
Venus's great chariot too has a fender and a lower pole, is yoked with horses born of earth, and is furnished with quiver and banner.
AI translation rendered from the Sanskrit, not a published edition
ViP 2 12.18
अष्टाश्वः काञ्चनः श्रीमान् भौमस्यापि रथो महान् पद्मरागारुणैर् अश्वैः संयुक्तो वह्निसंभवैः ॥
aṣṭāśvaḥ kāñcanaḥ śrīmān bhaumasyāpi ratho mahān padmarāgāruṇair aśvaiḥ saṃyukto vahnisaṃbhavaiḥ //
The great chariot of Mars too is golden, splendid, drawn by eight horses, joined with steeds red as rubies and born of fire.
AI translation rendered from the Sanskrit, not a published edition
ViP 2 12.19
अष्टाभिः पाण्डरैर् युक्तैर् वाजिभिः काञ्चने रथे तस्मिंस् तिष्ठति वर्षं वै राशौ राशौ बृहस्पतिः ॥
aṣṭābhiḥ pāṇḍarair yuktair vājibhiḥ kāñcane rathe tasmiṃs tiṣṭhati varṣaṃ vai rāśau rāśau bṛhaspatiḥ //
In that golden chariot, yoked with eight pale horses, Bṛhaspati stays for a year in each zodiacal sign.
AI translation rendered from the Sanskrit, not a published edition
ViP 2 12.20
आकाशसंभवैर् अश्वैः शबलैः स्यन्दनं युतम् समारुह्य शनैर् याति मन्दगामी शनैश्चरः ॥
ākāśasaṃbhavair aśvaiḥ śabalaiḥ syandanaṃ yutam samāruhya śanair yāti mandagāmī śanaiścaraḥ //
Having mounted his car, which is yoked with dappled horses born of the sky, slow-moving Saturn travels slowly.
AI translation rendered from the Sanskrit, not a published edition
ViP 2 12.21
स्वर्भानोस् तुरगा ह्य् अष्टौ भृङ्गाभा धूसरं रथम् सकृद्युक्तास् तु मैत्रेय वहन्त्य् अविरतं सदा ॥
svarbhānos turagā hy aṣṭau bhṛṅgābhā dhūsaraṃ ratham sakṛdyuktās tu maitreya vahanty avirataṃ sadā //
Svarbhānu's (Rāhu's) eight horses, dark as bees, draw his dusky chariot; once yoked, O Maitreya, they bear it always without ceasing.
AI translation rendered from the Sanskrit, not a published edition
ViP 2 12.22
आदित्यान् निःसृतो राहुः सोमं गच्छति पर्वसु आदित्यम् एति सोमाच् च पुनः सौरेषु पर्वसु ॥
ādityān niḥsṛto rāhuḥ somaṃ gacchati parvasu ādityam eti somāc ca punaḥ saureṣu parvasu //
Rāhu, having come forth from the sun, goes to the moon at the (lunar) conjunctions, and from the moon he goes back to the sun at the solar conjunctions.
AI translation rendered from the Sanskrit, not a published edition
ViP 2 12.23
तथा केतुरथस्याश्वा अष्टौ ते वातरंहसः पलालधूमवर्णाभा लाक्षारसनिभारुणाः ॥
tathā keturathasyāśvā aṣṭau te vātaraṃhasaḥ palāladhūmavarṇābhā lākṣārasanibhāruṇāḥ //
So too the horses of Ketu's chariot are eight, swift as the wind, of the colour of the smoke of straw, ruddy like lac-juice.
AI translation rendered from the Sanskrit, not a published edition
ViP 2 12.24
एते मया ग्रहाणां वै तवाख्याता रथा नव सर्वे ध्रुवे महाभाग प्रबद्धा वायुरश्मिभिः ॥
ete mayā grahāṇāṃ vai tavākhyātā rathā nava sarve dhruve mahābhāga prabaddhā vāyuraśmibhiḥ //
These nine chariots of the planets have been described to you by me; all of them, O greatly fortunate one, are bound fast to the pole-star by cords of wind.
AI translation rendered from the Sanskrit, not a published edition
ViP 2 12.25
ग्रहर्क्षताराधिष्ण्यानि ध्रुवे बद्धान्य् अशेषतः भ्रमन्त्य् उचितचारेण मैत्रेयानिलरश्मिभिः ॥
graharkṣatārādhiṣṇyāni dhruve baddhāny aśeṣataḥ bhramanty ucitacāreṇa maitreyānilaraśmibhiḥ //
The planets, lunar mansions, stars and constellations are all without exception bound to the pole-star, and they revolve in their proper courses, O Maitreya, by the cords of the wind.
AI translation rendered from the Sanskrit, not a published edition
ViP 2 12.26
यावन्त्यश् चैव तारास् तास् तावन्तो वातरश्मयः सर्वे ध्रुवे निबद्धास् ते भ्रमन्तो भ्रामयन्ति तम् ॥
yāvantyaś caiva tārās tās tāvanto vātaraśmayaḥ sarve dhruve nibaddhās te bhramanto bhrāmayanti tam //
As many as are the stars, so many are the wind-cords; all of them are fastened to the pole-star, and as they revolve they make it revolve.
AI translation rendered from the Sanskrit, not a published edition
ViP 2 12.27
तैलपीडा यथा चक्रं भ्रमन्तो भ्रामयन्ति वै तथा भ्रमन्ति ज्योतींषि वातविद्धानि सर्वशः ॥
tailapīḍā yathā cakraṃ bhramanto bhrāmayanti vai tathā bhramanti jyotīṃṣi vātaviddhāni sarvaśaḥ //
As oil-pressers, going round, make the wheel go round, so the luminaries revolve, driven on all sides by the wind.
AI translation rendered from the Sanskrit, not a published edition
ViP 2 12.28
अलातचक्रवद् यान्ति वातचक्रेरितानि तु यस्माज् ज्योतींषि वहति प्रवहस् तेन स स्मृतः ॥
alātacakravad yānti vātacakreritāni tu yasmāj jyotīṃṣi vahati pravahas tena sa smṛtaḥ //
They move like a whirling firebrand, impelled by the wheel of wind; and since it bears along the luminaries, that (wind) is called Pravaha.
AI translation rendered from the Sanskrit, not a published edition
ViP 2 12.29
शिशुमारस् तु यः प्रोक्तः स ध्रुवो यत्र तिष्ठति संनिवेशं च तस्यापि शृणुष्व मुनिसत्तम ॥
śiśumāras tu yaḥ proktaḥ sa dhruvo yatra tiṣṭhati saṃniveśaṃ ca tasyāpi śṛṇuṣva munisattama //
But as for the porpoise (śiśumāra) that has been described, in it Dhruva is stationed; hear now also of its arrangement, O best of sages.
AI translation rendered from the Sanskrit, not a published edition
ViP 2 12.30
यद् अह्ना कुरुते पापं दृष्ट्वा तं निशि मुच्यते यावन्त्यश् चैव तारास् ताः शिशुमाराश्रिता दिवि तावन्त्य् एव तु वर्षाणि जीवत्य् अभ्यधिकानि च ॥
yad ahnā kurute pāpaṃ dṛṣṭvā taṃ niśi mucyate yāvantyaś caiva tārās tāḥ śiśumārāśritā divi tāvanty eva tu varṣāṇi jīvaty abhyadhikāni ca //
Whatever sin one commits by day, one is freed from it by looking at it (the porpoise) at night; and as many as are the stars that depend on the porpoise in the sky, just so many years — and more besides — does one live.
AI translation rendered from the Sanskrit, not a published edition
ViP 2 12.31
उत्तानपादस् तस्याथ विज्ञेयो ह्य् उत्तरो हनुः यज्ञो ऽधरश् च विज्ञेयो धर्मो मूर्धानम् आश्रितः ॥
uttānapādas tasyātha vijñeyo hy uttaro hanuḥ yajño 'dharaś ca vijñeyo dharmo mūrdhānam āśritaḥ //
Now Uttānapāda is to be known as its upper jaw, and Yajña as the lower jaw, while Dharma rests upon its head.
AI translation rendered from the Sanskrit, not a published edition
ViP 2 12.32
हृदि नारायणश् चास्ते अश्विनौ पूर्वपादयोः वरुणश् चार्यमा चैव पश्चिमे तस्य सक्थिनी ॥
hṛdi nārāyaṇaś cāste aśvinau pūrvapādayoḥ varuṇaś cāryamā caiva paścime tasya sakthinī //
And Nārāyaṇa abides in its heart, the two Aśvins in its front feet; Varuṇa and Aryaman are its two hind thighs.
AI translation rendered from the Sanskrit, not a published edition
ViP 2 12.33
शिश्नं संवत्सरस् तस्य मित्रो ऽपानं समाश्रितः ॥
śiśnaṃ saṃvatsaras tasya mitro 'pānaṃ samāśritaḥ //
Saṃvatsara (the year) is its penis, and Mitra is seated in its anus.
AI translation rendered from the Sanskrit, not a published edition
ViP 2 12.34
पुच्छे ऽग्निश् च महेन्द्रश् च कश्यपो ऽथ ततो ध्रुवः तारका शिशुमारस्य नास्तम् एति चतुष्टयम् ॥
pucche 'gniś ca mahendraś ca kaśyapo 'tha tato dhruvaḥ tārakā śiśumārasya nāstam eti catuṣṭayam //
In its tail are Agni, Mahendra, Kaśyapa, and then Dhruva: this set of four stars of the porpoise does not set.
AI translation rendered from the Sanskrit, not a published edition
ViP 2 12.35
इत्य् एष संनिवेशो यः पृथिव्या ज्योतिषां तथा द्वीपानाम् उदधीनां च पर्वतानां च कीर्तितः ॥
ity eṣa saṃniveśo yaḥ pṛthivyā jyotiṣāṃ tathā dvīpānām udadhīnāṃ ca parvatānāṃ ca kīrtitaḥ //
Thus this arrangement of the earth and of the luminaries, and of the continents, oceans, and mountains, has been declared;
AI translation rendered from the Sanskrit, not a published edition
ViP 2 12.36
वर्षाणां च नदीनां च ये च तेषु वसन्ति वै तेषां स्वरूपम् आख्यातं संक्षेपाच् छ्रूयतां पुनः ॥
varṣāṇāṃ ca nadīnāṃ ca ye ca teṣu vasanti vai teṣāṃ svarūpam ākhyātaṃ saṃkṣepāc chrūyatāṃ punaḥ //
and of the regions (varṣas) and the rivers, and of those who dwell in them — their nature has been told. Hear it again in brief.
AI translation rendered from the Sanskrit, not a published edition
ViP 2 12.37
यद् अम्बु वैष्णवः कायस् ततो विप्र वसुंधरा पद्माकारा समुद्भूता पर्वताब्ध्यादिसंयुता ॥
yad ambu vaiṣṇavaḥ kāyas tato vipra vasuṃdharā padmākārā samudbhūtā parvatābdhyādisaṃyutā //
Since the water is the body of Viṣṇu, from it, O brahmin, the earth arose in the form of a lotus, furnished with mountains, oceans and the rest.
AI translation rendered from the Sanskrit, not a published edition
ViP 2 12.38
ज्योतींषि विष्णुर् भुवनानि विष्णुर् वनानि विष्णुर् गिरयो दिशश् च नद्यः समुद्राश् च स एव सर्वं यद् अस्ति यन् नास्ति च विप्रवर्य ॥
jyotīṃṣi viṣṇur bhuvanāni viṣṇur vanāni viṣṇur girayo diśaś ca nadyaḥ samudrāś ca sa eva sarvaṃ yad asti yan nāsti ca vipravarya //
The luminaries are Viṣṇu, the worlds are Viṣṇu, the forests are Viṣṇu, the mountains, the directions, the rivers and the seas; he alone is everything, both what is and what is not, O best of brahmins.
AI translation rendered from the Sanskrit, not a published edition
ViP 2 12.39
ज्ञानस्वरूपो भगवान् यतो ऽसाव् अशेषमूर्तिर् न तु वस्तुभूतः ततो हि शैलाब्धिधरादिभेदाञ् जानीहि विज्ञानविजृम्भितानि ॥
jñānasvarūpo bhagavān yato 'sāv aśeṣamūrtir na tu vastubhūtaḥ tato hi śailābdhidharādibhedāñ jānīhi vijñānavijṛmbhitāni //
Since that Lord, whose form is all things without remainder, has knowledge for his nature and is not a material thing, therefore know that the distinctions of mountain, ocean, earth and the rest are expansions of consciousness.
AI translation rendered from the Sanskrit, not a published edition
ViP 2 12.40
यदा तु शुद्धं निजरूपि सर्वं कर्मक्षये ज्ञानम् अपास्तदोषम् तदा हि संकल्पतरोः फलानि भवन्ति नो वस्तुषु वस्तुभेदाः ॥
yadā tu śuddhaṃ nijarūpi sarvaṃ karmakṣaye jñānam apāstadoṣam tadā hi saṃkalpataroḥ phalāni bhavanti no vastuṣu vastubhedāḥ //
But when, at the destruction of karma, knowledge — pure, having its own true form, free of all fault — is everything, then (these) are fruits of the tree of imagination; there are no real distinctions among real things.
AI translation rendered from the Sanskrit, not a published edition — the model flagged this verse as uncertain
ViP 2 12.41
वस्त्व् अस्ति किं कुत्रचिद् आदिमध्य पर्यन्तहीनं सततैकरूपम् यच् चान्यथात्वं द्विज याति भूयो न तत् तथा तत्र कुतो हि तत्त्वम् ॥
vastv asti kiṃ kutracid ādimadhya paryantahīnaṃ satataikarūpam yac cānyathātvaṃ dvija yāti bhūyo na tat tathā tatra kuto hi tattvam //
Is there anywhere any thing that is without beginning, middle, and end, and always of one form? And that which, O twice-born, again and again becomes otherwise — that is not (truly) so; whence then reality in it?
AI translation rendered from the Sanskrit, not a published edition
ViP 2 12.42
मही घटत्वं घटतः कपालिका कपालिका चूर्णरजस् ततो ऽणुः जनैः स्वकर्मस्तिमितात्मनिश्चयैर् आलक्ष्यते ब्रूहि किम् अत्र वस्तु ॥
mahī ghaṭatvaṃ ghaṭataḥ kapālikā kapālikā cūrṇarajas tato 'ṇuḥ janaiḥ svakarmastimitātmaniścayair ālakṣyate brūhi kim atra vastu //
Earth (becomes) pot-hood, from the pot a shard, from the shard powdered dust, from that an atom: it is perceived (so) by people whose self-conviction is dulled by their own karma. Tell me, what here is a real thing?
AI translation rendered from the Sanskrit, not a published edition
ViP 2 12.43
तस्मान् न विज्ञानम् ऋते ऽस्ति किंचित् क्वचित् कदाचिद् द्विज वस्तुजातम् विज्ञानम् एकं निजकर्मभेद विभिन्नचित्तैर् बहुधाभ्युपेतम् ॥
tasmān na vijñānam ṛte 'sti kiṃcit kvacit kadācid dvija vastujātam vijñānam ekaṃ nijakarmabheda vibhinnacittair bahudhābhyupetam //
Therefore, O twice-born, apart from consciousness there is nowhere and at no time any thing whatever; consciousness is one, (yet) is taken to be manifold by minds divided by the differences of their own karma.
AI translation rendered from the Sanskrit, not a published edition
ViP 2 12.44
ज्ञानं विशुद्धं विमलं विशोकम् अशेषलोभादिनिरस्तसङ्गम् एकं सदैकं परमः परेशः स वासुदेवो न यतो ऽन्यद् अस्ति ॥
jñānaṃ viśuddhaṃ vimalaṃ viśokam aśeṣalobhādinirastasaṅgam ekaṃ sadaikaṃ paramaḥ pareśaḥ sa vāsudevo na yato 'nyad asti //
Knowledge, wholly pure, spotless, free of sorrow, its attachment removed together with all greed and the rest, one, eternally one — that is the supreme, the lord of the highest, that is Vāsudeva, than whom there is nothing else.
AI translation rendered from the Sanskrit, not a published edition
ViP 2 12.45
सद्भाव एषो भवतो मयोक्तो ज्ञानं यथा सत्यम् असत्यम् अन्यत् एतत् तु यत् संव्यवहारभूतं तत्रापि चोक्तं भुवनाश्रितं ते ॥
sadbhāva eṣo bhavato mayokto jñānaṃ yathā satyam asatyam anyat etat tu yat saṃvyavahārabhūtaṃ tatrāpi coktaṃ bhuvanāśritaṃ te //
This true being has been declared by me to you: that knowledge is real and other things unreal. But that which pertains to ordinary practical dealings — that too, as it rests upon the worlds, has been told to you.
AI translation rendered from the Sanskrit, not a published edition
ViP 2 12.46
यज्ञः पशुर् वह्निर् अशेष-ऋत्विक् सोमः सुराः स्वर्गमयश् च कामः इत्यादिकर्माश्रितमार्गदृष्टं भूरादिभोगाश् च फलानि तेषाम् ॥
yajñaḥ paśur vahnir aśeṣa-ṛtvik somaḥ surāḥ svargamayaś ca kāmaḥ ityādikarmāśritamārgadṛṣṭaṃ bhūrādibhogāś ca phalāni teṣām //
Sacrifice, victim, fire, all the officiating priests, soma, the gods, and desire consisting of heaven — such things are seen on the path that depends on ritual action, and enjoyments in the earth and the other (worlds) are their fruits.
AI translation rendered from the Sanskrit, not a published edition
ViP 2 12.47
यच् चैतद् भुवनगतं मया तवोक्तं सर्वत्र व्रजति हि कर्मवश्य एकः ज्ञात्वैवं ध्रुवम् अचलं सदैकरूपं तत् कुर्याद् विशति हि येन वासुदेवम् ॥
yac caitad bhuvanagataṃ mayā tavoktaṃ sarvatra vrajati hi karmavaśya ekaḥ jñātvaivaṃ dhruvam acalaṃ sadaikarūpaṃ tat kuryād viśati hi yena vāsudevam //
And as for all this pertaining to the worlds which I have told you — the one (self), subject to karma, wanders everywhere. Having thus known that which is fixed, unmoving, eternally of one form, one should do that by which one enters Vāsudeva.
AI translation rendered from the Sanskrit, not a published edition