Vishnu Purana — Amsha 2 — Chapter 11
ViP 2 11.1
यद् एतद् भगवान् आह गणः सप्तविधो रवेः मण्डले हिमतापादेः कारणं तन् मया श्रुतम् ॥
yad etad bhagavān āha gaṇaḥ saptavidho raveḥ maṇḍale himatāpādeḥ kāraṇaṃ tan mayā śrutam //
What your reverence has said—that the sevenfold group in the orb of the sun is the cause of cold, heat, and the rest—that I have heard.
AI translation rendered from the Sanskrit, not a published edition
ViP 2 11.2
व्यापाराश् चापि कथिता गन्धर्वोरगरक्षसाम् ऋषीणां वालखिल्यानां तथैवाप्सरसां गुरो ॥
vyāpārāś cāpi kathitā gandharvoragarakṣasām ṛṣīṇāṃ vālakhilyānāṃ tathaivāpsarasāṃ guro //
And the activities of the gandharvas, serpents, and rākṣasas, of the sages, of the Vālakhilyas, and likewise of the apsarases have been told, O teacher.
AI translation rendered from the Sanskrit, not a published edition
ViP 2 11.3
यक्षाणां च रथे भानोर् विष्णुशक्तिधृतात्मनाम् किं त्वादित्यस्य यत् कर्म तन् नात्रोक्तं त्वया मुने ॥
yakṣāṇāṃ ca rathe bhānor viṣṇuśaktidhṛtātmanām kiṃ tvādityasya yat karma tan nātroktaṃ tvayā mune //
And of the yakṣas on the chariot of the sun—(all of them) with their selves upheld by Viṣṇu's power. But what the work of the sun himself is, that has not been stated here by you, O sage.
AI translation rendered from the Sanskrit, not a published edition
ViP 2 11.4
यदि सप्तगणो वारि हिमम् उष्णं च वर्षति तत् किम् अत्र रवेर् येन वृष्टिः सूर्याद् इतीर्यते ॥
yadi saptagaṇo vāri himam uṣṇaṃ ca varṣati tat kim atra raver yena vṛṣṭiḥ sūryād itīryate //
If the group of seven rains down water, cold, and heat, then what is the sun's part in this, by reason of which the rain is said to come from the sun?
AI translation rendered from the Sanskrit, not a published edition
ViP 2 11.5
विवस्वान् उदितो मध्ये यात्य् अस्तम् इति किं जनः ब्रवीत्य् एतत् समं कर्म यदि सप्तगणस्य तत् ॥
vivasvān udito madhye yāty astam iti kiṃ janaḥ bravīty etat samaṃ karma yadi saptagaṇasya tat //
Why do people say "the sun has risen, he goes to the middle (of the sky), he sets," if that work belongs equally to the group of seven?
AI translation rendered from the Sanskrit, not a published edition
ViP 2 11.6
मैत्रेय श्रूयताम् एतद् यद् भवान् परिपृच्छति यथा सप्तगणे ऽप्य् एकः प्राधान्येनाधिको रविः ॥
maitreya śrūyatām etad yad bhavān paripṛcchati yathā saptagaṇe 'py ekaḥ prādhānyenādhiko raviḥ //
Maitreya, hear this that you ask, how even within the group of seven the sun alone is superior in pre-eminence.
AI translation rendered from the Sanskrit, not a published edition
ViP 2 11.7
या तु शक्तिः परा विष्णोर् ऋग्यजुःसामसंज्ञिता सैषा त्रयी तपत्य् अंहो जगतश् च हिनस्ति यत् ॥
yā tu śaktiḥ parā viṣṇor ṛgyajuḥsāmasaṃjñitā saiṣā trayī tapaty aṃho jagataś ca hinasti yat //
That supreme power of Viṣṇu which is named Ṛg, Yajus, and Sāman—that very triple Veda gives heat, and destroys the sin of the world.
AI translation rendered from the Sanskrit, not a published edition
ViP 2 11.8
सैष विष्णुः स्थितः स्थित्यां जगतः पालनोद्यतः ऋग्यजुःसामभूतो ऽन्तः सवितुर् द्विज तिष्ठति ॥
saiṣa viṣṇuḥ sthitaḥ sthityāṃ jagataḥ pālanodyataḥ ṛgyajuḥsāmabhūto 'ntaḥ savitur dvija tiṣṭhati //
This same Viṣṇu, established in the (state of) maintenance, intent on protecting the world, being (composed of) Ṛg, Yajus, and Sāman, abides within the sun, O twice-born.
AI translation rendered from the Sanskrit, not a published edition
ViP 2 11.9
मासि मासि रविर् यो यस् तत्र तत्र हि सा परा त्रयीमयी विष्णुशक्तिर् अवस्थानं करोति वै ॥
māsi māsi ravir yo yas tatra tatra hi sā parā trayīmayī viṣṇuśaktir avasthānaṃ karoti vai //
Whichever sun (presides) in each month, there indeed that supreme power of Viṣṇu, consisting of the triple Veda, takes up its station.
AI translation rendered from the Sanskrit, not a published edition
ViP 2 11.10
ऋचस् तपन्ति पूर्वाह्णे मध्याह्ने च यजूंष्य् अथ बृहद्रथन्तरादीनि सामान्य् अह्नः क्षये रवौ ॥
ṛcas tapanti pūrvāhṇe madhyāhne ca yajūṃṣy atha bṛhadrathantarādīni sāmāny ahnaḥ kṣaye ravau //
The Ṛc verses give heat in the forenoon, and at midday the Yajus formulas, and at the close of day the Sāmans beginning with Bṛhad and Rathantara, in the sun.
AI translation rendered from the Sanskrit, not a published edition
ViP 2 11.11
अंश एषा त्रयी विष्णोर् ऋग्यजुःसामसंज्ञिता विष्णुशक्तिर् अवस्थानं सदादित्ये करोति सा ॥
aṃśa eṣā trayī viṣṇor ṛgyajuḥsāmasaṃjñitā viṣṇuśaktir avasthānaṃ sadāditye karoti sā //
This triple Veda, named Ṛg, Yajus, and Sāman, is a portion of Viṣṇu; that power of Viṣṇu always takes up its station in the sun.
AI translation rendered from the Sanskrit, not a published edition
ViP 2 11.12
न केवलं रवेः शक्तिर् वैष्णवी सा त्रयीमयी ब्रह्माथ पुरुषो रुद्रस् त्रयम् एतत् त्रयीमयम् ॥
na kevalaṃ raveḥ śaktir vaiṣṇavī sā trayīmayī brahmātha puruṣo rudras trayam etat trayīmayam //
Not only is that Vaiṣṇava power consisting of the triple Veda the power of the sun: Brahmā, then Puruṣa (Viṣṇu), and Rudra—this triad too consists of the triple Veda.
AI translation rendered from the Sanskrit, not a published edition
ViP 2 11.13
सर्गादौ ऋङ्मयो ब्रह्मा स्थितौ विष्णुर् यजुर्मयः रुद्रः साममयो ऽन्ताय तस्मात् तस्याशुचिर् ध्वनिः ॥
sargādau ṛṅmayo brahmā sthitau viṣṇur yajurmayaḥ rudraḥ sāmamayo 'ntāya tasmāt tasyāśucir dhvaniḥ //
At the beginning of creation Brahmā is made of the Ṛc; in maintenance Viṣṇu is made of the Yajus; Rudra, made of the Sāman, is for the end—therefore its (the Sāman's) sound is impure.
AI translation rendered from the Sanskrit, not a published edition
ViP 2 11.14
एवं सा सात्त्विकी शक्तिर् वैष्णवी या त्रयीमयी आत्मसप्तगणस्थं तं भास्वन्तम् अधितिष्ठति ॥
evaṃ sā sāttvikī śaktir vaiṣṇavī yā trayīmayī ātmasaptagaṇasthaṃ taṃ bhāsvantam adhitiṣṭhati //
Thus that sāttvika Vaiṣṇava power, which consists of the triple Veda, presides over that shining one who stands amid the group of seven that are his own selves.
AI translation rendered from the Sanskrit, not a published edition
ViP 2 11.15
तया चाधिष्ठितः सो ऽपि जाज्वलीति स्वरश्मिभिः तमः समस्तजगतां नाशं नयति चाखिलम् ॥
tayā cādhiṣṭhitaḥ so 'pi jājvalīti svaraśmibhiḥ tamaḥ samastajagatāṃ nāśaṃ nayati cākhilam //
And presided over by her, he too blazes with his own rays and brings the whole darkness of all the worlds to destruction.
AI translation rendered from the Sanskrit, not a published edition
ViP 2 11.16
स्तुवन्ति तं वै मुनयो गन्धर्वैर् गीयते पुरः नृत्यन्त्य् अप्सरसो यान्ति तस्य चानु निशाचराः ॥
stuvanti taṃ vai munayo gandharvair gīyate puraḥ nṛtyanty apsaraso yānti tasya cānu niśācarāḥ //
The sages praise him, the gandharvas sing before him, the apsarases dance, and the night-wanderers go after him.
AI translation rendered from the Sanskrit, not a published edition
ViP 2 11.17
वहन्ति पन्नगा यक्षैः क्रियते ऽभीषुसंग्रहः वालखिल्यास् तथैवैनं परिवार्य समासते ॥
vahanti pannagā yakṣaiḥ kriyate 'bhīṣusaṃgrahaḥ vālakhilyās tathaivainaṃ parivārya samāsate //
Serpents carry (the chariot), the reins are gathered up by the yakṣas, and likewise the Vālakhilyas sit surrounding him.
AI translation rendered from the Sanskrit, not a published edition
ViP 2 11.18
नोदेता नास्तमेता च कदाचिच् छक्तिरूपधृक् विष्णुर् विष्णोः पृथक् तस्य गणः सप्तविधो ऽप्य् अयम् ॥
nodetā nāstametā ca kadācic chaktirūpadhṛk viṣṇur viṣṇoḥ pṛthak tasya gaṇaḥ saptavidho 'py ayam //
Viṣṇu, who wears the form of power, never rises nor ever sets; this sevenfold company is Viṣṇu's, (yet) distinct from him.
AI translation rendered from the Sanskrit, not a published edition
ViP 2 11.19
स्तम्भस्थदर्पणस्यैति यो ऽयम् आसन्नतां नरः छायादर्शनसंयोगं स संप्राप्नोत्य् अथात्मनः ॥
stambhasthadarpaṇasyaiti yo 'yam āsannatāṃ naraḥ chāyādarśanasaṃyogaṃ sa saṃprāpnoty athātmanaḥ //
Just as a man who comes into the vicinity of a mirror fixed on a pillar thereupon obtains the sight of his own reflection in it,
AI translation rendered from the Sanskrit, not a published edition
ViP 2 11.20
एवं सा वैष्णवी शक्तिर् नैवापैति ततो द्विज मासानुमासं भास्वन्तम् अध्यास्ते तत्र संस्थितम् ॥
evaṃ sā vaiṣṇavī śaktir naivāpaiti tato dvija māsānumāsaṃ bhāsvantam adhyāste tatra saṃsthitam //
even so, O twice-born, that power of Viṣṇu does not depart from there; month after month it abides over the sun stationed there.
AI translation rendered from the Sanskrit, not a published edition
ViP 2 11.21
पितृदेवमनुष्यादीन् स सदाप्याययन् प्रभुः परिवर्तत्य् अहोरात्रकारणं सविता द्विज ॥
pitṛdevamanuṣyādīn sa sadāpyāyayan prabhuḥ parivartaty ahorātrakāraṇaṃ savitā dvija //
Ever nourishing the fathers, the gods, men and the rest, that lord Savitṛ, the cause of day and night, revolves, O twice-born.
AI translation rendered from the Sanskrit, not a published edition
ViP 2 11.22
सूर्यरश्मिः सुषुम्णो यस् तर्पितस् तेन चन्द्रमाः कृष्णपक्षे ऽमरैः शश्वत् पीयते वै सुधामयः ॥
sūryaraśmiḥ suṣumṇo yas tarpitas tena candramāḥ kṛṣṇapakṣe 'maraiḥ śaśvat pīyate vai sudhāmayaḥ //
There is a ray of the sun called Suṣumṇa, by which the moon is replenished; in the dark fortnight the moon, made of nectar, is continually drunk by the immortals.
AI translation rendered from the Sanskrit, not a published edition
ViP 2 11.23
पीतं तं द्विकलं सोमं कृष्णपक्षक्षये द्विज पिबन्ति पितरस् तेषां भास्करात् तर्पणं तथा ॥
pītaṃ taṃ dvikalaṃ somaṃ kṛṣṇapakṣakṣaye dvija pibanti pitaras teṣāṃ bhāskarāt tarpaṇaṃ tathā //
That soma, drunk (by them) and left with two digits at the waning-end of the dark fortnight, O twice-born, the fathers drink; and their replenishment likewise comes from the sun.
AI translation rendered from the Sanskrit, not a published edition
ViP 2 11.24
आदत्ते रश्मिभिर् यं तु क्षितिसंस्थं रसं रविः तम् उत्सृजति भूतानां पुष्ट्यर्थं सस्यवृद्धये ॥
ādatte raśmibhir yaṃ tu kṣitisaṃsthaṃ rasaṃ raviḥ tam utsṛjati bhūtānāṃ puṣṭyarthaṃ sasyavṛddhaye //
But the sap that lies in the earth, which the sun takes up with his rays, that he sends forth again for the nourishment of beings, for the growth of crops.
AI translation rendered from the Sanskrit, not a published edition
ViP 2 11.25
तेन प्रीणात्य् अशेषाणि भूतानि भगवान् रविः पितृदेवमनुष्यादीन् एवम् आप्याययत्य् असौ ॥
tena prīṇāty aśeṣāṇi bhūtāni bhagavān raviḥ pitṛdevamanuṣyādīn evam āpyāyayaty asau //
By that the lord sun gladdens all beings without exception; thus does he nourish the fathers, the gods, men and the rest.
AI translation rendered from the Sanskrit, not a published edition
ViP 2 11.26
पक्षतृप्तिं तु देवानां पितॄणां चैव मासिकीम् शश्वत् तृप्तिं च मर्त्यानां मैत्रेयार्कः प्रयच्छति ॥
pakṣatṛptiṃ tu devānāṃ pitṝṇāṃ caiva māsikīm śaśvat tṛptiṃ ca martyānāṃ maitreyārkaḥ prayacchati //
Fortnightly satisfaction to the gods, and monthly to the fathers, and continual satisfaction to mortals — this, Maitreya, the sun bestows.
AI translation rendered from the Sanskrit, not a published edition