Vishnu Purana — Amsha 2 — Chapter 10
ViP 2 10.1
अशीतिमण्डलशतं काष्ठयोर् अन्तरं द्वयोः आरोहणावरोहाभ्यां भानोर् अब्देन या गतिः ॥
aśītimaṇḍalaśataṃ kāṣṭhayor antaraṃ dvayoḥ ārohaṇāvarohābhyāṃ bhānor abdena yā gatiḥ //
One hundred and eighty circuits (make up) the interval between the two extreme points (of the solstices), which is the course of the sun in a year by its ascent and descent.
AI translation rendered from the Sanskrit, not a published edition — the model flagged this verse as uncertain
ViP 2 10.2
स रथो ऽधिष्ठितो देवैर् आदित्यै ऋषिभिस् तथा गन्धर्वैर् अप्सरोभिश् च ग्रामणीसर्पराक्षसैः ॥
sa ratho 'dhiṣṭhito devair ādityai ṛṣibhis tathā gandharvair apsarobhiś ca grāmaṇīsarparākṣasaiḥ //
That chariot is occupied by gods, by Ādityas, by sages, by gandharvas and apsarases, and by grāmaṇīs (yakṣa chiefs), serpents, and rākṣasas.
AI translation rendered from the Sanskrit, not a published edition
ViP 2 10.3
धाता कृतस्थला चैव पुलस्त्यो वासुकिस् तथा रथकृद् ग्रामणीर् हेतिस् तुम्बुरुश् चैव सप्तमः ॥
dhātā kṛtasthalā caiva pulastyo vāsukis tathā rathakṛd grāmaṇīr hetis tumburuś caiva saptamaḥ //
Dhātṛ, and Kṛtasthalā, Pulastya and Vāsuki, Rathakṛt the grāmaṇī, Heti, and Tumburu as the seventh —
AI translation rendered from the Sanskrit, not a published edition
ViP 2 10.4
एते वसन्ति वै चैत्रे मधुमासे सदैव हि मैत्रेय स्यन्दने भानोः सप्त मासाधिकारिणः ॥
ete vasanti vai caitre madhumāse sadaiva hi maitreya syandane bhānoḥ sapta māsādhikāriṇaḥ //
these seven, O Maitreya, dwell always in the sun's chariot in Caitra, the month of Madhu, as the officiants of that month.
AI translation rendered from the Sanskrit, not a published edition
ViP 2 10.5
अर्यमा पुलहश् चैव रथौजाः पुञ्जिकस्थला प्रहेतिः कच्छनीरश् च नारदश् च रथे रवेः ॥
aryamā pulahaś caiva rathaujāḥ puñjikasthalā prahetiḥ kacchanīraś ca nāradaś ca rathe raveḥ //
Aryaman and Pulaha, Rathaujas, Puñjikasthalā, Praheti, Kacchanīra, and Nārada in the chariot of the sun —
AI translation rendered from the Sanskrit, not a published edition
ViP 2 10.6
माधवे निवसन्त्य् एते शुचिसंज्ञे निबोध मे ॥
mādhave nivasanty ete śucisaṃjñe nibodha me //
these dwell (there) in Mādhava (Vaiśākha); learn from me (those) in the month named Śuci.
AI translation rendered from the Sanskrit, not a published edition
ViP 2 10.7
मित्रो ऽत्रिस् तक्षको रक्षः पौरुषेयो ऽथ मेनका हाहा रथस्वनश् चैव मैत्रेयैते वसन्ति वै ॥
mitro 'tris takṣako rakṣaḥ pauruṣeyo 'tha menakā hāhā rathasvanaś caiva maitreyaite vasanti vai //
Mitra, Atri, Takṣaka, the rākṣasa Pauruṣeya, then Menakā, Hāhā, and Rathasvana — these, O Maitreya, dwell (there).
AI translation rendered from the Sanskrit, not a published edition
ViP 2 10.8
वरुणो वसिष्ठो रम्भा सहजन्या हुहू रथः रथचित्रस् तथा शुक्रे वसन्त्य् आषाढसंज्ञिते ॥
varuṇo vasiṣṭho rambhā sahajanyā huhū rathaḥ rathacitras tathā śukre vasanty āṣāḍhasaṃjñite //
Varuṇa, Vasiṣṭha, Rambhā, Sahajanyā, Huhū, Ratha, and Rathacitra dwell in Śukra, the month named Āṣāḍha.
AI translation rendered from the Sanskrit, not a published edition
ViP 2 10.9
इन्द्रो विश्वावसुः स्रोत एलापत्रस् तथाङ्गिराः प्रम्लोचा च नभस्य् एते सर्पश् चार्के वसन्ति वै ॥
indro viśvāvasuḥ srota elāpatras tathāṅgirāḥ pramlocā ca nabhasy ete sarpaś cārke vasanti vai //
Indra, Viśvāvasu, Srota, Elāpatra, Aṅgiras, and Pramlocā — these, and the serpent, dwell in the sun in Nabhas (Śrāvaṇa).
AI translation rendered from the Sanskrit, not a published edition
ViP 2 10.10
विवस्वान् उग्रसेनश् च भृगुर् आपूरणस् तथा उम्लोचा शङ्खपालश् च व्याघ्रो भाद्रपदे तथा ॥
vivasvān ugrasenaś ca bhṛgur āpūraṇas tathā umlocā śaṅkhapālaś ca vyāghro bhādrapade tathā //
Vivasvat and Ugrasena, Bhṛgu and Āpūraṇa, Umlocā, Śaṅkhapāla, and Vyāghra likewise in Bhādrapada.
AI translation rendered from the Sanskrit, not a published edition
ViP 2 10.11
पूषा च सुरुचिर् वातो गौतमो ऽथ धनंजयः सुषेणो ऽन्यो घृताची च वसन्त्य् आश्वयुजे रवौ ॥
pūṣā ca surucir vāto gautamo 'tha dhanaṃjayaḥ suṣeṇo 'nyo ghṛtācī ca vasanty āśvayuje ravau //
Pūṣan and Suruci, Vāta, Gautama, Dhanaṃjaya, another, Suṣeṇa, and Ghṛtācī dwell in the sun in Āśvayuja.
AI translation rendered from the Sanskrit, not a published edition
ViP 2 10.12
विश्वावसुर् भरद्वाजः पर्जन्यैरावतौ तथा विश्वाची सेनजिच् चापि कार्त्तिके चाधिकारिणः ॥
viśvāvasur bharadvājaḥ parjanyairāvatau tathā viśvācī senajic cāpi kārttike cādhikāriṇaḥ //
Viśvāvasu, Bharadvāja, Parjanya and Airāvata, Viśvācī and Senajit are the officiants in Kārttika.
AI translation rendered from the Sanskrit, not a published edition
ViP 2 10.13
अंशुकाश्यपतार्क्ष्यास् तु महापद्मस् तथोर्वशी चित्रसेनस् तथा विद्युन् मार्गशीर्षाधिकारिणः ॥
aṃśukāśyapatārkṣyās tu mahāpadmas tathorvaśī citrasenas tathā vidyun mārgaśīrṣādhikāriṇaḥ //
Aṃśu, Kāśyapa, and Tārkṣya, Mahāpadma, Urvaśī, Citrasena, and Vidyut are the officiants of Mārgaśīrṣa.
AI translation rendered from the Sanskrit, not a published edition
ViP 2 10.14
क्रतुर् भगस् तथोर्णायुः स्फूर्जः कर्कोटकस् तथा अरिष्टनेमिश् चैवान्या पूर्वचित्तिर् वराप्सराः ॥
kratur bhagas tathorṇāyuḥ sphūrjaḥ karkoṭakas tathā ariṣṭanemiś caivānyā pūrvacittir varāpsarāḥ //
Kratu, Bhaga, Ūrṇāyu, Sphūrja, Karkoṭaka, Ariṣṭanemi, and the other, Pūrvacitti, the excellent apsaras —
AI translation rendered from the Sanskrit, not a published edition
ViP 2 10.15
पौषमासे वसन्त्य् एते सप्त भास्करमण्डले लोकप्रकाशनार्थाय विप्रवर्याधिकारिणः ॥
pauṣamāse vasanty ete sapta bhāskaramaṇḍale lokaprakāśanārthāya vipravaryādhikāriṇaḥ //
these seven dwell in the month of Pauṣa in the sun's orb, as officiants, O best of brahmins, for the illumination of the world.
AI translation rendered from the Sanskrit, not a published edition
ViP 2 10.16
त्वष्टा च जमदग्निश् च कम्बलो ऽथ तिलोत्तमा ब्रह्मापेतो ऽथ ऋतजिद् धृतराष्ट्रश् च सप्तमः ॥
tvaṣṭā ca jamadagniś ca kambalo 'tha tilottamā brahmāpeto 'tha ṛtajid dhṛtarāṣṭraś ca saptamaḥ //
Tvaṣṭṛ and Jamadagni, Kambala, Tilottamā, Brahmāpeta, Ṛtajit, and Dhṛtarāṣṭra as the seventh —
AI translation rendered from the Sanskrit, not a published edition
ViP 2 10.17
माघमासे वसन्त्य् एते सप्त मैत्रेय भास्करे श्रूयतां चापरे सूर्ये फाल्गुने निवसन्ति ये ॥
māghamāse vasanty ete sapta maitreya bhāskare śrūyatāṃ cāpare sūrye phālgune nivasanti ye //
these seven, O Maitreya, dwell in the sun in the month of Māgha; and hear of the others who dwell in the sun in Phālguna.
AI translation rendered from the Sanskrit, not a published edition
ViP 2 10.18
विष्णुर् अश्वतरो रम्भा सूर्यवर्चाश् च सत्यजित् विश्वामित्रस् तथा रक्षो यज्ञोपेतो महामुने ॥
viṣṇur aśvataro rambhā sūryavarcāś ca satyajit viśvāmitras tathā rakṣo yajñopeto mahāmune //
Viṣṇu, Aśvatara, Rambhā, and Sūryavarcas, Satyajit, Viśvāmitra, and also the rākṣasa Yajñopeta, O great sage.
AI translation rendered from the Sanskrit, not a published edition
ViP 2 10.19
मासेष्व् एतेषु मैत्रेय वसन्त्य् एते तु सप्तकाः सवितुर् मण्डले ब्रह्मन् विष्णुशक्त्युपबृंहिताः ॥
māseṣv eteṣu maitreya vasanty ete tu saptakāḥ savitur maṇḍale brahman viṣṇuśaktyupabṛṃhitāḥ //
In these months, Maitreya, these groups of seven dwell in the orb of the sun, O brahmin, sustained by the power of Viṣṇu.
AI translation rendered from the Sanskrit, not a published edition
ViP 2 10.20
स्तुवन्ति मुनयः सूर्यं गन्धर्वैर् गीयते पुरः नृत्यन्त्य् अप्सरसो यान्ति सूर्यस्यानु निशाचराः ॥
stuvanti munayaḥ sūryaṃ gandharvair gīyate puraḥ nṛtyanty apsaraso yānti sūryasyānu niśācarāḥ //
The sages praise the sun, in front (of him) the gandharvas sing, the apsarases dance, and the night-roamers (rākṣasas) go behind the sun.
AI translation rendered from the Sanskrit, not a published edition
ViP 2 10.21
वहन्ति पन्नगा यक्षैः क्रियते ऽभीषुसंग्रहः ॥
vahanti pannagā yakṣaiḥ kriyate 'bhīṣusaṃgrahaḥ //
The serpents draw (the chariot); by the yakṣas the holding of the reins is done.
AI translation rendered from the Sanskrit, not a published edition
ViP 2 10.22
वालखिल्यास् तथैवैनं परिवार्य समासते ॥
vālakhilyās tathaivainaṃ parivārya samāsate //
And likewise the Vālakhilyas sit surrounding him.
AI translation rendered from the Sanskrit, not a published edition
ViP 2 10.23
सो ऽयं सप्तगणः सूर्यमण्डले मुनिसत्तम हिमोष्णवारिवृष्टीनां हेतुः स्वसमयं गतः ॥
so 'yaṃ saptagaṇaḥ sūryamaṇḍale munisattama himoṣṇavārivṛṣṭīnāṃ hetuḥ svasamayaṃ gataḥ //
This group of seven in the sun's orb, O best of sages, each having come to its own season, is the cause of cold, heat, water, and rains.
AI translation rendered from the Sanskrit, not a published edition