Vishnu Purana — Amsha 1 — Chapter 4
ViP 1 4.1
ब्रह्मा नारायणाख्यो ऽसौ कल्पादौ भगवान् यथा ससर्ज सर्वभूतानि तद् आचक्ष्व महामुने ॥
brahmā nārāyaṇākhyo 'sau kalpādau bhagavān yathā sasarja sarvabhūtāni tad ācakṣva mahāmune //
How did that lord Brahmā, named Nārāyaṇa, at the beginning of the kalpa create all beings? Tell that, O great sage.
AI translation rendered from the Sanskrit, not a published edition
ViP 1 4.2
प्रजाः ससर्ज भगवान् ब्रह्मा नारायणात्मकः प्रजापतिपतिर् देवो यथा तन् मे निशामय ॥
prajāḥ sasarja bhagavān brahmā nārāyaṇātmakaḥ prajāpatipatir devo yathā tan me niśāmaya //
Hear from me how the lord Brahmā, whose self is Nārāyaṇa, the god who is lord of the Prajāpatis, created the creatures.
AI translation rendered from the Sanskrit, not a published edition
ViP 1 4.3
अतीतकल्पावसाने निशासुप्तोत्थितः प्रभुः सत्त्वोद्रिक्तस् तथा ब्रह्मा शून्यं लोकम् अवैक्षत ॥
atītakalpāvasāne niśāsuptotthitaḥ prabhuḥ sattvodriktas tathā brahmā śūnyaṃ lokam avaikṣata //
At the close of the past kalpa, the lord, risen from the sleep of night, Brahmā, in whom sattva then predominated, looked upon the world (as) empty.
AI translation rendered from the Sanskrit, not a published edition
ViP 1 4.4
नारायणः परो ऽचिन्त्यः परेषाम् अपि स प्रभुः ब्रह्मस्वरूपी भगवान् अनादिः सर्वसंभवः ॥
nārāyaṇaḥ paro 'cintyaḥ pareṣām api sa prabhuḥ brahmasvarūpī bhagavān anādiḥ sarvasaṃbhavaḥ //
Nārāyaṇa is supreme, unthinkable, the lord even of those who are high; that lord, having the form of Brahmā, is beginningless, the source of all.
AI translation rendered from the Sanskrit, not a published edition
ViP 1 4.5
इमं चोदाहरन्त्य् अत्र श्लोकं नारायणं प्रति ब्रह्मस्वरूपिणं देवं जगतः प्रभवाप्ययम् ॥
imaṃ codāharanty atra ślokaṃ nārāyaṇaṃ prati brahmasvarūpiṇaṃ devaṃ jagataḥ prabhavāpyayam //
And here they cite this verse with reference to Nārāyaṇa, the god having the form of Brahman, the arising and the passing away of the world.
AI translation rendered from the Sanskrit, not a published edition
ViP 1 4.6
आपो नारा इति प्रोक्ता आपो वै नरसूनवः अयनं तस्य ताः पूर्वं तेन नारायणः स्मृतः ॥
āpo nārā iti proktā āpo vai narasūnavaḥ ayanaṃ tasya tāḥ pūrvaṃ tena nārāyaṇaḥ smṛtaḥ //
The waters are called nārāḥ; the waters are indeed the offspring of Nara; since they were formerly his resting-place (ayana), therefore he is remembered as Nārāyaṇa.
AI translation rendered from the Sanskrit, not a published edition
ViP 1 4.7
तोयान्तः स महीं ज्ञात्वा जगत्य् एकार्णवे प्रभुः अनुमानात् तदुद्धारं कर्तुकामः प्रजापतिः ॥
toyāntaḥ sa mahīṃ jñātvā jagaty ekārṇave prabhuḥ anumānāt taduddhāraṃ kartukāmaḥ prajāpatiḥ //
Knowing the earth to be within the waters, when the world was a single ocean, that lord, the Prajāpati, wishing by inference to lift it up,
AI translation rendered from the Sanskrit, not a published edition
ViP 1 4.8
अकरोत् स तनूम् अन्यां कल्पादिषु यथा पुरा मत्स्यकूर्मादिकां तद्वद् वाराहं वपुर् आस्थितः ॥
akarot sa tanūm anyāṃ kalpādiṣu yathā purā matsyakūrmādikāṃ tadvad vārāhaṃ vapur āsthitaḥ //
he assumed another body, as formerly at the beginnings of kalpas — the fish, the tortoise and the rest — and so he took on the boar's form,
AI translation rendered from the Sanskrit, not a published edition
ViP 1 4.9
वेदयज्ञमयं रूपम् अशेषजगतः स्थितौ स्थितः स्थिरात्मा सर्वात्मा परमात्मा प्रजापतिः ॥
vedayajñamayaṃ rūpam aśeṣajagataḥ sthitau sthitaḥ sthirātmā sarvātmā paramātmā prajāpatiḥ //
a form made of the Vedas and sacrifice; established for the maintenance of the entire world, he of steady self, the self of all, the supreme self, the Prajāpati —
AI translation rendered from the Sanskrit, not a published edition
ViP 1 4.10
जनलोकगतैः सिद्धैः सनकाद्यैर् अभिष्टुतः प्रविवेश तदा तोयम् आत्माधारो धराधरः ॥
janalokagataiḥ siddhaiḥ sanakādyair abhiṣṭutaḥ praviveśa tadā toyam ātmādhāro dharādharaḥ //
praised by the Siddhas dwelling in Janaloka, Sanaka and the others, he then entered the water, he who is his own support and the upholder of the earth.
AI translation rendered from the Sanskrit, not a published edition
ViP 1 4.11
निरीक्ष्य तं तदा देवी पातालतलम् आगतम् तुष्टाव प्रणता भूत्वा भक्तिनम्रा वसुंधरा ॥
nirīkṣya taṃ tadā devī pātālatalam āgatam tuṣṭāva praṇatā bhūtvā bhaktinamrā vasuṃdharā //
Then the goddess Earth, seeing him come to the floor of the netherworld, bowed down and, humble with devotion, praised him.
AI translation rendered from the Sanskrit, not a published edition
ViP 1 4.12
नमस् ते सर्वभूताय तुभ्यं शङ्खगदाधर माम् उद्धरास्माद् अद्य त्वं त्वत्तो ऽहं पूर्वम् उत्थिता ॥
namas te sarvabhūtāya tubhyaṃ śaṅkhagadādhara mām uddharāsmād adya tvaṃ tvatto 'haṃ pūrvam utthitā //
"Homage to you, who are all beings; to you, bearer of the conch and mace. Lift me up from this today — from you I formerly arose.
AI translation rendered from the Sanskrit, not a published edition
ViP 1 4.13
त्वयाहम् उद्धृता पूर्वं त्वन्मयाहं जनार्दन तथान्यानि च भूतानि गगनादीन्य् अशेषतः ॥
tvayāham uddhṛtā pūrvaṃ tvanmayāhaṃ janārdana tathānyāni ca bhūtāni gaganādīny aśeṣataḥ //
I was raised up by you before; I am made of you, Janārdana, and so too are the other elements, space and the rest, without exception.
AI translation rendered from the Sanskrit, not a published edition
ViP 1 4.14
नमस् ते परमात्मात्मन् पुरुषात्मन् नमो ऽस्तु ते प्रधानव्यक्तभूताय कालभूताय ते नमः ॥
namas te paramātmātman puruṣātman namo 'stu te pradhānavyaktabhūtāya kālabhūtāya te namaḥ //
Homage to you, Self of the supreme Self; homage to you, Self of the Puruṣa; to you who have become the unmanifest primal matter, to you who have become time, homage.
AI translation rendered from the Sanskrit, not a published edition
ViP 1 4.15
त्वं कर्ता सर्वभूतानां त्वं पाता त्वं विनाशकृत् सर्गादिषु प्रभो ब्रह्मविष्णुरुद्रात्मरूपधृक् ॥
tvaṃ kartā sarvabhūtānāṃ tvaṃ pātā tvaṃ vināśakṛt sargādiṣu prabho brahmaviṣṇurudrātmarūpadhṛk //
You are the maker of all beings, you the protector, you the one who brings destruction; at creation and the rest, O Lord, you take the forms of Brahmā, Viṣṇu and Rudra as your own selves.
AI translation rendered from the Sanskrit, not a published edition
ViP 1 4.16
संभक्षयित्वा सकलं जगत्य् एकार्णवीकृते शेषे त्वम् एव गोविन्द चिन्त्यमानो मनीषिभिः ॥
saṃbhakṣayitvā sakalaṃ jagaty ekārṇavīkṛte śeṣe tvam eva govinda cintyamāno manīṣibhiḥ //
Having devoured everything, when the world has been made a single ocean, you alone remain, Govinda, contemplated by the wise.
AI translation rendered from the Sanskrit, not a published edition
ViP 1 4.17
भवतो यत् परं रूपं तन् न जानाति कश्चन अवतारेषु यद् रूपं तद् अर्चन्ति दिवौकसः ॥
bhavato yat paraṃ rūpaṃ tan na jānāti kaścana avatāreṣu yad rūpaṃ tad arcanti divaukasaḥ //
That supreme form of yours no one knows; the form you take in your descents — that the dwellers in heaven worship.
AI translation rendered from the Sanskrit, not a published edition
ViP 1 4.18
त्वाम् आराध्य परं ब्रह्म याता मुक्तिं मुमुक्षवः वासुदेवम् अनाराध्य को मोक्षं समवाप्स्यति ॥
tvām ārādhya paraṃ brahma yātā muktiṃ mumukṣavaḥ vāsudevam anārādhya ko mokṣaṃ samavāpsyati //
Having worshipped you, the supreme Brahman, those who seek release have attained release; without worshipping Vāsudeva, who will attain liberation?
AI translation rendered from the Sanskrit, not a published edition
ViP 1 4.19
यत् किंचिन् मनसा ग्राह्यं यद् ग्राह्यं चक्षुरादिभिः बुद्ध्या च यत् परिच्छेद्यं तद् रूपम् अखिलं तव ॥
yat kiṃcin manasā grāhyaṃ yad grāhyaṃ cakṣurādibhiḥ buddhyā ca yat paricchedyaṃ tad rūpam akhilaṃ tava //
Whatever can be grasped by the mind, whatever can be grasped by the eye and the other senses, and whatever can be determined by the intellect — all that is your form.
AI translation rendered from the Sanskrit, not a published edition
ViP 1 4.20
त्वन्मयाहं त्वदाधारा त्वत्सृष्टा त्वाम् उपाश्रिता माधवीम् इति लोको ऽयम् अभिधत्ते ततो हि माम् ॥
tvanmayāhaṃ tvadādhārā tvatsṛṣṭā tvām upāśritā mādhavīm iti loko 'yam abhidhatte tato hi mām //
I am made of you, supported by you, created by you, dependent on you; therefore this world calls me Mādhavī.
AI translation rendered from the Sanskrit, not a published edition
ViP 1 4.21
जयाखिलज्ञानमय जय स्थूलमयाव्यय जयानन्त जयाव्यक्त जय व्यक्तमय प्रभो परापरात्मन् विश्वात्मञ् जय यज्ञपते ऽनघ ॥
jayākhilajñānamaya jaya sthūlamayāvyaya jayānanta jayāvyakta jaya vyaktamaya prabho parāparātman viśvātmañ jaya yajñapate 'nagha //
Hail, you who consist of all knowledge; hail, you who consist of the gross and are unchanging; hail, endless one; hail, unmanifest one; hail, you who consist of the manifest, O Lord; Self of the higher and the lower, Self of the universe, hail, lord of sacrifice, faultless one.
AI translation rendered from the Sanskrit, not a published edition
ViP 1 4.22
त्वं यज्ञस् त्वं वषट्कारस् त्वम् ॐकारस् त्वम् अग्नयः त्वं वेदास् त्वं तदङ्गानि त्वं यज्ञपुरुषो हरे ॥
tvaṃ yajñas tvaṃ vaṣaṭkāras tvam oṃkāras tvam agnayaḥ tvaṃ vedās tvaṃ tadaṅgāni tvaṃ yajñapuruṣo hare //
You are the sacrifice, you are the utterance vaṣaṭ, you are the syllable Om, you are the fires; you are the Vedas, you are their limbs, you are the Person of the sacrifice, Hari.
AI translation rendered from the Sanskrit, not a published edition
ViP 1 4.23
सूर्यादयो ग्रहास् तारा नक्षत्राण्य् अखिलानि च मूर्तामूर्तम् अदृश्यं च दृश्यं च पुरुषोत्तम ॥
sūryādayo grahās tārā nakṣatrāṇy akhilāni ca mūrtāmūrtam adṛśyaṃ ca dṛśyaṃ ca puruṣottama //
The sun and the other planets, the stars and all the lunar mansions, the formed and the formless, the invisible and the visible (are you), best of persons.
AI translation rendered from the Sanskrit, not a published edition
ViP 1 4.24
यच् चोक्तं यच् च नैवोक्तं मयात्र परमेश्वर तत् सर्वं त्वं नमस् तुभ्यं भूयो भूयो नमो नमः ॥
yac coktaṃ yac ca naivoktaṃ mayātra parameśvara tat sarvaṃ tvaṃ namas tubhyaṃ bhūyo bhūyo namo namaḥ //
What I have said here and what I have not said, supreme Lord — all that you are. Homage to you; again and again, homage, homage.
AI translation rendered from the Sanskrit, not a published edition
ViP 1 4.25
एवं संस्तूयमानस् तु पृथिव्या पृथिवीधरः सामस्वरध्वनिः श्रीमाञ् जगर्ज परिघर्घरम् ॥
evaṃ saṃstūyamānas tu pṛthivyā pṛthivīdharaḥ sāmasvaradhvaniḥ śrīmāñ jagarja parighargharam //
Thus praised by the Earth, the glorious bearer of the earth, whose sound was the tone of the Sāman chants, roared out with a deep rumbling.
AI translation rendered from the Sanskrit, not a published edition
ViP 1 4.26
ततः समुत्क्षिप्य धरां स्वदंष्ट्रया महावराहः स्फुटपद्मलोचनः रसातलाद् उत्पलपत्रसंनिभः समुत्थितो नील इवाचलो महान् ॥
tataḥ samutkṣipya dharāṃ svadaṃṣṭrayā mahāvarāhaḥ sphuṭapadmalocanaḥ rasātalād utpalapatrasaṃnibhaḥ samutthito nīla ivācalo mahān //
Then the great Boar, his eyes like opened lotuses, lifting up the earth with his tusk, rose from the depths, resembling a blue lotus petal, like a great dark mountain.
AI translation rendered from the Sanskrit, not a published edition
ViP 1 4.27
उत्तिष्ठता तेन मुखानिलाहतं तत्संप्लवाम्भो जनलोकसंश्रयान् सनन्दनादीन् अपकल्मषान् मुनीन् चकार भूयो ऽपि पवित्रतास्पदम् ॥
uttiṣṭhatā tena mukhānilāhataṃ tatsaṃplavāmbho janalokasaṃśrayān sanandanādīn apakalmaṣān munīn cakāra bhūyo 'pi pavitratāspadam //
As he rose, the water of that flood, struck by the wind of his mouth, made the sages Sanandana and the others, dwelling in the Jana world, spotless as they were, once again a seat of purity.
AI translation rendered from the Sanskrit, not a published edition — the model flagged this verse as uncertain
ViP 1 4.28
प्रयान्ति तोयानि खुराग्रविक्षते रसातले ऽधः कृतशब्दसंततम् श्वासानिलार्ताः परितः प्रयान्ति सिद्धा जने ये नियतं वसन्ति ॥
prayānti toyāni khurāgravikṣate rasātale 'dhaḥ kṛtaśabdasaṃtatam śvāsānilārtāḥ paritaḥ prayānti siddhā jane ye niyataṃ vasanti //
The waters go down to the netherworld, torn open by the tips of his hooves, with a continuous noise made below; pained by the wind of his breath, the Siddhas who dwell fixedly in the Jana world go about on every side.
AI translation rendered from the Sanskrit, not a published edition — the model flagged this verse as uncertain
ViP 1 4.29
उत्तिष्ठतस् तस्य जलार्द्रकुक्षेर् महावराहस्य महीं विगृह्य विधुन्वतो वेदमयं शरीरं रोमान्तरस्था मुनयः स्तुवन्ति ॥
uttiṣṭhatas tasya jalārdrakukṣer mahāvarāhasya mahīṃ vigṛhya vidhunvato vedamayaṃ śarīraṃ romāntarasthā munayaḥ stuvanti //
As the great Boar, his belly wet with water, rose up having seized the earth and shook his body that is made of the Vedas, the sages who stood between his bristles praised him.
AI translation rendered from the Sanskrit, not a published edition
ViP 1 4.30
तं तुष्टुवुस् तोषपरीतचेतसो लोके जने ये निवसन्ति योगिनः सनन्दनाद्या नतिनम्रकन्धरा धराधरं धीरतरोद्धतेक्षणम् ॥
taṃ tuṣṭuvus toṣaparītacetaso loke jane ye nivasanti yoginaḥ sanandanādyā natinamrakandharā dharādharaṃ dhīrataroddhatekṣaṇam //
The yogins who dwell in the Jana world, Sanandana and the others, their minds filled with delight, their necks bent in obeisance, praised him, the bearer of the earth, whose gaze was raised and most steady.
AI translation rendered from the Sanskrit, not a published edition
ViP 1 4.31
जयेश्वराणां परमेश केशव प्रभो गदाशङ्खधरासिचक्रधृक् प्रसूतिनाशस्थितिहेतुर् ईश्वरस् त्वम् एव नान्यत् परमं च यत् पदम् ॥
jayeśvarāṇāṃ parameśa keśava prabho gadāśaṅkhadharāsicakradhṛk prasūtināśasthitihetur īśvaras tvam eva nānyat paramaṃ ca yat padam //
Victory (to you), lord of lords, supreme ruler, Keśava, master, bearer of mace and conch, wielder of sword and discus! You alone are the cause of (the world's) coming forth, destruction and continuance, the Lord; there is nothing else, and (you are) that supreme station.
AI translation rendered from the Sanskrit, not a published edition
ViP 1 4.32
पादेषु वेदास् तव यूपदंष्ट्र दन्तेषु यज्ञाश् चितयश् च वक्त्रे हुताशजिह्वो ऽसि तनूरुहाणि दर्भाः प्रभो यज्ञपुमांस् त्वम् एव ॥
pādeṣu vedās tava yūpadaṃṣṭra danteṣu yajñāś citayaś ca vaktre hutāśajihvo 'si tanūruhāṇi darbhāḥ prabho yajñapumāṃs tvam eva //
The Vedas are in your feet, O you whose tusks are sacrificial posts; the sacrifices are in your teeth, and the funeral pyres in your mouth; your tongue is fire, the hairs of your body are darbha grass; O lord, you yourself are the Sacrifice-Person.
AI translation rendered from the Sanskrit, not a published edition
ViP 1 4.33
विलोचने रात्र्यहनी महात्मन् सर्वास्पदं ब्रह्म परं शिरस् ते सूक्तान्य् अशेषाणि सटाकलापो घ्राणं समस्तानि हवींषि देव ॥
vilocane rātryahanī mahātman sarvāspadaṃ brahma paraṃ śiras te sūktāny aśeṣāṇi saṭākalāpo ghrāṇaṃ samastāni havīṃṣi deva //
Your two eyes are night and day, great-souled one; your head is the supreme Brahman, the seat of all; the mass of your mane is all the hymns, your nose is all the oblations, O god.
AI translation rendered from the Sanskrit, not a published edition
ViP 1 4.34
स्रुक्तुण्ड सामस्वरधीरनाद प्राग्वंशकायाखिलसत्रसंधे पूर्तेष्टधर्मश्रवणो ऽसि देव सनातनात्मन् भगवन् प्रसीद ॥
sruktuṇḍa sāmasvaradhīranāda prāgvaṃśakāyākhilasatrasaṃdhe pūrteṣṭadharmaśravaṇo 'si deva sanātanātman bhagavan prasīda //
O you whose snout is the sacrificial ladle, whose deep sound is the melody of the Sāman, whose body is the sacrificial hall (prāgvaṃśa), the joining together of all the soma-rites; your hearing is the merit of well-dug (wells), of sacrifices, and of duty, O god; eternal Self, Blessed One, be gracious.
AI translation rendered from the Sanskrit, not a published edition — the model flagged this verse as uncertain
ViP 1 4.35
पदक्रमाक्रान्तम् अनन्तम् आदि स्थितं त्वम् एवाक्षर विश्वमूर्ते विश्वस्य विद्मः परमेश्वरो ऽसि प्रसीद नाथो ऽसि चराचरस्य ॥
padakramākrāntam anantam ādi sthitaṃ tvam evākṣara viśvamūrte viśvasya vidmaḥ parameśvaro 'si prasīda nātho 'si carācarasya //
You alone are the one entered upon by the sequence of (Vedic) words, endless, the beginning, the abiding one, O imperishable one whose form is the universe; we know you are the supreme Lord of the universe. Be gracious; you are the master of what moves and what does not.
AI translation rendered from the Sanskrit, not a published edition
ViP 1 4.36
दंष्ट्राग्रविन्यस्तम् अशेषम् एतद् भूमण्डलं नाथ विभाव्यते ते विगाहतः पद्मवनं विलग्नं सरोजिनीपत्रम् इवोढपङ्कम् ॥
daṃṣṭrāgravinyastam aśeṣam etad bhūmaṇḍalaṃ nātha vibhāvyate te vigāhataḥ padmavanaṃ vilagnaṃ sarojinīpatram ivoḍhapaṅkam //
This whole circle of the earth, set upon the tip of your tusk, appears, O lord, as you emerge — like a lotus leaf clinging with mud borne upon it, from a lotus-thicket.
AI translation rendered from the Sanskrit, not a published edition
ViP 1 4.37
द्यावापृथिव्योर् अतुलप्रभाव यद् अन्तरं तद् वपुषा तवैव व्याप्तं जगद् व्याप्तिसमर्थदीप्ते हिताय विश्वस्य विभो भव त्वम् ॥
dyāvāpṛthivyor atulaprabhāva yad antaraṃ tad vapuṣā tavaiva vyāptaṃ jagad vyāptisamarthadīpte hitāya viśvasya vibho bhava tvam //
O you of unequalled might, whatever lies between heaven and earth, that world is pervaded by your body alone; O you who shine with power to pervade, be for the welfare of the universe, O pervading lord.
AI translation rendered from the Sanskrit, not a published edition
ViP 1 4.38
परमार्थस् त्वम् एवैको नान्यो ऽस्ति जगतः पते तवैष महिमा येन व्याप्तम् एतच् चराचरम् ॥
paramārthas tvam evaiko nānyo 'sti jagataḥ pate tavaiṣa mahimā yena vyāptam etac carācaram //
You alone are the highest reality; there is no other, O lord of the world. This is your greatness, by which this (whole world of the) moving and unmoving is pervaded.
AI translation rendered from the Sanskrit, not a published edition
ViP 1 4.39
यद् एतद् दृश्यते मूर्तम् एतज् ज्ञानात्मनस् तव भ्रान्तिज्ञानेन पश्यन्ति जगद्रूपम् अयोगिनः ॥
yad etad dṛśyate mūrtam etaj jñānātmanas tava bhrāntijñānena paśyanti jagadrūpam ayoginaḥ //
This embodied (form) which is seen is (a form) of you whose nature is knowledge; through erroneous knowledge those who are not yogins see (it as) having the form of the world.
AI translation rendered from the Sanskrit, not a published edition
ViP 1 4.40
ज्ञानस्वरूपम् अखिलं जगद् एतद् अबुद्धयः अर्थस्वरूपं पश्यन्तो भ्राम्यन्ते मोहसंप्लवे ॥
jñānasvarūpam akhilaṃ jagad etad abuddhayaḥ arthasvarūpaṃ paśyanto bhrāmyante mohasaṃplave //
This whole world has knowledge for its nature; the unintelligent, seeing it as having objects for its nature, wander about in the flood of delusion.
AI translation rendered from the Sanskrit, not a published edition
ViP 1 4.41
ये तु ज्ञानविदः शुद्धचेतसस् ते ऽखिलं जगत् ज्ञानात्मकं प्रपश्यन्ति त्वद्रूपं परमेश्वर ॥
ye tu jñānavidaḥ śuddhacetasas te 'khilaṃ jagat jñānātmakaṃ prapaśyanti tvadrūpaṃ parameśvara //
But those who know knowledge, whose minds are pure, see the whole world as consisting of knowledge, as your form, O supreme Lord.
AI translation rendered from the Sanskrit, not a published edition
ViP 1 4.42
प्रसीद सर्वसर्वात्मन् भवाय जगताम् इमाम् उद्धरोर्वीम् अमेयात्मञ् शं नो देह्य् अब्जलोचन ॥
prasīda sarvasarvātman bhavāya jagatām imām uddharorvīm ameyātmañ śaṃ no dehy abjalocana //
Be gracious, Self of all in all; for the existence of the worlds, raise up this earth, O you of immeasurable self; grant us well-being, lotus-eyed one.
AI translation rendered from the Sanskrit, not a published edition
ViP 1 4.43
सत्त्वोद्रिक्तो ऽसि भगवन् गोविन्द पृथिवीम् इमाम् समुद्धर भवायेश शं नो देह्य् अब्जलोचन ॥
sattvodrikto 'si bhagavan govinda pṛthivīm imām samuddhara bhavāyeśa śaṃ no dehy abjalocana //
You abound in sattva, Blessed One, Govinda; lift up this earth for (the world's) existence, O lord; grant us well-being, lotus-eyed one.
AI translation rendered from the Sanskrit, not a published edition
ViP 1 4.44
सर्गप्रवृत्तिर् भवतो जगताम् उपकारिणी भवत्व् एषा नमस् ते ऽस्तु शं नो देह्य् अब्जलोचन ॥
sargapravṛttir bhavato jagatām upakāriṇī bhavatv eṣā namas te 'stu śaṃ no dehy abjalocana //
May this activity of creation of yours be of benefit to the worlds; homage be to you; grant us well-being, lotus-eyed one.
AI translation rendered from the Sanskrit, not a published edition
ViP 1 4.45
एवं संस्तूयमानस् तु परमात्मा महीधरः उज्जहार क्षितिं क्षिप्रं न्यस्तवांश् च महार्णवे ॥
evaṃ saṃstūyamānas tu paramātmā mahīdharaḥ ujjahāra kṣitiṃ kṣipraṃ nyastavāṃś ca mahārṇave //
Thus praised, the supreme Self, the upholder of the earth, quickly raised the earth up and set it upon the great ocean.
AI translation rendered from the Sanskrit, not a published edition
ViP 1 4.46
तस्योपरि जलौघस्य महती नौर् इव स्थिता विततत्वात् तु देहस्य न मही याति संप्लवम् ॥
tasyopari jalaughasya mahatī naur iva sthitā vitatatvāt tu dehasya na mahī yāti saṃplavam //
Upon that mass of water it stood like a great ship, and because of the extension of his body the earth does not sink.
AI translation rendered from the Sanskrit, not a published edition
ViP 1 4.47
ततः क्षितिं समां कृत्वा पृथिव्यां सो ऽचिनोद् गिरीन् यथाविभागं भगवान् अनादिः सर्वसंभवः ॥
tataḥ kṣitiṃ samāṃ kṛtvā pṛthivyāṃ so 'cinod girīn yathāvibhāgaṃ bhagavān anādiḥ sarvasaṃbhavaḥ //
Then, having made the ground level, the Blessed One, beginningless, the source of all, heaped up the mountains on the earth according to their divisions.
AI translation rendered from the Sanskrit, not a published edition
ViP 1 4.48
प्राक्सर्गदग्धान् अखिलान् पर्वतान् पृथिवीतले अमोघेन प्रभावेन ससर्जामोघवाञ्छितः ॥
prāksargadagdhān akhilān parvatān pṛthivītale amoghena prabhāvena sasarjāmoghavāñchitaḥ //
By his unfailing power he created on the earth's surface all the mountains that had been burnt up in the previous creation — he whose will is never thwarted.
AI translation rendered from the Sanskrit, not a published edition
ViP 1 4.49
भूविभागं ततः कृत्वा सप्तद्वीपं यथातथम् भूराद्यांश् चतुरो लोकान् पूर्ववत् समकल्पयत् ॥
bhūvibhāgaṃ tataḥ kṛtvā saptadvīpaṃ yathātatham bhūrādyāṃś caturo lokān pūrvavat samakalpayat //
Then, having made the division of the earth into seven continents just as it had been, he arranged the four worlds, Bhūr and the rest, as before.
AI translation rendered from the Sanskrit, not a published edition
ViP 1 4.50
ब्रह्मरूपधरो देवस् ततो ऽसौ रजसा वृतः चकार सृष्टिं भगवांश् चतुर्वक्त्रधरो हरिः ॥
brahmarūpadharo devas tato 'sau rajasā vṛtaḥ cakāra sṛṣṭiṃ bhagavāṃś caturvaktradharo hariḥ //
Then that god, assuming the form of Brahmā, enveloped by rajas, the Blessed Hari bearing four faces, carried out creation.
AI translation rendered from the Sanskrit, not a published edition
ViP 1 4.51
निमित्तमात्रम् एवासौ सृज्यानां सर्गकर्मणि प्रधानकारणीभूता यतो वै सृज्यशक्तयः ॥
nimittamātram evāsau sṛjyānāṃ sargakarmaṇi pradhānakāraṇībhūtā yato vai sṛjyaśaktayaḥ //
He is merely the occasioning cause in the work of creating the things to be created, since (prakṛti), which has become the primary cause, is the source of the creative powers.
AI translation rendered from the Sanskrit, not a published edition — the model flagged this verse as uncertain
ViP 1 4.52
निमित्तमात्रं मुक्त्वैकं नान्यत् किंचिद् अपेक्ष्यते नीयते तपतां श्रेष्ठ स्वशक्त्या वस्तु वस्तुताम् ॥
nimittamātraṃ muktvaikaṃ nānyat kiṃcid apekṣyate nīyate tapatāṃ śreṣṭha svaśaktyā vastu vastutām //
Apart from the one occasioning cause, nothing else at all is required; O best of ascetics, a thing is brought into its own thinghood by its own power.
AI translation rendered from the Sanskrit, not a published edition