Vishnu Purana — Amsha 1 — Chapter 3
ViP 1 3.1
निर्गुणस्याप्रमेयस्य शुद्धस्याप्य् अमलात्मनः कथं सर्गादिकर्तृत्वं ब्रह्मणो ऽभ्युपगम्यते ॥
nirguṇasyāprameyasya śuddhasyāpy amalātmanaḥ kathaṃ sargādikartṛtvaṃ brahmaṇo 'bhyupagamyate //
How is agency in creation and the rest admitted of Brahman, who is without qualities, immeasurable, pure, and of stainless nature?
AI translation rendered from the Sanskrit, not a published edition
ViP 1 3.2
शक्तयः सर्वभावानाम् अचिन्त्यज्ञानगोचराः यतो ऽतो ब्रह्मणस् तास् तु सर्गाद्या भावशक्तयः भवन्ति तपतां श्रेष्ठ पावकस्य यथोष्णता ॥
śaktayaḥ sarvabhāvānām acintyajñānagocarāḥ yato 'to brahmaṇas tās tu sargādyā bhāvaśaktayaḥ bhavanti tapatāṃ śreṣṭha pāvakasya yathoṣṇatā //
Since the powers of all existing things lie beyond the range of unthinkable knowledge, therefore these powers of being—creation and the rest—belong to Brahman, O best of the ascetics, as heat belongs to fire.
AI translation rendered from the Sanskrit, not a published edition
ViP 1 3.3
तन् निबोध यथा सर्गे भगवान् संप्रवर्तते नारायणाख्यो भगवान् ब्रह्मा लोकपितामहः ॥
tan nibodha yathā sarge bhagavān saṃpravartate nārāyaṇākhyo bhagavān brahmā lokapitāmahaḥ //
Learn, then, how the Lord named Nārāyaṇa, the Lord Brahmā, grandfather of the worlds, engages in creation.
AI translation rendered from the Sanskrit, not a published edition
ViP 1 3.4
उत्पन्नः प्रोच्यते विद्वन् नित्य एवोपचारतः ॥
utpannaḥ procyate vidvan nitya evopacārataḥ //
Though eternal, he is said to have come into being, O learned one, only by a figure of speech.
AI translation rendered from the Sanskrit, not a published edition
ViP 1 3.5
निजेन तस्य मानेन आयुर् वर्षशतं स्मृतम् तत् पराख्यं तदर्धं च परार्धम् अभिधीयते ॥
nijena tasya mānena āyur varṣaśataṃ smṛtam tat parākhyaṃ tadardhaṃ ca parārdham abhidhīyate //
By his own measure his lifespan is recorded as a hundred years; that is called a para, and half of it is termed a parārdha.
AI translation rendered from the Sanskrit, not a published edition
ViP 1 3.6
कालस्वरूपं विष्णोश् च यन् मयोक्तं तवानघ तेन तस्य निबोध त्वं परिमाणोपपादनम् ॥
kālasvarūpaṃ viṣṇoś ca yan mayoktaṃ tavānagha tena tasya nibodha tvaṃ parimāṇopapādanam //
And by that form of Viṣṇu as Time which I have described to you, O sinless one, learn the establishing of its measurement.
AI translation rendered from the Sanskrit, not a published edition
ViP 1 3.7
अन्येषां चैव जन्तूनां चराणाम् अचराश् च ये भूभूभृत्सागरादीनाम् अशेषाणां च सत्तम ॥
anyeṣāṃ caiva jantūnāṃ carāṇām acarāś ca ye bhūbhūbhṛtsāgarādīnām aśeṣāṇāṃ ca sattama //
And of other creatures, both the moving and those that are unmoving, and of the earth, the mountains, the oceans and the rest, of all without exception, O best of the good—
AI translation rendered from the Sanskrit, not a published edition — the model flagged this verse as uncertain
ViP 1 3.8
काष्ठा पञ्चदशाख्याता निमेषा मुनिसत्तम काष्ठात्रिंशत् कला त्रिंशत् कला मौहूर्तिको विधिः ॥
kāṣṭhā pañcadaśākhyātā nimeṣā munisattama kāṣṭhātriṃśat kalā triṃśat kalā mauhūrtiko vidhiḥ //
Fifteen twinklings of the eye are declared to be a kāṣṭhā, O best of sages; thirty kāṣṭhās a kalā, thirty kalās the reckoning of a muhūrta.
AI translation rendered from the Sanskrit, not a published edition
ViP 1 3.9
तावत्संख्यैर् अहोरात्रं मुहूर्तैर् मानुषं स्मृतम् अहोरात्राणि तावन्ति मासः पक्षद्वयात्मकः ॥
tāvatsaṃkhyair ahorātraṃ muhūrtair mānuṣaṃ smṛtam ahorātrāṇi tāvanti māsaḥ pakṣadvayātmakaḥ //
By that same number of muhūrtas a human day-and-night is reckoned; that many days-and-nights make a month, consisting of two fortnights.
AI translation rendered from the Sanskrit, not a published edition
ViP 1 3.10
तैः षड्भिर् अयनं वर्षं द्वे ऽयने दक्षिणोत्तरे अयनं दक्षिणं रात्रिर् देवानाम् उत्तरं दिनम् ॥
taiḥ ṣaḍbhir ayanaṃ varṣaṃ dve 'yane dakṣiṇottare ayanaṃ dakṣiṇaṃ rātrir devānām uttaraṃ dinam //
Six of those (months) make a half-year, (two half-years) a year; the two half-years are the southern and the northern; the southern course is the night of the gods, the northern their day.
AI translation rendered from the Sanskrit, not a published edition
ViP 1 3.11
दिव्यैर् वर्षसहस्रैस् तु कृतत्रेतादिसंज्ञितम् चतुर्युगं द्वादशभिस् तद्विभागं निबोध मे ॥
divyair varṣasahasrais tu kṛtatretādisaṃjñitam caturyugaṃ dvādaśabhis tadvibhāgaṃ nibodha me //
But by twelve thousand divine years (is made) the set of four ages named Kṛta, Tretā and the rest; learn from me its division.
AI translation rendered from the Sanskrit, not a published edition
ViP 1 3.12
चत्वारि त्रीणि द्वे चैकं कृतादिषु यथाक्रमम् दिव्याब्दानां सहस्राणि युगेष्व् आहुः पुराविदः ॥
catvāri trīṇi dve caikaṃ kṛtādiṣu yathākramam divyābdānāṃ sahasrāṇi yugeṣv āhuḥ purāvidaḥ //
Four, three, two and one thousand divine years, in order, in the ages beginning with Kṛta—so say those who know the ancient lore.
AI translation rendered from the Sanskrit, not a published edition
ViP 1 3.13
तत्प्रमाणैः शतैः संध्या पूर्वा तत्राभिधीयते संध्यांशकश् च तत्तुल्यो युगस्यानन्तरो हि सः ॥
tatpramāṇaiḥ śataiḥ saṃdhyā pūrvā tatrābhidhīyate saṃdhyāṃśakaś ca tattulyo yugasyānantaro hi saḥ //
Hundreds of that same measure (of years) are called there the preceding twilight, and the twilight-portion equal to it, for that follows the age.
AI translation rendered from the Sanskrit, not a published edition
ViP 1 3.14
संध्यासंध्यांशयोर् अन्तर् यः कालो मुनिसत्तम युगाख्यः स तु विज्ञेयः कृतत्रेतादिसंज्ञितः ॥
saṃdhyāsaṃdhyāṃśayor antar yaḥ kālo munisattama yugākhyaḥ sa tu vijñeyaḥ kṛtatretādisaṃjñitaḥ //
The time that lies between the twilight and the twilight-portion, O best of sages, is to be known as that which is called the age, named Kṛta, Tretā and the rest.
AI translation rendered from the Sanskrit, not a published edition
ViP 1 3.15
कृतं त्रेता द्वापरश् च कलिश् चैव चतुर्युगम् प्रोच्यते तत्सहस्रं च ब्रह्मणो दिवसं मुने ॥
kṛtaṃ tretā dvāparaś ca kaliś caiva caturyugam procyate tatsahasraṃ ca brahmaṇo divasaṃ mune //
Kṛta, Tretā, Dvāpara and Kali are called the set of four ages; and a thousand of those is a day of Brahmā, O sage.
AI translation rendered from the Sanskrit, not a published edition
ViP 1 3.16
ब्रह्मणो दिवसे ब्रह्मन् मनवस् तु चतुर्दश भवन्ति परिमाणं च तेषां कालकृतं शृणु ॥
brahmaṇo divase brahman manavas tu caturdaśa bhavanti parimāṇaṃ ca teṣāṃ kālakṛtaṃ śṛṇu //
In a day of Brahmā, O brahman, there are fourteen Manus; hear too the measurement of them made in terms of time.
AI translation rendered from the Sanskrit, not a published edition
ViP 1 3.17
सप्तर्षयः सुराः शक्रो मनुस् तत्सूनवो नृपाः एककाले हि सृज्यन्ते संह्रियन्ते च पूर्ववत् ॥
saptarṣayaḥ surāḥ śakro manus tatsūnavo nṛpāḥ ekakāle hi sṛjyante saṃhriyante ca pūrvavat //
The seven seers, the gods, Śakra, the Manu and his sons the kings are indeed produced at one time and withdrawn as before.
AI translation rendered from the Sanskrit, not a published edition
ViP 1 3.18
चतुर्युगाणां संख्याता साधिका ह्य् एकसप्ततिः मन्वन्तरं मनोः कालः सुरादीनां च सत्तम ॥
caturyugāṇāṃ saṃkhyātā sādhikā hy ekasaptatiḥ manvantaraṃ manoḥ kālaḥ surādīnāṃ ca sattama //
Seventy-one sets of four ages, with something over, are counted (as) a manvantara, the period of a Manu and of the gods and the rest, O best of the good.
AI translation rendered from the Sanskrit, not a published edition
ViP 1 3.19
अष्टौ शतसहस्राणि दिव्यया संख्यया स्मृतम् द्वापञ्चाशत् तथान्यानि सहस्राण्य् अधिकानि तु ॥
aṣṭau śatasahasrāṇi divyayā saṃkhyayā smṛtam dvāpañcāśat tathānyāni sahasrāṇy adhikāni tu //
Eight hundred thousand, by the divine reckoning, is what is remembered, and fifty-two thousand others in addition.
AI translation rendered from the Sanskrit, not a published edition
ViP 1 3.20
त्रिंशत्कोट्यस् तु संपूर्णाः संख्याताः संख्यया द्विज सप्तषष्टिस् तथान्यानि नियुतानि महामुने ॥
triṃśatkoṭyas tu saṃpūrṇāḥ saṃkhyātāḥ saṃkhyayā dvija saptaṣaṣṭis tathānyāni niyutāni mahāmune //
Thirty full crores are counted in the reckoning, O twice-born, and sixty-seven lakhs besides, O great sage.
AI translation rendered from the Sanskrit, not a published edition
ViP 1 3.21
विंशतिश् च सहस्राणि कालो ऽयम् अधिकं विना मन्वन्तरस्य संख्येयं मानुषैर् वत्सरैर् द्विज ॥
viṃśatiś ca sahasrāṇi kālo 'yam adhikaṃ vinā manvantarasya saṃkhyeyaṃ mānuṣair vatsarair dvija //
and twenty thousand: this is the span of a manvantara to be reckoned in human years, apart from the additional (fraction), O twice-born.
AI translation rendered from the Sanskrit, not a published edition
ViP 1 3.22
चतुर्दशगुणो ह्य् एष कालो ब्राह्मम् अहः स्मृतम् ब्राह्मो नैमित्तिको नाम तस्यान्ते प्रतिसंचरः ॥
caturdaśaguṇo hy eṣa kālo brāhmam ahaḥ smṛtam brāhmo naimittiko nāma tasyānte pratisaṃcaraḥ //
This time multiplied fourteenfold is remembered as a day of Brahmā; at its end comes the dissolution named Brāhma, the occasional one.
AI translation rendered from the Sanskrit, not a published edition
ViP 1 3.23
तदा हि दह्यते सर्वं त्रैलोक्यं भूर्भुवादिकम् जनं प्रयान्ति तापार्ता महर्लोकनिवासिनः ॥
tadā hi dahyate sarvaṃ trailokyaṃ bhūrbhuvādikam janaṃ prayānti tāpārtā maharlokanivāsinaḥ //
For then the whole triple world is burned, (the worlds) beginning with Bhūr and Bhuvas; the dwellers of Maharloka, tormented by the heat, go to Janas.
AI translation rendered from the Sanskrit, not a published edition
ViP 1 3.24
एकार्णवे तु त्रैलोक्ये ब्रह्मा नारायणात्मकः भोगिशय्यागतः शेते त्रैलोक्यग्रासबृंहितः ॥
ekārṇave tu trailokye brahmā nārāyaṇātmakaḥ bhogiśayyāgataḥ śete trailokyagrāsabṛṃhitaḥ //
And when the triple world is a single ocean, Brahmā, whose self is Nārāyaṇa, lies asleep upon his couch, the serpent, swollen from having swallowed the three worlds.
AI translation rendered from the Sanskrit, not a published edition
ViP 1 3.25
जनस्थैर् योगिभिर् देवश् चिन्त्यमानो ऽब्जसंभवः तत्प्रमाणां हि तां रात्रिं तदन्ते सृजते पुनः ॥
janasthair yogibhir devaś cintyamāno 'bjasaṃbhavaḥ tatpramāṇāṃ hi tāṃ rātriṃ tadante sṛjate punaḥ //
Contemplated by the yogins abiding in Janas, the god born of the lotus (sleeps through) that night, which is of the same measure (as the day); and at its end he creates again.
AI translation rendered from the Sanskrit, not a published edition
ViP 1 3.26
एवं तु ब्रह्मणो वर्षम् एवं वर्षशतं च यत् शतं हि तस्य वर्षाणां परमायुर् महात्मनः ॥
evaṃ tu brahmaṇo varṣam evaṃ varṣaśataṃ ca yat śataṃ hi tasya varṣāṇāṃ paramāyur mahātmanaḥ //
Such is a year of Brahmā, and such a hundred years; a hundred of his years is the full lifespan of that great one.
AI translation rendered from the Sanskrit, not a published edition
ViP 1 3.27
एकम् अस्य व्यतीतं तु परार्धं ब्रह्मणो ऽनघ तस्यान्ते ऽभून् महाकल्पः पाद्म इत्य् अभिविश्रुतः ॥
ekam asya vyatītaṃ tu parārdhaṃ brahmaṇo 'nagha tasyānte 'bhūn mahākalpaḥ pādma ity abhiviśrutaḥ //
One half of this Brahmā('s life) has passed away, O sinless one; at its end occurred the great kalpa widely renowned as Pādma.
AI translation rendered from the Sanskrit, not a published edition
ViP 1 3.28
द्वितीयस्य परार्धस्य वर्तमानस्य वै द्विज वाराह इति कल्पो ऽयं प्रथमः परिकीर्तितः ॥
dvitīyasya parārdhasya vartamānasya vai dvija vārāha iti kalpo 'yaṃ prathamaḥ parikīrtitaḥ //
Of the second half, which is now current, O twice-born, this kalpa, called Vārāha, is declared to be the first.
AI translation rendered from the Sanskrit, not a published edition