Vishnu Purana — Amsha 1 — Chapter 22
ViP 1 22.1
यदाभिषिक्तः स पृथुः पूर्वं राज्ये महर्षिभिः ततः क्रमेण राज्यानि ददौ लोकपितामहः ॥
yadābhiṣiktaḥ sa pṛthuḥ pūrvaṃ rājye maharṣibhiḥ tataḥ krameṇa rājyāni dadau lokapitāmahaḥ //
When that Pṛthu was formerly consecrated in kingship by the great sages, then the grandfather of the world gave out the kingships in order.
AI translation rendered from the Sanskrit, not a published edition
ViP 1 22.2
नक्षत्रग्रहविप्राणां वीरुधां चाप्य् अशेषतः सोमं राज्ये ऽदधद् ब्रह्मा यज्ञानां तपसाम् अपि ॥
nakṣatragrahaviprāṇāṃ vīrudhāṃ cāpy aśeṣataḥ somaṃ rājye 'dadhad brahmā yajñānāṃ tapasām api //
Brahmā set Soma in the kingship of the lunar mansions, the planets, the brahmins, and of all the plants without exception, and of sacrifices and austerities too.
AI translation rendered from the Sanskrit, not a published edition
ViP 1 22.3
राज्ञां वैश्रवणं राज्ये जलानां वरुणं तथा आदित्यानां पतिं विष्णुं वसूनाम् अथ पावकम् ॥
rājñāṃ vaiśravaṇaṃ rājye jalānāṃ varuṇaṃ tathā ādityānāṃ patiṃ viṣṇuṃ vasūnām atha pāvakam //
(He set) Vaiśravaṇa in the kingship of kings, and Varuṇa of the waters, Viṣṇu as lord of the Ādityas, and Pāvaka (Fire) of the Vasus,
AI translation rendered from the Sanskrit, not a published edition
ViP 1 22.4
प्रजापतीनां दक्षं तु वासवं मरुताम् अपि दैत्यानां दानवानां च प्रह्लादम् अधिपं ददौ ॥
prajāpatīnāṃ dakṣaṃ tu vāsavaṃ marutām api daityānāṃ dānavānāṃ ca prahlādam adhipaṃ dadau //
and Dakṣa of the Prajāpatis, and Vāsava of the Maruts; and he gave Prahlāda as overlord of the Daityas and Dānavas.
AI translation rendered from the Sanskrit, not a published edition
ViP 1 22.5
पितॄणां धर्मराजानं यमं राज्ये ऽभ्यषेचयत् ऐरावतं गजेन्द्राणाम् अशेषाणां पतिं ददौ ॥
pitṝṇāṃ dharmarājānaṃ yamaṃ rājye 'bhyaṣecayat airāvataṃ gajendrāṇām aśeṣāṇāṃ patiṃ dadau //
He consecrated Yama, the king of dharma, in the kingship of the ancestors; he gave Airāvata as lord of all the lordly elephants,
AI translation rendered from the Sanskrit, not a published edition
ViP 1 22.6
पतत्रिणां च गरुडं देवानाम् अपि वासवम् उच्चैःश्रवसम् अश्वानां वृषभं तु गवाम् अपि ॥
patatriṇāṃ ca garuḍaṃ devānām api vāsavam uccaiḥśravasam aśvānāṃ vṛṣabhaṃ tu gavām api //
and Garuḍa of the birds, and Vāsava of the gods, Uccaiḥśravas of the horses, and the bull of the cattle.
AI translation rendered from the Sanskrit, not a published edition
ViP 1 22.8
एवं विभज्य राज्यानि दिशां पालान् अनन्तरम् प्रजापतिपतिर् ब्रह्मा स्थापयाम् आस सर्वतः ॥
evaṃ vibhajya rājyāni diśāṃ pālān anantaram prajāpatipatir brahmā sthāpayām āsa sarvataḥ //
Having thus apportioned the kingships, Brahmā, the lord of the Prajāpatis, next established the guardians of the directions on every side.
AI translation rendered from the Sanskrit, not a published edition
ViP 1 22.9
पूर्वस्यां दिशि राजानं वैराजस्य प्रजापतेः दिशापालं सुधन्वानं राजानं सो ऽभ्यषेचयत् ॥
pūrvasyāṃ diśi rājānaṃ vairājasya prajāpateḥ diśāpālaṃ sudhanvānaṃ rājānaṃ so 'bhyaṣecayat //
In the eastern direction he consecrated as king the king Sudhanvan, (son) of the Prajāpati Vairāja, as guardian of that direction.
AI translation rendered from the Sanskrit, not a published edition
ViP 1 22.10
दक्षिणस्यां दिशि तथा कर्दमस्य प्रजापतेः पुत्रं शङ्खपदं नाम राजानं सो ऽभ्यषेचयत् ॥
dakṣiṇasyāṃ diśi tathā kardamasya prajāpateḥ putraṃ śaṅkhapadaṃ nāma rājānaṃ so 'bhyaṣecayat //
So too in the southern direction he consecrated as king the son of the Prajāpati Kardama, Śaṅkhapada by name.
AI translation rendered from the Sanskrit, not a published edition
ViP 1 22.11
पश्चिमस्यां दिशि तथा रजसः पुत्रम् अच्युतम् केतुमन्तं महात्मानं राजानम् अभिषिक्तवान् ॥
paścimasyāṃ diśi tathā rajasaḥ putram acyutam ketumantaṃ mahātmānaṃ rājānam abhiṣiktavān //
So too in the western direction he consecrated as king the imperishable son of Rajas, the great-souled Ketumant.
AI translation rendered from the Sanskrit, not a published edition
ViP 1 22.12
तथा हिरण्यरोमाणं पर्जन्यस्य प्रजापतेः उदीच्यां दिशि दुर्धर्षं राजानं सो ऽभ्यषेचयत् ॥
tathā hiraṇyaromāṇaṃ parjanyasya prajāpateḥ udīcyāṃ diśi durdharṣaṃ rājānaṃ so 'bhyaṣecayat //
So too in the northern direction he consecrated as king the unassailable Hiraṇyaroman, (son) of the Prajāpati Parjanya.
AI translation rendered from the Sanskrit, not a published edition
ViP 1 22.13
तैर् इयं पृथिवी सर्वा सप्तद्वीपा सकानना यथाप्रदेशम् अद्यापि धर्मतः परिपाल्यते ॥
tair iyaṃ pṛthivī sarvā saptadvīpā sakānanā yathāpradeśam adyāpi dharmataḥ paripālyate //
By them this whole earth, with its seven continents and its forests, is guarded righteously even today, each in his own region.
AI translation rendered from the Sanskrit, not a published edition
ViP 1 22.14
एते सर्वे प्रवृत्तस्य स्थितौ विष्णोर् महात्मनः विभूतिभूता राजानो ये चान्ये मुनिसत्तम ॥
ete sarve pravṛttasya sthitau viṣṇor mahātmanaḥ vibhūtibhūtā rājāno ye cānye munisattama //
All these kings, and whatever others there are, O best of sages, are manifestations of the great-souled Viṣṇu when he is engaged in (the work of) preservation.
AI translation rendered from the Sanskrit, not a published edition
ViP 1 22.15
ये भविष्यन्ति ये भूताः सर्वभूतेश्वरा द्विज ते सर्वे सर्वभूतस्य विष्णोर् अंशा द्विजोत्तम ॥
ye bhaviṣyanti ye bhūtāḥ sarvabhūteśvarā dvija te sarve sarvabhūtasya viṣṇor aṃśā dvijottama //
Those who will be, and those who have been, the lords of all beings, O twice-born — all of them are portions of Viṣṇu, who is (the self) of all beings, O best of the twice-born.
AI translation rendered from the Sanskrit, not a published edition
ViP 1 22.16
ये तु देवाधिपतयो ये च दैत्याधिपास् तथा दानवानां च ये नाथा ये नाथाः पिशिताशिनाम् ॥
ye tu devādhipatayo ye ca daityādhipās tathā dānavānāṃ ca ye nāthā ye nāthāḥ piśitāśinām //
And those who are the overlords of the gods, and likewise those who are overlords of the Daityas, and those who are the masters of the Dānavas, and those who are the masters of the flesh-eaters (Piśācas) —
AI translation rendered from the Sanskrit, not a published edition
ViP 1 22.17
पशूनां ये च पतयः पतयो ये च पक्षिणाम् मनुष्याणां च सर्पाणां नागानां चाधिपास् तु ये ॥
paśūnāṃ ye ca patayaḥ patayo ye ca pakṣiṇām manuṣyāṇāṃ ca sarpāṇāṃ nāgānāṃ cādhipās tu ye //
and those who are the lords of beasts, and those who are lords of birds, and those who are the overlords of men, of serpents, and of the Nāgas,
AI translation rendered from the Sanskrit, not a published edition
ViP 1 22.18
वृक्षाणां पर्वतानां च ग्रहाणां चापि ये ऽधिपाः अतीता वर्तमानाश् च ये भविष्यन्ति चापरे ते सर्वे सर्वभूतस्य विष्णोर् अंशसमुद्भवाः ॥
vṛkṣāṇāṃ parvatānāṃ ca grahāṇāṃ cāpi ye 'dhipāḥ atītā vartamānāś ca ye bhaviṣyanti cāpare te sarve sarvabhūtasya viṣṇor aṃśasamudbhavāḥ //
and those who are the overlords of trees, of mountains, and of the planets — those past, those present, and the others who will be — all of them arise from a portion of Viṣṇu, who is (the self) of all beings.
AI translation rendered from the Sanskrit, not a published edition
ViP 1 22.19
न हि पालनसामर्थ्यम् ऋते सर्वेश्वरं हरिम् स्थितौ स्थितं महाप्राज्ञ भवत्य् अन्यस्य कस्यचित् ॥
na hi pālanasāmarthyam ṛte sarveśvaraṃ harim sthitau sthitaṃ mahāprājña bhavaty anyasya kasyacit //
For apart from Hari, the lord of all, who abides in (the function of) preservation, no other whatsoever has the capacity to preserve, O greatly wise one.
AI translation rendered from the Sanskrit, not a published edition
ViP 1 22.20
सृजत्य् एष जगत् सृष्टौ स्थितौ पाति सनातनः हन्ति चैवान्तकत्वे च रजःसत्त्वादिसंश्रयः ॥
sṛjaty eṣa jagat sṛṣṭau sthitau pāti sanātanaḥ hanti caivāntakatve ca rajaḥsattvādisaṃśrayaḥ //
He, the eternal one, creates the world at creation; at (its) continuance he protects (it); and he destroys (it) at the time of ending — resorting to rajas, sattva, and (tamas) respectively.
AI translation rendered from the Sanskrit, not a published edition
ViP 1 22.21
चतुर्विभागः संसृष्टौ चतुर्धा संस्थितः स्थितौ प्रलयं च करोत्य् अन्ते चतुर्भेदो जनार्दनः ॥
caturvibhāgaḥ saṃsṛṣṭau caturdhā saṃsthitaḥ sthitau pralayaṃ ca karoty ante caturbhedo janārdanaḥ //
Fourfold in division at creation, fourfold established at preservation, and at the end Janārdana, in four divisions, brings about the dissolution.
AI translation rendered from the Sanskrit, not a published edition
ViP 1 22.22
एकेनांशेन ब्रह्मासौ भवत्य् अव्यक्तमूर्तिमान् मरीचिमिश्राः पतयः प्रजानाम् अन्यभागतः ॥
ekenāṃśena brahmāsau bhavaty avyaktamūrtimān marīcimiśrāḥ patayaḥ prajānām anyabhāgataḥ //
With one portion he becomes Brahmā, who has an unmanifest form; from another portion (come) Marīci and the rest, the lords of creatures;
AI translation rendered from the Sanskrit, not a published edition
ViP 1 22.23
कालस् तृतीयस् तस्यांशः सर्वभूतानि चापरः इत्थं चतुर्धा संसृष्टौ वर्तते ऽसौ रजोगुणः ॥
kālas tṛtīyas tasyāṃśaḥ sarvabhūtāni cāparaḥ itthaṃ caturdhā saṃsṛṣṭau vartate 'sau rajoguṇaḥ //
Time is his third portion, and all beings the remaining one. Thus, at creation, he functions in fourfold manner, being of the quality of rajas.
AI translation rendered from the Sanskrit, not a published edition
ViP 1 22.24
एकांशेनास्थितो विष्णुः करोति परिपालनम् मन्वादिरूपी चान्येन कालरूपो ऽपरेण च ॥
ekāṃśenāsthito viṣṇuḥ karoti paripālanam manvādirūpī cānyena kālarūpo 'pareṇa ca //
Abiding with one portion, Viṣṇu carries out the preserving; with another he takes the form of Manu and the rest, and with yet another the form of Time.
AI translation rendered from the Sanskrit, not a published edition
ViP 1 22.25
सर्वभूतेषु चान्येन संस्थितः कुरुते स्थितिम् सत्त्वं गुणं समाश्रित्य जगतः पुरुषोत्तमः ॥
sarvabhūteṣu cānyena saṃsthitaḥ kurute sthitim sattvaṃ guṇaṃ samāśritya jagataḥ puruṣottamaḥ //
And established with another portion in all beings, the Supreme Person effects the continuance of the world, having recourse to the quality of sattva.
AI translation rendered from the Sanskrit, not a published edition
ViP 1 22.26
आश्रित्य तमसो वृत्तिम् अन्तकाले तथा प्रभुः रुद्रस्वरूपी भगवान् एकांशेन भवत्य् अजः ॥
āśritya tamaso vṛttim antakāle tathā prabhuḥ rudrasvarūpī bhagavān ekāṃśena bhavaty ajaḥ //
Likewise, having recourse to the operation of tamas at the time of the end, the unborn Lord becomes, with one portion, one whose own form is Rudra.
AI translation rendered from the Sanskrit, not a published edition
ViP 1 22.27
अग्न्यन्तकादिरूपेण भागेनान्येन वर्तते कालस्वरूपो भागो ऽन्यः सर्वभूतानि चापरः ॥
agnyantakādirūpeṇa bhāgenānyena vartate kālasvarūpo bhāgo 'nyaḥ sarvabhūtāni cāparaḥ //
With another portion he functions in the form of fire, the Ender (Death), and the rest; another portion has Time for its own form, and yet another is all beings.
AI translation rendered from the Sanskrit, not a published edition
ViP 1 22.28
विनाशं कुर्वतस् तस्य चतुर्धैवं महात्मनः विभागकल्पना ब्रह्मन् कथ्यते सार्वकालिकी ॥
vināśaṃ kurvatas tasya caturdhaivaṃ mahātmanaḥ vibhāgakalpanā brahman kathyate sārvakālikī //
Thus, O brahman, the arrangement into four divisions is declared of that great Self when he effects destruction — (a division) belonging to all times.
AI translation rendered from the Sanskrit, not a published edition
ViP 1 22.29
ब्रह्मा दक्षादयः कालस् तथैवाखिलजन्तवः विभूतयो हरेर् एता जगतः सृष्टिहेतवः ॥
brahmā dakṣādayaḥ kālas tathaivākhilajantavaḥ vibhūtayo harer etā jagataḥ sṛṣṭihetavaḥ //
Brahmā, Dakṣa and the rest, Time, and likewise all creatures — these are the powers (vibhūtis) of Hari that are the causes of the world's creation.
AI translation rendered from the Sanskrit, not a published edition
ViP 1 22.30
विष्णुर् मन्वादयः कालः सर्वभूतानि च द्विज स्थितेर् निमित्तभूतस्य विष्णोर् एता विभूतयः ॥
viṣṇur manvādayaḥ kālaḥ sarvabhūtāni ca dvija sthiter nimittabhūtasya viṣṇor etā vibhūtayaḥ //
Viṣṇu, Manu and the rest, Time, and all beings, O twice-born — these are the powers of Viṣṇu, who is the instrumental cause of (the world's) continuance.
AI translation rendered from the Sanskrit, not a published edition
ViP 1 22.31
रुद्रः कालो ऽन्तकाद्याश् च समस्ताश् चैव जन्तवः चतुर्धा प्रलयायैता जनार्दनविभूतयः ॥
rudraḥ kālo 'ntakādyāś ca samastāś caiva jantavaḥ caturdhā pralayāyaitā janārdanavibhūtayaḥ //
Rudra, Time, the Ender and the rest, and all creatures together — these are the fourfold powers of Janārdana for dissolution.
AI translation rendered from the Sanskrit, not a published edition
ViP 1 22.32
जगदादौ तथा मध्ये सृष्टिर् आप्रलयाद् द्विज धात्रा मरीचिमिश्रैश् च क्रियते जन्तुभिस् तथा ॥
jagadādau tathā madhye sṛṣṭir āpralayād dvija dhātrā marīcimiśraiś ca kriyate jantubhis tathā //
At the beginning of the world and likewise in the middle, up to the dissolution, O twice-born, creation is carried out by the Creator, by Marīci and the others, and by living creatures.
AI translation rendered from the Sanskrit, not a published edition
ViP 1 22.33
ब्रह्मा सृजत्य् आदिकाले मरीचिप्रमुखास् ततः उत्पादयन्त्य् अपत्यानि जन्तवश् च प्रतिक्षणम् ॥
brahmā sṛjaty ādikāle marīcipramukhās tataḥ utpādayanty apatyāni jantavaś ca pratikṣaṇam //
Brahmā creates at the first time; then those headed by Marīci; and living creatures beget offspring at every moment.
AI translation rendered from the Sanskrit, not a published edition
ViP 1 22.34
कालेन न विना ब्रह्मा सृष्टिनिष्पादको द्विज न प्रजापतयः सर्वे न चैवाखिलजन्तवः ॥
kālena na vinā brahmā sṛṣṭiniṣpādako dvija na prajāpatayaḥ sarve na caivākhilajantavaḥ //
Without Time, O twice-born, Brahmā is not the accomplisher of creation, nor are all the Prajāpatis, nor all creatures.
AI translation rendered from the Sanskrit, not a published edition
ViP 1 22.35
एवम् एव विभागो ऽयं स्थिताव् अप्य् उपदिश्यते चतुर्धा देवदेवस्य मैत्रेय प्रलये तथा ॥
evam eva vibhāgo 'yaṃ sthitāv apy upadiśyate caturdhā devadevasya maitreya pralaye tathā //
Just so this fourfold division of the God of gods is taught, Maitreya, in (the world's) maintenance too, and likewise in dissolution.
AI translation rendered from the Sanskrit, not a published edition
ViP 1 22.36
यत् किंचित् सृज्यते येन सत्त्वजातेन वै द्विज तस्य सृज्यस्य संभूतौ तत् सर्वं वै हरेस् तनुः ॥
yat kiṃcit sṛjyate yena sattvajātena vai dvija tasya sṛjyasya saṃbhūtau tat sarvaṃ vai hares tanuḥ //
Whatever is created, O twice-born, by whatever sattva-born being — in the coming-to-be of that which is to be created, all that is indeed the body of Hari.
AI translation rendered from the Sanskrit, not a published edition
ViP 1 22.37
हन्ति यावत् क्वचित् किंचित् भूतं स्थावरजङ्गमम् जनार्दनस्य तद् रौद्रं मैत्रेयान्तकरं वपुः ॥
hanti yāvat kvacit kiṃcit bhūtaṃ sthāvarajaṅgamam janārdanasya tad raudraṃ maitreyāntakaraṃ vapuḥ //
Whatever being, immobile or moving, kills anything anywhere — that, Maitreya, is the terrible, destruction-making form of Janārdana.
AI translation rendered from the Sanskrit, not a published edition — the model flagged this verse as uncertain
ViP 1 22.38
एवम् एव जगत्स्रष्टा जगत्पाता तथा जगत् जगद्भक्षयिता देवः समस्तस्य जनार्दनः ॥
evam eva jagatsraṣṭā jagatpātā tathā jagat jagadbhakṣayitā devaḥ samastasya janārdanaḥ //
Just so the god Janārdana is the creator of the world, the protector of the world, and likewise the devourer of the whole world.
AI translation rendered from the Sanskrit, not a published edition
ViP 1 22.39
सर्गस्थित्यन्तकालेषु त्रिधैवं संप्रवर्तते गुणप्रवृत्त्या परमं पदं तस्यागुणं महत् ॥
sargasthityantakāleṣu tridhaivaṃ saṃpravartate guṇapravṛttyā paramaṃ padaṃ tasyāguṇaṃ mahat //
In the times of creation, maintenance and ending, he thus operates in three ways, through the activity of the guṇas; (but) his supreme, great station is without guṇas.
AI translation rendered from the Sanskrit, not a published edition
ViP 1 22.40
तच् च ज्ञानमयं व्यापि स्वसंवेद्यम् अनौपमम् चतुष्प्रकारं तद् अपि स्वरूपं परमात्मनः ॥
tac ca jñānamayaṃ vyāpi svasaṃvedyam anaupamam catuṣprakāraṃ tad api svarūpaṃ paramātmanaḥ //
And that (station), made of knowledge, all-pervading, to be known by itself alone, incomparable — that too is fourfold, being the own-form of the supreme Self.
AI translation rendered from the Sanskrit, not a published edition
ViP 1 22.41
चतुष्प्रकारतां तस्य ब्रह्मभूतस्य वै मुने त्वाम् आचक्ष्व यथान्यायं यद् उक्तं परमं पदम् ॥
catuṣprakāratāṃ tasya brahmabhūtasya vai mune tvām ācakṣva yathānyāyaṃ yad uktaṃ paramaṃ padam //
"Tell me, O sage, in due order, the fourfoldness of that (Viṣṇu) who has become Brahman — that which has been called the supreme station."
AI translation rendered from the Sanskrit, not a published edition
ViP 1 22.42
मैत्रेय कारणं प्रोक्तं साधनं सर्ववस्तुषु साध्यं च वस्त्व् अभिमतं यत् साधयितुम् आत्मनः ॥
maitreya kāraṇaṃ proktaṃ sādhanaṃ sarvavastuṣu sādhyaṃ ca vastv abhimataṃ yat sādhayitum ātmanaḥ //
Maitreya, in all things a cause has been declared (to be) the means, and the thing to be accomplished is that object desired, which one is to accomplish for oneself.
AI translation rendered from the Sanskrit, not a published edition — the model flagged this verse as uncertain
ViP 1 22.43
योगिनो मुक्तिकामस्य प्राणायामादि साधनम् साध्यं च परमं ब्रह्म पुनर् नावर्तते यतः ॥
yogino muktikāmasya prāṇāyāmādi sādhanam sādhyaṃ ca paramaṃ brahma punar nāvartate yataḥ //
For a yogin who desires liberation, breath-control and the rest are the means; and the thing to be attained is the supreme Brahman, from which one does not return again.
AI translation rendered from the Sanskrit, not a published edition
ViP 1 22.44
साधनालम्बनं ज्ञानं मुक्तये योगिनां हि यत् स भेदः प्रथमस् तस्य ज्ञानभूतस्य वै मुने ॥
sādhanālambanaṃ jñānaṃ muktaye yogināṃ hi yat sa bhedaḥ prathamas tasya jñānabhūtasya vai mune //
The knowledge that rests upon the means, which the yogins have for the sake of liberation — that, O sage, is the first division of that which consists of knowledge.
AI translation rendered from the Sanskrit, not a published edition
ViP 1 22.45
युञ्जतः क्लेशमुक्त्यर्थं साध्यं यद् ब्रह्मयोगिनः तदालम्बनविज्ञानं द्वितीयो ऽंशो महामुने ॥
yuñjataḥ kleśamuktyarthaṃ sādhyaṃ yad brahmayoginaḥ tadālambanavijñānaṃ dvitīyo 'ṃśo mahāmune //
For the Brahman-yogin who practises in order to be freed from affliction, the knowledge resting upon that which is to be attained is the second portion, great sage.
AI translation rendered from the Sanskrit, not a published edition
ViP 1 22.46
उभयोस् त्व् अविभागेन साध्यसाधनयोर् हि यत् विज्ञानम् अद्वैतमयं तद्भागो ऽन्यो मयोदितः ॥
ubhayos tv avibhāgena sādhyasādhanayor hi yat vijñānam advaitamayaṃ tadbhāgo 'nyo mayoditaḥ //
But the knowledge consisting of non-duality, which pertains to both — to the attained and the means — without division: that is the other portion I have declared.
AI translation rendered from the Sanskrit, not a published edition
ViP 1 22.47
ज्ञानत्रयस्य चैतस्य विशेषो यो महामुने तन् निराकरणद्वारदर्शितात्मस्वरूपवत् ॥
jñānatrayasya caitasya viśeṣo yo mahāmune tan nirākaraṇadvāradarśitātmasvarūpavat //
And the distinction of this triad of knowledge, great sage, is like the own-form of the Self shown by way of negation.
AI translation rendered from the Sanskrit, not a published edition — the model flagged this verse as uncertain
ViP 1 22.48
निर्व्यापारम् अनाख्येयं व्याप्तिमात्रम् अनौपमम् आत्मसंबोधविषयं सत्तामात्रम् अलक्षणम् ॥
nirvyāpāram anākhyeyaṃ vyāptimātram anaupamam ātmasaṃbodhaviṣayaṃ sattāmātram alakṣaṇam //
Devoid of activity, unnameable, mere pervasion, incomparable, having self-awakening as its object, mere being, without mark,
AI translation rendered from the Sanskrit, not a published edition
ViP 1 22.49
प्रशान्तम् अभयं शुद्धं दुर्विभाव्यम् असंश्रयम् विष्णोर् ज्ञानमयस्योक्तं तज् ज्ञानं परमं पदम् ॥
praśāntam abhayaṃ śuddhaṃ durvibhāvyam asaṃśrayam viṣṇor jñānamayasyoktaṃ taj jñānaṃ paramaṃ padam //
tranquil, fearless, pure, hard to conceive, without support — that is called the knowledge, the supreme station, of Viṣṇu who consists of knowledge.
AI translation rendered from the Sanskrit, not a published edition
ViP 1 22.50
तत्राज्ञाननिरोधेन योगिनो यान्ति ये लयम् संसारकर्षणोप्तौ ते यान्ति निर्बीजतां द्विज ॥
tatrājñānanirodhena yogino yānti ye layam saṃsārakarṣaṇoptau te yānti nirbījatāṃ dvija //
Therein, by the stopping of ignorance, those yogins who go to dissolution — they, in the sowing (of seed) for the ploughing of saṃsāra, attain seedlessness, O twice-born.
AI translation rendered from the Sanskrit, not a published edition — the model flagged this verse as uncertain
ViP 1 22.51
एवंप्रकारम् अमलं नित्यं व्यापकम् अक्षयम् समस्तहेयरहितं विष्ण्वाख्यं परमं पदम् ॥
evaṃprakāram amalaṃ nityaṃ vyāpakam akṣayam samastaheyarahitaṃ viṣṇvākhyaṃ paramaṃ padam //
Of such a kind is the supreme station named Viṣṇu: stainless, eternal, pervading, imperishable, free from everything to be rejected.
AI translation rendered from the Sanskrit, not a published edition
ViP 1 22.52
तद् ब्रह्म परमं योगी यतो नावर्तते पुनः अपुण्यपुण्योपरमे क्षीणक्लेशो ऽतिनिर्मलः ॥
tad brahma paramaṃ yogī yato nāvartate punaḥ apuṇyapuṇyoparame kṣīṇakleśo 'tinirmalaḥ //
That is the supreme Brahman, from which the yogin does not return again, when merit and demerit have ceased, his afflictions worn away, utterly pure.
AI translation rendered from the Sanskrit, not a published edition
ViP 1 22.53
द्वे रूपे ब्रह्मणस् तस्य मूर्तं चामूर्तम् एव च क्षराक्षरस्वरूपे ते सर्वभूतेषु च स्थिते ॥
dve rūpe brahmaṇas tasya mūrtaṃ cāmūrtam eva ca kṣarākṣarasvarūpe te sarvabhūteṣu ca sthite //
That Brahman has two forms, the embodied and the unembodied; these two, whose natures are the perishable and the imperishable, abide in all beings.
AI translation rendered from the Sanskrit, not a published edition
ViP 1 22.54
अक्षरं तत् परं ब्रह्म क्षरं सर्वम् इदं जगत् एकदेशस्थितस्येन्दोर् ज्योत्स्ना विस्तारिणी यथा परस्य ब्रह्मणः शक्तिस् तथैतद् अखिलं जगत् ॥
akṣaraṃ tat paraṃ brahma kṣaraṃ sarvam idaṃ jagat ekadeśasthitasyendor jyotsnā vistāriṇī yathā parasya brahmaṇaḥ śaktis tathaitad akhilaṃ jagat //
That imperishable one is the supreme Brahman; the perishable is this whole world. As the spreading moonlight belongs to the moon that stands in one place, so this entire world is the power of the supreme Brahman.
AI translation rendered from the Sanskrit, not a published edition
ViP 1 22.55
तत्राप्य् आसन्नदूरत्वाद् बहुत्वस्वल्पतामयः ज्योत्स्नाभेदो ऽस्ति तच्छक्तेस् तद्वन् मैत्रेय विद्यते ॥
tatrāpy āsannadūratvād bahutvasvalpatāmayaḥ jyotsnābhedo 'sti tacchaktes tadvan maitreya vidyate //
And there too, because of nearness and distance, there is a difference of moonlight consisting of greater and lesser degrees; just so, Maitreya, (a difference) exists in that power (of Brahman).
AI translation rendered from the Sanskrit, not a published edition
ViP 1 22.56
ब्रह्मविष्णुशिवा ब्रह्मन् प्रधाना ब्रह्मशक्तयः ततश् च देवा मैत्रेय न्यूना दक्षादयस् ततः ॥
brahmaviṣṇuśivā brahman pradhānā brahmaśaktayaḥ tataś ca devā maitreya nyūnā dakṣādayas tataḥ //
Brahmā, Viṣṇu and Śiva, O brahman, are the chief powers of Brahman; and lower than these, Maitreya, are the gods, and lower than those, Dakṣa and the rest.
AI translation rendered from the Sanskrit, not a published edition
ViP 1 22.57
ततो मनुष्याः पशवो मृगपक्षिसरीसृपाः न्यूना न्यूनतराश् चैव वृक्षगुल्मादयस् ततः ॥
tato manuṣyāḥ paśavo mṛgapakṣisarīsṛpāḥ nyūnā nyūnatarāś caiva vṛkṣagulmādayas tataḥ //
Lower than those are men, then cattle, deer, birds and reptiles, and lower still than those are trees, shrubs and the like.
AI translation rendered from the Sanskrit, not a published edition
ViP 1 22.58
तद् एतद् अक्षयं नित्यं जगन् मुनिवराखिलम् आविर्भावतिरोभावजन्मनाशविकल्पवत् ॥
tad etad akṣayaṃ nityaṃ jagan munivarākhilam āvirbhāvatirobhāvajanmanāśavikalpavat //
This whole world, O best of sages, is thus imperishable and eternal, (though) subject to the alternations of manifestation and disappearance, birth and destruction.
AI translation rendered from the Sanskrit, not a published edition
ViP 1 22.59
सर्वशक्तिमयो विष्णुः स्वरूपं ब्रह्मणो ऽपरम् मूर्तं यद् योगिभिः पूर्वं योगारम्भेषु चिन्त्यते ॥
sarvaśaktimayo viṣṇuḥ svarūpaṃ brahmaṇo 'param mūrtaṃ yad yogibhiḥ pūrvaṃ yogārambheṣu cintyate //
Viṣṇu, who is made of all powers, is the embodied form of Brahman, not other (than it), which is meditated on first by yogins at the beginnings of yoga.
AI translation rendered from the Sanskrit, not a published edition
ViP 1 22.60
सालम्बनो महायोगः सबीजो यत्र संस्थितः मनस्य् अव्याहते सम्यग् युञ्जतां जायते मुने ॥
sālambano mahāyogaḥ sabījo yatra saṃsthitaḥ manasy avyāhate samyag yuñjatāṃ jāyate mune //
Great yoga with a support and with a seed rests in him; it arises, O sage, in the unobstructed mind of those who practise rightly.
AI translation rendered from the Sanskrit, not a published edition
ViP 1 22.61
स परः सर्वशक्तीनां ब्रह्मणः समनन्तरः मूर्तं ब्रह्म महाभाग सर्वब्रह्ममयो हरिः ॥
sa paraḥ sarvaśaktīnāṃ brahmaṇaḥ samanantaraḥ mūrtaṃ brahma mahābhāga sarvabrahmamayo hariḥ //
He is supreme among all powers, immediately next to Brahman; he is embodied Brahman, O greatly fortunate one — Hari, who consists of all Brahman.
AI translation rendered from the Sanskrit, not a published edition
ViP 1 22.62
तत्र सर्वम् इदं प्रोतम् ओतं चैवाखिलं जगत् ततो जगज् जगत् तस्मिन् स जगच् चाखिलं मुने ॥
tatra sarvam idaṃ protam otaṃ caivākhilaṃ jagat tato jagaj jagat tasmin sa jagac cākhilaṃ mune //
In him all this is woven crosswise and lengthwise, this entire world; from him the world (arises), the world is in him, and he is the whole world, O sage.
AI translation rendered from the Sanskrit, not a published edition
ViP 1 22.63
क्षराक्षरमयो विष्णुर् बिभर्त्य् अखिलम् ईश्वरः पुरुषाव्याकृतमयं भूषणास्त्रस्वरूपवत् ॥
kṣarākṣaramayo viṣṇur bibharty akhilam īśvaraḥ puruṣāvyākṛtamayaṃ bhūṣaṇāstrasvarūpavat //
Viṣṇu, the lord, made of the perishable and the imperishable, bears the whole (world), consisting of spirit and unevolved matter, in the form of his ornaments and weapons.
AI translation rendered from the Sanskrit, not a published edition
ViP 1 22.64
भूषणास्त्रस्वरूपस्थं यद् एतद् अखिलं जगत् बिभर्ति भगवान् विष्णुस् तन् ममाख्यातुम् अर्हसि ॥
bhūṣaṇāstrasvarūpasthaṃ yad etad akhilaṃ jagat bibharti bhagavān viṣṇus tan mamākhyātum arhasi //
How the lord Viṣṇu bears this entire world as abiding in the form of his ornaments and weapons — that you should explain to me.
AI translation rendered from the Sanskrit, not a published edition
ViP 1 22.65
नमस् कृत्वाप्रमेयाय विष्णवे प्रभविष्णवे कथयामि यथाख्यातं वसिष्ठेन ममाभवत् ॥
namas kṛtvāprameyāya viṣṇave prabhaviṣṇave kathayāmi yathākhyātaṃ vasiṣṭhena mamābhavat //
Having made obeisance to the immeasurable Viṣṇu, the mighty and pervading, I shall tell (it) as it was told to me by Vasiṣṭha.
AI translation rendered from the Sanskrit, not a published edition
ViP 1 22.66
आत्मानम् अस्य जगतो निर्लेपम् अगुणामलम् बिभर्ति कौस्तुभमणिस्वरूपं भगवान् हरिः ॥
ātmānam asya jagato nirlepam aguṇāmalam bibharti kaustubhamaṇisvarūpaṃ bhagavān hariḥ //
The lord Hari bears the self of this world, untainted, without qualities and spotless, in the form of the Kaustubha gem.
AI translation rendered from the Sanskrit, not a published edition
ViP 1 22.67
श्रीवत्ससंस्थानधरम् अनन्ते च समाश्रितम् प्रधानं बुद्धिर् अप्य् आस्ते गदारूपेण माधवे ॥
śrīvatsasaṃsthānadharam anante ca samāśritam pradhānaṃ buddhir apy āste gadārūpeṇa mādhave //
And pradhāna, bearing the mark of the śrīvatsa, rests upon the Infinite one; and intellect too abides in Mādhava in the form of the mace.
AI translation rendered from the Sanskrit, not a published edition — the model flagged this verse as uncertain
ViP 1 22.68
भूतादिम् इन्द्रियादिं च द्विधाहंकारम् ईश्वरः बिभर्ति शङ्खरूपेण शार्ङ्गरूपेण च स्थितम् ॥
bhūtādim indriyādiṃ ca dvidhāhaṃkāram īśvaraḥ bibharti śaṅkharūpeṇa śārṅgarūpeṇa ca sthitam //
The lord bears twofold egoism — that which begins as (subtle) elements and that which begins as the senses — abiding in the form of the conch and in the form of the bow.
AI translation rendered from the Sanskrit, not a published edition
ViP 1 22.69
चलत्स्वरूपम् अत्यन्तं जवेनान्तरितानिलम् चक्रस्वरूपं च मनो धत्ते विष्णुकरे स्थितम् ॥
calatsvarūpam atyantaṃ javenāntaritānilam cakrasvarūpaṃ ca mano dhatte viṣṇukare sthitam //
And he holds the mind, whose nature is extremely mobile, surpassing the wind in speed, as the form of the discus set in Viṣṇu's hand.
AI translation rendered from the Sanskrit, not a published edition
ViP 1 22.70
पञ्चरूपा तु या माला वैजयन्ती गदाभृतः सा भूतहेतुसंघाता भूतमाला च वै द्विज ॥
pañcarūpā tu yā mālā vaijayantī gadābhṛtaḥ sā bhūtahetusaṃghātā bhūtamālā ca vai dvija //
And the Vaijayantī garland of the mace-bearer, which is of five forms, is the aggregate of the causes of the elements, the garland of the elements, O twice-born.
AI translation rendered from the Sanskrit, not a published edition
ViP 1 22.71
यानीन्द्रियाण्य् अशेषाणि बुद्धिकर्मात्मकानि वै शररूपाण्य् अशेषाणि तानि धत्ते जनार्दनः ॥
yānīndriyāṇy aśeṣāṇi buddhikarmātmakāni vai śararūpāṇy aśeṣāṇi tāni dhatte janārdanaḥ //
All the senses, whose nature is cognition and action — all of these Janārdana bears in the form of arrows.
AI translation rendered from the Sanskrit, not a published edition
ViP 1 22.72
बिभर्ति यच् चासिरत्नम् अच्युतो ऽत्यन्तनिर्मलम् विद्यामयं तु तज् ज्ञानम् अविद्याचर्मसंस्थितम् ॥
bibharti yac cāsiratnam acyuto 'tyantanirmalam vidyāmayaṃ tu taj jñānam avidyācarmasaṃsthitam //
And the excellent sword which Acyuta bears, utterly spotless, that is knowledge, consisting of wisdom, resting on the shield of ignorance.
AI translation rendered from the Sanskrit, not a published edition
ViP 1 22.73
इत्थं पुमान् प्रधानं च बुद्ध्यहंकारम् एव च भूतानि च हृषीकेशे मनः सर्वेन्द्रियाणि च विद्याविद्ये च मैत्रेय सर्वम् एतत् समाश्रितम् ॥
itthaṃ pumān pradhānaṃ ca buddhyahaṃkāram eva ca bhūtāni ca hṛṣīkeśe manaḥ sarvendriyāṇi ca vidyāvidye ca maitreya sarvam etat samāśritam //
Thus spirit and pradhāna, intellect and egoism, the elements, mind and all the senses, and knowledge and ignorance, Maitreya — all this rests in Hṛṣīkeśa.
AI translation rendered from the Sanskrit, not a published edition
ViP 1 22.74
अस्त्रभूषणसंस्थानस्वरूपं रूपवर्जितः बिभर्ति मायारूपो ऽसौ श्रेयसे प्राणिनां हरिः ॥
astrabhūṣaṇasaṃsthānasvarūpaṃ rūpavarjitaḥ bibharti māyārūpo 'sau śreyase prāṇināṃ hariḥ //
He who is devoid of form bears (them) as having the form of the arrangement of weapons and ornaments; that Hari, whose form is māyā, (does so) for the welfare of living beings.
AI translation rendered from the Sanskrit, not a published edition
ViP 1 22.75
सविकारं प्रधानं च पुमांसं चाखिलं जगत् बिभर्ति पुण्डरीकाक्षस् तद् एवं परमेश्वरः ॥
savikāraṃ pradhānaṃ ca pumāṃsaṃ cākhilaṃ jagat bibharti puṇḍarīkākṣas tad evaṃ parameśvaraḥ //
The lotus-eyed Supreme Lord thus bears the pradhāna together with its modifications, the puruṣa, and the entire world.
AI translation rendered from the Sanskrit, not a published edition
ViP 1 22.76
या विद्या या तथाविद्या यत् सद् यच् चासद् अव्यये तत् सर्वं सर्वभूतेशे मैत्रेय मधुसूदने ॥
yā vidyā yā tathāvidyā yat sad yac cāsad avyaye tat sarvaṃ sarvabhūteśe maitreya madhusūdane //
Whatever is knowledge and whatever is ignorance, what is existent and what is nonexistent — all that is in the imperishable Madhusūdana, the lord of all beings, O Maitreya.
AI translation rendered from the Sanskrit, not a published edition
ViP 1 22.77
कलाकाष्ठानिमेषादिदिनर्त्वयनहायनैः कालस्वरूपो भगवान् अपारो हरिर् अव्ययः ॥
kalākāṣṭhānimeṣādidinartvayanahāyanaiḥ kālasvarūpo bhagavān apāro harir avyayaḥ //
By kalās, kāṣṭhās, moments and the rest, by days, seasons, half-years and years, the Lord, boundless, imperishable Hari, has time for his form.
AI translation rendered from the Sanskrit, not a published edition
ViP 1 22.78
भूर्लोको ऽथ भुवर्लोकः स्वर्लोको मुनिसत्तम महर् जनस् तपः सत्यं सप्तलोकान् इमान् विभुः ॥
bhūrloko 'tha bhuvarlokaḥ svarloko munisattama mahar janas tapaḥ satyaṃ saptalokān imān vibhuḥ //
Bhūrloka, then Bhuvarloka, Svarloka, O best of sages, Mahar, Janas, Tapas and Satya — these seven worlds (are) the all-pervading one.
AI translation rendered from the Sanskrit, not a published edition
ViP 1 22.79
लोकात्ममूर्तिः सर्वेषां पूर्वेषाम् अपि पूर्वजः आधारः सर्वविद्यानां स्वयम् एव हरिः स्थितः ॥
lokātmamūrtiḥ sarveṣāṃ pūrveṣām api pūrvajaḥ ādhāraḥ sarvavidyānāṃ svayam eva hariḥ sthitaḥ //
He whose form is the self of the worlds, born before all who are prior, the support of all branches of knowledge — Hari himself stands (as these).
AI translation rendered from the Sanskrit, not a published edition
ViP 1 22.80
देवमानुषपश्वादिस्वरूपैर् बहुभिर् विभुः स्थितः सर्वेश्वरो ऽनन्तो भूतमूर्तिर् अमूर्तिमान् ॥
devamānuṣapaśvādisvarūpair bahubhir vibhuḥ sthitaḥ sarveśvaro 'nanto bhūtamūrtir amūrtimān //
The all-pervading one stands in many forms — those of gods, humans, beasts and the rest — the lord of all, endless, having the elements (or: beings) for his body, (though) himself formless.
AI translation rendered from the Sanskrit, not a published edition
ViP 1 22.81
ऋचो यजूंषि सामानि तथैवाथर्वणानि च इतिहासोपवेदाश् च वेदान्तेषु तथोक्तयः ॥
ṛco yajūṃṣi sāmāni tathaivātharvaṇāni ca itihāsopavedāś ca vedānteṣu tathoktayaḥ //
The Ṛc verses, the Yajus formulas, the Sāmans, and likewise the Atharvan texts, the Itihāsa and the Upavedas, and the pronouncements in the Vedāntas,
AI translation rendered from the Sanskrit, not a published edition
ViP 1 22.82
वेदाङ्गानि समस्तानि मन्वादिगदितानि च शास्त्राण्य् अशेषाण्य् आख्यानान्य् अनुवाकाश् च ये क्वचित् ॥
vedāṅgāni samastāni manvādigaditāni ca śāstrāṇy aśeṣāṇy ākhyānāny anuvākāś ca ye kvacit //
all the Vedāṅgas, and the śāstras declared by Manu and the others, the narratives without exception, and whatever anuvākas there are anywhere,
AI translation rendered from the Sanskrit, not a published edition
ViP 1 22.83
काव्यालापाश् च ये केचिद् गीतकान्य् अखिलानि च शब्दमूर्तिधरस्यैतद् वपुर् विष्णोर् महात्मनः ॥
kāvyālāpāś ca ye kecid gītakāny akhilāni ca śabdamūrtidharasyaitad vapur viṣṇor mahātmanaḥ //
and whatever poetic discourses there are, and all songs — this is the body of Viṣṇu, the great self, who bears the form of sound.
AI translation rendered from the Sanskrit, not a published edition
ViP 1 22.84
यानि मूर्तान्य् अमूर्तानि यान्य् अत्रान्यत्र वा क्वचित् सन्ति वै वस्तुजातानि तानि सर्वाणि तद्वपुः ॥
yāni mūrtāny amūrtāni yāny atrānyatra vā kvacit santi vai vastujātāni tāni sarvāṇi tadvapuḥ //
Whatever things with form and without form there are, here or elsewhere anywhere — all those classes of things are his body.
AI translation rendered from the Sanskrit, not a published edition
ViP 1 22.85
अहं हरिः सर्वम् इदं जनार्दनो नान्यत् ततः कारणकार्यजातम् ईदृङ् मनो यस्य न तस्य भूयो भवोद्भवा द्वन्द्वगदा भवन्ति ॥
ahaṃ hariḥ sarvam idaṃ janārdano nānyat tataḥ kāraṇakāryajātam īdṛṅ mano yasya na tasya bhūyo bhavodbhavā dvandvagadā bhavanti //
"I am Hari; all this is Janārdana; no aggregate of causes and effects is other than him" — he whose mind is such, for him the ailments of the pairs of opposites, arising from worldly existence, do not arise again.
AI translation rendered from the Sanskrit, not a published edition
ViP 1 22.86
इत्य् एष ते ऽंशः प्रथमः पुराणस्यास्य वै द्विज यथावत् कथितो यस्मिञ् श्रुते पापैर् विमुच्यते ॥
ity eṣa te 'ṃśaḥ prathamaḥ purāṇasyāsya vai dvija yathāvat kathito yasmiñ śrute pāpair vimucyate //
Thus this first part of this Purāṇa has been recounted to you as it is, O twice-born, on the hearing of which one is freed from sins.
AI translation rendered from the Sanskrit, not a published edition
ViP 1 22.87
कार्त्तिक्यां पुष्करस्नाने द्वादशाब्दे तु यत् फलम् तद् अस्य श्रवणे सर्वं मैत्रेयाप्नोति मानवः ॥
kārttikyāṃ puṣkarasnāne dvādaśābde tu yat phalam tad asya śravaṇe sarvaṃ maitreyāpnoti mānavaḥ //
Whatever fruit there is in bathing at Puṣkara on the full moon of Kārttika for twelve years, all that a man obtains, Maitreya, by hearing this.
AI translation rendered from the Sanskrit, not a published edition
ViP 1 22.88
देवर्षिपितृगन्धर्वयक्षादीनां च संभवम् भवन्ति शृण्वतः पुंसो देवाद्या वरदा मुने ॥
devarṣipitṛgandharvayakṣādīnāṃ ca saṃbhavam bhavanti śṛṇvataḥ puṃso devādyā varadā mune //
And for a man who hears the origin of the gods, sages, ancestors, gandharvas, yakṣas and the rest, the gods and the others become granters of boons, O sage.
AI translation rendered from the Sanskrit, not a published edition