Vishnu Purana — Amsha 1 — Chapter 21
ViP 1 21.1
संह्लादपुत्र आयुष्माञ् शिबिर् बाष्कल एव च विरोचनस् तु प्राह्लादिर् बलिर् जज्ञे विरोचनात् ॥
saṃhlādaputra āyuṣmāñ śibir bāṣkala eva ca virocanas tu prāhlādir balir jajñe virocanāt //
Saṃhlāda's sons were Āyuṣmān, Śibi, and Bāṣkala; but Virocana was Prahlāda's son, and Bali was born from Virocana.
AI translation rendered from the Sanskrit, not a published edition
ViP 1 21.2
बलेः पुत्रशतं त्व् आसीद् बाणज्येष्ठं महामुने हिरण्याक्षसुताश् चासन् सर्व एव महाबलाः ॥
baleḥ putraśataṃ tv āsīd bāṇajyeṣṭhaṃ mahāmune hiraṇyākṣasutāś cāsan sarva eva mahābalāḥ //
Bali had a hundred sons, of whom Bāṇa was the eldest, O great sage; and there were the sons of Hiraṇyākṣa, all of them of great strength:
AI translation rendered from the Sanskrit, not a published edition
ViP 1 21.3
झर्झरः शकुनिश् चैव भूतसंतापनस् तथा महानाभो महाबाहुः कालनाभस् तथापरः ॥
jharjharaḥ śakuniś caiva bhūtasaṃtāpanas tathā mahānābho mahābāhuḥ kālanābhas tathāparaḥ //
Jharjhara, and Śakuni, and Bhūtasaṃtāpana, Mahānābha, Mahābāhu, and another, Kālanābha.
AI translation rendered from the Sanskrit, not a published edition
ViP 1 21.4
अभवन् दनुपुत्राश् च द्विमूर्धा शंकरस् तथा अयोमुखः शङ्कुशिराः कपिलः शम्बरस् तथा ॥
abhavan danuputrāś ca dvimūrdhā śaṃkaras tathā ayomukhaḥ śaṅkuśirāḥ kapilaḥ śambaras tathā //
And there were the sons of Danu: Dvimūrdhā, and Śaṃkara, Ayomukha, Śaṅkuśirā, Kapila, and Śambara,
AI translation rendered from the Sanskrit, not a published edition
ViP 1 21.5
एकचक्रो महाबाहुस् तारकश् च महाबलः स्वर्भानुर् वृषपर्वा च पुलोमा च महाबलः ॥
ekacakro mahābāhus tārakaś ca mahābalaḥ svarbhānur vṛṣaparvā ca pulomā ca mahābalaḥ //
Ekacakra, Mahābāhu, and Tāraka of great strength, Svarbhānu, and Vṛṣaparvā, and Pulomā of great strength.
AI translation rendered from the Sanskrit, not a published edition
ViP 1 21.6
एते दनोः सुताः ख्याता विप्रचित्तिश् च वीर्यवान् ॥
ete danoḥ sutāḥ khyātā vipracittiś ca vīryavān //
These are known as the sons of Danu, and Vipracitti, the valorous.
AI translation rendered from the Sanskrit, not a published edition
ViP 1 21.7
स्वर्भानोस् तु प्रभा कन्या शर्मिष्ठा वार्षपर्वणी उपदानवी हयशिराः प्रख्याता वरकन्यकाः ॥
svarbhānos tu prabhā kanyā śarmiṣṭhā vārṣaparvaṇī upadānavī hayaśirāḥ prakhyātā varakanyakāḥ //
Svarbhānu's daughter was Prabhā; Śarmiṣṭhā was Vṛṣaparvā's daughter; Upadānavī and Hayaśirā were renowned as excellent maidens.
AI translation rendered from the Sanskrit, not a published edition
ViP 1 21.8
वैश्वानरसुते चोभे पुलोमा कालका तथा उभे ते तु महाभागे मारीचेस् तु परिग्रहः ॥
vaiśvānarasute cobhe pulomā kālakā tathā ubhe te tu mahābhāge mārīces tu parigrahaḥ //
Both the daughters of Vaiśvānara were Pulomā and Kālakā; and those two of great fortune were the wives of Marīca's son (Kaśyapa).
AI translation rendered from the Sanskrit, not a published edition
ViP 1 21.9
ताभ्यां पुत्रसहस्राणि षष्टिर् दानवसत्तमाः पौलोमाः कालकेयाश् च मारीचतनयाः स्मृताः ॥
tābhyāṃ putrasahasrāṇi ṣaṣṭir dānavasattamāḥ paulomāḥ kālakeyāś ca mārīcatanayāḥ smṛtāḥ //
By those two there were sixty thousand sons, the best of Dānavas; the Paulomas and the Kālakeyas are recorded as the offspring of Marīca's son.
AI translation rendered from the Sanskrit, not a published edition
ViP 1 21.10
ततो ऽपरे महावीर्या दारुणास् त्व् अतिनिर्घृणाः सिंहिकायाम् अथोत्पन्ना विप्रचित्तेः सुतास् तथा ॥
tato 'pare mahāvīryā dāruṇās tv atinirghṛṇāḥ siṃhikāyām athotpannā vipracitteḥ sutās tathā //
Then others, of great valor, terrible and utterly merciless, were born of Siṃhikā, and likewise the sons of Vipracitti:
AI translation rendered from the Sanskrit, not a published edition
ViP 1 21.11
त्र्यंशः शल्यश् च बलवान् नभश् चैव महाबलः वातापिर् नमुचिश् चैव इल्वलः खसृमस् तथा ॥
tryaṃśaḥ śalyaś ca balavān nabhaś caiva mahābalaḥ vātāpir namuciś caiva ilvalaḥ khasṛmas tathā //
Tryaṃśa, and the powerful Śalya, and Nabha of great strength, Vātāpi, and Namuci, Ilvala, and Khasṛma,
AI translation rendered from the Sanskrit, not a published edition
ViP 1 21.12
अन्धको नरकश् चैव कालनाभस् तथैव च स्वर्भानुश् च महावीर्यो वक्त्रयोधी महासुरः ॥
andhako narakaś caiva kālanābhas tathaiva ca svarbhānuś ca mahāvīryo vaktrayodhī mahāsuraḥ //
Andhaka, and Naraka, and likewise Kālanābha, and Svarbhānu of great valor, and the great Asura Vaktrayodhī.
AI translation rendered from the Sanskrit, not a published edition
ViP 1 21.13
एते वै दानवश्रेष्ठा दनुवंशविवर्धनाः एतेषां पुत्रपौत्राश् च शतशो ऽथ सहस्रशः ॥
ete vai dānavaśreṣṭhā danuvaṃśavivardhanāḥ eteṣāṃ putrapautrāś ca śataśo 'tha sahasraśaḥ //
These indeed were the foremost of the Dānavas, the increasers of Danu's lineage; and their sons and grandsons were by hundreds and by thousands.
AI translation rendered from the Sanskrit, not a published edition
ViP 1 21.14
प्रह्लादस्य तु दैत्यस्य निवातकवचाः कुले समुत्पन्नाः सुमहता तपसा भावितात्मनः ॥
prahlādasya tu daityasya nivātakavacāḥ kule samutpannāḥ sumahatā tapasā bhāvitātmanaḥ //
But in the lineage of the Daitya Prahlāda were born the Nivātakavacas, whose selves were purified by very great austerity.
AI translation rendered from the Sanskrit, not a published edition
ViP 1 21.15
षट् सुताः सुमहासत्त्वास् ताम्रायाः परिकीर्तिताः शुकी श्येनी च भासी च सुग्रीवी शुचिगृध्रिका ॥
ṣaṭ sutāḥ sumahāsattvās tāmrāyāḥ parikīrtitāḥ śukī śyenī ca bhāsī ca sugrīvī śucigṛdhrikā //
Six daughters of Tāmrā, of very great strength, are proclaimed: Śukī, Śyenī, Bhāsī, Sugrīvī, Śuci, and Gṛdhrikā.
AI translation rendered from the Sanskrit, not a published edition
ViP 1 21.16
शुकी शुकान् अजनयद् उलूकी प्रत्युलूककान् श्येनी श्येनांस् तथा भासी भासान् गृद्ध्रांश् च गृद्ध्र्य् अपि ॥
śukī śukān ajanayad ulūkī pratyulūkakān śyenī śyenāṃs tathā bhāsī bhāsān gṛddhrāṃś ca gṛddhry api //
Śukī gave birth to parrots, Ulūkī to owls of the pratyulūka kind, Śyenī to hawks, Bhāsī to bhāsa birds, and Gṛdhrī to vultures.
AI translation rendered from the Sanskrit, not a published edition
ViP 1 21.17
शुच्य् औदकान् पक्षिगणान् सुग्रीवी तु व्यजायत अश्वान् उष्ट्रान् गर्दभांश् च ताम्रावंशाः प्रकीर्तिताः ॥
śucy audakān pakṣigaṇān sugrīvī tu vyajāyata aśvān uṣṭrān gardabhāṃś ca tāmrāvaṃśāḥ prakīrtitāḥ //
Śuci brought forth the flocks of water birds, and Sugrīvī horses, camels, and donkeys: these are declared the lines of Tāmrā.
AI translation rendered from the Sanskrit, not a published edition
ViP 1 21.18
विनतायास् तु द्वौ पुत्रौ विख्यातौ गरुडारुणौ सुपर्णः पततां श्रेष्ठो दारुणः पन्नगाशनः ॥
vinatāyās tu dvau putrau vikhyātau garuḍāruṇau suparṇaḥ patatāṃ śreṣṭho dāruṇaḥ pannagāśanaḥ //
Vinatā had two well-known sons, Garuḍa and Aruṇa; the fair-winged one, best of fliers, was terrible, a devourer of serpents.
AI translation rendered from the Sanskrit, not a published edition
ViP 1 21.19
सुरसायाः सहस्रं तु सर्पाणाम् अमितौजसाम् अनेकशिरसां ब्रह्मन् खेचराणां महात्मनाम् ॥
surasāyāḥ sahasraṃ tu sarpāṇām amitaujasām anekaśirasāṃ brahman khecarāṇāṃ mahātmanām //
But of Surasā (there were) a thousand serpents of measureless might, many-headed, moving through the sky, O brahman, great-souled ones.
AI translation rendered from the Sanskrit, not a published edition
ViP 1 21.20
काद्रवेयास् तु बलिनः सहस्रम् अमितौजसः सुपर्णवशगा ब्रह्मञ् जज्ञिरे नैकमस्तकाः ॥
kādraveyās tu balinaḥ sahasram amitaujasaḥ suparṇavaśagā brahmañ jajñire naikamastakāḥ //
And the sons of Kadru, strong and of measureless might, a thousand, subject to the power of the fair-winged one (Garuḍa), were born with more than one head, O brahman.
AI translation rendered from the Sanskrit, not a published edition
ViP 1 21.21
तेषां प्रधानभूतास् ते शेषवासुकितक्षकाः शङ्खश्वेतो महापद्मः कम्बलाश्वतराव् उभौ ॥
teṣāṃ pradhānabhūtās te śeṣavāsukitakṣakāḥ śaṅkhaśveto mahāpadmaḥ kambalāśvatarāv ubhau //
Foremost among them were these: Śeṣa, Vāsuki, Takṣaka, Śaṅkha, Śveta, Mahāpadma, and the two, Kambala and Aśvatara,
AI translation rendered from the Sanskrit, not a published edition
ViP 1 21.22
एलापुत्रस् तथा नागः कर्कोटकधनंजयौ एते चान्ये च बहवो दन्दशूका विषोल्बणाः ॥
elāputras tathā nāgaḥ karkoṭakadhanaṃjayau ete cānye ca bahavo dandaśūkā viṣolbaṇāḥ //
likewise the nāga Elāputra, and Karkoṭaka and Dhanaṃjaya; these and many others are biting creatures with abundant venom.
AI translation rendered from the Sanskrit, not a published edition
ViP 1 21.23
गणं क्रोधवशं विद्धि ते च सर्वे च दंष्ट्रिणः स्थलजाः पक्षिणो ऽब्जाश् च दारुणाः पिशिताशनाः ॥
gaṇaṃ krodhavaśaṃ viddhi te ca sarve ca daṃṣṭriṇaḥ sthalajāḥ pakṣiṇo 'bjāś ca dāruṇāḥ piśitāśanāḥ //
Know the host (born) of Krodhavaśā: all of these are fanged, land-born, winged, and water-born, terrible eaters of flesh.
AI translation rendered from the Sanskrit, not a published edition
ViP 1 21.24
गास् तु वै जनयाम् आस सुरभिर् महिषीस् तथा इरावृक्षलतावल्लीस् तृणजातीश् च सर्वशः ॥
gās tu vai janayām āsa surabhir mahiṣīs tathā irāvṛkṣalatāvallīs tṛṇajātīś ca sarvaśaḥ //
Surabhi brought forth cows and likewise buffaloes; Irā (brought forth) trees, creepers, vines, and all the kinds of grasses.
AI translation rendered from the Sanskrit, not a published edition
ViP 1 21.25
खषा तु यक्षरक्षांसि मुनिर् अप्सरसस् तथा अरिष्टा तु महासत्त्वान् गन्धर्वान् समजीजनत् ॥
khaṣā tu yakṣarakṣāṃsi munir apsarasas tathā ariṣṭā tu mahāsattvān gandharvān samajījanat //
Khaṣā (brought forth) the yakṣas and rākṣasas, Muni the apsarases, and Ariṣṭā begot the gandharvas of great strength.
AI translation rendered from the Sanskrit, not a published edition
ViP 1 21.26
एते कश्यपदायादाः कीर्तिताः स्थाणुजङ्गमाः तेषां पुत्राश् च पौत्राश् च शतशो ऽथ सहस्रशः ॥
ete kaśyapadāyādāḥ kīrtitāḥ sthāṇujaṅgamāḥ teṣāṃ putrāś ca pautrāś ca śataśo 'tha sahasraśaḥ //
These are proclaimed the offspring of Kaśyapa, both stationary and moving; and their sons and grandsons are by the hundreds and thousands.
AI translation rendered from the Sanskrit, not a published edition
ViP 1 21.27
एष मन्वन्तरे सर्गो ब्रह्मन् स्वारोचिषे स्मृतः वैवस्वते च महति वारुणे वितते क्रतौ ॥
eṣa manvantare sargo brahman svārociṣe smṛtaḥ vaivasvate ca mahati vāruṇe vitate kratau //
This creation, O brahman, is recorded as belonging to the Svārociṣa manvantara; and in the Vaivasvata (manvantara), at the great Vāruṇa rite when it was extended,
AI translation rendered from the Sanskrit, not a published edition — the model flagged this verse as uncertain
ViP 1 21.28
जुह्वानस्य ब्रह्मणो वै प्रजासर्ग इहोच्यते पूर्वं यत्र तु सप्तर्षीन् उत्पन्नान् सप्त मानसान् ॥
juhvānasya brahmaṇo vai prajāsarga ihocyate pūrvaṃ yatra tu saptarṣīn utpannān sapta mānasān //
the creation of the creatures of Brahmā as he was offering the oblation is told here; wherein formerly the seven seers, arisen as the seven mind-born ones,
AI translation rendered from the Sanskrit, not a published edition — the model flagged this verse as uncertain
ViP 1 21.29
पुत्रत्वे कल्पयाम् आस स्वयम् एव पितामहः गन्धर्वभोगिदेवानां दानवानां च सत्तम ॥
putratve kalpayām āsa svayam eva pitāmahaḥ gandharvabhogidevānāṃ dānavānāṃ ca sattama //
the Grandfather himself appointed to the status of sons—of the gandharvas, the snakes, the gods, and the dānavas, O best of beings.
AI translation rendered from the Sanskrit, not a published edition — the model flagged this verse as uncertain
ViP 1 21.30
दितिर् विनष्टपुत्रा वै तोषयाम् आस कश्यपम् तया चाराधितः सम्यक् कश्यपस् तपतां वरः ॥
ditir vinaṣṭaputrā vai toṣayām āsa kaśyapam tayā cārādhitaḥ samyak kaśyapas tapatāṃ varaḥ //
Diti, her sons destroyed, propitiated Kaśyapa; and Kaśyapa, best of the ascetics, being duly served by her,
AI translation rendered from the Sanskrit, not a published edition
ViP 1 21.31
वरेण छन्दयाम् आस सा च वव्रे ततो वरम् पुत्रम् इन्द्रवधार्थाय समर्थम् अमितौजसम् ॥
vareṇa chandayām āsa sā ca vavre tato varam putram indravadhārthāya samartham amitaujasam //
offered her (the choice of) a boon; and she thereupon chose as her boon a son able to slay Indra, of measureless might.
AI translation rendered from the Sanskrit, not a published edition
ViP 1 21.32
स च तस्यै वरं प्रादाद् भार्यायै मुनिसत्तमः दत्त्वा च वरम् अव्यग्रः कश्यपस् ताम् उवाच ह ॥
sa ca tasyai varaṃ prādād bhāryāyai munisattamaḥ dattvā ca varam avyagraḥ kaśyapas tām uvāca ha //
And that best of sages granted his wife that boon; and having granted the boon, Kaśyapa, undisturbed, said to her:
AI translation rendered from the Sanskrit, not a published edition
ViP 1 21.34
इत्य् एवम् उक्त्वा तां देवीं स गतः कश्यपो मुनिः दधार सा च तं गर्भं सम्यक् छौचसमन्विता ॥
ity evam uktvā tāṃ devīṃ sa gataḥ kaśyapo muniḥ dadhāra sā ca taṃ garbhaṃ samyak chaucasamanvitā //
Having spoken thus to that lady, the sage Kaśyapa departed; and she, duly observing purity, carried that embryo.
AI translation rendered from the Sanskrit, not a published edition
ViP 1 21.35
गर्भम् आत्मवधार्थाय ज्ञात्वा तं मघवान् अपि शुश्रूषुस् ताम् अथागच्छद् विनयाद् अमराधिपः ॥
garbham ātmavadhārthāya jñātvā taṃ maghavān api śuśrūṣus tām athāgacchad vinayād amarādhipaḥ //
Knowing that embryo to be for his own destruction, Maghavan, the lord of the immortals, then came to her humbly, wishing to wait upon her.
AI translation rendered from the Sanskrit, not a published edition
ViP 1 21.36
तस्याश् चैवान्तरप्रेप्सुर् अतिष्ठत् पाकशासनः ऊने वर्षशते चास्या ददर्शान्तरम् आत्मवान् ॥
tasyāś caivāntaraprepsur atiṣṭhat pākaśāsanaḥ ūne varṣaśate cāsyā dadarśāntaram ātmavān //
And the chastiser of Pāka remained (there), seeking an opening in her; and when a hundred years were not yet complete, the self-possessed one saw an opening in her.
AI translation rendered from the Sanskrit, not a published edition
ViP 1 21.37
अकृत्वा पादयोः शौचं दितिः शयनम् आविशत् निद्राम् आहारयाम् आस तस्याः कुक्षिं प्रविश्य सः ॥
akṛtvā pādayoḥ śaucaṃ ditiḥ śayanam āviśat nidrām āhārayām āsa tasyāḥ kukṣiṃ praviśya saḥ //
Without performing the washing of her feet, Diti lay down on the bed; sleep took hold of her, and he entered her womb.
AI translation rendered from the Sanskrit, not a published edition
ViP 1 21.38
वज्रपाणिर् महागर्भं तं चिच्छेदाथ सप्तधा स पाट्यमानो वज्रेण प्ररुरोदातिदारुणम् ॥
vajrapāṇir mahāgarbhaṃ taṃ cicchedātha saptadhā sa pāṭyamāno vajreṇa prarurodātidāruṇam //
The one with the thunderbolt in his hand then cut that great embryo into seven; being split apart by the thunderbolt, it cried out most dreadfully.
AI translation rendered from the Sanskrit, not a published edition
ViP 1 21.39
मा रोदीर् इति तं शक्रः पुनः पुनर् अभाषत सो ऽभवत् सप्तधा गर्भस् तम् इन्द्रः कुपितः पुनः ॥
mā rodīr iti taṃ śakraḥ punaḥ punar abhāṣata so 'bhavat saptadhā garbhas tam indraḥ kupitaḥ punaḥ //
"Do not cry (mā rodīḥ)," Śakra said to it again and again; the embryo became sevenfold, and Indra, angered, again
AI translation rendered from the Sanskrit, not a published edition
ViP 1 21.40
एकैकं सप्तधा चक्रे वज्रेणारिविदारिणा मरुतो नाम देवास् ते बभूवुर् अतिवेगिनः ॥
ekaikaṃ saptadhā cakre vajreṇārividāriṇā maruto nāma devās te babhūvur ativeginaḥ //
made each single one sevenfold with the enemy-cleaving thunderbolt; those gods came to be named Maruts, exceedingly swift.
AI translation rendered from the Sanskrit, not a published edition
ViP 1 21.41
यद् उक्तं वै मघवता तेनैव मरुतो ऽभवन् देवा एकोनपञ्चाशत् सहाया वज्रपाणिनः ॥
yad uktaṃ vai maghavatā tenaiva maruto 'bhavan devā ekonapañcāśat sahāyā vajrapāṇinaḥ //
By that very (word) which was spoken by Maghavan they became Maruts, gods forty-nine in number, the helpers of the thunderbolt-bearer.
AI translation rendered from the Sanskrit, not a published edition